خروف

[kamel]

خروف ماشى ينظر إليا
واللى ماسكة معندوش حنية
يسحب ويشد بكل اّسية
والخروف مشلش نظرة من عليا
بدة يقول الرحمة ياأنسانية
أنا مش خايف من الدبيحة
أنا صعبان عليا من اللى بيتعمل فيا
أنا مقدم نفسى لقمة هنية
بعد ماقدمت نفسى فدية
وانتوا لسة بتهينوا فية
-----
والجزار فرحان عشان العيدية
والعيال بتنط ورايحة جاية
وصاحب البيت مغرق الشارع مية
وف نص الشارع ناصب الميزان ع الطباية
والمحتاج وغيرة واقف يتفرج عليا
قال.. أية مستنى حتة طرية
والجو برد والناس لسة مستنية
واللحمة تغيرت من الأتربة اللى هية
ياناس أتحضروا زى العالم من حوليا
البيئة بتصرخ من أعمالكم الغير حضارية
حتى الرحمة... بقيت غير مستخبية.!!!
وكل أعمالك.. للدنيا.. مش عطية.!!

[عماد حسنى]

حلوه اوى اوى
بس مين يقدر ويعمل
ربنا معاك ويباركك

[Team Work®]

الله على الكلمات حلوة قوى اشكرك جدا جدا

[جاسيكا]

جميلة وجاية بجد فى وقتها
ههههههههههههه
ميرسى كتير استاذ كامل

[bisho03]

هو فعلا اصعب مافى الموضوع اللى بيتعمل فى الخروف ولا البقرة ولا ايا كان قبل مايندبح
ضرب وزفه وعيال بتضرب فيه وكأنه مرتكب جريمه
ربنا يهدى ويعلم التحضر للى كان عندهم حضارة

[kamel]

حلوه اوى اوى

بس مين يقدر ويعمل

ربنا معاك ويباركك

صدقنى كل يوم نشرح للناس حولية
حتى لاتحسب عليا خطية
أسعدنى مرورك ياغالى

الرب مع الجميع

[kamel]

الله على الكلمات حلوة قوى اشكرك جدا جدا
أجمل مافى الموضوع
أن مرورك أسعدنى
الرب يباركك ويكون مع الجميع

[kamel]

جميلة وجاية بجد فى وقتها
ههههههههههههه
ميرسى كتير استاذ كامل
بجد ياأستاذة أمبارح كانت مجزرة
بكل وضوح
هههههههههههههه
أسعدنى مرورك
الرب يباركك ويكون مع الجميع

[kamel]

هو فعلا اصعب مافى الموضوع اللى بيتعمل فى الخروف ولا البقرة ولا ايا كان قبل مايندبح

ضرب وزفه وعيال بتضرب فيه وكأنه مرتكب جريمه

ربنا يهدى ويعلم التحضر للى كان عندهم حضارة

وكلة ولا منظر الجزار الله يسامحة
ماسك السكينة وكأن الدبيحة لاقلب لها
الرب يباركك ويكون مع الجميع

[Team Work®]

لتانى مرة برد مجمال الكامت اشكرك عليها

[Team Work®]

اية النظام كلوا تمام