مين بيفكر يخدم مين ؟

[bisho03]

قبل اى كلمة ف الموضوع هفهمكم انا ليه كتبت ده
زمان ماكنش حد يعرف مين هما اخوة الرب نظرا لحساسية الموضوع والكلام ده كان بيتم فى السر وماحدش يعرف مين محتاج
دلوقتى العكس تماما بنلاقيهم مستنيين الخدام على باب الكنيسه عشان مثلا يديهم هدوم العيد
اه فيه ناس مش معروفين وبتروحلوهم احتاجاتهم لحد البيت
طب والتانيين ؟؟
هما مش بنى أدمين ؟؟
وعشان كده كتبت كده واللى يضيع لاجل احتياجات
واظن ان المفروض تفهموا يعنى ايه يضيع


لما الدنيا بتققف ضدك ومافيش ولا ايد تيجى تساندك
تجرى .. .. تجرى لحضن كنيسه تضمك . . تضطر تخبط ع الباب ! !
واللى بيفتح يسأل عنك ايه اصلك ...؟ ايه اصلك وحكاية فصلك ؟ ؟
واما تجاوبه يقولك انك مش محتاج منى لترحاب
يبدأ قلبك يفرح
يبدأ قلبك يفرح اصلك وقت الضيق فيه ايد هتساعدك
فجأه تلاقى نفسك وحدك . . . كل كلامهم فى النور داب
بين الناس بتلف عشان .. تلقى ولو كلمة احسان
قلبك يبقى ذليل متهان وتحس بكسرة وعذاب
تسأل
تسأل هو يسوع راح فين ؟؟
جوه فى بيته الناس ظالمين
اللى ميعرفوهوش مرفوض او يدوله بشكل مهين
واللى يضيع لاجل احتياجات ناس بتقول اهو كلب ومات !!
بس ده ضاع
بس ده ضاع لاجل اختلافات ان كان صادق ولا لئيم ؟؟؟
فى الدينونه ده جساب مين ؟؟؟ مين بيفكر يخدم مين ؟؟؟
اللى بيخدم رب البيت وحده فى قلبه هيبقى أمين
واللى بيخدم بيت الرب
ييجى حسابه وهيكون صعب . . . جاوب
جاوب قول كان فين القلب يوم ما صرخت فى طلبه آمين ؟ ؟

اللى بشوفه فى قلب كنيسته يبكى عشانه القلب دموع
انسان شغله الشاغل يدى أوامر صح وده ممنوع
والمحتاج بيلف وراه شايل هم كبير جوه
واللى كرامته تكون منعاه أكرمله انه يموت م الجوع

[عماد حسنى]

موضوع بجد رائع
يا بيشو
لك كل شكرى وتقديرى واحترامى
ربنا يباركك ويكون معاك
ونشوف منك الروائع ده على طول

[bisho03]

مرسى عمده وربنا يخليك يارب وشكرا قوى على الرد الرقيق

[جاسيكا]

ميرسى يا بيشو كتير
وبجد انت معبر كويس باحساسك جميلة قوى
ربنا معاك ويوفئك

[Team Work®]

جميل قوى يا بيشو وشعور فوق الرائع بجد

شكرا ليك وربنا يفرح قلبك امين

[bisho03]

مرسى ليك ياهيما ومرسى ليكى برضه يا جيسيكا ويارب اعرف اوصل الرساله

[kamel]

الرب يباركك ياغالى موضوع فى منتهى الأهمية
والرب يجعلنا عاملين فى سكون مع أخوتنا لأنهم أخوة الرب
يدعون
ولنتأمل ساكبة الطيب
الجميع فى هرج ومرق ودعاء
راحت تدهن أرجل سيدى وهى سمحاء
ومسحت أرجل سيدى بشعر رأسها برفقاء
وكأن المنزل خلاء
الرب مع الجميع

[bisho03]

مرسى كامل على اهتمامك وردك
ويارب اكون وصلت رساله

[soly_777]

الموضوع جامد قوى والحقيقة هو مش محتاج رد قد ماهو محتاج تنفيذ

[bisho03]

صحيح سولى بس برضه هيتبى نفس السؤال
مين بيفكر يخدم مين؟؟

[soly_777]

انا عندى رأى كلنا محتاجين ومش معنى ان انسان عندة كل حاجة يبقى مش محتاج يتخدم دة يمكن يكون اكتر واحد محتاج يتخدم كلنا نخدم بعض من باب المحبة مفيش حد محتاج للخدمة وحد لا

[bisho03]

ماشى انتى صح كل الناس محتاجه تتخدم
بما فيهم الخادم
بس مين اللى هيخدم الخادم ؟؟؟ المخدوم ؟؟؟
اللى بيخدم بيخدم عشان بس يوصل رسالته
واللى مش قد الخدمه مايخدمش لانها هتبقى دينونه فى رقبته
لان الختدم علامه
ولو نقطة تراب جات ع العلامه
مش لوحده هيتلام عليه

[St Mary]

موضوع جامد جدا ميرسى كتييييييييييير

[bisho03]

العفو
St Mary
وشكرا على ردك واهتمامك