كل يوم نلقى المشاكل

[bisho03]

دى ترنيمه من شغلى تم تلحينها وتوزيعها وقريب جدا هبقى انزلها على المنتدى باسم كورال افا موسى

1- كل يوم نلقى المشاكل فوق كتافنا تزيد تزيد
واللى جاى واللى فاضل زى قبله مافيش جديد
واما نغرق من حمولنا واما نبقى كتير تعبنا
نبتدى نرسم مصيرنا ... بالــــــــهـــــروب

قرار

الهروب مش طوق نجاه الهروب مش ده الامان
المسيح يعنى الحياة والحياة وياه ضمان


2- شئ عجيب ان احنا نهرب نبنى حوالينا الحيطان
واما من مشاكلنا نتعب نرمى ع الرب الملام
فين يسوع جوه حياتك ؟ حبه هيدوب اهاتك
رحله وارمى عن كتافك الحمـــــــول

اوعى تهرب من حياتك اوعى تنسى طوق نجاتك
وسط بحر من المتاعب المسيح يهدى القلوب

[kamel]

الرب يباركك ياغالى جميلة جدا ورائعة الرب يبارك حياتك الروحية
الرب مع الجميع

[bisho03]

مرسى كامل على مرورك وكلامك الجميل
وربنا يخليك يارب ونشوف منك الشغل المتميز دايما

[عماد حسنى]

حلوه اوى اوى اوى يا
بيشو
عايزين نسمعها قريب يا جميل

[bisho03]

باذن ربنا يا عماد هنزلها قريب بس توصلنى لانها من زمان موجوده بس مش معايا
ويارب يعجبكم كمان لحنها وتوزيعها واداء الكورال انا لسه مسمعتهاش

[Team Work®]

الله كلمتها حلوة قوى قوى

شكرا ليك ولمتابعتك الحلوة دى

واتمنى من رب المجد ان يعطيك نعمة وبركة الى الابد امين

[imported_جولى]

الله حقيقى جميله جدا جداجدا ربنا يبارك حياتك

[bisho03]

مرسى جولى وربنا يبارك حياتك انتى كمان
وتبقى مافهاش مشاكل