قول رايك متعديش و تمشى______ يلا خش

[marmarina]

:D6:
عاوزة راييكم فى حاجة مهمة اكيد بتحصل معانا كلنا

ساعات فى تعاملنا مع بعض ولاد و بنات من كتر ما واخدين على بعض
و من كتر ما بقينا شبه اخوات
البنت بتنسى ان ده ولد والولد بينسى ان ديه بنت
انا قصدى فى الهزار و اللعب
(بس فى حدود اللياقة طبعا )

ايه رايكم فى كدة ده غلط ولا صح
هل لازم للبرائة فى المعاملة يبقى ليها حدود
ولا ما دمنا اخوات يبقى مفيش حدود

[Team Work®]

لازم يكون فى حدود لازم اخوات اة وبراة اة وبنحب بعض اة لكن لازم يكون فى حدود علشان مش نسير اللى حوالينا او نلفت نظر حد مش يعرفنا ويقول كلام مش حلو فى حق اخواتنا

واتمنى اسمع راي الناس علشان انا اكمل

[@ حبيب مار جرجس @]

سلام الرب يسوع المسيح له المجد يكون مع الكل .
عندك حق يا هيما اخوات اه والأخ طبعا بيخاف علي اختو من اي
شيئ يسئ ايليها فبذالك لازم يحط حدود للتعامل

[اللة يرعانى]

لازم يبقى فى حدود فى الهزار ومتنساش انهاب بنت الكلام هيبقى اكتر من الولد وشكرا

[marmarina]

مرسى ليكم كتير يا جماعه
ربنا يعوضكم

[beshoy]

يوجد صداقات قوية جدا

ممكن يحدث مزاح ملموس

باطار محترم

انا لا اشجعه


انا اشجع المزاح اللفظى

اللائق


يوجد بنات لا تشجع حتى الحديث مع الاولاد


واولاد تهرب من الحديث مع البنات


تختلف


انا الشجع الصداقات باطار محترم


حتى تختلف وجهات نظر بين الجنسين


يجب وجود صداقة


مثال


الولد يريد معرفة وجه نظر البنت فى موضوع سياسى

يسالها

ويعرف رايها

اتمنى الا اكون اثقلت عليكم


شكرا

صلوا من اجل الكينج

[marmarina]

مرسى ليك يا كينج وعلى رذك الجميل ده
ربنل يعوض تعب محبتك

[مرموره]

اه اخوات و متعودين علىبعض
بس الهزار ليه حدود البنت بتحطها قبل الولد
حتى الاخوات نفسهم مش بيهزروا للدرجه ديه
اش حال بقى الناس العديه الاصحاب
ميرسى بجد على الموضوع الرائع ده

[جوسى]

اكيد طبعا الهزار بين الولد و البنت ليه حدود و فى ناس بتستخدم كلمه اخت لغرض وحش و اهى اسمها اخته
لازم البنت تحط حدود للولد و الولد كمان يحط حدود للبنت فى التعامل عشان نحترم بعض اكتر و اللى يشوفنا بردو يحترمنا و مش يتكلم علينا كلام مش كويس زى ما قال هيما مش نلفت نظر حد و يظن فينا ظن مش كويس
و انا اشكرك جدا على الموضوع الحلو ده و يارب تقدموا كل جديد و مفيد

[marmarina]

مرسى ليكى جوسى انتى ومرموره على مشاركتكم
ربنا يعوض تعب محبتكم

[توتة]

موضوع فعلا جميل جدا

انا مع كل اللى قال ان لازم يكون فى حدود فى التعامل والهزار

عشان منكنش عثرة للاخرين ولا حتى لنفسنا

[marmarina]

مرسى ليكى يا حبيبى
ربنا يعوض تعب محبتك

[melanora]

في راي ان لكل شي حدود
وميرسي اوي علي الموضوع

[كراكيب]

بصي يا (اللي مبعرفش انطق اسمك) اولا مش كل الي بيظهره الانسان بيبقي صح يعني ممكن حضرتك تبقي فاكرة اننا اخوات وانا فاكر حاجة غير كدة خالص وطبعا لانك فكراني اخوكي هتعامليني بمحبة وطبعا لاني بعاملك علي اساس تاني خالص هفهمك بطريقة مختلفة خالص وعامة انا برفض الهزار الزائد وبصراحة بشوف عندي في الجامعة وبالتحديد في دقة للي في جامعة القاهرة مناظر لاتليق باولاد الله والاخوة المسلمين بيتقولوا علينا وبصراحة ليهم حق احنا نسينا (يروا اعمالكم الحسنة فيمجدوا اباكم الذي في السموات) لكن طبعا في ناس محترمة جدا وجدعان جدا جدا جدا وبيمجوا الله

[اسامه]

انا شايف ان الهزار اللى لا يسيىء للبنت او الولد او يجعلهم محل انتقاد من احد يكون عادى بس فى حدود انهم اخوات ربنا يباركك

[مارينا ذكى]

ايوه طبعا لازم يكون فى حدود بين الولد والبنت ولو فى هزاريكون بالكلام بس وشكرا على الموضوع الحلو ده وربنا يعوض تعبكمhttp://our_father

[miso]

بصى هو الردود قالو المفيد فى هزار اوك مقولناش حاجة
بس فى هزار زايد عن اللزوم اللى هو كل كلمة مد ايد وكدة
لا هزار اوكى بس بادب لكن هزار الايد ده لالالالالالالالالا
انا عن نفسى مش بحبه.

[bentelmalek]

لازم طبعا يكون فى حدود فى التعامل مهما كانت قوة العلاقة بينهم حتى لو هما بيعتبروا نفسهم اكتر من اخوات اعتقد كل واحد لازم يحط حدود للتعامل سواة كان ولد اوبنت دة زيادة احترام بينهم وكمان لعدم التعرض الى اى انتقاض من الناس ميرسى ليكى كتييييييير على موضوعك جميل جدااااا

[kemo]

الموضوع أمره سهل لازم تحط حدود علشان من غير الحدود الموضوع مش هيبقى أخوات .

[piroocool]

لا زم طبعا يكون فى حدود وبا لذا ت من جهة الواد لا ن البنت بتبقى حساسة فاذا كانت لا محدودة اكيد اوممكن الواد يتكلم فى كلا م كبير او خا ص ويجرح مشا عرها
لكن لازم يبقى لكل واحد حدود وميعدها شس ولا ايه رايكوا

......وشكرااااااااااااا.....رب� �ا يعوضك على الموضوع الجامد ده........

[zaza2006]

اخوات ماشى واصحاب ماشى لكن لازم يكون فى حدود وطبعا الاخ لازم يحافظ على اخته وميخليش حد يتكلم عليها وهى كمان المفروض متسمحش لحد يتكلم عليها

[شمعة]

انا بحب كلمة بتقول (البراءة الزيادة زى عدم لاحترام )
اقولك ازاى يعنى بنت بتمد ايدة على شاب الى هى بتعبرة اخوة
قدام الناس اية قلة لادب دة صح
وساعات كتير احنا نفس بنقول الكلمة دة
العقل مطلوب وصداقة الجنسين فى حدود
يعنى اهرج بالكلام وفى حدود فى نطاق الكلية وصداقة العمل
لكن صدقينى االولد نفسة يقول اية دة وساعات يقول بلاش تهريح بايد
حبيبتى العقل مطلوب والحدود فى كل شى كل شى
ومش اى شى مرفوض من الناس نقول دة براءة

[الناى الحزين]

لو انتى بتتكلمى عن المنتدى هنا
فاحنا كلنا هنا اخوات ومحدش بيزعل من حد علشان كلنا هنا محترمين وبحب بعض محبه المسيح لينا

ولو تقصدى فى الحياه العاديه
عادى ان يبقى فى هزار طبعا وضحك مع بعضنا لكن زى ما قال هيما لازم يكون فى حدود ما نخرجش عنها

وما زودش الهزار زياده عن حجمه علشان
الشئ اللى يزيد عن حجمه بيتقلب ضده

[elphilasouf]

انا رايي من راي هيما
بسس قدام الناس ومن وراهم كمان
ميرسي جدا ليك ع الموضوع ربنا يباركك

[kermenash]

اهم حاجه اننا نكون بنخاف علي بعض ونبعد عن اي حاجه تمس الطرف الاخر وتأثر علي سمعته

[روفــــا]

ولا انا موش عارف ارد بعد اراء اخواتى
ثانيا موضوع جميل ومهم
والصداقة بين الولد والبنت ليس تتطاول على الحدود باى شئ سواء بالملامسة او بالالفاظ برضة ويكون اكثر احترام بينهم لعدم الاخرين فهم الصداقة بينهم بسوء ولا حاجة
يعنى يكونوا واخدين على بعض ويتعاملوا مع بعض اوك بس حكاية ان كل واحد ينسى اللى قدامه دة اية هتبقى غلط شوبة احنا موش فى اوروبا

[twaty]

ممكن اقول وجهة نظرى فى الموضوع دا
انا مش بقول منتعملش مع بعض لا طبعا لازم يبقى فى تعامل
بين الولد والبنت بس طبعا واكيد فى حدود
وحدود التعامل دا المفروض ان البنت اللى تفرضها على الولد
وطبعا الهزار مش يوصل ان الولد يضرب البنت لا طبعا دا شئ مش طبيعى
اكيد مش هيكون فى احترام بين الطرفين
ميرسى بجد ليكى على الموضوع

[med reny]

لكي يرو اعمالكم الصالحه فيمجده اباكم الذي في السموات

يجب في كل تصرفاتنا نراعي اننا اولاد المسيح وايه اللي يليق ببنت المسيح هل يليق ان اقف في الكليه او في الشارع او حتي في الكنيسه واهذر مع ولد وانسا نفسي وتوصل ان يكون الهزار بالفاظ وتوصل لمد الايد البنت هيا اللي بتسمح بكدا وبتدي الولد فرصه وبعدين هوا ممكن يبقا واقف معاكي مجرد سلام او بيسال علي محاضره ويساله صاحبه مين دي وبتتكلمه في ايه يرد المحترم ويقول اصل هيا معجبه او بعلقه ويبق احنا سمحنا لنفسنا بمجال من ناس تافها لان الولد اللي بيقف مع بنت بيفتخر بكدا قدام اصحابه ويجب علي كل بنت انها تخلي بالها من كلام الناس لان كلام الناس مش بيرحم وممكن يقوله شوف الخادمه اللي عامله نفسه بتاعه ربنا بتهزر اذاي وبتكلم الشباب اذاي حتي لو كان الشخص ده قريب ليكي ده في نطاق الاسره مش في الاماكن العامه
اسف علي الاطاله وتسلم افكارك علي طرح الموضوع المهم ده
ربنا يحفظ بناتنا من كلام الناس ومن عدوا كل خير
صلي من اجلي

[يوستينا سمير]

بجد انا اشكرك يا مارينا لانك اتكلمتى فى الموضوع ده لانه بجد موضوع مهم جدا وناس كتير بتستهون بيه انا من رايى ان الواحد لازم يبقى حكيم فى كلامه وتصرفاته وخصوصا مع الاولاد وتخلى بالها من نظرات الناس حوليها لما تتكلم مع الشاب

[ميلانيه]

انا من راى ان الموضوع فى غاية الاهمية
لازم يكون فى حدود بين اى حد الشباب والشبابات بينهم وبين بعض حتى بين الاخوات خصوصا بين الاولا د والبنات
يعنى سورى مينفعش اخ يمد ايده على اخته ويقول بهزر
اسفه يعنى على كلامى لو كنت وضحت حاجه بس ده راى ولكم الحق القبول او الرفض

[peter gerges]

لازم يكون فيه حدود ودايما الحاجه اللى تزيد عن حدها تتقلب لضدها