اسامحها ولا لأ [الأرشيف] - †† ارثوذكس ††

MICKEY

12-23-2007, 04:14 AM

بقلم : مايكل سامي

http://store2.up-00.com/Mar11/DqB13606.jpg

تجربة عشت فيها ومش عارف اخد قرار
فقولت اخد رائيكم لأنكم اخواتي الكباار
اللي هتسعدوني بردودكم وترحموني من الناااار
ومن عزاب شوفته ومن شرب المراااار

في يوم حبيت واحده كانت حلوة وجميلة
سحرتني بضحكتها ليا وبروحها النبيله

قربت ليها وحبيتها وقولت اخيرا لقيتها
واي حاجه وحشة في حياتي هي خلتني نسيتها
ده كفايه عليا سؤالها وكفايه اشوف ضحكتها

مش هطول عليكم وهدخل في الموضوع
قصة حب جميلة عشناها علي ضووء الشموع
ماتت في ثواني وانتهت في اقل من اسبوع
مبقتش عارف اشوف قدامي من كتر الدموع
حتي لو حنت ليا من تاني فمش هقدر علي الرجوع

بصوا ياجماعه هفهمكم الموضوع بالراحه
محتار ازوء كلامي ولا اكلمكم بصراحه

انا هقول علي كل اللي جوايا وكلامي هيكون شديد
لما انا حبيتها كان هو واقف بعيد
شافني وانا بحبها ركبه ميت عفريت
سحرها بكلامه ليها سابتني ومدتله ايد
فضل معاها فترة وبينلها انه سعيد
ومشاعره الحقيقية ليها متجمدة زي الحديد
خدعها بحواديت وقصص وخداعه دايماً بيزيد

ولما فاقت من تاني قلتله سيب ايديا
قالتله طالما مش عاوزني ليه ضحكت عليا
خلتني اضحي بحب طار من قدام عنيا
روح منك لله ده جرحك مش شوية

وجاتلي تقولي سامحني انا كنت غبية
ياما قسيت عليك وكنت مفترية
ارجوك ارجع ليا ومتسبنيش وحدي في الدنيا ديا

انا بقيت محتار طب هي من الاول راحتله ليه
قادت في جسمي نار لما لقيت ايديها في ايديه
اسامحها واطاوع قلبي ولا ادوس عليه
حد يجاوبني ياجماعه ويقولي اعمل ايه ؟؟

عماد حسنى

12-23-2007, 04:20 AM

جميله جدا جدا جدا يا
ميكى روعه بجد
...............
بس فعلاً حاجه تحير
نستنى نشوف ردود بقى الاعضاء اكيد فى حل
ربنا يكون معاك ويساعدك

MICKEY

12-23-2007, 04:31 AM

بجد انا متشكر جدا جدا ليك ياعمده
وسعيد جدا جدا بمشاركتك ليا
بيبقي الشعر ميت
وبردك عليه بتحييه

انا ببقي مش عاوز اكتب اشعار في المنتدي لأن اشعاري جمب اشعاركم المفروض يبقي مكانها مش هنا
المفروض احطها في قسم الضحك والفرفشة
لكن اشعاركم حقيقي بتعلمني اكتب ازاي

صلوا من أجل اي شخص يمر بتجربة كهذه
والبركه معكم كل حين

bisho03

12-23-2007, 04:48 AM

لما اخترت وحبيت ... اخترت وحبيت انسان
انسان كان زيك زييه يتعلم من غلطه قوام
واللى ميتعلمش ..
راح يغلط تانى وتانى كمان
والفاصل فرصه
والحب بيغفر ويسامح . . يرسم للكون احلى ملامح
وبيدى الفرصه
الحب جميل صدق قلبك
ده القلب الحاجه اللى تميز
بس الانسان
والحكم ماهواش بالاسبوع
ولا عشرة كمان
الحب مع الوقت بيكبر
بذرايه بتبدأ تتخضر
وجذورها بتثبت فى اصولها جرب
صدقنى مش راح تخسر
والوقت هو البرهان

MICKEY

12-23-2007, 05:13 AM

ميرسي كتير علي كلامك الجميل ده يابيشوو

وانا فهمت من كلامك

ان الحبيب يرجع لحبيبته ويسامحها

متشكر جدا لمرورك ولردك
ربنا يحفظك

Team Work®

12-23-2007, 05:14 AM

يا خبر ابيض على الجمال

مش عارف ارد على مين ولا مين

ارجوكم يا جماعة سعدونى

ظريف

12-23-2007, 05:18 AM

كلمات جميله يا استاذ / ميكى يا ملك الكوميديا بس أنتا سألت سؤال وأنا عشان بحبك هجاوب من غير تأخير بس ماتزعلش منى لو كنت شديد فى أجابتى اسامحها واطاوع قلبي ولا ادوس عليه ( دوس على قلبك على سرعة 180 كيلو ولاتتوقف )

MICKEY

12-23-2007, 05:23 AM

دوس على قلبك على سرعة 180 كيلو ولاتتوقف

انا متشكر جدا جدا علي مرورك ومشاركتك
وفعلا الجرح مش بيبقي هين
وبيخلي الواحد يعمل اكتر من كده كمااااان

بس هل اللي بيحب بيسامح ولا اللي تبيع واحد مرة تبيعه الف مرة ؟

ظريف

12-23-2007, 05:44 AM

بس هل اللي بيحب بيسامح ولا اللي تبيع واحد مرة تبيعه الف مرة ؟
أكيد طبعا اللى تبيع واحد لا تتردد فى أن تبيعه بسهوله وفى المره التانيه تبيعه + الأهانه ( يعنى تقول عليه ماعندهوش دم ) وفى المره الثالثه تبيعه وعليه هديه وفى المره الرابعه تبيعه 000 كمل أنتا

مرموره

12-23-2007, 10:23 AM

اولا انا مش لقيه كلام اقولوا لان بجد فووووووووووووووووووق الراااااااااااااااااااااا ااااااااااااااااااااااائع
بس لو على السؤال الى فى الاخر
يبقى عمرك ما ترجع
الى بيبيع مره يبع اتنان
بس
لو بتحبها بجد سمحها و لو هى كررتها تانى يبقى هى الى هتخسر
الحب بيخلينا ناسمح مره و اتنان بس لما تزيد عن كده الحب بيتخنق و يموت

ارجوا انك تكون فهمتنى

و فعلا الكلام فوووق الرائع
:)

ظريف

12-23-2007, 12:01 PM

أستاذ / ميكى ماتنساش أن مرموره بنت وخذ النصيحه أفضل من ولد عشان مايبقاش فيه تحيز ولاتنسى دائما أن اللى هيتنازل مره عن كرامته هيتنازل كل مره ممكن أنصحك بالتسامح لو كانت زوجتك أنما لوصديقه لاتسامحها أبدا

MICKEY

12-23-2007, 01:05 PM

لو بتحبها بجد سمحها و لو هى كررتها تانى يبقى هى الى هتخسر
الحب بيخلينا ناسمح مره و اتنان بس لما تزيد عن كده الحب بيتخنق و يموت

انا بجد متشكر جدا جدا علي ردك يامرمورة
وكلامك كله احساس وكله حب ويدل اد ايه انتي انسانه رقيقة وعندك مشاعر

واستاذ ظريف بيقولي
ممكن أنصحك بالتسامح لو كانت زوجتك أنما لوصديقه لاتسامحها أبدا

انا بقيت في حيره ومش عارف اعمل ايه
اخلي قلبي اللي يحكم ولا عقلي
قلبي لو قالي ارجعلها
فعقلي بيقولي ابعد عنها

سامح نبيل

12-23-2007, 01:44 PM

كلمات جميلة يا استاذ ميكى وربنا يكون فى العون

ssweetgirlhana

12-23-2007, 04:10 PM

جميل جدا موضوعك يا ميكى اما عن سؤالك اسامح ولا لأ
فا من راى انك لازم تسامح جرب احنا فى دنيا مليئه بالتجارب
مع انى معاك ان الجرح فوق الصعب لكن الجرح الاكبر ان يكون فى ايدك تريح قلبك وتقسا عليه
يارب اكون قدرت اوصلك شئ يفيدك

ظريف

12-23-2007, 05:31 PM

أستاذ / ميكى بجد شكلك عاوز تسامحها طب روح أرجعلها بس أنتا المتحمل النتيجه
ياريت لوحد من الأعضاء يرد على ميكى عشان هو حيسامحها قصدى متردد بس الأجابه تكون بأمانه شديده

nrmo

12-23-2007, 06:15 PM

اولا ميرسى ياميكى على الموضوع
بس لو فعلا البنت بتحبك وحصل منها الغلطه دى بس ودى اول غلطه يمكن كانت نتيجه لحاجه معينه حصلت .كلنا بنغلط بس لازم نسامح فانت تسامحها وتبداوا مع بعض من جديد وتنسوا اللى حصل ده وانت متتكلمش معاها تانى فى الموضوع ده ويتقفل خالص

MICKEY

12-23-2007, 07:15 PM

الجرح الاكبر ان يكون فى ايدك تريح قلبك وتقسا عليه

متشكر جدا يا ssweetgirlhana علي ردك الجميل

وبجد كلامك حلوونابع من قلبك
بس عقلك ايه اجابته ؟؟

أرجعلها بس أنتا المتحمل النتيجه

وبالنسبة لرد استاذ ظريف
انا عارف انك موصر علي موقفك اني ابعد عنها وانا بجد كلامك عاجبني لأنه نابع من عقلك بعيد عن العواااطف

فانت تسامحها وتبداوا مع بعض من جديد
ومرسي كتير ليكي يانرمو بجد علي ردك الهايل
وانا ملاحظ ان كل البنات بيردوا بناء علي قلبهم
بس انتوا اخواتي البنااات ورأيكم يهمني

ssweetgirlhana

12-23-2007, 08:05 PM

شوف يا ميكى انا برد من قلبى وعقلى مش قلبى بس انت فعلا هتتعب جدا وهتلوم نفسك انك ماسمحتهاش فجرب لو هى فعلا صادقه فى رجوعهاواكيد
هتحس بانها صادقه او لأ وقولها انك هتديها فرصه تثبتلك انها مش هتبعد تانى وهتعرف معنى الحب بجد وساعتها يبقى ربنا يسعدك

ظريف

12-23-2007, 09:04 PM

يا جماعه أنتوا مش فاهمين الموضوع صح أصل هى مش غلطه عاديه البنت سابت حبيبها وراحت لواحد تانى والأولانى رحلها قالتله أنتا زى أخويا
يبقى أزاى يسامحها بس ده كان حيموت من الصدمه ياجماعه الموضوع كبير وحيترتب عليه أشياء كثيره
أحلفكم تكونوا أمناء هل يسامحها بعد ما شفى من الصدمه ومين يتحمل النتيجه لورجعت للتانى ده الأولانى يموت فيها

مرموره

12-23-2007, 09:41 PM

لو على المسامحه
الحب بيسامح ديما يا استاذ ظريف
انا معترفه ان الى يبيع مره يبيع اتنان
بس لو انت بتحبها بجد و عايزها شريكة حياتك و مش واخد الموضوع لعب
سمحها و اتشفع بقديس غالى عليك و ثق فى القديس ده
و لو حصل حاجه تانى متزعلش لان كل ما يعمل يعمل للخير
و اوعى تتضايق لو حصل حاجه تانى يا ميكى ربنا مدبرلك حاجه احلى من الى فى بالك اكيد
و ربنا يساعدك :)

MICKEY

12-23-2007, 11:22 PM

انا مش عارف اقول ايه
انا بين جبلين
استاذ ظريف واستاذه مرموره
استاذ ظريف الراجل الكبير اللي خبرة الحياة والأولاد علموووه كتير وبيتكلم بعقله واللي شايفه
ومرمورة الرقيقة الرومانسية اللي عايشه اللحظات دي وحاسه بيها
انا في حيرة
بس كل اللي هقولوا ربنا يخليكوا ليا يااحلي اعضاااااء
مرمورة انتي عندك كم سنة ... ؟؟

do7a_mzk

12-24-2007, 02:36 PM

قبل مااقولك ردى ياميكى
عايز اقولك انت حقيقى رائع زى مواضيعك
بس هو الموضوع بصراحه يحير تبعد عنها ولا ترجعلها
طبعا اللى بيحب بيسامح واللى بيسامح بيتنازل واللى بيتنازل يستحمل بقى
و حب بلا عقل حب بلا عمر لازم تحكم عقلك ودايما العقل بيكون ضد القلب
يعن من الاخر كدة ماترجعش لانك ماتضمنش بعد كدة ممكن يحصل اليه
واللى باع مرة سهل يبيع تانى

MICKEY

12-24-2007, 04:05 PM

يعن من الاخر كدة ماترجعش لانك ماتضمنش بعد كدة ممكن يحصل ايه
واللى باع مرة سهل يبيع تانى

شكرا بجد يادوحه ياجميل علي الرد
وانا فعلا اغليبة الاعضاء بتقولي احكم بعقلك مش بقلبك
صليلي كتير

أستاذ Sad Mickey أنا من رأيى إنك تسامحها، وبعد ما تسامحها خد منها الهدايا اللى كنت جايبها ليها

شكرا كتير لردك ياتوني بس انا عاوز اعرفكم حاجه
ان الهدايا اللي جبتهالها مش هعرف اخدها منها
لأني كنت دايما بأكلها بره في افخم الأماكن
وعربيات الفول اللي في مصر كلها تشهد علي ده
اخد منها الاكل ازاي بقي ؟؟؟
موضوع يحير صح .. انا عارف

MeRooBe@r

12-24-2007, 05:17 PM

ظريف

12-24-2007, 05:45 PM

بزمتك يا ميكي عمرك ما هاتلاقي ناس بتهتم بيك أد كل الناس الي ردو عليك والي بيحبوك؟؟

بص يا سيدي انا من رأيي انها اتخدعت يعني البنت ماكانش ليها ذنب انها تتخدع.. بس انت لازم تتأكد من حاجتين يا ميكي:
1. انت متأكد انك بتحبها ؟؟ حب بريء؟؟
2. انت متأكد انها عايزة ترجعلك وهي واثقة انك مش هتخدعها زي الأولاني؟؟

لازم تتأكد من حجات كتير ...
لازم تتأكد ان حبك ليها كبير ...
لازم تحط نفسك انت الأول قبلها هي ...
لو حصل، هتبقى أحلى مافيك في الدنيا ديا ...
حضرتك كلامك جميل جدا يا MeRooBe@r بس لازم أشرحلك الموضوع بمنتهى الأمانه هنفترض أن ميكى أحب أنسانه جدا وأتفقا على الزواج وبعدين فوجئ ميكى من حبيبته بأنها بتقوله صديقتى بتحبك ياميكى وبدأت تتغير من ناحية ميكى وفجأه عرف بأن حبيبته سبته وراحت لغيره ميكى أتصدم وحزن حزنا شديدا وبعد فتره لما فاق من الصدمه وبدأ ينساها فيه صديق لميكى نصحه أن يروح لحبيبته ويواجهها ميكى رفض بس صديقه ألح على ميكى أنه يواجهها ميكى راح واجهها عشان خاطر صديقه وبعد ماراحلها ميكى قالتله أنسى اللى كان بيننا وأحنا أخوات ميكى رجع وهو مش زعلان وقرر ينساها أيه رأيك يا MeRooBe@r يسامحها ويرجعلها ؟ أنا أستخدمت أسم ميكى للتوضيح فقط وميكى ليس له علاقه بالقصه

MICKEY

12-24-2007, 08:54 PM

موضوع هذه القصيدة
ثالث مرحلة في الفراق

مادلين بنت المسيح

12-24-2007, 09:26 PM

انا مش هاقول الا الحب مش كلام وبس الحب تتضحية وتسامح
ومش من اول غلطة تسيبها انا عارفة انها غلطانة بس اللي بيحب بيسامح شوف السيد المسيح بنخونوه كتيررررر اوي
وبنسيبوا كتير وهو بيسامحناة انتا مش هتسامحها
ويارب يكون فهمت كلامي وربنا يفرحك

kamel

12-26-2007, 03:45 AM

راحوا يجيبوا الطبيب لقيوا الطبيب نايم
أنا هقلك أش يفيد الطب ف اللى بختم مايل
أنا أستاهل الغرق اللى مشيت فى طريق مايل
بدون تفسير
هذا نصحتى

MICKEY

12-26-2007, 06:32 PM

بشكرك علي ردك جدا جدا يامادلين انتي واستاذ كامل
ربنا يخليكوا ليا
وكل سنة وانتوا طيبين
الرب مع الجميع

القطة كيتي

01-05-2008, 01:45 AM

انا مش عارفة ارد غير انك تستاهل بجد بنت تقدر تقدرك ربنا يوفقك

MICKEY

01-05-2008, 02:04 AM

متشكر علي ردك يااحلي سوزي
ربنا يباركك
وكل سنة وانتي طيبة

mask of zoro

01-05-2008, 04:40 PM

من قلبى الى اخى الحبيب
لا تكون يائسا فى يوم من الايام ان الحب تضحية مش اوهام
وفعلا هيا لو بتحبك من الاول مكنتش سبتك وراحت لغيرك
اللى غيرك بياع كلام مش حس بالحب فى يوم من الايام
وتانى حاجة باردوا ما هوا العيب عليك خلى بالك ان فى واحد واقف جمبيك شايفك وانت بتكلمها وحاطط عينوا عليها
يبقى تدوس ع قلبك وتدوس ع اللى خانك وجرحك
دا الجرح ما يبرد حتى لو بعد سنين يبقى تستحمل وتدوس ع قلبك
ومترجعش تانى .... منى الا اخى الحبيب ..... وشكرا....

ghada2000

01-07-2008, 06:38 PM

gamela awy yamickey

MICKEY

01-08-2008, 06:54 PM

متشكر ياغاده علي مشاركتك الجميله

MICKEY

01-12-2008, 02:56 PM

متشكر كتير كتير يااعز اخ

ربنا يباركك
وبجد ميرسي علي نصيحتك ياماسك

berlla

01-17-2008, 12:22 PM

la2 tab3n mesh tsam7ha l2nha sabet 7obak w ra7et lw7ed tany d7ek 3leha hya mesh 3rft t7afez 3lek w low r3tlha momken t3ml da tany w t7b wa7ed tany w t2ol aho low tlbtmeno nrg3 hanrg3

ana ra2yee blas henta aked tstahel a7sn men keda w aked rbna medbr kol 7aga kwaiesa

MICKEY

01-17-2008, 03:15 PM

ميرسي كتير جدا جدا يابيرلا علي نصيحتك الغاليه

انا بجد مبسوووط من مشاركتك معايا ونصيحتك كأخ كبير ليكي

ربنا يبارك حياتك

صليلي

berlla

01-17-2008, 03:29 PM

ay 7'edma bas yarb akon 3rf afedak w kman kol el nas el rdet ykon rdohom mofed

w rbena m3ak

bas ana 3ndy so2al hoa el 7kaya de bgd wala de kesa w enta 3ayz rad w low mesh 3ayz trod balash

MICKEY

01-17-2008, 03:41 PM

من عنيا طبعا

اجاوبك ياجميل

القصة دي حصلت قدامي مع شخص

وانا حبيت اكتب عنها

لانه بجد صعب عليا اوي اوي

وربنا مايحطش حد في الموقف ده

وربنا يباركك مرة تانيه

كده ربنا يباركك مرتين

اي خدمه

وعدي جماااااااااايل

berlla

01-17-2008, 03:45 PM

rabena y7'alek w n3delk gmael keda kter

hehhehehehehehe

انسطاسيا

01-25-2008, 01:45 AM

ميرسي ميكي علي الاسلوب الرائع ده
واذا كان علي سؤالك فاذا فعلا لسه بيحبها يسامحها ويرجع تاني ويدور علي السبب اللي خلتها تسيبه وتروح لغيره
ويحاول يغير من نفسه ويقفل اي ثغره ممكن اي انسان يدخل منها وتديها فتره في الاول وشوف هل فعلا هي محتاجالك انت ولا محتاجه للانسان اللي ممكن تكون حست معاه بالامان والحب في وقت من الاوقات علشان كده لما اتخدعت اول واحد فكرت فيه انه يقف جمبها هو يعني ممكن تكون هي محتاجه انسان علشان بس تقف علي رجليها تاني وبعد كده تنساه تاني
ربنا معاك وتحل المشكله دي

MICKEY

01-28-2008, 11:20 AM

ميرسي اوي علي تعليقك الرائع

بجد كلامك كله في منتهي الجميل

ومشاركتك جميلة جدا واسعدتني

ربنا يبارك حياتك ويفرح قلبك

اللة يرعانى

02-06-2008, 06:16 PM

موضوع جامد جدا ومحتارة فى الرد علية لو رجعتلها وسمحتها تضمن انها متكررهاش تانى الى بيبيع مرة بيبيع كتير لو بيحبها يسمحها ويرجعلها ورب بيسامح بس يصلى وربنا بيرشد وشكرا

soly_777

02-07-2008, 08:50 PM

الشعر اكتر من رائع وكلة أحساس بس السؤال جوابة صعب بس لو بتحبها بجد لازم تديها فرصة تانية

MICKEY

02-08-2008, 12:34 AM

مرسي يامريم وياسولي

وفعلا الموضوووووع اكثر من محير

ربنا يباركم

كراكيب

02-09-2008, 05:03 PM

اكيد الحيرة جايالك من خوفك عليها خايف لو سبتها يرجع لها تاني هو او غيره ويهيمن عليها لكن لو فضلت كده عمرك مهتاخد قرار وعمر الدموع ماهتنشف في عينك لو حاسس انها تقدر تواجه اي مشاكل لوحدها فانصحك ارجعلها لكن لو حاسس انها مش قد المسئولية ومش قادرة تحمي نفسها فافتكر ان في يوم هيجي وتبقوا واحد وساعتها مش هتبقي امينة عليك لكن لو وقوفك جنبها هيحميها من نفسها بجد يعني متضحكش علي نفسك وتقول اه افتكر غلطاتها وهي معاك وازاي كانت بتتصرف وخليك امين وقاسي علي نفسك

كراكيب

02-09-2008, 05:15 PM

الوضوع كله في ايديك اقعد مع نفسك واتكلم معاها بامانة وشوف هل لو رجعتلها مش هتغلط تاني طبعا انا اقصد تغلط غلطة تسيء ليها وليك شوف لما كانت معاك لما كانت بتغلط وقوفك جنبها كان بيفرق معاها ولا لا يعني من خلال الماضي ممكن تعرف المستقبل بس اوعي تضحك علي نفسك وتقول انا لو بعدت عنها هي ممكن تضيع لكن ده فعلا صحيح ارجعلها بس خليك فاكر انه هيجي عليكوا يوم تبقوا واحد يعني قبل ماهتضر نفسها اكيد هتضرك انت ربنا معاك

MICKEY

02-09-2008, 10:24 PM

كراكيب

بجد ردك اكثر من رائع

واثر فيا جامد جدا جدا جدا
وكلامك كله صح ميه في الميه
وانا بشكرك كتير جدا علي المشاركه الجميلة المفيدة دي

وصليلي

وربنا يباركك

ميكي

كراكيب

02-14-2008, 09:18 PM

فغقفغقفثقص3ثصقفصث

MICKEY

02-14-2008, 09:34 PM

كراكيب

ممكن الترجمة

iyiy

02-14-2008, 09:47 PM

انا هاقولك سامحها
الهنا وصفوة بالتسامح
بعد كدة مفيش كلام

MICKEY

02-25-2008, 03:32 PM

ربنا يخليكي علي ردك الجميل
بس الخوف من اعادت تكرار المأسااااه

ربنا يعوضك

ramaa

02-26-2008, 10:40 PM

ررررررررررررررررررررررائع ه جدا

MICKEY

02-29-2008, 12:55 PM

ميرسي كتير ياعثل
علي ردك الرائع
ربنا يباركك

jannis

03-05-2008, 11:09 PM

يا خسارة
القصه دي انا عشتها بس انا اتبعت ببلاش وبدون ثمن بقيت مداس

ELMAGEK

03-15-2008, 07:19 PM

جامدة يا واد يا ميكى بس انا هقولك
حاجة واحدة بس

حبيبى قالى الوداع قولتلة اشطة
سيبك من البت دى يا ريس
والى بيصاحب واحدة بياخد اتنين هدية
هههههههههههههههههه
حبيبك

b o b b a

03-19-2008, 10:11 PM

ميكي ده بقي مشكله ضحك وهذار وكمان فنان
يضحك ويهذروفي الاحاسيس تلاقيه انسان

الله عليك يا ميكي بجد قصتها جميله وفكرتها جميله تسلم ايدك اللي كتبت الشعر ده
حلوه بجد

b o b b a

03-19-2008, 10:12 PM

ميكي لو الموضوع ده بجد انا بقول ان اللي يبيع مره يبيع الف مره ولو كنت يعني قررت خلاص انك ترجع فخد حذرك علشان متتجرحش تاني

MICKEY

03-21-2008, 01:32 PM

يا خسارة
القصه دي انا عشتها بس انا اتبعت ببلاش وبدون ثمن بقيت مداس

متشكر كتير علي المرور الرائع
واسف لو زكرتك بزكريات اليمه

وربنا مايعرض حد لمثل هذه التجربة

MICKEY

03-21-2008, 01:33 PM

جامدة يا واد يا ميكى بس انا هقولك
حاجة واحدة بس

حبيبى قالى الوداع قولتلة اشطة
سيبك من البت دى يا ريس
والى بيصاحب واحدة بياخد اتنين هدية
هههههههههههههههههه
حبيبك

ههههههههههه
ميرسي ياواد ياماجك علي ردك الكوميدي
واعبال ماشوفك بتشعر يارب

نياهااهاههها

MICKEY

03-21-2008, 01:34 PM

ميكي لو الموضوع ده بجد انا بقول ان اللي يبيع مره يبيع الف مره ولو كنت يعني قررت خلاص انك ترجع فخد حذرك علشان متتجرحش تاني

ميرسي لردك ولمرورك
وعلي النصيحة الاكثر من رائعه من شخص جميل مثلك
وصليلي

سمسم 24

03-28-2008, 01:23 PM

حلوة اوووووووووووووووووووووووى
بجد شكرا ليك جدا على الموضوع الجميل ده

MICKEY

03-28-2008, 10:24 PM

يارب يكون عجبك ياسمسم ياجميل
وربنا يباركك
صليلي

elphilasouf

03-31-2008, 08:20 PM

أسمع يابنى كلام الفيلسوف لما يتكلم
ولما الفيلسوف يتكلم الكل ما يتكلم حتى لو كان بيتألم
هاهاهاها
المهم ..بص ياعم ميكى الموضوع ده صعب ولازم أفهمهولك باللغه العجلاتيه هى صعبه بس حاول تفهمها
تخيل نفسك كاوتش أستبن
والانسه مرسيدس شبح
\
دلوقتى كوتش المرسيدس بلفه أتشال وبأقيت أنت المطلوب
يعنى أنت ملكش قيمه (مش قصدي) لما الكوتش يكون منفوخ وشغال 100 100 لكن قمتك هتكون مهمه لما يكون الكوتش خارج نطاق الخدمه
عـــــــــــــــجــــــــ ــــــلاتـــــــــــــى قــــــــــــــديــــــــ ـــــــم

MICKEY

04-01-2008, 01:11 AM

انا من انهارده مش هقبل اكون كاوتش او حتي استبن

لازم اكون فتيس او دركسيووووووون

لأني تعبت من كتر النفخ

نياهاهاهاههااههاهاهااه

اخوكم كوتش افندي

elphilasouf

04-03-2008, 01:07 PM

هى دي الرجاله ولا بلاش
هاهاهاهاهاهاهااها

King Mina

04-03-2008, 02:52 PM

تخيل يا ميكي الموضوع دا تقريبا حصل معايا هو مش بالظبط كدا يعني انا حبيت واحدة كنت اعرف انها بتحب واحد قبلي بس قالتلي انها خلاص مش بتحبة وانها حبتني انا بقي مقعتش معها اسبوع زيك انا قعدت معها شهور وبعد كدا عرفت ان المحروس الاولاني كان عامل حادثة وانها كانت عاملة نفساها بتحبني علشان المحروس الاولاني كان مش بيكلمها وكانت فكرا انة خلاص باعها وعرفت ان المحروس دا واحد تعرفة من النت ومش في المحافظة بتاعتنا كمان يعني بتبعني بارخص الاتمان يالا ربنا يسامحها بس انا لو رجعتلي وقالتلي دا كان بيضحك عليا انا اسفة هقولها كان زمان انسيني بقي

MICKEY

04-06-2008, 01:18 AM

مينا حبيبي كلامك جميل
بس ازاي انت مش حسيت من خلال حبها ليك انها بتحبك او لا
سوري لو كانت بتحبك مكنتش باعتك بأي تمن
لكن لتكن ارادة الله
العيب مش فينا ومش فيهم
العيب في التسرع في الحب

ربنا كبير
وميرسي تاني حبيبي لمرورك

imported_نيرو

04-06-2008, 05:27 PM

على فكره انت لو سبتها يبقى بتحكم عليها ب الاعدام طول عمرها(بس ده لو كانت بتحبك فعلا)
على غلطه ممكن هى مش قصداها وبعدين كلنا بنغلط

eng_mse3

04-08-2008, 06:48 PM

+ كلامك حلو جدا . لكن سؤالك صعب الرد عليه . صدقنى انت اكتر واحد ممكن تقرر تعمل ايه. اللى بيحب بيسامح بس ايه مقدار الغلط اللى يسامح فيه؟ وهل ممكن يتكرر من الشخصية تانى ؟......
هتجاوب انت . بس لو مشاعرك غلبتك متندمش وصلى واطلب ارشاد ربنا.

لحن الحياة

04-08-2008, 10:17 PM

شكرا على الموضوع

MICKEY

04-12-2008, 03:36 PM

ميرسي يالحن الحياة
واتمني ان الموضووع يكون عجبك
ربنا معاكي

mage

04-17-2008, 12:33 AM

بيع اللى باعك مفيش حد يستاهل @ على فكرة من تجربة دوس على اى حد مايستهلش

mage

04-17-2008, 12:35 AM

ربنا يعوضك من الالاحسن منها

MICKEY

04-26-2008, 03:33 PM

شكرا كتير ليكي يا ميج علي ردك الجميل
ربنا يباركك
وميرسي علي مرورك
وكل سنة وانتي طيبة

Malak sokar

06-01-2008, 11:49 AM

ميكي شعرك علي الرغم انة يدي علي زجل
لكنة
جميل لانك ببساطة نقلت لينا احساسك وهو دة الشعر ان الواحد يوصل اناس الحالة الي هو فيها وانت عملت كدة وخلتنا نتعاطف معك

بس انا عاووة اقلك حاجة انك مالحقتش تحبها في اسبوع وكمان ماتعتبش عليها انها سابتك لانها لو عرفت ميكي بجد ماكنتش هتسيبك وكمان هي ماغلطتش فيك بس هي باعتك ماتنساش دي
والي يبيعني ابيعة
وصلي اولا واسمع صوت ربنا هيقلك اية

MICKEY

06-01-2008, 01:36 PM

ملاك رسالتك وصلتلي
انتي بجد عرفتي توصليني احساسك صح
ربنا يخليكي ليا
وميرسي كتير علي الرد المقنع المهزب الجميل
ربنا يباركك
واذكريني في صلواتك

per

06-03-2008, 06:45 AM

العمل عمل ربنا
انا قريت كل الردود ومش شايف ولا رد عاجبك يا استاذ ميكى وانت قولت ان القصة دى بتاعت واحد صاحبك
مش خاصة بيك ممكن لو سمحت تريح كل الردود وتتبع اسلوب الندالة فى الحالة دى وتسيب صاحبك يتصرف ويغلط ملناش دعوة بيه طالما هو مش عضو فى المنتدى ده ولو سالك مجبتليش اجابة قوله
غيره المثل وبقى الاختلاف فى الراى يفسد فى الود قضية وعشان مختلفين عليك فى المنتدى معنديش راى
ههههههههههههههههههههههههه هههههههههه