لماذا ايها الكهنة تفعلون ذلك!!!!!!!!!!!!!

[جمال فتحى]

بسم الثالوث القدوس
:em0400::em0400::em0400:
يا جماعة بجد الواحد متضايق جداااااااا على اللى بيحصل فى كنيستنا الارثوذوكسية
فالكاهن الذى يختارة والذى يقسم قبل رسامتة على ان يهدى الضال ويراعى المسكين ويعطف على الفقير ويداوى ضغار النفوس و.......و...........و..........
اصبح الان
الاحترام للغنى وصاحب السلطة بحجة ان الكنيسة تحتاجهم اما الفقير المسكين فمرزول ومحتقر ومهمل لانه لا سند له ولاتاثير لة
الافتقاد اصبح نادرررررررررجدا اما بالنسبة للاغنياء فهم لهم نصيب الاسد من الزيارات والافتقادات والمعاملة البشوشة
اصبح الكهنةمهتمون بالامور المادية اهتمام زائد جداااا
اصبح تقييم الشخص باموالة ومكانتة ومنصبة ونفوذة
الكل بدا ينفر من الكنيسة ويبتعد من كثرة الفتور ولكن من سيسمع من يذهب ليفتقد
تذكروا المسيح الذى مشى 6 كاملة من اجل خلاص المراة السامرية
ولكن :10800::10800::10800:
المسيح لة المجد
قال لانى اعلم انة ياتى من بعدى ذئاااااب خاطفة لا تشفق على الرعية
-لا تحملون الناس فوق ما يحتملون
وبعده الواحد لما يجيى يتكلم يقولوله بطل اداااااااااااانة وطبعا هذة الحجة الوهمية للخروج من اى مواقف محرجة
فما رايكم يا اخوتى
طبعا الكلام دة لا ينطبق على كل الكهنة ولكن نحن نعيش فى عالم المال
الشخص =فلوس +مال+سلطة = احترام
الفقير =ليه ربنا يتولاه
ارجو منكم الردود
:em2900::em2900::em2900::em2900::em2900:

[جمال فتحى]

ياجماعة انا عاوز منكم الردود ومناقشة هذاااااا الموضوع الخطير لانى فعلا فى ناس كتير انحرفت وبعدت عن ربنا بسبب الموضوع دة
ارجوكم
هيا بنا نحو مجتمع كنسى جميل بدون ترديد اية شعارات

[marian mou]

هو اكيد ربنا مش بيسيب الناس الفقيرة والمحتاجة لاخر الوقت بس رأيى ان فعلا فى معظم الكهنة بتعمل كدا بس زى مافى كهنة مش عجبنا اكيد فى كهنة احسن منهم كتير يعنى مش معقول هتلاقى فى كنيسة ةاحدة الكهنة كلهم بيعملو كدا انما بتلاقى الحل والوحش
واخيرا احنا منقدرش نعارض على رغبة الروح القدس وربنا فى اختيار الكاهن دا للكنيسة اكيد ربنا شايف فيه حاجة احنا مش شيفنها عشان كدا هو اختارة

[عائد]

الاخ /جمال
تاكيدا لكلامك وامام الجميع احكى لكم مايؤكد كلامك
انا معتنق جديد من عدة سنوات وعشان اتمكن من التناول
بحثت عن اب اعتراف وبالعافيه وبعد مدة لاتقل عن سنة وعن طريق الاباء ف احد الاديرة استطعت مقابلة احد الاباء باحدى الكنائس القريبة لى وهى مره ولم تعود ليه مش عارف ؟
اتصلت به كثيرا ولم يعتنى حنى بمجرد الرد الرب يسامحه
وللان لم اجد وعندما استفسر ليه كده ؟ افجأ بانهم بيخافوا من العواقب الامنية
عشان كده انا باعترف انمام الله قبل التناول
باستغرب فعلا ازاى حد يبقى على علاقه بالرب يسوع عن قرب وسلوكه يبقى دنيوى كده
نسأل الرب ان يعلفينا ويهدينا لطريقه فقط
شكرا لمحبتكمياجماعة انا عاوز منكم الردود ومناقشة هذاااااا الموضوع الخطير لانى فعلا فى ناس كتير انحرفت وبعدت عن ربنا بسبب الموضوع دة

ارجوكم
هيا بنا نحو مجتمع كنسى جميل بدون ترديد اية شعارات

[bassem8800370]

ربنا موجود

[miro_rook]

قبل ما اقول رائ
عاوز اتفق معك علي حاجه لاتقول سوء في رئيس شعبك

بالنسبه للحضرتك بتقوله
سيدنا البابا بنفسه حذر انه الفقير اهم حتي من بناء الكنائس
عشان كدا اي كاهن يفرق في المعامله او يستهين بفقير فا انا اعتقد ان ربنا هيحسبه علي الوزنه ديه
بالنسبه للافتقاد
فا انا اظن ان الشعب كتير
حتي ان رب المجد قال الحصاد كثير لكن الفعاله قليلون
عشان كدا انا من وجهه نظري لاتقول سوء في رئيس شعبك
واكيد اكيد
ربنا بيعرف ازاي يهتم بشعبه كويس من غير حتي اي حد

الكاهن مجرد اداه في ايد ربنا فا لازم نكون واثقين ان ربنا هو اللي بيحرك الكاهن او حتي الخادم
خصوصا ان الكهنوت والخدمه دعوه من عند ربنا
لاياخذ هذه الكرمه اللي الذي مدعو من الله كما لهارون
يارب اكون عرفت اشرح وجهت نظري

[dodo2012]

اللي انت بتقوله دة خطير جدا يعني ايه بدل منحسسهم انهم بجد لقو ربنا في تعاملنا وتصرفاتنا يجي قدوتنا اللي ربنا اداهولنا وشبه بيه علي الارض ويعمل كدة اكيد في حاجة غلط في تدخل كبير من العالميات والدنيويات في الحياة الروحيه والعشرة مع الله اللي خلتهم ينسو ان المسيح نفسة كان بيعد من الفقراء واصحاب الحرف البسيطة نسيو كان شعال ايه ونسيو كان بيقعد مع مين بجد ربنا يتدخل لانة لالالالالالالالالالالالال الالالالالالالازم نقول كفاية كدة

[سارة@]

مش عارفة حاسة انكم زوتوها شويتين اغلبية الكهنة بتبقى مشغولة ومعندهاش وقت وعلشان كدة بيعملوا اجتمعات لاخوة الرب وبيعملوا اجتماعات علشان يضموا اكتر قدر من الناس يعنى فى اجتماع لاطفال وفى المدارس وفى الجماعات والخرجين والشباب واخوة الرب واجنماع للسيدات وغيرها كتير وفى كل هذة الاجنماعات ليها خدامها وكل خدام ع قدر طاقتة يفتقد ويعمل جوايز ع الحضور واللى غايب يفتقدة وفى كل اجنماع كدة وانا مع اللى قالت ان البابا ان الفقير اهم من الغنى ولا تنسوا ان ربنا نظر اللى المراة الذى اعطت فلسين اكتر من الغنى ومدحها وان لو حد اهملم فلرب لا ينساهم وفى مواقف كتير ومعجزات كتير بخصوص هذا الموضوع وفى حاجة تانى كل واحد مسئول عن خلاص نفسة يجب انة يهتم شوية مش لازم الواحد يجيلوا ويقولة بقلالك كتير مش بتيجى لازم عزرهم علشان احنا منعرفش اية مسئوليتهم اية تخيل انك مسئول عن اسرة مكونة من 11 فرد يا ترى اية موقفك وهل هتراعهم كما يجب ان يكون اكيد هيبقى فى تقصير ومش كل الاباء مقصرين كل واحد ع حسب طاقتة ياريت اكون شملت وتذكر دايما قول السيد المسيح انت بلا عذر ايها الانسان اذكرونى فى صلاواتكم

[مجدى شاكر]

على فكرة احنا بنحمل الكهنة اكتر من طاقتهم لانة زى ما قالت سارة اعبائهم كتير والمريض هو اللى بيروح للطبيب مش العكس يعنى لازمانا ادور على خلاص نفسى وبعدين يا اخى عائد لما تعترف لربنا وبس طيب مين يقرالك الحل ويديلك الارشاد ويديلك قوانينك اللى تمشى بيها فى حياتك واعتقد انة زى ما بننتظر الدكتور ساعات ممكن ننتظر ابونا اما منناحية الدواعى الامنية فاعتقد ان الكاهن الى بيناولك معرض لنفس الدواعى الامنية وربنا يحافظ على الجميع

[الجوهرة الثمينة]

هو فعلا ربنا يتصرف ويرحمنا لان في حاجات كتير بنسمع عنها لا تليق بان يفعلها الكهنة او حتي اي انسان مسيحي
ربنا يرحمنا كلنا ونصلي من اجل اي كاهن لان بالصلاة والصوم نقدر نغير حاجات كتير
ومش عايزين ننسي برضه ان الكاهن انسان ومعرض للخطا وكل انسان له طاقة معينة

[MOSHAOK]

مش كل الكهنة زي ما قلت واللي بيعمل كده بيتعرف في الكنيسة والناس بتبتدي تنفر منه
وللاسف الكهنة بتنسى كلام السيد المسيح ... مجانا اخذتم مجانا اعطوا .... فكيف تةجد تفرقة ربنا يرحمنا ويبعد عننا العثرات ...

[elphilasouf]

صلوا لاجل الخدمه و البابا البطريرك وشركائه في الخدمه الرسوليه الاباء المطرانه والاساقفه وكهنه الشعب والشمامسه والخدام ......

[miro_rook]

صلوا لاجل الخدمه و البابا البطريرك وشركائه في الخدمه الرسوليه الاباء المطرانه والاساقفه وكهنه الشعب والشمامسه والخدام ......
يا سلام علي الرد
هو ده
انت تنفع تكون متحدث باسم المنتدي
بجد احسن رد عجبني
بعيد عن الادانه وغيرها

[الشماس الحقير كيرلس]

كلمه صغيره جدا أحب أبينها لحضراتكم
كلمة قداسة البابا ألا وهى ( أنا بحاول أطهر الكنائس من كل هؤلاء الناااااااااااس جميعا ) وننتظر عمل الله الدائم

[يوساب عاطف]

الخطا من البداية واللي انا متاكد منه ان الاسقف او المطران لما بير سم شخص مش بياخد كفايته من السؤال عنه بدليل كل سنة بلاقيه رسم 3او 4 كهنة في حين ان الكنائس صغيرة وغير محتاجة فنلاقي الكهنة واخدين الكهنوت كانه مهنة وليس خدمة احنا مش لاقيين انطباع الكهنوت القديم في الكهنة الحاليين فاكرين ابونا بيشوي كامل وابونا عبد المسيح المناهري وابونا يسي ميخائيل

[bassem8800370]

الفقير =ليه ربنا يتولاه

انت قولت كل حاجه فى الجمله ديه ربنا موجود

[maryv]

اولا الموضوع ده مش عاروز نقاش عاروز صلاه حارة
ثانيا احنا مدخلناش جوه قلب الاب الكاهن وعرفنا هو بيحب الناس الاغنياء اكتر مننا ثالثا ممكن يكون بيفتقد بس فى الخفاء
رابعا مش اى حد ممكن يكون كاهن واكيد ربنا لما بيختار كاهن بيكون عارف ايه اللى هيعملوا الكاهن ده ومستحيل ربنا يرشم كاهن على الارض ويكون عارف انه مش هيرجع الخراف اضاله او حتى سبب عثره للناس
خامسا احنا منقولش ابونا ده مش كويس فى الخدمة ونفضل ندين ياريت يا جماعة ندى تبرير للانسان ده و اكيد ابونا عنده ظروف وربنا مش هيسيب اولاده لو احنا عرفنا ان فى اى حد محتاج عناية نقول لابونا ونصليله كتير الصلاه بتعمل معجزات
سادسا الخدمة مش بتقف على انسان ياريت نصلى من اجل الخدمة ومن اجلى انا ايضا المسيح معاكم

[ادوارد ادوارد ادوارد 3]

صحيح فى ضغط كبير جدا على الاباء الكهنة
ولكن لاننكر انه يوجد تقصير كبير فى خدمة الشعب ومش الكل بتخدم بنفس الدرجة.
لابد من اعادة النظر فى الموضوع لانه ده مرض منتشر على مستوى جميع الابراشيات.
نصلى ان يبارك الرب كنيستة

[MOSHAOK]

انا مش معاكي يا maryv (http://www.orsozox.com/forums/member.php?u=108546)
لأن في كهنة بتترسم بإرادة الناس ومتنسيش شاول الملك أصبح ملك أزاي بأختيار الناس مش بأختيار ربنا وكمان الأفعال والتصلافات هي اللي بتخلينا نتكلم وهي كمان اللي بتخلي في كهنة عظماء وقديسين زي ابونا فانوس وابونا مكاري يونان وكمان نيافة الانبا مكاري اسقف سيناء وسيرتهم بتوصل للناس كلها حتى خارج مصر ، طيب ليه باقي اكهنة مش بيوصلو لحد كده علشان أفعالهم خارج الكهنوت

[++ الطير الحزين ++]

الكاهن ليس مخلوق سماوي لا يخطيء
في حد سأل نفسه مرة واحده بس ان في الكنيسه اللى هو بيروحها كام اسرة ؟
حد فيكم مرة جرب وراح لكاهن وقاله ساعه الصيام انا هروح معاك علشان وانت بتعمل صلاه القنديل في البيوت علشان أخد بركة وأهو بالمرة تجرب يوم واحد وتشوف عدد الأسر ؟
حاولت تعرف ايه اللى لازم يبقى موجود ساعة عيد من لبس وأكل لازم يتوزع على أخوة الرب قبل العيد وتكلفتة أد ايه؟
انا أو انت او اللى حوالينا جربنا ندخل فى التفاصيل دى كلها
أكيد فى ناس حاولت تدخل وتعرف بس اللى دخل وحاول يعرف هو اللى يقدر يساعد
اللى هما بنقول عليهم الأعنياء واصحاب النفوذ
الكاهن بيلاقيه واقف جمبه فى واحد جايب مصيبه لأهله ولأنه كاهن مش هينفع يدخل فبيقول لصاحب النفوذ علشان يحلها
وبيقول لصاحب الفلوس علشان أحتياجات العيد والمناسبات
لجربنا مشينا مع كاهن وهو فى صوم بيلف على البيوت بيعمل صلوات القنديل وشوفنا البيوت اللى دخلها بتاعه الفقرا ولا الأغنية واصحاب النفوذ ولا حاولنا نساعدة فى مشاكلة اللى قبل الاعياد والمناسبات