الحقونى انا بموت

[dodo2100]

انا بجد تعبانة اوى

انا بقى عندى مشكلة جامدة اوى ومش عارفة اعمل اية ارجوكم ساعدونى انا حاسة ان حياتى فاضية اوى لدرجة انى بعمل حاجات كتيرة اوى انا مش راضية عنها من الملل و الزهق بشتغل و بحاول اسلى وقتى لكن كل دة مالهوش لازمة عندى انا نفسى ابقى خادمة فى الكنيسة بس مش عارفة وسالت كتير لكن محدش دلينى على خدمة كأن مفيش خدمات فى الكنيسة او ربنا مش راضى عنى لدرجة انة حتى مش قابل خدمتى

انا مخنوقة اوى ارجوكم حد يقولى انا مصدقت القى حد اتكلم معاة وانا مش خايفة

[miro_rook]

طبعا انا بحيكي علي المحبه اللي جوكي لدرجه انك عاوزه تخدمي
اخواتك في الكنيسه اولا ممكن تسالي عن اعداد خدام اكيد في اجتماع اسمه اعداد خدام وده اللي بيهياك عشان تكوني خادمه
وكمان ممكن تخدمي خدمات تانيه
زي انك تمسحي الدكك بتاعت الكنيسه او انك تمسحي الايقونات
طيب انا هقولك علي قصه بنت اعرفها كويس
البنت ديه كانت حياتها فاضيه خالص فاكانت تروح الكنيسه قبل القداس مايبتدي تدور علي حاجه تمسح بيها الدكك من غير ماحد يعرف
في الوقت ده انا كنت بحاول اكون خادم ودخلت اعداد خدام
بس في يوم الاب الكاهن شافها وشاف قد ايه هي عندها محبه انها تخدم في الخفاء وراح سالها عن اسمها لانه كان ميعرفهاش وطلب منها انها تخدم في اي خدمه الانها عندها محبه جميله للخدمه وفعلا اصبحت خادمه من غير اعداد خدام لانها كان عنده غيره المحبه للخدمه

وصدقيني انا اعدت كتير اواي اعقبال ما اصبحت خادم الا اني بجد بشعر لما اشوفها اني غيرها خالص في الخدمه
مش خادم
فا لو عاوزها تخدمي اطلبي من اب اعترافك وصدقيني هو هيدلك ولو مافدكيش اعملي زيها في الخفاء وثقي ان ربنا هينظر الي تعب محبتك ويكافئك
يارب اكون قدرت افيدك ولو شويا

[ميرولاا]

احلو خالص انك تحاولى انك تتجهى للخدمه وانك نفسك تكونى خادمة
بس يعنى ايه مش مش عارفة ؟
لو مش عرفة تخدمى ممكن انك تلتحقى بفصول اعداد خدام او بدراسه فى الكليه الاكليريكيه
ويعنى ايه سألتى كتير ومحدش دلك ؟
وانت لية تسئلى كتير اساساً
الخدمه فى الكنيسة مش محتاجة لواسطه
انت تروحى لراعى الكنيسة (ابونا) او لامين الخدمه فى الكنيسه اللى انتى حابة تخدمى فيها وتطلبى منه انو يديكى خدمه من الخدمات الكتير اللى فى الكنيسة
ربنا مش راضى عنى لدرجة انة حتى مش قابل خدمتى
انا مش هاقدر اقولك غير ان الكلام دة طبعا مش صح ابدا

وربنا معاكى
وصلى من اجلى انى احب الخدمة زيك لانى فى ايدى نعمة انا مش حاسه بيها

[christeena]

صدقينى الاحساس ده مش عندك انتى بس ولكن اوعى تياسى ابدا وصلى كتير وثقى ان ربنا معاكى

[scorpybebo]

سلام ربنا معاكى
كويس ان عندك اشتياق للخدمة وتكملة للكلام الى قالوة اخواتى
انتى لازم تسعى للخدمة لو مكنش فى كنستك يبقى فى كنيسة تانى
يا ما فى كنايس فى القرى مش لقينلهم خدام يعلموا الاولاد حاجة
وممكن تروحى للأسقفية فى هناك اعداد خدام وفى خدمات كتير تبع الاسقفية وبردوا مش عندهم خدام كفاية بس لازم تشوفى ميبقاش كلام وبس
وتذكرى انة ما زال الحصاد كثيييييييييييييييييييييير ولكن اين الفعلة

[mno-z]

الاخت : dodo 2100 .. تحية وبعد ..
برائي اللي بتمري فيه متل ما بسموه بمصر ( فترة وتعدي ) كل انسان فينا معرض ليحس حالو انو متضايق من كلشي وما في شي بيبسطو وكل اللي حوليه ضدو ويمكن بهالوقت اللي عم اكتب فيه هالرد تكوني انتي اسعد مخلوقة ع وجه الارض ..
اما بالنسبة للخدمة ربنا يسوع المسيح ... مانها محصورة بخدمة الكنيسة .. ولا بخدة العجزة ,, ولا الاطفال .... الخ ..
فيكي تخدمي ربنا باي شي يمكن يخطر ببالك ضمن تعاليم ديننا وعقيدتنا وكنيستنا بعيد عن الاديرة والكنائس ... ممكن تخدمي ربنا بالكلمة وتكون مؤثرة اكثر من الخدمة الجسدية ..
ويمكن مشيئة الرب اختارتك لشي معين بتحبه حاولي تدوري عليها ..

حررت 13:50 م 16\3\2010 سوريا _ اللاذقية

أخوكي : mno-z

[brokenheart]

معلش صدقينى كلنا كدا مش انتى بس حاولى تسالى هنا مافى قسم اعداد الخدمه ف المنتدى وبعدين ياستى عندك اخوات حلوين اهم وفى هنا كل حاجه شاى قهوه كابتشينوووووو .. هههههههه انا عاوزاكى تروقى صدقينى محدش واخد منها حاجه حاولى تبسطى نفسك بنفسك افضلى قولى انا فرحانه 10 مرات بصو ت عالى هتبقى 100 100 ههههههه صدقينى انا بقولك الكلام دا وانا مش عارفه اقوله لنفسى بصى خليها على ربنا.. ربنا موجود