في شرع مين ؟؟

[MICKEY]

بقلم : مايكل سامي




http://store2.up-00.com/Mar11/DqB13606.jpg





والله كل الأولاد دول مساكين
بيحاولوا يبعدوا عن الحب ويقولوا مش عاوزين
لكن تيجي رجليهم في الخيه أيام وشهور وسنين
انا عاوز اعرف منكم حاجة ياحلوين
ليه البنات هما اللي دايما خاينين
يعلقوا بيهم الاولاد وبعدين يسيبوهم متعزبين
ويروحوا لغيرهم بحجة انهم كانوا منسيين
ودي ارادة ربنا وده قدر السنين
طب لما بتجرحونا بتكونوا مش حاسيين
ولا بتقصدوا تجرحونا وتكونوا متعمديين
الذنب ذنب الولاد لأنهم رومانسيين
وافقوا يشتغلوا شغلانات وكانوا فيها متمرمطين
وكل ده عشان يجيبوا القرش ويبقوا متأهلين
وبعد كل ده ياريتهم عاجبين


انا اعرف واحد خلص جامعه وحب بنت جميلة
أشتغل شغلانه صعبة كانت شاقة ومهينة
لكن عشان حبه ليها وافق انه يشيل النيلة
وبعد اللي شافه في شغلة من معامله مريرة
وبعد ماوقف علي رجلة وبقت رجلة متينه
قالتلوا مش هينفع اكمل عشان جالي عريس عليه القيمة

صاحبنا طب ساكت وكلنا عليه زعلانين
فضلنا نواسي فيه ايام وشهور وسنين
ضاع من قدام عنينا وعن مساعدته عاجزين
مش راضي يقابل حد وبقي في بيته سجين
دقنة وصلت للأرض ماهو جرحه كان سكاكين
نزلت تقطع في قلبه اللي ياما حبها سنين
وإنهار كل اللي عمله وضاع من قدامه في غمضة عين
حد يجاوبني ويقولي بالزمة ده في شرع مين

علي فكرة دي مش مشكلة صاحبي دي مشكلة كل الشباب
لأنهم من البداية وافقوا يتعزبوا ويشيلوا الهباب
عشان يوكلوا اللي بيحبوهم طرب وكفته وكباب
وأخرتها تيجي البنات وتقفل في وشهم الباب
ويسمعوا منهم كلمة كفاية كده وخلينا اصحاب
والله التجارب اللي بشوفها دي أحلي كتاب
تخلي الواحد يتعلم ويبعد عن العزاب
الله يسامح أي بنت تجرح أي شاب
الله يسامح أي بنت تجرح أي شاب

[minabobos]

شكرا ليك يا ميكى ع الموضوع دى


ربنا يستر علينا من الحب

[عماد حسنى]

موضوع فى شرع مين
.......................
ده مين اللى خلاك تدارى عننا
الحاجات الحلوه اوى اوى دى
فى شرع مين تخبى عننا الكلام الجميل جدا جدا ده
اشكرك جدا جدا جدا
يا ميكى
ربنا يباركك ويكون معاك
ونشوف المزيد منك دايما

[Team Work®]

شكرا يا ميكي على الموضوع وربنا يباركك

[ماريان]

ربنا على المفترىىىىىىىىى
اية يابنى دة
هو الموضوع حلو بس براحة على البنات شوية
عملين فيها مظلمين وكنتو خلاص هتخلونى اعيط
ههههه
يعنى هو مفيش ولاد خينين

[bisho03]

ميكى يا جامد جدا .. انا بضربلك سلام
وبقولك الف تشكر .. وبوزنلك كلام
كلامك شاف قضيه .. وقلت بصفو نيه
عشان كده ليك تحيه ..وميت مليون سلام
لكنك كنت واقف فى صف صاحبك قوى
انا مش بلومك لكن ده شئ وارد قوى
لكن وف كل واقع ........ الراجل مش مدافع
الراجل قاسى جدا ...... وصعب ومفترى
اه فيه رجاله جنتل .. ورومانسيين كمان
لكن معروفه دايما .. الراجل والزمان
راجل معناه خشونه .. طيبه وساعات ليونه
معناه حضن وامان
واسأل فى السنين .. الناس المجربين
هيقولو لفظ انثى .. رومانسية وحنين
وعشان كده جنس ناعم .. كان ليهم احلى اسم
مش معنى ان فيهم بنات بيبّخو سم
يبقو البنات تعابين
انا يمكن ويا صاحبك وعارف طعم جرحه
واسأل حتى البنات ... راح تلاقيهم فى صفه
واسألهم فى شرع مين ؟؟ مين بيموت فى مين ؟؟
واتفرج ع الجواب
واسمع منهم كلام

[kamel]

الذنب ذن الولاد لأنهم رومانسيين
---
مشيت الحياة بالطول والعرض
سألت حتى طوب الأرض
لقيت لسؤالى
ألف رد.. ورد
--
مش قلتلك أنا أستاهل الغرق
اللى مشيت فى طرق مايل
هههههههههههه
رائع ياميكى

[bolalover]

شكرا يا ميكي علي الموضوع الجميل ده

[MICKEY]

انا متشكر جدا جدا لردودكم الجميلة
ومتشكر يابيشو علي الشعر اللي كتبته ليا
ههههههههههه
بجد انت رائع
وبشكر جدا جدا الاستاذ كامل اللي شرفني بمشاركته
وبشكر جدا جدا شاعر المنتدي اللي رافع راسي ومديني قدر لا استحقه
وانا مهما عملت فالعين متعلاش عن الحاجب يا شاعر المنتدي
وماريان عاوز اعرفك انه فعلا مش كل البنات خاينين ولا كل الولاد رومانسيين
فيه وفيه .. بس انا كانت الجلاله واخداني شوية اعزرينا
نياهاهاهاهاهاا
وبشكر ايضا هيما وبولا ومينا علي مشاركتهم علي موضوعي
الرب مع الجميع

[nrmo]

ميرسى ياميكى على الشعر الجميل ده مع انه يضايق البنات شويه
بس مش كل البنات كده ولا كل الاولاد كده
عموما ميرسى جدا

[ظريف]

كلامك كله مظبوط يا أستاذ / ميكى دائما الشاب طالع عينه ليل ونهار عشان أرضاء البنت ولكنها بدل ماتشجعه وتواسيه بتدور على واحدتانى يكون مركز مهم أكتر صدقنى كلامك صح بس اللى زى دى بتقع على سنانها وبتدارى عشان ماحدش يشمت فيها

[ظريف]

بس تعرف يا أستاذ/ ميكى أن حاسس أن أحنا قاسين على البنات ولو أحنا بنات كنا عملنا زيهم والسبب أسأل أى شاب وقوله بتحب كام واحده حيقولك واحده بس وأسأل أى بنت كام شاب بيحبك حتقولك 100 شاب ومطلوب منها أن تختار منهم واحد بس فى الحاله دى 99 شاب حيتجرحوا ومنهم من ينتحر ومنهم من يتجنن ومنهم من يتصدم وبالذات إذا كانت البنت حلوه وروشه وياااى والحاجات دى

[bisho03]

ردك ياظريف عجبنى لكن بعتب واقول
الحب ماهوش مظاهر ولا شكل جديد وكوول
الحب اتنين اتلاقوا .. واتصراحو بالاشواق
واللى يعيش وحده حُبُّه .. ومايقولش انه داق
جرحه يجيه على طول
ماهو اصل ياصاحبى لازم يبقى مابيننا حدود
اصحاب واخوات احبه ..
ماشى لو زادو حبه
لكن الحب حاجه ..لازم فيها القيود
والقيد يعنى المصارحة..
نعلن مشاعرنا واضحه
وبس كلمة بحبك .. تبقى عهد وميثاق
يشهد ليها الوجود

[MICKEY]

انا معاك في الرأي جدا يااستاذ ظريف
وانا بعترف اني لما كتبت الشعر ده كانت الجلاله واخداني شوية
يمكن عشان معظم اللي قصص حبهم فشلت كانت بسببب البناااااات
لكن ارجع واقول انه مش شرط
ومش كل الولاد حلوين ومش كل البنات وحشين
وبشكر بيشو علي رده الجميل وشعره الرائع

[kamer14]

ههههههه انا لو منك قوم اديها قلمين واخلص ولا اقولك انا معايا جزمه جديده اديها علقه وخلاص

ههههههههه ايه يابنى ده ايه ده بس بس بجد شعر جميل

[MICKEY]

ميرسي ياقمر 14 علي مرورك
ويابنتي بطلي عدوانيه
واحده لا تعرفك ولا تعرفيها
وتديها بالجزمة
ليه بس حرام عليكي

[kamer14]

مش قصدى انا ايلى اديها قصدى انتا وانا مالى بيها اصل انتا كلامك فظيع بجد حرام عليك البنات مش كده خالص هو يعنى عشان تجربه واحد ولا اتنين يبقى خلاص كل البنات كده لالالالا طبعا

[MICKEY]

انا يابنتي قولت برضه
في ردودي
ان مش كل البنات خاينين ومش كل الولاد كويسين
بالعكس
الولاد برضه ملهمش امااااااااااان
ربنا يحمينا من اي حد يخدعنا
سواء كان ولد او بنت

[kamer14]

اوووووووك انا مشفتش الردود اساسا على العموم ميرسى على الموضوع

[MICKEY]

العفو ياست فيرونيكا
بس الكلام ده اتعظي منه
عشان بعد الشر لو جالك عريس امه داعيه عليه
تبقي عارفه تعملي ايه معااااااااااااااه
نياهاهاهاهاهاهاهااها

[kamer14]

هههههههههه داعيه عليه؟؟؟؟ ماشى ماشى

[ظريف]

عشان بعد الشر لو جالك عريس امه داعيه عليه
أنا رأيى يا أستاذ / ميكى والده اللى داعى عليه مش أمه دى فرونيكا بحالها دعوة الأم متأثرش فيها هههههههههه أنا خارج المنتدى يا فرونيكا

[ghada2000]

ra23 ya mickey

[MICKEY]

متشكر علي كل الردود
ربنا يبارك حياتكم

[اس اسامة عوض]

قالتلوا مش هينفع اكمل عشان جالي عريس عليه القيمة

صاحبنا طب ساكت وكلنا عليه زعلانين
فضلنا نواسي فيه ايام وشهور وسنين
ضاع من قدام عنينا وعن مساعدته عاجزين


علي فكرة دي مش مشكلة صاحبي دي مشكلة كل الشباب

الله يسامح أي بنت تجرح أي شاب

انا مش هسامح اى بنت تزعل ولد او تجرحة
انا بشكر ربنا ياعم مفيش بنت تقدار تعملة معايا

[mazloom afandy]

صدقنى انت موهوب بتفكرنى بشبابى
ربنا يباركك

[MeRooBe@r]

ميكي يا ميكي يا ميكي
في بنات لما بيحبو بيحبو بجد من قلبهم بس الأكترية خونة وبيلعبو بس عشان يورو لأصحابهم والناس التانيين ان اسمهم عندهم صاحب وفي بنات بيحبو عشان فلوس الشاب نفسه او يا إما عشان يحبو يلعبو في مشاعرهم وبالنسبة لهم تسلية
بس مايضعش أملك لأن لسه في بنات بيحبو ربنا وهيحبوك عشان انت بجد واحد زي العسل وتتحب بسهولة
خلي عندك أمل وإيمان بربنا عشان ربنا مش بيسيب حد







ربنا مابيرضاش بالظلم

[سمسم 24]

الله عليك يا ميكى يا برنس على كلامك فعلا هو ده اللى
بيحصل ربنا يبعدنا عن البنات اللى من الصنف ده

[MICKEY]

ميكي يا ميكي يا ميكي
في بنات لما بيحبو بيحبو بجد من قلبهم بس الأكترية خونة وبيلعبو بس عشان يورو لأصحابهم والناس التانيين ان اسمهم عندهم صاحب وفي بنات بيحبو عشان فلوس الشاب نفسه او يا إما عشان يحبو يلعبو في مشاعرهم وبالنسبة لهم تسلية
بس مايضعش أملك لأن لسه في بنات بيحبو ربنا وهيحبوك عشان انت بجد واحد زي العسل وتتحب بسهولة
خلي عندك أمل وإيمان بربنا عشان ربنا مش بيسيب حد







ربنا مابيرضاش بالظلم



متشكر كتير ليكي يامرمورة علي كلامك الحلو

بجد كلامك ريحني كتير
وربنا يختار الصالح

صليلي ياعثل

اخوكي ميكي

[MICKEY]

الله عليك يا ميكى يا برنس على كلامك فعلا هو ده اللى
بيحصل ربنا يبعدنا عن البنات اللى من الصنف ده

ربنا يخليك ياسمسم
ومبسوط ان رسالتي وصلتلك
واتمني انها تكون عجبتك

ربنا معاك

[MICKEY]

صدقنى انت موهوب بتفكرنى بشبابى
ربنا يباركك


ميرسي علي كلامك الجميل
والحكاية مش موهبة
ولكنه احساس بحاول اعبر عنه
صليلي

[MICKEY]

انا مش هسامح اى بنت تزعل ولد او تجرحة
انا بشكر ربنا ياعم مفيش بنت تقدار تعملة معايا


هههههههههه
يارب يااسامه محدش يعمل فيك كده

ربنا يخليك ليا ياحبيبي
ميرسي كتير ليك
صليلي

[اللة يرعانى]

مرسى يا ميكى على كلماتك وموضوعكبس برضك الولاد بيجرحو مش بنات بسممكن ولد يحب بنت وبعد فترة يبعد عنهاالجرح بيجى من الطرفين الولد والنتولازم يتاكد من الشخص قبل ميسلمو اعز ما يملك وهو قلبو ومرسى ليك

[جاسيكا]

ربنا يسامح اللى يجرح التانى سؤاء بنت او ولد
لان مش كل الولاد ملايكة زى ما مش كل البنات ملايكة
جميل يا ميكى ميرسى ليك

[b o b b a]

فعلا الله يسامح اي بنت تجرح اي شاب
شكرا ليك ياميكي ربنا معاك

[MICKEY]

مرسى يا ميكى على كلماتك وموضوعكبس برضك الولاد بيجرحو مش بنات بسممكن ولد يحب بنت وبعد فترة يبعد عنهاالجرح بيجى من الطرفين الولد والنتولازم يتاكد من الشخص قبل ميسلمو اعز ما يملك وهو قلبو ومرسى ليك


ميرسي يامريم
وفعلا انا قولتها كذا مرة
مش كل الولاد ملايكة ومش كل البنات وحشين
ربنا يخليكي لينا
وشكرا انك دايما بتتواجدي في مواضيعي
ربنا معاكي
وصليلي

[MICKEY]

ربنا يسامح اللى يجرح التانى سؤاء بنت او ولد
لان مش كل الولاد ملايكة زى ما مش كل البنات ملايكة
جميل يا ميكى ميرسى ليك

فعلا ياجاسيكا
ربنا يسامح الجميع
ربنا معاكي
صليلي

[MICKEY]

فعلا الله يسامح اي بنت تجرح اي شاب
شكرا ليك ياميكي ربنا معاك
ربنا يبعدك عن الجروح يابوبا
وربنا يسامح اي حد ظالم
ربنا كبير
صليلي

[اغاثاا]

فعلا الخاينة فى الحب موجودة
بس مش من البنات بس هى من الولد كمان
بس فعلا موضوع جميل اووووووووووووى ياميكى
ربنا يبارك حياتك
اغاثاا

[MICKEY]

ميرسي يااغاثا علي ردك الجميل
وربنا يكون معاكي
ودايما فرحانه

[انسطاسيا]

ميرسي كتير يا ميكي بس بجد انت ظلمت البنات
البنات بطبعهم الرقه والحنيه انا منكرش ان في بنات غداره
بس الاولاد غداره زيها ويمكن اكتر كمان وهما اللي بيتسلوا بالبنات
ده فعلا اللي بيحصل اوعي تزعل من ردي
يعني مش كل البنات كده وزي ما في بنات كده في ولاد كده
ربنا معانا ويقدروا كلهم يفهموا معني الحب صح
وكفايه يلعبوا بمشاعر بعض
ميرسي كتير ميكي علي الموضوع بجد هايل

[MICKEY]

ميرسي ليكي ياانسطاسيا لكلامك
وبجد علي فكرة
انا عارف ان مش كل البنات خاينين
لكن للأسف نسبة الخيانه عندكم اكبر من الولاد

[vona]

ميكى يمكن اللى انت قلتة ده صحيح وبيحصل لكن لمايكونوا الولاد خاينين البنات ممكن تنتحر واعرف واحدة حاولت تنتحر لأنها حبته بحياتها لدرجة انها نسيت اهلها وهى عايشة معاهم لكن ستر ربنا انقذها فى اخر لحظة بعدما نفذت انتحارها وكل دة انا شفتة وحسيتة وكمان ياميكى الراجل بطبعة عصبى يعنى بيحبها بجد ولما تغلط غلطة صغنونة هى مش قاصداها يبقى يومها اسود واجارك الله عما حدث .انا ياميكى مش نكدية ولامتحيزة لكنى احاول ان ابدى رآي واكون صريح واسفة ان كنت ضايقتك وياعم ما تحبكهاش قوى كدة كشكشها وما تعرضهاش وميرسى على صبرك نياههههههههههههههها هها

[MICKEY]

كشكشها وما تعرضهاش

هههههههههههههههههههههههه

ميرسي جدا ليكي يافونا علي ردك الجميل
انا عمري ماقدر ازعل من وجهة نظر اي حد
انا معاكي في كل كلمة قولتيها
ومش كده وبس انا مبسوط كمان من كلامك
وفعلا في بنات ملايكه علي الارض
ربنا يسترها عليا وعليكي وعلينا كلنا من الفراق

ربنا يحافظ عليك
وشكرا كتير علي مرورك

[per]

تحياتى لميكى نصرت المظلومين ورفعت القضية على الخاينين
عاوز اعرف حاجة دى كانت غية عندك ولا كان احساس مع السنين
لما تتكلم عليهم تانى ارفع صوتك وبلاش حنين كلنا هنشجعك وبدون انين
ومعاك على الخط دايما للجنس اللعين اللى ميجيش بالحقيقة دول دايما متخفيين
بكلمة بيمشوها فى الاول وبيغدرو بيك مع السنين
تحياتى للاخ ميكى ياناصر المظلومين اكتب عليهم تانى واحنا هنقولك امين

[MICKEY]

قشطة عليك ياواد يابير ياجامد يامتين
ههههههههههههههههه
انت شاعر جامد اهو يابني
منتظرين نشوف اشعارك معانا
ومش تحرمنا منها

[rona]

اية يابنى الكلام النيلة دة عن البنات هى القصيدة حلوى بس حارم الافتيرى دة انا اعرف قصص ولاد ماكنشى ليهم ان يتخلقو احسن ماشى ياميكى لما اشوفك

[miso]

ههههههههههههههه عندى فكرة اعرض مشكلتك فبين الناس
ايه يابنى العذاب ده هو يعنى الباشا بيشتغل علشان حبيبته
كدة كدة كان هيشتغل ولا عم الحج باباه هيفضل يصرف عليه كتير
وكمان مش كل البنات جارحين ومفيش ولاد رومانسيين دلوقتى خلينا واقعيين يا ميكى
ومن الاخر كدة ايه كل السواد واللى معمول ده
انا بقى ليا رايى ان الانسان لما بيحب ميندمش على حب عاشه وميبكيش على حرج
لان الحب غالى اووووووووووى واللى بتجرح ميكيش على اللى جرحه لان من رايى اكيد ميستهلش ولا حتى دمعة
ممكن تقول مفترية بس مش افترى واقعية اكتر.

[MICKEY]

ميرسي يامارينا انتي وميسو لردكم
وعلي فكرة البنات مش كلهم كده
انا اقصد فئة معينة
ومش كل البنات خاينين ومش كل الولاد مخلصين
ميرسي ليكم كتير

[MICKEY]

وكمان مش كل البنات جارحين ومفيش ولاد رومانسيين دلوقتى خلينا واقعيين يا ميكى

يابنتي انا عارف
كل شئ فيه الابيض والاسود

وربنا يحافظ علي ولاده

وكل سنة وانتي طيبة ياقمر

[Katy_Archi-Mekhaeel]

ممممممممممممممممم

كدة انت بتغلط بس الكلام ساعات بيحصل بجد هههههههههههه

ربنا يبعد عنك الحاجات دى وتفضل عايش ف السليم