الحدق يفهم

[bisho03]

فى ظل التطور الذى نتعايش معه وفى ظل ما يسمى بالديموقراطيه
لا يجرؤ أحد على النطق
فقط الاشاره
وهنا يأتى دور
الحدق يفهم

قول يازمان
واحكيلنا ع اللى كان زمان
من خوف يطوف ... وحزن مرسوم بالكفوف فوق الحيطان
قول يازمان
لما الشهيد كان يوم يموت عمر السكوت ما ملى المكان
كن الهتاف باسم الاله مالى الزمان مالى الكيان
واليوم بيكسر حلمنا شكل الحيتان
ناسيين الهنا بقوته انقذ يونان
قول يازمان
ايام زمان كان الايمان بينادى من غير اى خوف
والحلم يوم ورا يوم بيكبر والامل راسم حروف
والطفل مغروس فيه ثبات والقوة فى عيونه تشوف
ليه اليوم سكوتنا نقرره؟؟
بسكوتنا ياما راح نشوف
ويقولو ارض تضمنا .. وسلام بيمشى فى الشوارع ...
ياسلام
ماسك سلاح بيقولنا ماسمعش فى قلوبكم كلام
واللى يقول الحق دمه حل والقتل واجب له قوام
والحبس بين اربع حيطان ده حقنا
الحق معرفش الببان
لا يابش
فيه غيرنا خرجو من القفص زى النسور
وعيون كتير متربصه زى الصقور
لكن خلاص النسر طار بره القفص عالى وجسور
ولا سد يقدر يمنعه ولا اى سور
والصوت وصل
القبطى ارضه باكيه من كتر الدقون
لو فيه مقابل يبقى ضحك على الدقون
الوقت فات لازم بقى ننهض نقوم
ونقول خلاص الكيل طفح
ما كفايه نوم
ده الليل اكيد بعديه نهار
طال مهما طال
مش راح يدوم
وكمل يا زمن

[bolalover]

الله يا غالي علي الكليمات الحلوة دي
شكرا ليك بجد علي الموضوع الرائع ده

[Team Work®]

ارد اقول اية بس على الكلمات الحلوة دى

ويا مين يقول للزمان ارجع يا زومان

حلو قوى

[bisho03]

الله يا غالي علي الكليمات الحلوة دي
شكرا ليك بجد علي الموضوع الرائع ده
شكرا بجد ليك انت ع الرد والمتابعه

[bisho03]

ارد اقول اية بس على الكلمات الحلوة دى

ويا مين يقول للزمان ارجع يا زومان

حلو قوى
ميرسى هيما على متابعتك المستمرة
ربنا ينمى خدمتك اكتر واكتر
وعلى فكره الموضوع ليه بقيه
بس تودى فى داهيه فنقتنع بالموجود
العمر مش بعزقه

[عماد حسنى]

جميله اوى يا بيشو
ربنا معاك ويباركك

[bisho03]

جميله اوى يا بيشو
ربنا معاك ويباركك
ميرسى قوى عماد على متابعتك
ربنا يباركك