موضوع عاوز مشاركتكم فية بشدة

[بيشوى حبيب العذراء]

:em4600:الافاضل / اخوتى واخواتى فى المنتدى
سلام ونعمة رب المجد يسوع ترفرف عليكم فى العام الجديد

احبائى انا اعرفكم بنفسى انا اسمى / ابو بــيــشوى
احب ان يتسع صدركم لقراة الموضوع الللى انا باكتبة لانة موضوع شائك وحساس
بالنسبة لكل شاب وشابة فى مقتبل العمر وداخلين على زواج
انا مشكلتى تتلخص فى الاتى انا شاب فى العقد الثالث من عمرى تزوجت وانا فى 29 من عمرى من سبع سنوات بالتحديد عام 2000 من انسانة خدعت فيها هى واهلها خدعة
جعلتنى افقد الثقة فى من حولى وهى كلاتى
تقدمت لخطبة احد الفتيات التى تسكن فى منطقة المطار بالاسكندرية ولم احسب للمال
اى اعتبار وذلك بمشورة من حولى وبعد قرار اتخذتة بعد مداولات ومشاورات من عائلتى
علما بان عائلتى من اصول صعيدية ومراكز وظيفية مرموقة فى الحكومة بما فيهم انا
وتقدمت للاب القمص بكنيسة الامير تادرس بالمطار وسالتة عن اخلاق هذة الفتاة ولكنة
للاسف ضللنى ولم يحتكم الى المذبح الذى يقف علية ولا الى ضميرة الذى هو رقيب علية
المهم تزوجت من هذة التى يطلقون عليها فتاة ولكن فى الحقيقة انا امراة بكل معانى الكلمة
وليست بكرية وفوجئت بذلك يوم الاكليل بعد سنتين خطوبة بالتمام والكمال وجلست تحت قدمى تترجانى انا اسامحها عما فعلتة فى حقى وحق نفسها من بيع شرفها لشخص اخر
وضللتنى انا ولكن هذا اليوم كان بالنسبة ليا بدل ان يكون يوم فرح وسعادة كان يوم مشئوم
وليس لة نهار بالنسبة ليا وبعد ذلك ب7 ايام من ليلة الاكليل وجدت نفسى اسامحها بعد صلاة لرب المجد يسوع وقلت فى نفسى اذا كان رب المجد سامح الخاطئة فماذا اكون انا بجانب رب المجد ولقد سامحتها فى حدود مسامحة البشر التى انا اعرفها علما باننى شماس
وخادم امين لرب المجد يسوع

ولكن بعد ذلك حاولت ان اخلق منها انسانة ولكنها رجعت لطريق الرزيلة التى كانت تتبعة مرة اخرى دون حسيب او رقيب ولكننى كنت لها بالمرصاد حتى قالت ليا لم ولن ياتى اللى يحكمنى الان ولا سابقا ولا لاحقا ولا مستقبلا وساعسش كما يحلو لى المهم الناس عارفين اننى فى ضل راجل

وفى خلال السنة اللى حاولت اقوم فيها سلوكها اثمر الزواج عن ابنى بيشوى ولدى
اللى لحين كتابة هذة السطور بدموعى وقلبى الموجوع على ابنى لم ارة مدة 7 سنوات
ولانة من صلبى وحرمت منة اشد الحرمان وهو فى يد انسانة لا تعرف الرحمة ولا الامومة
ومازالت فى طريق الرزيلة سائرة حتى الان ولكنى لا اخفى عليكم اننى قمت بتطليقها طلاق محكمة وطلاق كنسى عن طريق المجلس الاكليريكى بالاسكندرية

واللى انا طالبة منكم الصلاة والتفكير معايا اذاى اشوف ابنى حتى ولو من على بعد
حتى يطمئن قلبى علية واكون شاكر اذا دلتونى على الطريق اللى اعرف هو فين مدرسة
فى منطقة المطار بالاسكندرية

حتى ياتى عيد الميلاد واراة بقربى وانعم بتربيتة كاى اب يحلم بتربية ضناة تربية مسيحية
بعيد عن طريق الرزيلة والشوارع اللى هو بيتربى بيها الان واللى انا متاكد منها
ولا اخفى عليكم اننى ارسل لها نفقة 200 جنية شهريا للولد حتى لا يحتاج لاى شيى
وعلما بان حكم المحكمة كان ب 110 جنية وبعد طلقها كنت ممكن ابعت ال60 جنية المنصوص عليها فى الحكم ولكن لاجل الرب يسوع ومرضاة لضميرى مستمر فى ارسال ال200 جنية كما هم

احبائى ارجو منكم ان تدلونى على طريق اشوف بــيــشوى بية غير الرؤية القانونية بالمحكمة حرصا منى على تدهور نفسية الولد

وارجو المشاركة بالردود الفعالة

وارجو منكم ان تصلوا لى علشان انا محدد ليا عملية قلب مفتوح فى لندن بعد شهرين
من الان وارجو مشاركتى موضوعى حتى اشوف ابنى اللى انا مش عارف ها اشوفة ولا لا بعد العملية او قبلها

اخيكم ابو بيشوى حبيب العذراء

[Team Work®]

بصراحة انا مش عارف ارد بس انا هاقولك على حاجة ربنا يعزي قلبك يا رب

ويعطيك صبر وربنا موجود وفوق كل اعتبار

اتمسك بربنا وبأذن ربنا كل شيء يتحل

ونتمنى من كل من هو له القدرة على حل المشكلة او المساعدة يمد يد المساعدة لأخينا الحبيب ابو بيشوى

وربنا يبارك حياتكم

واحنا كلنا ولادك ربنا معاك

[ميرووو]

انا بجد مش عارفه اقولك ايه يعنى ربنا بجد يصبرك وتمسك باراده ربنا واعرف انه مش هيسيبك ابداااااااا وصلى كتير لربنا وبجد اكيييد ربنا هيتمجد ويحللك المشكله دى ربنا معاك ويحافظ عليك

[مرموره]

انا مقدرش و معرفش اقول حاجه
انا كل الى اقدر اقلهولك
صلى للقديسه ريتا هى صحبة المشاكل ديه وبجد بتحلها
وربنا معاك ويرعك انت و بيشوى :)

[bolalover]

يااااااااه بجد انا مقدرش اقولك غير ان ربنا يعينك و يقويك
بجد مفيش غير ربنا هو الي هيسعدك و يقويك
ربنا يبارك حياتك يا غالي

[kamer14]

حرام بجد انها مس توريك ابنك ؟ صلى لربنا انه يحفظه ويرتب لك عشان تشوفه وتربيه تربيه مسيحيه ببعيدا عن امه

[nrmo]

ربنا يقويك ويساعدك انك تقدر تشوف ابنك وصليى كتير واطلب معونة ربنا علشان يرشدك واحضر القداسات واكتب المسكله وحطها على المذبح وربنا يساعدك

[bicaso]

ملقين كل همكم عليه لانه هو يعتني بكم (1بط 5 : 7)

[kamel]

الرب يتحنن ويحل مشكلتك بشفاعة القديسة مريم وجميع القديسين
يارب لاتترك عبدك تدخل ياإلهى وأنعم علية فى هذة الأيام المقدسة
أطلب شغيعك البابا كرلس فهو سريع الندهة وعمل معى معجزة
كان ليس لها حل ولكنة تدخل وحلها لى عندما ناديتة.
الرب يكون معك

[aymonded]

أعرف ضيقتك وصبرك وحزن نفسك
طالباً من الله أن يعينك بالصبر وخبرة حلاوة حلول الله في قلبك
ومبارك شخصك الحلو في ربنا يسوع ، إذ أعطيت صليباً ترتفع به للملكوت وخبرة القديسين
لأن بآلامنا التي نتذوقها ونشربها ككأس مرّ نكتسي ونرتدي رداء الحياة الأبدية ، إذ نموت كل يوم وندفن مع المسيح بخبرة آلام شديدة ومحن ومشقات تتحول فينا لمجد قيامة لا يزول ...

وقادر الله أن يرعى أولاده ويحيط ابنك بسحابة الشهداء والآباء القديسين ويرسل له كل معونة ، ولترافقة أمنا المحبوبة والدة الإله القديسة مريم ، لترعاة وتقوده في طريق التقوى ليأتي للمسيح ويصير له مخصص لحلوله وسكناه الدائم

النعمة معك
كن معافاً باسم الثالوث

[فله]

مش عارفه اقول ايه بس اكيد ربنا ليه اراده لصالحك

[Marmour]

ربنا معاك و انشاءالله مشكلتك تتحل قريب صلي و اتمسك بربنا هو لوحده قادر انه يخليك تشوف ابنك و تربيه تربيه مسيحيه ربنا معاك و يصبرك
و ربنا معاك في العمليه ان شاءالله تقوم بالسلامه

[mido_dv25]

ممكن تلف على كل مدارس المنطقة وتعرف المدرسة وبعدين تعرف الكنيسة وتقابله او تهئيئ خدام مدارس الاحد فى انهم يرتبو لك معاه مقابلة جملية
وربنا معاك وهيحفظو لك وهيعوض تعب محبتك
مدحت خادم فى مدارس الاحد وطالب بكلية الاداب قسم لغة انجليزية وهسافر امريكا

[بيشوى حبيب العذراء]

اشكركم اخوتى من كل قلبى فى كل الكلمات والرسائل اللى وصلتنى منكم فى الفترة الماضية واسف على عدم الرد لاننى كنت فى لندن باعمل عملية قلب مفتوح لكن الرب تحنن عليا والعملية تغيرت لتغيير الشريان التاجى والاورطى فقط وقمت منها بسلام رب المجديسوع وببركة صلواتكم التى هى منبع تعزياتى امام اللة القدوس اشكركم من كل قلبى ولكن لتعلموا يا اخوتى ان هذة التجربة للعملية كانت بسبب زعلى على عدم رؤية ابنى بيشوى كل تللك السنين والايام ولكن اللة حنون ورؤف وعظيم ولا يترك اولادة فى ضيقة الا ويكون فى ظهرهم اشكر الرب واشكركم من كل قلبى الضعيف لكل كلمة رقيقة منكم ليا وعزيتمونى بها
اشكركم
اخيكم ابو بيشوى 30/4/2008
:8:

[dana_dody]

انا مش عارفة بجد اقولك ايه
لكن انت لازم تبقي واثق ان ربنا حنين و مبيسبش بيشوي في اي خطوة في حياته و اذا كنت انت بتخاف عليه و بتحبه للدرجة دي فتخيل يسوع اللي خالقه اكيد ربنا بيدبرله حياته و ان شاء الله هيضمه لحضن الكنيسة و يهدي مامته مثل مريم القديسة فانها عرفت يسوع بعد حياة الرذيلة و بقت قديسة و احسن مننا
و سلامتك و ياريت تبقي كويس بعد العملية
بجد هاصليلك من قلبي و لبيشوى و لمامته علشان ربنا يسامحها و يهديها