رمزي بشاره يكتُب ... يعني إحنا ياناس كُلِّنا كاملين!

[ramzybeshara]

إيه يُجبُركُم تِشتَغَلوا فـ مَدرَسة المُعاقين!
وِتدادوا وتحايلوا فـ أطفال مش طبيعيين!
مَعقول فيه كِدَه! كُل الحُب ده جايبينُه منين!
هُوَّ إنتُوا بَشَر وللا ملايكَه من السَّما جايين؟!

مَعقول عَلَشان أَكل العيش مُر, وآهو تاكلوه حَتَّي لو مَلتوت؟
وللا مَلِّيتُم أَكل العيش ودي رِحلِة بَحث عن البَسكوت؟
لكِن إللي يفَكَّر بالرّاحَه. هَيقول : بصَراحَه ده مش مَظبوط
دي مش سَبُّوبَه,دي خِدمه عَظيمَه يا بَني آمين

ده إنتُم مِن كُتر مَحَبِّتكُم للأطفال أصحاب لِحتياجات
لو كُنتوا بِتِتكلِّموا عَنهُم.. بِتقولوا كلام كُلُّه مُجاملات
"طِفلي" و"أولادنا" و"أطفالنا",وياريت كان بَس عَلَي الكَلِمات
بِتحِبُّوهُم كَمَّا حُب وِلادكُوا الحَقيقيين

تِعرَفوا إن إللي بيسقيهُم كاس مَيَّه."كاس" مِش حَتَّي كاسات
الله بيعَوَّضُه ويكافأُه,وبياخُد أَجرُه في السَّموات
وإنتُم مِش بَس بِتِسقوهُم.عَلِّمتُوهُم في رِعاية الذَّات
ياكلوا ويشرَبوا ويحِبُّوا ويشاركوا الآخَرين

وطوباكوا يا رُحَما, هَتِلقوا الرَّحمه. وبَرَكَه أغلَي مِن المَلايين
وإحنا هَنحاوِل نِساعِدكُم.مش بَس هَنِدِّيكُم نياشين
كَمِّلوا خِدمِتكُم لِلمُعاقين.لِيه كِده؟ إزَّاي أنا آقول مُعاقين؟!
مَعَلشي سَماح. يعني إحنا ياناس كُلِّنا كاملين!

كلمات رمزي بشاره... "sat7"
دورِة التدريب بالفير هيفين بالإسكندريَّه
من 29/10/2007
إلي 1/11/1007

[Team Work®]

الله الله الله بجد عليك حلوة قوى قوى قوى الترنيمة دى

جارى عمل قسم للترانيم المكتوبة بجد

شكرا ليك جدا وربنا يفرح قلبك امين

[bisho03]

مش بقولك ..
لمسات حياتيه اكثر من رائعة
يعنى احنا ياناس كلنا كاملين؟؟!!!

[remon_samir8]

طَبعاً لو حَد سألني إنت كامل هاأقوله لأ فِعلاً إنت رائع بكلماتك الرائعه ماهو الرائع يطلع منه الكلمات الرائعه دي
شكررررررررررررررررررررراً ليك يا شاعر ياللي كُلَّك أحاسيس وِمَشاعِر

[مريم2009]

http://i33.servimg.com/u/f33/11/79/16/25/osnco-10.gif