هل سوف تحضر..؟؟ زفاف حبيبك او حبيبتك ..؟؟

[kamer14]

بسم ربنا يسوع


لكل شخص قصة حب عاش فيها

وتعايش معها بكل تفاصيلها
واحداثها

ضحك منها ايااااااااام

وبكا منها بعض الاحيان

وسعد بهاااا وحلق في عالم المحبين ايامن وليالي

ورسم خطوط للحظات اللقاء

ولكن ......!!!

بعضنا ختم هذه القصه باجمل ا لنهايات

وبعضنا انتهى حبه
بالفراق

وبزواج الحبيب ... من شخص اخر


والان توقفوا معي وفكروا بكل جديه !!!!


اذا دعتك حبيبتك او حبيبك الى حضور زواجها او زواجه !!..؟؟ هل سوف تحضر ؟؟


وبرر موقفك اذا رفضت واذكر السبب اذا وافقت الحضور ؟؟

[Team Work®]

انا عن نفسي هاحضر

لان فى حاجة وحدة بس اقدر اقولها لو هو فعلا كان بيحبها اكيد هايتمنى ليها كل خير صح ولا اية

بس

[nrmo]

انا فعلا مع راى هيما انا كمان هحضر

[kamer14]

ياااااااه رأيكم غريب اوىىىىى ايزاى بس اييييييزاى

[bolalover]

اقولك انا ازاي يا قمر
لو كنت انا بحب البنت دي فعلا فلازم اتمنالها كل السعادة ولازم اكون سعيد ادام هي سعيدة
و دا اسعد يوم في حياتها فلازم احضر و اكون سعيد كمان

[larasmy]

ما اعتقدش اني ممكن احضر و اشوفه قدامي بيضيع مني. الموقف صعب اصعب من اني اروحله برجلي افضل اني ابارك بالصدفه ولو اني مش ها بقي عايزه اشوف وشه تاني عاشان ابقي مستريحه. طبعا هابقا متمنياله السعاده بس ما اقدرش اروح الفرح صعب اوييييييييييييييييييي

[MICKEY]

هروح احضر
وحضرت قبل كده
اهئ اهئ
فكرتيني ياقمر بالذي مضي

صليلي

[اسامه]

لا طبعا مش حروح وذلك لان معنى انها تزوجت بغيرى يبقى فضلته عليا يبقى مع الف سلامه تروح لحالها ربنا يبارك حياتك

[مرموره]

هحضر طبعا و اجيب ورد كمان و ابقى فى قمة السعاده
عشان الى بيحب بجد بيتمنى للى بيحبه السعاده
و كل ما يعمل يعمل للخير :)
ميرسى يا قمر

[kamer14]

مرسى لردودكم بس مثلا لو هى بعتت لك دعوه الفرح دى ونتا كنت حبيبها قبل كده معناه ذلك انها ياه لسه بتحبك يا رايحه تغيظك فاهمنى؟؟

[مرموره]

لا طبعا يا قمر
لو حد بعت لحد دعوة فرح و فى الظروف ديه
ولا لسه بيحبه و لا بيغيظه
لان الى بيحب حد لايمكن يتخلى عنه ده الحب
و انه يغيظه هما اكيد مش اطفال ديه واحد او واحد هيتجوز

[اللة يرعانى]

انا حصل معايا كدة ومرحتش لانى مقدرتش اشوفة وحبى بيضيع وكان يوم صعب اوى شكرا على سوال

[menagamal1987]

شكرا على طرح الموضوع الحساس دة ودعونى اقولكم راى بكل صراحه. انه شعور جارح للغايه لا تتصورة الا نفس من احب بالفعل وضحى بالكثير من اجل حبة وذاق فية السعادة والحزن والخوف وكل معانية ، انه شعور يشق طريقاً للألم والمرارة فى قلبك طوال ايامك,وليس لة اى علاقة بقول ان من تحبة تتمنى لة الخير فالحب الحقيقى لا يعيش المثاليات الأنسانيه هذة ولكنه حب يملأ عليك كل كيانك ويشكل نفسة حسب احساساتك ,فليس علشان تبين لها انك مش زعلان وانك بتتمنالها الخير تقوم تجرح نفسك وقد تجرحها معك,فأحياناً تكون الأقدار هى التى رسمت لكم هذا الطريق القاسى وليس لأحد دخل فى انفصالكم ،فحينئذ لا تستطيع أن تحضر زفافها لو بتحبها صحيح حتى على الأقل لا تعيد فتح جرحكم القديم، فمهما كان فمن الأكيد وأنكم حلمتم فى يوم بهذا اليوم وشعرتوا ان الدنيا لم تسعكم من السعادة...( فستان ابيض..زفاف..حب ..فرحة........)،فكيف بعد ذلك تستطيع رؤيتها وهناك اخر من يحل مكانك وينزع احلامك منك ،وكيف لها ان تراك فتتذكر احلامها معك فهذة الأحاسيس لا يمكن التلاعب بها لانها قاتله وبعد كدة مافيش وحدة كانت بتحب واحد وتبعتلة كرت فرحها يبقى مكنتش بتحبة وماشية بمبدأ(هو ماشى غيرة ماشى)لان هى لو بتحبة فعلا مش هقولكم متتجوزش بعدة علشان مابقاش منافق لا عجلة الحياة مبتقفش ولكن على الأقل تحاول انها متجرحهوش، وربنا يكون فى عون من يعيش هذا الموقف فمن رأيى أنه من الممكن ان يحطمه نهائياً او يودى به الموت صدقونى أو على الأقل صدمة عصبية عنيفة.وفى النهاية اقول من المسسسسسسسسسسسسسستحيل ان تحضر دا شىء قاسى جداً (مع احترامى الشديد بردود زملائى وهذة وجهة نظرى الفقيرة)ياريت أسمع تعليقكم على كلامى.

[melanora]

طبعا هروح وابارك
وبعدين بدال بتحبها هتتمنالها السعادة
وميرسي اوي موضوعك حلو

[kamer14]

لا طبعا يا قمر
لو حد بعت لحد دعوة فرح و فى الظروف ديه
ولا لسه بيحبه و لا بيغيظه
لان الى بيحب حد لايمكن يتخلى عنه ده الحب
و انه يغيظه هما اكيد مش اطفال ديه واحد او واحد هيتجوز


امال بيبعتها لييييييه طيب؟

[kamer14]

انا حصل معايا كدة ومرحتش لانى مقدرتش اشوفة وحبى بيضيع وكان يوم صعب اوى شكرا على سوال

فعلا عندك حق ميرسى لردك بجد

[kamer14]

شكرا على طرح الموضوع الحساس دة ودعونى اقولكم راى بكل صراحه. انه شعور جارح للغايه لا تتصورة الا نفس من احب بالفعل وضحى بالكثير من اجل حبة وذاق فية السعادة والحزن والخوف وكل معانية ، انه شعور يشق طريقاً للألم والمرارة فى قلبك طوال ايامك,وليس لة اى علاقة بقول ان من تحبة تتمنى لة الخير فالحب الحقيقى لا يعيش المثاليات الأنسانيه هذة ولكنه حب يملأ عليك كل كيانك ويشكل نفسة حسب احساساتك ,فليس علشان تبين لها انك مش زعلان وانك بتتمنالها الخير تقوم تجرح نفسك وقد تجرحها معك,فأحياناً تكون الأقدار هى التى رسمت لكم هذا الطريق القاسى وليس لأحد دخل فى انفصالكم ،فحينئذ لا تستطيع أن تحضر زفافها لو بتحبها صحيح حتى على الأقل لا تعيد فتح جرحكم القديم، فمهما كان فمن الأكيد وأنكم حلمتم فى يوم بهذا اليوم وشعرتوا ان الدنيا لم تسعكم من السعادة...( فستان ابيض..زفاف..حب ..فرحة........)،فكيف بعد ذلك تستطيع رؤيتها وهناك اخر من يحل مكانك وينزع احلامك منك ،وكيف لها ان تراك فتتذكر احلامها معك فهذة الأحاسيس لا يمكن التلاعب بها لانها قاتله وبعد كدة مافيش وحدة كانت بتحب واحد وتبعتلة كرت فرحها يبقى مكنتش بتحبة وماشية بمبدأ(هو ماشى غيرة ماشى)لان هى لو بتحبة فعلا مش هقولكم متتجوزش بعدة علشان مابقاش منافق لا عجلة الحياة مبتقفش ولكن على الأقل تحاول انها متجرحهوش، وربنا يكون فى عون من يعيش هذا الموقف فمن رأيى أنه من الممكن ان يحطمه نهائياً او يودى به الموت صدقونى أو على الأقل صدمة عصبية عنيفة.وفى النهاية اقول من المسسسسسسسسسسسسسستحيل ان تحضر دا شىء قاسى جداً (مع احترامى الشديد بردود زملائى وهذة وجهة نظرى الفقيرة)ياريت أسمع تعليقكم على كلامى.

كلامك رائع ووجهه نظرك مظبوطه بجد مقدرش اقول حاجه بعد الكلام ده

[kamer14]

طبعا هروح وابارك
وبعدين بدال بتحبها هتتمنالها السعادة
وميرسي اوي موضوعك حلو


طب بصى ايزاى واحد حبتيه وكان نفسك تتجوزيه وبقى لواحده تانيه يعنى مفهاش دعوه اتمنى له السعاده او لا على العموم ميرسى لردك

[migr Hana]

مع احترامي لاراء الاعضاء لي راى تاني اني ماروحش يوم الزفاف صعب جدااا علي اى انسان ان يشوف حبيبة مع حد تاني,ولعدم جرح المشاعر والاحاسيس اكتر من كدةوبعدين ابعت بوكية ورد وياريت ماحطش علية الاسم.وكل شيئ اسمة ونصيب

[kamer14]

مع احترامي لاراء الاعضاء لي راى تاني اني ماروحش يوم الزفاف صعب جدااا علي اى انسان ان يشوف حبيبة مع حد تاني,ولعدم جرح المشاعر والاحاسيس اكتر من كدةوبعدين ابعت بوكية ورد وياريت ماحطش علية الاسم.وكل شيئ اسمة ونصيب


فعلا هو يوم صعب وهيسبب لك جرح كبير ورأيك كويس اوى ميرسى لردك ويالا عايزين نشوف رأى الباقى

[love_lorn199]

انا من وجهه نظرى هحضر علشان هى غالية عليا و مش عاوزها تزعل منى و كفاية عليا انى اشوفها مبسوطة و ربنا مش كاتبلى انى اتجوزها

[kamer14]

انا من وجهه نظرى هحضر علشان هى غالية عليا و مش عاوزها تزعل منى و كفاية عليا انى اشوفها مبسوطة و ربنا مش كاتبلى انى اتجوزها


اممممم رأيك حلو بردو بس يعنى ايزاى تشوف حبيبتك ايلى اتمنيت انك تتجوزها طول عمرك مع عريس تانى يعنى مش هتتجرح خالص؟!

[elking7610]

انا هروح احضر وافرحلها كمان خالص لانى لو مفرحتلهاش يبقى انا مكونتش بحبها لان البابا شنودة قال الحب هو التضحية واكيد ربنا كاتب لكل واحد فينا الاختيار الصالح

http://img339.imageshack.us/img339/6812/samp5ce9e898834d279brd5.jpghttp://img261.imageshack.us/img261/326/samp5260d6e09565cc87jo4.jpg

[SAMOOOOO]

بجد صعب اوى اوى اوى اوى ان اروح لان صعب اوى اوى كمان ان اشوفها جنب حد غيرى وكداب اللى يقول اقدر اروح لان لو راح يبقى مكانش بيحبها من الاول - لكن انا ممكن اروح بس لازم همسك المايك بتاع الحفله واغنيلها اغنيه (زى غيرها بتاعت ايساف ) فى الحاله دى ممكن اروح ههههههههههههههههههههه
سامو - المرشد السياحى

[kamer14]

ميرسى لردودكم وصرارحتكم وربنا يبارككم

[MaRLeeN_FaeeZ]

هحضر طبعا و اجيب ورد كمان و ابقى فى قمة السعاده
عشان الى بيحب بجد بيتمنى للى بيحبه السعاده....

[kamer14]

اووك ميرسى ياعسل لصراحتك وربنا يباركك

[توتى2008]

انا عن نفسى لو كنت بحبه بجد استحاله احضر ده انا اموت فيها او اموته ولالا حراااااام اموتها هيه واخلص

[kokodody66]

اكيد المشاهدات كتير فى الموضوع دة عشان بتحصل كتير بسبب خلافات بين الطرفين
و انا عن نفسى لسة مش عرفت حاجة من الطرف التانى بس لو حصل اللى انتى بتقولية بجد مش عارف رد الفعل سعتها بس ممكن اكون حاضر الزفاف لو معزوم
بجد انا بتكلم بكل صراحة فى الموضوع دة ممكن يكون فى كلام مش يعجب حد بس انا مكتحمس جدا للموضوع الجامد دة
و شكرا على الموضوع الجامد دة ربنا معاكى يا قمر
:em18:

[kamer14]

ميرسى لردودكم الجميله والصريحه وربنا معاكم