bisho03
12-31-2007, 06:55 AM
بذرة جديدة
بعد حصاد أبام وشهر
بذره جديدة عليها الدور
فات من عمرك ياما وياما.. ولسه الساقيه تلف تدور
ماهى ايام ...
عندك حق ..... وانتى كمان
ماهى ايام بتعدى وتجرى يوم ورا يوم والعيشه تمام
بكره هييجى غصبٍ عنا .. وامبارح يبقى اسمه زمان
وزمان يعنى خلاص مستور
نفضل ماشين زى ماتمشى ..زى ماتيجى منين ماتكون
مش شايفين من بكرة ملامح .. ومافيش شئ فى الإيد مضمون
مطرح مابترسى ندقلّها...تايهين..
ده اولها ولا اخرها ؟؟ ولا ده شئ تالت مغمور ؟؟...
شفت العصافير...لما تهاجر ييجى معادها ماتتأخرش
واللى بيفضل بيموت وحده .. اصل الدنيا ياناس ماتقفش
عشان عصفور....
واحنا معاد الهجرة اهو جانا
ننسى ... نرمى حمولنا ورانا
بس نفكر ..واللى يفكر هو الأشطر
لو كان بكرة صورة امبارح تبقى حمار.. (اعتذر)
ايه غيرت فى عمرك قوللى ايه الأعذار؟؟
عمر وطار ....!!
واللى هييجى هيطير برضه ..
واللى هيفضل بس فى أرضه اللى الزرعه متبته فيها ..
اللى حفر علشان يرويها..
وسقاها مية الأبيار .... أصل الامطار مش مضمونه
وحياتنا ياصاحبى دى بخار.....
ياللا ياجرجس ..
ياللا يامارى ..ياللا يامرقس...
ياللا ياعم مليكة بسرعه نطفى النور..
ونفكر ...
ونعيد حساباتنا من الأول ...
ونقرر ....
بكره جديد .....
القلب اتغير ...
نتصالح ..
نرسم تانى لبكرة ملامح
نقدر بيها ان احنا نقول ...
قدام كل الناس ان احنا ..
مسيحيين ...
مش بصليبنا ... ولا بهتافنا...
ده بتغيير كامل فى حياتنا ..... نعلن
احنا ولاد النور....
بذرة جديده عليها الدور
Monday 31,12,2007
o4:07 am
كل سنه واخواتى وصحابى واهلى وناسى واحبابى بخير
ويارب كده عقبال كل سنه لما نتقابل
فى نفسى اليوم من كل سنه
ولا حد يغيب ولا حد يعتذر
وزى مابيقوللى بللافرانجى
هابى نيو ييير ألفين وطمانيه
HaApPy NeW YeaR
xXx 2Oo8 xXx
بعد حصاد أبام وشهر
بذره جديدة عليها الدور
فات من عمرك ياما وياما.. ولسه الساقيه تلف تدور
ماهى ايام ...
عندك حق ..... وانتى كمان
ماهى ايام بتعدى وتجرى يوم ورا يوم والعيشه تمام
بكره هييجى غصبٍ عنا .. وامبارح يبقى اسمه زمان
وزمان يعنى خلاص مستور
نفضل ماشين زى ماتمشى ..زى ماتيجى منين ماتكون
مش شايفين من بكرة ملامح .. ومافيش شئ فى الإيد مضمون
مطرح مابترسى ندقلّها...تايهين..
ده اولها ولا اخرها ؟؟ ولا ده شئ تالت مغمور ؟؟...
شفت العصافير...لما تهاجر ييجى معادها ماتتأخرش
واللى بيفضل بيموت وحده .. اصل الدنيا ياناس ماتقفش
عشان عصفور....
واحنا معاد الهجرة اهو جانا
ننسى ... نرمى حمولنا ورانا
بس نفكر ..واللى يفكر هو الأشطر
لو كان بكرة صورة امبارح تبقى حمار.. (اعتذر)
ايه غيرت فى عمرك قوللى ايه الأعذار؟؟
عمر وطار ....!!
واللى هييجى هيطير برضه ..
واللى هيفضل بس فى أرضه اللى الزرعه متبته فيها ..
اللى حفر علشان يرويها..
وسقاها مية الأبيار .... أصل الامطار مش مضمونه
وحياتنا ياصاحبى دى بخار.....
ياللا ياجرجس ..
ياللا يامارى ..ياللا يامرقس...
ياللا ياعم مليكة بسرعه نطفى النور..
ونفكر ...
ونعيد حساباتنا من الأول ...
ونقرر ....
بكره جديد .....
القلب اتغير ...
نتصالح ..
نرسم تانى لبكرة ملامح
نقدر بيها ان احنا نقول ...
قدام كل الناس ان احنا ..
مسيحيين ...
مش بصليبنا ... ولا بهتافنا...
ده بتغيير كامل فى حياتنا ..... نعلن
احنا ولاد النور....
بذرة جديده عليها الدور
Monday 31,12,2007
o4:07 am
كل سنه واخواتى وصحابى واهلى وناسى واحبابى بخير
ويارب كده عقبال كل سنه لما نتقابل
فى نفسى اليوم من كل سنه
ولا حد يغيب ولا حد يعتذر
وزى مابيقوللى بللافرانجى
هابى نيو ييير ألفين وطمانيه
HaApPy NeW YeaR
xXx 2Oo8 xXx