كنيسة للايجار

[كراكيب]

ازايكم يااحلي اعضاء
موضوع جديد استفزني وقلت لازم اعرضه علي حضراتكم ومنتظر بعض الهجوم كالعادة
كنت في احدي الكنائس وبعدين كان معايا جروب وقلنا نخش احنا وامين عام خدمتنا وكمان الاب الكاهن نحضر في الكنيسة ونعمل اجتماع وفوجئنا باخ مسئول بيقولنا ايجار الكنيسة 50 جنيه في الساعة طبعا مبلغ صغير وميجيش حاجة جنب الالف جنيه اللي بتاخدها بعض الكنائس نظير حجزها للفرح
انا مش هتكلم عن موضوع الافراح برغم معارضتي الشديدة للاستغلال والغلاء ده وبلاش كلمة استغلال عشان محدش يقوللي محدش قال لك تعمل هناك وبلاش كمان غلاء
هنقول ان ده فرح وياسيدي اعمل في كنيستك لو مش عجبك
طيب والاجتماع برده اعمل في كنيستي ومشوفشي باقي الكنايس ولا ازورها
طبعا مش كل الكنايس فيها العادة الخطا دي لكن في كنايس فيها
البعض هيرد ويقول ده نوع من انواع الدخل عشان مش عارف ايه وايه وايه
هرد واقول ان في كنايس بتبني ببركة ربنا وهو بيبعت عن طريقه الملايين
عامة انا قلت وجهة نظري وانا ضد ان الكنيسة تؤجر بالساعة لا في فرح ولا في غير فرح
بس عشان التنظيم ومش كل الناس تعمل مثلا في كنيسة كبيرة يبقي المفروض كل عروسين يبقوا تبع ابروشيتهم ويتحط شيء مثلا علي سبيل البركة مش الف وزيادة

[magdy totti]

ااااااه بقى لو الكنيسة قديمة وفيهاا ااشيااء اثرية يبقى
السعر هنا يفرق
ااحنا ااحسن ناس بنعرف نجيب الفلوس اازى وبااى طريقة
شكرا يا ميلاد على توضيح الامور

[يارا الاموره]

لا تعليق علي شئ غريب
انا اول مره اسمع عن هالموضوع الصعب
لكن رائي ان ممكن تعطي بركه ولو شبه رمزيه لا اكثر

[نادر شحاته]

للاسف المسئولين فى الكنيسه شانها شان اى شئ فى المجتمع ربنا يرحم

[كراكيب]

شكرا يانادر
شكرا ياجودة
شكرا يايارا شكلي سوات سمعة مصر عنكم يابنتي
ربنا يرحم علي راي نادر

[mina shafiek]

أنا ليا وجهة نظر مختلفة شوية بس حبيت أقولها ......وهي أننا لازم نحدد مفهوم او سبب الحصول على المبالغ ديه وكلنا متفقين أن المبلغ ده سواء كان 1 جنيه او ألف هو هيستخدم بعد كده من أجل حاجتين
1- مشروعات الكنيسة (بناء- خدمات -خامات ..ألخ)
2- أخوة الرب وتوفير بعض أحتياجتهم
ده أولا
ثاتنيا بقى نكلم على المبلغ اللي بتحصل عليه الكنيسة أذا كان كبيرا وليكن 1000 جنيه زي ما قلت وانا شايف أنه ده راجع لعدة أسباب:-
1- اولا الشخص اللي رايح كنيسة كبيرة هو عارف أنها هتطلب مبلغ كبير وأكيد هو قادر على الدفع والكنيسة الكبيرة ديه مش حاطة مبلغ كبير علشان هي كنيسة ككبيرة ومشهورة لكن علشان كل ما كانت الكنيسة كبيرة كلما كانت ألتزامتها أكبر فمثلا أنا أعرف كنيسة كبيرة بتدفع أقساط شهرية قدرها 15000 جنيه طب أزاي هتحصل على مبلغ زي ده بسهولة
2- ثانيا على هذا المنوال قيس اي شيء آخر هتلاقي أن الموضوع نسبة وتناسب وكله من أجل الكنيسة وللكنيسة ...وشكرا

[حبيبه]

يعني المفروض ان حضرتك يوم اكليلك تعملة في كنيستك وتوفر الباقي لاخوة الرب

[Naderman]

صلاه .......................... نحتاج للصلاة

[كراكيب]

فعلا محتاجين دايما صلاة

[bassem8800370]

انا هرد بايه واحده قالها السيد المسيح
بيتي بيت الصلاه يدعي وانتم جعلتموه مغاره للصوص
فعلا الايام تعيد نفسها انا لا اهاجم الكنيسه
افرضنا انا معيش فلوس عشان اعمل الاكليل اعمل فى الشارع ولا ايه
فى سوال محرج حب
هى اجرة الاب الكاهن فى عمل الاكليل وصلت كام الايام ديه ؟!!!!!!


(مشكلتى انى صريح زياده )

[كراكيب]

منور ياباسم
بص ياريس هو الموضوع موصلشي لكدة يعني لمغارة اللصوص احنا بنقول في تعدي في بعض وليس كل الاماكن وعامة لو ممعكشي فلوس في كنايس ببلاش بس مش مستوي طبعا
بالنسبة لاجرة الاب الكاهن هي مااسمهاش اجرة لان الاجرة بتبقي مقابل عمل مهو بياخد مرتب مقابل عمله وخدمته
لكن ده ميمنعشي ان في بعض الاباء الكهنة بياخدوا فلوس لكن اعتقد ده غالبا بيبقي بارادة العريس كنوع من أنواع ( مش لاقيلها مسمي ) لابونا لكن في كهنة كتيرة مبياخدوش وانا مبدافعشي لكن بقول حقيقة
مشكلتك ممكن متبقاش مشكلة لو ركزت في صراحتك شوية
نورت الموضوع واهلا بيك

[اس اسامة عوض]

صديقى العزيز .انت روحت الكنيسة دى وحصل اللى انت قولتة وانت عارف اسم الكنيسة والخادم والابروشية اللى تابع لية الكنيسة والاسقف روح سيدنا وقالة . يا اما ابعت سؤال الى البابا شنودة وبسم الخادم والكنيسة والاسقف . وكدا وهو يتصرف فيهم وكدا نحل المشكلة . لكن انك تخلى الناس فى شك وحيرة وناس تقول كلام كتير . ودة مش كويس انت مش بتحل مشكلة ابدا .
اما من عن الفرح والصلاة الاكليل دى حاجة معروفة انى الكنيسة بحجز . واللى مش عاجبة الحجز فى كنيسة السعر فية رخيص جدا . والفلوس اللى بتدفع دى هيا تحت بند التبرعات مش اكتر . ولا دعى انك تخلى انى حد يقول انى الكاهن بيخد اجرة واغيرة يعنى .
سامحنى بجد لانى الموضوع لازم يكون لية حل مش يفتح فية كلام والكلام يكتر
ارجو الرد

[bassem8800370]

لكن ده ميمنعشي ان في بعض الاباء الكهنة بياخدوا فلوس لكن اعتقد ده غالبا بيبقي بارادة العريس كنوع من أنواع
طيب الاب الكاهن هو اللى طلب بنفسه تسميه ايه ( اقوله ايه ساعتها )
الموضوع موصلشي لكدة يعني لمغارة اللصوص
انا مش قصدى حرفيا للايه بس انا شايف انى فى تجاره فى الموضوع

[نانا2]

بصراحة انا اول مرة اسمع عن الموضوع ده يعنى لو عايزة اعمل اجتماع بخمسين جنيه الساعة حاجة غريبة او يمكن جديدة عليا بجد ربنا يرحمنا ميرسى على الموضوع

[BESHO BAVARIOS]

لا تعليق ........... لابد أن يأتى التعليق من البابا شنوده
ارجو ان يصل الموضوع الى البابا