حبه تحدى وياريت الكل يشارك

[bisho03]

قبل اى كلام
انا بضرب تعظيم سلام
لوحوش المنتدى يعنى الشعر والادب والميزان اللى من غير ورق واللى بورق
والقافيه وكمان اللى من غير قافيه
يعنى احلى احاسيس
واحلى كلام فى اللذيذ
وطبعا بعد اذن عماد مشرف منتدانا الجميل
وبعد النظر فى الامر والتحليل...
قررنا الاتى بالتفصيل
مناقشة موضوع بصراحه ...ايا كان الموضوع...
بس مناقشه تكون موزونه مش بس كلام ملطوع
يعنى تقول رأيك فى حاجه بكلام موزون بميزان
وتشغل راسك فيها وتطلّع احلى كلام
وبدءا انا عن نفسى هقول نتكلم سوا على طول ونسأل ...
إيه معنى الحب لكل واحد ؟؟؟؟
ونشوف المشاركات الجميله

[Team Work®]

اقتراح جميل جدا جدا جدا بجد

اشكرك جدا واتمنى من الجميع المشاركة

وشكرا

[bisho03]

نقول يارب الكل يشارك
منها نشغل وننشط مواهبنا
ومنها نتناقش ونعبر عن اراء بتهمنا كلنا

[nrmo]

هى فعلا فكره حلوه اوى
وانا هجاوب
الحب معناه بالنسبه لى ان الشخصيه اللى ادامى تكون بتحترمنى وتقدرنى وتحب انها تاخد رائى فى كل حاجه وتشاركنى فى كل حاجه هى بتكون فيها .وتحسسنى انى انا مهمه جدا بالنسبه لها ورائى كمان يهمها وفى حاجات كتير تانى بس دى اهمها

[bisho03]

المطلوب يا نرمو كان كل حاجه مش بس حاجه واحده
يعنى التعبير عن الرأى كامل مش نقطة واحده وبس
لكن لو دى اهم نقطة فى نظرك اوكى

[عماد حسنى]

بيشو موضوعك جميل جدا جدا
وانا مقدرش ماردش على موضوع ليك
وبالاخص لما يكون حلو اوى اوى كده
بس ردى هايكون على ادى
لانك طلبت نتكلم فى موضوع محتاج كتب ومؤرخين يكتبو فيه
---------------------------------------------------
الحب معانى وصوره كتيره . شوف اى اتنين هتبقى فى حيره
الحب مشاعر وكمان احاسيس . قلب ينبض من غير مقايس
الحب تمسح دمعه مسكين . تساعد محتاج بمحبة تعين
تضحى وتدى متقلش انا مين . لفعل الخير فى خط حنين
الحب تسامح وتكون فرحان . انك تكون فعلاً أنسان
الحب قلب يدق . للكل يرق . من غير مايطلب لنفسه الحق
الحب تضحية وبذل وعطاء . موده ومشاركه ووفاء
الحب كل شىء فى الدنيا . يتولد فى يوم فى شهر فى ثانيه
المهم اننا نحافظ عليه . اننا نقدر ونفهم معانيه
بكل اهتمامنا نراعيه . والاهم ربنا يكون ماليه

[mask of zoro]

مع انى مش فاهم حاجة
يعنى دا كلوا علشان سؤال الحب ما كنت سالتوا فى سين سؤال احسنلك من الشغل دا كلوا

بس بجد ربنا يعوض تعبك خير فى حياتك
وكل سنة وانتم طيبين وسنة سعيدة عليكوا وعلى الناس كلها

[bisho03]

بيشو موضوعك جميل جدا جد
...........................
الحب معانى وصوره كتيره . شوف اى اتنين هتبقى فى حيره....
الحب مشاعر وكمان احاسيس . قلب ينبض من غير مقايس....
الحب تمسح دمعه مسكين . تساعد محتاج بمحبة تعين....
.................................................. .............


كل ده ومش عايز ترد...
ياعمدة ده انت افحمتنى
بجد.......رااااااااااااائع

[bolalover]

بجد موضوع رائع جدااا فوق الهائل
بس انا كان نفسي اشارك معاكم
بس مش بعرف اكتب شعر حلو زي الي انتوا بتكتبوه
كل الي اقدر اقوله ان الحب احساس و الانسان من غير احساس مش انسان زيه زي الحيوان

[nermos1982]

الحب اجمل احساس
الحب انك تدى قلبك لارق انسان
الحب عطاء
عمرك ماتفكر تدى لحبيبك ايه
ده انت لو اديته عمرك شوية عليه
اوعى تخاف من الحب
حب وعيش الحب
ده الحب يا ناس اجمل احساس

[bisho03]

بجد موضوع رائع جدااا فوق الهائل
بس انا كان نفسي اشارك معاكم
بس مش بعرف اكتب شعر حلو زي الي انتوا بتكتبوه
كل الي اقدر اقوله ان الحب احساس و الانسان من غير احساس مش انسان زيه زي الحيوان
الحب كيان
بيحول كل الكون الوان..
بيفتح عين اللى استعمى .. وبقالو زمان
يخلقلو احساس ... يخلق وجدان
ده الحب الحاجه اللى تميز
بس الانسان
وصل صوتك يا بولا
ووصل مفهومك يا غالى
وتشكر كل الشكر على المتابعه والمشاركة

[bisho03]

الحب اجمل احساس
الحب انك تدى قلبك لارق انسان
الحب عطاء
عمرك ماتفكر تدى لحبيبك ايه
ده انت لو اديته عمرك شوية عليه
اوعى تخاف من الحب
حب وعيش الحب
ده الحب يا ناس اجمل احساس
طب ايه اللى اقدر اقوله
بعد الكلام ده كله
ده لو سهرت الليل بطوله
مش هعرف اكتب بيت منه
بجد كل اللى هقوله
سى ترى بيان
برااااااااااااافوووو