سؤال محرج بس ارجو الرد عليه بسرعة؟

[يسوع حبييى]

معلش انا بس نفسى اسال الؤال دة وانا واثقة ان فيه بنات كتير ممكن يعانوا منه

انا مخطوبة بس للاسف ان الافكار دايما بتجاربنى وبتحلينى افكر فى خطيبى من ناحية العلاقة الزوجية انا بصراحة مش عارفة هل دة صح وللا غلط بس انا بحاول كتير احارب التفكير دة وبشغل نفسى باى حاجة تانية بس الشيطان بيرجع تانى ويحاربنى؟

اتمنى انكم تهتموا بالسؤال دة لانه بجد مضايقنى ومحيرنى

[اتوسي]

اهلا بيكي صديقة و اخت عزيزة لنا في المنتدى , انا اطلعت على مشاركتك في كلام في الممنوع و لكن ادهشني التناقض في طريقة تفكيرك يعني انتي مخطوبة لشخص محترم و عندك معرفة كاملة بعواقب تفكيرك الغلط بالعلاقة الجسدية
انا تفاجات لانك مترددة انه ممكن يكون تفكيرك صح او خطأ , الانسانة المخطوبة تفكر في حياة ما بعد فترة الخطوبة و ممكن انها تفكر زيك بالظبط لانها انسانة و لكن
هل فكرتي ان تعيشي اللحظة كما هي يعني بمعنى أصح لا تهتمي بالغد دعي الغد يهتم بنفسه و ثانيا لو انتي سمعتي للشيطان ممكن تفقدي احترام خطيبك ليكي و الاهم احترام نفسك , يا عزيزتي الخطوبة هي فترة لمعرفة الآخر ..أفكاره .. الاشياء يلي ممكن يشبهك بيها او حتى التي لا يشبهك بها وكما انه ليس من الضروري خطيبك ان يشبهك ممكن ان يكون يكملك و بالنسبة الى افكارك تجاهه بالجنس لازم تحاربيها و ذلك انك تصلي للرب و تتذكري انو جسدك أمانة لازم تحافظي عليها و لازم تفكري باهلك و كمان اذا شعرتي بضعف امام تفكيرك لازم تحاولي انك ما تكوني مع خطيبك لوحدك و انما يكون معك حد من اهلك
سأصلي للرب من أجلك و انتي ايضا صلي للرب لكي ينقذك من افكار الشر

[waelguirguis]

أولا سلام ونعمة لكم جميعا لأني لأول مرة اكتب في المنتدي
ثانيا بخصوص السؤال المحرج
بالطبع ... "لكل شيء زمان و لكل امر تحت السماوات وقت" (جا3: 1)
يعني أكيد مادام هو مش زوجك يبقى التفكير في الأمور ده غلط وخطية كمان. حاولي تشغلي نفسك بأمور الخطوبة المهمة زي
1- من ناحية حياتكما الروحية
2- من ناحية أمور الحياة الاجتماعية
3- من ناحية حياتكما الاقتصادية والمستوى المعيشي
4- ممكن تفكروا في الانجاب .. من ناحية كام طفل؟ فرق السنين للولادة؟ أسماء الأولاد أو البنات؟ مش أكتر من كده

نصيحة أخوية ... احضري برنامج "بيت على الصخر" على قناة سي تي في بيتكلم فيه الأنبا بولا عن أمور كتيرة خاصة بالمواضيع اللي زي كده

أتمنى أيضا أن تصلي وتستشيري أب اعترافك في الأمر ده

وعامة لما يجي ليكي التفكير ده .. اهربي منه .. عن طريق اتكلمي مع اخوتك او ابويك أو اقرباءك .. بالصلاة .. بالعمل .. بالخدمة .. بالقراءة الروحية

شكرا اتمنى اكون افدت





معلش انا بس نفسى اسال الؤال دة وانا واثقة ان فيه بنات كتير ممكن يعانوا منه

انا مخطوبة بس للاسف ان الافكار دايما بتجاربنى وبتحلينى افكر فى خطيبى من ناحية العلاقة الزوجية انا بصراحة مش عارفة هل دة صح وللا غلط بس انا بحاول كتير احارب التفكير دة وبشغل نفسى باى حاجة تانية بس الشيطان بيرجع تانى ويحاربنى؟

اتمنى انكم تهتموا بالسؤال دة لانه بجد مضايقنى ومحيرنى

[newnasry]

سؤال جميل بس معنديش تعليق

[marian magde]

:em0400:بصى هو الكلام مش واضح قوى قصدك منوا لكن على حدفهمى انك بتفكرى فية من ناحية العلاقة الجنسية ،فلو دة قصدك انا اعتقد ان دى حروب من الشيطان لان من الاهم ان فى فترة الخطوبة هو التعرف اكثر على شخصيتوا والعكس والتقرب ليا عقلانيا عشان مايبقاش فى خلافات كبيرة بعدين لان دة الاهم وكمان عشان تغيرى تفكيرك عن التفكير دة حاولى انك ماتخديش الموضوع بتنشنة قوى وخوف انك بتفكرى غصب عنك لا حاولى تقولى نفسك ان الاهم هو التقرب العقلانى دلوقتى لنجاح العلاقة الدائمةوان اى حاجة هتيجى بعد كدة بعدين وربنا معاكى وصلى كثير

[hanymalak2001]

أرجو ان تصلى عندالتفكر فى هدا الموضوع

[emmmy]

اولا اهلا بيكى معانا فى منتدانا الغالى
ثانيا متخافيش كل دى حروب من عدو الخير بصى انتى مخطوبة وعارفة وفاهمة ان الخطوبة دى مجرد فترة تعارف واختبار للطرفين يعنى ممكن تنجح وممن لا يبقى انتى مينفعشى تسلمى نفسك لية ابدا اما الافكار فهى طبيعية لانك بتحسى بميل لخطيبك يعنى شهوة بمعنى اوضح وصريح شوية معلش
طيب اكون انا صريحة معاكى اكتر ممكن بنت مش مخطوبة خالص وتحس وتفكر فى شخص نفس التفكير
يعنى متخافيش صدقينى -- بس انتى خليكى ثابتة اطلبى معونة ربنا دايما وخلى فكرك طاهر وجسدك طاهر بولس الرسول بيقول انتم هياكل الله وروح اللة يسكن فيكم
فى حاجات مطلوبة منك تعمليها متقدميش اى تنازلات ابدا يعنى متخلهوش يمسك ايدك ولا يقرب منك اوى ويحط ايدة عليكى خلى الامور تبقى طبيعية وحلوة ومقبولة مخطوبين يعنى اخوات والكنيسة عملت الخطوبة للتعارف بس لان دى دايما بتكون البداية اى تنازل منك مهما كان بسيط بتكون هى دى البداية لاى غلط بعد كدة وخلى بالك كل ما كنتى صعبة كلما كنتى اغلى واثمن عندة صدقينى
ربنا معاكى ويفرحك دايما ويقويكى على كل محاربات عدو الخير متخافيش امسكى فى يسوع ومتخافيش

[القطة كيتي]

بصي اكيد الشيطان مش بيسيب حد وبيلعب بافكارنا كتير بس اول لما يجي التفكير دة في دماغك علي طول قولي في بالك بارك علاقتنا يارب وبجد التفكير دة هيروح علي طول ربنا معاكي

[sky eagel]

كلنا مرينا بالموضوع ده وكل اللى أنا عايز أقولهولك بإختصار ( فى العجله الندامه ) .. كل شئ بأوانه وهاتاخدى اللى إنتى عايزاه بس كله بأوانه.

[romanynabeeh]

سلام ونعمة
هقولك حاجة بسيطه , انت قولتي انك مخطوبة والخطوبه ممكن تتفك ولو انتي فكرتي فيه اثناء الخطوبه بفكر جنسي (علي حسب ما فهمت ) ممكن تفكري فيه بنفس الطريقة لو سبتوا بعض _ربنا ما يسمحش _ واظن ان ده غلط . لان دي نقطة ضعف ممكن يستغلها الشيطان , متسيبلهوش باب مفتوح .
ربنا يوفقك في خطوبتك وجوازك .

[bolbolm2009]

ربنا معى الكل فى كل المحاربات وهوا قادر على دحر الآفكار الشريرة والمدمره

[bolbolm2009]

أسنطيع كل شيىء فى المسيح يسوع الذى يقوينى

[essam_7]

اختي كل ده عطش روحي زي ما قال مخلصنا من يشرب من هذا الماء يعطش ايضا لكن اذا دخل المسيح حياتك تاكدي اني الفكرة دي هتموت
اما بالنسبة للجنس في الجواز هو شي مقدس كما قال بولس الرسول
ليكن الزواج مقدسا والمضجع غير نجس

[pesont]

للاخت صاحبت سوال محرج انا قريت التعليقات بس سا محونى فى كتير منها مش واقعى خالص هو مثالى قوى (اللى هو ازى تفكرى كدة ............) معلش يمكن لانهم ما مروش بدة او الموضوع بالنسبه لهم مستحيل بس صدقينى انا شفت ناس كدة كتير ودى مش كارثه بس هى ممكن تؤدى لكارثه انك تطاوعى الافكار دى بصى يا حبيبتى اهم حاجه انك تستمرى تحاربى الافكار دى انك تتشغلى باالتجهيز للفرح او الخدمه او البييت بس حاولى كمان حاولى الحوار الرومانسى بينك وبين خطيبك ما يدخلش ف اى ناحيه جسديه لان دة بيستغله الشيطان جامد يعنى حاولى لما الحوار ينحرف عن الطريق اللى انتى رسماه غيرى الموضوع او اقفلى السكه وكلميه بعد شويه وصدقينى بعد الجواز الاحساس بيتغير خالص مش بيبقى شهوانى كدة (يارب اكون ساعدتك)

[admin2020]

صلى كتير من اجل الموضوع دة وبصدق وصدقينى الرب هيعينك ويبعد عنك الحرب دة واهربى من اى شىء او موقف ممكن يوقعك فى الحرب دة وركزى فى معرفة صفات خطيبك واخلاقة وعيوبة وعلاقتة بربنا وصلى بردة ان الرب يكشفلك اى شىء وحش فية وانة مايسمحش تكملوا فى مش هى دة ارادتة ولو ارادتة يكمللكم ارتباطكم بسلام ولتكن ارادتة وحدة فى حياتك امين
وصدقينى الحب الكامل هو الى مش داخلة شهوة جسدية فا خلى حبك نقى طاهر علشان كمان تفضلى غالية فى نظر خطيبك وعلشان الشيطان مايدخلش من خلال الخطية دة ويخرب كل حاجة حلوة ربنا يسوع مايسمحش.
وربنا يكون معاكى ويعينك ويطهر كل حواسك وافكارك ويقدسها لمجد اسمة امين.

[donah]

سلام المسيح يكون معك يا اختي ، بالنسبة لتفكيرك شيئ طبيعي ولكن اجعليه لا ياخذ كل تفكيرك دي تجارب الشيطان حاربيه بالصلاة اجعلي تفكيرك بحياتك الحالية باخلاقه بتفكيره بتطابق افكارك مع افكاره ادرسيه من جميع النواحي واتكلي على الله فهو من يسير حياتك فاذا كان هذا الانسان في خير لك صلي لكي تتابعي معه وكل الامور الثانية اتركيها للمستقبل والله يكون معك ويرشدك لما هو صلاح لك

[yacop]

كل الي عيز اقولوه ان الخطوبة والزواج علاقة حب وتضحية
من اجل الاخر
لان العلاقة الجنسية خارج الحب والبذل والعطاء هي اهدار لطاقة الانسان
من طاقة روحية وجسدية وفكرية
ورغبتك في الجنس عبارة عن طاقة مكبوتةلازم تخرجيهافي امور بناءة
زي مكان الاباء بيخرجوها في الصلاة طول الليل
والقراءة والتسبيح
والرب يكون معاكي
صلي من اجلي

[أندراوس]

سلام ونعمه يا بوسبوس سؤالك جميل وجرىء وبيدل على إنك بنت المسيح علشان كده أنا أهتميت بالرد عليه لأنك حتفهمينى و الكلام اللى حأقولهولك حيحل لك المشكله . أولا كلامك بيدل على أنك بتحبى خطيبك وده شىء جميل جدا لأنه حينتج عنه زواج ناجح بإذن يسوع . بس كل اللى حأقدر أقولهولك إن كان فيه بنت جميله زيك كده ومخطوبه برضه بعتت سؤال لأبونا المحبوب داود لمعى بتقول له إن خطيبها شهوانى وعايز يحبها بطريقة أولاد العالم بحجة إنه بيحبها وكان رد أبونا داود لمعى إنها تقول لخطيبها لما يقول لها أنه بيحبها علشان تسلمله للغرض اللى فى نفسه لأ إنت مابتحبنيش المسيح بس هوا اللى بيحبنى ومات علشان بيحبنى أما إنت عايز تموتنى ده كان رد أبونا داود لمعى . أما سيدنا قداسة البابا بيقول فى الحالات اللى زى كده أعقلى وأتقلى . وأحب أيضا أن أقول لكى أن الزواج سر من أسرار الكنيسه السبعه ولايتم إللا بحلول الروح القدس فى الأكليل وكما يتم تجهيز الماده فى سر المعمويه لحلول الروح القدس وهى تجهيز المعموديه وصوم الأب الكاهن وصوم أم الطفل المعمد الى أخره وأيضا تجهيز الماده فى سر الأفخارستيه و الماده هنا هى الخبز وتحوله للجسد بحلول الروح القدس والأباركه وتحولها للدم أيضا بحلول الروح القدس . أما الماده فى سر الزواج هى الحب اللى بيحضره الخطيبين خلال فترة الخطوبه وبيحل الروح القدس على الحب ده اللى هوا مادتنا هنا وبيصير الأثنين واحد وبيكون زواج من عند ربنا . وده على فكره موش كلامى ولا رأيى ولكنه رأى أحد الأباء وإن كنت أعتقد أنه كلام أبونا المحبوب داود لمعى فى هذا الخصوص . أما إذا كانت مجرد تفكير يا بوسبوس وعايزه طريقه تتغلبى بيها على التفكير ده فا موش حينفعك فى هذا الخصوص غير رأى أب كاهن . وربنا يحافظ عليكى صللى من أجلى

[سلم]

قرات سؤالك اولا \ انظرى الية بانة راس المراة كما ان المسيح راس الكنيسة يعنى نظرة روحية انظرى الية بانة حاميكى كما ان المسيح حامينا انظرى الى الاشياء الروحية تجدى فيها سعادتك انظرى الى ماهو فوق تجدى راحة بداخلك الرب معكى واطلب من الجميع ن يصلو معى للاخت

[أندراوس]

سلام ونعمه يابوسبوس تانى أنا كتبت الرد الأول قبل ما أقرأ ردود الأحباء الاعضاء ولكن بعد ما قرأت الردود الجميله دى كلها أوحت لى بشىء قلت أقوله لك . وهو أنك تبحثى عن أماكن دورات المخطوبين عندك فى أسوان اللى تابعه للبطريركيه وحتتبسطى جدا وموش حيبقى عندك أى مشكله وعلى سبيل المثال فى الدورات دى بيقولوا لكم انكم تتكلموا وتتفقوا حتعيشوا إزاى مثلا حتقضوا ليلة العيد فين فى بيت والده وللا فى بيت والدك ده على سبيل المثال وليس الحصر موش ما نأخدش الحاجات الصغيره دى فى عين الإعتبار ونقعد نحب فى بعض ونيجى عند ليلة العيد وللا العيد ونتعارك حنقضيهم فين وهكذا . أشغلوا دماغكم ب حتعيشوا إزاى يعنى خليكم فى المهم اللى ييجى على تفكيره منكم اى حاجه زى موضوع ليلة العيد والعيد ناقشوا الموضوع ده وأتفقو حتعملوها إزاى وحتعيشوا إزاى وبكده حتخرجوا من فترة الخطوبه وتدخلوا مرحلة الزواج وإنتم عارفين راسكم من رجليكم وأعصابكم حتكون هاديه وكل واحد منكم حيبقى عارف هوه داخل على إيه . لازم تحضروا دورات للمخطوبين حتى لو ما فيش فى محافظتكم وفيه فى محافظه مجاوره لأن بحضوركم حتحبوا بعض أكتر وبشكل مختلف ومبارك . صللوا من اجل الجميع .

[كوكىمانا]

أنصحك بالتناول من الأسرار المقدسة باستمرار طول فترة الخطوبة وخصوصا فى اليوم اللى هيزورك فيه خطيبك لأن المسيح الذى أخذتيه فى التناول قادر أن يحفظك من السقوط فى الخطية ---
ثانيا / ممنوع منعا باتا التواجد مع خطيبك فى حجرة مغلقة بمفردكم حتى لو كانت حجرة الصالون ولابد من وجود والدتك أو والدك أو احد أخوتك معكما الى أن تنتهى زيارة خطيبك لك ---
ثالثا / ممنوع الذهاب معه بمفردك الى شقة الزوجية لأى سبب من الأسباب حتى لايقع المحظور فى شقته وتكونى انتى اللى رحت بارادتك
رابعا / ثقى تماما أن جميع الرجال يعتقدون بأن من لا تحمى شرفها قبل الزواج هى غير قادرة على حمايته بعد الزواج وبالتالى لاتصلح زوجة يأتمنها على بيته وشرفه بالزواج منها

[أبوميرا]

صلى دايما
والرب يسوع هيحفظك

[samerco75]

يا رب يسوع اشكرك على نعمتك معايا
اشكرك على رفقتك ومساندتك ليا
اعطنى يا رب ان احيا طاهرا قلبا وفكرا
انشغل بك عملا و اشتاق اليك ساهرا
احفظ يا رب فكرى وفكر خطيبى ساعدنا
ان نتواصل من خلالك وتكون انت هدف حياتنا
امين

[نريمان]

اختى عندما ياتى اليك هذا الفكر ف صلوات سهميه ممكن تقوليها مثلا زى ياربى يسوع المسيح ارحمنى
يا مخلصى اعنى ودبرنى ياربى طهر فكرى وانتى هتلاقى تفكيرك اطهر وربنا معاكى

[ladybird]

سلام ليكي يا بسبوس ولجميع الاعضاء: عايزه اقولك حاجه ويارب تنفع لما يجيلك الفكر الشيطاني ده او اي فكر تاني اطلبي علي طول ربنا وخصوصا الصلاه السهميه هاتنفعك قوي اللي هيا ياربي يسوع المسيح اعني يارب يسوع المسيح ارحمني يا ربي يسوع المسيح شيل مني الفكر ده او اي طلبه ليكي خاصهاو سبحي بيها ربنا يا رب يسوع المسيح اسبحك او احبك::::صدقيني حبيبتي كلنا بنمر بافكار كتير وحشه قوي ودي مش خطيه ابدا لكن الاستمرار فيها والانشغال بيها هو ده الخطيه وده شيء طبيعي جدا لانك بتمري بمشاعر محبه تجاه خطيبك واكيد الشيطان عاوز يستفيد بيها بخطيه ربنا معاكي ويحافظ عليكي في اسمه وياريت لمل تحددي ميعاد الاكليل تبلغينا علي المنتدي صل من اجلي http://cdn.content.sweetim.com/sim/cpie/emoticons/000201BB.gif (http://www.sweetim.com/s.asp?im=gen&lpver=3&ref=10)








http://content.sweetim.com/tbsig/sig.asp?img=ad1 (http://www.sweetim.com/s.asp?im=gen&lpver=3&ref=12)

[مينا اوحنا]

سلام ونعمة ومحبة ربنا يسوع المسيح للجميع,اختى الغالية ممكن اسألك سؤال
انتوا خلصتوا لفين فى الكتاب المقدس سوا؟
وغير كدا مش هقول
او اقولك حاجة تانى انا عارف ان تفكيرك مش ذى قصد اللى علقوا بالظبط
انا فهمت انك مش بتفكرى او بتجيلك افكار ويا خطيبك فى وجود خطيبك
ولكن انتى بتشكى من تخيلات جنسية مش اكتر مع نفسك ودا كنوع من المتعة الجنسية ؟ودا ممكن ييجى بسبب بعض المصادر الخاطئة اللى بنشوفها وبتعمل الفكر دا
باختصار الدش او المجلات او الكمبيوتر او الموبايل
بليز اعملى ستوب للمناظر ديا وانتى هترتاحى كتير وفكرى فى امور ايجابية تانية
اخوكم مينا
وربنا يكون معاكى ومعانا جميعا
واسف لو لم يصل كلامى الهدف او الإطالة
سلام

[bassem8800370]

لا شى اقدر اقوله غير ايك تصلى لانى هذا التفكير من الشيطان

[mno-z]

روئو على البنت شوي .... اولا فرضيتها مش كافية

ممكن يكون قصدها غير اللي بتفكرو فيه

بكل الاحوال عيشي حياتك حبة حبة

ومش انتي اول بنت تتخطب وتفكر كدا

لوقت تتزوجي لكل حادث حديث

[الخاطىء]

اقولك حاجه يا اختى

وقت ما يجيلك التفكير ده

قوام تتصلى على خطيبك

و تتكلمى معاه طبعا مش فى الموضوع ده

بس المهم انك تصرفى حواسك و فكرك من الافكار دى

و يا عينى لو بتصلوا مع بعض يبقى تمام التمام

[ادوارد ادوارد ادوارد 3]

لابد ان تكشفى افكارك لاب اعترافك اول باول - ضعى ضعفك امام الله 0 لانه يعطى المعيى قوة ولعديم القوة يكثر شدة 0 وتاكدى ان ربنا يحبنا كمانحن0 ادخلى الى المراحم الالهية بالمواظبة على الاعتراف والتانول وضعى ضعفك امام الله فتكون قوتك=قوة الله نفسة0 لاتخافي بل كونى واثقة من نعمة الله وصلى مع الرنم داود؛لانه خبانى فى ستر مظلتة ثبت خطواتى - اخيرا لابد من الاتزان وطلب المراحم من قبل اله السموات وتاكدى ان الله يعطى بغنى وفيض (الذى اعانا ابنه 0000كيف لايهبنا معه كل شي) ربنا ينارك حاتك