ايه اديك ؟؟؟

[bisho03]

ايه اديك ؟؟
ايه اديك وانا عارف انك جاى علشانى ؟؟
جاى ومحضر موتك لاجل خلاصى الجاى
جاى وهتكبر لاجل مكانك يبقى مكانى
وصليب عارى تشيله ياربى بس ازاى ..؟؟!!
وتمن موتك ايه اهاديك؟؟!!

كل الناس بتقولك قلبى اديك قلبى وعمرى كمان
بصراحة ومش قادر اخبى .. ياما عملت وقلت كلام
قلت اديلك قلبى هدية وبعد يومين بسحبها قوام
وانسى فضايلك ياما عليا .. ماهو اصل انا طبعى " الانسان "
والانسان بس ازاى يرضيك ؟؟!!

جاى لا معايا دهب ولا فضة ولا حتى مر ولا لبان
جاى بعنيا وفيها الدمعه بتلف فى كل الاركان
عايزة تشوفك بس شايفها عارفه ياربى ان انت عارفها
وان انا عارف انك جايلى وصليبك جايلك قدام
والمسمار انا جاى اديك !!

جاى اقولك تمم عملك .. ده من غير عملك ماسواش
جاى بمسمار بيزيد ألمك .. اصلب قلبى ماتستناش
ده انا بأثامى وعارى ياربى .. بقسى .. وانت ليه ماتقساش .؟؟
رقة قلبك دايما واقفه قصادى وبعجز ... ماتشيلهاش
حتى ان كان فى اديا صليبك

7.Jan.o8

[عماد حسنى]

رائعه كلماتك يا بيشو
اشكرك جدا جدا جدا
على الكلمات الجميله اوى اوى دى
ربنا يباركك ويكون معاك ومع كل اولاده

[Team Work®]

كلماتك حلو بجد

كل سنة وانت طيب

[bisho03]

رائعه كلماتك يا بيشو
اشكرك جدا جدا جدا
على الكلمات الجميله اوى اوى دى
ربنا يباركك ويكون معاك ومع كل اولاده
متشكر جدا جدا جدا يا عمدة على ردك الرقيق ده

ويارب تصلوووووووووووولى
عندى بكرة امتحان كيميا
والكيميا غداره اللى يسقط فيها
يكتب فى المنتدى

[bisho03]

كلماتك حلو بجد

كل سنة وانت طيب
وانت طيب يا هيما
انا معرش ان كان ده اسمك ولا لاء
بس شفتهم ماسمعتش... بيقولولك كده

وشكرا جدا على متابعتك وتشجيعك

[bolalover]

كلمات جميلة جدا يا بيشو
شكرا ليك كتير يا غالي
و كل سنة و انت طيب

[kamel]

الله عليك يابيشو كلامك يخش القلب بسرعة
المسيح يبارك مواهبك الروحية
وكل سنة وانت طيب

[MICKEY]

ربنا يباركك
دايما مفرحنا بكتاباتك
ربنا معاااااااك
ربنا يبارك حياتك
صليلي

[bisho03]

كلمات جميلة جدا يا بيشو
شكرا ليك كتير يا غالي
و كل سنة و انت طيب
ميرسى ليك كتير بولا
الف شكر على مرورك وتعليقك

[bisho03]

الله عليك يابيشو كلامك يخش القلب بسرعة
المسيح يبارك مواهبك الروحية
وكل سنة وانت طيب
ميرسى جدا استاذ كامل على ردك الجميل ده
بجد كلامك ده كبير عليا قوى
بس عندى عتاب عليك
انت فين ومش باين ليه وكلامك الحلو مش منور المنتدى ليه ؟؟

[bisho03]

ربنا يباركك
دايما مفرحنا بكتاباتك
ربنا معاااااااك
ربنا يبارك حياتك
صليلي
ربنا يخليك يا ميكى
وبجد ميرسى قوى قوى على تعبك ومحبتك ومشاركتك ليا
اما من جهة الجزء الاير من ردك ده هقولك ياريت انت اللى تصليلى
ولو مش بتصلى
دور على حد يصليلنا احنا الاتنين

[بنت المسيح]

كلام جميل يا بيشو وربنا يسعدك ويبارك حياتك

[bisho03]

ميرسى ليكى كتير يا
بنت المسيح
وربنا يبارك حياتك ويثمرها
وتلاقيها مخضرة
انصحك ..
خليكى نباتيه من دلوقتى
ههههههه