الموبايل مهم لكن خطر اوى

[kiro.kiro33]

لا تشحن هاتفك طوال الليل
و لا تجعلة قريب منك أثناء الشحن
لا ترد على الهاتف مطلاقا وهو يشحن
هذا الخبر جائني من السويد


قد حدث منذ بضعة أيام انه كان شاب يشحن جواله بالبيت و أثناء ذلك رن الجوال ثم
أمسك به و هو ما زال مركب بالشاحن وبدأ بالتحدث و فى ثوانى ,
تدفقت الكهرباء إلى الهاتف بقوتها لخلل ما فصعق الشاب و سقط مغشى عليه وقد
أحس أبواه بذلك فهرعا إلى غرفته ليجدوه مغشى عليه و قلبه بالكاد ينبض و أصابعه محروقة
فهرعا به إلى أقرب مستشفى و لكن ..........للأسف قد فارق الحياه عند وصوله .

أخوانى ... اخواتي .. الهواتف غاية فى الأهمية فى حياتنا اليومية العصرية , لكن على أى حال لابد لنا من توخى الحرص ...... لا تستخدم الهاتف مطلقا و هو متصل بكهرباء المنزل .... ......إنسخ الصفحة و ارسله لمن يهمك أمره .
منقول لاستفادة

[elphilasouf]

شاحن الموبيل عباره عن محول ضغط
بينزل الضغط ال220 بتاع البيت لضغط قليل خالص يمكن 12 فولت او حسب كل موبيل
ده غير ان شده التيار بتكون قليله بردوا متسببش اي نوع من انواع الاحساس بالكهرباء
مش الصعق او الموت او حتي الحرق

الموضوع مش منطقي باي حال من الاحوال ولا علميا صح

[mno-z]

شكرا يا كيرو وانا سمعت ان اتفجر موبيل كان ع المخدة حتى بدون شاحن

احترسو يا جماعة واللي مابدوش موبايلو يبعتلي اياه

وبالنسبة للفيلسوف هل من الممكن انو الشاحن يتعطل المحول اللي فيه ويصير ناقل مباشر للكهرباء لللي هية 220 مباشرتا على الجهاز ومنها الى الجسم

[kiro.kiro33]

انا معرفش الى انتوا بتقولوا بس انا قراتة فى منتدى قولت انى اقولهوكوا وانتوا حرين

[elphilasouf]

شكرا يا كيرو وانا سمعت ان اتفجر موبيل كان ع المخدة حتى بدون شاحن

احترسو يا جماعة واللي مابدوش موبايلو يبعتلي اياه

وبالنسبة للفيلسوف هل من الممكن انو الشاحن يتعطل المحول اللي فيه ويصير ناقل مباشر للكهرباء لللي هية 220 مباشرتا على الجهاز ومنها الى الجسم

المحول الداخلي في الشاحن عباره عن أسلاك رفيعه جدا معزوله عن بعضها وطويله جدا بيمر من خلالها الكهربا
ممكن الملفات دي تتحرق او تتقع وفي الحاله دي الشاحن مش هيتشغل
او
ممكن العزل بين الملفات ده يحصل فيه مشكله وبتالي يزيد الضغط الخارج من المحول وده هيأثر علي الموبيل ... وفي أكبر المشاكل هتنفجر فيه مكونه الكترونيه داخليه مش ممكن بشكل من الاشكال تخرج من الموبيل لينا لان في وش للموبيل هيشيل الانفجار ويمحينا حتي لو الوش ده من البلاستيك

ده غير ان اي جهاز كهربا مينفع يخرج من المصنع -ومخصوص الاجهزه الاصليه والشركات الكبيره مينفع يطلع من الشركه غير لما يعدي علي قسم الجوده وده بيتاكد من جوده المكونات الى فيه وسلامتها

ومستحيل اي جهاز كهربا يخرج بردوا من شركته الا والشركه تعمل عليه تجارب وابحاث بحيث تحمي العميل تبعها من أي خطر هيهدد أسمها ومنتجها ومبيعتها طبيعي

[elphilasouf]

انا معرفش الى انتوا بتقولوا بس انا قراتة فى منتدى قولت انى اقولهوكوا وانتوا حرين
بصي هو كتير ممكن يخترعوا أخبار غريبه لسبب ما انا لسا معرفهوش صدقيني
او يمكن سمع الخبر بطريقة غلط و كتبه هو زي مافهمه

فمش كل المنتديات المكتوب فيها صحيح ولا حتي المواقع
لان ممكن انا اخترع خبر واكتبه والناس تصدق وتنقله لمنتديات تانيه وهو في الاصل كجرد خيال

فميرسي بجد لتعبك في نقلك للموضوع لكن هنستني موضوعات احسن من كده

[kiro.kiro33]

ميرسى ليك بس انا فى الغالب مش هنقل حاجة تانى الا الى انا شايفها بنفسى

[menovich]

ميرسى على التنبية

ربنا يباركك

[kiro.kiro33]

على اية احنا اخوات