لو حد جرحك تعمل ايه

[Michael_Sabry]

سلام ونعمه
دلوقتى اكيد كل واحد معرض انه ينجرح اوى من انسان كان بيحبه بس اتضح بعد كدا انه ميستهلش الحب دى
طيب ازاى نعرف الواحد دى محل ثقه ويستاهل الحب بتاعنا ولا لا
انا من رائيى ان الموضوع بيكون واضح اوى وربنا مبينهولنا اوى بس لو احنا طلبنا منه بس فى حاجه مهمه
المثل بيقول الحب اعمى بمعنى انك لو بتحب حد مش هتكون عايز تصدق انه مش كويس مثلا حتى لو صدر من الشخص دى حاجات كتير تدل على انه مش بائى عليك بس للاسف فى ناس تطلب من ربنا يدخل فى الموضوع ويبينلهم لانسان دى مناسب ولا لا ولما ربنا بيعمل كدا هو مش بيكون عايز يصدق حاجه تانيه ساعات فى ناس بتقول لربنا ارجوك انا عايز الانسان دى وانا عارف انه مش كويس بس ياريت تغيره عشانى الكلام دى جميل جدا وحلو اوى بس فى مشكله ان الشخص البيقول كدا لربنا ساعات بيكون قرر بالفعل انه يختار الشخص دى منغير مايستنى ويشوفه ههيتغير ولا لا
اخر حاجه عايز اقولها ان الموضوع بيكون واضح لو احنا فكرنا بعقلنا مش بعواطفنا لاننا لو فكرنا بعواطفنا يئبا احنا كدا دخلنا لمنطقه الخطر من اولها وصدقونى فى ناس بتندم انها فكرت بعواطفها منغير ماتحكم العقل الانا قلنه دى من وجهه نظرى انا ومستنى ردودكم على الموضوع دى

[melanora]

فعلا كلامك صحيح جدا
العقل هو الاصح لان القلب بيخدع وكمان لازم الانسان يكون عقلاني وميحكمش عقلة
العقل ثم العقل ثم العقل.....................اي ما لا نهاية
وميرسي اوي علي الموضوع الحلو دة

[ظريف]

موضوعك جميل وواضح جدا هو أننا عندما نحب بقلوبنا لابد أن نعطى فرصه للعقل أن يقول رأيه فى الموضوع وتكون فى النهايه النتيجه لصالح العقل وخصوصا أذا كان موضوع شريك الحياه
شكرا على موضوعك المهم واللى حيفيد كثير من شبابنا الحائر بين قلبه وعقله ربنا يعوضك تعب محبتك آمين

[اللة يرعانى]

اشكرك لطرحك هذا الموضوع جرح دة اصعب شى ولازم نفكر كويس اوى ربنا يعوضك تعب محبتو

[Michael_Sabry]

متشكر على ردودكم وربنا يقف معانا فى اختيار الانسان اليستهلنا فعلا لان مافيش احسن من اختيار الرب

[Team Work®]

كلام حلو وصحيح وعاقل جدا جدا جدا

اشكرك علية وموضوع مفيد ومهم

[نانانادر]

كلامك صحيح المفروض يكون الاختيار من ايد ربنا والمهم اننا نعرف ازاى نوصل لمشيئة ربنا...

[اسامه]

موضوعك جميل وكلامك كله صحيح بس الحب لما بيجى بيشل القدره على التفكير ويجعل الواحد مثل التائه والاعمى ايضا شكرا على الموضوع الجميل ربنا يبارك حياتك

[مادلين بنت المسيح]

عندك حق كل انسان بيحصله كدة فعلا وانا معاك في كلامك
بس احنا لو قولنا يارب في ايدك انت الاختيار صدقني هتلاقي
ربنا ادخل في الموضوع للصالح وربنا يقف معاكم كلكم امين

[peter gerges]

اولا السلام والنعمه على كل اخواتى فى منتدى ارثوزكس
ثانيا الموضوع جميل جدا
ثالثا انا من رأى ان اللى مع ربنا على طول اكيد هايحميه من الناس الوحشه

[Michael_Sabry]

طيب انا مجروح تفتكرو اعمل ايه ؟؟؟؟؟؟؟

[انسطاسيا]

اولا ميرسي مايكل علي السؤال المهم جدا ولو انت مجروح تعمل ايه اقولك
تسيبها علي ربنا وتقول يارب اديني نعمه النسيان علشان اقدر انسي الانسانه دي
وتحاول تشغل بالك دايما باي حاجه علشان متفكرش في الموضوع ده
وربنا يديلك السلام من عنده ويبارك حياتك ويحفظك
اختك الصغيره انسطاسيا

[Michael_Sabry]

شكرا ليكى انسطاسيا بس الكلام اسهل من الفعل
ربنا يبارك حياتك
شكراعلى اهتمامك

[انسطاسيا]

اكيد الكلام اسهل واكيد هتاخد وقت طويل علشان تقدر تنساها
لكن صدقني هيجي الوقت وتكون نسيتها وده هيكون من وقوف ربنا معاك
اطلبه هتلاقيه بيسندك اطلبه بقلبك وهتحس بيه معاك مش كلام وبس
"اكون معك لا اهملك ولا اتركك تشدد وتشجع"
"ويتكل عليك العارفون اسمك لانك لم تترك طالبيك يارب"
ربنا معاك