محتارة جدا

[marean]

يا اخواتى يللى فى المنتدى محتاجة شوروا عليا انا كنت معجبة بواحد والظاهر هو كمان كان معجب بيا وكنا بنرن على بعض ومهتمين بى بعض فا انا قررت ابعد فجاءة عشان قولت واية اخرتها طيب وسبتة ما عبرتهوش شهر وصليت واتشفعت بابا كيرلس وقولت لو هو من نصيبى يا بابا كيرلس ادينى علامة ولو يرن عليا تانى بعد المدة دى كلها وفعلا رن بس ما فيش تقدم لغاية دلوقت وانا محتارة هيا دى تعتبر علامة ولا صدفة ولا اية ؟

[menovich]

ارجو منك اختى العزيزة توضيح الكثير من النقاط حتى تتم مناقشتها بوضوح

مثل : هل تقابلتم من قبل , هل احد من اهل الطرف الأخر يعلم , ما هى حدود الاتصال بينكم , ما طبيعة عملة , وهكذا

تقبلى مرورى ودعى الأمر لمن بيدة الأمر

وان شاء الله خير اللى عايزة ربنا هيكون واللى مكتوب فى السماء لازم تشوفة عنينا

[كرستين صفوت]

سلام يامارين .طيب هو لما يكون معجب بيكى ليه ماتقدمش لحد دلوقتى لأهلك ولو كان مش مستعدحاليا لكن معجب بيكى أو بيحبك.طيب ليه مالمحلكيش بصراحه أنه بيحبك ونفسه تكملى معاه مشوار حياته. بصى الرنه ممكن ماتكنش علامه مش شرط لإنك بتقولى كنتوا متعودين على الرنات ومهتمين ببعض وشهر ده مش مده طويله أستنى شويه .وصلى أكترررررررر علشان ربنا يرشدك للقرار السليم وياريت لو كنت مصاحبه ماما او أختك الكبيره أو حد كبير بتثقى فيه تاخدى رأيه فى الموضوع ده.
وربناااااااا معااااااااكى ويقدملك اللى فيه الخيررررررر بصلوات البابا كيرلس حبيبك.

[dodielpop]

اكيد الاعجاب مش حب بس انتي لو حسه انك بتحبيه ممكن تسالي حد كبير وتساليه زي والدتك او ممكن توضحلنا اكتر من كلامك

[Jesus_Heart]

بصي يا مارينا ديه مش علامه وانا رايي مش تهتمي بالموضوع زياده عن اللزوم وهو لو بيحبك اكيد هيجي ويقولك او ياخد خطوه ايجابيه ومن رايي تستشيري اب اعترفك وتعرفي رايه في الموضوع

[kiro0oalex]

شوفى انا راي ان ده مش اساس او مش علامه
لانها ممكن تكون لعبه من الشيطان
كمان هو رن ممكن صدفه بس هل فى اتخاذ خطوه
هل اتقدم لاء يبقى ايه
العلامه الحقيقيه انه يتقدم لو كان يريد الارتباط
والموضوع ده مش صح ان احنا نربط الحكايه برنه او ...
ربنا يرشدك ببركه شفاعه البابا كيرلس

راى انك تسألى اب اعترافك وهو اكيد هـ ـيرشدك

[بنت الراهب الصامت]

بصى يابنتى
حكايه ان الرنه علامه لا مش صح لانكم متعودين انه يرن
وزى ما بتقولى انكم بقالكم شهر بعيدة عنه ورن فى الوقت دة
برضو مش علامة لانه ممكن يكون استغيبك فرن عليكى بس
لكن بجد لو فعلا عايزك هيجى لحد البيت ويتكلم رسمى عليكى ويتقدم ليكى
لكن يابنتى بجد بلاش تعلقى نفسك على الفاضى
وخلى قلبك دة للى هترتبطى بيه قدام ربنا وقدام الناس واهلك
وخدى رائى اب اعترافك برضو لانه بيفيد كتير لحياتك
ولازم بجد تصلى بحراره وتقولى المر الذى يختارة لى الرب خير من الشهد الذى اختارة لنفسى
حاولى انك تتمسكى بربنا وبشفيعك علشان يرشدوكى للصالح
ربنا معاكى ويرشدك بصلاة ام النور وابونا يسطس