حوار مفتوح للجميع

[emmmy]

اخواتى الخدام والخادمات وكل الاعضاء واحبائى فى المسيح
----------------------

عايزة اتناقش معاكم فى موضوع مهم ...

لو فى حقل خدمة وفية مجموعة خدام وخادمات لكل المراحل
وفى بعض الخدام مفيش بينهم محبة وود وتعاون

تفتكروا ان الاباء الكهنة والامناء المسئولين ليهم ذنب فى دة
يعنى المفروض انهم ليهم دور يقوموا بية علشان دة ميحصلشى ولا الاباء الكهنة والامناء مالهمشى دعوة بدة مالهمشى ذنب

اتمنى اسمع ارائكم ومناقشتكم
وانما هتكلم معاكم بس بعد ما اسمعكم
اتمنى المشاركة من الجميع

الرب معكم

[zaza2006]

عارفة يا ايمى بامانة انتى سبقتينى انا كنت عايزة انزل موضوع متعلق بالنقطة دى انا الفترة اللى فاتت فخدمتى شفت حاجات كتير اوى تعبتنى نفسيا شفت انعدام المحبة بين الخدام بطريقه صعبة اوى زى ما بيقولوا بنقف لبعض على الواحدة واللى يضيق ويحزن ان القدوة بتاعتنا بقيت كده سواء الكهنة او امناء الخدمة مع احترامى ليهم بس فى حاجة غلط بتحصل يعنى انا شفت كتير خادمات حصلت بينهم مشاكل ووصلت لحد الخصام وهما فخدمة واحدة المفروض هنا دور امين الخدمة والكاهن انه يصالحهم ويحاول يوعيهم ويعرفهم ان الخدمة بدون محبة مش مقبولة بس للاسف لقيت الكل واقف بيتفرج وبس طيب هو الغلط بقى فمين والعيب فمين نفسى حد يجاوبنى لان انا حاسة ان دى بداية انهيار الخدمة لانها مش متاسسة على محبة ولا ده تدخل عدو الخير
ده راى من اللى انا شفته واتمنى اسمع راي باقى الاعضاء ميرسى اوى يا ايمى لطرحك الموضوع المهم ده

[emmmy]

ادى اول واحدة من الاعضاء المهمين وعمالقة المنتدى ردت وموافقانى على طرح الموضوع
حقيقى بشكرك يا نهى على مشاركتك الجميلة ونسمع راى باقى الاعضاء

اية هو دور الامناء والاباء فى المواقف دى يا حضرات

[كرستين ص]

انا طبعا معاكم لان الموضوع دة بدا ينتشر فى الخدمة كتير دة الموضوع وصل انى شوفت خدام وشمامسة واقفين بيتخانقوا والقداس شغال ومفيش حد بيتكلم لا كاهن ولا امين خدمة الخوف ان عدم المحبة دة يتسرب الى المخدومين من خلالنا
وبدل ما نكون احنا السبب فى تعليمهم المحبة نكون السبب فى تعليمهم عدم المحبة

[hany1982]

أكيد ليهم ذنب فى كده لأنهم ليهم دور زرع المحبه بين اللى اقل منهم فى الرتبه الكنسيه بأنهم يقدموا ليهم محبه الاول ويقربوا منهم لأن اكيد احنا فى الكنيسه اسرة واحده لازم فيها الكبير يعلم الصغير ويبقى قدوه ليه

ميرسى يا ايمى على مناقشتك الجميله

[ماروجيرافك]

شوفي يا ايمي قبل ما نتكلم عن دور الاباء الكهنه او الامناء ودورهم في زرع المحبه بين الخدام نتكلم الاول عن الخدام نفسهم اذاي انتي بتقولي مفيش محبه ولا ود بينهم وبين بعض ممكن اعرف هيقوله ايه لاودهم ويعلمهم ايه عن المحبه وهما نفسهم معندهمش فاقد الشئ لا يعطي
ومعلش من راي الشخصي الخادم الي معندوش محبه لايصلح من الاثاث انه يخدم
والمخدمه الي مفهاش محبه اكيد مش هيكون ليها دور ولا تطور في كنستها
لان الخدمه تبني علي روح المحبه والخدمه ولو مش موجودين يبقي مفيش خدمه ناجحه
بس لو قلنا ان مفيش محبه او مفيش ود بين بعض الخدام ممكن فعلا امين الخدمه المتنثل في الاب الكاهن او الخادم العام انه مثلا يشكرهم في عمل واحد بحيث انهم يشتغلو مع بعض وبكده هيخلق روح الود بينهم
الرب يبارك روح المحبه والخدمه بينكم

[elphilasouf]

اي مكان فيه الوحش وفيه الحلو
من وسط الاباء البطاركه القديسين الى جلسوا ع الكرسي المرقسي كان فيهم الى مش حلو .....
لكن احنا مش مسؤليتنا أننا ندين او نحاكم أن كان في بينعم محبه ولا لا
ولا في قدرتنا نفسر اي مواقف او تصرفات بحسب مزاجنا الخاص


الاهم هو أن نفرغ كل طاقتنا في الخدمه وحب المخدمين
فنور المسيح داخلي قادر أن ينير كل ظلمات العالم ,,,,,

وطبيعي لن تكون هناك خلطه بين النور والظلمه
لان النور تنير الظلمه

[كيرو رافت]

الخادم هو خدام
عارفه يعنى ايه خدام يعنى طاعه ومحبه للكل دون تزمر او زكر كلمه الانا
يخدم الجميه دون النظر الى انهم يستحقون او لا
ولكن فى النهايه الخادم بيحاول يكون صورة حيه للسيد المسيح
الذى جاء ليخدم لا ان يخدمه الناس

بصى يا ايمى هو عدو الخير من الطبيعى جدا انه يدخل فى اى خدمه بس لمجرد انه يحس ان الخدام عندهم ولو القليل من المحبه لبعضهم
وده لازم يقابله الخدام بالاتضاع والحب المتبادل وانكار الذات
وطبعا مانقدرش نلوم على الاباء الكهنه لان الاب الكاهن
مشغول بما هو اكبر واعمق وترك مهام الخدمه الى الامناء
ان يديروها بحكمه تحت ارشادهم طبعا
العيب فينا احنا موش فى الامناء ولا الاباء الكهنه

الموضوع ده انتشر تقريبا فى جميع الخدمات وده بسبب غيرة عدو الخير
وزى ماقال فيلو ان كل مكان فيه الحلو وفيه الوحش

يبقى انا كخادم احاول اتجنب الشئ الوحش وابعد عنه ده لو ماقدرتش اصلحه
الموضوع ده صعب جدا جدا وخطير جدا لانتشاره السريه
ونتائجه السيئه التى تجبر الكثير من الخدام على ترك الخدمه
ولكن ده لسبب بسيط وهو قله المحبه
وان كل خادم بيقول فى نفسه وانا مالى هادوش روحى ليه خلينى بره الخدمه هو انا لو بره الخدمه موش هاعرف اصلى ولا هاقرب من ربنا
تسمحلى اقولك اسف بجد لانك غصب عنك هاتبعد عن الخدمه شيئا فشيئا
وبعد ماكنت بتقرأ الانجيل كل يوم حتى ولو علشان التحضير هاتلاقى نفسك بتقل من القراءه
وحضور القداسات وسوف تقل روحانياتك جدا
ارجو من كل خادم وخادمه ان يتمسك بما هو عنده
حتى لا يقال له مثل الملاك فى سفر الرؤيا الذى قيل له
( عندى عليك انك قد تركت محبتك الاول اذكر من اين سقطت وتب )

المحبه تحتمل كل شئ وتصبر على كل شئ
وخادم بدون محبه كالاناء الفارغ

فى النهايه يا ريت مانحملش كل حاجه على الاباء الكهنه وننسى انفسنا وننسى اننا موش بنطيع رب المجد اللى طلب مننا ان نكون خدام امناء فى كرمه

اسف على الاطاله

وميرسى جدا ليكى يا ايمى

[magdy totti]

نـــــــــداء الــــــى اللــــــــه (http://www.orsozox.com/forums/f129/t57266/)

[سندريلا2009]

فى ناس كتيير مش واخدها خدمة بالمعنى اللى قصده السيد المسيح
عشان كدة مش بتبقى موجودة المحبة بنهم
ومش هنقدر نلوم على الاباء الكهنة
لانهم اكيد بيحاولو يزرعوها بس فى ناس مش بتبقلها

[كراكيب]

طبعا الأمناء بيبقي ليهم ذنب أولا أنا مش حابب ألقي اللوم ع الاباء الكهنة لانهم مش أوقات كتيرة بيكونوا فاضيين عشان كدة بيحطوا أمين عام لكن المفروض انهم يراعوا بعض الصفات عند اختياره
وعدم وجود محبة بين الخدام بيقول ان في خلل ف المنظومة كلها يعني الكل مدان الاب الكاهن لانه مش متابع والامين العام لانه وسطهم ومش قادر يوجه ولا يتصرف والخدام لانهم معنهمش روح الخدمة ونسيوا انهم خدام
المفروض ان اللي ميقدرشي يخدم ف مكان معين كبير عليه يبقي يشوف مكان تاني يقدر من خلاله يخدم ربنا لان الموضوع مش موضوع مناصب
والمفروض ان الخدام تعرف يعني ايه خدام وانا لو اب كاهن مسئول زلقيت خادم مبيحبش خادم هوقفه عن الخدمة لحد مايعرف يعني ايه خدمة

[aymonded]

سلام الله المحبة الذي يشع في أولاده سلام حتى أنهم صاروا صانعي السلام لتمجيد اسمه الحلو
وطوبى لكل من ينقاد بروح الله لأنه أبناً لله في المحبوب يسوع ، ابن حقيقي وليس بالكلام واللسان

حينما يحيا الإنسان بقوة الإيمان الحي بيسوع المسيح ويتبعه من كل قلبه يسمع دعوه خاصة ونداء خاص من الله ليعمل في حقل المسيح كوكيل أمين في بيته ليعمل وفق مشيئته الصالحه بقوة المحبة التي تسكن في قلبه، لأن روح المحبة الروح القدس يملك القلب ويعمل في الداخل لرسم ملامح يسوع ويكتب سيرته في الداخل ليسلك الإنسان السلوك المسيحي، أي سلوك شخص المسيح الكلمة، وبذلك ينطلق ليخدم الله بالحب...

أما وجود النزاع والخصومات والصراع، دليل واضح على عدم معرفة الله كإله حي وحضور مُحيي، فأن علامة المسيحي الحقيقي هو المحبة، لأن الله محبة، فكيف يسكن المسيح يسوع في القلب والروح القدس يملك كيان الإنسان، أو بمعنى أدق الإنسان يخضع لروح الله ولا توجد محبة !!!

الخدمة ليست معلومات وموسوعات محفوظة وأفكار مدروسة، الخدمة هي استعلان الرب يسوع كقوة تحرر الإنسان من ضعفه، هي إظهار روح القيامة وبث روح النصرة ومحبة الله، الخدمة ليس صناعة وواجب موضوع على كل واحد مسيحي كشكل ومظهر، لأنها ستكون للدينونة العظيمة على كل من يستغل الخدمة لصالحه الشخصي وينفرد بها ليمجد ذاته ويبحث عن كرامته، فكل من دخل للخدمة بدون الله وحياة مقدسة وعاش حياة التوبة ويعيشها كل يوم متذوقاً نعمة الله ويحيا يخدم حسب الموهبه المعطاه له، فأنه سيفسد الكرم ويضل أولاد الله، فقبول دينونة مخيف لكل من يصنع انشقاق في كنيسة الله وكل من يضل الناس وكل من لم يمجد يسوع بأعمال صالحة كثمر الروح القدس ...

للأسف الناس عندها لا مبالاة ولا يدركون خطورة ما يفعلون، بل يتمادوا في الشر لأغاظة السيد الرب الذي سيجازي كل واحد حسب أعماله، وويل للمارئين، الذين يظنون أنهم يخدمون الله ولهم شكل ومظهر أولاد الله وهم من الداخل مملوئين ظلماً يعيشون في الظلمة ولا يعرفون شمالهم من يمينهم، ويتفلسفون ويتكلمون بالإلاهيات وليس لهم علاقة ومحبة لله من كل القلب والفكر والقدرة، فليتب كل من يحيا هكذا قبل أن ياتي ساعة لا ينفع فيها ندم ولا توبه ....

دور الكاهن أو أمين الخدمة هو فحص المرشح للخدمة، هل هو يعيش حياة التوبة وله مخدع منتظم ويحب الله وله شركة القديسين في النور ويحيا في سر التقوى وشركة الكنيسة بمخافة الله وتنقية القلب بكلمة الله، وأن يتعرف على مواهبه ويضعه في مكانه الصحيح، ويسلمه الخدمة لأن كل واحد له دور ومسئولية محددة، أن تخلى عنها فالله يدين كل واحد بعدل، وسيحاسب كل من عمل في الكرم عن دون وجه حق، والمسئول سيدان أيضاً لأنه انشغل عن كرم المسيح وجعل اي أحد يدخل كيف ما شاء ويفعل ما شاء، فلنخف ونهاب الله جداً ويعلم كل واحد مسئوليته الموضوعه عليه ....

غريب الخادم الذي يطلب ما لنفسه، وعجيب الإنسان الذي له صورة التقوى وينكر قوتها، والأعجب هروب كل واحد من المسئولية، والأعجب تبرير كل موقف وكل أحد، وكما قال القديس الأنبا أنطونيوس : [ من يعرف عاره يعرف كيف يطلب مجده ]، وبالطبع أن لم يواجه كل مسئول مسئوليته وتقصيره فلن يطلب أحد مجده ولن ينصلح الحال، والغريب أننا نقول في النهاية لا تدينوا لكي لا تدانوا على غير موضعها، لكي نهرب من مسئوليتنا ونبرر كل موقف تحت شماعة الإدانة ولكي لا نصوم ونصلي من أجل كل مخطئ حتى يغفر له الله ويصحح المسيرة، مع أن القديس بولس لام القديس بطرس الرسول لأنه وجده ملوماً، فمتى نتعلم من الكتاب المقدس بالروح القدس كيف يكون لنا النظرة الصحيحة بإرشاد الروح القدس دون أن نبرر المواقف...

+ ما أسهل أن يبرر الإنسان نفسه، ولي سؤال ألا نعلم أن الشعب هو من يختار الكاهن المرشح للخدمة !!! فلو ظهر كاهن غير مؤهل وليس له في الخدمة، فهل لن يكون الشعب الذي اختار مسئول أمام الله والكنيسة عن اختياره !!! والا يا ترى مش عارفين هذه الحقيقة !!! وهل في هذه الحالة لا ندين أنفسنا أمام الله ونعلن مسئوليتنا ونتوب عنها !!! أم يا ترى سنعطي أنفسنا العذر ونقول لا تدينوا لكي لا تدانوا !!!
ومتى سنفهم الكتاب المقدس في إطاره الصحيح في الموضوع الذي ذُكرت في الآيات !!! وإلى متى سنضع شماعات لكي لا نواجه أخطأنا !!! وهل الكنيسة أخطأت حينما واجهت آريوس ولم تعمل بآية لا تدينوا لكي لا تدانوا !!! والا هانقول كالعادة ده موقف وده موقف آخر !!!
فيا أحبائي الدينونة هي الحكم على الإنسان الحكم الداخلي، بمعنى أن أتخذ مكان الله ومنه انطلق أحكم على الآخر حكم أبدي، وأن أحكم على ما في داخله الذي يفحصه الله وحده وليس أنا، ولكن حكم الكنيسة على الأخطاء الظاهرة التي تنبع من عدم التوبة لتنادي الكل بالتوبة ولا تيأس منهم، وممكن أن تعزل بسلطان الروح كل من لا يريد أن يتوب وترده مرة أخرى للشركة لو عاد وتاب، ولكن الدينونة هو أن أحكم حكم مطلق على الناس واقول لن أضمه للشركة لأنه لن يتوب - حتى لو أظهر توبة - وكأني أعلم ما في الداخل والغيب !!! ....
[ ويل للقائلين للشر خيرا و للخير شراً الجاعلين الظلام نوراً و النور ظلاما الجاعلين المر حلوا و الحلو مرا ] (اش 5 : 20)


ملحوظة هامة :
طبعاً لكل واحد دوره المنوط به في الكنيسة من أول أصغر واحد في الكنيسة لأكبر واحد في الكنيسة، الكل يعمل معاً كمنظومة واحدة ولا يتهرب أحد من المسئولية ويعلقها على اي شماعة، ومش مطلوب أن الكل يكون في درجة روحية عالية كالأنبا أنطونيوس ... الخ ... بل كل واحد على الأقل يفحص نفسه في نور الله ويطلب نعمته تستره من الداخل، ويعطية الرب فهماً ومعرفه من عنده ليعيش يمجد الله بالروح والحق، وليس كل خادم كامل، لأن الكمال بمجيء ربنا يسوع الثاني والأخير، ولكن أ - ب الخدمة هي المحبة ، ودور الكاهن أو أمين الخدمة هو الاختيار الصحيح للخدام ووضعهم في أماكنهم الصحيحة لتكون الخدمة لأجل مجد الله لا الناس، ويلاحظوا الخدمة ويتابعوها بدقة وأي مشكلة عن بداية ظهورها يبدءوا بالصلاة والصوم وبالحكمة الموهوبة من الله يعالجوا الأمور، وعلى كل خادم أن يتمسك بالمحبة والمذبح وكلمة الله وصلاته ولا يتخلى أبداً عنهما، وبذلك يتنقى كل يوم، وبالحب والغفران الدائم تُحَلّ أي مشكلة في الخدمة مهما كانت كبيرة أو عظيمة، وأن لم يبني الرب البيت فباطلاً يتعب البنائون وأن لم يحرس الرب المدينة فباطلاً يسهر الحراس، وطبعاً مش كل حمل على الكهنة ولكن لهم دور مهم للغاية في الخدمة طبعاً ...

ربنا يرحمنا كلنا معاً ويعطينا اليقظة لكي نحيا مسيحيتنا لا كنظريات بل كروح وحياة
لكم مني كل تقدير يا أروع إخوة احباء، وأشكرك يا أجمل إيمي للانتباه لهذا الموضوع
ربنا يرحم الكل ويعين الجميع؛ النعمة معكم

[emmmy]

انا طبعا معاكم لان الموضوع دة بدا ينتشر فى الخدمة كتير دة الموضوع وصل انى شوفت خدام وشمامسة واقفين بيتخانقوا والقداس شغال ومفيش حد بيتكلم لا كاهن ولا امين خدمة الخوف ان عدم المحبة دة يتسرب الى المخدومين من خلالنا
وبدل ما نكون احنا السبب فى تعليمهم المحبة نكون السبب فى تعليمهم عدم المحبة

هو بصراحة احنا لسة موصلناش للمستوى دة يا كرستين خدام وشمامسة يتخانقوا فى الكنيسة والقثداس شغال لالالالا كدة كتير اوى ربنا يرحمنا
مرسى لمشاركتك يا قمر وعندك حق انا كمان خايفة المخدومين هما اللى هيدفعوا ثمن العثرة دى فعلا


أكيد ليهم ذنب فى كده لأنهم ليهم دور زرع المحبه بين اللى اقل منهم فى الرتبه الكنسيه بأنهم يقدموا ليهم محبه الاول ويقربوا منهم لأن اكيد احنا فى الكنيسه اسرة واحده لازم فيها الكبير يعلم الصغير ويبقى قدوه ليه

ميرسى يا ايمى على مناقشتك الجميله



صح يا هانى عندك حق انا راى من رايك لازم يعرفوا ويحسوا بكل اللى بيحصل فى الخدمة ويتابعوا روحيات الخدام وعلاقتهم ببعض
مرسى ليك انت يا هانى على مشاركتك الجميلة

[emmmy]

شوفي يا ايمي قبل ما نتكلم عن دور الاباء الكهنه او الامناء ودورهم في زرع المحبه بين الخدام
لا يا ماريو انا مش معاك قبل ما اتكلم عن دور الخادم اتكلم عن دور الاب الكاهن والامين المسئول عن الخدمة واللى المفروض انة مندوب ابونا شخصيا
يا ماريو هما القبضان اللى مسئول عن السفينة كلها والحقل كلة ومنهم هنتعلم واحساس الخدام بوجودهم ومعرفتهم كل حاجة هتفرق كتير بالنسبة ليهم

نتكلم الاول عن الخدام نفسهم اذاي انتي بتقولي مفيش محبه ولا ود بينهم وبين بعض ممكن اعرف هيقوله ايه لاودهم ويعلمهم ايه عن المحبه وهما نفسهم معندهمش فاقد الشئ لا يعطي
ومعلش من راي الشخصي الخادم الي معندوش محبه لايصلح من الاثاث انه يخدم

يبقى معظم الخدام هتقعقد فى بيوتها بقى كدة يا ماريو ارجوك افهمنى الخدمة لا تخلو من محاربات ابدا وانا كل اللى اقصدة انة لما تيجى عاصفة زى دى لازم يكون فى عواص بيعرف يعوم كويس علشان ينقذ الارواح فهمتنى

والمخدمه الي مفهاش محبه اكيد مش هيكون ليها دور ولا تطور في كنستها

طبعا اكيد انا معاك بس لا للياس والاحباط والتسليم ومينفعشى نطرد الخادم بالبساطة دى
وبعدين تعالى نتكلم بصراحة بقى هو فى خدام هو احنا لاقين خدام يا ماريو الحصاد كتير والفعلة قليلون يبقى نميهم وناخد الجانب الحلو اللى فيهم ونفتخر بية ونحاول نعالج الوحس ونعمل منة بذرة حلوة تعطى ثمر يشهد للمسيح
لان الخدمه تبني علي روح المحبه والخدمه ولو مش موجودين يبقي مفيش خدمه ناجحه
لا فى بس اهدى بس شوية اللة يخليك

بس لو قلنا ان مفيش محبه او مفيش ود بين بعض الخدام ممكن فعلا امين الخدمه المتنثل في الاب الكاهن او الخادم العام انه مثلا يشكرهم في عمل واحد بحيث انهم يشتغلو مع بعض وبكده هيخلق روح الود بينهم
اشكرك يارب واحمدك ماريو قال كلام جميل ايوة كدة اومال مالك يا اخى من الصبح هو دة المطلوب وهو دة قصدى
الرب يبارك روح المحبه والخدمه بينكم

ويبارك انت كمان ومرسى جدا لمشاركتك الجميلة اشكرك حقيقى

[emmmy]

اي مكان فيه الوحش وفيه الحلو
من وسط الاباء البطاركه القديسين الى جلسوا ع الكرسي المرقسي كان فيهم الى مش حلو .....
لكن احنا مش مسؤليتنا أننا ندين او نحاكم أن كان في بينعم محبه ولا لا
ولا في قدرتنا نفسر اي مواقف او تصرفات بحسب مزاجنا الخاص


الاهم هو أن نفرغ كل طاقتنا في الخدمه وحب المخدمين
فنور المسيح داخلي قادر أن ينير كل ظلمات العالم ,,,,,

وطبيعي لن تكون هناك خلطه بين النور والظلمه
لان النور تنير الظلمه

انا مش بدين حد يا فيلو صدقنى ولا بقصد حد معين بكلامى انا بتكلم عن اوضاع بصفة عامة وهتلاقى معظم الاراء بل كلها تقريبا قالت ان هذا المرض منشر فى كل الكنائس
بس انا طرحت المناقشة علشان نشوف المشكلة ممكن تتحل ازاى والاب المسئول والامين دورهم اية ؟
بس مش اكتر
وكل واحد يحاول يبدا من عندة وبالتفاهم والحب هنوصل لحل كويس انا شخصيا هاخد الكلام دة واحطة فى الاعتبار عندى
مرسى يا فيلو على مشاركتك الجميلة

[emmmy]

الخادم هو خدام
عارفه يعنى ايه خدام يعنى طاعه ومحبه للكل دون تزمر او زكر كلمه الانا
يخدم الجميه دون النظر الى انهم يستحقون او لا
ولكن فى النهايه الخادم بيحاول يكون صورة حيه للسيد المسيح
الذى جاء ليخدم لا ان يخدمه الناس
عارفة صح عندك حق يا رافت

بصى يا ايمى هو عدو الخير من الطبيعى جدا انه يدخل فى اى خدمه بس لمجرد انه يحس ان الخدام عندهم ولو القليل من المحبه لبعضهم
وده لازم يقابله الخدام بالاتضاع والحب المتبادل وانكار الذات
وطبعا مانقدرش نلوم على الاباء الكهنه لان الاب الكاهن
مشغول بما هو اكبر واعمق وترك مهام الخدمه الى الامناء
ان يديروها بحكمه تحت ارشادهم طبعا
العيب فينا احنا موش فى الامناء ولا الاباء الكهنه

بص يارافت هو كلامك فى شئ من الصح احنا كخدام محتاجين نكون من ضمن المهام اللى بتتكلم عنها دى صدقنى لاننا بنعلم اولادنا يبقى لازم محتاجين نتعلم احنا كمان ونشرب باستمرار من ارشادات وعلم ومحبة وقدوة حسنة


الموضوع ده انتشر تقريبا فى جميع الخدمات وده بسبب غيرة عدو الخير
وزى ماقال فيلو ان كل مكان فيه الحلو وفيه الوحش
انا بتكلم عن الجانب السبى دلوقتى اللى بتسموة الوحش علشان نلحق قبل ما يفسد باقى الكرم

يبقى انا كخادم احاول اتجنب الشئ الوحش وابعد عنه ده لو ماقدرتش اصلحه

جميل اوى اوى انا موافقة الجزء دة جدا

الموضوع ده صعب جدا جدا وخطير جدا لانتشاره السريه
ونتائجه السيئه التى تجبر الكثير من الخدام على ترك الخدمه
ولكن ده لسبب بسيط وهو قله المحبه
وان كل خادم بيقول فى نفسه وانا مالى هادوش روحى ليه خلينى بره الخدمه هو انا لو بره الخدمه موش هاعرف اصلى ولا هاقرب من ربنا
تسمحلى اقولك اسف بجد لانك غصب عنك هاتبعد عن الخدمه شيئا فشيئا
وبعد ماكنت بتقرأ الانجيل كل يوم حتى ولو علشان التحضير هاتلاقى نفسك بتقل من القراءه
وحضور القداسات وسوف تقل روحانياتك جدا
ارجو من كل خادم وخادمه ان يتمسك بما هو عنده
حتى لا يقال له مثل الملاك فى سفر الرؤيا الذى قيل له
( عندى عليك انك قد تركت محبتك الاول اذكر من اين سقطت وتب )

المحبه تحتمل كل شئ وتصبر على كل شئ
وخادم بدون محبه كالاناء الفارغ

فى النهايه يا ريت مانحملش كل حاجه على الاباء الكهنه وننسى انفسنا وننسى اننا موش بنطيع رب المجد اللى طلب مننا ان نكون خدام امناء فى كرمه

يا سلام كلام جميل يا رافت ما تيجى نمسك معانا خدمة انا شخصيا هكون من ضمن تلاميذك


اسف على الاطاله
لالالالالالالالالا طبعا خالص اشكرك
وميرسى جدا ليكى يا ايمى

مرسى ليك انت على مشاركتك الرائعة دى ربنا يباركك

[emmmy]

فى ناس كتيير مش واخدها خدمة بالمعنى اللى قصده السيد المسيح
عشان كدة مش بتبقى موجودة المحبة بنهم
ومش هنقدر نلوم على الاباء الكهنة
لانهم اكيد بيحاولو يزرعوها بس فى ناس مش بتبقلها




صح يا سندريلا ممكن طبعا
بس مش دايما عموما ربنا ينمى حقلة وكرمتة
ومرسى لمشاركتك الجميلة يا قمر

[emmmy]

نـــــــــداء الــــــى اللــــــــه (http://www.orsozox.com/forums/f129/t57266/)

انا استغربت لما شوفت اللينك جدا وقولت اية دة
دة اللى ربنا قدرك علية يا مجدى بس بعد ما قريتة لسانى وقلمى عاجز عن الشكر لمحبتك واعتزارى ليك على تسرعى

مجدى
فى سؤال انا كمان نفسى اسالة معاك

انا بجد مش عارف انا صح ولا غلط مش عارف اشوف الغلط واسكت ولا اتكلم
مش عارف اشتغل وخالص واعمل اللى عليا ولا افكر فى فكر جديد

لو الخادم سكت وقال خلينى فى خدمتى وبس وخلينى فى حالى وفى مخدومينى وبس انتوا بتفسروها سلبية وعدم حماس للخدمة ونشاطها ولو اختلاطنا واشتغلنا مع بعض بالافكار والنشاط عدو الخير بيتدخل ويعمل خصومات سخيفة ملهاش معنى ومتلقشى بخدام المسيح
طيب نعمل اية ؟اية الحل ؟

[emmmy]

تيجى نتكلم بصراحة وصدق شوية يا ميلاد تيجى نتكلم بامانة بس ارجوك بلاش ردك النارى وبلاش عصبية حتى لو كلامى مش عجبك خليك فاكر انا مجتشى عندك انا بحاول اريحك منى ومش باجى جنبك خالص انت اللى ضيفى وانا صدقنى بكل امانة برحب بيك ومبسوطة بوجودك برغم خوفى هههههههههههه ربنا يستر بقى

طبعا الأمناء بيبقي ليهم ذنب أولا أنا مش حابب ألقي اللوم ع الاباء الكهنة لانهم مش أوقات كتيرة بيكونوا فاضيين عشان كدة بيحطوا أمين عام لكن المفروض انهم يراعوا بعض الصفات عند اختياره
الكلام انت بتقولة لانك راضى ومبسوط من الاب المسئول عن حقل خدمتك لولا كدة كنت اعلنت الحرب مش بس وافقتنى يا ميلاد
وعدم وجود محبة بين الخدام بيقول ان في خلل ف المنظومة كلها يعني الكل مدان الاب الكاهن لانه مش متابع والامين العام لانه وسطهم ومش قادر يوجه ولا يتصرف والخدام لانهم معنهمش روح الخدمة ونسيوا انهم خدام
صدقنى الخدمة لان حقلها صغير ومحدود بيبان فيها اقل غبار واقل اختلاف لان كل الخدام مختلطين ببعض مش زى حقل تانى واسع كل خدمة مستقلة بذاتها وكل خدمة فى حالها علشان كدة مش بنحس بمشاكل فيها كتير
بصراحة لا دة صح ولا دة صح المفروض يكون فى ترابط ومحبة
بس الترابط يكون لاجل مصلحة الخدمة والمخدومين لاجل مجد اسم اللة وبس مش لاى اغراض تانية
علشان متوهشى معالم هدفنا ( المسيح )

المفروض ان اللي ميقدرشي يخدم ف مكان معين كبير عليه يبقي يشوف مكان تاني يقدر من خلاله يخدم ربنا لان الموضوع مش موضوع مناصب
والمفروض ان الخدام تعرف يعني ايه خدام وانا لو اب كاهن مسئول زلقيت خادم مبيحبش خادم هوقفه عن الخدمة لحد مايعرف يعني ايه خدمة

ههههههههههههههه
طيب الحمد للة انك مش اب كاهن نشكر ربنا
يا ميلاد براحة مينفعشى النفوس الضعيفة متيجيش كدة والمسيح مكانشى بيتعامل بالاسلوب دة خالص عمرنا ما سمعنا انة كان حاد مع احد بالعكس كان صبور وحنون وبالة طويل بيسعى لخلاص كل النفوس والخطاة والضالين قبل الابرار
لو قصدك انك هتستعملة كعقاب لمعترف حرمان من الخدمة مدة معينة لحد ما يتوب برضوا مش بيكون بالسهولة دى لان فى نفوس ضعيفة متفهمشى الابعاد الروحية دى والهدف الروحى دة اغلبية الخطاة بيكونوا محتاجين الحب
الحب والحنان وبس يا ميلاد حتى يا سيدى لو كانوا خدام لانهم فى الاخر بشر انا عمرى فى حياتى اب اعترافى ما ادانى عقاب برغم انى طلبتة منة بامانة
عموما مرسى لمشاركتك يا ميلاد ابقى سيب العصايا فى البيت قبل ما تيجى اللة يخليك هههههههههه

[emmmy]

نيجى لاخر مشاركة بقى
استاذى الغالى ايمن انا هقتبس جزء صغير من كلامك الجميل وارد علية بعد اذنك

دور الكاهن أو أمين الخدمة هو فحص المرشح للخدمة، هل هو يعيش حياة التوبة وله مخدع منتظم ويحب الله وله شركة القديسين في النور ويحيا في سر التقوى وشركة الكنيسة بمخافة الله وتنقية القلب بكلمة الله، وأن يتعرف على مواهبه ويضعه في مكانه الصحيح، ويسلمه الخدمة لأن كل واحد له دور ومسئولية محددة، أن تخلى عنها فالله يدين كل واحد بعدل، وسيحاسب كل من عمل في الكرم عن دون وجه حق، والمسئول سيدان أيضاً لأنه انشغل عن كرم المسيح وجعل اي أحد يدخل كيف ما شاء ويفعل ما شاء، فلنخف ونهاب الله جداً ويعلم كل واحد مسئوليته الموضوعه عليه ....

استاذ ايمن كام كنيسة وكام خدمة بتطبق هذا الكلام
هو لو فية تنفيذ للكلام دة كان بقى دة حالنا من الاصل ولا كنا وصلنا للحال دة مش لما يبقى فى اباء كهنة على مستوى العلم دة الاول يبقى ندور على الخدام اللى يخرجوا من تحت ايدهم
عموما لا تعليق اكتر من كدة

مرسى استاذ ايمن على مشاركتك الجميلة ربنا يباركك

[aymonded]

طبعاً يا محبوبة الله الحلوة أنا باتكلم عن اللي مفروض أنه يحصل
صرف النظر عن الواقع العملي، لأن لو كنا بنتبع المنهج الروحي السليم
ما كان هذا حالنا ولا شكوانا فعلاً، وصدقتي جداً في تعليقك المميز فعلاً
اقبلي مني كل تقدير لشخصك الحلو
النعمة معك

[كراكيب]

[QUOTE=emmmy;722983]

طبعا الأمناء بيبقي ليهم ذنب أولا أنا مش حابب ألقي اللوم ع الاباء الكهنة لانهم مش أوقات كتيرة بيكونوا فاضيين عشان كدة بيحطوا أمين عام لكن المفروض انهم يراعوا بعض الصفات عند اختياره
الكلام انت بتقولة لانك راضى ومبسوط من الاب المسئول عن حقل خدمتك لولا كدة كنت اعلنت الحرب مش بس وافقتنى يا ميلاد


أنا معنديش محاباة لحد ياإيمي وإقري الفقرة التانية بتاعتي هتلاقيني بقول إن الأب الكاهن مدان إقري كويس



وعدم وجود محبة بين الخدام بيقول ان في خلل ف المنظومة كلها يعني الكل مدان الاب الكاهن لانه مش متابع والامين العام لانه وسطهم ومش قادر يوجه ولا يتصرف والخدام لانهم معنهمش روح الخدمة ونسيوا انهم خدام
صدقنى الخدمة لان حقلها صغير ومحدود بيبان فيها اقل غبار واقل اختلاف لان كل الخدام مختلطين ببعض مش زى حقل تانى واسع كل خدمة مستقلة بذاتها وكل خدمة فى حالها علشان كدة مش بنحس بمشاكل فيها كتير
بصراحة لا دة صح ولا دة صح المفروض يكون فى ترابط ومحبة


مقلتيش حاجة زيادة عن إللي قلتها



المفروض ان اللي ميقدرشي يخدم ف مكان معين كبير عليه يبقي يشوف مكان تاني يقدر من خلاله يخدم ربنا لان الموضوع مش موضوع مناصب
والمفروض ان الخدام تعرف يعني ايه خدام وانا لو اب كاهن مسئول زلقيت خادم مبيحبش خادم هوقفه عن الخدمة لحد مايعرف يعني ايه خدمة

ههههههههههههههه
طيب الحمد للة انك مش اب كاهن نشكر ربنا
يا ميلاد براحة مينفعشى النفوس الضعيفة متيجيش كدة والمسيح مكانشى بيتعامل بالاسلوب دة خالص عمرنا ما سمعنا انة كان حاد مع احد بالعكس كان صبور وحنون وبالة طويل بيسعى لخلاص كل النفوس والخطاة والضالين قبل الابرار


العقاب بيبقي بقصد التعليم يعني بيكون غرضه المحبة وكل واحد وليه طريقة علاج والمسيح له المجد كان حاد مع اللي محتاج كدة زي ماطرد باعة الحمام وزي ماذكر للمراة الخاطئة موضوع مائدة اسيادها ومخافشي انها يحصلها زي مابتقولي وتمشي بس كل واحد وليه علاج وانا لو اب كاهن مش هوقف الناس والسلام لا كل واحد بحسب احتماله


لو قصدك انك هتستعملة كعقاب لمعترف حرمان من الخدمة مدة معينة لحد ما يتوب برضوا مش بيكون بالسهولة دى لان فى نفوس ضعيفة متفهمشى الابعاد الروحية دى والهدف الروحى دة اغلبية الخطاة بيكونوا محتاجين الحب



اللي بيقرر الحب من عدمه هو الغاية وغاية العقاب ولو اني مبحبش الكلمة دي هي الحب بس برده مش مع كل الناس ماسيدنا البابا بيحرم ناس خاطية وبيحرم كهنة واساقفة ودول برده منهم الخاطي اللي محتاج حب

الحب والحنان وبس يا ميلاد حتى يا سيدى لو كانوا خدام لانهم فى الاخر بشر انا عمرى فى حياتى اب اعترافى ما ادانى عقاب برغم انى طلبتة منة بامانة


مش معني كدة إن ده مبدأ لإن في آباء كهنة كتير جدا بيدوا عقاب أو بمعني أحلي تدريب ويمكن اب اعترافك شايفك من النوع اللي مثلا علاجه مش ف العقاب او التدريب لكن غيرك محتاج انا مبتكلمشي بصفة عامة انا بتكلم عن كل واحد ومفتاحه

عموما مرسى لمشاركتك يا ميلاد ابقى سيب العصايا فى البيت قبل ما تيجى اللة يخليك هههههههههه
لا متقلقيش العصايا مش لكل الناس
هههههههه
شكرا للاهتمام وللموضوع الجميل ده
ومبروك عليكي خدمتك الجديدة
ومبروك علي ولادك خادمتهم الجديدة
ولو انك معروفة برده للبدرشين والبدرشين معروفة ليكي يعني انتي مش جديدة عليهم ولا هي جديدة عليكي بس اهو مبروك برده

[emmmy]

اللي بيقرر الحب من عدمه هو الغاية وغاية العقاب ولو اني مبحبش الكلمة دي هي الحب بس برده مش مع كل الناس ماسيدنا البابا بيحرم ناس خاطية وبيحرم كهنة واساقفة ودول برده منهم الخاطي اللي محتاج حب


دة صحيح بس لما يكون الامر متعق بتعاليم الكنيسة ومستقبلها
لما يكون الامر متعلق بخلاص النفوس وبيكون فى قبلها محاولات كتير وصبر وصلاة اعتقد الامر بيكون على اوسع بكتير
لكن مجرد خدام فى بينهم اختلافات وعدم تفاهم الامر ما يستحقش العقاب بالصورة دى
وصح كل واحد ولية طريقة علاجة بس العقاب دة اخر الدرجات والمحاولات اللى ممكن يفكر يلجا ليها اى راعى حكيم محب


لا متقلقيش العصايا مش لكل الناس
هههههههه

بجد طيب كويس اية الحنية اللى نزلت عليك مرة واحدة دى
مرسى يا ميلاد

شكرا للاهتمام وللموضوع الجميل ده
ومبروك عليكي خدمتك الجديدة
ومبروك علي ولادك خادمتهم الجديدة
ولو انك معروفة برده للبدرشين والبدرشين معروفة ليكي يعني انتي مش جديدة عليهم ولا هي جديدة عليكي بس اهو مبروك برده


اللة يبارك فيك يا ميلاد مرسى ليك
بس مش تستنى لما ابونا يوافق الاول ابونا مش موافق يا ميلاد صليلى اقدر اقنعة بقى

ربنا معاك

[ماروجيرافك]

نتكلم الاول عن الخدام نفسهم اذاي انتي بتقولي مفيش محبه ولا ود بينهم وبين بعض ممكن اعرف هيقوله ايه لاودهم ويعلمهم ايه عن المحبه وهما نفسهم معندهمش فاقد الشئ لا يعطي

ومعلش من راي الشخصي الخادم الي معندوش محبه لايصلح من الاثاث انه يخدم
يبقى معظم الخدام هتقعقد فى بيوتها بقى كدة يا ماريو ارجوك افهمنى الخدمة لا تخلو من محاربات ابدا وانا كل اللى اقصدة انة لما تيجى عاصفة زى دى لازم يكون فى عواص بيعرف يعوم كويس علشان ينقذ الارواح فهمتنى


لا معلش يا ايمي اسمحيلي اعترض معاكي في النقطه دي مش معني اني قلت ان للاب الكاهن او امين الخدمه دور في نشر المحبه بين الخدام ان معني كده ان الخدام عادي كفيش محبه مفيش محبه مش فارقه لا
انا اقصد ان الاب الكاهن او امين الخدمه دورهم انهم يشوفه بعض الانشطه الي تقرب الخدام من بعض مش تزرع المحبه بينهم لان المفروض انها موجوده من الاول
ومعني انك تقولي ان لو بكلامي يبقي معظم الاخدام هيعقدو في البيت انا موافق يعقدو في البيت بدل ما يخلقه لينا جيل معندوش محبه
لان اكيد المخدوم هيلاحظ عدم المحبه في الخدام باي طريقه ما اكيد هتبان
يمكن تفكيري يكون غليظ شويه
الرب يبارك ويثمر المحبه بيننا

[كراكيب]

[QUOTE=emmmy;723443]
بس مش تستنى لما ابونا يوافق الاول ابونا مش موافق يا ميلاد صليلى اقدر اقنعة بقى

ربنا معاك



ربنا معاكي ولو اني بصراحة مش عاوز ابونا يوافق عشان تفضلي معانا
ربنا يعطيكي حسب اشتهاء قلبك لو كان بحسب مشيئته

[emmmy]

[quote=ماروجيرافك;724346]


لا معلش يا ايمي اسمحيلي اعترض معاكي في النقطه دي مش معني اني قلت ان للاب الكاهن او امين الخدمه دور في نشر المحبه بين الخدام ان معني كده ان الخدام عادي كفيش محبه مفيش محبه مش فارقه لا
انا اقصد ان الاب الكاهن او امين الخدمه دورهم انهم يشوفه بعض الانشطه الي تقرب الخدام من بعض مش تزرع المحبه بينهم لان المفروض انها موجوده من الاول
ومعني انك تقولي ان لو بكلامي يبقي معظم الاخدام هيعقدو في البيت انا موافق يعقدو في البيت بدل ما يخلقه لينا جيل معندوش محبه
لان اكيد المخدوم هيلاحظ عدم المحبه في الخدام باي طريقه ما اكيد هتبان
يمكن تفكيري يكون غليظ شويه
الرب يبارك ويثمر المحبه بيننا

اختلف يا ماريو زى ما انت عايز مفيش مشكلة
الاختلاف لا يفسد الود والمحبة على راى اخوك ميلاد دايما بيقولها


ماريو انت امين خدمة على ما اعتقد صح ولو فرضنا
انا معاك خادمة فى حقل المسيح معاك وانت امين خدمتى وجت حصلت مشكلة بينى وبين اختى او اخويا فى الخدمة مع العلم انة كان فى بينا محبة وتعامل عادى واشتغلنا مع بعض كتير قدامك وتحت عنيك واشرافك وجت حصلت مشكلة واختلاف وزعل بينا انا وزملتى الخادمة ومن الاختلاف المستمر اختفت المحبة وبقينا مش عايزين نتعامل مع بعض خالص نهائى
انت بقى يا امين الخدمة سواء امين عام او حتى امين فرعى عرفت دة وشوفتة وحسيت بية وفاهم كل حاجة
هتعمل اية ؟
اية دورك هنا ؟
بجد انا عايزة اسمع وجهة نظرك الشخصية
هتتصرف ازاى يا ماريو بس بامانة تخيل ان الموقف قدامك بالفعل هتعمل اية ؟
انا هستنى ردك وبعدها هكمل كلامى معاك دا اذ حبيت انت دة وحسيت انك عايزك تكمل المناقشة انا نفسى اوصلك هدفى صح

[emmmy]

[QUOTE=كراكيب;724449][QUOTE=emmmy;723443]
بس مش تستنى لما ابونا يوافق الاول ابونا مش موافق يا ميلاد صليلى اقدر اقنعة بقى

ربنا معاك



ربنا معاكي ولو اني بصراحة مش عاوز ابونا يوافق عشان تفضلي معانا
ربنا يعطيكي حسب اشتهاء قلبك لو كان بحسب مشيئته

اما انت بقى يا زميلى الفاضل فى حقل المسيح والخدمة
فانا حقيقى بشكرك على محبتك ومشاعرك الجميلة
ربنا يدبر يا ميلاد انا طلبت حاجة وقولتها لابونا باصرار
والباقى بقى ربنا يدبرة لتكن مشئتة
صليلى بجد يا ميلاد كتير ارجوك

[ماروجيرافك]

معلش انا الي فهمته ان اصلا مفيش محبه بينكم وانكم مفروضين علي بعض توزيع خدمه وكده وانتي عارفه التوزيع بقا ساعات بيقي عامل زي القوه العامله
اما لو عدم المحبه ظهر لرد لفعل لموقف معين هنا يبقي لازم يكون في وقفه ووقفه جاده كمان
انا طبعا لو عندي خادم او خادمه وفي نوع من الاختلاف اي كان صغير او كبير طبعا لازم اعد معاكم ومش لازم بصفتي اني امين خدمه لا اني خادم معاكم وحقكم علي اني ادخل واعرف في ايه
اما لو من جهه اني امين الخدمه اعتقد ان ده من ضمن تخصيصي كأمين خدمه اني علي الاقل اعمل اجتماع ليكم انتم الاتنين واتناقش معاكم بكل محبه واعرف ايه سبب المشكله واحاول اني اوصل لحل يرضي جميع الاطراف
واحاول اشوف عمل يضمنكم انتم وحد تالت معاكم عشان لو حصل مشاده مثلا والافضل ان يكون الطرف ده محبوب بينكم انتم الاتنين
الرب يبارك ويثمر ثمره المحبه بيننا

[aymonded]

أسمحوا لي بتعليق عملي من واقع خبرة شركتنا مع الله :
المحبة محبة الثالوث القدوس، الله الحي الواحد، الذي دعانا بالمجد والفضيلة دعوة مقدسة ليكون لنا شركه معه، وأن كنا نلتقي بالله الحي في مخدع منتظم بتوبة مستمرة بإيمان حي وشركة مع الكنيسة في الإفخارستيا سرّ الشكر ونقتات على ذبيحة الحب المقدمة من ربنا يسوع لتأسيس عهد جديد، عهد حرية نعيشه في المسيح يسوع ، حتماً سنتشرب من محبة الله التي تشع فينا بنصرة سماوية بقيامة يسوع من الأموات ....

أما كل خلاف يحدث ( ومن الطبيعي يحدث خلاف ) أن لم يكن بيننا ربنا يسوع وإياه مصلوباً، أي دخلنا في خبرة صليب ربنا يسوع الذي مات ليصالح الكل قاتلاً العداوة وجاعلاً الأثنين واحداً، فلن نخرج أبداً من دائرة الخصومة التي تهدم اي خدمة، فكم من خدمات عظيمة انهارت بسبب عدم المحبة وبذل الذات والتخلي عن الأنا والأنت ، بل صرنا نحن، أي صرنا واحد فعلاً لا قولاً، على المستوى العملي لا النظري ولا لغو كلام وفلسفة، وكما كان في سفر أعمال الرسل حينما يختارون أحد للخدمة أو يتحركون من أجل أي عمل يقولون دائماً : أختار الروح القدس ونحن !!!

المشكلة تبدأ من كلمة أنا، أي الأنفرادية التي فيها كل واحد ينفصل عن أخيه ، ويبقى الحوار بين انا وأنت ، أما الروح القدس أساس الخدمة أختفى تماماً وليس له وجود في حياتنا اليوم ، وهو روح المحبة الذي يسكب حب الله في قلوبنا وبدونة لا تنفع خدمة ولا أي عمل من الأساس ....
فلو تخيلنا لو أن الأثنين المختلفين في الخدمة قبل أن يتحاوروا معاً ويحاولوا يصلحوا الوضع، حتى لو كان الأمين معهعم ، وقفوا للصلاة أولاً طالبين حلول الله وسطهم بقلب تائب منكسر، مستعد أن يخضع لله الحي الذي يُلهم الإنسان بالحل، طبعاً لو الإنسان عايز فعلاً أن الرب وحده هو الذي يتمجد فقط وليس ذاته ، سنجد أن اي خلاف سيزول حتماً، لأن الصلاة علاج فعال قوي لأي خلاف بين أثنين شرط أنهم يريدوا أن الله هو الذي بينهم ويردون الوحدة والمحبة هي التي تسود حسب الفكر الذي فينا فكر ربنا يسوع وليس أفكارنا الخاصة التي نريد أن نطبقها في الخدمة والتي نراها صالحة بمفهومنا البشري الذي يُفسد الخدمة لأنها تجعلها خدمتي أنا وليس المسيح [ أما نحن (وليس أنا) فلنا فكر المسيح ] ...

وغياب الروح القدس عن الخدام والخدمة جعل الخدمة تُختصر على النشاط الخارجي فقط وتنحصر فيه، أما عن النشاط الداخلي، من جهة صلاة القلب وقراءة كلمة الله كقوة حياة متدفقة من الله في داخل قلبي لأتشرب من روح الحياة الذي في داخلها، فقد فُقدت، لقد فقد فعلاً - وعلى المستوى العملي - الخدام حياة النشاط الداخلي، ولا نجد إلا مظهر وشكل نشاط خارجي ناجح أما من الداخل فمنهار تماماً، والدليل هو: عدم وجود - على مستوى الخبرة - حياة توبة صادقة ولا سيرة مقدسة طاهرة ولا حفظ وحدانية الروح برباط الصلح الكامل بين الخدام وبعضهم البعض ، وأعتقد أن نظرة سريعة على الخدمة لفحصها بالروح تثبت كلامي !!!
فلا تنظروا أو تركزوا على الشكل الخارجي للخدمة بل على النشاط الداخلي بالروح ، وخدمة المصالحة التي تُزرع بالروح وليس بالكلمات ، والصلاة والصوم والانسحاق أمام الله يضبطوا الخدمة لو كانت بالروح فعلاً وليست من الذات، واجتماعات الصلاة ضرورية للخدام جداً والكل فيها يصلي واحد واحد بانظام ومحبة لله والغيرة على عمل الله، والكل يصلي معاً بنفس ذات الروح الواحد ويرفع قلبه بالصلاة مع أخيه الذي يسمع صلاتة، ومنذ اليوم الذي فقد فيه الخدام صلاتهم الفردية والجماعية معاً واجتماعهم الخاص في الإفخارستيا معاً بقلب واحد وروح واحد، ضعفت الخدمة ولم يتبقى منها سوى الشكل والمظهر، وأي خلاف بسيط يفضح القلب الذي لم يعرف الله ولم يدخل الخدمة حسب عطية الله ودعوته، بل صارت لهدف واحد وهي محبة الذات، أو كبرياء القلب، أو مجرد راحة للضمير وكأنه يعمل عمل الله والله منه بريء لأنه لا يراه ولا يسمعه، فاين المخدع واين الصلاة الجماعية التي تربي بدورها الوحدة في المسيح مع الكنيسة !!! ....
+ و لكنني اطلب إليكم ايها الإخوة باسم ربنا يسوع المسيح أن تقولوا جميعكم قولاً واحداً و لا يكون بينكم انشقاقات بل كونوا كاملين في فكر واحد و رأي واحد (1كو 1: 10 )
+ لأني لم أعزم أن أعرف شيئاً بينكم الا يسوع المسيح و إياه مصلوباً (1كو 2 : 2)

بهذا قد عرفنا المحبة ان ذاك وضع نفسه لأجلنا
فنحن ينبغي لنا ان نضع نفوسنا لأجل الإخوة (1يو 3 : 16)

[emmmy]

انا طبعا لو عندي خادم او خادمه وفي نوع من الاختلاف اي كان صغير او كبير طبعا لازم اعد معاكم ومش لازم بصفتي اني امين خدمه لا اني خادم معاكم وحقكم علي اني ادخل واعرف في ايه
الكلام ممكن جدا كتير ميقبلوش وهيفسروة تطفل منك وتدخل فى اللى ميخصشى دا فى حالة لو كنت مجرد خاد زميل ليهم يعنى مش شرط تضمن انهم يقبلوا تدخلك دة برغم ان غرضك المصالحة والمحبة بس الشيطان هيصلطهم يقولولك كدة يا ماريو

اما فى حالة لو كنت امين خدمة وبتتدخل بصفتك امين الخدمة يبقى ممكن بس انت عملتها قبل كدة يا ترى ؟ وكام مرة وهل نجحت الطريقة دى



المشكلة تبدأ من كلمة أنا، أي الأنفرادية التي فيها كل واحد ينفصل عن أخيه ، ويبقى الحوار بين انا وأنت ، أما الروح القدس أساس الخدمة أختفى تماماً وليس له وجود في حياتنا اليوم ، وهو روح المحبة الذي يسكب حب الله في قلوبنا وبدونة لا تنفع خدمة ولا أي عمل من الأساس

صح يا استاذ ايمن عندك حق مين سمعك تمام هى حتة الذات دى اللى مضيعانا كلنا بجد

[aymonded]

أطلب من الله باسم ربنا يسوع خلاصنا الوحيد
أن يسكب روح توبه على هذا الجيل ويعطي خبرة الشركة معه في القلب
حتى أن الكل يخدم اسمه العظيم باتضاع ومحبة بالروح القدس وليس بالذات وكبرياء القلب
أقبلي مني كل تقدير ، ولنصلي لأجل الخدمة والخدام
النعمة معك ومع الجميع آمين

[ريم الخوري]

راي يا اخت ايمي ان المحبة صرح وبناء بيبنيه الشخص في حياتة هو مسؤول عن انة يبني هذه المحبة بتعب وجهاد شخصي بذاتة بنعمة وصلة واصوام لكي تعمل نعمة الروح القدس فية ومن خلالة بالاخر حينها يري الانسان اخية الانسان صورة الله المطبوعة فية بفعل المحبة لان زي ما بيقول القديس( ان محبة الله ومحبة القريب وجهان لصورة واحدة وهي محبة الله لان لان محبة القريب هي ذاتها محبة الله )
ولو قريتي سلم الفضائل للقديس يوحنا السلمي رح تعرفي كيف ان المحبة لحتي نصل االيهالازم يكون في تواضع وصبر ورجاء وايمان ومخافة لله حينها تتخطي حدود الانا ونري صورة الله في كل اللى معناسواء خدام او .... ونتعامل معهم ببذل وتواضع ونكران للانا التي فينا وكل ذلك لمجد الله والا لو كان عكس ذلك لما كانت المحبة هي اساس ميسحيتنا ولا كان الرب تواضع لاجل هذة المحبة ولما تربعت على كافة الفضايل
الرب معك ويحفظ حياتك

[ماروجيرافك]

لام ممكن جدا كتير ميقبلوش وهيفسروة تطفل منك وتدخل فى اللى ميخصشى دا فى حالة لو كنت مجرد خاد زميل ليهم يعنى مش شرط تضمن انهم يقبلوا تدخلك دة برغم ان غرضك المصالحة والمحبة بس الشيطان هيصلطهم يقولولك كدة يا ماريو
اما فى حالة لو كنت امين خدمة وبتتدخل بصفتك امين الخدمة يبقى ممكن بس انت عملتها قبل كدة يا ترى ؟ وكام مرة وهل نجحت الطريقة دى


ايه التطفل في كده انا حاسس انك بتكلمي عن فصليه من خدام انا مقبلتوش قبل كده يا ايمي الخدام لازم يكون قلبك وصدر رحب للجميع
اما بالنسبه لكام مره حصلت مش كتير بصراحه بس الحمد لله بقو تمام مع بعض

[emmmy]

[quote=ريم الخوري;729901]راي يا اخت ايمي ان المحبة صرح وبناء بيبنيه الشخص في حياتة هو مسؤول عن انة يبني هذه المحبة بتعب وجهاد شخصي بذاتة بنعمة وصلة واصوام لكي تعمل نعمة الروح القدس فية ومن خلالة بالاخر حينها يري الانسان اخية الانسان صورة الله المطبوعة فية بفعل المحبة لان زي ما بيقول القديس( ان محبة الله ومحبة القريب وجهان لصورة واحدة وهي محبة الله لان لان محبة القريب هي ذاتها محبة الله )
ولو قريتي سلم الفضائل للقديس يوحنا السلمي رح تعرفي كيف ان المحبة لحتي نصل االيهالازم يكون في تواضع وصبر ورجاء وايمان ومخافة لله حينها تتخطي حدود الانا ونري صورة الله في كل اللى معناسواء خدام او .... ونتعامل معهم ببذل وتواضع ونكران للانا التي فينا وكل ذلك لمجد الله والا لو كان عكس ذلك لما كانت المحبة هي اساس ميسحيتنا ولا كان الرب تواضع لاجل هذة المحبة ولما تربعت على كافة الفضايل
الرب معك ويحفظ حياتك


صح ياريم عندك حق اشكرك على حضورك الجميل ياقمر وحشتنى مناقشتك وكلامك ياريم ربنا معاكى يا حبى

[emmmy]

رد: حوار مفتوح للجميع

كود:
لام ممكن جدا كتير ميقبلوش وهيفسروة تطفل منك وتدخل فى اللى ميخصشى دا فى حالة لو كنت مجرد خاد زميل ليهم يعنى مش شرط تضمن انهم يقبلوا تدخلك دة برغم ان غرضك المصالحة والمحبة بس الشيطان هيصلطهم يقولولك كدة يا ماريو اما فى حالة لو كنت امين خدمة وبتتدخل بصفتك امين الخدمة يبقى ممكن بس انت عملتها قبل كدة يا ترى ؟ وكام مرة وهل نجحت الطريقة دى
ايه التطفل في كده انا حاسس انك بتكلمي عن فصليه من خدام انا مقبلتوش قبل كده يا ايمي الخدام لازم يكون قلبك وصدر رحب للجميع
اما بالنسبه لكام مره حصلت مش كتير بصراحه بس الحمد لله بقو تمام مع بعض

شكرا يا ماريو على حضورك ومناقشتك الجميلة ربنا يبارك خدمتك وتكون دايما محبوب من كل اخواتك وتكون سبب بركة للجميع

قولى صحيح انت عامل الاقتباس دة ازاى شكلة غريب مش زى بتاعنا خالص انت محسسنى انك من بلاد الغرب وجاى مصر