بصراحة شباب انتم مش بتعرفوا تحبوا

[asmicheal]

بسم الله القوى

بقلمى مش منقول

كلمة حق وجعانى وعاوزة اقولها
لانى فعلا بحبكم جميعا شباب

والمناظر المؤثرة
والحرارة العالية
والالفاظ الرومانسية المشعللة
والمشاعر الملتهبة


كل دة مش حب

او على الاقل مش حب مسيحى
كل الناس ممكن تحب كدة



الحب فى نظرى
لازم يكون لة هدف والا تحول لعبث
مؤذى جدا
خاصة للبنت
التى تاخذ كل اللوم
وتتحمل كل التبعات



الحب فى نظرى
لازم يتسند على العقل
لكى يستمر
ويزدهر
ويبقى
وينجب المزيد من الحب


وكم تحاورت مع شباب حبوا واتلوعوا واخلصوا فى محبتهم
لكن تحطموا على صخر العقل والواقع
وانتهى اقول وانا اعنيها انتهى الحب

او تحول للنقيض



شيىء مؤلم فعلا
ان يصير الحب ينبوع الم بعدما كان متنفس السعادة








الحب فى نظرى
غالى جدا
ومشاعرة راقية جدا
وخاصة جدا

لاتوزع هباء على كل من هب ودب


والبنت بالذات يجب ان تكون اسوارها عالية
لاتخترق بثغرات العاطفة لاى وكل احد



الحب فى نظرى
لكى يستمر

لابد ان يبدا باللة وينتهى الى اللة

واللة نور وحقيقة

فاى حب فى الخفاء و.....

لايمكن ان يكون حبا




الحب فى نظرى
يكون كامل النضج
لشخصين كاملى النضج والاهلية
لتحمل مسئولية الحب
الحب مسئولية وليس عبث واخذ بلا عطاء


يتحد فية شخصين بلا اختلاط ولا امتزاج ولا تغيير

بالروح القدس
ليكون الاثنين واحدا





اختكم asmicheal

[minabobos]

جميل اوى شكرا

[elphilasouf]

عندما يحد التوافق المبني ع العقل فيض مشاعر الحب الجميله ويتوج بتقديس وشركه الروح القدس = يتكلل بزواج ناجح 99 %
أشكرك ع موضوعك الرائع ..

[menovich]

فعلآ اذا كان الحب مبنى على اسس وقواعد سليمة وهى محبة الله وطاعتة ومخافتة

لازم ولابد ان يتم هذا الأساس بناطحة سحاب كلها محبة ورجاء فى الله

تسلم اناملك على التوبيك الرائع ومواضيعك الشيقة

[marmargogo]

بجد موضوع رائع جدا وكلام صح مليون فى المية الرب يبارك حياتك

[bassem8800370]

الحب فى نظرى
لكى يستمر

لابد ان يبدا باللة وينتهى الى اللة
جميل جداااا ربنا يباركك

[buffon italy]

الحب فى نظرى
لازم يتسند على العقل بصراحة لو الحب بقه مستند على العقل بس مش هيبقى حب أصلا و برضو لو مستند على العاطفه بس مش هيعيش.عموما تعريف الحب و ليه و أزاى بنحب دى حاجات أختلف فيها الشعراء و الفلاسفه من أول البشريه و أكيد مش هنيجى أحنا دلوقتى و نتفق عليها.بس أنا رأيى أنه لما تبقى راحة حد و سعادته أهم عندك و قبل راحتك و سعادتك أنت يبقى أنت بجد بتحبه.مستنى ردودكم

[asmicheal]

جميل اوى شكرا


:12:


شكرا ليك يا مينا لمتابعتك الجميلة وتشجيعك الرقيق

[asmicheal]

عندما يحد التوافق المبني ع العقل فيض مشاعر الحب الجميله ويتوج بتقديس وشركه الروح القدس = يتكلل بزواج ناجح 99 %
أشكرك ع موضوعك الرائع ..





:12:


عقل لوحدة = حياة جافة

كانك بشركة فيها 2 موظفين يودون عملهم كالالات

حب لوحدة = انهيار تام

مالم تكمل الحب امكانيات وظروف تساعدة على الاستمرار


ولانك فيلو قارى جيد

احب اضيف معلومة بمشاركتك القيمة دائما كالعادة

اثبتت الدراسات العلمية ان ممارسة الحب ونموة يكون من العقل اولا

ولاننا اعلى ما يميزنا العقل
فلما اختيارتنا تعتمد فقط على الغريزة وتهمل افضل ما يميزنا على الاطلاق

العقل



اوضح كمان يا فيلو

اقتناع عقلى + ظروف وامكانيات مناسبة + قبول عاطفى = حياة زوجية متينة
وقوة تلك الحياة واستمراريتها
مرتبطة بمدى نضج الطرفين وارتباطهم بالله لة كل المجد اولا ثم ببعضهم


شكرا فيلو لمشاركتك التى احترمها كثيرا كالعادة

[aymonded]

الحب فى نظرى
لازم يتسند على العقل بصراحة لو الحب بقه مستند على العقل بس مش هيبقى حب أصلا و برضو لو مستند على العاطفه بس مش هيعيش.عموما تعريف الحب و ليه و أزاى بنحب دى حاجات أختلف فيها الشعراء و الفلاسفه من أول البشريه و أكيد مش هنيجى أحنا دلوقتى و نتفق عليها.بس أنا رأيى أنه لما تبقى راحة حد و سعادته أهم عندك و قبل راحتك و سعادتك أنت يبقى أنت بجد بتحبه.مستنى ردودكم



صديقي الحلو والرائع في جمال جوهره الخاص
طبعاً لن أعلق على كلمات الأخت الحلوة كاتبة الموضوع ، لأنها أوضحت أن الحب ليس المشاعر وحدها ولم تستند على العقل وحده ...
ولكن عموما الحب الحقيقي يأتي من الداخل من أعماق الإنسان ، وأن صار في الاتجاه العاطفي وحده بدون حكمة واتزان ووعي العقل ، واستند على العاطفة وحدها سوف يصطدم بالواقع العملي وتتبدل المشاعر وتختفي العواطف وتزول حتماً !!!

فالحب في الأساس بذل وعطاء دائم ومتبادل بين طرفين ، لأن ما يُميز الحب هو البذل وإسعاد الآخر كما قلت في تعليقك الجميل ، ولكن ليس هو ذلك فقط ، بل ينبغي أن يقوده العقل ويحكمه ، لأن هناك حب عاقل أو حب يقوده العقل في الواقع العملي ليضبط المشاعر ويحفظها من التقلب أو الزوال ، ويُغذيها بالبذل المحسوب بدقة ، فيعطي الإنسان ويبذل بإدراك دون ندم لأنه قرر أن يعطي ويبذل نفسه عن وعي وإدراك وليس بمجرد اندفاع عاطفي !!!

وكمثال : القديس بطرس الرسول اندفع عاطفياً حينما تكلم الرب يسوع عن موته ، وقال يا رب مستعد أن أموت عنك ، فقال له الرب يسوع الحق اقول لك لا يصيح الديك حتى تنكرني ثلاثة مرات ، فهذا هو الاندفاع العاطفي بلا عقل أو حساب واعي مدرك لحقيقة بذل الذات على مستوى الموت ، فحينما أتى الوقت الذي سيفصل بين الكلام والواقع ، هربت العاطفة والتلميذ أنكر !!!

ولكن أن حسب الإنسان بعقلة ومشاعرة في الواقع العملي وتقدم بمحبة واعية مدركاً ما يصنع يصبح الحب هنا حقيقي وعملي لا يخشى المواقف أو يتراجع عنها مهم ما حدث لأنه ثابت ومبني على صخر لا يتزعزع ...


أقبل مني كل حب وتقدير لشخصك المحبوب
النعمة معك كل حين

[elphilasouf]

:12:


عقل لوحدة = حياة جافة

كانك بشركة فيها 2 موظفين يودون عملهم كالالات

حب لوحدة = انهيار تام

مالم تكمل الحب امكانيات وظروف تساعدة على الاستمرار


ولانك فيلو قارى جيد

احب اضيف معلومة بمشاركتك القيمة دائما كالعادة

اثبتت الدراسات العلمية ان ممارسة الحب ونموة يكون من العقل اولا

ولاننا اعلى ما يميزنا العقل
فلما اختيارتنا تعتمد فقط على الغريزة وتهمل افضل ما يميزنا على الاطلاق

العقل



اوضح كمان يا فيلو

اقتناع عقلى + ظروف وامكانيات مناسبة + قبول عاطفى = حياة زوجية متينة
وقوة تلك الحياة واستمراريتها
مرتبطة بمدى نضج الطرفين وارتباطهم بالله لة كل المجد اولا ثم ببعضهم
شكرا فيلو لمشاركتك التى احترمها كثيرا كالعادة


أشكرك ع أضافتك الفوق الممتازه :)

[buffon italy]

aymonded كلامك كالعاده بجد مالوش حل و مش محتاج أى كلام أو تعقيب بعده.أنا جايز أكون أخدت جملة لوحدها من الموضوع و علقت عليها بس ده بجد لأنها أستفزتنى موووت و أنا على فكره مش قصدى أننا نختار بغريزتنا أنا كان قصدى على المشاعر وعموما أكيد لازم يكون فيه balance بين العقل و المشاعر عشان يبقى حب ناجح بس مش سهل أن الواحد يوصل للتوازن ده و لازم يبقى حد ناضج بجد عشان يقدر يعمل كده

[aymonded]

aymonded كلامك كالعاده بجد مالوش حل و مش محتاج أى كلام أو تعقيب بعده.أنا جايز أكون أخدت جملة لوحدها من الموضوع و علقت عليها بس ده بجد لأنها أستفزتنى موووت و أنا على فكره مش قصدى أننا نختار بغريزتنا أنا كان قصدى على المشاعر وعموما أكيد لازم يكون فيه balance بين العقل و المشاعر عشان يبقى حب ناجح بس مش سهل أن الواحد يوصل للتوازن ده و لازم يبقى حد ناضج بجد عشان يقدر يعمل كده

كلامك صحيح جداً يا أجمل أخ رائع ، واشكرك على التوضيح الجميل المملوء منك محبة ، فاقبل مني كل تقدير واحترام لشخصك الرائع ، النعمة تملأ قلبك سلام ومسرة .

[بنت اباسخيرون القلينى]

بجد موضوع جميل وشيق جدا شكرا ع تعب محبتك

[ramysefen]

سلام النعمة ....asmicheal
اعتقد اننا كثيرا ما نحتاج التفريق بين الحب و الاعجاب....
بالاضافة.... ان الحب له ناتج وحيد...الزواج..
الحب=محب+الله+محبوبة
الزواج=زوج+الله+زوجة
الاعجاب= انا +شئ ما اعجبني في شخص ما...ربما تحول لحب ان وُجٍد الله....... وربما تحول عني..ولم يَعُدْ ان وجد اي شئ غير الله....
الرب يبارك حياتك

[ماري جمال جرجس]

طبعا فعلا موضوع حلو جدا

[emmmy]

قعلا نادرا لو لقينا اللى يفهم معنى الحب صححح
ويقدرة بجد -- عندك حق يا اسمشيل الحب بقى تجارة دلوقتى
ووسيلة لناس كتير تملأ فراغ وتعالج مشاكل نفسية وثنبت نفسها
وعلشان كدة بيفشل ويكون لية نتائج مدمرة ومش مستحبة -- مرسى ليكى كتيرالرب يباركك وياريت ترجعى تبقى معانا اتمنى دة حقيقى لانك وحشتينا جدا