السيدات في الشارع ... كلب لولووو

[elphilasouf]

الموضوع مش موضوع فكاهي او مضحك اد ماهو موضوع مخزي لجنس الرجال قبل السيدات .....

كما أنه ليس موضوع تحزبي لجنس معين بزاته

ربما تسمونه دفاعاَ !! ليس عن جنس معين و أنما عن الجنس البشريه في حد ذاته

تخيلوا كلب لولو في الشارع ماشي لوحده .........ياعيني
شوفوا نظرات الكل ليه بالاعجاب .... نظرات حب الامتلاك .... والبعض الاخر نظرات ابعدني عن النجاسات !! .....شوفوا المعاكسات ومحاوله مسكه بل خطفه او ضربه او او ... ,

تمام زي حال السيده المصريه الكريمه في الشارع المصري
صدقوني من عمر ال8 سنين إلي حتي ما ينطفي جمالها الجسدي .....
لتتحول بعد ذلك عن البعض "وليه أرشانه" او "تيتا" "واحده اد امك" بحسب مظهرها الخارجي .....

تخيلوا ياعيني لو واحده بنت حلال اضطرت غصب عنها أن تحاول أجتياز شارع فيه مجموعه من الفتيان او الشباب "الي المفروض انهم رجاله" اي كان عمرهم .... تخيلوا المعمله ... من أول النظرات حتي الاعتداءات لفظيه كانت او اكثر ......

وكانها فعلا كلبه ... بس لولو .... :)

والبعض الاخر يتغاضي بوجهه عنها وكأنها رجس من عمل الشيطان ... شيطان متحرك ......

هي دعوه ... دعوه ان نحب أنفسنا ... لنستطيع أن نحب الجنس الاخر ....
لنستطيع أن نبرز له مايليق من أحترام كمخلوق ع صوره الله ومثاله ... بغض النظر عن لبسه او خطاياه أو سقاطاته ... مثلما تعامل السيد المسيح مع السامريه .....

دعوه أيضا ان اغض نظري عن التمعن في المراه
كما هي دعوه أيضا أن لا يكون غض بصري لأجل أنها رجس أو شيطان متحرك .......
بل أغض نظري لكي لا أعثر ... لكي أحفظ نفسي من السقوط
أبتعد بل اهرب لحياتي -كما يعلمنا الاباء- أن كانت نظره ستفقدني أبديتي ...

في رأيي لقد أخطأ هذا الراهب الذي قال عن المراه انها "الشيطان" عندما ساله أحد الأطفال الذي تربي من صغره في الدير ولم يري نساء

دعوني أبرز نقطتين ......
أولا
أن مظهر المراه الخارجي ولو كان غير محتشم لايعطيني الحق أو العذر أني أعتدي عليها حتي لو أعتداء بمجرد النظر .....

ثانيا
أن المراه هي بشر يخطئ مثل الباقيين ... كما لا يعطيني الحق أن اراها كشيطان أو كخطيه في حد ذاتها ......بل أراها مثل جميع الناس
اراها خليقه الله مثل أي انسان ولا أراها من أهل الخطايا مثل نظرت السيد المسيح للممسكه في ذات الفعل طالبا أن يتحول قلبي لقلب نقي كقلب الله

لأنظر نظره من قلب نقي ... نظره لمخلوق الله ... ولا أنسي أن أحمي نفسي من العثرات ... فحياتي اهم ...


ملحوظه
وصف الفتيات بأنهن كلاب لولو دي مش رايي الشخصي وانما بيصور حالهن في الشارع .... لكن هن في رايي خليقه الله الحلوه اي كانت لبسهن او أخلاقهن او ضعفاتهن .........كما يوضح الموضوع

[سندريلا2009]

تصدق عندك حق

وفعلا الشارع المصرى
اصبح فى قمة القّّذارة

[bassem8800370]

مش كله يافيلسوف بس مفكرتش ليه هما بيعملو كدا
لو الواحد ماشيه ولبسه لبس محترم محدش هيتكلام
لكن معلش واحد سورى فى الكلامه مايسه فى الشارع وضحتها فى الشارع مع اصحابها وطريقت لبسها تفتكر الشباب هيعملوا ايه ؟؟؟؟!!!!!!!!

احنا مش فى زمن القديس العظيم سمعان الخراز
او حتى يوسف الصديق

[elphilasouf]

شكرا سندريلا لمشاركتك ....
لو كنت اعرف ان تعبيرك عن الشارع المصري هيكون كده مكنتش كتبت الموضوع

باسم ,... عندك حق في كلامك مش كله بس
الانسان الى مايقدر يتدرب ع أنه يتحكم بغريزته بيكون حيوان ..!!
مش شتيمه ! .... لالا ده الميزه فالانسان عن الحيوان أنه عند عقل يقدر يحكم مشاعر ونطحاته ....
تخيل لو فقد الميزه دي هيكون ايه ؟!!
لذلك أنت بلا عزر أيها الانسان .,..

[selo_hero]

موجوع جامد يا فيلسوف بس ياريت كل الناس تفكر كدا كان زمانا احسن من كدا بكتير
وعلى فكرة مش البنت الغير محتشمة بس بتتضايق فى الشارع وكمان المحترمة المشكلة مش مشكلة لبس المشكلة فى الناس
ربنا يباركك يا فليسوف
نتمنى المزيد

[بونبونه سكر]

المشكله مش مشكله ست وبس زى مبتقول
المشكله مشكله شباب طايش بيفكر ف ارضاء غريزته وبس

موضوع يحتاج لنقاش برافو عليك

[elphilasouf]

المشكله مشكله نظرتنا للفتيات في الشارع .... هل هما خليقة الله الرائعه - مع حمايه نفسي من اي عثرات ، ام هي مجرد كلب ... لولو ...
أشكر مشاركتكوا الحلوه يا ... سيدات نعتز بهم

[اشرف وليم]

موضوع جامد فعلا
يثير تسالات كثيرة
شكرا لتعب محبيتك

[bent jesus]

بجد برافو عليك وعلي الموضع الجامد دا

بجد بجد انت جبت المفيد

تلاقي البت لو لابسه محتنرم ولا مش محترم برضو بتسمع كلام اي ان كان

هي الفكره في نظره الواد او الراجل للبنت او السيده لو بجد عنده فكر حلو او تفكيره كويس بجد مش هيفكر ف يكدا خالص

ميرسي ليك يافيلسوفنا ربنا يخليك للمنتدي وتنوره بمواضيعك الي زي كدا

[ادوارد ادوارد ادوارد 3]

بجد الموضوع جميل
بس مجتمعنا متفشية فيه الثقافة الذكورية
ان كانت عينك بسيطة فجسدك كله يكون نيرا
ربنا يبارك تعب محبتك

[la tristeza y el dolor]

بجد يا فيلو اتكلمت فى نقطتين صعبين اوى

اولا انها بشر ولازم نحبها بالرغم من افعالها اللى ممكن توقعنا فى الغلط

و التانيه ان رغم كل دا اننا منعملش الغلط اتكالاً انها هى السبب فى دا بسبب منظرها ,

ثانكس يا فيلو للموضوع الجميل ربنا يحافظ علينا كلنا ويقربنا منه .

[elphilasouf]

نفسنا بجد تتغير نظرتنا تجاه امور كتيره .....
نفسنا تركزنا يكون علي الجزء الإيجابي ديما من كل حاجه .....
ميرسي لردودكوا الرائعه والمشجعه ..... :)

[asmicheal]

الموضوع مش موضوع فكاهي او مضحك اد ماهو موضوع مخزي لجنس الرجال قبل السيدات .....

كما أنه ليس موضوع تحزبي لجنس معين بزاته

ربما تسمونه دفاعاَ !! ليس عن جنس معين و أنما عن الجنس البشريه في حد ذاته

تخيلوا كلب لولو في الشارع ماشي لوحده .........ياعيني
شوفوا نظرات الكل ليه بالاعجاب .... نظرات حب الامتلاك .... والبعض الاخر نظرات ابعدني عن النجاسات !! .....شوفوا المعاكسات ومحاوله مسكه بل خطفه او ضربه او او ... ,

تمام زي حال السيده المصريه الكريمه في الشارع المصري
صدقوني من عمر ال8 سنين إلي حتي ما ينطفي جمالها الجسدي .....
لتتحول بعد ذلك عن البعض "وليه أرشانه" او "تيتا" "واحده اد امك" بحسب مظهرها الخارجي .....

تخيلوا ياعيني لو واحده بنت حلال اضطرت غصب عنها أن تحاول أجتياز شارع فيه مجموعه من الفتيان او الشباب "الي المفروض انهم رجاله" اي كان عمرهم .... تخيلوا المعمله ... من أول النظرات حتي الاعتداءات لفظيه كانت او اكثر ......

وكانها فعلا كلبه ... بس لولو .... :)

والبعض الاخر يتغاضي بوجهه عنها وكأنها رجس من عمل الشيطان ... شيطان متحرك ......

هي دعوه ... دعوه ان نحب أنفسنا ... لنستطيع أن نحب الجنس الاخر ....
لنستطيع أن نبرز له مايليق من أحترام كمخلوق ع صوره الله ومثاله ... بغض النظر عن لبسه او خطاياه أو سقاطاته ... مثلما تعامل السيد المسيح مع السامريه .....

دعوه أيضا ان اغض نظري عن التمعن في المراه
كما هي دعوه أيضا أن لا يكون غض بصري لأجل أنها رجس أو شيطان متحرك .......
بل أغض نظري لكي لا أعثر ... لكي أحفظ نفسي من السقوط
أبتعد بل اهرب لحياتي -كما يعلمنا الاباء- أن كانت نظره ستفقدني أبديتي ...

في رأيي لقد أخطأ هذا الراهب الذي قال عن المراه انها "الشيطان" عندما ساله أحد الأطفال الذي تربي من صغره في الدير ولم يري نساء

دعوني أبرز نقطتين ......
أولا
أن مظهر المراه الخارجي ولو كان غير محتشم لايعطيني الحق أو العذر أني أعتدي عليها حتي لو أعتداء بمجرد النظر .....

ثانيا
أن المراه هي بشر يخطئ مثل الباقيين ... كما لا يعطيني الحق أن اراها كشيطان أو كخطيه في حد ذاتها ......بل أراها مثل جميع الناس
اراها خليقه الله مثل أي انسان ولا أراها من أهل الخطايا مثل نظرت السيد المسيح للممسكه في ذات الفعل طالبا أن يتحول قلبي لقلب نقي كقلب الله

لأنظر نظره من قلب نقي ... نظره لمخلوق الله ... ولا أنسي أن أحمي نفسي من العثرات ... فحياتي اهم ...



:12:

ههههههههههههههههههههههههه

كلب لولو توشكر يا فيلسوف


بس الحقيقة ان النساء ان كن لا يتشحن بنوعية معينة من الملابس بيكون اكتر النظر لها كرجس من عمل الشيطان
واستغفر الله العظيم يا رب كان قدامة عزرائيل مش مدام او كلب لولو زى ما تفضلت قدسك بالوصف

ولو حلوة بقى تلاقى استغفر الله العظيم طالعة بحرقة كانة هيحرقها
ويحرق يومها الاسود اللى غلطتت فية ومشيت فى الشارع علشان عربيتها باظت


لكن كمان فية نقطة

ان كثيرين يبالغون فى مظهرهم
وكانهم الواجهة الاخرى للخيمة

وكانهم احمممممممممم

فالتناقض المثير دة بيسبب كتير من احمممممممممم

دة غير الاختلاط الخلطبيطة
تلاقى بنوتة بتدق الكف لزميلها ولا كانة اختها الصغيرة
وبتتكلم وتهرج معاة كانة بنت خالتها

والضحك بصوت يسمع امة لا اله الا المسيح عليها كلها


وممكن شفت القهاوى فيها بنات بتشيش

مهزلة

اعتقد
ان المعقول مضبوط
لا خيمة ولا سفور

انما الطريق المعتدل الوسط خلص كثيرين
بلا تزمت او افراط
كمان
البنت هية اللى بتحدد حجم احترام من امامها والناس ليها
بمدى احترامها لنفسها
يعنى لو ولد احمممممممممممم

ممكن يكون احمممممممممممممممم
مع الكل
لكن لحد البنت المحترمة يعمل استوب ويتعامل باحترام


دة رايى الشخصى وقناعتى لا افرضها على احد ولا ادين من يرفضها

موضوع جميل يا فيلسوف

بس امضى اية
اختكم asmicheal
ولا احممممممممممممم اللولو


ههههههههههههههههههههههههه ههههههههههههه

[elphilasouf]

ده ايه احمممممممممم دي ؟!! ياتري
اتحزفت لوحدها تلاقائيا ؟!! :p

ع كلا أشكر ردك الجميل والمميز كالعاده بس أحب أوضح نقطه
إن وصف الفتيات بأنهن كلاب لولو دي مش رايي الشخصي وانما بيصور حالهن في الشارع .... لكن هن في رايي خليقه الله الحلوه اي كانت لبسهن او أخلاقهن او ضعفاتهن .........
وكويس أنك لمحتيلي لحاجه زي كده اللحق أضفها للموضوع لحسن يحصل مشكله

وبخصوص ردك الوسطيه مطلوبه فعلا
بل العاكس الشباب دلوقتي هما كمان محتاجين وسطيه ... لإن تزمت أهتمامنا بالفتيات جعلنا نهمل الفتيان بشكل أحمق ..... فإنحرف الفتيان والفتيات معااااا ....

[asmicheal]

ده ايه احمممممممممم دي ؟!! ياتري
اتحزفت لوحدها تلاقائيا ؟!! :p

ع كلا أشكر ردك الجميل والمميز كالعاده بس أحب أوضح نقطه
إن وصف الفتيات بأنهن كلاب لولو دي مش رايي الشخصي وانما بيصور حالهن في الشارع .... لكن هن في رايي خليقه الله الحلوه اي كانت لبسهن او أخلاقهن او ضعفاتهن .........
وكويس أنك لمحتيلي لحاجه زي كده اللحق أضفها للموضوع لحسن يحصل مشكله

وبخصوص ردك الوسطيه مطلوبه فعلا
بل العاكس الشباب دلوقتي هما كمان محتاجين وسطيه ... لإن تزمت أهتمامنا بالفتيات جعلنا نهمل الفتيان بشكل أحمق ..... فإنحرف الفتيان والفتيات معااااا ....




:12:

فكرك انك الغلباوى الوحيد هنا
لا

كان زمان


رجعت تانى انا هههههههههههههههههههههه

لى تعقيب على كلامك يا جورج

احمممممممممم دى فصلة احترام خاصة بى ومتسجلة باسمى فى الشهر العقارى
علشان شغل الاقتباسات


ههههههههههههههههههههه

كمان
مع احترامى لرايك
فالبنت عليها مسئولية اكبر فى الاحترام عن الشاب

مش لاننا مجتمع رجولى يقدس الرجل فقط

لكن لان البنت اكثر عاطفة واعمق حسا حسب طبيعتها الانثوية التى فطرها الله عليها

فلتحافظ على نفسها وعاطفتها يجب وبجدية ان تكون اكثر حرصا
اسوارها القلبية والخارجية عالية

بلا تعقيد
وبلا افراط
والله نفسة شدد بالاكثر على طهارة قلب وفكر وملبس المراة

لانها من تربى الاجيال وتحفظ الانساب


فانفتاح الشاب واخطائة لا يمكن ان تقابلها نفس المساواة للبنت


رايى شخصى لا افرضة ولا ادين من يرفضة

[بيتو كيرو]

الموضوع جميل وعندك حق يا ريت كل واحد يقدر يضبط نفسه ويحس ان البنت ديه اخته او مامته

[Mary Gergess]

الموضوع مهم اوووى يا فيلو بجد
ربنا يستر على ولاد من حاجات كتير ممكن تبقى مؤلمه
ميرسى ليك وعلى اهتمامك :)

[amgd_235]

بسم الثالوث الاقدس
بشكرك علي اثارتك لهذا الموضوع الجريء انت فعلا محق في كل كلمة قلتها لان المجتمع اصبح سوء من الاول في الماضي كان الرجل رمز للشهامة والجدعنه والحماية ولكن الان ماهو الا مجرد كائن يجري وراء غرائزه والانسان عموما سواء رجل او امراءة اصبحو عايشين مغيبين في مجتمع مغيب لا يرو غير ما يحبون ونسيو اننا كمسحين لا يجب ان نعيش بحسب العالم ولكن يجب ان يكون المسيح عايش فينا لكي مايكون حياتنا افضل فين ربنا في تصرفاتنالكي نعيش ونسلك بحسب وصايا الرب
اسفة اذا كان رايء مش هيعجبكو
سلام المسيح مع الجميع

[نريمان]

موضوع جميل بس ياريت الشباب تتعظ لان للاسف بقيوا زى الذئاب ف الشوارع وخاصه الشباب الغير مسحيه مابصدقوا اى بنت ماشيه ف الشارع يبقوا عاوزين ينهشوا فيها زى الكلاب سورى ع الفاظى بس انا عانيت من دا انا واخواتى ف الخدمه وف الافتقاد ياترى دا بسبب لبسنا ولا بسبب عدم الاخلاق والاحترام ربنا يرحمنا

[elphilasouf]

اشكر تعليقكم الحلو وردودكم المشجعه
ربنا يبارك حياتكم

[marmargogo]

بجد موضوع جامد اوى على فكرة سواء البنت لبسة محترم ولا لا فهى بتسمع كلام مش حلو صدقونى دة اللى بيحصل

[minabobos]

موضوع حلو ومحتاج نقاش كتير علشان يكون ف حل
ميرسى يا فيلو

[بنت الانبا بولا]

فعلا زى ما الاعضاء اللى قبلى قالوا
الناس مش بتبطل كلام سواء على البنت المحتشمة او البنت الغير محتشمة
الاولاد اللى مش كويسين مش بيستنوا لما واحدة لبسها مش محترم تعدى فى الشارع عشان يعاكسوها
لكن البنت تعمل اللى عليها وتلبس لبس كويس ولو حد حاول انه يعتدى عليها بأى طريقة يبقى هو اللى غلطان مش هى
وربنا يحافظ على ولاده وبناته من كل شر

[elphilasouf]

رأيك جميل جدا ...
لكن الموضوع يناقش بالخصوص مشكله نظرة الذكور للإناث عموما
كيف ننظر لهم نظره أحترام لخليقه الله الحلوه ....
وكيف ننظر لهم بنظره طاهره نقيه ... اي كان مظهر الإناث او سلوكهن

[اناستاسيا]

بالرغم من اننى غير راضية عن عنوان الموضوع
ولكن الموضوع ذاتة يستحق التقدير وأنا أرى أن نظرة الشباب للفتيات ترجع الى عدة اشياء
يوجد وقت يكون فية الشاب امام مفترق الطرق اما ان يعيش داخل روحانياتة مع اللة
او ان يثبت ذاتة امام اصدقائة ومعظمهم من اصدقاء السوء ويظهر لهم رجولتة بأى طريقة حتى ولو كانت ضد تعاليم الانجيل ومن ضمن ظهور رجولتة أمامهم هى موضوع النقاش
لا يستطيع الشاب ان ينظر الى الفتاة نظرة مقدسة ابدا طول ما هو بعيد عن اللة
ينبغى ان يرجع اولا الى اللة وعندها سوف تكون نظرتة طاهرة

[سابستيان]

موضوع جميل جدا ربنا يبارك .............بس مش لدرجه كلب لولو

[elphilasouf]

بالرغم من اننى غير راضية عن عنوان الموضوع
ولكن الموضوع ذاتة يستحق التقدير وأنا أرى أن نظرة الشباب للفتيات ترجع الى عدة اشياء
يوجد وقت يكون فية الشاب امام مفترق الطرق اما ان يعيش داخل روحانياتة مع اللة
او ان يثبت ذاتة امام اصدقائة ومعظمهم من اصدقاء السوء ويظهر لهم رجولتة بأى طريقة حتى ولو كانت ضد تعاليم الانجيل ومن ضمن ظهور رجولتة أمامهم هى موضوع النقاش
لا يستطيع الشاب ان ينظر الى الفتاة نظرة مقدسة ابدا طول ما هو بعيد عن اللة
ينبغى ان يرجع اولا الى اللة وعندها سوف تكون نظرتة طاهرة
بخصوص ... عنوان الموضوع ..
هو تعبير عن حدث حقيقي ... مش رأي شخصي
وهو عمتا غير مقصود بيه أي أهانه للمراه

صدقتي في كلامك وردك الحلو .... إن التواجد الدائم مع الله والأستناره بنوره الحلو ... يعملنا كيف لا ننظر للمراه كانها رجس أو خطيه في ذاتها وكيف أيضا لا ننظر لها كاداه للمتعه ...

أشكرك علي تعليقك الحلو :) !

[elphilasouf]

موضوع جميل جدا ربنا يبارك .............بس مش لدرجه كلب لولو
:)
أحترم المراه جدا
بأعتبارها خليقه الله الحلوه كما الرجل تماما ....
أشكرك علي تعليقك الحلو

[دميانة لطفى]

هي دعوه ... دعوه ان نحب أنفسنا ... لنستطيع أن نحب الجنس الاخر ....
لنستطيع أن نبرز له مايليق من أحترام كمخلوق ع صوره الله ومثاله ... بغض النظر عن لبسه او خطاياه أو سقاطاته ... مثلما تعامل السيد المسيح مع السامريه
بجد بحيك يا على الموضوع الفوق الرائع دى واتمنى ان كل الشباب يكونو بيفكرو بنفس فكرتك دى لان بجد بسبب الموضوع ده فى بنات كتير بتخاف متمشى فى الشارع لوحدها انا محتاجين نغير من فكرنا تجاه المراه

[agab]

الكلام ده كله تمام اوي بس احنا عارفين ان في ناس ده اساسهم انهم مبيحبوش حتي يجيبوا سيره المراه في كلامهم لانهم ناقصات.....و..... وده طبعا غلط بس الناس دي احنا منقدرشي نغيرلهم شخصياتهم احنا محتاجين نصليلهم
كمان في حاجه تاني
الشاب بعد مابيتخرج من اي مدرسه او كليه مبيلاقيش شغل فبالتالي هو عاوز يتجوز وفي مشاكل كتير في حياته فبيحس بالكابه والياس وبيحب يعمل اي حاجه تنسيه ممكن يكون ارهابي او انه يرازي في الناس وخلاص ذي ما احنا قلنا
بجد ميرسي يا فيلو انا بشكرك ربنا يعوضك
وانا قولت رايي بصراحه وياريت محدش يزعل مني

[elphilasouf]

أشكركم علي قراءتكم الموضوع ... هو بالأصل دعوه
دعوه للجميع أن يقبل الأخر بوجه عام
وليس لنا أن نبحث عن حجج للخطأ بل أن نسعي جاهدين للحل :)

[ramysefen]

سلام ونعمة................ فيلو
نظرية الكلب ال لولو لن تجدها الا في مجتمعاتنا العربية حيث المعتقدات ........التي غرست في نفوسنا هذة النظرية .......ونظريات اخري
فالمراءة فريسة........يصطحبها الشيطان من ساعة خروجها لحد لما ترجع البيت علي حد ثقافتنا العربية ........................
لكن في اوروبا لن تجد لا المرأة ال لولو ولا الفريسة.........
وربنا يرحمنــــــــــــــــــــ ا...........ويبارك حياتك علي الموضوع

[ramysefen]

وهكذا .......تنعكس هذه الثقافة علينا بالتخلف عن العالم المتقدم
وتضع خليقة الله المكرمة في مكانه اشبه باللولو وغيرها

[elphilasouf]

أنا مع كلامك أن الشرق كان مولد الأفكار الغريبه دي عن المراه
بس المشكله دائما في المستقبل الذي تركها تنمو داخله وساعد في نشرها

وصدقني بدأت تنتشر هذه الثقافه في الأحياء الضيقه في الولايات المتحده وغيرها ,
وربنا يستر علي كل بناتنا و أمهاتنا واخواتنا
وربما الموضوع يتطور للرزاله علي كل مخاليق ربنا الي مشيين في حالهم

[ماري جمال جرجس]

وانا برضو من رئي باسم لو البنت ماشية محترمة مش هتخلي حد يبص عليها ولو ماشية كويس ولبسها محترو وبرضو مفيش فايدة يبقي مع اعتزاري طبعا للولاد المسيح المحترمين يبقي عين الشباب التانين فازغة وفاضين مش اكتر

[*..son.of.jesus..*]

بجد انا مستغرب انتا بتتكلم على البنات فى الشارع ومبتتكلمش على البنات اللى داخليين الكنيسه ولابسين لبس مينفعش اوصفه
علشان انا جبت كلمة الكنيسه فى الموضوع فمينفعش اتكلم

[hosam_gano]

الشارع المصرى اصبح لا يطاق
الشباب فسدت اخلاقهم والبنات اكثر منهم
لكن ليس كل الناس
فندعوا الله ان يغير حالنا الى الافضل

[titarash]

شكرا على الموضوع الجميل وعندك حق فى اللى قلته الشاب شكله بيحب يعاكس البنت لو لابسه محترم او مش محترم بتتعاكس لدرجه المعاكسه فى الكنيسه الشاب يغمز للبنت غير النظرات ربنا يكون معاك

[folla]

أشكرك أخي على إثارة هذا الموضوع الذي فتح مجالاً واسعاً للنقاش مع الأعضاء الأحباء

وإسمح لي أن أشارك بتعليقي في هذا الشأن

* لا يمكنني أن ألوم الشباب عندما يشتهوا الفتاه أياً كان مظهرها (سواء محتشم أم لا)

*أيضاً لا يمكنني أن ألوم الفتاه وأحملها المسؤلية فيما يجري لها


فالمشكلة في القلب

(قلب الرجل وقلب المرأة)

فطالما إبتعد القلب عن روح الله سيتبع وينساق بروح العالم الذي هو في الشرير

وكلما ظل الإنسان بعيدا عن النور الحقيقي فإنه حتما سيسلك في الظلمة

المشكلة في الشهوة التي تهدد وتدمر قلب الإنسان

فالشهوة لا تلتصق بالرجل وتترك المرأة

الشهوة عندما تملك القلب لا يهم وقتها من تقود (رجلاً أم إمرأة)

وهذا ما أوضحه المسيح

أن المشكلة في شهوة القلب التي نتج عنها نظرة شهوة فأصبحت بمثابة الزنى الفعلي
وهذا ينطبق في رأيي على الجنسين الرجل والمرأة


وهذا يتضح أكثر في المجتمعات المتحررة لأن كل شيء يظهر فيها على طبيعته والكل (الرجل والمرأة)متساويان في الشأن

أما في مجتمعاتنا العربية لا يمكننا أن نرصد المشكلة بدقة نظراً للثقافة الذكورية التي تحمل المرأة العبء والمسؤلية وأيضاً تعطي للرجل الحق في الحرية في الشهوة كيفما شاء
مع العلم بأن المراة في هذه المجتمعات تتربى على إنها شهوة بل نجاسة وعار مما يملأها بالشهوة الجنسية للرجل منذ نعومة أظافرها حتى لو تغطت بالنقاب يظل قلبها ممتلئاً بالشهوة

إذن فالمشكلة ليست مشكلة ثقافة أو مجتمع أو زمن المسيح أو سمعان الخراز أو زمان أو دلوقت

فعندما تكلم المسيح عن أصل المشكلة موضحا إياها متمركزة في القلب كان هدفه أن يقدم الحل

والحل هو الإمتلاء بروح الله ورفض روح العالم الذي وضع في الشرير

لأنه قال إن الذين ينقادون بروح الله أولئك هم أبناء الله

فعندما نمتلئ من روح المسيح حتما ستكون نظرتنا طاهرة مقدسة حتى للتي أمسكت في ذات الفعل دون أن نحاول أو نجتهد لأن روح المسيح في داخلنا هو الذي يجعل سلوكنا هكذا بدون حتى أن نجتهد

كل ما علينا هو أن نطلب روحك أيها المسيح يسوع الذي يعرفنا قيمتنا عند الله الآب ويعلمنا قيمة كل نفس عند المسيح

وقتها فقط سنقبل أنفسنا بل ونحب أنفسنا التي إشتراها المسيح بدمه وحياته وبالتالي سوف لا يكون هناك مجهود في أن نقدر ونحب كل نفس خلقها المسيح مهما كان جنسها أو شكلها أو حتى سلوكها

هو قال

ان الروح القدس الذي سيرسله الآب بإسمي هو يعلمكم ويرشدكم ويذكركم بكل ما قلته لكم
هو يعلم إختلاف الحضارات والثقافات والمجتمعات على مر الأجيال
لذلك أوضح لنا المشكلة وقدم لنا الحل لنكون أنقياء وليثبت فينا ولنثبت فيه
أميييييييين

[elphilasouf]

إذن فالمشكله مشكله قلب
و مشكله من يريد أن يعيش مع الله بقلب نقي
ليهبنا الله هذا القلب النقي ولنمتلئ من ملئ عملي الروح القدس
أشكرك علي أضافتك المميزه و الرائعه فولا ...