ياريتنى كنت ولد

[magdy totti]

سلام لكل اخواتى فى منتدتنا الجميل
ارثوذكـــــــــس


جه سوال فى بالى
يمكن السوال ده بنسمعه كتير جدا وحتى لما بنسمعه بنضحك عليه مش عارف لية مفيش مرة فكرنا اننا نجاوب عليه او حتى نفكر فيه

ممكن الموضوع مش ياخد ااهميه من كتير منكم
او حد يحس ان الموضوع عادى ومش هاتفرق اجابته

هو عموما السوال للبنات
ليه اغلب البنات بنسمعهم يقولوا ياريتنى كنت ولد

تفتكروا ايه اللى يخلى بنت ممكن تكون جميله ورقيقه تتمنى من كل قلبها انها تكون ولد؟

اية اللى يخلى بنت تقول كده
دى دعوه للنقاش لشباب المنتدى
ياريت نعرف البنت فعلنا مظلومه فى المجتمع
والولد واخد حقة جدا
وهل فى فرق بين الولد والبنت فى الزمن دهولا مفيش فرق؟

وازاى ممكن نحل المشكله دى
مستنى اعرف رايكم

[ريم الخوري]

بفتكرو نيل المطالب بالتمني هههههههههههههه

شوف باختصار اللي يفرق بين الولد والبنت بمجتمعاتنا الشرقية هي سقف الحرية الممنوح لكلا الطرفين وقائمة الممنوعات للبنت ودا بصراحة مفروض بسبب طبيعة التمازج المختلف في مجتمعاتنا الشرقية من هلا منطلق اوقات البنت بتحس ان حقوقها مهضومة شويه وتفتكر انها لو ولد خدتها كلها
لذلك بنسمع وكتير لو كنت ولد بسس ..................
بس براي المتواضع ان البنت بمجتمعاتنا لو واخده حقوقها من حيث انها عنصر مساعد ليها وعليها في المجتمع بفتكر محدش كان تمني يكون غير اللى هو بالعكس كانت نمت دورها كامراه وانطلق للحياة من هل منطلق ومحبتش تكون غير امراه .......بس هي مسالة تباين في مستويات الحرية الممنوحه من اسرة لتانية ومن مجتمع لتانييييييييي

مرسي مجدي موضوع مهم

[فرجينا]

فعلا كل البنات بتقول كدة ودة لعدت اسباب منها
1_البنت فى المجتمع الشرقى مينفعش تكلم ولد فى الشارع بينما الولد ممكن يتكلم مع اى حد وفى اى وقت وفى اى مكان
2_البنت مش ممكن تخرج من البيت بعد الساعة عشرة
3_فى بعض الناس من رايها ان عيب ان البنت تشتغل بعد التعليم ومن الاحسن انها تتزوج وتقعد فى البيت
ودى بعض الاسباب الى تخلى بنت تقول يارتنى كنت ولد وميرسى ليك خااااااااالص ياmagdy totti (http://www.orsozox.com/forums/member.php?u=46462) وربنا يعوض تعب محبتك

[اميره جرجس]

في حاجات كتير تخلي البنات تقول نفسي اكون ولد
انا مثلا اخواتي بنات برضو ماينفعش نخرج وحدينا بحريه
ولما حصل لصحبتي ظروف وكان لازم ابقي معاها
في حاجات كتير ماعرفتش اتصرف فيها لاني بنت
غير انها هي لوحدها ومسئوله
لو كانت ولد كانت هاتفرق
بس في النهايه
الله لا يترك اولاده
ودايما بيختار الصالح

[سندريلا2009]

انت سمعتنى وانا بقولها ولا اية
هههههههههههههه

شوف يامجدى المقولة دى مترددة بين البنات جداا
عشان خاطر الولاد ليها حرية اكبر بكتير من البنات
ايون احنا واخدين حرية بس مش بالمستوى اللى للولد
يعنى الولد يروح ويجى فى اى وقت باى لبس فى اى منطقة مش هتفرق معاه كتير
الولد ممكن يخرج ويكلم طوب الارض عادى جداا لكن البنت لا كدة عيب مش يصح
الولد من حقه كل حاجة والبنت مش كله حقها فيه
ممكن يكون العامل فى دة هو مجتمعنا الشرقى والعادات والتقاليد اللى بتحكمنا
بس صدقنى اوقات فى ناس مش بتفرق معاها وتلاقى البنت بمية راجل وممكن يكون الراجل فى البيت ولا ليه اى لزمة اصلا
بس اكيد الولد ليه حريات اكتر واكبر من البنت لان دة الواقع بتعنا

اهو نعمل اية بقا واكلينها انتو ديما وووولعة :p

موضوع جميل بجد وفعلا كلمة شائعة جداا
انا واحدة من الناس اللى بتحقد على الولاد بقا ههههههههه

ميرسى للموضوع
ربنا يبارك حياتك

[emmmy]

طبعا مع احترامى لكل الاراء الجميلة اللى اتقالت
انا بحترم كل حرف اتكتب
بس صدقونى كل دة ميفرقشى معايا انا شخصيا خالص
انا بتكلم عنى بصفة خاصة كل دى اسباب متخلنيش اتمنى ابقى ولد واعترض على حكم ربنا اللى سمح لى بية
يا جماعة الموضوع اكبر من كدة بكتيررررررررر
التفرقة بين الولد البنت موجود من قديم الازل
وانت يا مجدى بتقول

وهل فى فرق بين الولد والبنت فى الزمن دهولا مفيش فرق؟
التفرقة مش فى الزمن دة التفرقة من قديم الازل يا عزيزى دا يمكن دلوقتى الامور بتتحسن مع التطور والعلم والحرية والافكار وتعاليم المسيح فى عهد النعمة
والبنت اصبحت عندها القدرة عن التعبير عن شخصيتها ورايها ودورها
مبقاش فية استعباد ولا جارية
البنت حاسة بالظلم وراثة من حاجات كتير من قديم الازل من زمان اوى
يعنى مثلا من ايام شريعة موسى البنت مظلومة فى تقسيم الميراث
الولد ياخد قدها مرتين ولحد النهاردة معظم الناس بيطبقوا الشريعة دى حتى من المسحيين اللى الطمع ملئ قلوبهم والجشع عمى عيونهم
رفضوا تعاليم المسيح الجديدة ولجاؤا للحلول الارضية للحصول على اغراضهم
البنت هى اللى بتكون مطمع يتخاف عليها جدا لو فقدت عفتها وكرامتها تبقى خلاص مش هتفع تانى والمجتمع يبصلها على انها عضو فاسد برغم انها ممكن جدا تكون ضحية وبرئية قدام ربنا
البنت لو قتلت جوزها فى لحظة غضب وهى شايفة جوزها بيخونها مع واحدة تانية تتحاكم وتاخد عقاب الرجل لا لا لانة بيدافع عن شرفة وكرامتة والاعلام حاول يرفض الفكرة دى فى فيلم عملتة نجلاء فتحى كان رائع وعمل ضجة وغير افكار كتير
الولد يشيل اسم الاب ويعمر بيت ابوة وولادة يكونى ليهم غلاوة خاصة عن ولاد البنت
الولد ينفع فى وقت الشدة والاحتياج لكن البنت قليلة الحيلة ضعيفة وعاجزة ومقصورة الجناح كل دى عبارات بتسمعها البنت بيضعف عزيمتها ومحاولتها انها تكون اد المسئولية
دة غالبا مش دايما طبعا بس غالبا
عموما الكلام كتير وانا طولت عليك اوى بس صدقنى لو التربية صح فى البيت والبنت شبعت نفسيا هتؤدى دورها بشكل رائع وتحقق نجاح جميل حتى لو كان اقل من الرجل لان البنت بطبيعتها ضعيفة ربنا خلقها كدة دة امر طبيعى علشان نكمل بعض الرجل محتاج لانوثة البنت ورقتها وضعفها والبنت محتاجة لرجولة الرجل وقوتة وحمايتة
ولا مش هتبقى ليها طعم ولا احتياج لكل من الطرفين
وانا كبت لو عملت اللى اقدر علية حتى لو بنسبة ضئيلة دة هيكون كتير بس من غير احساس بالنقص والضعف لانها تفرق كتير
ووزنة فى ايدى اتاجر بيها واربح احسن من عشرة وادفنهم
انا دوشتك صح ههههههههه طيب كفاية كدة
ومنتظرة اسمع معاك باقى الاراء

[jan hany]

رأيك عجبنى قوى يا أيمى وكلامك جميل .ايوة فعلآ البنت حتى لو مخلوق حساس زيادة شوية وضعيف لكن الراجل ما يقدرش يعيش من غيرة علشان كدة هما بيكملو بعض ومفيش حد ينفع يبقى أحسن من التانى ولكن موضوع الخروج ورايحة جاية طبيعى الأهل لازم تبقى خايفة عليهم علشان اللى بنسمعة كل يوم وربنا يحفظ بناتنا كلهم ويحميهم من مخاطر الشيطان.

[emmmy]

مرسى يا
jan hany (http://www.orsozox.com/forums/member.php?u=110894)
صدقينى احنا اللى بنظلم نفسنا بنفسنا
المراءة اينعم ضعيفة بدنيا عن الرجل لكنها تمكلك قوة من نوع تانى ميقدرشى عليها اى رجل

وقوة تستخدمها سواء فى الشر او الخير على حسب اختارها
يعنى مثلا
مقدرشى يغلب شمشون الجبار وينزع قوتة
غيرك يا دليلة
اعظم الرجال مستحملش غلوة فى ايدك يا امراءة
وانت يا كل دليلة تقدرى تعملى كتير بنعمومتك وانوثتك ورقتك المنسوجة بالمكر والدهاء

ولو هتستخدمى قوتك فى الخير
يبقى بنعومتك ورقتك ومحبتك وحنانك المنسوجة بالوداعة والايمان
هترجعى مرقص والى الزعفران لحضن المسيح يا امراءة ويا كل دميانة


ربنا مقسمها صح اوى صدقونى والمراءة مش ضعيفة اوى كدة
ولو واحدة اتمنت تبقى ولد دة بيرجع لاسباب نفسية
مش اكتر من كدة

[WENDY]

انا عن نفسي عمري ما قلت كده انا سعيده ان ربنا خلقني بنت ولازم كل البنات يبقوا كده .......ولا ايه يا بنات؟

[magdy totti]

انا بشكر كل اللى شارك وقال رايه بكل صراحة

بس يا ايمى انا مش مقتنع اوى بكلامك مش عاارف لية

[buffon italy]

أكيد فى حاجات كتير فى حياتنا أحنا مش بنختارها من ضمنها أننا أتولدنا أولاد أو بنات بس أكيد ربنا بيحط كل واحد أو واحده فى المكان الصح و فى النوع اللى يناسب شخصيته و تركيبته و الرساله اللى ربنا عايزها منه أو منها.بغض النظر عن الفروق فى الحقوق أو المعاملة فى مجتمعاتنا المتخلفه أنا رأيى أن أى حد طبيعى و سليم نفسيا هيبقى مقتنع و كمان مستمتع بأنه ولد أو بنت و مش هيقول أصلا يا ريتنى كنت حاجه تانى