اى حد عنده مشكله شبابيه يا [you] يدخل مايتكسفش

[Michael_Sabry]

سلام ونعمه
بصراحه يا اخواتى انا جاتلى الفكره دى من احدى المنتديات
لو حد عنده مشكله سواء كانت عاطفيه او شبابيه او اى حاجه
ممكن يحطهلنا ونساعده بحلها بعقل وناخد رائى
الاعضاء فيها
وتئبا مشكله رائى عام
هههههههه
لو الموضوع عجبكم ياريت تكتبو مشاكلكم
باااى

[Team Work®]

اشكرك على الفكرة ونتمنى الناس تستفاد وتسال

شكرا

[SAMOOOOO]

ازيك يا مايكل يارب تكون بخير بس عاوز اعرف ليه قصدتنى انا فى الموضوع ده
منتظر ردك

[مرموره]

على فكره يا سموو هو اى حد بيدخل بيبان اسمه الى داخل بيه
وميرس على الفكره الجميله

[SAMOOOOO]

انا عارف يامرموره بس بكتب كده عشان فى ناس كتير دلوقتى بتسخدم الاسم ده عشان اللى عاوز يكلمنى يعرفنى
او ياريت تفهمينى وجهه نظرك صح من الكلام اللى قولتيه
ربنا معاكى

[مرموره]

بأمانه ما فهمه حاجه
انا الى قولته بقولك ليه لما دخلت كان مكتوب الاسم


وبدان قولت على فكرة مايكل حلوه
بس خلاص :)

[SAMOOOOO]

انتى بتتكلمى على اساس مايكل حط اسمى فى الموضوع ولا انتى تقصدى لما بكتب اسمى ومهنتى فى نهايه كلامى

[مرموره]

مش انت سألت مايكل اسمك ليه مكتوب فى الموضوع

ازيك يا مايكل يارب تكون بخير بس عاوز اعرف ليه قصدتنى انا فى الموضوع ده
منتظر ردك

فانا بقولك ان ديه خصيه تقريبا
اى حد بيدخل المنتدى
بيلاقى اسمه فى الموضوع
ياعنى انا هيظهر اسمى
وانت اسمك و هكذا




بس ايه حكاية المهنه انا مش جبت سيرتها :) انا بتكلم فى حاجه تانيه

على العموم ماعلينا
سوء تفاهم

[SAMOOOOO]

يعنى انتى عندك كده بردو بيظهر اسمك؟

[SAMOOOOO]

ههههههههه ربنا يسامحك يامايكل على الفكره دى
كده هتخلى مرموره تزعل منى ربنا يسامحك يا مايكل
متزعليش يامرموره بجد مكنتش اقصد عموما حصل خير
ربنا معاكم

[Michael_Sabry]

هههههههههههههههههههه
يا جماعه بامانه انا ماكتبتش اسم حد
تقريبا اصحاب المنتدى بيوقعونا فى بعض
وشكرا على مرورك يا ساموووووو انت و مرموره
هههههههههههههه

[انسطاسيا]

ميرسي مايكل علي الفكره الحلوه دي
ربنا يبارك حياتك ويعوضك خير
بس انا عاوزه اعرف مين اسمه انسطاسيا تاني هنا
اختك الصغيره انسطاسيا

[dolagy_jesus]

ههههههههههههههه وانا اقول يا ربى لية اسمى مكتوب
انتوا بتكتبوا اسم كل اللى بيدخل الموضوع دةهههههههه
عموما فكرة جميلة جدااااااا ربنا يباركك

[dede_love_86]

هو اشمعنا ان اللى الرساة مكتوبة باسمى بس مع ذللك ان مبسوطة انكو بتهتمو بالمشتركيين قوى كدة :surrender:

[dede_love_86]

اشمعنا انا اللى السالة مكتوبة باسمى بس انا مبسوطة جدا جدا على اهتمامكم بالمشتركين الجداد كتييييييييييييير قووووووووووووى كدة:10500:

[اللة يرعانى]

موضوع هايل اوى وانا عندى مشكلة وهى الكسف ومش عارفة اعمل اية

[nrmo]

ميرسى جدا على الفكره الجميله دى
وتقريبا حتة ان الاسم بيتكتب دى علشان هو كاتب فى عنوان الموضوع يا وحاطط نقط بعديها فعلشان كده بيظهر اسم كل عضو يدخل .
عموما هى فكره حلوه اوى مييييييييييرسى

[nrmo]

يصى يامريم انا شايفه ان الكسوف فى البنات مش حاجه غلط بس مش معنى كده انى متكلمش خالص برده لازم يكون فى نفس الوقت انك تتكلمى من غير كسوف بس الكسوف نفسه مش غلط البنت بطبعها بتتكسف.

[nana2020]

فكرة كويسة وجديدة بس ممكن اسال انت لية ضيفينى فى موضوعك

[جاسيكا]

ميرسى للموضوع الجميل دا يا مايكل
وعلى فكرة يا جماعة كل واحد بيظهر اسمة على الموضوع مش انتو بس



اما بالنسبة للموضوع فأنا نشكر ربنا معنديش مشاكل عاطفية الحمد لله
ولا اى مشاكل تانية ولو عندى اكيد انتو اول ناس هاخد رايكم لانكم اخواتى الكبار
واحب اعرف رأيكم


اما موضوع الكسوف والخجل دا فأنا مش شيفاة مشكلة دى حاجة طبيعية فى البنات



ربنا معاكم ويبعد عنكم المشاكل
صلو من اجلى
اختكم جاسى

[Michael_Sabry]

شكرا جدا لان الفكره عجبكم
وصدقونى يا جماعه انا ماضفتش اسم حد دى خاصيه فى المنتدى ربنا يبعدها عننا فى بقيت المنتديات ههههههههههههههههههههههههه ههههه
بالنسمه لمشكله يا مريم صدقينى الكسوف للبنات بيرفع منها اوى وبيخالى القدامها يعرف انها بنت كويسه و رقيقه
وربنا معاكو

[kottah_sh]

انا عندى مشكله ونفسى حد يقولى انا صح ولا غلط واتصرف ازاى كل الحكايه انى بحب واحد جدااااااااااااااااااااا وهوه كمان بيحبنى اكتر واكتر المهم فى شويه مشاكل بتقابلنا (اولا) انه اصغر منى 14 يوم (ثانيا ) انه مكملش الكليه بتعته لظروف معينه وانا معايا بكاليريوس حاسب الى وانشاء الله هيسافر قريب اوى اسبانيا يشتغل هنا بعقد واقامه وكل حاجه بس مش هيقدر يعملى حاجه قبل السفر غير دبلتين وخاتم وعايز كل مايعمل فلوس يبعتهالى واحوشها واجيب الشقه انا لو عليا والله مش هتفرق لانى بجد بحبه وهوه انسان رائع وعمرى ماشفت حد حنين وكويس كده بيشجعنى على الصلاه بالاجبيه دايما فى اليوم تلات مرات وانى اقول تماجيد للبابا كيرلس ومارمينا والعدرا المشكله كلها فى بابا حاسه انه مش هيوافق هيقولى دا مش معاه حاجه وهيعيشك منين وهتستنيه اد ايه والكلام ده انا بامانه تانى كل دا مش هيهمنى اكتر من انى الاقى حد يحبنى ويخاف عليا انا مش بدور غير على واحد احس معاه بالحنان انا اتخطبت قبل كده وكان جاى عن طريق بابا ووافقت علشان هنا فى البيت كانوا بيقولوا عليه كويس وفكيت لانه طلع بخيل رغم انه جاب شبكه ب15 الف بس دى كانت واجهه فقط لا غير بجد مخنوقه اوى مش عارفه انا صح ولا غلط انى اصر عليه واستناه ؟ وحاجه تانى مش عارفه اخليه يقعد مع بابا ويفهمه على كل حاجه ولا نستنى لما يسافر ويعمل قرشين ويجى؟ ارجوكوا حد يرد عليا

[مالى سواك]

ربنا يقويكى يا kottah_sh (http://www.orsozox.com/forums/members/13664.html) ولازم تعرفى ان دى حياتك انتى ومحدش حتى لو كان اهلك ممكن يعرف مصلحتك اكتر منك ده مستقبلك انتى وانتى المفروض اللى هتكرريه وبعد كده لو ارتبطى بأى حد تانى وطلع مش كويس هتفضلى طول عمرك تلومى اهلك والله واعلم ايه ممكن يحصل تانى بس انتى لازم تتمسكى باللى انتى عايزاه وباباكى لما يشوف تمسكك بيه اكيد هيوافق واكيد هيقابل الشخص اللى انتى عايزه ترتبطى بيه ويتفاهم معاه ربنا معاكى وباباكى يوافق

[طوشة]

انا مشكلتى اكبر من الكلام ده
اى حد عنده مشكله شبابيه يا طوشة يدخل مايتكسفش

[طوشة]

انا مشكلتى اكبر من الكلام ده
اى حد عنده مشكله شبابيه يا طوشة يدخل مايتكسفش

[Michael_Sabry]

اولا سلام ونعمه
ثانيا يا طوشه دى خاصيه فى المنتدى انا مش بكتب اسامى حد من الاعضاء
انما بالنسبه ليكى يا kotta_h فاحسن حل من رائيي انك تقولى لاب اعترافك و بعد كدا تكلمى مامتك وتفهميها قد ايه انتى متعلقه بالشخص دى وحاولى تقنعيها وهى اكيد هيكون ليها تاثير على باباكى بس لازم تعرفى انك لو استمريتى مع الشخص دى هتضحى بحاجات كتير وهتستحملى كلام كتير من باباكى لو هو مش موافق بس اكيد الاختيار فى الاخر فى ايدك انتى وانتى الهتقولى اه او لا لان باباكى مش هيخصب عليكى
بس هما عشان خايفين عاليكى عايزينلك الاحسن بس ياريت تعرفى حد من عيلتك باباكى او مامتك
وتعرفى اب اعترافك عشان يتصرف
وربنا يقف معاكى ويوفقك

[اللة يرعانى]

اشكركو لردكو على سوالى الرب يعوضكو تعب محبتكو

[بنت المسيح]

انا عاوزة اعرف ليهذكر بنت المسيح اشمعنا الاسم ده

[مايكل رومانى]

على فكره انا دماغى مشيت منى مش عارف مين مايكل المقصود ولو انا سببت اى مشكله يبقى انا اسف بس افهم

[melanora]

يا استاذ مايكل ممكن اعرف اسمي مكتوب ليه علي الموضوع ولا دي شخصية تانية بنفس الاسم
وشكرا

[beboelea]

انا عندى مشكلة صعبة مع اخى هو متزوج من سبع سنين وكان عملة يتطلب السفر نظرا للمعيشة الصعبة ولكن زوجتة لم تكن امينة مع زوجها ولا فى بيتها اخى اشتغل فى مصر سنتين وبعدها سافر الجزائر وكان بيجى كل ستة شهور وكان عامل لها فيزا تقبض لة المرتب وفى كل اجازة يجى فيها يسالها عن الحساب تقولة حسابك كزا وكزا وهو يصدق كان واثق فيها كل الثقة انا واخواتى اتكلمنا معة اكثر من مرة وقلنا انها بتصرف كتير ولكن لم يصدقنا هى كانت مسيطرة علية وفى اخر اجازة سالها عن حسابة قالت ان حسابة اربعة واربعون الفا قال لها انا عايز كشف حساب فزهبت واحضرت لة كشف حساب بالمبلغ وكان كشف حساب مزور واخزها وراح البنك واتضح ان حسابة اربعة عشرة الف فسالها عن المبلغ بقت تالف لة حكايات كدب ومش هى دة المشكلة المهم اتضح انها على علاقة بشباب وبتصرف عليهم وماشية فى كل الطرق وشغالة بنت ليل والبيت كان وكر لها لغاية ماتمسك واحد غير مسيحى عندها بعد منتصف الليل ولكن للاسف لم يثبت عليها شىءودة مش اولمرة لغاية مرة راحت امن الدولة ولكن طلعت منها القسم وامن الدولة يعرف عنها كل شىء والكنيسة ايضا تعلم كل شىء عن طريق القسم لان كان لها مشكلة بسبب الشاب اللى كان عندها لانة ضرب الولد اللى مسكة وزهبوا القسم وابونا حب انة يدخل مامور قالة ابعد انت يابونا لان الموضوع فى واحدة مش كويسة واحنا علمنا بعد فترة وزهبنا الى ابونا فقا اخلوا البيت لان البيت كدة وكر وهى ممكن تسبب لنا مشاكل فكرنا اننا نيجى اولا للانبا بولا لكن ابونا قال لازم نعمل طلاق محكمة اولا وعلى فكرة الكنيسة تعلم كل شىء عنها وفى كلام كتير لسة المشكلة لها بقية وهى الان فىبيت ابوها فانا بتمن ان رسالتى توصل للانبا بولا وانا عارفة انة هاينظر لنا بعين المسيح صدقنى ياسيدنا احنا تعبنا جدا واخوى الان شغال فى الجزائر وليس لة منزل انا قلبى بيتقطع علية واحنا صلينا كتير قبل مالبيت يخرب اخوى سامح فى الفلوس لكن المواضيع التانية صعبة وهى مش ندمانة على اللى هى عملتة ولكن ندمانة انها لم تاخز باقى الحساب اللى فى الدفتر فهل انسانة مثل هزة تصلح زوجة مع العلم انى لم اكتب باقى المشكة واحنا بنحاول نعمل طلاق محكمة وهى معها بنت عندها سبع سنوات وابونا قال حاولوا ناخزوا البنت لانها غير امينة وممكن تاخزها وتمشى وطبعا هى حاضنة يعنى مشكلة صعبة يعنى احنا بقا لنا سنة ونصف فى قلق ومشاكل اخوى متغرب وتعبان واحنا كلنا تعبانين ارجو ياسيدنا الانبا بولا انك تصلى من اجلنا وان المسيحح يمد ايدة للاننا زهبنا للمحامى والتانى ولكن هى على معرفة بهم فلم يعملوا شيئا لانها انسانة صعبة لانها كانت ماشية مع مافية فى عرب المعمل بالسويس وكانت مسلطة على اخوى ناس تضربة وهو نازل من المطار لكن صدقنى ياسيدنا ان المسيح هو اللى حافظ عليى لغاية مارجع عملة وانا واثقة ان المسيح هايعمل بالرغم ان الطرق مسدودة لكن انا واثقة فى مجبة الهى وعنايتة ورحمتة وحنانة علينا وهو مصبرنا ومعزينا فى التجربة وبطلب منة انة يعطى اخوى سلام فى التجربة وارجو الرد سلام المسيح معكم

[Michael_Sabry]

يا جماعه بامانه انا مش كاتب اسم حد دى خاصيه فى المنتدى صدقووووووونى حتى اقرو بنفسيكم كل مشاركات الاعضاء

[Michael_Sabry]

beboelea (http://www.orsozox.com/forums/members/3927.html) بجد انا صدمت لما اقريت المشكله دى ومش عارف اقول ايه بس
لكن من المؤكد انكو لازم تاخدو البنت منها لانها متستحقهاش خالص
وانكو تقطعو علاقتكم بيها خالص ولازم اخوكى يبعد عنها طلاق محكمه وطلاق كنسى وطلاق كل حاجه
و ربنا يقف معاكو ويارب الانبا بوله يكون وصلته رسالتك و ياريت الاعضاء الموجودين لو حد عنده حل فى الموضوع دى يتصرف
بعد ربنا طبعا
وربنا معاكى و يقف معاكوا كلكم

[مالى سواك]

انا مع مايكل فى رايه اهم حاجه البنت وهى اكيد هتلاقولها حل هى كده كده راحت خلاص وماأعتقدش واحده زى دى ممكن ترجع كويسه تانى الا بمعجزه بس فعلا اهم حد البنت تاخدوها والا هى كمان هتضيع

[مادوناممدوح]

انا اتخديت ربنا يسامحكو انا لقيت اسمى هههههههه
شكرا على الموضوع انا قولت عملت مشكلة امتى انا لسة مشتركة ميرسى موووووووت

[kottah_sh]

متشكره اووووى ياجماعه على رددودكوا على موضوعى وربنا يدبرها من عنده ويبعد عننا المشاكل ارجوكوا صلولى كتييييييييييييييييييييييي يييييير

[lozalala]

شكلي انا اول واحدة هنفعك مشكلتي هي ان اخويا مش بيذاكر و هو في ثانوية عامة ومش عارفين نعمل معاه ايه
علي فكرة فكرتك جامدة جدا و ربنا معاك

[Michael_Sabry]

lozalala (http://www.orsozox.com/forums/members/13981.html) مشكله بصراحه عويصه ههههههههههههههه كلنا واحنا فى ثانوى كنا بنعمل كدا
انتو بس ابعدو عنه الكمبيوتر و التلفزيون وكله هيئبا تمام و ياريت تشجعوه انه يذاكر مع اصحابه حتى لو مش مع بعض فى نفس الدراسه بس هيئبا تشجيع مش اكتر وربنا معاكى وع اخوكى امين

[beboelea]

لو ةتلالاتو

[beboelea]

ميرسى جدا على اهتمامكم بقراءة مشكلتى وياريت توصلوها للانبا بولا لانى مش عارفة اوصلة وياريت فعلا لو فى اى عضو من الاعضاء يقدر يساعدنا مايتاخرش علينا لانها فعلا مشكلة صعبة وصلوا من اجل ان ربنا يحلها من عندة وانا واثقة وعندى ايمان انة هايدخل فى الوقت المناسب لاننا تعبنا كتير وربنا يعوض تعب محبتكم ويبارك خدمتكم

[عبدة حبيب المسيح]

بجد افكرة جميلة جدا وربنا يدكم نعمة

[noudaa]

ربنا قادر انه يحل مشكله كل واحد بس احنا منحولش عينينا من عليه و هو اكيد ليه حكمه فكل حاجه و اكيد برده هدفها صالحنا. و شكرا علي فكره الموضوع ربنا يعوضك.

[جاميكا الروسى]

انا شاب اسمى مينا بس بجد انا حياتى مدمرة انا مش بعمل حاجة كويسة ابدا ونفسى اتغير بجد بس مش قادر ممكن المساعدة

[ماريان]

حلوة اوى الفكرة
ربنا معاكم
وللى كانو عايزين يوصلو صتهم للانبا بولا
ممكن يبعتولة على قناة اغابى فى برنامج جوة البيوت
من الموقع بتاع القناة يشوفو الايميل اية او العنوان اية
وربنا معاك
انت كمان يا مينا
ربنا الى يقدر يخلينا كويسين
محدش يقدر يبقى كويس من غيرة
صليلة
وربنا معاك

[kottah_sh]

ياجماعه انا بموووووووووووووت ارجوكم ردوا عليا بسرعه الولد اللى بحبه اللى قولتلكم عليه طلع ابوه وامه منفصلين من سنين وعرفت ان ابوه راجل قاسى ومانع عنهمالفلوس والمصاريف وكده وانا مش عارفه اعمل ايه هوه صارحنى بالموضوع ده وبيقولى فكرى لو عوزانا نبعد يبقى ماشى وهوه مدينى فرصه افكر واستشير رأى اى حد انا مش عارفه افكر تفكيرى اتشل ارجوكم ردوا عليا انا تعبانه اوى

[kottah_sh]

على علم ان سبب الانفصال ده خناقه بسيطه بينهم وهوه كبرها وانا عارفه السبب اعمل ايه بجد تعبانه موووووووووووووووووووت محتجالكم ومحتاجه لرأيكم اوى اوى اوى

[nibal]

عندي مشكلة وبدي رأي حكيم
اصدقائي الشباب دائماً يرسلون لي رسائل حب وغرام على الموبايل وانا لا اعرف هل ارد على هذه الرسائل ام اترك الموضوع دون رد

[ماريامكرم]

هاى مايكل انا مش عارفاك انا مشتركة جديد فى المنتدى ومش فاهمة اى حاجة ياريت حد يفهمنى

المهم انا عندى مشكلة انا عايزة اعرف لية ساعات ربنا بيطمنا ناحية موضوع معين وبنحس ان دية خلاص ارادة ربنا وبعدين الموضوع يفشل طب لية ربنا من الاول علقنا بالموضوع ياريت ترد عليا لو ملقتنيش ابعتلى ردك الميل بتاعى اوعى تنسانى

[nrmo]

ياجماعه انا بموووووووووووووت ارجوكم ردوا عليا بسرعه الولد اللى بحبه اللى قولتلكم عليه طلع ابوه وامه منفصلين من سنين وعرفت ان ابوه راجل قاسى ومانع عنهمالفلوس والمصاريف وكده وانا مش عارفه اعمل ايه هوه صارحنى بالموضوع ده وبيقولى فكرى لو عوزانا نبعد يبقى ماشى وهوه مدينى فرصه افكر واستشير رأى اى حد انا مش عارفه افكر تفكيرى اتشل ارجوكم ردوا عليا انا تعبانه اوى

بصراحه انا شايفه انه مادام صارحك بحاجه زى دى انتى اقفى جنبه وحاولوا انتوا الاتنين تفكروا فى اصلاح المشكله اللى عند عائلته وتصلوا كتير علشان ربنا يدخل فى الموضوع ويعمل للصالح
ومادام الشاب ده كويس خلاص يبقى تقفى جنبه وربنا يوفقكم

[nrmo]

عندي مشكلة وبدي رأي حكيم
اصدقائي الشباب دائماً يرسلون لي رسائل حب وغرام على الموبايل وانا لا اعرف هل ارد على هذه الرسائل ام اترك الموضوع دون رد

هاى نيبال بالنسبه للرسائل بصراحه مش فاهمه الرسائل بتبقى فيها ايه بس لو كان الكلام اوفر ممكن تقوليلهم انك مش بتحبى الرسايل دى ولو مش عاوزه تحرجيهم يبقى متبعتيش او ابعتى رسايل عاديه خالص والاحسن انك تقوليلهم انهم مش يبعتوا رسايل زى دى تانى علشان هما ممكن يزودها مادام شايفينك عادى مش بتتتكلمى وربنا معاكى

[beauty111]

من فضلكم أريد تفسير سفر الرؤيا من تفاسير الانبا موسى ممكن؟؟؟؟؟؟؟؟؟؟؟؟؟؟؟؟

[tamer 3]

والله انكم تافهين

[melad elmaseeh]

ايه هو اسم melad elmaseeh جذاب للدرجة الكبيرة دى اللى بتخلى الناس تكتبه فى عرض المواضيع .عموما اشكر ربنا .وعلى فكرة انا اسمى فعلا ميلاد عبد المسيح وكاتب اسمى الحقيقى لانى مبعملش حاجة عيب ولا خلط .

[Michael_Sabry]

يا جماعه الموضوع مش موجه لشخص معين فى المنتدى
دى خاصيه فى المنتدى والاسم بيبان للداخل مش لشخص معين
وسعيد بمعرفتك يا ميلاد عبد المسيح
بالنسبه ليك يا تامر بما اننا تافهين احب اقولك انى لولا فى منتدى مسيحى كنت اتعاملت معاك ذى مابعامل اى حد فى منتدى تانى على العموم ربنا يسامحك ويهديك
على فكره يا تامر غلط انك تحلف وتقول والله احنا مسحيين مش ناس تانيه

[nrmo]

والله انكم تافهين
اولا اهلا بيك معانا فى المنتدى ولو فى اى حاجه مش عاجباك ممكن حضرتك تقولنا الغلط فى ايه ونحاول نصلح الغلط ده .
ربنا معاك

[Michael_Sabry]

nrmo واضح ان حضرتك عندك صبر صليلى ان يكون عندى الصبر دى عشان دى من اكبر المشاكل العندى وهو انى بتعصب كتير جدا وبيسببلى مشاكل كتير

[Michael_Sabry]

جاميكا الروسى (http://www.orsozox.com/forums/members/14445.html) بجد اسف على عدم ردى السريع على مشكلتك بس بجد متقلش انك مدمر انت لو بتعمل حاجات غلط فى ناس بتعمل حاجات غلط اكتر منك وانا واحد من الناس دول بس عايزك ماتفقدش الامل لان ربنا بيتصرف وطرقه عجيبه وكل العليك تعمله انك تصلى لربنا بينك وبينه وقوله يا رب انا عايز اجيلك وامشى بطريقك يمكن اكون عارف ايه اللمفروض اعمله لكن مش عارف اعمله ادينى قوه يا رب انى اعمله و يارب لو انا مش عارف ايه اللمفروض اعمله عىفنى يا رب
انت يا رب قلت ادعونى وقت الضيق فاستجيب لكم وانا بدعوك و طريقى صعب ارجوك اقف جمبى يا الهو وقوينى وانشاء الله ربنا يسمعلك يا مينا وصليلى ارجوك اخوك مايكل

[المتشفع بمارجرجس]

ربنا يباركك يامايكل موضوع فوق الرائع ومعلش صدقني بيحصل لبس وهما اكيد مش يقصدو لانهم اولاد الفادي ربنا ينفعنا بصلوتهم واكيد بصلواتك انت كمان يامايكل انت شخص محب ورائع وموضوعك مفيد جدآ المشاركه حلوه بجد وانا الضعيف مستعد اشارك مع قافله خدام الرب ربنا يعوضك يا مايكل

[Michael_Sabry]

kottah_sh (http://www.orsozox.com/forums/members/13664.html) اولا اسف على ردى المتاخر بس انا الاعرفه ان الانفصال فى المسيحيه بيكون لعله الزنا بس تقريبا لانه مش حاجه سهله ان حد ينفصل عن حد فى المسيحيه بالذات
ثانيا المفروض الواحد مايفكرش بقلبه بس لكن يستعمل عقله كمان لازم تعرفى هو لو ارتبط بيكى هيصرف عليكى ازاى وهتعيشو ازاى وحياته شكلها ايه وهتستحمليها ولا لا واهم حاجه تقولى لاب اعترافك و الاهم من دى كله تصلى لربنا و هو هيدبرها بس ارجوكى ماتختريش بالفعل قرارك وبعد كدا تروحى تقولى للربنا اخترلى انت الصالح
وربنا معاكى و يساعدك امين صليلى ارجوكى انا الخاطئ

[Michael_Sabry]

بجد بشكرك يا متشفع بمارجرجس انت من الشخصيات الانا بحترمها جدا و بحبها فى المنتدى ارجوك صليلى بجد انا محتاج صلاوات كل الفى المنتدى ارجوكم

[Michael_Sabry]

ماريامكرم (http://www.orsozox.com/forums/members/15743.html) بجد يا ماريا انا اسف جدا جدا انا مانستكيش بس بجد ظروفى كانت وحشه الايام الفاتت وماكنتش بدخل المنتدى لكن انا عايز اقولك على حاجه مهمه واكيد انتى عارفاها ان ربنا مش بيرجع فى كلامه ابدا ياعنى هو لو من الاول مش موافق على حاجه اكيد مش هيطمنك من ناحيه الحاجه دى و يضحك عليكى ويقولك انه موافق عليها لكن المشكله بتكمل فى شخص الانسان نفسه لانه بيتمنى انه يكون هو صح فى اى حاجه كمثال اختيار حبيبه مثلا ممكن يكون الحبيب دى مش مناسب ليه لكن عشان هو بيحبه بيتغاضى عن اى حاجه مش كويسه فى الشخص دى وذى ماحنا كلنا عارفين الحب اعمى طبعا مش فى كل الاحوال لكن الانا عايز اقوله انك لازم تفكرى فى اى حاجه بعقلك و لازم تقربى من ربنا وتحكيله عشان يسمعلك وربنا يباركك ويحافظ عليكى وسامحينى عشان ماردتش عليكى بسرعه

[اللة يرعانى]

لية فى فترة الخطوبة كل طرف بيبن ما اجمل ما عندو مش كل طرف يبين حقيقتو وطبعو وبعد زواج يكتشف كل واحد طبيعتو الحقيقية

[Michael_Sabry]

مريم (http://www.orsozox.com/forums/members/161.html) بصى يا مريم اى حد فى فتره الخطوبه لازم يبين احسن ما عنده عشان يحاول يرضى الطرف الاخر
والموضوع دى بيحصل فى معظم الوقت لكن للاسف دى مش صح لامفروض الواحد يكون على طبعته
لان الفتره دى المفروض ان كل واحد يكتشف فيها شخصيه الشخص الاخر الحقيقيه عشان يعرف هل ينفع يستحمله ولا لا و هيقدر يكمل معاه ولا لا
بس لازم نحط فى الاعتبار انه فعلا فى فتره الخطوبه كل واحد بيحاول يبين محاسنه بس و بيحاول يدارى على اخطائه
بس ياريت نحاول نئبا كويسيين فى كل وقت سواء فى الخطوبه او بعد كدا وياريت فتره الخطوبه تكون نقطه تحول فى شخصيتك بجد مش مجرد محاوله انك تكون كويس قدام الشخص الهترتبط بيه بس
لكن اكيد بارده فى ناس كويسه و فى ناس مش كويسه فياريت الواحد ياخد باله كويس

[اللة يرعانى]

مرسى لردك على سوالى ربنا يبارك حياتك

[dadoo]

مريم (http://www.orsozox.com/forums/members/161.html) بصى يا مريم اى حد فى فتره الخطوبه لازم يبين احسن ما عنده عشان يحاول يرضى الطرف الاخر
والموضوع دى بيحصل فى معظم الوقت لكن للاسف دى مش صح لامفروض الواحد يكون على طبعته
لان الفتره دى المفروض ان كل واحد يكتشف فيها شخصيه الشخص الاخر الحقيقيه عشان يعرف هل ينفع يستحمله ولا لا و هيقدر يكمل معاه ولا لا
بس لازم نحط فى الاعتبار انه فعلا فى فتره الخطوبه كل واحد بيحاول يبين محاسنه بس و بيحاول يدارى على اخطائه
بس ياريت نحاول نئبا كويسيين فى كل وقت سواء فى الخطوبه او بعد كدا وياريت فتره الخطوبه تكون نقطه تحول فى شخصيتك بجد مش مجرد محاوله انك تكون كويس قدام الشخص الهترتبط بيه بس
لكن اكيد بارده فى ناس كويسه و فى ناس مش كويسه فياريت الواحد ياخد باله كويس
الصح ان الواحد يكون علي طبيعته حتي لا يفاجي الطرف الاخر فيما بعد بشخصيه مختلفه فلهم الحريه في البدايه في قبول او رفض بعض

[milke]

مشكلتك ملها ش غير حل واحد انك لوبتحبيه بجد هتتحدي الكون كله مش باباكي بس وحبك هو اللي هيديكي القوه انك تتحدي المشكله ديه اتمسكي بيه الحب مش كتير في الدنيا ديه ومش هتلاقي حب تاني بالشكل اللي بتقولي عليه ده وربنا معاكي يوفقك ويخلي قصه حبكم تكمل

[aidy]

انا بهنيك يا مايكل علي فكرتك الجميلة دي
و طريقة الاسم دي يمكن من الادارة و دي فكرة كويسة في جذب الانتباه
اما بالنسبة لمشكلة kottah_sh
فدي محتاجة تفكير عميق منها و كمان بالاضافة للظروف الجديدة اللي اكتشفتها و يمكن تكون فيه حاجات تانية هي ماتعرفهاش و صدقيني لو علي الحب فانتي هتلاقي ناس كتيرة عندها الحب ده بس لازم تحسني الاختيار لان ده ارتباط للابد و هتقابلكم مشاكل كتير ففكري اذاي ممكن يتصرف فيها و لا ربنا لا يسمح ابدا انكم تتعرضوا للانفصال ذي باباه و مامته
سامحي صراحتي بس انتي اخت جميلة و لازم تفكري في كل الاحتمالات
ربنا ينور طريقك و سامحوني لاني طولت عليكم

[thered flower]

بصارحة يا جماعة انا قريت مشكلة صعبة جدا ومحتاجة اعرف رايكو فيها فى واحدة كانت تعبانة بمرض وبعد ما تعالجة منه اكتشفت ان اثناء فترة العلاج كانت حامل وده ادى الى تشوه الجنين والدكاترة نصحوها بانها تعمل عملية اجهاض ولكن الكنيسة بترفض العملية دى ايه رايكو مشكلة صعبة اوى مش كده

[Michael_Sabry]

بصارحة يا جماعة انا قريت مشكلة صعبة جدا ومحتاجة اعرف رايكو فيها فى واحدة كانت تعبانة بمرض وبعد ما تعالجة منه اكتشفت ان اثناء فترة العلاج كانت حامل وده ادى الى تشوه الجنين والدكاترة نصحوها بانها تعمل عملية اجهاض ولكن الكنيسة بترفض العملية دى ايه رايكو مشكلة صعبة اوى مش كده


سلام ونعمه
بجد مش عارف اقول ايه لكن انا عن نفسى مع رائي الكنيسه
اولا دى حرام فى كل الديانات مابالك بئى بالديانه المسيحيه
ثانيا طالاما ربنا اختار كدا ودى ارادته ازاى نتدخل فى ارادته ربنا
ومكتوب فى الانجيل " ينبغى ان يطاع الله اكثر من الانسان"
واكيد ربنا ليه هدف وهيقف بجانب الطفل دى وربنا يقف معاها و يقويها بس ماتخالهاش تعمل اى حاجه تغضب ربنا عشان نراضى نفسينا
وربنا يقف ويتمجد معاها امين

[thered flower]

اوكى يا مايكل انا معاك فى ان هى ماتعملش حاجة تغضب ربنا لكن افرض انها معهاش الامكانيات اللى تمكنها من انها تعالجه وتوفرله الامكانيات الازمة له بعد كده او انها تهتم بيه يبقى ليه تفضل حزينه عليه طول عمرها وهو قدامها كده ومش عارفة تعملو حاجة

[Michael_Sabry]

اوكى يا مايكل انا معاك فى ان هى ماتعملش حاجة تغضب ربنا لكن افرض انها معهاش الامكانيات اللى تمكنها من انها تعالجه وتوفرله الامكانيات الازمة له بعد كده او انها تهتم بيه يبقى ليه تفضل حزينه عليه طول عمرها وهو قدامها كده ومش عارفة تعملو حاجة


بصى يا ورده حمره ههههههههه بجد انا مش عارف اقولك ايه لان دى مشكله فعلا لكن طالاما انتى بتقولى ان الكنيسه رافضه موضوع الاجهاض فاكيد هما معاهم حق وهما اكيد هيساعدوها هى والولد فى الامكنيات

[نبيل نصيف جرجس]

موضوع جميل اوى الرب يسوع يباركك يا رب ونقدر نفيد بعض يا رب نكون عضو واحد فى الرب يسوع وانا مرحب بفكرتك اوى

[mandooo]

انا ماندو يا سامووو انت تقصدنى انا ولا حدتانى انا لسهمشترك جديد

[Michael_Sabry]

انا ماندو يا سامووو انت تقصدنى انا ولا حدتانى انا لسهمشترك جديد

بالفعل انت المقصود وسمعنا عنك اشعات منفضلك دافع عن نفسك

هههههههههههههههههههه متقلقش يا عم بنهزر معاك اهلا بيك فى المنتدى وربنا يباركك دى خاصيه فى المنتدى انت مالكش زمب فيها منور المنتدى يا ماندو

[marmartadros]

الموضوع جميل جدا
الرب يعوض تعبك
شكرااااا

[Michael_Sabry]

شكرا على تشجيعكم للفكره ربنا معاكم

[نبيل نصيف جرجس]

نشكر المسيح ان بقى لينا فى المنتدى اخ زيك بيفكر ربنا يزيدك نعمة ويعطيك كمان وكمان وتفيض علينا بنعمتك

[Michael_Sabry]

نشكر المسيح ان بقى لينا فى المنتدى اخ زيك بيفكر ربنا يزيدك نعمة ويعطيك كمان وكمان وتفيض علينا بنعمتك
شكرا ليك يا غالى انا البشكر المسيح انى اتعرفت على المنتدى دى ربنا يباركك يا حبيبى

[ريتا راغب]

ممكن اعرف ايه الى جاب اسمى فى الموضوع
اتمنى الرد السريع اوحذف الموضوع

[Michael_Sabry]

ممكن اعرف ايه الى جاب اسمى فى الموضوع
اتمنى الرد السريع اوحذف الموضوع
شوفى الردود بتاعت الموضوع وانتى تعرفى ان مش انتى المقصوده اى حد بيدخل المنتدى اسمه بيكون مكتوب

[kerols_saber]

الموضوع جميل جدا بس عندى سوال هو انك ليه انا بذات

[ايريني حشمت]

شكرا ليك يا مايكل علي فكره انت فكرتك حلوه بجد بان كل واحد فينا يحاول يساعد التاني وانا عندي سؤال بجد محيرني : ازاي اقدر اسمع صوت ربنا في حياتي و اتغلب علي احزاني التي لا تفارقني؟

[Michael_Sabry]

شكرا ليك يا مايكل علي فكره انت فكرتك حلوه بجد بان كل واحد فينا يحاول يساعد التاني وانا عندي سؤال بجد محيرني : ازاي اقدر اسمع صوت ربنا في حياتي و اتغلب علي احزاني التي لا تفارقني؟
ميرسى حبيبى على كلامك الجميل دى
بالنسبه لسؤالك ازاى تسمع صوت ربنا فى حياتك
دى ليه اكتر من اجابه
من وجهه نظرى انك لما تقرب من ربنا اكيد كل حاجه بتفكر تعملها هتسمع فيها صوت ربنا لانك ابنه وهو مش هيسيبك ابدا
مثلا لو انت ناوى تختار شريكه حياتك لو انت مقرب من ربنا
وقلتله انا سايبلك الموضوع دى يا رب
اكيد هو هيوضحلك حاجات كتير تدل اذا كان هو موافق ولا لا
وياريت بقيت الاعضاء يشاركونا بارائهم

[رانيا وجية]

فكرتك كويسة يا استاذ ميشيل فى ان اللى عندة مشكلة يكتبها ونحاول نقول رأينا فى حلها بس ياريت بعد كدة ماتكتبش اسم حد فى موضوع تحب تثيرة وربنا معاك

[asa1599]

مين الى بيكتب اسم فى الموضيع الرجاء الرد يا جماعة

[Michael_Sabry]

ههههههههههه خلاص يا شادى خاليك كوووووول ونفض

[بنت الراعي]

يا جماعه اهدوا كل الفكره ان دي خاصيه في المنتدي يعني
مايكل مش كاتب اسم حد وكلنا اما بندخل بنلاقي الموضوع
باسمنا
ميرسي اوي يا مايكل فكره حلوه اوي

[Michael_Sabry]

يا جماعه اهدوا كل الفكره ان دي خاصيه في المنتدي يعني
مايكل مش كاتب اسم حد وكلنا اما بندخل بنلاقي الموضوع
باسمنا
ميرسي اوي يا مايكل فكره حلوه اوي



ميرسى يا بنت الراعى على التوضيح بجد لان انا تعبت من الموضوع دى
ربنا معاكى

[piroocool]

اقتر اح جا مد موووووووووووووت لو ممكن نعمل بيه

[kokodody66]

الفكرة دى جامدة اوى اوى اوى ربنا يحفظك

[dana_dody]

فكرة بجد حلوة اووووووووووي
و مرسي كتير ليك
ربنا يباركك

[zecooo]

مرسى اوى على الموضوع بجد رائع واجما من رائع ربنا يباركك

[smart bird]

شكرا على لفت انتباهى
الفكره حلوه قوى وعجبانى بس مش كل حاجه ينفع تتكتب على الملاء"على النت"بس كمبدا كفايه انك اثرت فكره زى دى دى معناها انك خدوم وعندك استعداد لمساعده اى شخص حتى لو كنت ماتعرفوش
ربنا معاك