فى الممنوع : خدمة النت هل هى خدمة معترف بها كنسيا

[asmicheal]

فى الممنوع : خدمة النت هل هى خدمة معترف بها كنسيا



بالصدفة كنت ابحث عن موضوع ما

فدخلت احدى اكبر المنتديات غير المسيحية

ووجدت بها جنود وليس خدام

يجوبون بحثا عن نفس لاقتناصها

فى اجتهاد مستميت

بالمجاملة اولا
ثم نقاط الاتفاق
ثم زرع الشك

ثم تاكيد الشك
والانقضاض على المستهدف
وزرع مبادى يروجونها


ويتابعون بضراوة واهتمام اثرها




وجلست اتامل


هل خدمة النت القبطية معترف بها كنسيا

هل يحترمها الاباء الكهنة

ويعدونها مدارس احد ايسر للوصول لعناصر لا تصل لهم الخدمة الكنسية

بالاوقات التى تلائم الكل


فانت تفتح بالميعاد الذى يروقك

ويناسبك

لتجد مادة روحية خصبة
قد تجيب تساؤل او تعلم لحن او تغرس بك مبدا تتشكك به



هل خدمة النت خدمة حقيقية

ام انها جلسة اصدقاء ينتهوا لتعارفات شخصية
والفيس بوك الله ينور

( فيس بوك بتاعى لعرض الحوار الكنسى مع اضافات لبعض مجالات اهتمامى للموسيقى والشعر حته محاسبة نفس )

وطالما وصلنا للتعارف والفيس ينتهى المنتدى و مهمته


اكيد لا اتكلم نهائيا عن منتدى الحوار الكنسى او اى منتدى اخر

اتكلم بصفة عامة


هل يوجد اشراف كنسى على تلك الخدمة
ولا كل من هب ودب

قادر بكام جنية على انشاء موقع
وهاتك يا دش

شوية حب على لطشتين موضوعات عامة
على مسابقات مين هيشاغل اكتر البنات
على رسايل مكنية بين الاحباء
مع لطش موضوعات تخدم تلك المعطيات
ولطعها بالمنتدى ليمتلا وخلاص
على كام خبر ملزق من حتة جورنال قرب يلفظ انفاسة الاخيرة
لزوم الاثارة وقال الثقافة واخدة حدها
على كلمتين عن ربنا بسطحية


فهدف المنتدى وتوجهة هلامى غير واضح





كمان
هل القائمين على ادارة المنتديات القبطية

على قد المسئولية
لهم فكر الخدمة وفعالياتها


ام مجرد محاسيب فاضيين قاعدين على النت

وشلة داخلة تهيس

وتجد ياض ويا بت تملا الموضوعات
فى استخفاف واستظراف احيانا يحرق الدم
وممكن طول الليل

لازال السؤال يحيرنى

خدمة النت هل هى خدمة معترف بها كنسيا


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

[MOSHAOK]

لا يجب علينا عندما نريد أن نخدم أن نصنف الخدمة (خدمة نت خدمة مدارس احد خدمة سجون ) وانا أعلم ان الكنيسة نفسها هي التي وضعت هذا التصنيف ولكن الكنيسة وضعته لأجل التنظيم ولكن ليس على الخادم أن يفكر ما اسم هذه الخدمة ونوعها قبل أن يقوم بها ، وهدف الخدمة واضح وهو هدف الله نفسه ان الجميع يخلصون والى معرفة الحق يقبلون فأي خدمة تأتي بهذا الهدف فهي معترف بها وانا اعتقد ان النت يستطيع ان يقوم بهذا الهدف ولكن ليس للجميع .
حاجة كمان بركة الخدمة تزيد عندما يكون بها بذل فخدمة النت معترف بها كنسيا (حسب اعتقادي من خلال ايات الكتاب المقدس عن مفهوم الخدمة) ولكن لا تتساوى مع خدمة المرضى مثلا او خدمة الافتقاد فهي اقل بكثير لأن خدمة المرضى والافتقاد بها بذل وتعب أكثر من خدمة النت .
أسف على التطويل وسؤالك حلو قوي ربنا يعوضك

[emmmy]

عزيزتى م/ اسمشيل
اولا انتى فين وحشتينى جدا بقالك مدة غايبة
ياااارب يكون المانع خير

ثانيا موضوعك رائع حقيقى وصدقينى نفس السؤال خطر ببالى انا كمان وسالتة لنفسى قبل كدة كتير
بصى سيبك من الفيس بوك ودة رايى الشخصى مش راى عام
ان مش بقتنع الفيس بوك موقع يقدم خدمات روحية ومنفعة روحية اكتر منة تهريج وتعليقات على الصور والنكت والفيديوهات والخ
ودة مش دايما لكن غالبا -- اوك


بصى هقولك حاجة تانى احنا نقدر نستخدم كل حاجة لمجد اسم اللة والعلم والتطور والتكنولوجيا والاجهزة اللى مكنتشى موجودة زمان دة احنا ممكن نستخدمها بطريقة صح او غلط يعنى انا اللى مسئولة عن ان الشئ دة ممكن يكون للمنفعة او لا طريقة استخدامى هى اللى تحكم وهو دة اللى هتحاسب عنة انا وغيرى
وانا ادرى واكتر واحدة تعرف انا او غيرى كل واحد عارف كويس هو بيستخدم النت ازاى ولاى هدف بالظبط خدمة ام اسباب تانية بعيدة كل البعد عن الخدمة
ومفيش مانع من الصدقات الحلوة مدام فى حضور نور اللة وليها فايدة ومنفعة واستفادة من خبرات بعض الشباب وبعضهم
مرة تانية اشكرك على ابداعك واتمنى عودتك ووجودك الجميل وسطينا فى اقرب وقت
كل سنة وانتى طيبة سنة كل سنة وانتى مع يسوع

[emmmy]

النت وسيلة حلوة للى يعرف يستخدمة صح

[minabobos]

النت خدمة بس معترف بيها ولا لا دا مش عارفه
لكن لكل حاجة ايجابياتها وسلبياتها
ولو اعتبرنا ان النت خدمة ممكن تبقه جميله لان ف اية وقت محتاج اسمع ترنيمة عظة او اية حاجة ف اية وقت
كل الاشيءا تحل لى ولكن ليس كل الاشياء تبنى

[ماري جمال جرجس]

وانا كمان نفسي اعرف اجابة السوال دة واكيد النت فية الكويس والوحش