للبنات فقط

[ماريان ماريان]

انا عايز اسالكم شوية اسئلة
1-اية الحب بالنسبة لبنت فى سن 17 واية ممكن تحس بية ؟
2-هل البنت لو بتحب بجد بتعمل اى حاجة يقولها عليها حبيبها مش اى حاجة اى حاجة يعنى
3-هل كل بنت بتحب ممكن تثق فى حبيبها ولو وثقت وحكت كل اسرارها لية اية ممكن تكون البنت دى ؟
لو سمحتوا عايز ردودكم بسرعة وياريت الرد لزو الخبرة يعنى البنات بس

[Team Work®]

نرجو الرد حتى تتم الاستفادة

اهلا بيكي معانا فى الموقع

[ماريان ماريان]

اية يا جماعة انتوا صدقتوا انتة للبنات بس لا عادى اللى عندة رد يقولة

[ماريان ماريان]

انا عايزك انتى يا مرمورة هى اللى ترد عليا لو سمحتى يعنى علشان انا عارف ان عندك خبرة جامدة جدا

[ماريان ماريان]

والكل يرد مش مرمورة بالزات يعنى يا جماعة

[SAMOOOOO]

بصراحه ياماريان لو كتبتى من الاول للولاد والبنات كانوا الولاد علقوا لكن هما يظهر زعلوا منك
ربنا يبارك حياتك

[Riri_Jackson]

عن نفسى ماليش خبرة
وياريت باقى الاعضاء يفيدوكى يا ماريان

[SAMOOOOO]

ياريت الاخت ريرى-جاكسون تعرف الناس بيها
لو ممكن؟

[Riri_Jackson]

عنك حق يا سامو
و سورى انى نسيت

[rossaa]

-الحب بالنسبة لبنت فى 17 بيكون سطحى يعنى ممكن تحبة علشان شكلة حلو وممكن حاجات تانية لكن الحب دة مش مبنى على اساس فبيوقع بسرعة
-البنت لو بتحب بجد بتعمل اى حاجة يقول عليها حبيبها لا طبعا كدة بتبقى شخصية البنت اتلغت بس ممكن فى حالة وحدة لو الى قالة فى مصلحتى وانا اقتنعت بية وهو الصح هعمله ودة مش غلط
-البنت الى بتثق فى حبيبها وحكت كل اسرارهااية ممكن تكون اولا انا مينفعش احب حد واقوله على كل اسرارى لان ممكن الحب دة ميكملش ومش لازم كل بنت تحب تقول كل اسرارها لازم يكون فى حكمة وفى عقل وياريت متلغيهومش

[انسطاسيا]

1-اية الحب بالنسبة لبنت فى سن 17 اولا هو بيكون احلي حب السن ده لكن هو فعلا بيقع بسرعه لان ده سن مراهقه
2-هل البنت لو بتحب بجد بتعمل اى حاجة يقولها عليها حبيبها لا طبعا مش معني انك بتحبيه يبقي تسمعي كلامه الحب مش معناه انك تلغي نفسك لازم يكون ليكي راىء ومش اي حاجه يطلبها يبقي تتنفذ
3-هل كل بنت بتحب ممكن تثق فى حبيبها اولا انتي بتحبيه اكيد هثق فيه لكن مش ثقه عمياء تضيعني بعد كده يعني مش اي حاجه تتقاله ومش اي حاجه اخد رائيه فيها ولو وثقت وحكت كل اسرارها لية هي مش مشكله كبيره لكن تحاول انها تهدي شويه وتركز واطلبي ربنا علشان متقاعيش علي رقبتك ربنا معاكي

[melanora]

متهيالي الحب لبنت ل17 دة في راي اعجاب مش حب لانة لسة بتكون مشاعرها مش مستقرة اما انها تسمع كل كلامة وهو كلامة انزل يعني اما انها تقولة علي كل الاسرار فدة لايمكن
دة راي الشخصي
وربنا يبارك

[yaho__o]

موضوع جميل جداً
بس مسمعناش رأى صاحبة الموضوع

[كراكيب]

انا ولد وهرد
بصي ياستي انا شايف من خلال بعض المعارف ان البنت في سن ال17 مينفعش تكون بتحب ومينفعش تميز هل الانسان اللي قصادها بيحبها ولا لا وده ببساطة لانها مرحلة المراهقة اللي البنت فيها بيبقي نفسها تتقرب للجنس الاخر والرلد برده نفس الموضوع
انا شايف ان المرحلة دي لايصلح فيها حب من اي نوع ولا لاي شخص وبلاش نضحك علي نفسنا ونقول لا انا عاقلة وعارفة انا بعمل ايه وده وارد جدا لان المراهقة بتصاحبها عند
ياريت لو المشكلة دي عندك اهربي فورا فورا فورا
هتندمي بعد كده جدا جدا جدا
وفي ولاد بيستغلوا البنات ومشاعرهم غلط وفي ولاد ميعرفوش معني الحب او المشاعر او المسئولية
مينفعشض مينفعش مينفعش مش وقته خاااااااااااااااااااااااا اااااااااااااااااااالص

[nrmo]

اولا ميرسى على السؤال وبالنسبه للحب فى سن 17 انا شايفه انه ممكن يكون صعب شويه لكن بيتبقى فى علاقات زى كده وبتنجح وانا اعرف ناس كده ودلوئتى اتجوزوا بس كانوا يعرفوا بعض من ثانوى لكن مع كده العلاقه بتاعتهم نجحت فانا شايفه انها حاجه نسبيه يعنى تفكرى كويس وبرضه فى نفس الوقت ان الولد لو فى نفس السن دى بتبقى صعبه شويه علشان فى الغالب بيكونوا مش جادين فانتى لازم تاخدى بالك من حاجه زى دى.
2-وبالنسبه انك لو بتحبى بجد تقولى على كل حاجه اكيد مش هتقولى كل حاجه لانك حتى لو بتحبيه بجد لازم هيكون فى شوية خصوصيه وبعدين لازم يكون فى حد كبير تستاشيريه زى مامتك او اب اعترافك او الخادمه
3- واكيد مادام بتحبيه هتكونى واثقه فيه بس مش معنى كده انك تمشى وراه فى كل حاجه لكن لازم تكونى فاهمه هو يقصد ايه ولو حاجه بيقولك عليه وانت شايفاها عادى خلاص اعمليها .
ولازم تصلى كتير علشان الموضوع واطلبى معونة ربنا

[thered flower]

موضوعك حلو يا ماريان جدا واسلوبك بسيط بس انا منرايي ان الحب فى سن 17 ده بيكون اثناء فترة المراهقة وطبعا احنا عارفين ازاى بيتغير الشعور ده بعد الفترة دى تغير جذرى
وبعدين هى مش شرط ان هى تسمع كلامه فى كل حاجة عشان بتحبه لان ممكن اوى يكون بيفكر فى الموضوع من جهة واحدة بس بمعنى انها بعد التفكير فى الكلام ده كويس لو لقيته صح اكيد هتسمعه ولو لقته غلط اكيد هترفضه
من رايي انها تاجل حكاية اسرارها دى لحد ما تثق فيه جدا جدا جدا

[اللة يرعانى]

انا هقولك حاجة خافى على قلبك متسلميش قلبك غير الى يستهلك وتكونى وثقى فى كدة سن 17 بيكون احلى سن للحب واصدق سن رغم انور بيقى حب مرهقة السن دة لازم تخل بالك من قلبك ومتجرحوش دى خبرتى الى اتعلمتها اخاف على قلبى علشان الجرح صعب فى سن دة وربنا يبارك حياتك

[مرموره]

1-اية الحب بالنسبة لبنت فى سن 17 واية ممكن تحس بية ؟

معروف ان ده سن مراهقه بس فى نفس الوقت احلى سن ممكن اى بنت تحب فيه
و فى ناس كتير حبوا و كملوا و اتخطبوا و كان حب مدته طويله و قوى جدا

مش لازم البنت فى سن ال17 متبقاش مش فاهمه و طيشه و كل الكلام ده
بالعكس الدنيا اتغيرت كتير و يمكن الى فى سن ال17 شافت حاجات قدمها و عرفت حاجات
اكتر من واحد عندها 30 سنه عمله زى القوقعه و جواز صلونات

2-هل البنت لو بتحب بجد بتعمل اى حاجة يقولها عليها حبيبها مش اى حاجة اى حاجة يعنى

سعات كتير اه بس بتقى لا شعوريا بس اى حاجه ديه بتبقى فى حدود المعقول
ياعنى مش يقولها اخرجى فى نص اليل نخرج سوى تقولوا حاضر فى فاندم
العقل لازم يحكم كتير فى الطلبات و يحكم ازا كان فى مصلحتها و لا لأ

3-هل كل بنت بتحب ممكن تثق فى حبيبها ولو وثقت وحكت كل اسرارها لية اية ممكن تكون البنت دى ؟

مينفعش البنت تقول كل اسررها حتى لاصحبها الى يعتبروا بقين لوقت اطول من زمن اطول
مابالك بشخص حبته و ياعلم هيكملوا و لا لأ
تشكيلوا همها اه بس اسررها و اسرار البيت الى عايشه فيه لأ



ميرسى جدا للموضوع و الاسئله معلش مش رأى واحده عندها خبره ولا حاجه
بس مجرد رأى
ميرسى جدا و نورتى المنتدى