... " ذاكر " ...

[cool_007]

انا في ثانوية عامة ( تالتة علمي رياضة ) و مشكلتي عموما هي المذاكرة زي اي حد بس انا مش بذاكر خالص و حاسس اني كده هضيع انا عارف اي حد هيقولي ايه انا مش عارف انا كتبت الموضوع ده ليه اصلا و انا عارف الاجابات.. ابسط الاجابات : .. دي سنه اتعبها ترتاح بقية عمرك .. السنة دي هتحد مستواك بعد كده في شغلك و لما تفكر تتجوز .. المفروض تبقي عارف مصلحتك ده كله عشانك مش عشان اهلك ولا عشان حد غيرك انت .. انا زهقت من الاجابات دي لما حد يقولهالي بيحسسني اني غبي يعني مش عارف كل ده .. اصل الموضوع سهل للي بيتكلم ما هو خلاص خلص و بيشتغل و اكيد كان في حد بيزن عليه بنفس الكلام و الطريقة فكان لازم يستعمل نفس الطريقة معايا بس المشكلة انها مش نافعة .. انا مش بذاكر خالص غير شوية واجبات و اذاكر لو في امتحان قريب .. انا عملت نفس الموضوع ده السنة اللي فاتت و ذاكرت بجد في اخر شهر يمكن كمان اخر اسبوعين مش شهر و جبت 91 % .. بس السنة دي مش هينفع المجموع ده انا لازم اعوض اللي فاتني .. بس اعمل ايه ؟ .. كل مرة اقول هاذاكر اقعد يومين و ارجع تاني زي ما كنت بسيب كل حاجة ليومها لغاية ما اتزنق ف الاخر .. انا عايز حل ..

[بنت الانبا بولا]

شكرا لموضوعك
وانا عايزة اقولك ان احسن حل هو ان انت تصلى وتطلب من ربنا يساعدك وبرضه تعمل اللى عليك وانا عارفة ان ثانوية عامة دى ماساة عشان كدة الحكاية مش عايزة دلع وتراخى فى المذاكرة وانا متأكدة انك لو ذاكرت كويس وعملت اللى عليك هتجيب مجموع عالى جدا وفى نفس الوقت ربنا مش هيسيبك وهيقف معاك
ربنا معاك ومع كل الطلبة

[MOSHAOK]

ربنا معاك... حاول تصاحب زملاء ليك يكونوا بيحبوا يذاكروا كتيير ممكن عن طريق انك تاخد معاهم درس مثلا اكيد هيشجعوك على المذاكرة او حتى هتحس ان ما يصحش زمايلك يذاكروا وانت قاعد كده ... يارب اكون قدرت افيدك ربنا معاك ويقويك

[cool_007]

شكرا لموضوعك
وانا عايزة اقولك ان احسن حل هو ان انت تصلى وتطلب من ربنا يساعدك وبرضه تعمل اللى عليك وانا عارفة ان ثانوية عامة دى ماساة عشان كدة الحكاية مش عايزة دلع وتراخى فى المذاكرة وانا متأكدة انك لو ذاكرت كويس وعملت اللى عليك هتجيب مجموع عالى جدا وفى نفس الوقت ربنا مش هيسيبك وهيقف معاك
ربنا معاك ومع كل الطلبة


شكرا ليكي علي ردك و انا حاسس ان ده يمكن يكون الحل .. لو علاقتي مع ربنا كويسة كل حياتي هتبقي كويسة .. انا هاحاول اعدل نفسي ف المذاكرة .. و ربنا معانا كلنا ..

[cool_007]

ربنا معاك... حاول تصاحب زملاء ليك يكونوا بيحبوا يذاكروا كتيير ممكن عن طريق انك تاخد معاهم درس مثلا اكيد هيشجعوك على المذاكرة او حتى هتحس ان ما يصحش زمايلك يذاكروا وانت قاعد كده ... يارب اكون قدرت افيدك ربنا معاك ويقويك




المشكلة ان مفيش حد معايا لقي وقت يذاكر عشان يشجعني انا اني اذاكر .. المدرسة و الدروس واخدة معظم الوقت .. بس ع العموم شكرا علي ردك

[kado]

قول يارب قوينى قول يارب يسوع المسيح اعنى وباركنى
يارب يسوع المسيح احفظنى وسامحنى
شفاتى وفمى وقلبى وفكرى وكل حواسى تسبحك وتبارك اسمك القدوس يارب يسوع المسيح مخلصى الصالح واباب الذى
وبعدين المزمور 91 وهتيقى كويس وهتذاكر وتجيب المجموع اليى نفسك فية

[منيمو]

ممكن افول حاجة جديدة فكر انك عايز تبقى وزير او رئيس جمهورية عشان تساعد المسيحيين و اديك شايف الظروف اللى احنا فيها و عشان يبقالك كلمة كدة و حفز نفسك و اطلب معونة يسووووووووووووووووووووووو وع اولا ثم ثانيا بردو و ربنا معاااااااك و يقويك فى مذاكرتك و بردو حب المواد اللى اخترتها و مش هقولك كل يوم اقف صلى صلاة طويلة و لا حاجة صلى صلاة قبل المذاكرة و ربنا يقويييييييييييييك

[دميانة لطفى]

اولا انا حابه اقوللك انى انا زيك بس الفرق اللى بنا انى فى تانيه علمى وكمان نفسى اكمل علمى رياضه انا بتعدى عليا احيانا كتير بحس انى قرفت من الكتب والمزاكره بس صدقنى بفتكر هدفى (كليه الهندسه) وبفتكر مجهود اهلى معايا وتعبهم ومخبيش عليك بفتكر كام حد ممكن احس انى اقل منه لو مجبتش مجموع وخاصه ان اغلب اصحابى بيزاكره مزاكرة انتحار وكمان فبقوم اصلى وارجع ازاكر تانى وربنا معانا كلنا يارب ويدى كل واحد اللى بيتمناه

[selo_hero]

انا هقلك حاجة انت اكيد ليك طموحات ونفسك تطلع حاجة
وصلى علشان ربنا هو اللى يشجعك على المذاكرة وقولة ياارب انا ابنك انت اللى بترسم طريق كن معايا ومتحرميش انا واهلى من فرحة انة يوم النتيجة يقلولى انت جبت98
ربنا معالك ويعطيك مشتهى قلبك

[فيولا توتا]

انت عارف انا استفدت من قتراحات الاعضاء وانا هبدا من النهارده هذاكر وعلى فكره اقرا اقتراحاتهم عليك بجد وهتنفعك
كل الاشياء تعمل معا للخير للذين يحبون الرب و لكل شئ تحت السماء وقت

[cool_007]

قول يارب قوينى قول يارب يسوع المسيح اعنى وباركنى
يارب يسوع المسيح احفظنى وسامحنى
شفاتى وفمى وقلبى وفكرى وكل حواسى تسبحك وتبارك اسمك القدوس يارب يسوع المسيح مخلصى الصالح واباب الذى
وبعدين المزمور 91 وهتيقى كويس وهتذاكر وتجيب المجموع اليى نفسك فية


مرسي يا kado .. صليلي ربنا يقف معايا و تعدي السنة دي علي خير عشان شكلها ميطمنش باينه من اولها ..

[cool_007]

ممكن افول حاجة جديدة فكر انك عايز تبقى وزير او رئيس جمهورية عشان تساعد المسيحيين و اديك شايف الظروف اللى احنا فيها و عشان يبقالك كلمة كدة و حفز نفسك و اطلب معونة يسووووووووووووووووووووووو وع اولا ثم ثانيا بردو و ربنا معاااااااك و يقويك فى مذاكرتك و بردو حب المواد اللى اخترتها و مش هقولك كل يوم اقف صلى صلاة طويلة و لا حاجة صلى صلاة قبل المذاكرة و ربنا يقويييييييييييييك


المشكلة يا منيمو ان ده اللي موترني ان كل عائلتي عايزني ابقي حاجة .. و ده بسطني اه انهم عايزني ابقي كويس و مهندس كده بس برضو بيوترني يعني الاقي كل شوية حد يكلمني و اول سؤال يتسأل بعد عامل ايه ؟ ايه اخبار المذاكرة .. جدي .. جدتي .. عمتي .. بنت عمتي .. ابن عمتي .. العائلة كلهااااا .. ده غير الروشة اللي ف البيت كل شوية .. الصلاة هي دي اللي حاسس انها هتساعدني .. مرسي ليكي و يا ريت تصليلي و ربنا معاكي و معاياا و معانا كلناا ..

[cool_007]

اولا انا حابه اقوللك انى انا زيك بس الفرق اللى بنا انى فى تانيه علمى وكمان نفسى اكمل علمى رياضه انا بتعدى عليا احيانا كتير بحس انى قرفت من الكتب والمزاكره بس صدقنى بفتكر هدفى (كليه الهندسه) وبفتكر مجهود اهلى معايا وتعبهم ومخبيش عليك بفتكر كام حد ممكن احس انى اقل منه لو مجبتش مجموع وخاصه ان اغلب اصحابى بيزاكره مزاكرة انتحار وكمان فبقوم اصلى وارجع ازاكر تانى وربنا معانا كلنا يارب ويدى كل واحد اللى بيتمناه


الصراحة يا دميانة انا محبط من مجموع السنة اللي فاتت .. حاسس اني فاشل جايب مجموع مالوش اي لازمه كله جايب اقل حاجة 94% و لحد 98% .. و انا 91% اعمل بيها ايه دي .. فاصلا انا محبط من قبل ما السنة تبدأ حاسس ان مفيش فايدة خلاص .. صليلي بس انا مستني اجازة نص السنة عشان اظبط المواد كلها تاني من الاول عشان ضايع ف الفيزياء الغريبة العجيبة دي d: .. و ربنا معاكي و معاناا و يقف معاكي السنة دي و تجيبي المجموع اللي نفسك فيه يا رب ..

[cool_007]

انا هقلك حاجة انت اكيد ليك طموحات ونفسك تطلع حاجة
وصلى علشان ربنا هو اللى يشجعك على المذاكرة وقولة ياارب انا ابنك انت اللى بترسم طريق كن معايا ومتحرميش انا واهلى من فرحة انة يوم النتيجة يقلولى انت جبت98
ربنا معالك ويعطيك مشتهى قلبك


ياااااا رب .. انا بجد محتاج ربنا يقف معايا السنة دي عشان اذاكر عدل و اعوض السنة اللي فاتت و اجيب مجموع و افرح اهلي اللي تعبوا معايا و ادخل الكلية اللي نفسي فيها ..

[cool_007]

انت عارف انا استفدت من قتراحات الاعضاء وانا هبدا من النهارده هذاكر وعلى فكره اقرا اقتراحاتهم عليك بجد وهتنفعك
كل الاشياء تعمل معا للخير للذين يحبون الرب و لكل شئ تحت السماء وقت

و انا كمان استفدت و اهم الحاجات دي الصلاة عشان ربنا يقف معانا و الصلاة قبل المذاكرة حتي لو قصيرة (: ..