المساعد الشخصي الرقمي

مشاهدة النسخة كاملة : هتعملوا اية يا شباب فى حفلة الكريسماس


emmmy
12-27-2010, 07:59 PM
بصوا بقى يا احلى خدام

دلوقتى احنا قربنا على حفلة الكريسماس وكل خدمة بتتمنى تعمل افضل الافكار لاولادها
كل واحد مننا هيشارك بفكرة او اقتراح او معلومة او وجهة نظر سواء كانت بتاعتة او ناقلها مفيش مشكلة دة مش عيب -- مش عيب اننا نتعلم من بعض
اوك يا شباب
وانا هبدا
فى فكرة بسيطة جدا للاطفال انا شخصيا هحاول انفذها
هجيب لوح ورق واجيب الوان وسمغ وصور وورد وبابا نويل وا خلى الاطفال مجموعات لان العدد كبير
وكل مجموعة تعملى شجرة كبيرة ويحطوا ورق شجر هما يقصوة انا هعمل واحدة قدامهم واسيبهم يكملوا ويعملوا زيها وكل ورقة منها ياخدها بنت تكتب فيها اللى عايزة تقولة لربنا
( رسالة شكر - رسالة عتاب _ طلبة معينة - ---- والخ )
ونحط الورق فى الشجرة وفيها كل اللى طلعوة من قلوبهم ونفس الوقت يبقى فى ابداع واثارة مع الفن والالوان والمتعة اللى بيحبوها
وبكدة ابقى علمتى مخدومتى انها تتطلع كل اللى جواها لربنا فى السنة القديمة علشان تستقبل سنة جديدة
هى فكرة بسيطة بس دى اللى تحت ايدى دلوقتى واالى قدرت اوصلها
وفى افكار تانى بس بصراحة مش بتاعتى لكن قريتها
لو لقيت منكم تفاعل ومشاركة
هجبها علشان تستفادوا ونستفاد كلنا مع بعض

وعايزين كمان افكار لاعداد وثانوى
وربنا يتمجد فى خدمتة وتعطى ثمر جميل يشهد ويمجد اسم الرب فيكم



منتظرة ارائكم ومشاركتكم