أهمية القديسين فى حياتنا (شفاعة القديسين)

[Rina_Markorios]

بإسم الآب والإبن والروح القدس الإله الواحد
آميــــــــــــــــــــــ ــــــــــن
+++


علشان نعرف ليه إحنا بنتشفع بالقديسين لازم نعرف الأول مين هم القديسين؟
+++

من هم القديسين؟


هم أحباب الله الذين بذلوا أنفسهم من أجل محبة يسوع فجاهدوا فى العالم
وإحتملوا كل ألم وضيق وتعب وإضطهاد ومنهم الشهداء الذين ضحوا بحياتهم وتحملوا الأوجاع وسفكوا دمائهم من أجل أن يكونوا
مع رب المجد فى الملكوت ،


(فماذا ينتفع للإنسان إذا ربح العالم كله وخسر نفسه )

ما أهمية القديسين فى حياتنا؟

1- يقول الكتاب (إنظروا الى نهاية سيرتهم وتمثلوا بإيمانهم)
كان السيد المسيح وهوفى الجسد على الأرض لكى يشرح لنا أمر
يقوله عن طريق أمثلة لأن :-
"مبصرين لايبصرون وسامعين لا يسمعون ولا يفهمون"


وحياه القديسين هى أكبر وأعظم أمثلة فى حياتنا لكى نرى فى كل قديس فضيلة ظاهرة نتعلم منها ونتمثل بها فى حياتنا وعلاقتنا برب المجد يسوع،

أمثلة عن بعض من هؤلاء القديسين العظماء:-

1 – تماف إيرينى (رئيسة دير الشهيد العظيم أبى سيفين للرهبات)
هذه القديسة نشأت فى عصر قد ضغى عليه حب الذات والماديات،
ومع كل هذا كانت هى ثمرة جيدة من شجرة جيدة تعلمنا منها الكثير
من حب وعطاء وصبر وإيمان قوى ،،
+ وتماف إيرينى تحملت المرض بكل صبر وإيمان وشكر دائم لربنا
بل وهى التى طلبته من ربنا وكانت فرحانة بيه جداً وكان عندها
أمراض كتيرة قوى وصعبة جداً ولم تشتكى بل كانت تشكر وتقول
"يارب انا بشكرك على المرض وانا فرحانة بيه ،المرض ده بركة
من عندك يارب ، وده هاييجى إيه جنب آلامك وصليبك يارب من أجلى"

إذاً أتعلمنا منها أن نشكر ربنا على كل حال ومن أجل كل حال وفى كل حال
وكل ما الإنسان يتحمل الضيفة بشكر ، مهما كانت الضيقات (مرض أو اى ضيقات أخرى ) لو اتحملناها بشكر وصبر ناخد عليها مجد فى السماء وربنا يعوضنا فى ملكوته (حيث الدخول من الباب الضيق)

+ واتعلمنا منها كمان حب ربنا الذى يفوق كل حب ، فتحكى الراهبات فى الدير ويقولوا :- كان هناك أباء قديسين يدخلوا عند تماف ويخرجوا من عندها يقولوا احنا حبينا ربنا اكتر ما بنحبه من حب تماف العظيم له.

+ الطاعة أهم من تقديم القرابين ،ودى فضيله أخرى اتعلمناها من تماف.

+ العطاء بسخاء وفى الخفاء فكانت تعطى فى الخفاء كثيراً ، وكمان بنت دير سيدى كرير من مالها الخاص عن ميراث ابيها.
وطبعا عن حياه تماف إيرينى وفاضائلها مش راح يكفينا كتب العالم.

2- أبونا عبد المسيح المناهرى :- أكثر فضيلة اتعلمناها من هذا القديس العظيم هى إنكار الذات،
(فإن فعلتم ما أمرتم به فقولوا إننا عبيد بطالون)

3- أبونا يسطس الأنطونى:- أتلعمنا منه الصمت والهدوء فأوقات كتير كان يبقى ساكت إنما لحظة سكاته بتبقى أقوى من الدموع.

4- أبونا يسى ميخائيل :- صبره وتحمله صليب فقدان ابنه الوحيد ، وخدمة زوجته التى فقدت نظرها وكان يخدمها بمنتهى المحبة والتحمل.

5- أبونا بيشوى كامل :- تحمله لصليب المرض وشكره للرب عليه.

6- الأنبا بولا والأنبا أنطونيوس:- باعوا كل أموالهم وكانوا من أغنى أغنياء العالم وتبعوا المسيح وعاشوا فى الصحراء لكى يربحوا الفردوس.

7- المعلم إبراهيم الجوهرى :- وكان كاتب ديوان مصر ، إتعلمنا منه العطاء بلا حدود ، فكان كريم وعطّاء جداً ومن طلبه بإسم المسيح
سواء مسيحى ام غير مسيحى كان يعطيه بلا تردد وبلا حدود.

8 – الشهداء والشهيدات الذين ضحوا بحياتهم وتحملوا كل ألم واضطهاد
من أجل حبهم لرب المجد يسوع وإشتياقهم لأن يكونوا معه فى الفردوس.




فكلمنا نظرنا الى سيرتهم الطاهرة نتمثل بهم ...

++ ليه بنتشفع بالقديسين؟


كتير بيقولوا:- ما ربنا موجود، ليه ننادى على القديسين؟
مافيش وسيط بينا وبين ربنا ،

طيب تعالوا نشوف مثال واضح على موضوع الوسيط ده من الكتاب المقدس:"قصة شاول الطارسوسى (بولس الرسول)
لما السيد المسيح ظهر له، وفقد شاول نظره ، فقال له الرب يسوع
إذهب إلى رجل يدعى حنانيا وهو سيشفى لك عيناك،
فهل كان الرب يسوع غير قادر على شفائه ، طبعاً قادر
ولكنه أرسله له لكى يظهر عن قداسة هذا الرجل الذى لم يعرفه أحد،
لأن زى ما أتكلمنا عن (من هم القديسين) وماذا فعلوا وصبروا لأجل الرب يسوع ، فالرب يسوع بيكرمهم زى ماهما كرموه ، فهو يريد أن يعرفهم الناس فلذلك ربنا يعمل المعجزة ولكن ساعات يعملها عن طريق قديس معين ليتمجد إسم الرب فى قديسيه ،
وعلشان هما غالين عند ربنا،
ربنا بيقيل منهم صلواتهم وطلبتهم من أجلنا ،


مثال على هذا:-
عندما انتقلت تماف إيرينى الى السماء فى عام 2001 وشافت الملكوت
ورب المجد يسوع والسيدة العذراء والقديسين،

قال لها رب المجد : ماتزعليش إنك هاترجعى تانى..
قالت له : إزاى يارب أسيبك ؟ إزاى أرجع .. إزاى أسيبك ؟

فأشار رب المجد على الشهيد فيلوباتير أبى سيفين وقال:-

فيلوباتير طلب منى وماأقدرش أرد له طلب ، هو سفك دمه من أجلى
وكمان الدير محتاج ليكى..................إلى باقى الحديث.
وعادت لتماف الروح من تانى الى ان تنيحت بسلام فى 31/10/2006

فهذا الكلام بيعرفنا قيمة وأهمية القديسين عند ربنا يسوع المسيح ،وعلشان كده ربنا بيكرمهم بكرامات عديدة وبيسمح لإسمه إنه يتمجد عن طريق هؤلاء الأبرار

وكتير معجزات لمسناها وشفناها بأنفسنا توضح وتثبت أهمية وشفاعة القديسين فى حياتنا.



ولإلهنا كل المجد والكرامة والسجود
من الآن وإلى الأبد .آميـــــــــــــــــــــ� �ــن
(بنت أبى سيفين)Rina
أذكرونى فى صلواتكم

[Team Work®]

اشكرك جدا جدا جدا غلى الموضوع الحلو هذا

ويوجد موضوع فيه كل حاجة عن الشفاعة

شكرا ومنورة الموقع كلوا

[sunny man]

ما أهمية القديسين فى حياتنا؟

1- يقول الكتاب (إنظروا الى نهاية سيرتهم وتمثلوا بإيمانهم)
كان السيد المسيح وهوفى الجسد على الأرض لكى يشرح لنا أمر
يقوله عن طريق أمثلة لأن :-
"مبصرين لايبصرون وسامعين لا يسمعون ولا يفهمون"


وحياه القديسين هى أكبر وأعظم أمثلة فى حياتنا لكى نرى فى كل قديس فضيلة ظاهرة نتعلم منها ونتمثل بها فى حياتنا وعلاقتنا برب المجد يسوع،


موضوع اكثر من رائع
شكرا جزيلا
ربنا يعوض تعب محبتك

[minabobos]

شكرا كتير ع الموضوع الجميل اوى دى ربنا يبارك حياتك ع الموضوع الفوق الرائع دى

[ابانوب وجدى]

موضوع جميل اوى

شكرا يا صنى مان

[peporm]

بجد موضوع هايل وكنت محتاجه لرد على اخونا الانجلييين

[بنت الراعي]

بجد هايل اوي يا رينا ربنا يباركك
ميرسي ليك ونورتينا

[manshi55]

موضوع مميز جدا جدا جدا
واكتر من رائع بحق
لأن فيه تكريم للقديسين اللى رب المجد بنفسه بيكرمهم
" اكرم الذين يكرموننى " (1صم 2 : 30)
وكمان هما بركة كبيرة لينا بجهادهم فى توصيل كلمة ربنا لينا
" اذكروا مرشديكم الذين كلموكم بكلمة الله انظروا الى نهاية سيرتهم فتمثلوا بايمانهم"
(عب 13 : 7)
سيرتهم العطرة وايمانهم بيقوينا ويشجعنا على انن نمشى فى مسيرة جهادهم
ميرسي اوى ليكي يا رينا
ربنا يباركك ويعوضك يا بنت القديسين

[SAMOOOOO]

شفاعه القديسين تكون معانا

ميرسى اوى يا رينا للسيره العطره دى

[فايز فوزى]

موضوع ممتاز بجد شكرا على الموضوع
الهايل دة وغير كدة فى امثلة كتير غير بولس الرسول

[Stray sheep]

هايلة يا رينا
ربنا يعوضك

[الامير الحزين]

شكرا على الموضوع الجميل
ربنا يبارك حياتك

[eng_fofa]

لو اتكلمنا عن القديسين محتاجين صفاحات وصفحات
علشان نوفيهم حقهم
موضوع جميل جدا يارينا
ربنا يحافظ عليكى

[emmmy]

مرسى على المجهود الرائع دة
حقيقى جميل شفاعة القديسين تكون معانا
ربنا يعوضك يا رينا ويبارك حياتك

[ملكه الاحزان]

موضوع جميل جدا وفعلا انا استفد كتير منه
بركه صلاوات القديسين تكون معانا
ميرسي علي تعبك

[جاسيكا]

بركتهم تكون معاا كلنا امين وشفاعتهم تكون علينا كل حين
ميرسى رينا