انفجار ضخم امام كنيسة القديسين بالاسكندرية

[nermos1982]

انفجرت سيارة مفخخة قدام كنيسة القديسين عندنا فى الاسكندرية والتقديرات الاولية بتقول 10 قتلى وعشرات الجرحى



حد يقولنا ايه اللى بيحصل فينا كل سنة ده

[aymonded]

سلام رب المجد والحياة الذي قال في العالم سيكون لكم ضيق ولكن ثقوا أنا قد غلبت العالم ، يكون مع كل متضايق حزين ...
والقديس بطرس الرسول قال : [ أيها الأحباء لا تستغربوا البلوى المحرقة التي بينكم حادثة لأجل امتحانكم كأنه أصابكم أمرٌ غريب. بل كما اشتركتم في آلام المسيح أفرحوا لكي تفرحوا في استعلان مجده أيضاً مبتهجين. أن عُيرتم باسم المسيح فطوبى لكم لأن روح المجد و الله يحل عليكم أما من جهتهم فيجدف عليه و أما من جهتكم فيُمجد. ] (1بط 4: 12 - 14)

فلنرفع الشكر لله ونطوب كل من مات على اسمه ، لأنه مكتوب : [ و سمعت صوتا من السماء قائلاً لي أكتب طوبى للأموات الذين يموتون في الرب منذ الآن ، نعم يقول الروح ، لكي يستريحوا من أتعابهم و أعمالهم تتبعهم ] (رؤ 14 : 13)

ينبغي أن لا نحزن من أجل إخوتنا الشهداء الذين ماتوا على اسم مخلص الكل وفادي الجميع ، مثلما استشهد أطفال بيت لحم عند مجيء المخلص إلى العالم وكما هو مكتوب : [ ثم لا أُريد أن تجهلوا أيها الإخوة من جهة الراقدين لكي لا تحزنوا كالباقين الذين لا رجاء لهم. لأنه إن كنا نؤمن أن يسوع مات و قام فكذلك الراقدون بيسوع سيحضرهم الله أيضاً معه ] (1تس 4 : 13 - 14)

أننا نحزن لأجل كل حزين ونتضايق مع المتضايقين ونتألم بشدة مع المتألمين ونبكي معهم طالبين لهم المعونة والقوة والسند من إله الرأفات ورب كل عزاء الذي يحضر بملء مجده ويعطي سلاماً لكل من يطلب اسمه بإيمان حي لا يلين ، وفي عمق آلامنا وضيقاتنا ورغم بكائنا مع الباكين فأن لنا رجاء حي بيسوع القائم من بين الأموات ، ونفوز في امتحان إيماننا إذ نحيا لله بكل قوتنا ونبارك أعدانا ونُصلي من أجل من يظن أنه يقدم خدمة حسنة لله بقتلنا ، ونخدم خدمة المصالحة ، طالبين السلام ومُصلين من أجل أن يتحقق في بلادنا بل وفي كل العالم أيضاً ...
وواجبنا اليوم أولاً أن نعيش إيماننا ونصبر على الضيق الحاضر شاكرين الله كل حين مُصلين من أجل كل عائلة فقدت ابن أو أخ أو أب أو أخت أو صديق أو جد أو جدة أو زميل أو جار في هذه الأحداث الصعبة ، سائلين الرب أن يقبل كل من مات على اسمه العظيم ، طالبين أن يرحم الكل ويعين الجميع وأن يفتح البصيرة على حبه وأن يعطي قوة إيمان لشعبه مع بصيرة عميقة على مستوى الأمجاد السماوية في سر قيامته ، لأننا نحن شعبه وغنم مرعاه نصدق على إيمان القديسين ونُعيد على مر التاريخ باستشهادهم ، ولكننا لا نقبل أن نستشهد نحن ولا إخوتنا ، بل ونغضب ونريد ناراً تنزل من السماء لتأكل المضطهدين ، وننسى أن الله معنا ، حي ويعطينا حياته ، وأن عشنا للرب نعيش وأن متنا للرب نموت ، وان عشنا وأن متنا للرب نحن !!!

أن الضيق والشدة هو البوتقة التي يُمتحن فيها الإيمان ، وكل قلب ينكشف أمام المحنة والضيق ، هل هو في الإيمان أم في عدم الإيمان ، هل يحمل صليب ربنا يسوع بصبر ، سائراً نحو السماء طالباً مجد الله ، ويكون هو الوجه المنظور الذي يُعبر عن الله الغير منظور !!! أم دائم التذمر ويقوم بثورة في عدم إيمان ومعرفة من دعانا للمجد والفضيلة في شركة المحبة بروح المحبة الذي يأخذ من المسيح ويُعطينا !!!

كل معدن يظهر اصالته بامتحانه بالنار ، فالقش يحترق سريعاً ، والخشب يحترق ببطئ ، والذهب والفضة يتنقى بالنار ويتألق ويصير ذات ثمن غالي جداً !!!
الرب يعين شعبه ويسكب روح توبة على الجميع واهباً قوة الإيمان الحي العامل بالمحبة ، الرب قريب وطوبى لمن يسهر وينتبه لحياته ويعرف نفسه ويعرف مسيحه بالصدق والحق آمين

[mena ghobrial]

حاش لى ان افتخر اللى بصليب ربى يسوع المسيح

[emmmy]

كل معدن يظهر اصالته بامتحانه بالنار ، فالقش يحترق سريعاً ، والخشب يحترق ببطئ ، والذهب والفضة يتنقى بالنار ويتألق ويصير ذات ثمن غالي جداً !!!
الرب يعين شعبه ويسكب روح توبة على الجميع واهباً قوة الإيمان الحي العامل بالمحبة ، الرب قريب وطوبى لمن يسهر وينتبه لحياته ويعرف نفسه ويعرف مسيحه بالصدق والحق آمين


يا سلاااام م اروع تلك الكلمات بالصواب تكلمت يا استاذ ايمن
حقيقى ابدعت وعجبتنى كلماتك ومشاعرك وتقديرك للظروف وفهمك للوصية بالايمان الجميل دة نفسى يبقى عندك ايمان زى ايمانك دة


عزيزتى الغالية / نرمو
متزعليش ومتحزنيش افرحى صدقينى كل تجربة والم بيسمح بيها ربنا فى حياتنا بتكون لاجل خلاصنا وابديتنا
الالم بيرفعنا لفوق يا نرمو بيخلينا نشوف الكنز المخفى عن عيونا كنز الفرح والسعادة الابدية لاننا لا نة بيرخص الدنيا فى عنيا ويخلينا نشتهى الراحة الابدية ونفكر فيها
فى العالم سيكون لكم ضيق لكن ثقوا انا قد غلبت العالم
طب اقولك حاجة تانى بصى
لو انتى مش حلوة ومميزة وعندك شئ مش عند غيرك وهو انك اميرة بنت الملك
رب المجد يسوع المسيح حاملة سماتة وروحة القدوس
الشيطان هيتغاظ منك لية ؟
هيحاربك لية ؟
هيضهدك لية ؟
لو كنتى من ممكلتة مكنشى عمل فيكى كدة
القديسين والشهداء كانوا بيضحوا بحياتهم وهما فرحانين ورافعين قلوبهم للى حبهم واتصلب من اجلهم مكنوش متذمرين زينا كدة لاننا ايمانا مبقاش زى زمان وكنيستنا كل مادى بتزيد برود للاسف بحجة الحقوق والقوانين العالمية
ارفعى قلبك للمسيح واطلبى منة العزاء والسلام للكل ليكى ولاهالى الضحايا واوعى تفقدى سلامك ووداعتك لاى سبب
اوعى يا نرمو

[magdy totti]

لازم يكون فى رد فعل لكل اللى بيحصل ده
حــــــــــــــــــــــــ ـــــرام بجد

[emmmy]

ما احنا عملنا رد فعل رهيب فى احداث نجع حمادى يا مجدى
والدنيا قامت مقعقدتش اية اللى كان ممكن نعملة اكتر من كدة
بجد عاوزة اعرف ؟

[aymonded]

اللي لازم يحصل أننا نتغير يا محبوب الله الحلو ونتوب ونحب الرب من كل القلب والقدرة ، ونعلم أن الكلام عن الصليب والشهادة والشهداء وذكر جهاد الآباء في السنكسار كحكاوي من على المنابر شيء والواقع وقبول الصليب والألم على المستوى الفعلي في حياتنا اليومية مثل من أحبوا الرب في كل زمان شيء آخر تماماً !!!
لأن الصليب ضيق وحزن وآلام نعبر بها حتى الموت ، ولأننا لا نحمل الصليب فعلياً بل هو كلام لا نعمل به ، لذلك لا نقدر أن نستوعب الألم والضيق ، بل نرفض أن نكون من حاملي أوجاع هذا الزمان !!!!

عموما مش معنى كلامي اننا لا نتمسك بالقانون ، بل لنا أن نشكر الله أولاً ونتألم مع إخوتنا ولكن بقوة الرجاء الحي الذي فينا إن كنا نؤمن حقاً بالصليب وموت المسيح الذي أعطانا باسمه حياة ، طالبين من الله قوة عزاء لأُسر هؤلاء الشهداء الذين ماتاوا على اسمه الحسن ، ونخدم هذا الوطن خدمة المصالحة باسم ربنا يسوع الذي أتى وصنع سلاماً ، بل ونصلي من اجل أعدائنا حتى يعطيهم الله نعمة وهدوءاً ويزرع سلاماً وسط الأرض كلها ...

النعمة مع كل محبي الرب
طالبين سلاماً لهذا الوطن ولكل من فيه آمين

[zaza2006]

بجد معنديش اى تعليق على كل اللى بيحصل
ايه ذنب الناس دى تتكسر فرحتهم فيوم زى ده
فى العالم سيكون لكم ضيق ولكن ثقوا انا قد غلبت العالم
لتكن ارادتك يارب

[magdy totti]

عملنا اية يا ايمى فى احداث نجع حمادى
ولا حاجه مع انها ابشع بكتير من الحادث ده
وبرضوه مش ها يحصل حاجه كا العاده
احنا اتعودنا اننا نضرب ونسكت
اتعودنا ننضرب ونقولهم تانى
كل حادث مجنون او مختل عقلية

خلاص الواحد زهق من كتر اللى بيحصل
واما نشوف اية اللى هايحصل فى العيد
الجااااااااااى

[ريم الخوري]

لكي تكون تزكية ايمانكم وهي اثمن من الذهب الفاني مع انه يمتحن بالنار توجد للمدح والكرامة والمجد عند استعلان يسوع المسيح
ا - بطرس (1: 7)

الرب يعين ويدبر واكيد ربنا شايف وينظر بعين الرحمة لولاده وهو لية تدبيرة بكل اللى بيحصل كلوا للخير بنفوس مؤمنية
واكيد الضيقات دي على قد ما بتكون صعبة على قد ما بتدي قوة ايمان وصبر واحتما ل محتمي باسم مسحينا اللى احتمل قلبنا ضيقات كثيرة
بجد شيء وضع محتاج صلة وصوم وصبر والهنا قادر على كل شيء
الرب يقويكم ويصبركم

[aymonded]

رجاء العودة لهذا الموضوع لكل من يدخل هنا أو في اي مشكلة تخص ما قد حدث للأهمية
http://www.orsozox.com/forums/f37/t61926/

[emmmy]

عملنا اية يا ايمى فى احداث نجع حمادى
ولا حاجه مع انها ابشع بكتير من الحادث ده
وبرضوه مش ها يحصل حاجه كا العاده
احنا اتعودنا اننا نضرب ونسكت
اتعودنا ننضرب ونقولهم تانى
كل حادث مجنون او مختل عقلية

خلاص الواحد زهق من كتر اللى بيحصل
واما نشوف اية اللى هايحصل فى العيد
الجااااااااااى





ما هو دة قصدى يا مجدى بالظبط كلامك اللى قلتة
معملناش حاجة وعلشان كدة بقولك اية هو رد الفعل اللى المفروض نعملة اكتر من كدة
ولا حاجة
يبقى نرفع قلوبنا لربنا وهو يتصرف بقى انا مش اقل منك نار جوايا وربنا وحدة اللى يعلم بس مينفعشى مع كل تجربة نفقد سلامنا لان تجارب ابليس ملهاش نهاية حتى النفس الاخير
بس بلاش لهجة التشاؤم اللى بتتكلم بيها دى

[nwwfaltas]

انا من شعب الكنيسة و عرفت ان التاسونى بتاعتى اما كنت فى مدارس الاحد استشهدت امبارح و مش كدة و بس بنت من الخدمة استشهدت ناس كتير و اطفال ماتوا
ربنا ينيحكم
اذكرونا قدام يسوع
يا
تاسونى سميرة
و مريم فكرى
و استاذ صموئيل
حتوحشونا اوى

[zaza2006]

ربنا يصبر الجميع
مفيش غير اننا نقول لتكن ارادتك يارب

[aymonded]

انا من شعب الكنيسة و عرفت ان التاسونى بتاعتى اما كنت فى مدارس الاحد استشهدت امبارح و مش كدة و بس بنت من الخدمة استشهدت ناس كتير و اطفال ماتوا
ربنا ينيحكم
اذكرونا قدام يسوع
يا
تاسونى سميرة
و مريم فكرى
و استاذ صموئيل
حتوحشونا اوى

نيح الله نفوسهم بسلام في فردوس النعيم ، لأن مسرة الرب في شهداءه الذين ماتوا على اسمه العظيم القدوس ، وطوبى للراقدين في الرب ، فأجرهم عظيم في السماء ...


آمين يا إلهنا القدوس الحي أقبل شهدائك الذين ماتوا على اسمك القدوس
ولأنك أنت الحياة فلن يموت من يحبك ويمسك في شخصك إلى الأبد يا إله الخلاص والرحمة والبر الأبدي
وأيضاً ليتك تطهر وتقبل كل من ماتوا لأنهم يحرسون كنيستك وأولادك ولم يكونوا يعرفوك
لأنك أنت وحدك القادر أن تعطي حياة ابدية حسب مسرة مشيئتك يا عالم بخفايا القلوب محب البشر القدوس
طالبين ايضاً قوة عزاء بغنى مجد حضورك الخاص لكل أسر الشهداء الذي أُصيبوا بحزن عظيم في هذا اليوم
ولأنك إله الرحمة والمحبة فلنا ثقة في شخصك المهوب المخوف المملوء مجداً
طالبين أيضاً أن تقرر لنا سلامك وتزرعه في قلوب محبيك وايضاً في مصر كلها
أقبل منا كل صلاة يا سامع الصلاة وعالم بكل ضيق البشر
فلك المجد ايها الآب مع ابنك الوحيد والروح القدس
مجداً للثالوث القدوس الإله الواحد آمين فآمين

[سيف الاسلام]

اولا انا بقدم عزائي لكل اسر المتوفيين في الحادث
وبتمني الشفاء العاجل لكل المصابين ..

كـ واحد مصري

ثانيا الحادث اللي حصل ده مش بيستهدف المسيحيين بس
او لانهم مسيحيين
لا ده بيستهدف مصر كلها ..

والمرة الجاية هيضربوا مسجد ... عشان يقولوا ان المسيحيين
بيردوا وبينتقموا
ويشعلوا الفتنة الطائفية في مصر

وده اللي بيتمناه ناس تانية .. بتحلم تشوف مصر في دمار وحروب اهلية

المسلمين مستحيل يقوموا بعمل زي ده
لانه مش من طبع الاسلام ولا المسلمين التدمير والقتل والخراب

احنا دين تسامح .. وطول عمرنا عايشين مع بعض
ومستحيل يكون ده تفكير حد مصري ايا كان

اتمني الاخوة المسيحيين يتفهموا الموقف
ويتصرفوا بعقل
وميدوش الفرصة لناس تانية تدمر البلد

وبجد انا زيي زي اي حد مصري حزين للي حصل
لانه تحت اي ظرف ميصحش ولا ينفع انه يكون في كدة

اتمني يارب الامرو تهدي

ويكون الجميع بخير

[emmmy]

اولا بشكرك على عزاءك يا سيف ومشاعرك الجميلة
ثانيا صدقنى الاساءة والخطة الاجرامية المتوحشة واللى مفيهاش رحمة ولا انسانية دى الاضطهاد والاجرام والظلم اللى موجود من نشاءة المسيحية بيزودها ايمان وصلابة وعزيمة وقوة وثبات بنعمة المسيح وقوة ربنا
والاحداث كلها مش موجهة لقبطى ولا مسيحى اد ما هى موجهة للمسيح نفسة هو قال كدة صدقنى
لقد نقشتكم على كفى
من يمسكم يمس حدقة عينى

[سيف الاسلام]

يا ايمي

طب ليه اضطهاد ؟
وفين اصلا مظاهر الاضطهاد دي ؟

مش عشان حادث من اشخاص غير مسئولين ومعندهومش دين .. يبقي نقول اضطهاد

دي احداث بتستهدف امن مصر كلها .. مسلمين ومسيحيين

وعايز اناقشك في نقطة

لو فعلا مصر والمسلمين بيقوموا بأضطهاد ضد المسيحيين
هيعملوا تفجيرات عبيطة كده في اعياد الميلاد ؟

ولا ينظموا خطط مدروسة .. ويضطهدوا المسيحيين من غير ما حد يحس
يعني في اوقات عادية
ولو الحكومة والبلد عايزين كده هيعرفوا

بس ليييييييييييييييييييه ؟
احنا شعب واحد
مسلمين ومسييحين شعب واحد
وعايشين مع بعض من 14 قرن
ومكنش بيحصل اي حاجه من دي
صح ؟

يبقي ليه نقول اضطهاد علي احداث خارجية قصدها الاول كرامة واستقرار مصر
والله انا ما بقول كده عشان انا مسلم

لا بقول كده عشان دي الحقيقة
وعمر ما هتلاقيب واحد مسلم فرحان وهو شايف الدم والتفجير والقتل ده

....................

ياريت تشوفي منزلة المسيحية والسيد المسيح في القرأن وعند المسلمين ايه
http://st-takla.org/FAQ-Questions-VS-Answers/03-Questions-Related-to-Theology-and-Dogma__Al-Lahoot-Wal-3akeeda/046-The-Holy-Quran-and-Christianity.html

القرأن بيتكلم عن المسيحية .. والسيد المسيح .. والسيدة مريم

[emmmy]

عزيزى / الاخ سيف
اناا طبعا اتمنى من قلبى نبقى بلد واحدة وقلب واحد
محدش ابدا يكرة السلام والحب والامان وصدقنى
انا عارفة ان فى مسلمين كتير كويسيوبتعامل معاهم واشهد لهم وعندهم مبدا ودين ورحمة
وعارفة ان اصحاب الاحداث دى ناس معدومة من الضمير والانسانية
بس بصراحة مش عارفة اصل دينهم اية لسة
هنعرف يا سيف هنعرف كل حاجة ؟
اذا كانت خطة من خارج مصر لهدف التدمير والفتنة بين الاقباط والمسلمين وسببها التاثير على امن البلد ولا اضطهاد من المسلمين وكرة وتعصب من ناس مش فاهمين ان فى يوم حساب امام الديان العادل

يبقي ليه نقول اضطهاد علي احداث خارجية قصدها الاول كرامة واستقرار مصر
والله انا ما بقول كده عشان انا مسلم

لا بقول كده عشان دي الحقيقة
وعمر ما هتلاقيب واحد مسلم فرحان وهو شايف الدم والتفجير والقتل ده

....................

انا واثقة من دة مفيش انسان يحب منظر الدماء والخراب والدمار ابدا
لا مسلم ولا قبطى
وعموما زى ما قلتلك هنعرف يا سيف هنعرف الحقية كلها وقريب جدا
ربنا هيعلن عدلة ومجدة وهيجازى كل واحد على حسب عملة
مرة تانية اشكرك حقيقى على محبتك وشعورك الجميل
ربنا موجود