تيجوا نتكلم بصراحة

[emmmy]

لا تحزنوا كالباقين الذين لا رجاء لهم
-------------------

احبائى واخواتى فى الرب يسوع
طبعا كلنا قلوبنا مشتعلة بنيران الغضب والالم والحزن
بس انا عاوزة اسالكم كل واحد باسمة وكل واحد يجاوب بينة وبين نفسة لية ؟
لية احساس المرار دة فى حلقنا لية احساس الالم دة فى قلوبنا لية احساس الهزيمة دى فى نبرات صوتنا
ياترى علشان زعلانين على اخواتنا اللى انتقلوا للسماء ؟
ما احنا عارفين وواثقين انهم فى السماء وعارفين برضوا انهم فرحانين ومبسوطين عارفين انهم ارتاحوا من تعب العالم وهمومة واحزانة وراحوا عن المسيح واحنا هنحصلهم
يبقى لية ؟
طيب يا ترى علشان احنا حاسين بوجع فى كرامتنا وكبريائنا ومش عاوزين نبقى عبيد ننداس بالارجل والمسالة كلها مسالة احساس بالحق والعدل ودفاع عن النفس
علشان اعدائنا ميزدوش ضرب واهانة وقتل فينا ؟
طب ما احنا عارفين انة قال زمان
الرب يقاتل عنكم وانتم صامتون
يبقى لية ؟
طيب علشان احنا حاسين البلد بلدنا وهما اللى احتلوا ارضنا وحقنا وعاوزنهم يفهموا دة ؟
كلنا عارفين ان دة مش وطنا ولا ارضنا واننا مجرد غرباء على الارض فى رحلة غربة طويلة او قصيرة ونهايتها السماء عارفين ان حياتنا بخار يظهر قليلا ثم يضمحل
يبقى لية ؟
جايز علشان مش قادرين نتحمل العذاب والالم وفراق الاحباب ونشوف ام بتفقد ضناها وطفل بيفقد امة
انا معاكم وطبعا دى مشاعر قاسية فوق طاقتنا لانها صعبة جدا جدا جدا اكيد
بس لية لما بتكلم عن الشهداء اللى ضحوا بحياتهم علشان يحافظوا عن ايمانا ويكسبوا الابدية بنتكلم عنهم بفرح وحماس ونفسنا نبقى زيهم ومعاهم ونطوبهم ونطلب شفاعتهم المفروض انة ايمان اكتر منة كلام ووعظ على منابر
الناس دى احتملت ازاى ؟
بالنعمة وبالروح وبالفهم لامور لا ترى
احنا مشكلتنا اننا بقينا بنعتمد على الازرع البشرية وبنطلب النجاة منها ونسينا الرجاء ووعد اللة لينا
لقد نقشتكم على كفى من يمسكم يمس حدقة عينى


يا احبائى انا زيكم محتاجة عزاء السماء
وصدقونى لو فكرنا كويس بصفاء وهدوء من غير ضباب الغضب والام هنلاقى ان كل تجربة بتمر علينا بتكون نهايتها النصرة والغلبة على اعداء الرب يسوع ودليل اكيد ان الحرب مش لينا
ابسط حاجة لما العالم كلة يعرف صاحب الجريمة البشعة دى هيعوفوا مين وراها ولية ايا كان جنسيتة وديانتة
وتبقى فرصة للقلوب التائة اللى نفسها تعرف الحقيقة وتشوف الامور صح
يعنى ربنا عارف كويس هو بيعمل اية
وتجربة زى دى بتكون سبب خلاص ناس كتير واحنا مش بنرفع قلوبنا بصدق وصراخ ورجاء ودموع للرب يسوع الا فى الا فى الشدائد وكلنا عارفين كدة كويس
التجربة بيسمح بيها ربنا مش لانة ناسينا
لكن الدهب مش ممكن ينقى الا اذا وضع فى النار وكل ما كانت النار جبارة وقاسية كل ما نقى الدهب وثمنة زاد

احبائى تشجعوا ولا ترتعدوا
ليكن فضل القوة للة لا منا مكتئبين فى كل شئ لكن غير متضايقين متحيرين لكن غير يأئسين مضطهدين لكن غير متروكين مطروحين لكن غير هالكين حاملين فى الجسد كل حين اماتة الرب يسوع لكى تظهر حياة يسوع ايضا فى جسدنا لاننا نحن الاحياء نسلم دائما للموت من اجل يسوع لكى تظهر حياة يسوع ايضا فى جسدنا المائت
( 2 كو 7 - 12 )

[zaza2006]

حقيقى يا ايمى احيكى على الموضوع الجميل ده
معاكى حق احنا بلدنا فالسما مش فالارض
ربنا يرحمنا ويصبر الكل ولسه ياما هنشوف
دى حسب ما الكتاب المقدس قال لكن احنا ثقتنا فربنا كبيرة
هو قادر يقوينا ويعزينا

[اشرف وليم]

http://img832.imageshack.us/img832/1863/92707352.gif

[emmmy]

حقيقى يا ايمى احيكى على الموضوع الجميل ده

معاكى حق احنا بلدنا فالسما مش فالارض
ربنا يرحمنا ويصبر الكل ولسه ياما هنشوف
دى حسب ما الكتاب المقدس قال لكن احنا ثقتنا فربنا كبيرة
هو قادر يقوينا ويعزينا



ياما هنشوف اللة ينور عليكى يا نهى
صح كدة
ربنا كان صادق معانا لابعد الحدود وقال قبل كل دة ما يحصل انة هيحصل واحنا عارفين انة هيحصل
مصارعتنا ليست مع دم ولحم لكن مع اجناد الشر السمائية
مرسى نهى لمشاركتك ربنا يرحمنا كلنا

[emmmy]

http://img832.imageshack.us/img832/1863/92707352.gif




صح يا اشرف اكيد
ووعد ربنا صادق واكيد
ربنا يرحمنا

[elphilasouf]

موضوع جميل يا أيمي
... صدقيني فعلا شكله غضب المسيحيين ده موضوع كرامه وخوف لا أكثر

الغضب مش وحش ولا ممنوع ...
الغضب طاقه طبيعيه بتحصل نتيجه رفض شيئ معين أو خوف من شئ معين
يعني سلوك طبيعي جدا
لكن في غضب مقدس وغضب غير مقدس
بيختلف في الهدف والإسلوب
في من يغضب غضب مقدس
بهدف مقدس يبني
ويسلك سلوك مقدس ليحقق هدفه

وفي غضب غير مقدس بهدف غير مقدس وسلوك يظهره غير مقدس بردو

علينا أن نجلس مع أنفسنا نراجع أهدفنا وسلوكيتنا .
وليملئنا الله من روح الإفراز والمحبه .

موضوعك مقنع خفيف حلو أوي يا أيمي ... ربنا يفرح قلوبنا جميعا

[emmmy]

مرسى يا جورج على اضافتك الرائعة دى
اشكرك حقيقى
وعلى تقديرك للامور صح وفهمك الروحى الجميل دة
عجبنى ردك وصدقك جدا حقيقى
وصدقينى انا حسيت ان فى ناس كتير واخدها مسالة كرامة ورد اعتبار ودة بيزود حزننا وبيضع الهدف وبيمنع رؤية النور عننا
وزى ما قلت الغضب فى حد ذاتة مش غلط
لكن طريقة التعبير عن الغضب هى
اللى بتفرق صح او غلط
اشكرك مرة تانية

[كراكيب]

انا هتكلم عن نفسي
في الاول بشكرك ع الموضوع
احنا متضايقين من كل الحاجات دي محدش طبعا متضايق ان بقي في شهدا بس دول مش شهدا بمزاجهم دول شهدا بطريقة غير مباشرة يعني احنا لو ايام دقلديانوس الموضوع كان هيبقي اهون لاننا كنا هنتسارع للوصول للسما
لكن الاسر اللي اتيتمت والافراد اللي فقدوا ذويهم هما دول اللي احنا زعلانين عليهم
ومفيش مانع ابدا اننا نرفض نبقي عبيد لاننا اولاد الملك ومفيش مانع ناخد حقنا ع الارض طالما بقيت عنينا ع السما
الكتاب بيقول اغضبوا ولا تخطئوا وده اللي احنا عاوزينه اننا نغضب وده حقنا ونص لكن منخطئش عشان منشوهش صورة مسيحنا ولا طبيعتنا
لكن هنفضل رافضين اننا نبقي ضحية المسيح اكيد مش فرحان باللي حصل وده كمان زي ماقال احد الاباء الكهنة اللي روي ان في انسان خادم شاف الشهدا ف السما ف رؤية وشاف المسيح وهو لابس اكليل الشوك بدل اكليل المجد
يبقي احنا منزعلش لا نزعل ونثور كمان لاننا لازم نحافظ علي حياتنا وحياة غيرنا والا بقي سيدنا يطلب عدم وجود امن عشان نموت
مش المفروض اننا نعرض حياتنا للموت الا اذا اضطررنا لكدة
ربنا يسامحهم ويهديهم لو هيتقبلوا الهداية او ياخدهم لو مش هيتقبلوا
شكرا مرة تانية

[emmmy]

اولا بشكرك على ردك الجميل يا ميلاد
وطبعا احنا مش عبيد احنا اولاد الملك
بس انت نسيت ان الملك نفسة اتهان واتصلب ومات
نسيت انة داق كل الالام بكل انواعها واتحمل فوق طاقة البشر
احنا علشان ولاد الملك بيتعمل فينا كدة يا ميلاد انا وانت نفسنا ننال الكرامة دى ومصارعتنا ليست مع دم ولحم
طب انت عارف انا لما شفت الجنازة بتاعتهم على اغابى شفت حاجة غريبة جدا لفتت نظرى ومكنتش متوقعاها ابدا بصراحة
شفت الاباء الكهنة بيبوسوا الصناديق بتاعت الشهداء ومنهم ابونا تادرس يعقوب عملاق تفاسير الكتاب المقدس ساعتها حسيت اد بصدق الموقف وانهم مش ضحايا زى ما كنت فاكرة لا هما فعلا شهداء
اتمنيت اكون معاهم وزيهم
انا موافقاك طبعا ان الموقف صعب ورهيب والاهالى والاطفال حالتهم صعبة ومحدش ابدا يقدر يخفف عنهم جرحهم غير ربنا بنفسة
بس صدقنى الامهم دى اكليل برضوا كلة متشال فوق يا ميلاد صدقنى
وفى حاجة كمان
انت بتقول دول مش شهداء بمزاجهم وايام دقلديانوس كنا بنتسارع للوصل للسماء
مش كلهم طبعا معظمهم كانوا بيستشهدوا بالطريقة دى برضوا بالبطش والجبروت والقسوة بيهجموا عليهم الرومان بكل وحشية ويقتلوهم مش كلهم كانوا بيجروا ورا الشهادة
انت باصص لمارجرجس ومارمينا وابوسيفين وغيرهم
لا يا عزيزى دول كانوا الاقلية وعلشان كدة اسمائهم مكتوبة على صفحات التاريخ مبتتنسيش ابدا ومش هتتنسى ابدا
دول اللى عرفونا وكتبوا بدمهم يعنى اية استشهاد
يعنى حتى الشهداء درجات ورتب
اشكرك مرة تانية على
حضورك الجميل
ربنا يرحمنا

[اناستاسيا]

ما شعرت بةهو شعور الخيانة وليس الغضب وتذكرت خيانة يهوذا لرب المجد وكم الى الان لا ننساها
الغضب سوف يأتى علية وقت ويهدء ثم يتلاشى ولكن شعورى بخيانة اى أحد فهو المرارة بذاتها

[ريم الخوري]

بس لية لما بتكلم عن الشهداء اللى ضحوا بحياتهم علشان يحافظوا عن ايمانا ويكسبوا الابدية بنتكلم عنهم بفرح وحماس ونفسنا نبقى زيهم ومعاهم ونطوبهم ونطلب شفاعتهم المفروض انة ايمان اكتر منة كلام ووعظ على منابر
الناس دى احتملت ازاى ؟
بالنعمة وبالروح وبالفهم لامور لا ترى
احنا مشكلتنا اننا بقينا بنعتمد على الازرع البشرية وبنطلب النجاة منها ونسينا الرجاء ووعد اللة لينا
لقد نقشتكم على كفى من يمسكم يمس حدقة عينى


http://img9.imageshack.us/img9/2162/69055299.gif
بجد بجد ربنا يقويكي موضوع قيم وفي وقتة الرب يحفظك بالنعمة امين

[la tristeza y el dolor]

بجدددد يا ايمى موش عارف اقولك ايه ؟؟؟
اوقع و احلى كلام سمعته فى الموضوع دا
كلامك كله كله صح وانا شايفه بجد بيوصف احساسنا
لان احنا لو مؤمنين بجد هنحب الاضطهاد , بس صحيح احنا حاسين بقله كرامه و برضه الفراق صعب ,

ميرسى يا ايمى اوى اوى لكلامك العسل اللى بيعزى فعلا .

[hany1982]

كلامك جميل يا ايمى ربنا يباركك ويعوضك ويصبر اهالى الشهداء ويعزينا

[emad ezz]

صدقيني انت ريحتيني وانا بقالي 3 ايام مذكرتش من الحزن و الزعل مع اني عارف هما في وضع افضل مننا اكيد ربنا هيتمجد اكيد ربنا موجود

[aymonded]

سلام ومحبة ربنا يسوع الذي تألم ومات من أجل خطايانا
سلام من الله لكل نفس شهيد سواء بإرادتة أم بسبب صلاته وذهابة لعبادة الله
سلام لكل مضطهد مرفوض من أجل الرب عن دون شر أو خطأ منه ولكن فقط لأن دُعيَّ عليه اسم مسحي

أشكرك باسم كل شهيد وباسم كل من مات على اسم المسيح الرب ، سواء في عصور الاضطهاد العلني أم الخفي ، سواء عن أمراض أو أوجاع الجسد وقبولها بسر الشكر ، أو سواء عن أيدي غدرت كإرهاب أو تحت أي سبب من الأسباب أو أي مُسمى ، لأن طوبى للذين يموتون في الرب مُعلنين إيمانهم باسمه العظيم القدوس وبحياتهم المذبوحه لأجله بالشكر والمسرة ....

ولنفتح أعيننا يا أحبائي ولا نحور الكلام والموضوع وكأن ما حدث غريب أو لم يوجد في عصر الشهادة العلنية ، ولا نقول اغضبوا ولا تخطأوا في مفهومها الخاطئ وليس حسب الإنجيل ، لأن في النص اليوناني ومن كلام الرسول ، لا يقصد ان يشجع الغضب أو يحل به ، لأنه قال لاتغرب الشمس على غيظكم ، فأن غضبتم لا تخطئوا وتستسلموا للغضب ، فلا تتخذوا زريعة من الآية على غير معناها لكي نبرر غضبنا وانعدام رؤيتنا لمجد الحياة الأبدية ، وأن كان لنا إيمان أن الله يرعى عصافير السماء فكيف لا يكون لنا إيمان أنه سيرعى أسر الشهداء !!!! أين إيماننا ، وأين روح القيامة في ربنا يسوع !!!

أشكرك يا أجمل إيمي على كلمات المحبة والنعمة التي كتبتها بروح الإيمان والرجاء الحي الثابت في ربنا يسوع ، النعمة معك ومع الجميع آمين

[aymonded]

ويا أحبائي ليس من حقنا أن نغضب على الإطلاق ولا تشرحوا وتفسروا الإنجيل على غير معناه ، لأن الآية اغضبوا ولا تخطأوا لا تعني على الإطلاق أن من حقنا نغضب لأن الغضب يقود حتماً للخطية وبغضة الآخرين ، والغضب لا يصنع بر الله ....

+ لا تنتقموا لأنفسكم أيها الاحباء بل اعطوا مكانا للغضب (أي اتركوا الغضب لله في يوم الغضب أي يوم الدينونة) لانه مكتوب لي النقمة أنا أُجازي يقول الرب (رو 12 : 19)
+ اغضبوا و لا تخطئوا لا تغرب الشمس على غيظكم (اف 4 : 26)
+ ليرفع من بينكم كل مرارة و سخط و غضب و صياح و تجديف مع كل خبث (اف 4 : 31)
+ و أما الآن فاطرحوا عنكم أنتم أيضاً الكل الغضب السخط الخبث التجديف الكلام القبيح من أفواهكم (كو 3 : 8)
+ فأُريد أن يصلي الرجال في كل مكان رافعين أيادي طاهرة بدون غضب و لا جدال (1تي 2 : 8)
+ إذاً يا إخوتي الأحباء ليكن كل إنسان مسرعاً في الاستماع مبطئاً في التكلم مبطئاً في الغضب (يع 1 : 19)
+ لأن غضب الإنسان لا يصنع برّ الله (يع 1 : 20)

[فرح®]

هذه هي وجهة نظري :

شهداء حادثة كنيسة القديسين في الإسكندرية هم جنود الله الأوفياء (http://www.orsozox.com/forums/f92/t62346/)

ايمي ..كلامك حكيم و رائع .. ربنا يكون معك دايما و يحميكي ..

ربنا موجود

[emmmy]

بس لية لما بتكلم عن الشهداء اللى ضحوا بحياتهم علشان يحافظوا عن ايمانا ويكسبوا الابدية بنتكلم عنهم بفرح وحماس ونفسنا نبقى زيهم ومعاهم ونطوبهم ونطلب شفاعتهم المفروض انة ايمان اكتر منة كلام ووعظ على منابر
الناس دى احتملت ازاى ؟
بالنعمة وبالروح وبالفهم لامور لا ترى
احنا مشكلتنا اننا بقينا بنعتمد على الازرع البشرية وبنطلب النجاة منها ونسينا الرجاء ووعد اللة لينا
لقد نقشتكم على كفى من يمسكم يمس حدقة عينى


http://img9.imageshack.us/img9/2162/69055299.gif
بجد بجد ربنا يقويكي موضوع قيم وفي وقتة الرب يحفظك بالنعمة امين



اشكرك يا ريم على محبتك وصلاتك من اجلنا
ربنا يخليكى ويفرح قلبك يااارب

[emmmy]

بجدددد يا ايمى موش عارف اقولك ايه ؟؟؟
اوقع و احلى كلام سمعته فى الموضوع دا
كلامك كله كله صح وانا شايفه بجد بيوصف احساسنا
لان احنا لو مؤمنين بجد هنحب الاضطهاد , بس صحيح احنا حاسين بقله كرامه و برضه الفراق صعب ,

ميرسى يا ايمى اوى اوى لكلامك العسل اللى بيعزى فعلا .

صح يا بندق طبعا الفرااق صعب جدا
ودوع الاهالى صعبة بس احنا لازم نعزيهم صح
بالصلاة وكلام المسيح اللى يقدر يشفى كل جراح مهما كانت
وكل الامهم وجراحهم دى هياخدوا عليها اكاليل سماوية
صدقنى يا بندق صدقنى
لا يوجد حزن على الارض تعجز السماء عن تعزيتة
واحساسنا بقلة الكرامة احنا كرامتنا فى المسيح يسوع الهنا وحامينا ولو فهمنا الهدف من الضيقة ودخلنا لعمق التجربة وفهمنا مقاصد اللى هنلاقى دروس وعزاء وعمل الروح القدس يعمل لاجل خلاصنا وابديتنا
ربنا يفرحك ويحافظ عليك

[emmmy]

كلامك جميل يا ايمى ربنا يباركك ويعوضك ويصبر اهالى الشهداء ويعزينا

مرسى يا هانى ربنا يفرحك ويحافظ عليك

[emmmy]

صدقيني انت ريحتيني وانا بقالي 3 ايام مذكرتش من الحزن و الزعل مع اني عارف هما في وضع افضل مننا اكيد ربنا هيتمجد اكيد ربنا موجود


طبعا يا عماد ربنا موجود وصدقنى شايف وحاسس بكل حاجة
متزعلشى احنا معندناش حزن
افرحوا فى الرب واقول ايضا افرحوا
القديسة رفقة كانت بتقدم ولادها ذبيحة حب لربنا وكانت فرحانة وهما بيموتوا لانها فاهمة وعارفة ومؤمنة انهم بيسبقوها للسماء وللفرح الابدى
ربنا يعزيك ويفرح قلبك بنورة
ومجدة وحضورة فيك

[emmmy]

سلام ومحبة ربنا يسوع الذي تألم ومات من أجل خطايانا

سلام من الله لكل نفس شهيد سواء بإرادتة أم بسبب صلاته وذهابة لعبادة الله
سلام لكل مضطهد مرفوض من أجل الرب عن دون شر أو خطأ منه ولكن فقط لأن دُعيَّ عليه اسم مسحي

أشكرك باسم كل شهيد وباسم كل من مات على اسم المسيح الرب ، سواء في عصور الاضطهاد العلني أم الخفي ، سواء عن أمراض أو أوجاع الجسد وقبولها بسر الشكر ، أو سواء عن أيدي غدرت كإرهاب أو تحت أي سبب من الأسباب أو أي مُسمى ، لأن طوبى للذين يموتون في الرب مُعلنين إيمانهم باسمه العظيم القدوس وبحياتهم المذبوحه لأجله بالشكر والمسرة ....

ولنفتح أعيننا يا أحبائي ولا نحور الكلام والموضوع وكأن ما حدث غريب أو لم يوجد في عصر الشهادة العلنية ، ولا نقول اغضبوا ولا تخطأوا في مفهومها الخاطئ وليس حسب الإنجيل ، لأن في النص اليوناني ومن كلام الرسول ، لا يقصد ان يشجع الغضب أو يحل به ، لأنه قال لاتغرب الشمس على غيظكم ، فأن غضبتم لا تخطئوا وتستسلموا للغضب ، فلا تتخذوا زريعة من الآية على غير معناها لكي نبرر غضبنا وانعدام رؤيتنا لمجد الحياة الأبدية ، وأن كان لنا إيمان أن الله يرعى عصافير السماء فكيف لا يكون لنا إيمان أنه سيرعى أسر الشهداء !!!! أين إيماننا ، وأين روح القيامة في ربنا يسوع !!!

أشكرك يا أجمل إيمي على كلمات المحبة والنعمة التي كتبتها بروح الإيمان والرجاء الحي الثابت في ربنا يسوع ، النعمة معك ومع الجميع آمين



اشكرك يا استاذ ايمن حقيقى على اضافتك الرائعة دى
حقيقى مش عارفة اقولك اية
والاية اللى بتقول اغضبوا ولا تخطئوا كتير بيفهما غلط خالص
وكتير بيفسرها زى ما هو عاوز ودى المشكلة للاسف

[emmmy]

ويا أحبائي ليس من حقنا أن نغضب على الإطلاق ولا تشرحوا وتفسروا الإنجيل على غير معناه ، لأن الآية اغضبوا ولا تخطأوا لا تعني على الإطلاق أن من حقنا نغضب لأن الغضب يقود حتماً للخطية وبغضة الآخرين ، والغضب لا يصنع بر الله ....


بالظبط هى دى عملنا زى اللى مسكوا اية واحدة وجروا وراها
لانها جاية على هواهم ونفذوها حرفيا برغم ان ربنا يسوع كان يقصد منها معنى تانى خااالص


+ لا تنتقموا لأنفسكم أيها الاحباء بل اعطوا مكانا للغضب (أي اتركوا الغضب لله في يوم الغضب أي يوم الدينونة) لانه مكتوب لي النقمة أنا أُجازي يقول الرب (رو 12 : 19)
+ اغضبوا و لا تخطئوا لا تغرب الشمس على غيظكم (اف 4 : 26)
+ ليرفع من بينكم كل مرارة و سخط و غضب و صياح و تجديف مع كل خبث (اف 4 : 31)
+ و أما الآن فاطرحوا عنكم أنتم أيضاً الكل الغضب السخط الخبث التجديف الكلام القبيح من أفواهكم (كو 3 : 8)
+ فأُريد أن يصلي الرجال في كل مكان رافعين أيادي طاهرة بدون غضب و لا جدال (1تي 2 : 8)
+ إذاً يا إخوتي الأحباء ليكن كل إنسان مسرعاً في الاستماع مبطئاً في التكلم مبطئاً في الغضب (يع 1 : 19)
+ لأن غضب الإنسان لا يصنع برّ الله (يع 1 : 20)

والدليل اهو باقى كلام ربنا وتعاليمة اشمعنا دى بننساها بقى وبنفتكر الاولى يعنى
ربنا يفتح عيونا بالروح والنعمة علشان نفهم الوصية صح ونعيشها صح

[باسم غليون]

فى العالم سيكون لكم ضيق ولكن ثقوا انا قد غلبت العالم
كنيستنا مبنية على دم الشهداء

[الناصر22]

بسم الله الرحمن الرحيم
اولا انا مسلم ومؤمن جدا بالاسلام دينا وبمحمد رسولا
ثانيا اوصانا الرسول باهل الذمة وقال من اذى ذميا فهو خصيمى والقران علمنا ان اقرب الناس مودة لنا النصارى انتم لدينا ليس كمثلنا لديكم دائما تظهرون امامنا باننا اخواتكم ولكن قرأت موضوع قال فيه احدكم اننا لكم اعداء وانه لاحترم الدين الاسلامى لانه عنصرى ويأمر بالعنف لكن اقول لكم كلنا اقباط انا مسلم قبطى وانت نصارى قبطيين ويد بيد نحمى قبطيتنا علمنى القران ان كل انسان له دين ولكن الحياة على الارض بنى ادمين والفاصل بين الحق والباطل هو يوم القيامة
من قام بتفجير حادث الاسكندرية ان كان مسلما فبهذه العملية قد كفر لان الاسلام دين سلام دين رحمة وانا اظن وعلى يقين ان المسلمين حقا على الارض قد قلوا كثيرا وهذا ما قاله النبى محمد جاء الاسلام غريبا وسيعود غريبا وهناك يد خارجية خفية تريد ان تثير فتنة طائفية بين المسلمين والنصارى فى مصر لا تصدقوها
لقد قال لنا الرسول ان مصر فى رباط الى يوم الدين وانا ناصر نور الدين بيبرس اقول ان النصارى اخوة لنا محمود وميشيل اخوات كنت اجلس مع مدرس دين مسيحى قبل الحادث قلت له ان الجواسيس لاسرائيل يسعون بجد لاثارة الفتنة فقال لى وهل هناك شئ ممكن اليهود يجدونه لوقوع مصر فى الفخ فقلت له الوتر الحساس هو الفتنة الطائفية وهذا ماحث بالفعل وهو مصدقنى لان اللى بينى وبينه اغابى يعنى محبة

لا عداوة بين المسلم والنصرانى كم دينكم ولى دينى وعلينا وعليكم واجب وهو حفظ مصر ووعلينا وعليكم الاحترام ولنا ولكم حرية العقيدة والسلام اخر الاقوال

[miro_rook]

بسم الله الرحمن الرحيم
اولا انا مسلم ومؤمن جدا بالاسلام دينا وبمحمد رسولا
ثانيا اوصانا الرسول باهل الذمة وقال من اذى ذميا فهو خصيمى والقران علمنا ان اقرب الناس مودة لنا النصارى انتم لدينا ليس كمثلنا لديكم دائما تظهرون امامنا باننا اخواتكم ولكن قرأت موضوع قال فيه احدكم اننا لكم اعداء وانه لاحترم الدين الاسلامى لانه عنصرى ويأمر بالعنف لكن اقول لكم كلنا اقباط انا مسلم قبطى وانت نصارى قبطيين ويد بيد نحمى قبطيتنا علمنى القران ان كل انسان له دين ولكن الحياة على الارض بنى ادمين والفاصل بين الحق والباطل هو يوم القيامة
من قام بتفجير حادث الاسكندرية ان كان مسلما فبهذه العملية قد كفر لان الاسلام دين سلام دين رحمة وانا اظن وعلى يقين ان المسلمين حقا على الارض قد قلوا كثيرا وهذا ما قاله النبى محمد جاء الاسلام غريبا وسيعود غريبا وهناك يد خارجية خفية تريد ان تثير فتنة طائفية بين المسلمين والنصارى فى مصر لا تصدقوها
لقد قال لنا الرسول ان مصر فى رباط الى يوم الدين وانا ناصر نور الدين بيبرس اقول ان النصارى اخوة لنا محمود وميشيل اخوات كنت اجلس مع مدرس دين مسيحى قبل الحادث قلت له ان الجواسيس لاسرائيل يسعون بجد لاثارة الفتنة فقال لى وهل هناك شئ ممكن اليهود يجدونه لوقوع مصر فى الفخ فقلت له الوتر الحساس هو الفتنة الطائفية وهذا ماحث بالفعل وهو مصدقنى لان اللى بينى وبينه اغابى يعنى محبة

لا عداوة بين المسلم والنصرانى كم دينكم ولى دينى وعلينا وعليكم واجب وهو حفظ مصر ووعلينا وعليكم الاحترام ولنا ولكم حرية العقيدة والسلام اخر الاقوال
اخويا المحبوب ناصر انا حقيقي مبسوط جدا بكلامك الجميل واللي نابع من ايمان صادق بكل كلامه انت قولتها
وصدقني يا اخويا انا كمان ليه كتير من اصدقائي المسلمين عمرنا في حياتنا ماكان للتعصب وجود وسطينا وصدقني كانوا اول ناس يتصلوا بيه في العيد
وافتكر موقف اني وانا في المدرسه الثانويه وكان اول رمضان قمت انا وكل زميلي المسيحين في الفصل وسلامنا علي اخواتنا المسلمين
وكذلك هم في الاعياد كانوا اول لما نرجع المدرسه كانوا يسلاموا علينا بمحبه جميله جدا جدا
وصدقني
انا لغايه لوقتي لي اصدقاء مسلمين ومش ببالغ لو قولت انهم قريبين مني اوي اوي
اثناء الدراسه وخصوصا في فتره الامتحانات كنت اعزمهم عندي في البيت نرجع ونذاكر
وصدقني كمان اول رساله تيجي تعزينا علي احداث اسكندريه علي الفيس بوك من صديق ليه اسمه محمود
اخويا المحبه موجوده جونا لكن في ايدي خفيه بتعلب بدماغ بعض الشباب من اي جانب عشان تعكر الجو الجميل اللي بنا
عشان كدا نفسي يكون من امثلك كتير علي الاقل مش هيكون للتعصب مكان وسطينا
وتكون مصر خير اجناد الارض
ويكون شعب مصر مبارك
اقبل مني كل محبه وتقدير لشخصك الجميل

[الناصر22]

شكرا ليك اخى ميرو ودائما اقول ان الدين لله والوطن للجميع ومسلم ونصرانى يد بيد نقتل جميع من يريد اثارة الفتن وزعزعة المحبة فكلنا اقباط مسيحيين ومسلمين واذكر لك انى ايضا اعمل بمدرسة فى بلد كلها نصارى انا مدرس دراسات اجتماعية وكان لنا زميل اخوه سوف يتزوج فعزمنا على الفرح وذهبنا اليه انا ومن معى من مسلمين ومسيحيين وجلسنا سويا واكلنا من مائدة واحدة وطبعا انت عارف يا ميرو ان ولاد البلد لو اكلوا من طبق واحد يبقى العلاقة بينهم اقوى من الاخوة عيش وملح زى ما بنقول لا عداوة بيننا وبينكم وسلامى لكم جميعا

[ماري جمال جرجس]

اكيد الموضع ممهم جدا احنا او البعض مننا بيقرب من الصلاة بعد الضيقة واكيد رب المجد بيسمح للتجارب دة علشان نقرب منة اكتر