موضوع مهم خاص بالخطوبه

[mon_roma]

:em4400:فيه موضوع اتكلم عنه برنامج جوه البيوت في قناه اغابي وهو موضوع خاص بمسك الايد فالخطوبه والحاجات ديه الانبا بولا الي بتستضيفه المذيعه كل حلقه بيقول بلاش المواضيع ديه ليه:
1_الولد لما يمسك ايد البنت اذا فكت الخطوبه هيبصلها بصه وحشه
2_اكيد لما الولد يمسك ايد خطيبته اكيد ماشي بيها فوسط الشارع قدام الناس واذا فسخت الخطوبه محدش هيتقدم للبنت تاني عشان مفيش ولد هيرضى ببنت اتمسك ايديها قبل كده
3_لو تم الجواز هيجي فيوم يقولها انتي بنات مش كويسه بدليل انك سمحتيلي اني امسك ايدك
ماتستغربوش من الكلام ده انا استغربت فالاول بس كنت بكلم واحد اعرف فكلمته فالموضوع ده قالي انا هاخد بنت خام محبتش ولا اتخطبت قبل كده بردو استغربت قولت ايه خام ديه؟
المهم الانبا بولا فالبرنامج قال ياريت المخطوبين يحطوا في دماغهم ان هما يا اما هيكملو مع بعض او لا
عايزه اعرف رأيكو فالموضوع ده ؟:em4400:

[nrmo]

اولا ميرسى على الموضوع بس انا شايفه انه مفيش اى حاجه مضمونه بس زى مابتقول مسك اليد لا برده هتبقى فى حاجات تانى لا يعنى الخروج معاها لوحديهم لا علشان برده لو اتقدملها حد يعنى هى كده مش هتعرفه انا شايفه انهم هيخلوا ربنا اولا فى الموضوع وحتة مسك الايد دى هى مش حراام مادام مخطوبين معرفش انا ده راى .

[Team Work®]

الانبا بولا كلاموا سيف يعني

وبسراحة اللى بيحترم نفسوا بيحترم الجميع والجميع بيحترموا

بس مش عارف انا مش خطبة ومش لية تجربة على العموم نسأل الناس الكبيرة

[minabobos]

نفس راى هيما احنا لسه مش خطبين
بس من وجهه نظرة الموضوع كل يتلخص مد العلاقه بينهم
لزم يكون عرفين ان هم جسدين مش جسد واحد

مش عارف محتاجين راى الناس الكبيرى
ميرسى ع الموضوع
تقبلى مرورى

[مالى سواك]

موضوع حلو اوى ومهم بس اللى اعرفه عند الناس الكبيره والمتشددين بيقولو ان مسك الآيد فى الخطوبه شئ عادى واحنا ياجماعه مش رهبان وبعدين احنا حددنا كل حاجه فى الارتباط وجت على دى وهنعمل مشكله

[SAMOOOOO]

هو بصراحه بالنسبه للموضوع ده بالنسبه للمخطوبين اعتقد مينفعش ان يرفضوا يمسكوا ايد بعض لان ممكن احدى الطرفين يفهم التانى غلط ويعتبرها عدم ثقه فيه وبالتالى مش هتكتمل المحبه بينهم وكل واحد هيبتدى يفكر مه نفسه هى ليه عملت كده؟ وهو ليه عمل اكيد؟
وهندخل فى كلام مالوش لازمه وممكن دى تبقى احدى اسباب فشل الخطوبه
ياجماعه ياريت نفكر بواقعيه شويه يعنى الولد ولا البنت هيخسر ايه لما يمسكوا ايد بعض ويكونو مخطوبين اعتقد يعنى محدش هياخد حته من ايد التانى
ربنا معاكى يا روما وبجد موضوع جميل ومحتاجين نشوف اراء كل الناس فيه

[اللة يرعانى]

اولا بشكرك على السوال الجميل بس الواحد الر يرفض ياخد واحدة اتمسك ايديها فى خطوبة قبل كدة غلطان فى بنات كتير كويسين وبيحصل ظروف والخطوبة بتتفك وانا مش شايقة مسك الايد انو حرام او عيب انا عن نفسى فى التجربة الاولة كان بيمسك ايدى وبس والوحدة الكويسة المحترمة بتبان من حجات تانية هو اكيد الولد بيقد يعرف البنت القدامو كويسة ولا لا من كلمها او اسلوبها او اى حاجة وشكرا على السوال

[melanora]

متهيالي كلام الانبا بولا لا يحتاج الي كلام بعده

[mina672]

حديعرف ايميل الانبا بولا لان في موضوع خطير لازم ابعت له

[جوسى]

اعتقد ان مسك الايد ده تعبير و لو بسيط عن الحب اللى بينهم
و بعدين لو اتفكت الخطوبه لو حد تانى اتقدم للبنت اكيد هتقوله انها كانت مخطوبه قبل كده
وبعدين دى حاجه عاديه
والولد اللى خطيبته ترفض يمسك ايدها هيقول مش بتحبنى و كلام كتير و الخناقات هتكتر
وبعدين هى مش بتعمل حاجه غلط دى ماسكه ايد خاطبها قدام اهلها و الناس عارفه كده
ميرسى ليكى و ربنا معاكى

[emad_shokry]

بصراحة الموضوع غريب شوية
لإنى متعود إن لما الخطيب يمسك إيد خطيبتة دة شىء عادى جدا
بفرض إنهم ماشيين مع بعض فى الشارع أزاى يمشوا ؟ بعاد عن بعض مثلاً عشان لو فسخت خطوبتها الناس ما تقولش إنها كانت ماشية جنب فلان.
و زى ما قلتى يا جوسى ممكن يكون مسك الإيد هو تعبير عن الحب اللى بينهم

[mora]

ميرسى على الموضوع المهم ده
طبعا راى الانبا بولا مينفعش بعده اى نقاش
بس اكيد مش هو ده سياق الكلام اللى قال فيه الرد ده اكيد كان فى باقى للموضوع احنا منعرفهوش او ممكن تكون اجابه على مشكله معينه بتفاصيل معينه
لكن كلنا عارفين ان المخطوبين بيعملوا خطوبه فى الكنيسه او حتى تلبيس دبل و ده بيكون فى الكنيسه او حتى لو فى البيت و طبعا مش هيكونوا داخلين الكنيسه مع بعض و ابونا هيصليلهم وهما بعيد عن بعض
بالعكس بيكونوا داخلين ماسكين ايد بعض
انا مش شايفه ان فيها حاجه غلط طالما هما مخطوبين وكل الناس عارفين كده
معلش انى طولت عليكوا

[jannis]

انا مخطوبه وفي راي ان موضوع مسك الايدي دي شئ عادي بس المهم انه مش يتدرج لشئ اخر -وطبعا يعني مثلا لو انتي اتخطبتي لشخص ولسه مثلا متعرفهوش كويس مش من الاول او من السهل انه يمسك يديك وممكن ده يكون مجرد اختبار ليكي لانكم متعرفوش بعض كويس لكن اكيد بعد كدا هتفهموا بعض كويس واعتقد ان مسك اليد خطيه بس المهم هو عدم التدرج فيما يليه

[امانى تادرس]

اريد ارسال رساله الى الانبا بولا فى برنامج جوه البيوت و لم استطع الوصول اليه عبر النت و بالبريد اريد ان يصل صوتى اليه رجاء اريد مقابلته للاهميه عندى مشكله كبيره و حاولت الوصول اليه و لم استطع و اعرف انه بيقابل ناس كتير و اريد مقابلته ضرورى

[اسامه]

يعنى ايه هى الواحده لو اتخطبت واتفكت خطوبتها لاى سبب معنى كده ان عليها الانتحار مثلا عشان محدش حيتقدم لها عشان فى الخطوبه السابقه خطيبها مسك ايديها ده كلام فارغ
واذا فكرنا من ناحيه اخرى انا لو طلبت من خطيبتى امساك يديها ورفضت اول شيىء سافكرفيه حاجه من اتنين اما ان تكون لا تحبنى والموضوع بالنسبه لها جوازه وخلاص وانا لا ارضى على نفسى ان اتزوج من انسان لا تحبنى
او انها بتعمل كده مخصوص لتعرفنى بانها شخصيه محافظه والبنت التى تفكر كده اكيد لفت كتير يعنى بالعاميه بترسم الدور عليه
انا شايف ان مسك الايدى بين المخطوبين مش عيب بس ميطورش اكثر من ذلك طبعا الكل فاهمنى ربنا يعوض تعب محبتك ويباركك

[shreyy]

لا اعتقد انه ينفع ان خطيبي ما يمسكش ايدي انا مخطوبة ايه اللي هايجري لايدي يعني و انا كنت مخطوبة قبل كدة و مع ذلك اتخطبت تاني و ما حصلش حاجة من دي خالص و لو كان خطيبي قالي انتي خطيبك الاولاني مسك ايديك ولا لا كنت هاعتبره متخلف و ما كنتش هاكمل معاه

[Team Work®]

رأي صريح وصح مية فى المية

اشكرك جدا على الرد واهلا بيكي معانا فى الموقع

وفعلا اسأل مجرب

[بنت الراعي]

هو بس اكيد يا جماعه الانبا بولا كان بيتكلم
عن حاله خاصه او موقف معين مش معقول عام يعني
وعلي العموم معروف طالما مخطوبين يبقي بيمسكوا ايدين بعض
دي حاجه عادي يعني ولا ازاي يخرجوا مع بعض كل واحد فيهم في حته
وكمان لو الخطوبه اتفسخت والخطيب التاني رفضها علشان خطيبها الاول مسك ايديها ده يبقي حد مش طبيعي

[مونتا]

اناياجماعه راى ان مسك الايد مش مشكله هانتشغل بيها وننصرف عن الاشياء الاخرى لو كان على مسك الايد مش مشكله لانها شى عادى فى فتره الخطوبه لكن الى لازم نفكر فيه ونتكلم عنه هى المعاملات الجسديه الاخرى الممنوعه فى فتره الخطوبه وياريت الانبا بولا يعمل حلقات عن فتره الخطوبه

[مونتا]

اناياجماعه راى ان مسك الايد مش مشكله هانتشغل بيها وننصرف عن الاشياء الاخرى لو كان على مسك الايد مش مشكله لانها شى عادى فى فتره الخطوبه لكن الى لازم نفكر فيه ونتكلم عنه هى المعاملات الجسديه الاخرى الممنوعه فى فتره الخطوبه وياريت الانبا بولا يعمل حلقات عن فتره الخطوبه

[بنت الراهب الصامت]

ياجماعه مسك ايدين مش مشكله
ادام الاتنين ماسكينها فى احترام
وقدام الناس والاهل
وبعدين مسك الايدى بتبقى مشاعر بين الطرفين
بتبين او بتعبر ع الحب بين الخطيبين
ودى انا مش شايفاها مشكله يعنى
وبعدين الواحد لما بيتقدم لوحده كانت مخطوبه قبل كده واتفكت طبيعى من قبل ما يتقدم عارف انه اكيد مسك ايديها
لان اى اتين مخطوبين بتبقى بينهم مشاعر حلوة كتير
ودى فعلا بتعبر عن الحب
وبعدين دة مش اجرام لو مسك ايد بس وفى حدود واحترام متبادل بينهم
انا راى كده
وانتوا احرار


يلا بقى
انا عايزة منكم طلب
عايزة احمل الحلقه كامله صوت وصورة او صوتبس
بس ضرورى بجد بتاعة الخطوبه دى
لانى بجد محتجاها اوى
ميرسى للموضوع
ربنا يباركك