بضعة أيــــام فى الكــاتدرائية

[Dr.PeRO]

+ قررنا انا وصديق لي أننا نقضى قداس كل يوم فى الكاتدرائية بمناسبة الصيام لمدة كام يوم كده على قد ما نقدر يعني .. قولنا نستغل فرصة ان القداسات بتبدأ متأخر فى الصيام ..
+ ربنا سمح وساعدنا الحمدلله وقدرنا نروح .. انا كان بقالى كتيييير مرحتش الكاتدرائية وحتى لما كنت بروح مكنتش بلف فيها ولا اتمشى .. كنت بخلص اللى بعمله فيها وبمشى على طول ..
+ لكن المرة ديه كنا بنتمشى ان وصاحبي بعد القداس وكنا بنجيب فطار من الكافيتريات هناك وكنا مبسوطين إلى حد ما .. لكن للأسف الشديد شوفت اللى مكنتش أتوقع أبداً انى ممكن أشوفه فى يوم هناك ...
+ البداية كانت ساعة الدخول من البوابة .. فيه طبعاً البوابة الالكترونية بتاعت كشف المعادن .. ولما الجهاز صفر، وقفونى عشان التفتيش، واثناء التفتيش كان جنبي بحوالى متر بوابة السيدات، وعدت منها شابة فى منتهى الشياكة الممزوجة بالمسخرة، لم أنتبه لها إلا لما لقيت كل الرقاب بتتلوح وبتبص عليها، وهى ماشية ولا هنا .. الراجل اللى كان بيفتشني كان سرحان اصلاً ومكنش باصصلى وقالى عدى عدى ..!!! البنت كان منظرها ولبسها يلفت بطريقة كبيرة حتى ان البنات والسيدات اللى كانوا معديين كلهم بصوا عليها.
+ عديت وكنت بسرع عشان ألحق القداس (مش عشان ألحقها ولا حاجة لا سمح الله :em0100:) بدأ القداس برفع بخور باكر، لكن انا سميته ساعتها: (قلب بخور باكر) عشان اتكروت كله بالنبوات وصلوات السواعى والأواشى والانجيل فى 10 دقائق!! كان بيتوزع المزامير علينا وفى أقل من دقيقة كنا بنقلب على اللى بعده .. استغربت جدااا ومقدرتش أفهم ليه الكروته المبالغ فيها ديه .. وأول ما رفع بخور خلص .. لقيت الكاهن سكت وقال فى المكرفون ان الصلاة هتقف لحد ما سيدنا الأنبا (..) يوصل بالسلامة عشان هايصلى هو !!! استغربت برضه وقولت فى سري طب هو ليه الاسقف مايصليش رفع بخور هو كبير على الصلاة ؟؟ لكن قولت اعدى عادى يعني .. فضلنا مستنيين لحد حوالى ساعة إلا ربع عقبال ما الاسقف جه!!
وفى هذه المدة الطويلة لم تتوقف الأحداث المؤسفة أن تتوالى .. كان فيه ناس مستواها عالى ومن أهل وأقارب ناس مهمة فى القيادات الدينية، وكانوا جالسين مستنيين سيدنا لما يجي .. شوية بشوية لقيت ناس غلبانين (أغلبهم سيدات) دخلوا الكنيسة وقعدوا قدام جنب الناس المهمة، وابتدوا يشحتوا ويحكوا ظروف ليهم صعبة .. سمعت واحدة منهم بتقول انها هى وكام واحدة معاها جم من الاسكندرية وفلوسهم خلصت وعاوزين يروحوا تانى ومافيش فلوس! لكنى استغربت من "الاسلوب الغلس" فى طريقة الشحاته .. لحظات بسيطة و دخل اتنين من الخدام بالكاتدرائية وخدوا معاهم الستات اللى كانت بتشحت ديه وعرفوهم علطول اول لما شافوهم !! وبعديها عرفت ان الستات دول اصلا موظفات فى الحكومة ومش من اسكندرية ولا حاجة وده كله كدب فى كدب ..!!
بعديها اتصدمت أكتر لما عرفت انهم طلعوهم المرة ديه بس من الكنيسة لتواجد شخصيات هامة بها، لكن فى المرات العادية لما بيكون فيه ناس عادية هى اللى حاضره .. بيسيبووهم عادى يقفروا الناس!
+ وبعد طول نتظار .. وصل الاسقف وكان ساعتها المعلم (وكالعادة هو أعمي) ماسك عصايته وماشى خارج من الكنيسة معرفش ليه، وقابله فى وشه الاسقف وسأله رايح فين يا معلم، استنى احنا هانصلي بسرعة اصبر .. دخل الاسقف وبدأ القداس وانتهى بسرعة كبيرة، الصلاة طبعاً اتكروتت عشان هو فى الاصل متأخر جامد. حتى ان فيه ناس كتيرة مشيت وناس غيرها تانى جم.
+ خلصنا القداس وانا شاعر ان اليوم من أوله مش مظبوط .. روحت انا وصاحبي كافيتريا عشان نجيب كام ساندوتش نفطر بيهم .. وكان فى انتظارنا برضه بعض الستات قاعدين جنب الكافيتريات بيشحتوا .. وكل ما بمشى متر بلاقيهم .. مكانوش بيخلصوا .. وشافينك معاك أكل بقى فا إزاى انت تدفع فى الأكل وماتديهومش هما!! وكان باين من اسلوب شحاتتهم انهم كدابين ,, وده ملحوظ عشان بالذات لجنة البر فى الكاتدرائية وكمان نيافة الأنبا يوأنس بيوزعوا بسخاء جامد على كل محتاج .. وكمان الستات ديه عاوزة تشحت لكن ماحدش منهم عاوز يشتغل ويكسب من شغله ..
+ شوية صغيرة وعرفنا خبر ان الأنبا يوأنس هاينزل من مقره وهيخرج، فروحنا عشان نسلم عليه .. وأول لما الناس شافته عالسلم لقيت هجوم فظيع عليه من الستات اللى كانوا دايرين بيشحتوا ,, كله هجم على عشم انه يطلع يدي كل واحد حاجة ... حتى هو نفسه كان متضايق من المنظر جداا ... أصل ماينفعش ابن أو بنت المسيح يشحتوا .. ماينفعش!
+ لفينا انا وصاحبي شوية قلنا نشوف الاماكن اللى مشوفناهاش قبل كده بقالنا كتير ... الحقيقة انى حزنت لأنى لاقيت ان الحوش أتقلب مزار للحبيبة!! وكنت نادراً ما بشوف شلة أو جروب مع بعض لكن كنت بشوف دايما اتنين اتنين .. couples يعنى .. حزنت ايضاً لأن كان منظر الشباب منظر مقزز جدااا .. كله بدون استثناءات كان لابس لبس لا يليق .. مش الشابات بس لكن حتى الشباب، البنطلونات المقطعة والساقطة واللى فاتحين صدرهم .. انتوا عارفين أكيد. والبنات طبعاً بنطلونات ضيقة جداا أو الشاربات اللى بتتلبس لوحدها ديه، معرفش ايه الموضه الهبلة ديه كمان .. اللى أعرفه ان ده شراب بيتلبس تحت الهدوم خاصة اننا فى فصل الشتا، ايه اللى خلاه بقى السنة دي يبقى بنطلون ويتلبس لوحده!!!
+ اللى انا بحكيه ده كان بيتكرر كل يوم تقريباً مع اختلافات بسيطة .. احنا روحنا أربع ايام ورا بعض والحقيقة كل يوم كنا بنقابل مواقف رخمة كتيير .. حتى فى مرة شوفنا بنت مع ولد بيتمشوا، وكنا شوفناها فى اليوم اللى قابله علطول كانت مع واحد تانى !!! معرفش ديه كانت بتختبرهم عشان تنقى واحد ولا بتعمل ايه؟! اللى حكيته ده كان ملخص سريع لسلبيات كتير انا كتبت بعض منها عشان اتفاجئت بجد باللى شوفته لأنى كنت فاكر انى كنت هازور الكنيسة الأم وكنت هافخر بيها .. لكن اللى حصل العكس تماماً تماماً ..
+ المواقف ديه كلها اتجمعت وفكرتنى بآيه قلها المسيح أيام حياته على الأرض: بيتي بيت الصلاة يدعى و انتم جعلتموه مغارة (..ضع هنا ما تشاء..)
ربنا يرحم بجد

[aymonded]

بدء الحكمة مخافة الله ومعرفة القدوس فهم
وان انعدمت مخافة الله لا تندهش مما يخرج من قلب الإنسان الميت بالخطايا والذنوب
والذي لا يريد أن يعود لله الحي فينال من البراءة والطهارة ونقاوة النفس
وهذه البلوى المحرقة التي بيننا نستحق عليها كل تأديب وأن لا ينصفنا الله
بل يتركنا لنسقط تحت نير عدم احترامنا لبيته المقدس
وكما ترك أورشليم وأدبها إذ سلمها لأعدائها
هكذا يترك كل من لا يهابه ولا يريد أن يحفظ وصاياه
فقبول دينونة مخيف من الله الحي الفاحص القلوب
ويعرف الذين هم له والذين أهانوا اسمه وبسببهم يجدف على الاسم الحسن
النعمة معك

[رويس]

معلش انا عندي استفسار استغربت ليه لما قريت الموضوع

+ وبعد طول نتظار .. وصل الاسقف وكان ساعتها المعلم (وكالعادة هو أعمي) ماسك عصايته وماشى خارج من الكنيسة معرفش ليه،يعني ايه وكالعادة هو أعمي ؟ ايه المغزي منها في الموضوع علشان تحطها في أقواس وكأنها توضيح !!!

[emmmy]

وانا كمان ليا استفسار
دلوقتى انت قررت انت وصاحبك انكم تقضوا يومين حلوين فى الكاتدرائية وتواظوا على القداسات يوميا قد ما تقدروا على حد تعبيرك
ودة جميل جدا وكلنا محتاجينة وخصوصا دلوقتى
عزيزى دكتور بيتر --
انت لما دخلت وتعمقت فى الفكرة اللى قررتها انت وصاحبك انكم تقضوا شوية ايام داخل الكنيسة الشيطان جالك وبوظ صفاءك واعثرك للاسف
لما لفت انتباهك للامور الذى ذكرتها
دلوقتى فى سؤال --
اية الهدف من انك تحكى المهازل والسلبيات والسخفات اللى انت شفتها داخل جدران الكنيسة
احنا سبق واتكلمنا فى الموضوع دة كتير
ومش بيتحل بعرضة على صفحات النت
بالعكس تماما
تفتكر لما واحد من الاغراب اصحاب الديانات الاخرى يدخلوا ويشوفوا موضوعك وكلامك ووصفك لكنيستك وشباب كنيستك واللى بيحصل للاسف فيها هيفكروا فيك وفيا وفينا كلنا ازاى هيشوفوا المسيح ازاى وهيقولوا اية بينهم وبين نفسهم وبين بعضهم خارج الشاشات وعلى ارض الواقع
انا مش بنكر ان فى حاجات كتيرر للاسف مخزلة ومحزنة للاسف
بس
انا وانت نقدر نميز الحنطة عن الزوان ونقدر ناخد الحلو ونفهم ان مفيش مجال ابدا خالى من السلبيات مهما كان -- مها كان يا بيتر
بس فى ناااس كتير مش بتعرف تشوف غير الوحش وبس مش بتعرف تشوف غير الزوان وبس
لو اضمن ان الكل هيشوف ان الكنيسة زى ما فيها اللى ذكرتة انت وغيرك وهيشوف بردوا الحلو اللى فيها من نعمة وقداسة وطهارة وان كنيستنا صلبة وقوية ومبنية على صخرة المسيح وصخرة الايمان العتيد بدليل بقائقا لحد دلوقتى برغم الاضهادات على مر العصور بفضل شغل ربنا فى اولادة اللى حملوا سماتة وشهدوا لاسمة
هحييك على موضوعك وكلماتك اللى هتوضح للناس الاخطاء علشان على الاقل ياخدوا بالهم
لان ممكن جدا يكون فى ناس من اللى انت شفتهم واقفين فى الكنيسة يكونوا واقفين لهدف حلو او يكونوا اخوات او او او الخ بقى مش معقول كلهم واقفين لهدف ولد وبنت فاضيين
انت عندك ميزة حلوة اوى اوى مش عند غيرك كتير انت بتقول شفت سيدنا الانبا فلان وسيدنا الانبا عيلان وكنت فى الكاتدرائية دة معناة انك ممكن توصل كلامك للاباء الاساقفة دول فى الاجتماعات والندوات نحل مشاكلنا بينا وبين بعض يا بيتر ونتكلم فيها بجراة وصراحة مفيش مشكلة وابائنا لو هيقفوا يتفرجوا على المهازل دى من غير موقف ايجابى وحكيم ويمارسوا دورهم كاباء ورعاة ومعلمين يبقى ملوش لزوم عرض السلبيات والمهازل دى على الشاشات يا بيتر
سيدنا اللى كان نازل من على السلم مشافى المهازل دى والاباء اللى عايشين هناك مش بياخدوا بالهم من الحاجات دى ؟؟
مفتكرشى ابداااا

[جانيت سمير]

.. وشافينك معاك أكل بقى فا إزاى انت تدفع فى الأكل وماتديهومش هما!! وكان باين من اسلوب شحاتتهم انهم كدابين ,,
مش يمكن فعلا معهومش ومحتاجين وخصوصا الايام الصعبة دى ناس كتير معندهاش شغل
ربنا هو بس الى عالم بظروف وحال الناس دى
وبعدين مفيش حاجة اسمها ماينفعش واحد مسيحى يشحت وبلاش كلمة يشحت
ليكن كلامكم كل حين بنعمة مصلحا بملح لتعلموا كيف يجب ان تجاوبوا كل احد(كو 4 : 6)
سامحنى على كلامى وعلى الاطالة

[M@@@NOOOO]

هو مش عيب اننا نذكر اخطائنا ونصارح بيها بعض

بس من العيب والقبح اننا نذكر مكان بعظمه وقوه الكنيسه بالمنظر ده !!

الكنيسه الام او الكاتدرائيه المفروض انها مكان مقدس بجميع اركانها

ومهما حصل فيها هاتفضل مقدسه

فيها ايه لما شباب يتعرفوا على بعض داخل الكنيسه !!

مش احسن مايخدوا بعض ويروحوا مكان تاني !!

اما اذا كان عل اللبس ف دي حريه شخصيه

وربنا ومكان ربنا ليه احترامه وكل واحد شايف ان دي طريقه احترامه لربنا !!

وده دور خدامنا وابائنا عل توعيه الناس بأحترام مكان زي ده ..

اما بالنسبه للقداس والصلاه

سيبك انت من اللي بيكروت واللي بيوقف القداس عشان مستني حد

واللي بيشحت واللي داخل واللي خارج .... والخ

اللي عاوز يصلي ويحس انه مع ربنا

مـــــــــــش هايغلب

وربنا يبارك حياتك :)

[Dr.PeRO]

بل يتركنا لنسقط تحت نير عدم احترامنا لبيته المقدس
وكما ترك أورشليم وأدبها إذ سلمها لأعدائها
هكذا يترك كل من لا يهابه ولا يريد أن يحفظ وصاياه
الذين أهانوا اسمه وبسببهم يجدف على الاسم الحسن
النعمة معك

متشكر خالص لرد حضرتك يا فندم، انا بس عاوز أقول حاجة ان أتردد كتير قبل ماكتب الموضوع ده بس انا من النوع اللى لما بشوف حاجات غلط (حتى لو كنت انا اللى بعملها) ببقى هتجنن واصلحها، لأن انا فى الآخر نفسي اشوف الكتيسة عامة فى أقدس وأطهر شكل، ومش عيب ابداً انى اذكر اى سلبيات اشوفها طالما انها بتزيد ومش بتتعالج .. ده غير انى اتصدمت عشان كنت فاكر ان هناك الدنيا افضل من كده بكتيييييير، فالصدمة كانت جامدة عليا شوية :10300:!!

[Dr.PeRO]

معلش انا عندي استفسار استغربت ليه لما قريت الموضوع



يعني ايه وكالعادة هو أعمي ؟ ايه المغزي منها في الموضوع علشان تحطها في أقواس وكأنها توضيح !!!


لأ ده أنا اللى عندى استفسار ، حضرتك سيبت الموضوع كله وعلقت على النقظة ديه بالذات ليه؟؟؟
وعموماً، انا حطيتها بين قوسين مش عشان التوضيح، ده عشان أبين ان المعلم كان طالع وبيمشى بره الكنيسة ومش واخد باله (لأنه مش بيشوف ) ان الاسقف كان جاى فى وشه .. يعنى مجدر سرد للواقعة مش أكتر ..

[Dr.PeRO]

الأسئلة اللى قولتيها كتيرة اوى يا إيمي، انا قربت أعيط، هجاوب على ايه ولا ايه دلوقتى :em0100:

اية الهدف من انك تحكى المهازل والسلبيات والسخفات اللى انت شفتها داخل جدران الكنيسة
احنا سبق واتكلمنا فى الموضوع دة كتير
ومش بيتحل بعرضة على صفحات النت
بالعكس تماما


الهدف ببساطة شديدة أن انا عارف ان فيه شباب وشابات كتييييير عندهم نت وممكن يشوفوا الكلام اللى قولته ده ويفتكروا كويس ان "بيبتك يارب تليق القداسة" وان اللى بيحصل ده لايليق أبداً وكمان لما يتنبه فى مواقع ومنتديات كتيير وفعظات وفندوات وكمان الأهالى تنتبه، السلبيات هتقل كتييييير لحد ما يبقى ان اللى بيعمل الغلط هيتكسف يعمله عشان هيلاقى نفسه بيعمله لوحده، لكن لما ده يبقى العادى، يبقى خلاص بقى كله هيتجرأ واللى لسه مجربش يجرب!!
صوتى وصوت اى حد بيفضح الغلط (فى أى مكان) بيبقى كأنه زن عالودن عشان اللى ماشى غلط أو اللى ناوى او اللى متهاون يفوق، ماتنسيش ان فيه زن أشد وأشرس شغال فى الودن التانية هو اللى صوته أعلى وللاسف بيكسب، اللى هو زن ابليس.


تفتكر لما واحد من الاغراب اصحاب الديانات الاخرى يدخلوا ويشوفوا موضوعك وكلامك ووصفك لكنيستك وشباب كنيستك واللى بيحصل للاسف فيها هيفكروا فيك وفيا وفينا كلنا ازاى هيشوفوا المسيح ازاى وهيقولوا اية بينهم وبين نفسهم وبين بعضهم

يعنى الواحد ده مش هاياخد باله من اللى بتشوفه عينه وهو معدى كل يوم من جنب أى كنيسة وهياخد باله لأنه مشترك فى منتدى مسيحي وقرأ الموضوع ده بالصدفة!!
وبعدين كلهم عارفين وواخدين بالهم من كل حاجة، بدليل الشتايم اللى كل يوم بنسمعها والإشاعات اللى بتتطلع كنتيجة للى بيشوفوه فى الأصل!!
وبعدين هل انا يهمنى بالدرجة الأولى الآخرين ممكن يشوفوا المسيح ازاى، ولا ولاده اللى فى الصل من خرافه وهما بيضيعوا واصبحوا مسيحيين بالاسم بس!!
الله فى الأصل كان ليه شعب (شعب بنى اسرائيل) وبعده لما سابوه سابهم لهلاكهم واجتذب ليه شعوب أممية آخري قبلت دعوته (اللى منهم إحنا)

وهيشوف بردوا الحلو اللى فيها من نعمة وقداسة وطهارة

الحلو ده انا مش محتاج اذكره لأنه المفروض انه هو الطبيعى، انا المفروض أصلح من الأخطاء مش أسيبها وأقعد أمدح فى الحسنات! بجانب ان قنواتنا الفضائية مش بتجيب غير كل شئ حلو ومركزة كويس على كل الايجابيات.. مين بقى هينضف السلبيات؟!
أكيد مش انا بس لو كل واحد قال وانا مالى يبقى الدنيا هتخرب زيادة
انا يكفيني حد واحد: أم أو أب أو اى شاب أو شابه شاف الموضوع وغير من نفسه وحاول يغير اللى حواليه .. بكفيني انه مجرد يراجع نفسه قبل أى قرار لما يقرأ السلبيات بطريقة تشعره انها بالفعل "سلبيات" بل و"حماقات" مش مجرد أمور عادية ويومية!

لان ممكن جدا يكون فى ناس من اللى انت شفتهم واقفين فى الكنيسة يكونوا واقفين لهدف حلو او يكونوا اخوات او او او الخ

لا طبعاً الغالبية معروفة انهم couples .. ده غير انه بيبان من اللبس والميكب ان دول مش منظر اخوات .. فى الاغلب الولد بيخاف على اخته وبيخليها تتصرف صح وتلبس صح حتى لو هو اصلا ولد فاسد!! والاخوات دول هتلاقيهم قاعدين حاضرين القداس مش جايين وقاعدين بره بيلفوا من قبل القداس و مكملين لبعده!

انت بتقول شفت سيدنا الانبا فلان وسيدنا الانبا عيلان وكنت فى الكاتدرائية دة معناة انك ممكن توصل كلامك للاباء الاساقفة دول فى الاجتماعات

لأ انا بشوفهم وروحت الكاتدرائية فعلا لكن معرفش معرفة شخصية ولا واحد منهم
يعنى معنديش واسطة الحمدلله، أخرى أعرف أب اعترافى وخلاص
انا اللى هاوصله البحث اللى كنت عامله للأنبا مارتيروس عشان فيه حلول كتيير ممكن حد يستفاد منها لو حب .. لكن السلبيات ديه زى ما انتى قولتى انهم بيشوفوها كل يوم وعارفين اكتر منى ومنك كل حاجة، يبقى احنا نحاول مع الشباب والأهالى نفسهم لأن الاساقفة مش هايقدورا يعملوا حاجات كتيير، ومشغولياتهم كتير جداا

متشكر لردودك ونورتى الموضوع
ربنا يباركك

[aymonded]

سلام لنفسك يا محبوب الله الحلو
أنا بالطبع لا أذكر أن ذكرك لهذه الأمور نابع من شيء آخر غير الصدمة وعدم التصديق لما يحدث ، وأنا اقصد أن أظهر أن المشكلة الرئيسية في عدم سكنى مخافة الله في القلب ، لأن عدم المخافة يجعل الإنسان يفقد كل إحساس بحضور الله القدوس الحاضر بملء مجده ويستهين بالحضرة الإلهية فيترك الله المكان ويؤدب الإنسان كما فعل في أورشليم حينما طرد الباعة وكل من يستغل بيت الله في غير العبادة بكل مهابة وتقوى ...

المشكلة أن كل هذه الأمور واضحة امام الكل ، بل وأمام الغريب قبل القريب وكل من لا يحيا بالتقوى فبسببه يجدف على الاسم الحسن ، وكل إنسان غريب عن الكنيسة ويدخل الكاتدرائية أو أي مكان آخر ليس فيه خوف الله بالطبع ينتقد الموقف لأن الخطا لن يُخفى على أحد ، والكلام كله لكي ننتذر ونذكر الرب ونتوب ، ولكننا تعودنا أن نخفي عن أنفسنا ما هو ظاهر بحجج واهية تُديننا أمام الرب ، لأن مبرئ المذنب ومذنب البريء مكرهة لدى الرب ، وأن لم نواجه أنفسنا ونعرف عارنا لن نكون قادرين على أن نطلب مجدنا بالتوبة الصادقة والحقيقية ، فأن رفضنا أن نواجه أنفسنا فستفضحنا أعمالنا ، وأن أخفينا عن عيون العالم كله أخطأنا لأننا نخجل ونخاف من أن يتصيدوا شيئاً علينا ، فكم نخجل أمام رب الجنود الكامل الذي أهنا اسمه العظيم القدوس بتصرفات لا تليق ...

لماذا نعمل حساب الناس لئلا ينظروا أخطاءنا وشرورنا القبيحة ولا نخجل من الديان العظيم في داخل الكنيسة والقداس الإلهي !!! وهذا هو السؤال الذي أطرحه على الجميع ، لماذا نُهين القدوس البار ملك المجد ونخشى الناس ولا نخشاه هو !!!

ويا أحبائي كاتب الموضع لا يفضح أحد ولا الأماكن مقدسة ، لأني اعتقد كلنا رأينا بأعيننا والغريب قبل القريب يعلم يقيناً كل شيء ، إنما نحن نريد أن نجمل صورتنا أمام الناس ونسينا الله وطفأنا الروح القدس داخلنا ، فلنستفيق ونعلم أن الرب قريب ، وماذا ننتفع لو مدحنا كل الناس وأخفينا أخطانا عن الآخرين والتي هي محل عثرة الجميع ، وسقطنا من الحياة الأبدية ولم يعد لنا مكان وسط القديسين وفردوس النعيم !!!

ليت الناس كلها تذمنا ومدحنا يكون من الله ، عوض أن يمدحنا الناس ويظنوا فينا حسناً ونحن في الواقع العملي قبوراً مُبيضة من الخارج ومن الداخل مملوءة عفونة الموت وصرنا مكرهة عند الرب وغنيمة لعدو كل خير ...

أنصحك يا صديقي الحلو كما علمنا الآباء القديسين ، أن نهرب من اي مكان ليس فيه خوف الله وحتى لو كانت كنيسة أو دير أو قلاية أو إنسان ، ونذهب للمكان الذي نجد فيه عبادة حية بالروح والحق في هدوء القداسة ومخافة الله القدوس ، لأننا لا نشترك في أعمال الظلمة بل نوبخها بكلمة الله وسلوكنا المستقيم بالنعمة حسب قول الرسول ، أقبل مني كل حب وتقدير النعمة معك ومع الجميع آمين

[Dr.PeRO]

.. وشافينك معاك أكل بقى فا إزاى انت تدفع فى الأكل وماتديهومش هما!! وكان باين من اسلوب شحاتتهم انهم كدابين ,,
مش يمكن فعلا معهومش ومحتاجين وخصوصا الايام الصعبة دى ناس كتير معندهاش شغل
ربنا هو بس الى عالم بظروف وحال الناس دى
وبعدين مفيش حاجة اسمها ماينفعش واحد مسيحى يشحت وبلاش كلمة يشحت
ليكن كلامكم كل حين بنعمة مصلحا بملح لتعلموا كيف يجب ان تجاوبوا كل احد(كو 4 : 6)

سامحنى على كلامى وعلى الاطالة

اولا شكراا لردك .. حضرتك بتقولى ان ممكن يكونوا فعلا محتاجين ,, انا اتكلمت مع ناس من خدام الكاتدرائية وذكرت حاجات قالوهالى هنا فى الموضوع زى مثلا: "انهم كانوا بيكدبوا وماكانوش من اسكندرية ولا حاجة"
وعرفت برضه انهم موجودين من الأول ومن زمان والموضوع مالوش دعوة بالفترة الاقتصادية اللى بتحصل دلوقتى .. الناس ديه بتاخد من كنايسها وبتاخد من الكاتدرائية وبتاخد من الناس وكله عن طريق الكدب وديه حياتها وبيجيبوا عيالهم واصحابهم وجيرانهم وبيقعدوا شلل هناك ..
وبعدين هل يليق ان ولاد المسيح يعملوا كده ؟؟ وبرضه انا عارف كويس ان الكاتدرائية (متمثلة فى لجنة البر) بتديهم بزيادة جداا حسب تعليمات البابا نفسه وبتوفلهم الادوية والملابس وأمور معيشية كتيييرة، وده انا عرفته من خدام هناك اتكلمت معاهم زى ما قلت كذا مرة.

وبلاش كلمة يشحت

على حد معرفتى ان كلمة "يشحت" ديه لغة عامية عربية ومش شتيمةولا لفظ قبيح ولا قلة أدب لا سمح الله عشان ماقولهاش.. ثم شوفى حضرتك تضايقتى ازاى من مجرد لفظ الكلمة ، مابالك بقى فعلها يبقى عامل ازاى؟؟!
شكراا لردك وربنا معاكى

[Dr.PeRO]

هو مش عيب اننا نذكر اخطائنا ونصارح بيها بعض

تمام، وده اللى انا عملته
بس من العيب والقبح اننا نذكر مكان بعظمه وقوه الكنيسه بالمنظر ده !!
يا سلام، يعنى لو حصل فى اى مكان أقدر أتكلم ولو حصل فى الكاتدرائية أو فى أى كنيسة يبقى كده كخ وعيب .. ؟؟!!!!!!!!
يا مستر مانو الغلط غلط فى أى مكان حتى لو كان جوه الهيكل .. الكنيسة ما هى الا حيطان وهايجي اليوم اللى هاتتباد فيه وتبقى تراب بعد نهاية العالم، مش هاتتطلع السما يعنى .. لكن الكتاب المقدس بيقول ان الكنيسة الحقيقية هى "جماعة المؤمنين"، زى ما قال فى رسالة فليمون: "الكنيسة التى فى بيتك" وزى ماقلت ان الهيكل زمان كان هو بيت ربنا وبيتقدم فيه ذبائح مقدسة وكان الكهنة بيبقوا اكثر خوف وتزمت من العهد الجديد لدرجة ان مش أى حد كان ينفع يبقى كاهن، كان سبط لاوى فقط هو سبط الكهنة، والمسيح لما دخل وشاف الغلط اللى كان بره الهيكل نفسه مش جوه قال لفظ مغارة لصوص.. ولو فتحت سفر ارؤيا هاتلاقى ان السبع كنايس كلهم فيهم أخطاء بشعة وربنا كان بيعاتبهم وبيحذرهم من أخطاءهم
اذا اى نقطة سلبية فى أى مكان نقدر نتكلم عليها ونحذر منها طالما احنا منسوبين ليها
الكنيسه الام او الكاتدرائيه المفروض انها مكان مقدس بجميع اركانها

ومهما حصل فيها هاتفضل مقدسه
أتمنى

فيها ايه لما شباب يتعرفوا على بعض داخل الكنيسه !!
فيها ان الكنيسة للصلاة، ثانيا كل الجامعات فيها أسر جامعية بتطلع رحلات ومؤتمرات وبتخش مهرجانات واسقفية الشباب بتعمل مؤتمرات ورحلات على طول عامة لكل شباب الكنايس وممكن تتعرف فى النور وفى وجود ناس وخدام ورقابة، مش قاعد لوحدك وتعمل كده! ده غير اجتماعات الشباب وايضاً الخريجين فى كل كنيسة.

الواحد مايقبلش على اخته كده، يقبل ازاى على أى بنت تانية؟!

مش احسن مايخدوا بعض ويروحوا مكان تاني !!

لأ مش أحسن، ده غلط وده غلط .. وانا اعتراضى على موضوع الcouples نفسه مش الجروبات اللى تحت رقابة كنسية، وانا قرأت موضوع جميل جداا بيوضح ده هنا فى المنتدى بقلم الأخت "يارب قف بجانبي"، وده لينكه، الموضوع فيه اكتر من اللى كنت هاقوله:
http://www.orsozox.com/forums/f4/t65286/

اما اذا كان عل اللبس ف دي حريه شخصيه
مافيش مشاكل حرية شخصية فى الشارع بره .. لكن جوه يبقى احترام المكان وقداسته، أمال هو هيبقى مقدس وطاهر ازاى زى ما بتقول ؟؟!! ده غير ان مسيحيتنا علمتنا ان الحرية الجسدية ليها حدود ودربتنا على كده من خلاص الصيام والترفع عن أمور العالم وشهواته ومن خلال الخلوات المقدسة فى الأديرة ومن خلال البرامج الدينية فى قنوااتها بدل الافلام والمسلسلات اللى بتدخلنا فى عمق العالم اكتر واكتر... أما الحرية الحقيقية هى من عبودية الخطية، يعنى ببساطة لما تخطى بدل ما كان العدل هايعاقبك لأ فى غفران اذا تبت .. ده غير موضوع العثرة وغير موضوع اللى "يليق ولا يليق" وغير موضوع اننا على صورة ومثال الله نفسه وانا اروحنا هى نفخة مقدسة منه واجسادنا هى منقوشة على كفه ... كل ده اتكلمنا فيه وليه مواضيع كتييير هنا.
وربنا ومكان ربنا ليه احترامه وكل واحد شايف ان دي طريقه احترامه لربنا !!
لأ مش كله شايف انه بيحترم بيت ربنا
فيه كتييييير مش هامه

وده دور خدامنا وابائنا عل توعيه الناس بأحترام مكان زي ده ..
تمام، ودور المنتديات والقنوات الفضائية وكل وسائل الاعلام المسيحية من خلال ابراز السلبيات وعلاجها والتحذير منها

اما بالنسبه للقداس والصلاه

سيبك انت من اللي بيكروت واللي بيوقف القداس عشان مستني حد

واللي بيشحت واللي داخل واللي خارج .... والخ

!!!!

اللي عاوز يصلي ويحس انه مع ربنا

مـــــــــــش هايغلب

هو انا قولت انى بدور على مكان اصلى فيه بخشوع ومش لاقى ؟؟؟؟؟؟؟؟؟؟؟؟ انا قولت سلبيات خطيرة من وجهة النظر المسيحية ولازم تتحل عشان نتفادى غضب ربنا .. إحنا بجد مش قد اللى بنعمله خاصة فى الفترة ديه والأجواء حوالينا كلها خطر ولسه كله ملمش نفسه وراح يصلى ويصوم بجد عشان ربنا يرفع عنا



وربنا يبارك حياتك :)

متشكر خالص، ويباركك

[Dr.PeRO]

وأن لم نواجه أنفسنا ونعرف عارنا لن نكون قادرين على أن نطلب مجدنا بالتوبة الصادقة والحقيقية ، فأن رفضنا أن نواجه أنفسنا فستفضحنا أعمالنا ، وأن أخفينا عن عيون العالم كله أخطأنا لأننا نخجل ونخاف من أن يتصيدوا شيئاً علينا ، فكم نخجل أمام رب الجنود الكامل الذي أهنا اسمه العظيم القدوس بتصرفات لا تليق ...

لماذا نعمل حساب الناس لئلا ينظروا أخطاءنا وشرورنا القبيحة ولا نخجل من الديان العظيم في داخل الكنيسة والقداس الإلهي !!! وهذا هو السؤال الذي أطرحه على الجميع ، لماذا نُهين القدوس البار ملك المجد ونخشى الناس ولا نخشاه هو !!!

ويا أحبائي كاتب الموضع لا يفضح أحد ولا الأماكن مقدسة ، لأني اعتقد كلنا رأينا بأعيننا والغريب قبل القريب يعلم يقيناً كل شيء ، إنما نحن نريد أن نجمل صورتنا أمام الناس ونسينا الله وطفأنا الروح القدس داخلنا ، فلنستفيق ونعلم أن الرب قريب ، وماذا ننتفع لو مدحنا كل الناس وأخفينا أخطانا عن الآخرين والتي هي محل عثرة الجميع ، وسقطنا من الحياة الأبدية ولم يعد لنا مكان وسط القديسين وفردوس النعيم !!!

ليت الناس كلها تذمنا ومدحنا يكون من الله ، عوض أن يمدحنا الناس ويظنوا فينا حسناً ونحن في الواقع العملي قبوراً مُبيضة من الخارج ومن الداخل مملوءة عفونة الموت وصرنا مكرهة عند الرب وغنيمة لعدو كل خير ...

أنصحك يا صديقي الحلو كما علمنا الآباء القديسين ، أن نهرب من اي مكان ليس فيه خوف الله وحتى لو كانت كنيسة أو دير أو قلاية أو إنسان ، ونذهب للمكان الذي نجد فيه عبادة حية بالروح والحق في هدوء القداسة ومخافة الله القدوس ، لأننا لا نشترك في أعمال الظلمة بل نوبخها بكلمة الله وسلوكنا المستقيم بالنعمة حسب قول الرسول ، أقبل مني كل حب وتقدير النعمة معك ومع الجميع آمين

اشكر رد حضرتك اللى بجد قال كتييييييييييييير مكنتش هاقوله، والحمدلله ان حضرتك فهمت وجهة نظرى.. كلام حضرتك فى منتهى الروعة ويهز الواحد من جوه
انا روحت الأربع ايام دول وكل يوم كنت بتوقع يوم غيره أفضل، لحد ما أيقنت ان ده كان الطبيعي وليس الاستثناء .. وصدقنى انا مش بقعد أدور على الغلط واتصيده زى ما الناس هنا فاكره .. الغلط واضح جداا و من كتر مهو فى وشى روحت اتكلمت وقولت
ربنا يبارك حياتك وسلام المسيح معك يا استاذ أيمن

[milad mouner]

على فكرة انا معاك في حاجات و حاجات لأ
انا معاك ان في فعلا ناس واخده الكنيسة هواية مش سلم للخلاص
بس مش معاك ان الكاتدرائية لازم تبقى كدة
و على فكرة انت شخصيا ممكن تبقى تكلم اي اسقف او اب كاهن مش شرط من الكاتدرائية

ملحوظة:انا من الاسماعيلية و مرحتش الكاتدرائية غيرها مرة و انا ضغير اوييييي ياريت تحاول تكتب ايجابيات عناه عشان تحببنا في اكتر

[Dr.PeRO]

على فكرة انا معاك في حاجات و حاجات لأ
انا معاك ان في فعلا ناس واخده الكنيسة هواية مش سلم للخلاص
بس مش معاك ان الكاتدرائية لازم تبقى كدة
و على فكرة انت شخصيا ممكن تبقى تكلم اي اسقف او اب كاهن مش شرط من الكاتدرائية

ملحوظة:انا من الاسماعيلية و مرحتش الكاتدرائية غيرها مرة و انا ضغير اوييييي ياريت تحاول تكتب ايجابيات عناه عشان تحببنا في اكتر

اولا متشكر لردك .. ثانيا القسم ده اسمه "كلام فى الممنوع" يعنى واضح هتبقى المواضيع اللى فيه فيها نقد مباشر ونقاش فى مواضيع حساسه.
ثالثاً مش مهم خالص تروح للكاتدرائية .. المهم تروح لربنا فى أي كنيسة مهما كانت فقيرة او صغيرة .. انا مش هاعمل زى وزارة السياحة اللى بتقول ان مصر بلد الأمن والامان وفيها والاهرامات وفيها الآثار وانسي ان فيها ارهاب وسرقة ونصب و ,, و ,, و ,,
كل اللى قولته بيحصل، يبقى المشكلة مش فيا ولا فى كلامى اللى حضرتك مستصعب تقبله!!
ومش معنى ابداً انى مذكرتش الحسنات اللى فى الكاتدرائية يبقى مافيهاش حاجات كويسة!!
وعلى فكرة أعتقد انى ذكرت لجنة البر وقولت انها بتوفر وبتسد احتياجات كتيييير لإخوة الرب وللفقراء .. أهى حاجة كويسة!
النعمة معك وربنا يبارك حياتك

[aymonded]

أشكرك يا محبوب الله الحلو على كلماتك المملحة بنور الله ومجده ، ولكن الطامة الكبرى حينما لا نواجه عارنا بحجة الإيجابيات ، لأن لو نظرنا للكتاب المقدس ووصايا الله أنها تواجه عار الإنسان وتفضح الظلمة بالنور وتظهرها لكي يستقيم القلب !!! ومن يعرف عاره يعرف كيف يطلب مجده - كما قال القديس العظيم الأنبا أنطونيوس الكبير أب الرهبنة !!!

وأطرح تساؤل على الجميع ن لماذا الله في الكتاب المقدس ومن خلال كلمته للأنبياء أظهر خطايا أعظم الأنبياء والملوك وقادة الشعب ووبخهم بشدة وتكلم عن كل سلبياتهم أمام الجميع بوضوح وتبكيت واضح ، ولماذا بعت الله ناثان لداود النبي والملك ليوبخه بشدة ، ولماذا وبخ شعب إسرائيل توبيخاً شديدة وفضحهم أمام الأمم كلهم !!! ولماذا القديس بولس الرسول وبخ ولام القديس بطرس الرسول أمام الجميع ولم يتكلم عن إيجابياته أو خاف أن أحد يظن بالرسل سوء أو يتصيد أخطائهم فتُعاق الخدمة ويُهانوا أو تُهان الكنيسة ، ولماذا وبخ في رسائلة المنتشرة والظاهرة أمام الجميع كنائس وأوصى أن الكل يوبخ أعمال الظلمة المفضوحة والظاهرة أمام الجميع !!!
وهل مهما ما تكلمنا عن الإيجابيات وفرحنا بها وكأننا صرنا قديسن ، هل هذا سيرضي الله أم الناس !!! لماذا نغفل عن وصية الله وحياة التقوى ونعيش بالظلمة ونبغض النور وفي النهاية نستر على خطايانا بإيجابيات ضعيفة محت كل الإيجابيات الحقيقية وطمستها أمام الله والناس ، هذه التي نُريد أن نتكلم فيها ، عموماً فلنتكلم عن الإيجابيات كما نشاء ونُريد ولكن في النهاية كل شيء عريان ومكشوف أمام عيني الله الذي عيناه كلهيب نار تفحص أستار الظلام ويعرف خفايا القلب ونباته ، وسيدين المسكونة بالعدل ويعطي كل واحد حسب أعماله مهما تكلم عن الإيجابيات التي لا يحياها ويلصقها للمذنب وللزوان الذين يحيون داخل الكنيسة لكي يخفي عيوبها الظاهرة أمالم الجميع ، ولكننا لن نمدح الظلمة فندان أمام الله ، بل سنفضح الظلمة ونوبخها بقوة النور ووصية الله لأن هذا مقبول عند مخلصنا الصالح الذي لا يقبل شر أو يتعامل معه بل يوبخه بشدة وكلمته ستظل نور يوبخ الظلمة ويبددها لأنها سيُسلم كل من يحيا حياة الشر للأعداء حتى يتأدب ويستفيق من غفلته ...

لا يعلمون و لا يفهمون في الظلمة يتمشون تتزعزع كل أسس الأرض (مز 82 : 5)
التاركين سبل الاستقامة للسلوك في مسالك الظلمة (ام 2 : 13)
الذين يرتاحون إلى الشر في الشر يشيخون (سيراخ 11 : 16)
ويل للذين يتعمقون ليكتموا رأيهم عن الرب فتصير اعمالهم في الظلمة و يقولون من يبصرنا و من يعرفنا (اش 29 : 15)
و هذه هي الدينونة أن النور قد جاء إلى العالم وأحب الناس الظلمة أكثر من النور لأن أعمالهم كانت شريرة (يو 3 : 19)
لا تكونوا تحت نير مع غير المؤمنين لأنه أية خلطة للبر والإثم و أية شركة للنور مع الظلمة (2كو 6 : 14)
و لا تشتركوا في أعمال الظلمة غير المثمرة بل بالحري وبخوها (اف 5 : 11)
أن قلنا ان لنا شركة معه و سلكنا في الظلمة نكذب و لسنا نعمل الحق (1يو 1 : 6)
شدة و ضيق على كل نفس إنسان يفعل الشر اليهودي أولاً ثم اليوناني (رو 2 : 9)
عيني الرب على الأبرار و أُذنيه إلى طلبتهم و لكن وجه الرب ضد فاعلي الشر (1بط 3 : 12)
أيها الحبيب لا تتمثل بالشر بل بالخير لأن من يصنع الخير هو من الله و من يصنع الشر فلم يبصر الله (3يو 1 : 11)

فلننتبه يا أحبائي لحياتنا ونهرب من الشر ولا نشترك في الأعمال الشريرة أو نمدحها لأن هذا ملعون من الله أي مدح الشر لأنه يجعل الأعمى والغير مستنير بنور الرب يستمر في طريق الشر فيموت بخطاياه ويكون مسئول عنه كل من يمدح أعماله بحجة لا تيدنوا أو بحجة إظهار الإيجابيات : [ ملعون من يضل الأعمى عن الطريق و يقول جميع الشعب آمين ] (تث 27 : 18)

يا أحبائي للنتبه جداً ونحذر للغاية لأنه يوجد الكثيرين : [ يعترفون بأنهم يعرفون الله ولكنهم بالأعمال ينكرونه إذ هم رجسون غير طائعين و من جهة كل عمل صالح مرفوضون ] (تي 1 : 16)

وفي النهاية أختم بكلمات القديس بولس الرسول :
ايها الإخوة لا تكونوا أولاداً في أذهانكم بل كونوا أولاداً في الشر وأما في الأذهان فكونوا كاملين (1كو 14 : 20)
جربوا أنفسكم هل أنتم في الإيمان امتحنوا أنفسكم أم لستم تعرفون أنفسكم أن يسوع المسيح هو فيكم أن لم تكونوا مرفوضين (2كو 13 : 5)
و أُصلي إلى الله أنكم لا تعملون شيئا ردياً (2كو 13 : 7)

أشكرك يا محبوب الله الحلو لأن رسالتك رسالة توبيخ للتوبة
حسب أمر الرب القدوس على فم القديس بولس الرسول
و لا تشتركوا في أعمال الظلمة غير المثمرة
بل بالحري وبخوها (اف 5 : 11)

النعمة معك ومع الجميع آمين

[magdy totti]

جميل قوى الموضوع والمشكاه دى من اخطر المشاكل الموجوده فى كنيستنا
ولكن
لاسف مفيش جديد ها يحصل
ولا من الناس اللى فى المنتدى ولا من الكنيسة نفسها
لان الناس بتفكر اننا لما نتكلم لفى المشاكل دى بيكون الرد خاليك فى حالك وانت مالك
وغيره من الردود وده لااسف
احنا فعلنا اتكلمنا كتير فى الموضوع وكنا بنهتم با اشياء وكلام غريب
ولكن انا اشكرك جدا طرحك للمشكلة لان تويد
ما تكلمنا عليه من قبل
ويارب حاجه تتغير

[رويس]

لأ ده أنا اللى عندى استفسار ، حضرتك سيبت الموضوع كله وعلقت على النقظة ديه بالذات ليه؟؟؟
وعموماً، انا حطيتها بين قوسين مش عشان التوضيح، ده عشان أبين ان المعلم كان طالع وبيمشى بره الكنيسة ومش واخد باله (لأنه مش بيشوف ) ان الاسقف كان جاى فى وشه .. يعنى مجدر سرد للواقعة مش أكتر ..
متشكر للتوضيح
بس تفتكر كلمه كالعادة اللي حضرتك كتبتها مناسبة للتوضيح اللي تقصدة ؟
علي كلاً انا زي ما قولتلك اني مفهمتش الجزئية دي علشان كده سئلت فيها، فقط لا غير.

[رويس]

فيها ايه لما شباب يتعرفوا على بعض داخل الكنيسه !!
مش احسن مايخدوا بعض ويروحوا مكان تاني !!

لو شباب مع بعضيهم مفيش مشكلة
ولكن ميبقاش شباب وشابات ولا ايه ؟
دي تبقي اسمها قله ادب لما انا كبنت او ولد رايح الكنيسة احب في واحده ولا اتعرف علي البنات وسايب القداس شغال فوق ويبقي المبرر بتاعي بدل ما نروح مكان تاني، بصراحة الافضل انهم يروحوا مكان تاني ههههه
بخصوص نقطة اللبس انه حرية شخصية فده طبعاً شئ أكيد، ولكن علي ما أظن يبقي حرية شخصية في البيت او في الشارع ولكن جوا الكنيسة مفتكرش، بمعني اعم لكل مكان لبسه وزي ما بيقولوا لكل مقام مقال.




لماذا نعمل حساب الناس لئلا ينظروا أخطاءنا وشرورنا القبيحة ولا نخجل من الديان العظيم في داخل الكنيسة والقداس الإلهي !!! وهذا هو السؤال الذي أطرحه على الجميع ، لماذا نُهين القدوس البار ملك المجد ونخشى الناس ولا نخشاه هو !!! نفسي اشوف الناس تبطل كلمه اشمعنا او مهو كل الناس بتعمل كده ياااااااااااااااااااااااا اااااااااريت
ويا أحبائي كاتب الموضع لا يفضح أحد ولا الأماكن مقدسة ، لأني اعتقد كلنا رأينا بأعيننا والغريب قبل القريب يعلم يقيناً كل شيء ، إنما نحن نريد أن نجمل صورتنا أمام الناس ونسينا الله وطفأنا الروح القدس داخلنا ، فلنستفيق ونعلم أن الرب قريب ، وماذا ننتفع لو مدحنا كل الناس وأخفينا أخطانا عن الآخرين والتي هي محل عثرة الجميع ، وسقطنا من الحياة الأبدية ولم يعد لنا مكان وسط القديسين وفردوس النعيم !!!


أتمني ان الناس تاخد بالها ان النت ليه دور كبير في حل المشكلات دي، فعلي ما أظن ان لما شاب يشوف الكلام والتعليقات او شابه تشوف الكلام والتعليقات علي الاقل 30% من الناس دي قد يغيروا من طريقة تعاملهم في الكنيسة، يبقي احنا كسبنا ومخسرناش

[Dr.PeRO]

أشكرك يا محبوب الله الحلو لأن رسالتك رسالة توبيخ للتوبة
حسب أمر الرب القدوس على فم القديس بولس الرسول
و لا تشتركوا في أعمال الظلمة غير المثمرة
بل بالحري وبخوها (اف 5 : 11)

النعمة معك ومع الجميع آمين


أشكر حضرتك جداا على الكلام اللى اكثر من رائع اللى قولته
وكله مدعوم بآيات من العهدين
وأهمهم الآية الأخيرة اللى حضرتك ذكرتها
مع العلم انى مذكرتش فى الموضوع كل حاجة انا ذكرت الحاجات العامة اللى كل الحاضرين شافوها معايا لكن مرضيتش أذكر تصرفات شخصية سواء من الشعب أو من غيره عشان ماتبقاش إدانة، عشان مجيش انا بتكلم عن سلبيات واكون خدتلى خطية عالماشى!!
ربنا يبارك حياتك ويزيدك حكمة ومعرفة وفهم من روحه القدوس

[Dr.PeRO]

ولكن
لاسف مفيش جديد ها يحصل
ولا من الناس اللى فى المنتدى ولا من الكنيسة نفسها
لان الناس بتفكر اننا لما نتكلم لفى المشاكل دى بيكون الرد خاليك فى حالك وانت مالك
وغيره من الردود وده لااسف
احنا فعلنا اتكلمنا كتير فى الموضوع وكنا بنهتم با اشياء وكلام غريب
ولكن انا اشكرك جدا طرحك للمشكلة لان تويد
ما تكلمنا عليه من قبل
ويارب حاجه تتغير

مانقدرش نقول ان مافيش فايدة ونقفل بقنا وماناقش .. شوف حضرتك اى موضوع بيتحط عالمنتدى مهما كان صغير هاتلاقى ان عدد المشاهدات اكتر بكتيييييير من عدد الردود .. أنا أقصد بكده ان ناس كتييير بتشوف المواضيع وبالذات الشباب ... يبقى ليه مانوبخش افعالهم الغلط، مايمكن يبطلوا والحكاية تقل من كتر الكلام عليها .. أصل محدش من اللى بيغلطوا هايخش يكتب رد ويقول سورى يا جماعة انا كنت غلطان ودلوقتى انا اتنورت بكلامكم ّ!!
وزى ماقلت يكفيني ان واحد بس ينتبه بعد لما يشوف انه كان بيعمل حاجة من السلبيات اللى ذكرتها ديه .. حتى نقطة الشحاتة اللى اتكلمت عليها، المفروض مانديش ولا مليم للى بيشحتوا جوه أى كنيسة عشان كده احنا بنشجعهم، وحتى اللى بيشتغل منهم احنا بنشجعه على انه يسيب شغله ويجي يشحت عشان حاجة أسهل ومكسبها أكتر .. بس فى نفس الوقت ندى أكتر لصناديق إخوة الرب ونقدم مش بس مساعدات مادية لكن مجهود وكل اللى نقدر نعمله.
بس لازم نخلى بالنا إن بين النقد والتوبيخ وبين الإدانة شعره واحدة!
متشكر لردك الجميل ونورت الموضوع.

[emmmy]

يعنى الواحد ده مش هاياخد باله من اللى بتشوفه عينه وهو معدى كل يوم من جنب أى كنيسة وهياخد باله لأنه مشترك فى منتدى مسيحي وقرأ الموضوع ده بالصدفة!!
وبعدين كلهم عارفين وواخدين بالهم من كل حاجة، بدليل الشتايم اللى كل يوم بنسمعها والإشاعات اللى بتتطلع كنتيجة للى بيشوفوه فى الأصل!!
وبعدين هل انا يهمنى بالدرجة الأولى الآخرين ممكن يشوفوا المسيح ازاى، ولا ولاده اللى فى الصل من خرافه وهما بيضيعوا واصبحوا مسيحيين بالاسم بس!!
الله فى الأصل كان ليه شعب (شعب بنى اسرائيل) وبعده لما سابوه سابهم لهلاكهم واجتذب ليه شعوب أممية آخري قبلت دعوته (اللى منهم إحنا)



وانت مش مستكفى باللى بيشوفوة يا دكتور قلت اكمل واكد ؟؟
لا يا بيتر انا مش موفقاك خالص انت هتشيل الذنب لوحدك
انت واستاذ ايمن --- ربنا يباركك

[Dr.PeRO]

متشكر للتوضيح
بس تفتكر كلمه كالعادة اللي حضرتك كتبتها مناسبة للتوضيح اللي تقصدة ؟
علي كلاً انا زي ما قولتلك اني مفهمتش الجزئية دي علشان كده سئلت فيها، فقط لا غير.



لا حضرتك انا فاهم انت قصدك ايه .. لأ انا معنديش اى إعتراض ان المعلم يكون أعمي .. بالعكس ان نفسي ان كله بيكون يشتغل ويا سلام لما يكون بيشتغل فى بيت ربنا وفى القداس كمان .. لأ مش ديه النقطة اللى عاوز اذكرها خالص .. بس كلمة كالعادة معناها سليم وصحيح 100% لأن فعلا كتييير من المعلمين عمي والكنيسة بتستغل حاسة السمع والحفظ القوية اوى عندهم فى حفظ القداسات والتسبحة والالحان
ده شئ إيجابي يحسب جداا للكنيسة

دي تبقي اسمها قله ادب لما انا كبنت او ولد رايح الكنيسة احب في واحده ولا اتعرف علي البنات وسايب القداس شغال فوق ويبقي المبرر بتاعي بدل ما نروح مكان تاني، بصراحة الافضل انهم يروحوا مكان تاني ههههه


تمام يا فندم، أنا معاك فى اللى قولته

بخصوص نقطة اللبس انه حرية شخصية فده طبعاً شئ أكيد، ولكن علي ما أظن يبقي حرية شخصية في البيت او في الشارع ولكن جوا الكنيسة مفتكرش، بمعني اعم لكل مكان لبسه وزي ما بيقولوا لكل مقام مقال.


انا معاك ومش معاك في نفس الوقت .. كلام حضرتك مظبوط بس انا قولت فى الردود فوق ان الحرية الحقيقية احنا وخدينها من المسيح والعتق من عبودية ابليس .. انما الجسد ليه آيات توحي بأننا لازم نتحكم فيه ومانديلوش رغباته وحريته، زى:
"بل اقمع جسدي و استعبده"
"و كذلك ان النساء يزين ذواتهن بلباس الحشمة مع ورع و تعقل لا بضفائر او ذهب او لالئ او ملابس كثيرة الثمن"
"لان اهتمام الجسد هو عداوة لله اذ ليس هو خاضعا لناموس"
أتمني ان الناس تاخد بالها ان النت ليه دور كبير في حل المشكلات دي، فعلي ما أظن ان لما شاب يشوف الكلام والتعليقات او شابه تشوف الكلام والتعليقات علي الاقل 30% من الناس دي قد يغيروا من طريقة تعاملهم في الكنيسة، يبقي احنا كسبنا ومخسرناش

تمام وده أنا أتمناه فعلا من كل قلبي
الرب يبارك حياتك ومتشكر لمشاركاتك الجميلة

[Dr.PeRO]

يعنى الواحد ده مش هاياخد باله من اللى بتشوفه عينه وهو معدى كل يوم من جنب أى كنيسة وهياخد باله لأنه مشترك فى منتدى مسيحي وقرأ الموضوع ده بالصدفة!!

وبعدين كلهم عارفين وواخدين بالهم من كل حاجة، بدليل الشتايم اللى كل يوم بنسمعها والإشاعات اللى بتتطلع كنتيجة للى بيشوفوه فى الأصل!!
وبعدين هل انا يهمنى بالدرجة الأولى الآخرين ممكن يشوفوا المسيح ازاى، ولا ولاده اللى فى الصل من خرافه وهما بيضيعوا واصبحوا مسيحيين بالاسم بس!!
الله فى الأصل كان ليه شعب (شعب بنى اسرائيل) وبعده لما سابوه سابهم لهلاكهم واجتذب ليه شعوب أممية آخري قبلت دعوته (اللى منهم إحنا)



وانت مش مستكفى باللى بيشوفوة يا دكتور قلت اكمل واكد ؟؟
لا يا بيتر انا مش موفقاك خالص انت هتشيل الذنب لوحدك

انت واستاذ ايمن --- ربنا يباركك

طبعا كلمة ربنا يباركك اللى فى الآخر ديه مقصود بيها "ربنا ياخدك" :em0100:
عموما طالما انا مقولتش حاجة غلط أو حتى بالغت فى حاجة يبقى انا مش غلطان ثم ثانيا استاذ أيمن ملوش دعوة انا اللى كتبت، هو لا هاجم ولا انتقد فى الأول عشان تعترضى عليه، ثالثاً انا قولت انا ليه فتحت الموضوع ده وقولت ايه المكاسب اللى ممكن تحصل بدون ما ندرى من مجرد ذكر حاجات زى ديه فى منتديات كتيييرة .. ده غير ان فيه مليون موضوع اتفتح كله نقد فى مواضيع مشابهه، مثل موضوع "خدمة دي ولا عرض أزياء" وقبليه كتييير ... انتوا حاسين ان مفيش تغييير عشان الناس اللى بترد كل مرة هى هى مش بتتغير، لكن عدد المشاهدات أكيد كبير وأكيد فى ناس استفادت .. ولو مسكنا اكتاب المقدس هاتلاقى ان داود النبي نفسه وبعظمته أخطأ كتييير وكلها أتكتبت وكل الأجيال عرفتها .. كلامك يبقى صح تماماً فى موضوع زى موضوع "الطلاق فى المسيحية" اللى كان شاغل الساحة فى فترة سابقة، وكنا بنقطع فى بعض لكن كان معروف ايه الصح وايه الغلط .. فالطلاق لعلة غير الزنا مرفوض .. وده كلام الانجيل
وربنا يباركك

[emmmy]

طبعا كلمة ربنا يباركك اللى فى الآخر ديه مقصود بيها "ربنا ياخدك" http://www.orsozox.com/forums/data:image/gif;base64,R0lGODlhHgAeAPf/AKlkK7ionPnTGuraAPTGEOeuaPXZxP7+/v//DP/EAOPq8NCzpduDEv/uAfHMmphqUM2JU1RTAPjlzOu9hO/IlPzqJf327eWpXdp8Av/lAe28BP/yAf//BfPWrsluCOvIAOu7fP348//5AP/+AeadO+SmWf/ZAaZjFv/dAdzKxObU1Pnq1f7TO/vkF51jNf//YaF4Y8iEBfTZtP//Mf76+b2Vg+ySALxpAP+lAf/OAezh4vj08um0cuzi3eq0APHRpuakTamShPKVAP6oAdvFvNW9t PyhAP//Tv/VAdO5q///PP/pAeWVAP70AaNrSv79++m0bu3Bid+SNP/hAf//IuqOAP+xAd/k6PWaAPO1A+ysAOCDAAOSO//RAf//U/zx4+OJAN6NKOKHDf//hbuUjP//Rv//QuqbAO2GAN6KAPr4+P//Lv//FsajkdK2qP+/Af//Sv//NauViNyCANqBALZdAP+2AdyJGu7k3/+5Aevf2N6RKuiMAe/Mo///b+mmAI5NKv//eKlPAe2KAP//JtuFAv/JAf/GC/+tAfDn4v//j///c///Zv//KduHFv//W/rv4P//HPHPo+npHl+qef+/F+PSyduEKOPWGf/eIeqsEenc1vPmAv//f///aLOFdoBmH6FdO+aKCPCmADZYHOHPxs7FwuKaNUVBK3FDANCbeu 7o5d+TAP/1cv7xf+3tOv/tj41ZQP/8ssGejde9r+PPeIrAov/VZJ2FdbqQebafm1RRT//tC+bc2cbGHtyNC/GHAP/pBVWFXdark5W/qOabAOHo7e7l6fHlZsK1aI5VEo1aPPLq5q+BauSiO6SNe5aWAP XcDui+ALp+W//3A9nLAt/f36anluvg2vTx9QtlJHJrFjV1NOTZYuOhBszBvPqxAMutoM21s cO+AYV/AK2YivDEAJJaOsinlkimacqgZvTQNc+3qMinnOehQOCYOL6xDN J4AP/iVP/tXvHhTP7oTP/oZsWlDN2GAPr4WotFG/PZBJhVEfTTAP///////yH5BAEAAP8ALAAAAAAeAB4AAAj/AP8JHEiwoMGDCA2ukBQFRBRJKxJKFGjhR4kwjhg4CnPhh4WJBr 9AYZBGEwETSzL088GKAZQvIAUGUPbrFqxWM6qRGzeCA4Jo3hg4 mGhtVypQqK7JQrYtArQIESatmbFGQKEoEtXdqGSvVjJX9OA1GY HA1ys4R+AoqVAIBEIHW4ZUYiFvXr0K1ESMiKTEywtPL7woaUGH gkEJGLBYyXNIQKYWwTaIQNCoDKNAnQIxgtNoHwYJBA+8q4JocY IcJqYskYxgxhE/YxSN8eNlDQIfUp4M/DHHyBDTXVKvnuwatmzatpukkSTwyR4hOH7nOS1cMgdCZl4sCrT oRRlCHEaY/wsT4p8EOkaiI7LzJgcSFBkaUBvBxvWjF4+OxGEzQkSGOTL8QwE YOBS43huGvBefdZHEYUYZZsRBBQcibNAAE1hBwUeBQxyYIHwNS NYTG1QQQgUbFDbRQAN/uHWBDUbYwIcNZ5zxhw8aSCPNB/30M8CPP3KygYpLLKEFD/+8KIQ+QcAAgxxyPACIHOUsQwo3z5wTRDmxCJLABillcOQ/IPAhhAvGfGPKFcYEAIMCCuCiDRfE1HCFArp42UAGKKBQzAT/dLAFFi4c0EMPB/hTSg3++BOOMFyks0Ci4tSRA58mIJHGUBbcIcQJ2STSQ6N6tNEo LSrYQgk7jZIRgwkoZOGahSOQCDRgHSkws0mjeLhxKh7+0EBLo0 5Ig0IXOSSAj2HNneJBLolYwquv/hCRSLC+HnNCAzkYkgAT7+i22xYAFJHCtI0mAawaC/hDxj28vPEGE3fUSlAIYcQDCBG8tusPOnr4s8MCOriQzyHgpLFH RAb1IUYd7TSKjan+1BCwGp840Q0LNsxRwEcIXSCGB8Oo0cssjT azij8q8IPJOhi808FENJQgCgaXQDCNAQaEogoEMeyjAQ+gxURD AQzwMcggwKCBRhWjZOGMATEVtMIEFwBBAgnuAFFAH+JWLbZEAQ EAOw==


لا طبعا بعد الشر عليك انا هاعتبر دى مداعبة محبة ومحاولة لتهدئة الموقف انا مكنتش ناوية ارد تانى خالص بامانة صدقنى


يا بيتر انا حاسة ان الموضوع حساس اوى خايفة يجيب نتيجة عكسية
تماما انا عارفة كويس انك بتتكلم من غلبك ومن تعبك انت وغيرك وعارفة ان مفيش مجال تانى تتكلم فية لاننا مش هنقدر نتكلم فى حاجات كتير فى الاجتماعات مع الاباء لان الاباء احيانا بيكونوا جزء من المشكلة للاسف يا بيتر الموضوع ممكن يجى منة ايجابيات صحيح لو واحد عارف نفسة بيتة من زجاج وحس ان الكلام موجهة لية هينتفع وياخد بالة ويتعدل ويبطل قلة ادب بقى سورى فى الكلمة معلش
بس السلبيات هتكون اكتر صدقنى انت هتوصف الحقيقة كما هى لكن الغريب واصحاب الدين الاخر هياخدها ويزود عليها بافترى اشاعات وسخافات كتير مش هيستكفوا بكلامك كمان صدقنى وبكدة يبقى ادينا لعدو الخير فرصة ذهبية لتشوية الصورة اكتر واكتر
ارجوك تفهمنى

[Dr.PeRO]

أكيد يا إيمي اللى كتبته كان هزار وانا عارف ان نيتك سليمة وتقصدي الكلمة بمعناها وليس بمعنى آخر ... انا فاهم كل اللى تقصديه وعارف انه ده من خوفك على كنيستك وبرضه اللى انا بعمله هو مش خوفى على كنيستى بس خوفى على ولادها اللى ضايعين.
زى ماقلت ان الكنيسة ما هى الا حيطان مش هاتطلع معانا السما (اذا طلعنا احنا يعنى) بس الكنيسة الحقيقية هى جماعة المؤمنين .. ودول اللى يهمونى ..
انا بشكرك جداا على مشاعرك النبيلة وعلى خوفك على سمعة كنيستك واحب اقول ان كنيستنا مش الكاتدرائية ولا غيرها كنيستنا هى الكنيسة الأولي اللى اتبنت مش من حيطان لكن بدم شهدائها المصريين وأولهم القديس مارمرقص .. وأى أخطاء بتحصل مهما كبرت هى أخطاء فردية فى الآخر لأن فيه كتيير ناس كويسين وقديسين وخدام وأساقفة وكهنة بنفتخر بيهم ... وانا كنت كاتب فى الموضوع فى الأصل انى حزنت على اللى شوفته واتصدمت فى نفس الوقت لأنى كنت عاوز أشوف حاجة تانى.
وأخيرا ده وعد منى أنى مش هانتقد اى سلبيات تانى خالص تخص أى بنى آدم وده عشان أب اعترافى بيشد فى شعره مني :em0100:(وهو صديق شخصي ليا وبنتكلم مع بعض كتير، هو مش مجرد كاهن وبس بالنسبالى) ونبه عليا جامد آخر مرة انى ابطل نقد عشان ماقعش فى الإدانة .. والعالم كده كده ماليان شر وفى كل حته زى ماقلتى انتى .. وانا بالنسبالى انتقدت حاجات كتير كفاية كده بقى أخلى غيري يكمل بلاش انا :em4500:
ربنا معاكى

[aymonded]

احب بس انوه على شيء محدد : أن الإدانة شيء يختلف تماماً على الحكم على أعمال الظلمة التي ينبغي أن نوبخها لنبرئ أنفسنا أمام الله ، ونحن نكون مذنبين أن ذكرنا اسماء الناس المخطأين لأننا لا ننتقد تصرفات وحياة شخصية داخلية في القلب أو نحكم على خفايا القلوب أو نحدد من يستحق الحياة الأبدية أو لا يستحقها ، ولكننا نُدين الظلمة بكلمة الله التي تدين القلوب لأجل التوبة والوعي ، ونكتب بإنذار لعل الناس تستفيق لأن بسببها يُجدف على الاسم الحسن ، وكل أعمال الظلمة واضحة أمام العالم كله ولا تغيب عنه ، ومخالفة الوصية ظاهرة وعلى الأخص المحبة ، لأن الكثيرين تظهر مخالفتهم للوصية بوضوح الشمس أمام العالم كله وينبغي أن يتوبوا ويعودا لله الحي ، فنحن لا يهمنا الناس بل يهمنا الله الحي الذي سيدين المسكونة بالعدل ، وانا عن نفسي سأظل أنبه على الأخطاء والخطايا حسب أمر الرب مخلصنا لعل أحد يصغي ويسمع ويستيقظ وينتبه حتى يعود لله الحي ، عموما فقد كتبت منذراً باسم الرب وبروح إلهنا ومن يسمع ويصغي ويعود ويتوب فقد ربح نفسه ومن لم يصغي ولم يسمع فدمه على رأسه يُطلب منه وحده ، وكما هو مكتوب : [ ان كنت حكيماً فأنت حكيم لنفسك و ان استهزأت فأنت وحدك تتحمل ] (ام 9 : 12)

[emmmy]

لا تعليق يا استاذ ايمن
والايه الأخيره اللي كتبتها بإيدك تحسم الامر جت في الصواب حقيقي
سيظل الخلاف بينا حتي يكشف الله مقصاده

[aymonded]

لا يوجد خلاف بيننا يا محبوبة الله الحلوة ولن يوجد خلاف لأن كلمة الله تعلن مشيئة الله بوضح كشمس النهار لأن الروح القدس يبكت العالم على خطية وعلى بر وعلى دينوينة ، وإنذاره سيظل يُعلن لكل من يُريد أن يُصغي :
إذا قلت للشرير موتاً تموت وما أنذرته أنت ولا تكلمت إنذاراً للشرير من طريقه الرديئة لإحيائه فذلك الشرير يموت بإثمه أما دمه فمن يدك أطلبه (حز 3 : 18)
وأن أنذرت أنت الشرير ولم يرجع عن شره ولا عن طريقه الرديئة فأنه يموت بإثمه أما أنت فقد نجيت نفسك (حز 3 : 19)
وأن أنذرت أنت البار من أن يُخطئ البار وهو لم يخطئ فأنه حياة يحيا لأنه أُنذر وأنت تكون قد نجيت نفسك (حز 3 : 21)
وأنا أنذرتهم و شددت أذرعهم وهم يفكرون علي بالشر (هو 7 : 15)
ونطلب إليكم أيها الاخوة أنذروا الذين بلا ترتيب، شجعوا صغار النفوس، اسندوا الضعفاء، تأنوا على الجميع (1تس 5 : 14)

فنحن ننذر بالمحبة ونوبخ الظلمة بقوة كلمة الله لكي يستفيق الكل ويستيقظ لأن الرب قريب ، وكل من يتوب فقد ربح نفسه ومن لم يتب فقد خسر ذاته ، والرب قادر أن يجعل شعبه يستفيق ويرفع عصا التأديب ويعود فيرحمنا كلنا معاً ، فلنصغي لصوت الروح ويستيقظ النائم لأنه في آخر الأيام كما هو مكتوب :
لأني عارف أنكم بعد موتي تفسدون و تزيغون عن الطريق الذي أوصيتكم به و يصيبكم الشر في آخر الأيام لأنكم تعملون الشر أمام الرب حتى تغيظوه بأعمال أيديكم (تث 31 : 29)
عالمين هذا أولاً أنه سيأتي في آخر الأيام قوم مستهزئون سالكين بحسب شهوات أنفسهم (2بط 3 : 3)

ربنا يرحمنا كلنا معاً ، النعمة معك ومع الجميع آمين فآمين

[emmmy]

فنحن ننذر بالمحبة ونوبخ الظلمة بقوة كلمة الله لكي يستفيق الكل ويستيقظ لأن الرب قريب ،


بأى سلطان تتكلم وبأصفة تنذر وعلى اى اساس توبخ
لو الكلام دة كان من اصحاب السلاطين بحسب مشيئة اللة
ومن هم معهم مفتاتيح ملكوت السموات كان ممكن يكون الكلام
حق وصواب ويعطى النتيجة اللى كلنا بنتمناها
عزيزى واستاذى
تقدر تطرح هذة السلبيات والاخطاء والامور التى تتكلموا فيها بكل وضوح وكشوف على الشاشات وخوصا تاثير بعض الاباء والرعاة امام الاباء والاساقفة والمطارنة ؟؟
ولو حصل حصل تتوقع رد الفعل يكون اية ؟؟

[emmmy]

رسالتنا نحن كخدام لا تتعدى التعليم
والقدوة الحية امام مخدومينا واولادنا جوة الجدران
ومش علشان نصحح وصع نبوظ اوضاع تانية اكتر واكتر

[aymonded]

أحنا مش بنبوظ يا محبوبة الله الحلوة
بل نصحح أوضاع ونوبخ أعمال الظلمة لعل احد يستفيق
والكتاب المقدس حينما كشف أخطاء الأنبياء وحتى الرسل لم يبوظ بل كشف ووضح الظلمة من النور
النعمة تملأ ىقلبك سلام ومسرة آمين

[aymonded]

بأى سلطان تتكلم وبأي صفة تنذر وعلى اى اساس توبخ
[ وبأي سلطان نخدم ونعظ ونتكلم ]
من يضعف وأنا لا أضعف من يعثر وأنا لا ألتهب (2كو 11 : 29)
أننا نعظ ونتكلم ونخدم لأن الله رحمنا ونريد أن الكل يتذوق قوة حياة التوبة بالشركة الحية مع الله
فنحن نتقدم لإخوتنا الذين يعيشون حياة البعد عن الله في الخطية كما كنا نحن أيضاً مثلهم وربما أكثر منهم
وبسر التوبة العامل في قلوبنا وبسلطان المحبة نتكلم ونعظ وننبه وننذر، وهذا هو سلطان الخادم : سلطان المحبة وقوة التوبة
هذا هو السلطان الذي يجعلني أكتب كلمة الله ، لأني ذكرت سبب عدم التقوى على ضوء كلمة الله وليس فكري الخاص


يا محبوبة الله وجميع الذين يدخلون في الموضوع :
أولاً ليس معنى أن كاتب الموضوع ذكر بعضاً من السلبيات التي تحدث يقصد أن يفضح الكنيسة أو أن هذا هو الحال العام في الكنيسة لأن التعميم مستحيل ، ولكن هذه بعضاً من المواقف التي أعثرته هو شخصياً وهي بطبيعتها تُعثر الكثيرين ، وحينما تكلم هنا على صفحات المنتدى ، لأن من يرى هذه الموضوعات بعضاً من الذين يفعلون هذا عن دون دراية بمهابة الله ومخافته ، لعل الناس تدرك الخطية الخاطئة جداً فيتوبوا ، ونحن لا نتخذ موقف الدائنين لأننا أول الخاطئين ولكن من أجل محبتنا للكنيسة وغيرتنا على بيت الله ولهؤلاء نتكلم ، وانا كتبت شارحاً السر وراء هذا الانحراف عن طريق التقوى وهي عدم مخافة الله ، والأجدر بنا أن نرى هذه السلبيات بقلب يريد أن يُصلي من أجل هذا الانحراف الظاهر أمام الكل فهو ليس خفي عن الجميع ...

فنحن لسنا ضد بعضنا البعض ، ولسنا هنا لنحاكم الناس ونظهر أننا أبرار لأن كلنا خطاة وأثمة قد رحمنا الله من خطايانا ، وليس معنى اننا نتكلم عن ما هو محل عثرة ونكتب كلمة الله منذرين أصبح لنا سلطان الجالسين في مجالس الحكم نأمر وننهي ونتكلم بسلطان كهنوتي أو نتخذ مكان أحد الرتب الكنسية وندَّعي ما ليس لنا بكبرياء قلب وتعالي ، لأننا أول الخاطئين وخطيئتنا أمامنا كل حين ، وليس فينا من هو بقادر أن يفتخر بذاته لأننا كلنا ليس فينا ما هو حسن ، بل كل ما هو حسن من عند ابي الأنوار ، لأننا كلنا بلا استثناء : [ الخاطي الذي أحبه يسوع ] ...

ثانياً : لماذا نغضب حينما نذكر أي سلبيات كمعرفة لمدى التعدي على الله القدوس الحي وكأننا ندَّعي ونفضح الكنيسة ، وكأننا نقول أن الكنيسة معيبه وهذا هو اللبس في الكلام ، ولماذا نصمت وغيرنا يتكلم ويفضح ويكشف ، فالموضوع لن يكون السبب في أن يمسك علينا أحد السلبيات لأنها ممسوكة من زمان جداً ولا تحتاج لموضوع حتى تُمسك !!! لأن كل خطأ يصدر من مسيحي - سواء داخل الكنيسة أو خارجها - هو ملصوق حتماً بالله الحي وبسببه يُجدف على الاسم الحسن !!!
وهل حينما يوجد في أسرة ولد منحرف أو خاطئ ، هل هذا معناه أن الأسرة كلها خطأ ، وحينما تكون أخطاءة واضحة أمام الجميع أليس بسبب هذا سيُهان الأب والأم وكل الأسرة بسببه ، وكيف تُدارى خطيئته وعلى الأخص لو كانت واضحة أمام الجميع ، هل حينما يتكلم عنها أحد يفضح الأسرة أم أن الأعمال التي تصدر ببجاحة من هذا الشخص أمام الكل هي التي تدينه وتكشف أعماله ، وهل حينما يتكلم الناصحين لهذا الولد أصبحوا آباء له ومسئولين عنه ويكلمونه بسلطان القاضي أم هو سلطان المحبة والقلب المكسور لأجله ، لكي يستيقظ ويتوب ويعود يكرم والديه وأسرته بأعماله الحسنة !!!

يا أحبائي ، معظم المسيحيين اليوم لا يعيشوا مسيحيتهم بإخلاص المحبة لله ، فانظروا للمحاكم والخصومات بين المسيحيين وبعضهم البعض والمحاكم مكتظة بهم ، أنظروا للطمع والأعمال الشريرة التي تصدر من الكثيرين (وليس الكل) ، أنظروا الخلافات بين بعض الخدام وبعضهم البعض وكل واحد في خدمة يعلم ما فيها ، أنظروا الانحرافات في بعضاً من الأسر المسيحية ، فهل هؤلاء غير مكشوفين أمام العالم كله ، أليس من يدخل إلى الكنيسة بشر وممكن ان يخطأوا ، هل هذا معناه أن الكنيسة أصبحت خاطئة ولنا أن لا نتكلم لأن هذا يمسها !!! وهل الكنيسة تُمَس بخطايا الناس ، أن الكنيسة تقدس بقوة الله والناس لا تريد القداسة لأنهم أحبوا الظلمة أكثر من النور !!!! بل بجاسرة تعدوا على بيت الصلاة وأهانوا الاسم الحسن لذلك قلوبنا تتوجع لأجلهم كثيراً جداً ، ولا نُريد أن يقضوا باقي زمانهم في العصيان والبُعد عن الله الحي ، هذا البُعد القاسي والقاتل للنفسْ !!!

ثالثاً : نحن لا نتكلم عن الكنيسة جسد المسيح ، الكنيسة المقدسة الجامعة الرسولية ، بل نتكلم عن أُناس شكلهم في الكنيسة ولكنهم ليسوا فيها قلباً وقالباً ، أي لهم صورة التقوى وينكرون قوتها بأعمالهم ، وهم لا يدركون مسيحيتهم وأهانوا الاسم الحسن ، ونحن لسنا سوى طالبين أن يستفيقوا ويعودا لله الحي ، لأن التوبة هي هدفنا كلنا ، ونحن لا نتكلم على أساس أننا الأفضل بل لأنهم إخوتنا ولا نريد أن يأتوا على أنفسهم بغضب الله المعلن على جميع فجور الناس وإثمهم ، بل نريد لهم الخير كما أن الله وهبنا كل خير ، ولو كنا لا نحب الكنيسة ولا نحبهم كإخوة وأخوات وأبناء وآباء لنا ، لقُولنا ليس لنا دخل والذي يهلك فليهلك والذي يعيش فليعيش والمهم نحن فقط ، وهذا هو ضد المحبة وضد خدمتنا ، لأن واجبنا أن نجلس تحت الأقدام ونغسلها طالبين من الله أن يرحم الكل كما رحمنا بنعمته وغفر خطايانا الكثيرة جداً ... النعمة معكم

[magdy totti]

مانقدرش نقول ان مافيش فايدة ونقفل بقنا وماناقش .. شوف حضرتك اى موضوع بيتحط عالمنتدى مهما كان صغير هاتلاقى ان عدد المشاهدات اكتر بكتيييييير من عدد الردود .. أنا أقصد بكده ان ناس كتييير بتشوف المواضيع وبالذات الشباب ... يبقى ليه مانوبخش افعالهم الغلط، مايمكن يبطلوا والحكاية تقل من كتر الكلام عليها .. أصل محدش من اللى بيغلطوا هايخش يكتب رد ويقول سورى يا جماعة انا كنت غلطان ودلوقتى انا اتنورت بكلامكم ّ!!
وزى ماقلت يكفيني ان واحد بس ينتبه بعد لما يشوف انه كان بيعمل حاجة من السلبيات اللى ذكرتها ديه .. حتى نقطة الشحاتة اللى اتكلمت عليها، المفروض مانديش ولا مليم للى بيشحتوا جوه أى كنيسة عشان كده احنا بنشجعهم، وحتى اللى بيشتغل منهم احنا بنشجعه على انه يسيب شغله ويجي يشحت عشان حاجة أسهل ومكسبها أكتر .. بس فى نفس الوقت ندى أكتر لصناديق إخوة الرب ونقدم مش بس مساعدات مادية لكن مجهود وكل اللى نقدر نعمله.
بس لازم نخلى بالنا إن بين النقد والتوبيخ وبين الإدانة شعره واحدة!
متشكر لردك الجميل ونورت الموضوع.


انا مش ضد موضعك بل با العكس انا متفق جدا معاك
والدليل ان كتبت مثل هذه المواضيع ولكن دون اى فايده ده من وجهه نظرى
وكل ما اقصده انك ستقف امامك عقابات كثيرا فى النقاش والحوار
بس وربنا معاك ومعانا ويغير من اولاده

[magdy totti]

ده من ضمن الفساد اللى موجود فى الكنيسة
ولازم يتغير

[رويس]

ده من ضمن الفساد اللى موجود فى الكنيسة
ولازم يتغير


أظن ان اللفظ قاسي يا استاذ مجدي انه يتقال الفساد اللي موجود في الكنيسة ولازم يتغير
أن كنا احنا بنتكلم عن سلبيات بعض الاشخاص فدة مش معناه اني اقول كلمة فساد اللي جوا الكنيسة
الشخصيات وأخطائها شئ والكنيسة ككيان وكأسم شئ اخر

[Dr.PeRO]

انا مش ضد موضعك بل با العكس انا متفق جدا معاك

والدليل ان كتبت مثل هذه المواضيع ولكن دون اى فايده ده من وجهه نظرى
وكل ما اقصده انك ستقف امامك عقابات كثيرا فى النقاش والحوار

بس وربنا معاك ومعانا ويغير من اولاده

انا عارف ان حضرتك قدمت كذا موضوع ضد السلبيات ديه، وده انت مشكور عليه كتييير وأكيد صدقنى ناس استفادت منه، بس موضوعى انا قابلت فيه عقبات كتيير زى ما انت قولت عشان كان بيمس الكاتدرائية، والناس مش قادرة تستوعب ان ده نقد موجه للجزء السلبي والمظلم بالكاتدرائية وليس معناه ان كل الكاتدرائية وحشة!!
ربنا معاك ومتشكر لمشاركاتك الإيجابية.

[aymonded]

هناك ملحوظة مهمة جداً وللغاية بسبب اللبس الحادث عند البعض
كما أرجو أن نتخطى الألفاظ الغير مقصوده بالطبع مع التركيز على روح الموضوع العام
على ضوء كلمة الله وروح التوبة ، لأن الهدف أننا نفحص أنفسنا ونرسل دعوة توبة لكل من يستهين بحضرة الله
أولاً : الخطايا والأخطاء في المجتمع الكنسي لا علاقة لها بطبيعة الكنيسة والكنيسة لا تفسد إطلاقاً لأنها جسد المسيح وأعضاؤه ، وكل من يُخطأ عن قصد وتعدي فهو الزوان الساكن وسط الحنطة وليس الكنيسة بالطبع ...

ثانياً : أن كل ما هو مضاد لمشيئة الله ، لا يمت بصلة لطبيعة الكنيسة ، والمخطئون يُمكن أن يظلوا أعضاء الكنيسة إن لم يتمسكوا بأخطائهم وخطاياهم ، ولكن غير التائبين من هؤلاء ، يظلوا خارج الكنيسة حتى لو كانوا فيها يحملون مظهرها وينخرطون في الخدمة (باي شكل فيها) ولهم صورة التقوى ، فلنحذر جداً ولنتب ونحيا لله بكل إخلاص القلب ونفحص أنفسنا هل نحن في الإيمان أم أننا نحيا في عدم تقوى !!! ...

ثالثاً : يا أحبائي ليس معنى أننا نُنذر الذين يخطأون يعني أننا نُدين أحد ، أو نقول أن الكنيسة ملوثة بالأخطاء حاشا ، بل هناك اُناس لا يتقون الله ولا يوقرون الله ويدخلون بيته بالمخافة والمهابة لأن خوف الله لا يسكن قلوبهم ، لذلك نكتب ونُنذر أن يستفيقوا - بسبب محبتنا لهم - لئلا يعبر عليهم زمان التوبة فيخسروا أنفسهم ، لأنهم أحباء الرب الذي يناديهم ليخلصوا ويحيوا له بصدق القلب ومحبة كاملة ...

رابعاً : يا أحبائي دعوتنا اليوم أن لا نجلب على أنفسنا غضب الله [ لأن غضب الله معلن من السماء على جميع فجور الناس وإثمهم الذين يحجزون الحق بالإثم ] (رو 1 : 18) ، بل نغسل أنفسنا بالتوبة الدائمة كل يوم في الصباح والمساء بصلوات لا تنقطع وبالاعتراف الحسن والدائم أمام مخلصنا الصالح القدوس ونؤكد هويتنا والتصاقنا بالكنيسة بالمداومة على الليتوروجيا والصلوات الكنسية بكل تقوى حافظين الإيمان والمحبة ... النعمة معكم

[magdy totti]

أظن ان اللفظ قاسي يا استاذ مجدي انه يتقال الفساد اللي موجود في الكنيسة ولازم يتغير

أن كنا احنا بنتكلم عن سلبيات بعض الاشخاص فدة مش معناه اني اقول كلمة فساد اللي جوا الكنيسة
الشخصيات وأخطائها شئ والكنيسة ككيان وكأسم شئ اخر


شكرا ستا ذ رويس ع التوضيح
وفعلنا انا لااقصد الكنيسة بكيانها وانى اعرف انها عروس المسيح
ولكن اقصد الاشخاص اللذين داحل الكنيسة
وكلامى كان لهذا السبب وليس لغير
ولكن لا اجد اى عبارات او كلام غير ذلك وانا مقتنع جدا بكلامى

[emmmy]

لأننا أول الخاطئين وخطيئتنا أمامنا كل حين ، وليس فينا من هو بقادر أن يفتخر بذاته لأننا كلنا ليس فينا ما هو حسن ، بل كل ما هو حسن من عند ابي الأنوار ، لأننا كلنا [ الخاطي الذي أحبه يسوع ] ...

[ماري جمال جرجس]

بصراحة ياريت كفاية سلبيات بناتنا واللبس الي بيتلبس وعلي قد كدة بيبقو لبسين صلبان يعني بيقولو احنا ولاد المسيح بس ازاي بلبسنا دة كفاية دة ميبقاش بالشحاتة كمان

[ماري جمال جرجس]

انت لية زعلت من تعليقي انا عارفة انهم بيبقو لبسين الصليب علشان يقولو احنا ولاد السيح بس مينفعش انهم يكونو لبسيت صلبان ولبسين فنفس الوقت لبس مش كويس قصير وديق ولا كلامي دة فية غلط فانا بقول لازم يكون في رقابة هو دة فية غلط