المعااااكسة !! نااااقشونى [الأرشيف]

elshbah

03-28-2011, 06:17 AM

السلام لكم

الموضوع الي هكلمكم فيه مهم جدا
و اصبح ظاهرة منتشرة بطريقة كبيرة جداََ

المعاكســـــــــه

شوية اسأله كدا عاوزكم تجوبوني عليها كلها سواء شباب او بنات

ليه الشباب بيعاكسو البنات ؟

هل مين السبب الشباب ولا البنات ؟

هل البنت بتحب تتعاكس ؟

ما هو احساس الشاب لما يجي يعاكس البنت ؟

ما هو احساس البنت لما تتعاكس ؟

السؤال دا للبنات هل انتي اتعاكستي قبل كدا و اية رد فعلك لو اتعاكستي ؟

السؤال دا للشباب هل انت عاكست قبل كدا ( و قولت ايه ) ؟

و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟

على فكرة الموضوع مهم جداا
دا احد قضايا الشباب المهمة
ولازم اعرف رأي كل عض

Dr.PeRO

03-28-2011, 04:30 PM

أولاً: طبعاً بحييك هلى موضوعك الجميل، مع إنى أعتقد اننا اتكلمنا فى قبل كده بس ده مايمنعش اننا نتكلم فيه تنانى وتالت وعاشر طالما لسه الظاهرة موجودة ومختفتش، ويسعدنى انى اكون اول واحد يرد فى موضوعك

ليه الشباب بيعاكسو البنات ؟
عشان أسباب كتير، أولها: أهمها انه مش شايف إن ديه خطية وماعندوش خوف من ربنا فى اللحظة ديه ومش لازم أعمم، لأنه ممكن تكون لحظة إندفاع وبعديها ندم وقرر مايعملهاش تانى، ناس كتيير كده. ثانيها: انه حاسس بفراغ داخلى لأن مافيش الى مالي عليه حياته (وانا أقصد حب سماوى وأرضى معاً) .. ثالثاً: ناس كتير بتعاكس البنات اللى مظهرها ملفت للنظر، يعنى لبسها ملفت، او هى جميلة وبتبين جمالها ده اكتر فاصبحت محط أنظار الشارع، فاكده هى مش بس هاتتعاكس مرة، هى هتتعاكس تقريبا فى كل شارع، لأن مافيش أكتر من المتسولين والصيع (وانا آسف من اللفظ)
هل مين السبب الشباب ولا البنات ؟
لو البنت محترمة فى مظهرها وفى مشيتها وواتعاكست يبقى الغلط راكب الولد من ساسه لراسه، لكن لو العكس يبقى هما الإتنين السبب.
مع إن الصح مسيحياً إن مهما الشاب المسيحي شاف، المفروض انه يحط لسانه جوه بقه وعينه يعدلها ومايلوحش رقبته (عشان ماتتكسرش)، أصله لازم يحافظ على كرامته ومنظره، هو مش كلب عشان لما يشوف (أنثى) يبسبس فى الشارع!!!
هل البنت بتحب تتعاكس ؟
فيه وفيه ومحدش يقدر يدى أى نسبة، البنت ممكن تقولك انها زهقت من المعاكسات بس من جواها بتفرح انها قدرت تلفت اهتمام ونظر الشارع .. محدش يعرف النسبة كام لكام أبداً
ما هو احساس الشاب لما يجي يعاكس البنت ؟
الحقيقة معرفش، بس هو اكيد يا بيتسلى يا بيجرب يشوف يمكن تقفله او تبتسمله، فراااااااااااااغ
السؤال دا للشباب هل انت عاكست قبل كدا ( و قولت ايه ) ؟
لأ معاكستش قبل كده بس كنت ماشى فى مرة مع واحد جارنا من كام سنة، هو طيب وانسان كويس بس لسانه سابق تفكيره، فكانت فيه كام بنت شايفه نفسها زيادة ولبسها لا يليق فعاكسها فى السريع بس كلام مش مدح كلام تهزيق، وبكلام يجرح يعنى، بس طلبت منه كذا مرة نمشى باحترامنا احسن، وهو سمع الكلام بس خد فترة عقبال ما بطل. وهو دلوقتى بقى أليف ومش بيهوهو على أي بنت الحمدلله.
عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
في رأيي هو إظهار مشاعر مكبوته، يعنى اذا كان هو بيعمل كده فى الشارع وقصاد الناس وعادي، أمال لو هو براحته ومافيش رقيب عليه هايعمل ايه بقى؟!
لازم نتوقع اي سلوك خارج اذا ماحتفطناش بالمسيح فى قلوبنا لأن روحه القدس هى اللى هتبكتنا وتحذرنا وتنشط ضميرنا قبل وحتى بعد اى خطية أياً كانت

وشكراا ليك يا شبح على موضوع وأسئلتك الجميلة
وأتمنى ان كله يجاوب على الأسئلة بصراحة شديدة ومن غير كدب

elshbah

03-28-2011, 04:45 PM

السؤال دا للشباب هل انت عاكست قبل كدا ( و قولت ايه ) ؟
لأ معاكستش قبل كده بس كنت ماشى فى مرة مع واحد جارنا من كام سنة، هو طيب وانسان كويس بس لسانه سابق تفكيره، فكانت فيه كام بنت شايفه نفسها زيادة ولبسها لا يليق فعاكسها فى السريع بس كلام مش مدح كلام تهزيق، وبكلام يجرح يعنى، بس طلبت منه كذا مرة نمشى باحترامنا احسن، وهو سمع الكلام بس خد فترة عقبال ما بطل. وهو دلوقتى بقى أليف ومش بيهوهو على أي بنت الحمدلله.

هههههههه الله عليك يا دكتور .بيتر بجد عجبتنى جداا طريقة كلامك فى اجابتك بجد انا سعيد جدا بئن حضرتك من اول لمس الموضوع بالقلم السحرى
وعجبنى كمان اكتر واكتر السؤال دة والاجابة بتاعتو تعيش ايديك يادكتور وربنا يخليك لينا

واتمنى من الجميع الاجابة بصراحة وتلقائية بدون تزويق للكلام زى مايطلع اكتب

فيولا توتا

03-28-2011, 05:26 PM

انا عايز اقولك مبقتش معاكسه ده بقى تحرش

emmmy

03-28-2011, 05:30 PM

وهو دلوقتى بقى أليف ومش بيهوهو على أي بنت الحمدلله.

ههههههههههههههههههههههههه
هههههههههههه
لا تعليق

emmmy

03-28-2011, 05:38 PM

شوية اسأله كدا عاوزكم تجوبوني عليها كلها سواء شباب او بنات
حاااضر بس كدة
ليه الشباب بيعاكسو البنات ؟
قلة ادب

هل مين السبب الشباب ولا البنات ؟

مش دايما ممكن يكونوا هما الاتنين وممكن يكون السبب فى طرف واحد منهم

هل البنت بتحب تتعاكس ؟
على حسب شخصيتها لو عندها ثقة فى نفسها واحترام لنفسها مش هتفرح طبعا بالمعاكسة لكن لو العكس هتفرح من جواها برغم انها هتحاول تبن العكس لانها بتحس ان المعاكسة دى لفت نظر من الشباب بيشبع كبريائها واحساسها بالنقص لاى سبب

ما هو احساس الشاب لما يجي يعاكس البنت ؟
بيستلى وبيشبع فراغ جواة وبيثب رجولتة لنفسة

ما هو احساس البنت لما تتعاكس ؟
جاوبنا على السؤال دة على حسب شخصيتها

السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
مفيش بنت مش بتتعاكس ابدا دول بيبقوا ماشين فى الشارع لابسي عو ومع ذلك بيتعاكسوا
انا لو اتعاكست بعتبرة بيهوهو زى ما قال بيتر بالظبط ومش بلتفتلة خالص نهائى لكن لو المعكاسة وصلت للتلامس فى اتوبيس مثلا ولا حاجة زى كدة بهزئة وامسح بية الارض كمان
السؤال دا للشباب هل انت عاكست قبل كدا ( و قولت ايه ) ؟
جابوا يا شباب بقى لو عندكم الجراة

و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
اجابتى نفس اجابة بيتر فعلا مشاعر مكبوتة وبيفجرها الشباب
بيحسوا انهم بدون رقابة وانهم بيثبتوا رجولتهم كمان

اى خدمة يا شبح

Dr.PeRO

03-28-2011, 06:12 PM

هههههههه الله عليك يا دكتور .بيتر بجد عجبتنى جداا طريقة كلامك فى اجابتك بجد انا سعيد جدا بئن حضرتك من اول لمس الموضوع بالقلم السحرى
وعجبنى كمان اكتر واكتر السؤال دة والاجابة بتاعتو تعيش ايديك يادكتور وربنا يخليك لينا

واتمنى من الجميع الاجابة بصراحة وتلقائية بدون تزويق للكلام زى مايطلع اكتب

انا اللى متشكر لردك الرقيق وذوقك يا فندم، وبحيك على موضوعاتك الشبابية الهامة
تعيش وتكتب، وربنا يبارك حياتك

وهو دلوقتى بقى أليف ومش بيهوهو على أي بنت الحمدلله.

ههههههههههههههههههههههههه
هههههههههههه
لا تعليق

:em0100: معلش مهو ده أقرب تشبيه للمعاكسات!!

elshbah

03-28-2011, 08:06 PM

هههههههههههههه ايمى كلامها كلة فى طريقة غريبة انا حسس كدا ان هيا ديما متسرعة وعصبية بس على فكرة انا بحب اتكلم جداااااااااا مع ايمى ومناقشتها بصراحة بحبها جدااا كلامك مظبوط يا ايمى وانا احييكى وميرسى بجد ليكى بهتمامك بالموضوع وردك الصريح والمباشر

وبشكر الدكتور بيتر لردو الجميل ربنا يعوضك يارب

Dr.PeRO

03-28-2011, 08:32 PM

ياريت يا نادر تجاوب انت برضه على الأسئلة حتى لو فى الآخر خالص، اكيد طالما انت طرحت الموضوع يبقى ليك نظرة بخصوصه أو وجهة نظر تانية
ولا ايه رأيك ؟؟؟

elshbah

03-28-2011, 08:44 PM

تمام يا باشا انا لازم طبعا ارد بس اما اعرف رئيكو كلكو وانا فى الاخر هرد علشان انا ديما بيبقا لية رائ مختلف حبتين فبحب اشوف جميع الاراء

وشكرا للملحوظة ياباشا

ريم الخوري

03-29-2011, 12:44 AM

المعاكســـــــــه

شوية اسأله كدا عاوزكم تجوبوني عليها كلها سواء شباب او بنات

ليه الشباب بيعاكسو البنات ؟
على شان هو مترباش على انة يحترم ذاتة اولا........وكمان على شان حالة الضياع الروحي الداخلي اللى يترجم لمجموعة تصرافات غير صحيحة منها المعاكسيه وووووو على شان هوصورة سلبية تعكس اهمال الاهل والبيئة المحيطة بيه بردة لانة لو كل دول كويسين كان عرف كشخص ان يحترم الاخرين على انهم صورة الله ويتصرف بما يليق كابناء نور وكمان زي ما تحافظ على اختك ومتتعاكش كمن حقك تحافظ على الاخرين لن كما تحب ان تعامل عامل والا ايهههههههههههه

هل مين السبب الشباب ولا البنات ؟
ميش حنقول التنين لان بالاغلب هما ضحية نمط تربية سلبي اوجد اثر سلبي على المجتمع وهو تصرفات بعيده عن ابناء المسيح لذلك بالاغلب الاهل والمجتمع بالدرجة الاولي ......... وبعدين هما لانهم ضحية الموثرات التي تثير الحواس (تيفي نت صور وووو وكل دي اثرت سلبا على نمط تفكير الشباب والشابات)وتحت هل عنوان يندرج كمان اللباس التصرف النطر وكيف ينظر الانسان لاخر.........دي بحد ذاتها سبب قوي للمعاكسة وووووووووووو
اعتقد ان الفتاة القوية واثقة ومحترمة نفسها بالباس وووو من يجروا على المعاكسة او حتي لو جري احد فانة تحجمة بما يليق من تصرف .............

هل البنت بتحب تتعاكس ؟
ميش رح ننكر ان المراة بشكل عام تحب ان يبدي الاخرين اهتمام بها بس اكيد الاهتمام غير المعاكسة اعتقد ان المعاكسة تصرف غير لائق ابدا للتعبير عن الاهتمام ..........

ما هو احساس الشاب لما يجي يعاكس البنت ؟
اعتقد يعني ............. بيحس انة انجاز عظيم بس هو بالحقيقة تعبير عن فلسسسسسسسس دخلي وفراغ ومشاكل نفسية عميقه ............تظهر على شكل تصرفات غير مسؤولة ابدا .

ما هو احساس البنت لما تتعاكس ؟
حسب لو هي بنت ناس ومتربية مسحيا وماشية بحالها حتزعل وممكن تلجا لبعض الامور الردعية على حسب كيف بتقدر .........ولو هي بقي بتعمل تصرفات للتعاكس اكيد بتفرح يعني بالنهاية على حسب الشخصية ...............وكيف هي

السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
كل البنات بتتعاكس اي نعمممممممممممم بس المفيد بقي اوي طناششششششششششششش ازي في حد ولا كاننننننننننننننننننن موجود

السؤال دا للشباب هل انت عاكست قبل كدا ( و قولت ايه ) ؟

و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
المعاكسة هي تصرف غير لائق خاصة از كان يصاحبها فقدان قيمة لانسان نفسة يعني لو انسان يحترم ذاتة اعتقدي يعرف كيف يحترم الاخرين وكيف يبدي اهتمام واعي بدون ان ياذي الاخرين دا لو كان المعاكسة بقصد الاهتمام يعني

على فكرة الموضوع مهم جداا
دا احد قضايا الشباب المهمة
ولازم اعرف رأي كل عضو

مرسي شبح للموضوع ربنا يباركك

elshbah

03-29-2011, 12:50 AM

ميرسى اووى ريم على اجابتك الصريحة والجميلة واستفدت منها كتير ربنا يعوضك
بشكرك جزيل الشكر

يارب قف بجانبى

03-29-2011, 12:54 AM

ليه الشباب بيعاكسو البنات ؟ صفة فيهم

هل مين السبب الشباب ولا البنات ؟ البنات من لبسهم الدبق و المولفت للنظر

هل البنت بتحب تتعاكس ؟ انا عنفس لا خالص ولمة بتعاكس بتنرفز جامد بس فى بنات كتير اة

ما هو احساس الشاب لما يجي يعاكس البنت ؟ واد فلنتينو

ما هو احساس البنت لما تتعاكس ؟ فى حد عيزها و مطلوبة فى السوق

السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
اكيد اة و رد فعلى بتنرفز و بمشى بسرعة جدا من قدام الشاب
و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟ قلة ادب
ميرسى كتير يا شبح على الموضوع الجميل اوى دة ربنا معاك

elshbah

03-29-2011, 01:21 AM

ليه الشباب بيعاكسو البنات ؟
لان البنات هما اللى بيخليهم يعاكسوهم باللى بيعملوة فى نفسهم
هل مين السبب الشباب ولا البنات ؟
البنات هى السبب
هل البنت بتحب تتعاكس ؟
البنت بتحب تتعاكس عشان تحس بجمالها وغرورها وكيانها
ما هو احساس الشاب لما يجي يعاكس البنت ؟
بيحس انة شايف قدامة واحدة جميلة وبيبقى عندة امل انها تضحكلو او تكلمة
ما هو احساس البنت لما تتعاكس ؟
البنت بتبقى فى اسعد لحظات حياتها لما تتعاكس لانها بتنزل تحط ميكب وتلبس اشيك لبس عندها عشان الناس تعاكسها
السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
رد فعلى لاقيما هنزل الشبشب على دماغة او امشى وما ارودش علية او اشبك فى ايدة ونشد على كوبرى الساحل هههههههههه هى دى البنات
السؤال دا للشباب هل انت عاكست قبل كدا ( و قولت ايه ) ؟
انا عاكست قبل كدة وقولت كلام كتير يعنى مثلا قولت هاى ازيك معبرتنيش فاقولتلها انا مش بعاكس انا عاوز اقولك كلمتين مش اكتر ممكن نقول منهم كلمة هنا اوكى وممكن نروح نقول الكلمة التانية فى اى كافية عشان كلمة بقى طويلة وحروفها كتير فاهتاخد وقت قالتلى سورى مينفعش فاقولتلها طيب خلاص ممكن نعكس ممكن نقول الكلمة الطويلة هنا ونروح نقول الكلمة القصيرة فى الكافية اهو تروحى بدرى ههههههههههههههههههههههههه ه
و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
المعاكسة شى كويس للشباب لانهم ممكن كتير منهم يوصل بالمعاكسة للى بيحبهم وفى شباب واخدة المعاكسة هواية من وجهة نظرى

اى خدمة يا دكتور بيتر

elshbah

03-29-2011, 01:22 AM

ميرسى ليكى يارب قف بجانبى على ردك الجميل بس حولى متتنرفزيش اقلعى اللى فى رجلك وعلى دماغو على طول ههههههههههههه

ميرسى لمرورك واجابتك الجميلة
ربنا يبركك

فرح®

03-29-2011, 11:46 AM

استنادا الى أقوالك يا شبح ممكن أقول :

ليه الشباب بيعاكسو البنات ؟
لان البنات هما اللى بيخليهم يعاكسوهم باللى بيعملوة فى نفسهم
لاء ..كلامك موش موضوعي وأنا كنت بقول اننا حزب الجنس اللطيف هنضمك كعضو للجنة الدفاع عن حقوق بنات المنتدى
اسمع .. في بعض بنات يلبسوا بطريقة مش محتشمة للآسف ...
أنا بنت لما بشوفهم اخجل و بنظر اليهن باندهاااش فكيف الشاب ؟؟!!!
لكن يوجد فئة من الشباب غير محترمة نفسهااا تعاكس البنات حتى اذا كانت بنت مرتدية نقاب
بتوقع المشكلة عند الشباب ..
دائما لازم يسال الشاب نفسه سؤال بسيط وعلى اساسه يتصرف : انتا تسمح ان شاب يعاكس اختك ؟؟؟!!!

هل مين السبب الشباب ولا البنات ؟
البنات هى السبب
يا أخي البنات اللي ضحية موش العكس...اكيد الشباب

هل البنت بتحب تتعاكس ؟
البنت بتحب تتعاكس عشان تحس بجمالها وغرورها وكيانها
حسب البنت و حسب المعاكسة / بالسوري نقول التلطيشة /
المعاكسة مثلا تطلعي على قبري ... يا ارض احفظي ما عليكي
و غيرها ...معاكسات ظريفة ..عاااااااااادي يعني
أما اذا كانت المعاكسة الفاظ تسيء للبنت و حيائهااا فاكيد أكيد لاء لاء
البنات أنواع شخصياتهم مختلفة منهن الجديات ...المرحات ...و منهن لا تعليق
و كل منهن له وجهة نظر تجاه المعاكسة وحسب الموقف

ما هو احساس الشاب لما يجي يعاكس البنت ؟
بيحس انة شايف قدامة واحدة جميلة وبيبقى عندة امل انها تضحكلو او تكلمة
يشبع الفراغ العاطفي أوحاجته الجنسية

ما هو احساس البنت لما تتعاكس ؟
البنت بتبقى فى اسعد لحظات حياتها لما تتعاكس لانها بتنزل تحط ميكب وتلبس اشيك لبس عندها عشان الناس تعاكسها
حسب الموقف و المعاكسة

السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
نعم ....بصراحة كانت المعاكسةمهضومة ...انا انسانة كتير جدية ..مرة كنت ماشية في الشارع و كتير متضايقةوحزينة ,واذ بشاب يقول : عظم الله أجركم ... بصراحة امامه طنشت الموقف... بعد شارعين تذكرت الموقف ابتسمت ..
ردة فعلي حسب الموقف و المعاكسة

السؤال دا للشباب هل انت عاكست قبل كدا ( و قولت ايه ) ؟
ناطرة اعرف جوااب اخوتنا في المنتدى
و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
المعاكسة شى كويس للشباب لانهم ممكن كتير منهم يوصل بالمعاكسة للى بيحبهم وفى شباب واخدة المعاكسة هواية من وجهة نظرى

المعاكسة انتهاك لحياء انسانة ...قلة أدب ... مشكلة نفسية عند الشباب لازم تتعالج هههههههههه

موضوع هااام يناقش مشكلة هامة تواجهها الجنس اللطيف ...
ميرسي كتير لحضرتك على طرح الموضوع ..ربنا يباركك

TITO_BEST

03-29-2011, 12:07 PM

ليه الشباب بيعاكسو البنات ؟
موهبة من قديم الازل :p وكمان لبسهم بقي غير محتمل
هل مين السبب الشباب ولا البنات ؟
اممممممم البنات لان لو البنت كانت مؤدبة فى لبسها محدش هيقربلها
هل البنت بتحب تتعاكس ؟
مش كلهم بس كتير منهم ودة بيبقي نوع من ارضاء النفس او بيديلهم ثقة
ما هو احساس الشاب لما يجي يعاكس البنت ؟
بيقدر الجمال بتاع ربنا :)
ما هو احساس البنت لما تتعاكس ؟
انها ملكة جمال ماشية على الارض
السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
لا ياخويا محدش معبرنى هما الولاد اتعموا ولا اية :)
السؤال دا للشباب هل انت عاكست قبل كدا ( و قولت ايه ) ؟
انا اممممممممم بلاش احراج بقي احسن نضرب
و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
حاجة متلقش باولاد ربنا

ميرسي بجد ليك يانادر على المناقشة الجميلة

وربنا يسترررررر من الحكومة

elshbah

03-29-2011, 04:35 PM

ليه الشباب بيعاكسو البنات ؟
لان البنات هما اللى بيخليهم يعاكسوهم باللى بيعملوة فى نفسهم
لاء ..كلامك موش موضوعي وأنا كنت بقول اننا حزب الجنس اللطيف هنضمك كعضو للجنة الدفاع عن حقوق بنات المنتدى
اسمع .. في بعض بنات يلبسوا بطريقة مش محتشمة للآسف ...
أنا بنت لما بشوفهم اخجل و بنظر اليهن باندهاااش فكيف الشاب ؟؟!!!
لكن يوجد فئة من الشباب غير محترمة نفسهااا تعاكس البنات حتى اذا كانت بنت مرتدية نقاب
بتوقع المشكلة عند الشباب ..
دائما لازم يسال الشاب نفسه سؤال بسيط وعلى اساسه يتصرف : انتا تسمح ان شاب يعاكس اختك ؟؟؟!!!

هههههههههه كدا يافرح انا بقا مش متفق معاكى فى الاجابة دى بس هنعمل اللجنة بردو وانتى هتكونى مشرفة ههههههههه
نورتى الموضوع بس اجابتك فيها مجدلة كتيرر ومايلة للبنات كتيررر اوى شكرا ليكى فرح

elshbah

03-29-2011, 04:37 PM

السؤال دا للشباب هل انت عاكست قبل كدا ( و قولت ايه ) ؟
انا اممممممممم بلاش احراج بقي احسن نضرب

ههههههههه خايف لتضرب يا تيتو وانا اللى فكرك هههههههههههههه
ميرسى يا تيتو ياقمر نورت الموضوع

رفقة شحات

03-29-2011, 04:39 PM

ليه الشباب بيعاكسو البنات
الشباب بيعاكسوا البنات لان فى معظم البنات بقى لابسها غير لائق ولا بدينا وبمسيحنا ولا حتى بالمجتمع اللى احنا عايشين فيه بقت معظم البنات بتلبس على الموضه وتتفرج على حاجه فى التيلفزيون تيجى تقلدها دا بقى اللى محيرنى انتى بتقلدى حاجه مش لايقه عليكى ليه بلاش هيافه بقى وتفاها واهتمى بجوهرك وبحياتك مع ربنا مش بللبس والميك اب اللى محسسانى انك حاطه تلات جرادل بويا فى وشك (سورى يعنى ) وفيه واحده اعرفها لبسها ميلقش انها بنت كنيسه وازاى هى بتروح بيت ربنا بيه لدرجه انى بقرف لما اشوفها لابسه لبس ملفت اوى فى الكنيسه دا من ناحيه البنات..
اما بقى من ناحيه الشباب: هما دا بيبقى نقص فى شخصيتهم ومش بيراعوا مشاعر حد خالص وبيبقى فى داخله فتور روحى وجسدى واحساس بعدم القبول من الاخرين خاصه من الجنس الاخر عشان كدا هو بيعاكس اى واحده تمشى قدامه وممكن توصل لاى شئ وبيبقى مش فارق معاه البنت حلوة ولا مش حلوة لبسه ضيق ولا محتشم هو هيعاكس وخلاص
وبرضه بيبقى نقص فى التربيه المنزليه وعدم اهتمام الاب والام بيه ومعرفته بما هو صح وغلط وعدم مناقشته فى اى من الامور مثل ذلك لان المفروض الاب خاصه يفهموا ان البنت اللى ماشيه مهما كان منظرها ايه دى زى اختك قريبتك ويساله انت ترضى ان حد يعاكس اختك فى الشارع وبرضه يفهمه ويوعيه مسيحيا
بصراحه احيانا بتبقى البنات هى السبب فى قله احترامهم لنفسهم وبرضه الولاد بسبب عدم الثقه فى نفسهم وبعتره شخصيتهم فى الارض زى التراب اللى بندوس عليه
هل البنت بتحب تتعاكس ؟
بصراحه دا على حسب شخصيه البنت وعلى حسب التربيه اللى فى البيت واحترامها لنفسها
يعنى لو هى عندها ثقه فى نفسها ومتربيه يبقى المعاكسه بالنسبه لها جرح فى مشاعرها وكرامتها
وفى بنات بتحب المعاكسه زى عنيها لازم تعمل اى حاجه تبقى ملفته فى الانتباه وخاصه ضحكتها بتبقى اكتر حاجه ملفته
ما هو احساس الشاب لما يجي يعاكس البنت
بيحسس نفسه انه كدا بقى راجل وزينه الشباب وبيشبع النقص اللى جواه والكبرياء وبيبقى مبسوط لان الشيطان اللى ممشيه بيبقى فرحان اوى بيه
ما هو احساس البنت لما تتعاكس
فى بنات بتحب المعاكسه زى ماقلت قبل كدا وبنات بتحس ان دا اهانه ليها
السؤال دا للبنات هل انتي اتعاكستي قبل كدا و اية رد فعلك لو اتعاكستي
مفيش بنت مش بتتعاكس الايام دى مهما كان لبسها
رد فعلى لو اتعكست انا بمشى ولا كانى سامعاه ولا شيفاه اصلا لانه زى كيس الزباله المتنقل رحته بتبقى مشمئذه ومكروهه
و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
انا مع راى الدكتور بيتر
المعاكسه دى اشباع لفراغ داخلى واحساس الشاب انه زى اى حد من جنسه بيعمل زيه عشان ميبقاش منبوذ من اصدقائه او يتريقوا عليه وبرضه بيبقى برضه تحريض من عدو الخير اللى بيخلى الشاب يعمل كدا

بصراحه موضوع اكتر من رائع يا شبح
ومنتظرين موضوعاتك الهايله

elshbah

03-29-2011, 05:07 PM

رفقة شحات

03-29-2011, 06:35 PM

ميرسى ليك يا شبح ولذوقك وبجد انت موضوعاتك هايله

TITO_BEST

03-29-2011, 06:35 PM

السؤال دا للشباب هل انت عاكست قبل كدا ( و قولت ايه ) ؟
انا اممممممممم بلاش احراج بقي احسن نضرب

ههههههههه خايف لتضرب يا تيتو وانا اللى فكرك هههههههههههههه

هههههههههه مش خوف يابنى دة احترام ليها بس برضو انا انسان مقدر للجمال وانت فاهم بقي

emmmy

03-29-2011, 10:12 PM

twaty

03-29-2011, 10:25 PM

ليه الشباب بيعاكسو البنات ؟
شباب تافة وقلة احترام

هل مين السبب الشباب ولا البنات ؟
طبعا الشباب
علشان لو حتى المشكلة عند البنات مين انت علشان
تعلق على لبس كل واحدة وتعاكس البنات اللى
لبسهم مش عجبك

هل البنت بتحب تتعاكس ؟
لا طبعا

ما هو احساس الشاب لما يجي يعاكس البنت ؟
؟؟؟؟؟

ما هو احساس البنت لما تتعاكس ؟
طبعا بيكون احساس مش حلو حتى لو كان كلام كويس
او عكس كدا انا عن نفسى بضايق

السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
حصل معايا
بس انا مبردش على اى حد بيعاكس ولا كانة موجود

السؤال دا للشباب هل انت عاكست قبل كدا ( و قولت ايه ) ؟
؟؟؟

و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
وجهة نظرى
انا المشكلة عند الشباب هم اللى بيتحججوا
ويقولو احنا بنعكس علشان البنات لبسهم مستفز مع العكس
لو البنت كانت لبسها محترام بتتعكس برضة
يعنى انا هلوم المجتمع اللى احنا فى وكمان التربية علشان
للاسف بشوف اطفال صغيرة وبيعاكسوا
معلش بس بجد بحب الصراحة وبتكلم بصراحة انا
عن نفسى مبحترمش اى شاب بيعاكس البنات
وبعدين ولنفرض ان مثلا كانت اختة او قريبتة اللي بتتعاكس كانها يعمل اية ساعتها

ميرسى بجد ليك على الموضوع
وربنا يحافظ علينا يارب

elshbah

03-29-2011, 10:36 PM

نادر ؟؟
اسمك نادر ؟؟
اخيرررا عرفنالك اسم
ما انت اسمك حلو اهو وجميل انا بعشق الاسم دة
اومال كنت متبرى منة لية ومش عاوز تقولة بتحيرنا وخلاص
انا قلت اسمك هيطلع حسنين ولا محمدين يا راجل ههههههههه

طيب يا نادر بلاش تحط صباعك فى عش الدابير لحسن تلسعك
تصدق وتؤمن باللة فرح انقذتك منى انا مش هرد واقول حاجة تااانى كفاية
كلامها كان جميل
هو انت قد الجنس اللطيف يا ابنى انت ؟؟؟
ال البنات هما السبب ال وانتوا اية ملايكة يعنى
والله شكلكو تعليم مجانى انا هفتح قسم هنا لتعليم اللغة العربية ههههههههه
اما الناس كلها عرفة اسمى من يجى عشرين يوم هوا احنا بنغنى

اولا انا صباعى متعور فامش هعرف احطة فى عش الدببير هحطو الاول فى عسل النحل عشان يخف وانتى المفروض تشكرى فرح لان العكس صحيح لان فرح هى اللى انقذتك انتى منى ثانيا الجنس اللطيف دول الشباب احنا غيرنا المقولة فى بداية سنة 2011 لان اكتر البنات بيوهمو نفسهم انهم ملايكة بس على هيئة بشر واحنا فعلا مش ملايكة بس بشر الدور والباقى على البنات لا محصلين ملايكة ولا طايلين البشر وعلى رائ المثل البيت بيت ابونا ان كبر ابنك خوية ههههههههه وحاسبى بقى على صباعك لا الماوس يعضة

emmmy

03-29-2011, 10:40 PM

عسل يا توتي تسلمي يا قمر

elshbah

03-29-2011, 10:44 PM

ليه الشباب بيعاكسو البنات ؟
شباب تافة وقلة احترام

هل مين السبب الشباب ولا البنات ؟
طبعا الشباب
علشان لو حتى المشكلة عند البنات مين انت علشان
تعلق على لبس كل واحدة وتعاكس البنات اللى
لبسهم مش عجبك

هل البنت بتحب تتعاكس ؟
لا طبعا

مين قلك ان البنت مش بتحب تتعاكس ولا دة من وجهة نظرك عموما اى بنت بتحب تتعاكس والبنت اللى مش بتتعاكس حاجة من الاتنين لئما مظهرها العام لا يليق لأما يكون عندها نفسة ازمية والناس بتجرى وراها بالتوب هههههههه انا معتقدش ان على كلامك انك مش بتحبى المعاكسة اى بنت بتردى غرورها وعلى فكرة اى بنت بتبقة مبسوطة اما بتتعاكس ولو متعكستش هتجيب واحدة صحبتها تعاكسها وتقولها ياصفايح الزبدة السيحة علشان بس توهم نفسها انها بتتعاكس

ميرسى ليكى يا تويتى وردك الصريح والجميل شكرا ليكى

sawsaw

04-12-2011, 02:24 AM

المعاكســـــــــه

شوية اسأله كدا عاوزكم تجوبوني عليها كلها سواء شباب او بنات

ليه الشباب بيعاكسو البنات ؟
فراغ داخلى واحساس بالنقص واحساس بالرفض ومحاوله جذب انتباه الاخر واغلب كلامهم بيقى كلام فاضح فده حد عندو مشاكل نفسيه كتير اوى وجروح قديمه ومشاكل فى حياتو مخلياه مبيفكرش غير فى الحجات دى لان من فضله القلب يتكلم اللسان نوع من انواع اغراق المشاكل لكن داخليا انسان مدمر وهذا الانسان يحتاج لشفاء النفس من قبل رب المجد لكى يملى الفراغ الدخلى ويحول الضلمه نور ويكسر من عليه قيود عدو الخير
هل مين السبب الشباب ولا البنات ؟
ولا ده ولا ده ثقافه مجتمع خربانه ووساءل اعلام مش مظبوطه بدليل بلاد بره مفيش حد يجروء يبص لوحده او يعاكسها
هل البنت بتحب تتعاكس ؟
بنات وبنات الى بتتحب تتعاكس عندها احساس بالرفض جروح قديمه بداخلها جعلتها تحس الاحساس ده فتحاول تدور على القبول فى اى مكان اخر حتى لو فى الشارع

ما هو احساس الشاب لما يجي يعاكس البنت ؟
معرفش اسال الولاد
ما هو احساس البنت لما تتعاكس ؟
معرفش انا عن نفسى لما بتعاكس بضايق لانو كلام غير لائق الى بيتقال لكن لو كلام عادى بردو مش بحترم الى بيقولو
السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
رد فعلى ولا اكنى سامعه حاجه وبمشى من سكات ولو الموضوع طول بتصل بى بابا او او اخويا والكمهم بصوت عالى فى الشارع فيخاف ويمشى
السؤال دا للشباب هل انت عاكست قبل كدا ( و قولت ايه ) ؟
-----------
و عاوز اعرف ايه رأيكم في المفهوم الأساسي للمعاكســــة (من وجهة نظرك)
المفهوم الاساسى للمعاكسه هى تضيع وقت فى حاجه مش بتفيد ولا بتضر وحاجه بتعثر مش بتوصل الملكوت وهى مجرد ثقافه مجتمع خربانه زى ما قولت من شويه
؟

elshbah

04-21-2011, 12:49 PM

sawsaw (http://www.orsozox.com/forums/member.php?u=8532)
شكرا ليكى ولكلامك الجميل
واهتمامك بالموضوع
والاجابة المنثقة واالذيذة
ربنا يعوض تعبك

دميانة لطفى

04-24-2011, 11:28 PM

اولا مرسى يا شبح على الموضوع المهم دى

ليه الشباب بيعاكسو البنات ؟
ممكن يكون ده نابع من عدم معرفته بربنا لان ان كانت عينك بسيطه فنظرك كله يكون نيرا
او ممكن كان واخد حد قدوه ليه وشايفه بيعمل كده من صغره مثلا زى والده
او ممكن يكون نابع من صداقه سيئه يعنى صحابه همن علموه كده
هل مين السبب الشباب ولا البنات ؟
اذا كانت البنت غير محترمه فى لبسها او مشيتها فهى بتسبب عثره لناس كتير وويل لمن تاتى بواسطته العثرات بس لو كانت هى محترمه يبقى العيب من الشاب نفسه
هل البنت بتحب تتعاكس ؟
فيه وفيه يعنى فيه بنات لو متعكستش بتحس ان فيها حاجه غلط او انها موش جميله
وفى بنات لما بتتعكس بتبقى نفسها تاكل اللى بيعكسها وانا فى رأى ان همن الاغلبيه
ما هو احساس الشاب لما يجي يعاكس البنت ؟
الصراحه موش عارفه
ما هو احساس البنت لما تتعاكس ؟
اكيد زى ماقلت لو كانت غير محترمه فى لبسها او مشيتها يبقى اكيد هتبقى فرحانه لانها هتكون عايزه كده بس لو كانت محترمه هتبقى متضايقه جداااااااااااااااا واحساسها هيترح
السؤال دا للبنات هل انتي اتعاكستي قبل كدا و اية رد فعلك لو اتعاكستي ؟
كل بنت معرضه للمعاكسه ببقى هموت وخنق اللى بيعكسنى او حتى اقلوا لو معاك اخت ترضى ان حد يقولها كده
و عاوز اعرف ايه رأيكم في المفهوم الأساسي للمعاكســــة (من وجهة نظرك) ؟
انا بعتقد انه غالبا بيكون مرض نفسى مسوتجب العلاج
او عاده سيئه مستوجبه صلاه كتيره جدااااااااااااااا
او فكره خاطئه مستوجبه تصحيح والاقناع