اغلقوا الكنائس

[لسة بحلم]

اغلقوا الكنائس

لا تستغربوا من كلامى . بل اقرؤة جيدا

كثرت حالات اختطاف الفتيات المسيحيات فى الفترة الاخيرة
التى اثارت حفيظة الكثيرين من المسيحيين فى مصر وخارجها
اكثر من 15 بنت وسيدة مسيحية تم خطفهم فى اقل من 20 يوما
وجميع حالات الخطف تتم بعد الذهاب او الرجوع من الكنائس
سواء صباحا بعد خروج القداس او مساءا بعد خروج الاجتماعات او دروس التقوية للبنات

بما انة المفروض ان تحمينا الكنيسة وتحمى اولادنا وبناتنا فااين نجد الامان
المفروض ان تحمينا الكنيسة وليس العكس

اذا لم تحمينا الكنائس وتحمى اولادنا وبناتنا ...فاأغلقوا الكنائس

نعم اغلقوا الكنائس ونصلى فى بيوتنا افضل

اود ان اقول ان هناك بنات تهرب من منازلهم بمحض ارادتها وتتجة اتجاة اخر
ولا ذنب للكنسية فى هذة الحالة

ارجوا من ادارة المنتدى او مشرف القسم ..نشر الموضوع حتى اشاهد راى
الناس ....مش احنا فى عصر الديمقراطية ...اتمنى ان يرى الموضوع النور

[sawsaw]

ليا رد عليك ودى وجهه نظر احنا بنسمع ان فى بنت بتتخطف لكن احنا منعرفش البنت دى مين مصاحبه مين علاقتها مع الناس ايه علاقتها مع اهلها واخواتها شكلها ايه دايما بيبقى فى حبقه ناقصه فى الموضوع مبنسمعش غير انصاف الحقائق ومش بنسمع الحقيقه كامله مفيش بنت كانت ماشيه فى الشارع راحو خاطفينها فجاءه لا ده بيبقى حجات مترتبه ومع صحابها ومنعرفش الصحوبيه دى مداها ايه منعرفش مشاكلها النفسيه ايه كل بنت بتتخطف بيبقى وراها مصيبه وبعدين ده مش جديد ما هو فى بالميات فى كل محافظه بيضيعوا من قبل الثوره دلوقتى الى بعد الثوره الكلام احلو وبقينا نخاف مفيش حاجه اتغيرت كلو زى الاول ودى وجهه نظرى فى الموضوع ده

[elphilasouf]

طبعا المنتدي يسمح بحريه الرأي لكن
مين هما الـ15 حاله اللي اتخطفت ؟
أرجو ذكر الاسم و المكان والكنيسه التابعه لها ، كي لا يكون مجرد كلام مرسل ... مثير للذعر

وانا في سؤال أحب اعرفه رايك فيه
ايه هو مفهوم الكنيسه من وجهه نظرك ؟

نرحب بوجودك معانا ... :)

[ماريان سعد]

انا مش معاك فى اغلاق الكنائس لان مش كل البنات اللى بتختفى تبقى اتخطفت وحتى لو اتختفوا بردة دة مش سبب اننا نقفل الكنائس والا بعد كدة هنلاقى تهديدات من اجل ترك المسيحيه واللى هيلاقى حد مسيحى يقتلو وقتها بقى ننادى بترك المسيحيه بحجه ان المفروض ان دينا يحمينا مش احنا اللى نحميه لاطبعا دة المفروض يقوى من عزمتنا اكتر ونتمسك اكتر بيدنا وعقدتنا والا نبقى احنا منستحقهاش ولازم طبعا نفتكر كويس اوى ان (ابواب الجحيم سوف لا تقوى عليها) فمينفعش نخلى مشاعرنا وعواطفنا تحكم ع شعب بأكمله عشان فرد ان اتنين
وطبعا ليك حق الاختلاف او الاتفاق فى رأيى دة

[aymonded]

السلام والنعمة لك يا أختي الحلوة أو أخي الغالي
أن من يحمي الكنيسة هو سيد الكل وأب الجميع الذي جبلنا على غير فساد بالحب وخلصنا ببذل ذاته ، وأن آمنا به أنه هو القيامة والحياة فلن نجزع من الموت أو الخطف أو حتى القتل ، لأن لو بسببه نتألم فلنا أن نفتخر ونفرح ، أما أن كنا نحن المسئولين عن آلامنا وضيقاتنا فلنا أن نعود إليه ونتوب ....
والسؤال المطروح من الرب حينما كان في السفينة مع التلاميذ ، وكانت الرياح شديدة جداً وعنيفة تكاد أن تغرق السفينة ، وقد أتوا للرب وهو نائم يصحونه قائلين : أما يهمك اننا نهلك ، فقام وانتهر الريح وقال : أين إيمانكم !!!!!!!
ثم قال لهم أين إيمانكم فخافوا وتعجبوا قائلين فيما بينهم من هو هذا فأنه يأمر الرياح أيضاً والماء فتطيعه (لو 8 : 25)


أقبلي أو أقبل مني كل احترام وتقدير
النعمة تملأ قلبك سلام ومسرة آمين

[Dr.PeRO]

مكتوب: "خرافي تسمع صوتي و انا اعرفها فتتبعني. و انا اعطيها حياة ابدية و لن تهلك الى الابد و لا يخطفها احد من يدي. ابي الذي اعطاني اياها هو اعظم من الكل و لا يقدر احد ان يخطف من يد ابي" (يو 10: 27-29)
مفيش أحلى ولا أجمل من الثقة المتناهية والكاملة فى رعاية وحماية اليد الالهية .. "ولا يقدر احد ان يخطف من يد أبي" .. بجد جملة تخلى الواحد يتخرس ويتأمل بالساعات فيها!!!! هل القديس مارمينا لما وقع فى أيدي الوثنيين اللى عذبوه وقتلوه في الآخر كان كده اتخطف وربنا محامهوش؟! بالعكس ده لما وقع فى ايديهم الله اعطالوا قوة جبارة ومعونة وتعزية لا يقدر احد ان ينطق بها او يتخيلها، وفى اخر ساعاته على الأرض ظهر له وقواه ووعده بالاكاليل ... يا احبائى اجسادنا كده كده هتمرض، وكده كده هتتعذب بمرض عضوى او نفسي، وكده كده هتموت، وكده كده هتتحلل وتعود الى التراب؟! اذن فما المنفعة من الخوف؟؟؟؟؟؟ ما المنفعة فى البعد عن بيت الله..؟؟؟ وازاى هنصلى فى بيوتنا بس...؟؟؟ ده اذا كان الناس بعيدة عن ربنا كل البعد وهى عندها كنائس فى كل حته، أمال لما تتقفل الكنائس حالتها الروحية هتبقى عامله ازاى؟؟؟ وازاى الناس ممكن تعترف وتتناول والكنائس مقفولة ؟؟!!!!
أخى الجسد نهايته معروفة ومصيره هو الهلاك، فبلاش نهلك الروح معاه، دع الروح تتمجد وتتعزى بروح الله الساكن والمتحد بها.
ربنا يبارك حياتك

[tharwaat]

خانك الحماس
ابواب الجحيم لم تقوا عليها

[emmmy]

لا تخافوا ولا ترتاعوا
من امتى احنا بنقفل كنائس ؟؟
حصلت امتى دى على مر العصور فى تاريخ المسيحية كلة ؟؟
من امتى بنخاف ونرتاع ؟؟
ولما تقفل الكنائس هتتحل المشكلة ؟؟
على فكرة بقى انا مش مقتنعة بموضوع الخطف دة اساسا اغلب البنات اللى بتمشى وتبعد عن حضن المسيح بيكونوا بارادتهم وبيكونوا ماثرين عليهم اصحاب الحلول الوقتية والارضية لمشاكلهم
يعنى بنات ماشية فى الشارع يخطفها احد ازاى يعنى ؟ هى فرخة ؟
ولما بيحصل حالات اختطاف يبقى دة نادرا جدا
كل الحكاية ان احنا بس بعد الثورة عنينا اتفتحت على حاجات مكناش شايفنها ولا نقدر نشوفها قبل كدة وبقينا نطالب بحقوقنا وتركنا اليد الالهية وفقدنا ايمانا بيها وبحمايتها
يا صاحب الموضوع احنا مش بنخاف من حد وواثقين ان الهنا قادر يحمينا
واذا كان عدو الخير شادد حيلة علينا فى الحروب فى الفترة الاخيرة فدة لانة حاسس بانتهاء مملكتة والمفروض اننا ننتبة لدة لانة هو كدة بيعرفنا بشكل مش مباشر ان المسيح قرب يجى
ارجع واعرف من اين سقطت واضرخ لالهك يديك ايمان وثبات
كنستنا قوية متينة -- وهتفضل -- وابواب الجحيم لن تقوى عليها ابدا ابدا



انا بسجل اعجابى بكل الردود اللى اتقالت
كلها وبلا استنثناء بشكر كل واحد باسمة ومن اعماق قلبى

الرب قادر ان يعطينا حياة الثبات والايمان والرجاء
حتى لا نفقد عنايتة وحمايتة ونكون فريسة لمملكة الظلام

[Black and white]

الاخ صاحب / الاخت صاحبه الموضوع
.................................................
اسمح لى ان اسجل اعتراضى الشديد جدا على جملتك الصعبه جدا ....
(أغلقوا الكنائس )
فهل هذا هو الحل من وجهة نظرك ؟؟
ان نغلق الكنائس بداعى الخوف والرعب !
فنحن لانخاف ولا نرهب احد
لان ابواب الجحيم لن تقوى عليها
وهل الكنائس هى السبب فى خطف البنات ؟
وهل كل بنت تختفى بتكون مخطوفه ؟
صاحب او صاحبه الموضوع هل من باب اولى ان نغلق الكناس ام نفتح مدارك الايمان بداخلنا ؟
فأنا كل ما اخشاه ان يرى شخص غير مسيحى موضوعك هذا فيصفنا بالخوف والجبن برغم علمهم ان ايماننا قوى وعظيم ..
فانا اصلى من اجلك ...
فنحن لانحمى ايماننا بل ايماننا هو الذى يحمينا
.................................................. ..............
ارحموا الكنيسه .. هتلاقيها من اعدائها ولا من اولادها
ربنا معاك

[emmmy]

اعداء الكنيسة تحت اقدامها

[لسة بحلم]

بشكر كل اللى الموضوع ورد على السطور
لقد عرفت انكم جميعا متمسكون بالكنيسة والكنيسة متمسكة بكم
وانا مثلكم متمسكة بالكنيسة حتى اخر العمر
واحب اعرفكم ان الجملة دى ليست جملتى ولكنها جملة سمعتها من ام احدى
البنات التى خطفت على اليوتيوب ..برغم قسوة الجملة وصعوبتها علينا
الا انى عرفت من ردودكم انكم مسيحين بمعنى الكلمة
ولكن اسفت لمن اخطا فى حقى واهاننى فى ردة ..ربنا يسامحنى ويسامحكم
وصلواتكم من اجلى فانا محتاجة لصلواتكم جميعا

[david201050]

انا معترض جدا ع اسم الموضوع احنا كدة مش هيبقي عندنا ايمان
خالص السيد المسيح قال انتي صخرتي وعليك ابني كنيستي و في الانجيل كمان
ان كان الله معنا فمن علينا ومسيرها تنتهي وكل شي تحت السنما وقت وربنا يرحمنا من اللي اخنا فية وربنا يحافظ ع شغبة في كل مكان يارب امين

[Dr.PeRO]

بشكر كل اللى الموضوع ورد على السطور



لقد عرفت انكم جميعا متمسكون بالكنيسة والكنيسة متمسكة بكم
وانا مثلكم متمسكة بالكنيسة حتى اخر العمر
واحب اعرفكم ان الجملة دى ليست جملتى ولكنها جملة سمعتها من ام احدى
البنات التى خطفت على اليوتيوب ..برغم قسوة الجملة وصعوبتها علينا
الا انى عرفت من ردودكم انكم مسيحين بمعنى الكلمة
ولكن اسفت لمن اخطا فى حقى واهاننى فى ردة ..ربنا يسامحنى ويسامحكم

وصلواتكم من اجلى فانا محتاجة لصلواتكم جميعا


اولا: مكتوب "ليس كل من يقول لي يا رب يا رب يدخل ملكوت السماوات بل الذي يفعل ارادة ابي الذي في السماوات"، يعنى انا بتكلم عامة -مش قصدى اشخاص هنا فى المنتدى- مش اي حد يقول انا مستعد اموت فدى الكنيسة يبقى مسيحي، فاحص القلوب يريد الأعمال وليس الاقوال .. كلمة "مسيحيين بمعنى الكلمة" ديه كلمة كبيرة اوووى لا يمكن جزمها بهذه السهولة مطلقاً .. ده حتى المثل بيقول اللى ايده فى الميه غير اللى ايده فى النار ..

ثانياً: أن حد يهين أى حد آخر بسبب اي اعتقاد او حتى فعل يبقى أخطأ فى حقه .. على كل انسان توبيخ الأخطاء وليس توبيخ الاشخاص .. اى انسان فينا ممكن يضعف تحت الضغط الرهيب زى حالات الخطف ديه، ليس أحد معصوم من الخطية، يبقى دور العقلاء والمؤمنين منا هو الاحتضان والارشاد والتوجيه (للاشخاص) والتوبيخ والانتهار (للافعال ذاتها بصورة عامة) .. يعنى من يخطئ بالقول على اى أحد آخر، يكون قد فعل خطية.
وعموما ياريت كلنا يبقى عندنا صفة المحبة والتواضع والهدوء فى الردود وفى التعبير عن الآراء فى كل وقت، حتى نتجنب الخطايا المستترة... لازم طابع المحبة يغلب دائما فى كل معاملاتنا وبالاخص مع ضعفاء النفوس او المتشككين فى قدرة ورعاية الله، مكتوب: "و ان كانت لي نبوة و اعلم جميع الاسرار و كل علم و ان كان لي كل الايمان حتى انقل الجبال و لكن ليس لي محبة فلست شيئا".
انا بعتذر ليكي لو كان فيه اي رد ضايقك شخصياً، النعمة معك وبركة الأيام المقدسة تكون معنا كلنا آمين.

[emmmy]

بشكر كل اللى الموضوع ورد على السطور
لقد عرفت انكم جميعا متمسكون بالكنيسة والكنيسة متمسكة بكم
وانا مثلكم متمسكة بالكنيسة حتى اخر العمر
واحب اعرفكم ان الجملة دى ليست جملتى ولكنها جملة سمعتها من ام احدى
البنات التى خطفت على اليوتيوب ..برغم قسوة الجملة وصعوبتها علينا
الا انى عرفت من ردودكم انكم مسيحين بمعنى الكلمة
ولكن اسفت لمن اخطا فى حقى واهاننى فى ردة ..ربنا يسامحنى ويسامحكم
وصلواتكم من اجلى فانا محتاجة لصلواتكم جميعا



عزيزى صاحبة الموضوع انا مبسوطة جدا من ردك
ومن تمسكك بايمانك ومبسوطة اكثر من ان الجملة ليست جملتك
ولا هى مشاعر حقيقية من نبع قلبك بل هى مجرد مشاعر ام فقدت بنتها
مشاعر غير حقيقية مجرد صرخة والم فهى لاتعلم ماذا تقول فى لحظات مثل الان وهى مجروحة وقلقة على ابنتها صحيح هو مفيش مبرر ابدا اننا نطالب بغلق كنائسنا لان من احب ابا او اما او ابنا او ابنة اكثر منى فلا يستحقنى
بس احنا هنعتبرة صراخ وكلام خرج عن دون قصد
وانتى لو كنتى وضحتى دة من الاول وقلتى انها مشاعر ام فقدت بنتها كانت هتفرق فى الردود طبعا
وعموما نيابة عنى وعن كل اللى ردوا اى رد زعلك انا بقدم اعتزارى حقيقى لاى كلمة زعلتك ولو ان صدقينى انا قريت كل الردود مش لاقية حاجة تمس شخصك وكل الردود كانت على الجملة وعلى سطورك مش على شخصك
بس ربما يكون فى معنى وصلك غلط فانا اسفة حقيقى متزعليش يا قمر احنا هنا كلنا اخواتك والمحبة تحتمل كل شئ
وكل سنة وانتى طيبة وفى احضان يسوع
اضحكى بقى اللة -----

[aymonded]

سلام لك يا أختي الحلوة أو أخي الغالي
تذكرت وانا أكتب الرد كلام القديس بطرس الرسول الذي قال : يا سيد أنا مستعد أموت عنك ، ورد عليه الرب قائلاً الحق الحق أقول لك أنك ستنكرني ....
فالكلام بالاندفاع دون حساب النفقة أي البذل على أساس أن الإنسان يحيا مع الله برؤية الإيمان الحي ، ويتحدث بحماسة الغيرة الحسنة مع كونه لا يعيش ملتصقاً بالله ، ولأنه في الواقع العملي يُدافع عن شكله الإيماني أمام الناس متحدياً إياهم بشجاعته المفرطة بدون عمل الله الهادئ في داخل القلب وله حب عميق وشديد لأعدائه نابعاً من محبة الله المنسكبة في قلبة بالروح القدس ، فهذا الكلام المندفع - بالاتكال على القدرة الشخصية - سيسقط حتماً أمام الواقع العملي والخوف من الموت لأنه ليس لديه رؤية القيامة في آلامة التي فيها يتذوق الخبرة مع المسيح الرب ، كما هو مكتوب : [ لأعرفه وقوة قيامته وشركة آلامه متشبهاً بموته ] (في 3 : 10) ...

فيا أختي أو أخي الغالي اعذري أو أعذر كل من اندفع في رده بغيرة حسنة وبدون رؤية المحبة التامة والكاملة لكل الناس بدون تمييز أو تفريق ، لأن دعوتنا أن نحب الكل بلا تمييز بين أخ وصديق وابن وأب وأم وجار وعدو أو بين طائفة واخرى ، لأنه من المفترض أننا نحب الجميع حتى الذين ضعفوا في الإيمان وحتى لو أنكروه بل ونصلي من أجلهم ونشفع فيهم أمام الله ، ونصوم ونصلي عنهم ليلاً ونهاراً حتى يعطيهم الله نعمة ويردهم إليه ، لأنه لا يشاء موت الخاطئ مثلما يرجع ويحيا لأنه داعي الكل للخلاص حتى لو كانوا أعداء صليبه ، لأنه من فوق ذات الصليب غفر لصالبيه ، ولا زال غفرانه ساري حتى أنه مُقَدَّم لأعداء كنيسته ومضطهدي كل من دُعيَّ عليه اسمه الحسن ...

أقدم لك أعتذاري الخاص والشخصي طالباً أن تغفري لي وللجميع أيضاً ، النعمة تملأ قلبك سلام وفرح القيامة المجيد ، كوني أو كن معافاً باسم الثالوث القدوس الإله الواحد آمين

[ميلاد صدقى]

احذفوا هذا التهريج
قبل ان يمتلك بعضنا اليأس بالتدريج
ونفقد الثقة فى كنيستنا وانفسنا
ونلقى يهوذا بيننا واقف بيبوسنا
وخصوصا ونحن نعيش الان فى زمن اليهوذيين
فلولا الكنيسة ما كانت مسيحيتنا
فاالكنيسة هى مدخل ابديتنا
فتصلى الكنيسة من اجل الجميع

[adel9009]

أقول ثق أن الرب يسوع وعد بأنه معنا كل الأيام إلى انقضاء الدهر ،
كما وعد بأن أبواب الجحيم لن تقوى على كنيسة المسيح التى هى نحن ،
ولا ننسى أن ينبغى بضيقات كثيرة أن ندخل ملكوت الله ، وقد وعدنا الرب بالبركة من الآلام .
فلماذا نخاف ؟؟
أدعوك يا أخى الحبيب يا اختى الحبيبه لقراءة ( مت 10 )

[دميانة لطفى]

اولا اكيد موش هقدر اقول اكتر من اللى تقال
بس احب اقول انى الهنا معلمناش الخوف وهو قادر يحمى اولاده
ولو قفلنا الكنيسه تفتكر(ى) ان هو دى الحل معتقدش لان لو فكرنا بعقلنا البشرى المحدود البنات المسيحيات مميزات لانهم موش محجبات معنى كده ان مفيش بنات تطلع من البيت او ان البنات تنكر ايمانها وتتحجب لو كان الغرض خطف البنات المسيحيات فمفيش حاجه هتمنع دى الا حمايه ربنا لينا
ارجوك(ى) ان كنت(ى) مسيحى(ه) حاول(ى) التمسك بايمانك اكتر من كده والتعمق فى الامور الروحيه لان محدش ضامن عمره او سلامته

[لينا ميخا]

لا أجد كلام اقوله بعد اللي اتقال بس في حاجة أخيرة عايزة اقولها"كن مطمئنا جدا جدا ولا تفكر في الامر كثيرا بل دع الامر لمن بيده الامر"
ياريت نسيب المواضيع دي ليسوع هو ابونا وهو قادر يحمينا
وكمان الكتاب المقدس بيقول"كل الاشياء تعمل معا للخير للذين يحبون الرب"
يعني اهم حاجة "للذين يحبون الرب"
لازم نثق في الهنا
ياجماعة دة يسوع غلب الموووووت في ايه أكتر من كدة؟
ارجوكم اتركوا الموضوع ليسوع ثقوا ان الهنا اله قوي

[david201050]

ليه نفقل كنايسنا ياخي او ياختي برجاء كتابة البيانات حتي نعرف مع من نتكلم وذلك من اجل الثقة كمان انا اول حاجة معترض ع اسم الموضوع لما نفقل كنايسنا اومال فين ايمانا بايسوع المسيح المصلوب خانك الفكر وانت بتكتب الموضوع اوك ربنا معاك وبقوي ايمانك وايمانا ونكون ليه شهود

[ماري جمال جرجس]

ياجماعة الموضوع مش فغلق الكنيسة الموضوع كلة فبناتنا لية ممكن تعمل الغلط العيب فالزمن الي مخلي الرقابة فالبيت مش موجودة انما الي بيحصل دلوقتي حتي لو في بنات بتتخطف قادر ربنا يخليهم يرجعو لبيتوتهم تاني