هاتعمل اية تختار قلبك ولا عقلك؟؟؟؟؟؟؟

[marmarina]

هاتعمل اية تختار قلبك ولا عقلك؟؟؟؟؟؟؟ http://www.st-athanasios.com/vb/images/icons2/002.gif

لو خطبك اتنين:

الأول: شاب فيه كل الصفات "المثالية" بالنسبة لك ولعائلتك.. لكن مش بتحبيه ، وأهلك حبوه وموافقين عليه.

الثاني: شاب فيه كل الصفات "المثالية" بالنسبة لك، وبتحبيه جدا، لكن أهلك مش بيحبوه ولا موافقين عليه.


تختاري مين فيهم؟

والعكس بردو للشباب علشان اشوف ردودهم بردو وكلنا نشارك
وشكرررررررا

[Team Work®]

امممممممممممممممممم

سؤال صعب جدا جدا جدا مش عاف

[اللة يرعانى]

سوال حلو اوى بس انا عن نفسى هختار بعقلى لانى مبقاش فى حب الايام دى وممكن احبة فى يوم من الايام

[مرموره]

ممممممممممممممممممممممممممممممممممممممممم سؤ ال صعب جدا
بس لو أهلى مش موفقين على الى بحبه يبقى و لا هختار ده و لا ده لان الى ملوش خير فى اهله ملوش خير فى حد
و هحاول اقنعهم مقتنعوش و نفزت منى كل الموحولات ولا هختار ده ولا ده و هعيش كده احسن
لان صعب انى القى حد بيحب حد الايام دى
وميرسى للموضوع الجااامد جدااااا ده

[Narmar]

موضوع جميل شكرا ليكى يامارمارينا وشكرا يا مرموره برضه لان ردك عجبنى اووى لانه فعلا رد زكى
اما عنى انا مش حد بيغصبنى على حاجه ولا حد هيقول هى دى يبقى امين مفيش حد هيمانع بس لو عاجبهم حد اكتر من حد هعرف اقنعهم ازاى :)
شكرا للموضوع الرائع :)

[marmarina]

انا الى بشكرك
يا نارمر

[موني]

زي ما مرمورة قالت لا حختار دة ولا حختار دة.

بس حطلب من ربنا حاجة انة ما يعرضنيش للشاب اللي انا بحبه عشان الشيطان شاطر


شكرا ليكي يا مارمارينا علي المواضيع الطحن دي

[MICKEY]

موضوعك هايل وسؤال مش صعب لكن وجية ( يعني ممكن اي حد يتعرض لموقف زي كده )
انا وجهة نظري في الموضوع ده وتقريبا حاسس انها وجهة نظر سليمة .. مش عشان انا اللي قايلها لكن عشان ده فعلا اللي المفروض اللي يحصل
وهو اني اختار الشخص التاني
اللي هو فيه الصفات المثالية وبحبه
واهلي مش بيحبوه
وهختاره لعدة اسباب
اولا مثالي
ثانيا انا بحبه
ثالثا كون ان اهلي مش بيحبوه دي مش مشكله لأن اهلي مش هيعيشوا معاه .. لكن انا اللي هعيش معاه ولازم اكون انا اللي احبه
لأني لو اتجوزة الشخص الأولاني ومش بحبه
لو حصل اي مشكله كلام حقيقي محدش هينفعني ولا اهلي اللي كانوا بيحبوه
نصيحه مني وبدون تفكير
الحب احلي شئ في الوجود ..... خدي يابنتي الأنسان اللي بتحبيه مش اللي اهلك بيحبوه
وارجوكم ازكروني في صلواتكم

[مارو مجدى]

ميكى
كلامك حلو بس مش هتاخد واحدة رافضها اهلك وفى الاول و الاخر الاهل عندهم خبرات اكتر منك

وانا اعرف واحدة اتعرضت لنفس الموضوع واهلها كانوا رافضين الشخص دة لاسباب كتيرة بس وافقوا عشان خاطرها وعشان مترجعش تقول انتم اللى عملتم كدة وانا كنت عاوزاة و.و.......و....وفى الاخر بعد لما الموضوع دخل فى الجد هى اكتشفت العيوب دى بعد ما كانت مقتنعة بالشخص وفى الاخر سابتة يعنى انا عن نفسى لازم اخد بنصايح اهلى لان عندهم تجارب وخبرات اكتر منى ومش هقبل انى اخد واحد اهلى مش موافقيين علية فنصيحة لازم الواحد يسمع لاهلة واكيد الاول هيسمع لصوت ربنا من خلال الوسائط الكتيرة اب الاعتراف والتناول والصلاة

وربنا معاكم ومعايا

[iهند]

انا من راى انى هلى الا نسان التا نى ده هو كمان بيحبنى ولا لا يعنى هتتو قف على الطرف التا نى كمان هلى انا مقتنعه وفعلا هو بيحبنى ولا لاعلشان انا لو مقتنعه بيه ها قدرااقنع بيه اهلى لكن لو اهلى مش مقتنعين برده هستنى فر صه تا نى لكن مش ها خد الشخص الا ول لا نى مقدرش اوفق على شخص انا حتى مش قا دره اقبله او اكون معاه فى مكان واحد يعنى مش من اولها تكون القصيده كفر لا الا الجواز كل حا جه بلخناق الا الجو از با لا تفاق ومر سى خا لص على المو ضوع الجميل ده باىىىىىىىىىىى
اسفه على التطو يل

[jesus is my life]

بكل بساطة اختار البنت الثانية لانني احبها وتحبني ويوجد فيها الصفات المثالية واهلي اقنعهم انني انا الذي سوف اتزوج هذه البنت ليسوا هم ليقولوا ليست جيدة لكن اكيد اسمع اهلي وما هو سبب الرفض واحاول ان اصلحه

[نبيل نصيف جرجس]

صلى ليسوع واطلبى منة معونة وراية واكيد هوة هيرشدك للصح

[ssweetgirlhana]

حقيقى الموضوع جامد جدا لكنى من راى اللى يختار قلبه لانى عايشه لحد النهارده على علاقه 12 سنه علشان اهلى مش موافقين لسه بحبه وهفضل احبه لحد لما اموت واوعو ترتبطو بانسان مش بتحبوا هتبقى ندم العمر كله والاخت اللى بتقول انها ممكن تحبه استحاله هو مش حب لكنها عشره بس ومعلش طولت عليكم

[NANSYN]

انا من راى ميكى بصراحه
بس يكون فعلا الشخص اللى هاختاره ده يستاهل انى اضحى بالشخص اللى موافقين بيه اهلى وكفايه انى بحبه وهوة بيحبنى

[Team Work®3]

بصراحة أتجوز اللي بـــحبــها مع الوضع في الاعتبار رأي أهلي طبعا بس طالما هي بنت كنيسة ومحترمة ومستواها قريب من مستوايا يبقي مفيش مشكلة لكن لو اعتراض أهلي علي الشخصية نفسها وبس يبقي ساعتها هتجوزها واللي يحصل يحصل

يا جماعة الحب شئ جميل والأجمل لما تلاقي الشخص اللي بتحبه هو كمان بيحبك ساعتها اعرف ان حياتك هتكون أفضل بكتير من إنك تعيش مع واحدة مش بتحبها أو هي مش بتحبك ومحدش يقولي الحب بيجي بعد الجواز

فكر .. صلي .. خد رأي أب اعترافك .. احسبها صح .. وربنا يوفق كل اتنين يارب

[مايكل عبد الشهيد]

الاتنين اصعب من بعض ياعنى لو الشخص اللى فى المشكله دى مثلا تحدى اهلو وارتبط بالانسان اللى حبه واختياره كان غلط فى اول مشكله هايكون الكلام كالاتى دانت مالكش خير فى اهلك هايبقى ليك خير فيا وطبعا اللى اختار هو اللى يستحمل نتيجه اختياره اما لو وافقتى على العريس اللى جايبهولك اهلك برضو هايبقى الانطباع عاندك انه شخص دخل حياتك غصب وفى الحاله دى هايتولد شعور من نحيتك برفضه ولو حتى كان اختيار صحيح وياريت بقى مايبقاش فى حاجه اسمها اختيار بالقلب ولا العق عشان الانسان الزكى هو اللى يعرف يسخر عقله وقلبه مع بعض للتحكم فى تصرفاته وقراراته

[مايكل عبد الشهيد]

الاتنين اصعب من بعض ياعنى لو الشخص اللى فى المشكله دى مثلا تحدى اهلو وارتبط بالانسان اللى حبه واختياره كان غلط فى اول مشكله هايكون الكلام كالاتى دانت مالكش خير فى اهلك هايبقى ليك خير فيا وطبعا اللى اختار هو اللى يستحمل نتيجه اختياره اما لو وافقتى على العريس اللى جايبهولك اهلك برضو هايبقى الانطباع عاندك انه شخص دخل حياتك غصب وفى الحاله دى هايتولد شعور من نحيتك برفضه ولو حتى كان اختيار صحيح وياريت بقى مايبقاش فى حاجه اسمها اختيار بالقلب ولا العقل عشان الانسان الزكى هو اللى يعرف يسخر عقله وقلبه مع بعض للتحكم فى تصرفاته وقراراته

[dolly2008]

انا شايفه انها تختار اللي بتحبه بس يكون مناسب ليها اولا
لكن لو مش مناسب يبقي لاتختار ده ولاده واكيد ربنا هيديها بعدين المناسب واللي بتحبه برده
وانا راي لا تختاري لا القلب ولا العقل
اختاري اللي يرضي الاتنين القلب والعقل مع بعض
وصلي كتير ربنا معاكي