سأفتقدكم كثيرا ، شاركوني فرحي هذا !

[elphilasouf]

دائما يهتم الله بأولاده ، لا يصرفه وجهه عنهم أبدا
ومن قوه حبه لهم يحاول الإقتراب منهم بشكل أكبر
يشعرهم بلمساته الحانيه و إهتمامه بهم

وما علينا نحن إلا أن نشكر الله بكل فرح علي حبه ،
حتي إن أدخلنا اتون النار ، فنحن سننعم بلقائنا الحي معه داخل الاتون
الذي سيتحول كقطرات الندي .

شاركوني فرحي هذا ، شاركوني فرحي بحب ربنا و أهتمامه بشخصي الخاطئ .

لقد شاء الله المحب أن أدخل الجيش
26-4-2011
و لأنها مشيئته فأنها خير و سبب فرح لي
ودي صوره تخيليه لشكلي وانا في الجيش
http://orsozox.org/up/images/84828257_136106773083153_.jpg

هههههههههههههه
من أيام المسدس الخرز

لكن المحزن جدا هو أنكم هتوحشوني جدا جدا جدا
هيوحشني المنتدي بمواضيع بردوده بسلطاته ببابا غنوجه
ههههههه

هيوحشني أيموندد صديقي الصدوق ومواضيع الروحيه الجميله والشعر الحلنتبيشي بتاعه
ههههههههههههه

هيوحشني
الوجود الخفي لهيما

هيوحشني
أتابع إيمي وهي بتناقر كل واحد مامته دعت عليه و حب يكتب موضوع و إيمي دخلت تقراه
هههههههههه يا إيمي أرحمي الأعضاء أبوس أيدك

هيوحشني كراكيب اللي عاوز الكنيسه تبقي سماء
و هيوحشني مجدي اللي عاوز الخدام يبقوا كلهم بولس الرسول
هههههههههههه أخاف عليكوا صبركوا ينفذ و تتنقطوا يا ولادي

و هيوحشني موريس
ههههههههه قصدي رويس
بمشاركاته الفلسفيه المجرده النادره الطويله

هيوحشني كيرلس إللي ديما يسأل عليا الراجل
وانا بنسي :(
معلش يا ولدي انت قلبك كتير

هتوحشني نهي
ملاك المنتدي

هيوحشني قسم الشباب اللي مش بش بحاول أعتبه خالص :D

هتوحشني الاخت نرموس وشعرها اللي بيجبلي حساسيه
هههههههههههههههههه

هتوحشني الاخت ريم خوري بشخصيتها الشاميه المميزه

هتوحشني الاخت فرح بلوحتها الفنيه اللي مش بفهمها خالص :D

هيوحشني أبو الأرافيت
هههههههههههههههه
وحشني البيض بتاعك يا أبو الأرافيت
هههههههههههههههههه
شخصيه كلها حنان :)
وحرمه هذه الكائن الملاك


هيوحشني كلام في الممنوع بموضوعاته اللي تودي في داهيه
وقسم المناقشات الثقافيه والعلميه النائم
حد يصحيه يا جماعه
ههههههههههههههه

هتوحشني تويتي و د . بيرو بموضوعاتهم اللي بتعجبني جدا جدا ( أوس2 )

والمشغول دائما
عماد حسني شاعر المنتدي الجميل


هيوحشني بوبوس بترانيمه الفوق الرائعه

هتوحشني طنط
ههههههههههههههه
بلاش دي طنطي بردو

ومراد
البثموهندس :)
حبيبي يا هندثه

والنبته الجديده
نبته في غرس يمينه
كل ده إسم ؟

هيوحشني الارثوذكسيين القدماء
هههههههههههه دول غير (الفرعنه)
ميكي - مانو - مارينا - أمير زيزو - فادي الماجيك -فيرونيكا -- مرمر - ميلانوا ( دفعه زيي بردو ) بولا - حنان - وملاك سكر - و فوفا - وناررر مار :) - والسيد ناي و حرمه كوتا بنت حلويات ههههههه ، والسيد أسامه سمسم و كفر الصعيد كلاته ، والماكس فاكس مايكل ، ومينا بتاع ارقام كتير كده بتاع الكارتون ، و جاسيكا ، و جيوفاني ، ومادونا
والإعلاميه الفلسطينيه الواعده ميرا ، والفيده ورده حزينه

وغيروهم
أنا خايف أقعد اكتب كده لمحدش يقري الموضوع
هههههههههههههههههه
كفايا كده

بس بجد بحبكوا كلكوا
بحب الملاك الابيض اللي جواكوا ومستخبي
و لو في يوم ناقرت حد ولا غلست عليه
دي علامه حب ...


لكننا
سنلتقي عن قريب أكيد إن شاء الله

عشان كده أنا مشتاق من دلوقتي للقائنا تاني
لقاء يجمعه الفرح والحب زي ما اتعودت
لقاء يملئني من المشاعر الساميه :)

و اثق أني هرجع وألاقي المنتدي في وضع أحسن من الحسن اللي هو عليه دلوقتي
وصيتكوا المنتدي هاااا ؟

أرجوا أن يكون الجميع في خير وفرح وسلام وحب .

متنسونيش
لحسن اللي هينساني هجيله بالدبابه و اخطفه
هههههههههههه
.... متنسوش تصلوا لي كمان .

[aymonded]

ههههههههههههههههههه
وبعدين ايه حكاية بندقية المية اللي انت شايلها دية يا ترى يا هل ترى

[Malak sokar]

يافيلو ياصغنن كبرت خلاص يابطة وهتروحي الجيش هههههه بجد ربنا يكون معك ياحبيبي ويحافظ عليك ومتقلق

[emmmy]

هيوحشني
أتابع إيمي وهي بتناقر كل واحد مامته دعت عليه و حب يكتب موضوع و إيمي دخلت تقراه
هههههههههه يا إيمي أرحمي الأعضاء أبوس أيدك


هههههههههههههه
يا ساتر يارب منك يا ظالمنى على الدوام
اية يا فيلو فى اية اللة هى ايمى دى عمالك حساسية
يا ابنى انت على طول شاكى وباكى منى كدة اللة يسامحك
طيب اهو ربنا وقعك فى بير اعمالك الجيش هيعلمك النظام والنشاط والاعتماد على النفس وحاجات كتيررر اوى تخلصلى حقى منك

يا جماعة اللى مش عاوز ايمى تدخل موضوعاتة يقول وانا هتصرف
معاها بنفسى وبصفة شخصية محدش يقلق خالص

==================

بجد بجد موضوعك احزنى جدا جدا يا جورج انت اللى هتوحشنا كلنا حقيقى بجد
وهنفتقدك كتير دايما وجودك جميل دايما ردوك مع انها كتير بتكون مختصرة ومستفزة هههههه
بس حلوة وكانت بتسعدنى حقيقى لانى عارفة قلبك الناصع منة بياض ونور المسيح حقيقى خسارة كبيرة للمنتدى للاسف
انا اتعلمت منك حاجات كتير اوى يا جورج بجد يعلم ربنا ومش ممكن انساها ابدا اتعلمت المحبة وعدم الادانة وانى اعيش الواقع كما هو واقبلة كما هو وان مفيش جنة على الارض اتعلمت مدخلشى فى حاجة يجى منها المشاكل وحاجات كتير يطول شرحها بصراحة انت كلك شمعة حلوة اللى يعرفها يشوف نور المسيح كنت متوقعالك مستقبل حلو فى المنتدى قلت هتبقى ايموندد الصغير بس مش مشكلة بكرة ترجع بالسلامة وتبقى معانا تانى والايام بتعدى بسرعة وخصوصا للى زيك قلوبهم مليانة سلام وخضوع لمشيئة ربنا
ربنا معاك يا جورج ويحافظ عليك يارب خلى بالك من نفسك وكل ما تنزل اجازة تدخل وتطمنا عليك اكييييييييد
انت هتقعقد اد اية يا لمض انت ؟؟
هتخلصة امتى الجيش دة ؟؟

[zaza2006]

ربنا معاك يا فيلو وبجد هتوحشنا كتير
هتوحشنى المناقرة بتاعتك وخفة دمك
ربنا معاك فترة وهتعدى عليك بسلام يارب
وهندعيلك ديما ترجعلنا بالسلامة

[aymonded]

عموماً لن أستطع أن اتفوه ببنت شفه سوى أني أهديك قائلاً بهتاف هاتفي
قد طلَّ حبيباً أقعسا من بعد ليل مال وأدعسا
مقعقعا في بيداء طروبِ مزركلي وقد وفد منه مبعثا
وصار في أفلاك دجى مقرنصا فهام فيه مُقرطاً بشنكلي
ينطق بما بال به وابتلي مقرمطاً بين خبئ هيكَ وهنكلي
فإذ هام به متعزبطي وقد أطاح بكروبٍ كلكلي
فكاد من فرط الحطيف أن يُضربي ما بين الدروب الهندلي
فليس هو بقعيد ولا البعيط المنفلي
وعجبي

[emmmy]

عموماً لن أستطع أن اتفوه ببنت شفه سوى أني أهديك قائلاً بهتاف هاتفي


قد طلَّ حبيباً أقعسا من بعد ليل مال وأدعسا



مقعقعا في بيداء طروبِ مزركلي وقد وفد منه مبعثا



وصار في أفلاك دجى مقرنصا فهام فيه مُقرطاً بشنكلي



ينطق بما بال به وابتلي مقرمطاً بين خبئ هيكَ وهنكلي



فإذ هام به متعزبطي وقد أطاح بكروبٍ كلكلي



فكاد من فرط الحطيف أن يُضربي ما بين الدروب الهندلي



فليس هو بقعيد ولا البعيط المنفلي



وعجبي




ههههههههههههههههههههههه
هو محدش بيفلت من تحت ايدك خالص كدة
ارحمنا يااارب وارضى وسامحنا وبلاش عقاب استاذ ايمن دة

[david201050]

ههههههههههههههههه خلاص يافيلو كبرت وهتروح الجيش وهتمسك سلاح بس بجد هتوحشنا كتير وربنا معاك ووواعي تنسانا ياصغنن وربنا معاك ويرعاك

[aymonded]

هههههههههههههههههههههه ده انا مش رضيت اجيب شعر من ملوك الشعراء أمثال
* حاجز بن عوف بن الحارث بن الأخشم بن عبد الله بن ذهل بن مالك بن سلامان بن مفرج الأزدي
* هدبة بن الخشرم بن كُرز، من بني عامر بن ثعلبة من سعد هذيم من قضاعة
* أُحَيحَة بن الجُلاح بن الحَرِيش الأوسي أبو عمرو
* بلعاء بن قيس بن ربيعة بن عبد الله بن يعمر بن عوف بن كعب من كنانة بن خزيمة
* عمرو بن قميئة بن ذريح بن سعد بن مالك الثعلبي البكري الوائلي النزاري

ومش رضيت اجيب منهم شعر علشان تعرفوا اني طيب

[emmmy]

ههههههههههههه اللة يكون فى عونك يا جورج
ربنا يساعدك يا اخويا لما تيجى وتشوف الهدية بتاعت ايموندد دى
مش عارفة هتطلع من تحت ايدة شكلك اية اقولك كويس كل بفايدة
ساعتها هيعفوك من الجيش وبكدة يبقى استاذ ايمن نفعك لما جبلك حول فكرى

[aymonded]

ههههههههههههههههههههههه وعلى رأي المثل الشعري المعروف
تفشحط الفشحاط متشحطفا في شحط الحفا
الهيكذوب الكيكذوب تهـــيهعا كعلقبوط المُنـفلي
فدعشَرَ القُحطلين إذ تحشرجت شُرافتاه وخرت الخُصُعبلي
وتقوســت منه العروق باديةٌ حتى اشمخرَّ وفر منه المفصلي
ففلّ حبيباً مُفشحطا في غسق الدُجى بذليلُ ليلٌ هيهعا
فدُعشِرَ واشمخرَّ واقشهر وفر منه المفصلي

[اناستاسيا]

مثل ما ارسل الرب يسوع تلاميذة ليكرزوا فى جميع الامم بأسمة فهو ايضا أعطاك هذة الرسالة ليمجد الناس اسم الرب من اعمالك فأسقى الزع اليابس حتى ينمو ويعطى ثمار
ربنا يرعاك ويحافظ عليك دائما

[elphilasouf]

يافيلو ياصغنن كبرت خلاص يابطة وهتروحي الجيش هههههه بجد ربنا يكون معك ياحبيبي ويحافظ عليك ومتقلق
واقلق ليه بس
هههههههههههههههههه
صليلي يا سكر ، ارجع كده الاقي عندك مزرعه عيال

[ريم الخوري]

ان سرت في وداي ظل الموت فلا اخشي شراً لانك معي عصاك وعكازك هما يعزياني هدول اقوي بكتير من البتاعة دي ههههههههههه

انت ملح يا جورج .......... ميتخفش عليك تعرف كيف تدي للحياتك الجديده طعم ولون ومذاق حلو يعكس نور ربنا للجميع (ليروا اعمالكم فيمجدوا اباكم السماوي ) ..........ربنا يكون معاك وشفاعتة امنا العدراء تحفظك وين ما كنت
قيامة مجيدة
المسيح قام .........حقا قام

[elphilasouf]

هيوحشني
أتابع إيمي وهي بتناقر كل واحد مامته دعت عليه و حب يكتب موضوع و إيمي دخلت تقراه
هههههههههه يا إيمي أرحمي الأعضاء أبوس أيدك


هههههههههههههه
يا ساتر يارب منك يا ظالمنى على الدوام
اية يا فيلو فى اية اللة هى ايمى دى عمالك حساسية
يا ابنى انت على طول شاكى وباكى منى كدة اللة يسامحك
طيب اهو ربنا وقعك فى بير اعمالك الجيش هيعلمك النظام والنشاط والاعتماد على النفس وحاجات كتيررر اوى تخلصلى حقى منك

==================

بجد بجد موضوعك احزنى جدا جدا يا جورج انت اللى هتوحشنا كلنا حقيقى بجد
وهنفتقدك كتير دايما وجودك جميل دايما ردوك مع انها كتير بتكون مختصرة ومستفزة هههههه

ربنا معاك يا جورج ويحافظ عليك يارب خلى بالك من نفسك وكل ما تنزل اجازة تدخل وتطمنا عليك اكييييييييد
انت هتقعقد اد اية يا لمض انت ؟؟
هتخلصة امتى الجيش دة ؟؟

:) يارب يا إيمي مش عاوزكوا تنسوني و ديما تصلولي ...
أنا هريحكوا مني سنتين وكام شهر ... :) يعني هيعدوا هوا هووووووووف :)
بس أكيد في أول أجازه هدخل المنتدي علي طول واعرف أخباركوا واحد واحد

[elphilasouf]

ربنا معاك يا فيلو وبجد هتوحشنا كتير
هتوحشنى المناقرة بتاعتك وخفة دمك
ربنا معاك فترة وهتعدى عليك بسلام يارب
وهندعيلك ديما ترجعلنا بالسلامة


:) متنسيش تصليلي يا نهي .......
وربنا يحافظ عليكوا واحد واحد
هتوحشوني جدا

[elphilasouf]

ههههههههههههههههه خلاص يافيلو كبرت وهتروح الجيش وهتمسك سلاح بس بجد هتوحشنا كتير وربنا معاك ووواعي تنسانا ياصغنن وربنا معاك ويرعاك
جاي مع مين ده يا جدعان
ههههههههههههههههههههههههه هه
اه يا ولدي كبرت ماهو لازم الصغير يكبر :)
ههههههههههههههه
صليلي بقي أوعي تنسي :)

[elphilasouf]

عموماً لن أستطع أن اتفوه ببنت شفه سوى أني أهديك قائلاً بهتاف هاتفي
قد طلَّ حبيباً أقعسا من بعد ليل مال وأدعسا

مقعقعا في بيداء طروبِ مزركلي وقد وفد منه مبعثا

وصار في أفلاك دجى مقرنصا فهام فيه مُقرطاً بشنكلي

ينطق بما بال به وابتلي مقرمطاً بين خبئ هيكَ وهنكلي

فإذ هام به متعزبطي وقد أطاح بكروبٍ كلكلي

فكاد من فرط الحطيف أن يُضربي ما بين الدروب الهندلي

فليس هو بقعيد ولا البعيط المنفلي

وعجبي



هههههههههههههههههههههههه
أنا اسف
هدي نفسك أنت بس


هههههههههههههههههههههه ده انا مش رضيت اجيب شعر من ملوك الشعراء أمثال
* حاجز بن عوف بن الحارث بن الأخشم بن عبد الله بن ذهل بن مالك بن سلامان بن مفرج الأزدي
* هدبة بن الخشرم بن كُرز، من بني عامر بن ثعلبة من سعد هذيم من قضاعة
* أُحَيحَة بن الجُلاح بن الحَرِيش الأوسي أبو عمرو
* بلعاء بن قيس بن ربيعة بن عبد الله بن يعمر بن عوف بن كعب من كنانة بن خزيمة
* عمرو بن قميئة بن ذريح بن سعد بن مالك الثعلبي البكري الوائلي النزاري

ومش رضيت اجيب منهم شعر علشان تعرفوا اني طيب



هههههههههههههههه
المشكله يا إيمي إن دول شعراء حقيقيين من العصر الجاهلي :)



ههههههههههههههههههههههه وعلى رأي المثل الشعري المعروف
تفشحط الفشحاط متشحطفا في شحط الحفا

الهيكذوب الكيكذوب تهـــيهعا كعلقبوط المُنـفلي

فدعشَرَ القُحطلين إذ تحشرجت شُرافتاه وخرت الخُصُعبلي
وتقوســت منه العروق باديةٌ حتى اشمخرَّ وفر منه المفصلي

ففلّ حبيباً مُفشحطا في غسق الدُجى بذليلُ ليلٌ هيهعا

فدُعشِرَ واشمخرَّ واقشهر وفر منه المفصلي




هههههههههههههههههههههه
ياراجل ، أرحمني ده أنت هريني من الصبح
ههههههههههههههههه
هيوحشني شعرك الحلمنتيشي ده يا صديقي الصدوق :)
صليلي ديما :)

[elphilasouf]

مثل ما ارسل الرب يسوع تلاميذة ليكرزوا فى جميع الامم بأسمة فهو ايضا أعطاك هذة الرسالة ليمجد الناس اسم الرب من اعمالك فأسقى الزع اليابس حتى ينمو ويعطى ثمار
ربنا يرعاك ويحافظ عليك دائما

يارب أكون فعلا قد المهمه دي يا أخت اناستاسيا :)
صليلي كتير جدا :)

[elphilasouf]

ان سرت في وداي ظل الموت فلا اخشي شراً لانك معي عصاك وعكازك هما يعزياني هدول اقوي بكتير من البتاعة دي ههههههههههه

انت ملح يا جورج .......... ميتخفش عليك تعرف كيف تدي للحياتك الجديده طعم ولون ومذاق حلو يعكس نور ربنا للجميع (ليروا اعمالكم فيمجدوا اباكم السماوي ) ..........ربنا يكون معاك وشفاعتة امنا العدراء تحفظك وين ما كنت
قيامة مجيدة
المسيح قام .........حقا قام
صليلي فعلا أكون ملح ، دي حاجه كبيره أوي عليا :)

[كرستين صفوت]

ترجع بالسلامه يافيلو ماتخفش ماحدش هينساك بس انت ماتنساش نفسك هناك.هههههههه

[nermos1982]

هتوحشني الاخت نرموس وشعرها اللي بيجبلي حساسيه

ده انت هاتشوف الحساسية اللى حق فى الجيش . ماشى يافيلو . يارب ...................... ولا بلاش اناقلبى ابيض مش هادعى عليك




















































































بجد هاتوحشنا اوى يا فيلو وهاتوحشنا لماضتك يا واد . ترجعلنا سالم غانم منصور يابنى انشاء الله

[elphilasouf]

ترجع بالسلامه يافيلو ماتخفش ماحدش هينساك بس انت ماتنساش نفسك هناك.هههههههه


هههههههههههههههههههه
يارب افتكر :)
ربنا معاكي يا كرستين ...

[elphilasouf]

هتوحشني الاخت نرموس وشعرها اللي بيجبلي حساسيه

ده انت هاتشوف الحساسية اللى حق فى الجيش . ماشى يافيلو . يارب ...................... ولا بلاش اناقلبى ابيض مش هادعى عليك


بجد هاتوحشنا اوى يا فيلو وهاتوحشنا لماضتك يا واد . ترجعلنا سالم غانم منصور يابنى انشاء الله

نفسي أفجر مفتاح انتر اللي عندك ده
هرجعلك بـ5 أسير من الأعداء انشالله

[twaty]

ترجع بالسلامة وربنا معاك ويقويك وبجد هنفتقدك كتير ومش تقلق
هنصليك على طول

[Dr.PeRO]

تروح وترجع بالسلامة يا جورج .. حقيقي انا ملحقتش اعرفك كويس ولاحظت فعلا ان ردودك قليلة وظهورك مش كتير بس الحقيقة حبيتك فعلا .. ربنا معاك ويعدي الفترة الرخمة ديه بسرعة وسلام .. اسمحلى أدعيلك عالسريع كده: روح يا شيخ .. وتعالى بسرعة ههههههه

[عماد حسنى]

ربنا معاك يا جورج
يسندك ويقويك
ويعدى ايامك على خير وسلام
وترجع تنور تانى مكانك
ربنا والعدرا وكل القديسين يحافظوا عليك

[elphilasouf]

شكرا لمشاعركوا الجميله دي بجد
لكن الحمدلله لسا عندي فرصه أقعد معاكوا فيها


تم تأجيل الترحيل ليوم 5/7/2011

[نبتة من غرس يمينة]

ربنا معاك يا فليسوف ويحافظ عليك
ولاد ربنا هو معاهم في اي مكان بيرحو الية وبيكونو نور في وسط الظلام
كويس خالص ان اتاجل حبة علشان تفضل منور المنتدي بخفة ظلك وقلبك الحلو
مرسي انك افتكرتني مع اني حد جديد وسعيدة انك عديتني من اسرة المنتدي الجميل
ربنا يحافظ عليك

[emmmy]

تم تأجيل الترحيل ليوم 5/7/2011


بجد يا فيلو كويس خالص دة خبر جميل بجد
ربنا يرتب ليك الصالح دايما يااارب

[aymonded]

شكله هايتأجل بعد كده لأجل غير مُسمى
بعد ما نراك عريس ومعاك 7 أولاد توأو وعليهم 4 أطفال هدية
والحق قبل ما ينتهي الموسم وتفوتك الهدية

[emmmy]

شكله هايتأجل بعد كده لأجل غير مُسمى

بعد ما نراك عريس ومعاك 7 أولاد توأو وعليهم 4 أطفال هدية
والحق قبل ما ينتهي الموسم وتفوتك الهدية





ههههههههههههههههههههه
بجد عليك روح مرحة ملهاش مثيل
جورج يارب يارب اشوفك ابو العشر عيال يارب
وافرح فيك ونخلص منك بقى امتى بس امتى ؟؟؟؟

[aymonded]

قريباً بس قولي انشاء الله
ويبقى أبو العيال اللي هايغلبوه
في المصروف ويسرعوه أثناء الليل وطول النهار

[elphilasouf]

ربنا معاك يا فليسوف ويحافظ عليك
ولاد ربنا هو معاهم في اي مكان بيرحو الية وبيكونو نور في وسط الظلام
كويس خالص ان اتاجل حبة علشان تفضل منور المنتدي بخفة ظلك وقلبك الحلو
مرسي انك افتكرتني مع اني حد جديد وسعيدة انك عديتني من اسرة المنتدي الجميل
ربنا يحافظ عليك
أكيد كويس وأكيد خير موضوع التأجيل شويه
هبقي علي قلبكوا 3 شهور كمان :d
وصدقيني في ناس كتير أوي كانت عاوز اكتب أسمائهم بس الموضوع هيكون طويل أوي ..... أعبال ما الناس تقراه أكون خلصت مده الخدمه تبعي :)

[elphilasouf]

تم تأجيل الترحيل ليوم 5/7/2011


بجد يا فيلو كويس خالص دة خبر جميل بجد
ربنا يرتب ليك الصالح دايما يااارب
يارب يا إيمي يأاختي

[elphilasouf]

شكله هايتأجل بعد كده لأجل غير مُسمى
بعد ما نراك عريس ومعاك 7 أولاد توأو وعليهم 4 أطفال هدية
والحق قبل ما ينتهي الموسم وتفوتك الهدية


هههههههههههههههههههههههه
طب ممكن أخود الهديه وبلاش تشوفني عريس :d

ههههههههههههههههههههه
بجد عليك روح مرحة ملهاش مثيل
جورج يارب يارب اشوفك ابو العشر عيال يارب
وافرح فيك ونخلص منك بقى امتى بس امتى ؟؟؟؟
بعد الشر عليا أنشالله انتي يا شيخه

قريباً بس قولي انشاء الله
ويبقى أبو العيال اللي هايغلبوه
في المصروف ويسرعوه أثناء الليل وطول النهار



ههههههههههههههههههههههههه ه
مكفايا انتي بتسرعني كل شويه بالعفاريت اللي بتبعتهالي

[kiro0oalex]

يااااااااااه يا فيلو هتوحشنى كتييييييير اوووووى يا غالى
مش متصور ارثو من غيرك لاننا اتعودنا عليك وعلى حضورك وخفه دمك الجميل
ربنا يكون معاك يا غالى فى التجربه الجديده ديه ويساندك وترجع لنا بألف سلامه يا رب

[ماري جمال جرجس]

ترجع بالسلامة لاخواتك فالمنتدي من تاني انشاء اللة

[كيرو رافت]

تصدق يا واد يا فيلووووو
اول مرة اشوف الموضوع ده وكويس انى ما شوفتوش فى وقته كنت هازعل عليك قوى
كويس انى شوفته بعد التأجيل وبجد عندى احساس غريب انك موش هاتدخل الجيش
موش علشان انك لسه صغنون لكن علشان ربنا يحميك من البهدله
وانتى يا ابنى موش وش بهدله
مع ان الجيش دلوقتى بقا فايف ستارز
لكن ربنا بجد يعملك اللى فيه الصالح وتلاقى هناك حد غيرى يعمل لك تلاتين بيضه
زى اللى طفحناهم فى اليكس فاكر يا مااااااااااان
بجد هاتوحشنى جدا جدا ويا رب دايما تكون موجود ومنور حياتنا وقلوبنا
ربنا معااااااااااااااااااك يحفظك ويرعاك ويسدد خطال

[miro_rook]

جندي مجند جورج
حتوحشني اوي
وديما افتكر شعارنا خلي السلاح صاحي صاحي
هههههه
حتوحشنا

[miro_rook]

ايه ده هو الجيش اتاجل
طيب انت ولا كنت هتوحشنا ولا حاجه من اللي مكتوب فوق ده
نياهاهاهاهاهاهاهاهاههاهاه اهاهاها
مبروك يا بطه