المساعد الشخصي الرقمي

مشاهدة النسخة كاملة : يوم الفلانتين ماتت حبيبتي


MICKEY
04-28-2011, 09:44 AM
بقلم : مايكل سامي




http://store2.up-00.com/Mar11/DqB13606.jpg





يوم الفلانتين ده من الايام الميه ميه
بلبس فيه التيشرت الابيض في اسود اللي عامل زي بتاع الحراميه
وبقف تحت بلكونه حبيبتي وبنادي باعلي صوت واقولها انزلي يافوزيه

نزلت فوزيه ولابسه حاجات مش اللي هيه
لبسالي بلوزه كت وجيبه فوق الركبه ولرجليها مش مداريه
دمي فار ووشي احمر ماهي مش دي عادتنا المصرية
قولتلها اطلعي غيري هدومك يابنت الناس وعدي الليله ديه
قالتلي خليك متحضر يابيبي وبلاش افكارك الرجعيه
قولتلها هو التحضر اني وانا معاكي الاقي ماشي ورانا كل البشرية
يبصوا عليكي بعنيهم ويقولوا كلام يحرق فيا

قالتلي وبعدين معاك بطل تخلف وبينا علي الحديقه اليابانيه
وبعد كده ندخل مطعم ونضرب فراخ مشوية
ونحلي برز بلبن او حتي ملهبية

قولتلها مش هتحرك من هنا غير لما تلبسي حاجه ملمومه شويه
قالتلي يعني تحب الفلك نفسي في بطانيه
ولا اخرج معاك بشبشب الحمام وفوقيه الجلابيه

من هنا لهنا طلعت فوزيه ولبست ملابس شتويه
مش مبينه حاجه منها لدرجة اني معرفتهاش مين هي :)

ولسه يادوب هتعديلي الطريق عشان تمسك ايديا
لقيت شاب ماشي بسرعه وخبطها بالعربية

زعلان عشان هاكل لوحدي الفراخ المشوية
بس الحمد لله وفرتلي تمن الهديه

http://www.orsozox.com/forums/images/smilies/small/ce.8717907cffba7a90a07abaab496d3f2a.em3400,g.gifht tp://www.orsozox.com/forums/images/smilies/small/ce.8717907cffba7a90a07abaab496d3f2a.em3400,g.gifht tp://www.orsozox.com/forums/images/smilies/small/ce.8717907cffba7a90a07abaab496d3f2a.em3400,g.gifht tp://www.orsozox.com/forums/images/smilies/small/ce.8717907cffba7a90a07abaab496d3f2a.em3400,g.gif