الذنب ذنبي [الأرشيف] - †† ارثوذكس ††

MICKEY

04-28-2011, 09:45 AM

بقلم : مايكل سامي

http://store2.up-00.com/Mar11/DqB13606.jpg

القصيدة دي انا كتبتها ويارب تعجبكم
مستني ردودكم الجميلة
وأذكروني في صلواتكم

الذنب ذنبي مش ذنبها ..... انا اللي رحت كلمتها
انا اللي رُحت وعرفتها ..... الذنب ذنبي مش ذنبها

انا اللي رُحت وقابلتها ..... انا اللي ليا قربتها
وعلي أسراري أمنـْـتها ..... الذنب ذنبي مش ذنبها

علي كل حياتي حكيتلها ..... علي ضيقي وأهاتي شكتلها
ولضحكي وحزني شاركتها ..... الذنب ذنبي مش ذنبها

محصلش مرة وجرحتها ..... ولا جيت في يوم زعلتها
ياريتني ماكنت عرفتها ..... الذنب ذنبي مش ذنبها

ياريتني ماكنت شوفتها ..... ياريتني ماكنت صاحبتها
انا اللي لحياتي قربتها ..... الذنب ذنبي مش ذنبها

والله عمري ماخدعتها ..... ولا جرح وهم شيــَّـلتها
بمشاعري وشوقي صارحتها ..... الذنب ذنبي مش ذنبها

في يوم من الأيام وعرفتها ..... وفي يوم تاني سيبتها
ايام تفرق ايام تقرب ايام ملتني بجرحها ..... الذنب ذنبي مش ذنبها

مش عاوز اشوف وشها ..... بسبب عمق جرحها
اللي بعدني عنها ..... الذنب ذنبي مش ذنبها

انا بس عاوز اقولـَّها ..... اني مشوفتش زيــــَّـــها
في جمالها وطيبة قلبها ..... الذنب ذنبي مش ذنبها

يابخت اللي يحبها ..... وهي تحبه بقلبها
وتديله حنانها وفرحها ..... الذنب ذنبي مش ذنبها

مش انا اللي بعدت عنـــًّـــها ..... هي اللي اختارت بـُعدها
لدخول واحد قلبها ..... الذنب ذنبي مش ذنبها

يارب خدني قبلها ..... لأني لسه بحبها
ومش قادر استحمل بُعدها ..... الذنب ذنبي مش ذنبها