باة بعد الزمالة دي كلها بتقولي عليا ببخر للاصنام !!!!

[نبتة من غرس يمينة]

بسم الثالوث المقدس الة واحد امين


اخوتي في الرب مش عارفة اقولكم اية



كل اللي هقولة اني هحكيلكم كلام دار بيني وبين زميلة غير مسيحية




الكلام صراحة والنقاش ونتيجتة العقيمة اللي ما اثمرتش غير باني قررت مش اتكلم مع الانسانة دي تاني

كنا زمايل وبنحترم بعض جدا وعمرنا ما اتكلمنا في شيء عن الدين



الي ان قالت لي جملة عجيبة جننتني وخلتني اتكلم ازيد من ساعة رد علي جملتها


الحقوا شوفو ا بتقول اية


انتم بتبخروا للصور في الكنيسة
يعني اسمحيلي بدون زعل

انتم زي اللي كانوا زمان بيعبدو الاصنام


انا اتكلمت كتير جداوفضلت اقول ان التبخير في الكنيسة للايقونات والصور تبركة تطهير وتمثيل لحلول روح الرب علي المكان والناس وكمان لنتشبة بان الصلاة مقبولة ومرفوعة امام الله كالبخور وتنبية لحلول الرب في وسطنا
وكتشبية لان الرب قبل الصلوات
وان البخور وقيامنا به كمثال اننا نشترك مع السمائين
وان البخور دة زي سحابة الشهود اللي قال عنها معلمنا بولس
وان البخور دة فية تزكرة لابائنا الذين رحلوا

وان احتراق البخور فوق الفحم المتقد يدل على الآم المسيح و
الرائحه الجميله للبخور تشير لبركات تلك الالآم المقدسه و رمز أيضاً للمؤمن
المتألم من اجل ربنا
وان الشورية اللي فيها البخور دي مثال للعدرا اللي حملت الله خالق الكون ولم تحترق ولم تمسسها اي ازية
وان التبخير ليس لشيء معين كعبادة ولكن كامر رمزي يذكر وينبه لاشياء جميلة
ويشير لحجات عظيمة وليس عبادة وثن


ييظهر انا تعبت نفسي في نقاش عقيم واعطيت القدس لغير المستحقين
حسيت اني غلطانة لان اللي مفيهوش الروح القدس مش ممكن هيفهم المعاني العظيمة والرموز لاشياء نقية ومكنش حقي ارد
بس حقيقي مقدرتش

ودي حاجة علمتني مش هسمح بكلام تاني او نقاش مع غير ولاد الملك
اية رايكم في اللي بيحصل

انا دوشتكم اكيد

سامحوني

نبتة من غرس يمينة
2011\5\7

[aymonded]

سلام لنفسك يا محبوبة الله والقديسين
أولاً من طبيعة البلاد الشرقية أنها مياله بطبعها نحو الخوارق والأفكار الوثنية القديمة المرتبطة بكل أعمال السحر واستخدام البخور فيها ، وإلى اليوم لازال الكثيرون يتأثرون بأفكار الشرق القديمة عن السحر والشعوذة والحسد وغيرها من الأمور التي كان يتسم بها الشرق إلى أن امتد صداها وخلطها ومزجها ببعض الأفكار الشعبية الموروثة وببعض الممارسات الشعبية وعلى الأخص في المناطق التي تتسم بعدم الثقافة وتعتمد وتقتات فكرياً على الموروثات والأفكار القديمة المتناقلة جيلاً بعد جيل ، لأن ما يُنقش في الطفولة وبخاصة من الأجداد - في ظل مجتمع لا يميل للثقافة وطبيعة فكره ضحل ولا يهتم بالتعليم كثقافة وغذاء فكري - يظل محفوراً في ذهن الإنسان إلى أن يتحول لتصديق وإيمان لا يُمكن ان يُنقض مهما ما وصل لعلم أو معرفة ، لأن الموروثات دائماً ما تطغي على أي فكر منطقي أو علمي ، بل يحتاج لتغييره قوة ثقافة وانفتاح العقل والذهن باستنارة ، ومن هذا المُنطلق والتأثير - وعلى الأخص الحواديت الشعبية المتناقلة من الأجيال المتعاقبة وعدم القدرة على تفسير بعض الأحداث التي قد تظهر أنها خارقة للطبيعة بالعلم - ربطوا دائماً البخور بتحضير الأرواح والعبادات الوثنية البالية ، حتى أنهم عكسوا هذا على الكنيسة حينما يرون الكاهن يمسك الشورية ويبخر ، فلا يستطيعوا أن يفهموا أن هذا لا علاقة له بذاك إطلاقاً ، وذلك لأن الثقافة الموروثة تؤثر تأثيراً فعالاً على الأفكار العامة وبخاصة لو كان الإنسان غير مثقف وعلى الأخص أن لم يكن له علاقة حية بالكنيسة والكتاب المقدس ، بل يسمع عنها فقط لمن لا يفهم طقسها ويشرح أصوله ، لأن حتى كثير من الطوائف الأخرى تتهمنا بنفس ذات الاتهام بسبب أنهم يرون أنهم فقط على صواب والآخر على خطأ بغير تمميز واضح ما بين الخطأ والصواب الفعلي بحسب روح الحق الذي يعلن الحق في القلب والذهن للحياة وليس للمعلومات المجردة من حياة الشركة ....

فمن يستطيع أن يُدرك ويُبصر ويرى بخبرة روحية عميقه أنه حينما يطوف الكهنة بالبخور حول المذبح أولاً وأمام الأيقونات وأجساد القديسين والشعب ، فإنما يجمعوا صلوات الجميع كصوتٍ واحد لأعضاء حية في الجسد الواحد أي الكنيسة الواحدة ويحملونه بالبخور العطر ، وترفعه الملائكة مع صلوات جميع القديسين ، وهكذا تتقوى صلواتنا ، وترفع في صوتٍ وقلبٍ واحد كجسد واحد حي بالله الذي يسكن فينا كلنا معاً ويشع فينا حياته : " وجاء ملاك آخر ووقف عند المذبح ومعه مبخرة من ذهب وأُعطى بخوراً كثيراً لكي يقدمه مع صلوات القديسين جميعهم على مذبح الذهب الذي أمام العرش فصعد دخان البخور مع صلوات القديسين من يد الملاك أمام الله " ( رؤ8: 3و4 ) ، فهذا هو أساس البخور في الكنيسة وهو دعوة مقدمة للجميع لأجل سيرة روحانية طاهرة بروح القداسة والطهارة في المسيح يسوع ، لكي تُرفع صلواتهم مع الكنيسة كعطر تفوح منه رائحة المسيح الزكية لأن أعضاء الكنيسة يعيشون لابسين الرب يسوع غير صانعين تدبيراً للجسد لأجل الشهوات والروح القدس يغيرهم لصورة المسيح الرب القائم بمجد عظيم وتفيح منهم رائحة المسيح الزكية لأنهم يقدمون ذواتهم ذبيحة محرقة ببذل المحبة كل يوم ، وهنا أيضاً تظهر صلواتهم حسب مشيئة الله بروح القداسة والطهارة وحياة الشركة المقدسة في الجسد الواحد الغير منقسم ، وهذا بالطبع لكي يُفهم فهماً صحيحاً يتطلب رؤية قلبية واعية لمن آمن بالمسيح ويحيا في الكنيسة الجامعة جسد المسيح الحي ، ويعيش بروح التوبة الدائمة والصلاة بالروح القدس والحق متغيراً لتلك الصورة عينها من مجد إلى مجد كما من الرب الروح ....

فيا محبوبة الله الحلوة ، إناء الله المقدس ومقر سكناه بالروح ، أي نقاش في طقس أو عقيدة لمن لم يؤمن ولا يُريد أن يؤمن وأن يحيا في شركة حية مع الله ، فستتحول حتماً لمناقشة عقيمة تجلب خصومات وفرقه ، فلا يستطيع أحد أن يبصر وهو لا يرى النور ، ولا يستطيع أحد أن يبني الدور العاشر وهو لم يضع الأساس بعد ، فصديقتك معذورة ولها كل العذر ، فمن لا يحيا بروح الكنيسة لا يستطيع أن يفهم طقوسها المجيدة بالروح ، والنتيجة التي وصلتي لها صحيحة 100% لأن بدون الروح القدس من يقدر أن يستوعب غنى مجد أسرار الله أو يقدر أن يقول على المسيح رب ، أو يستطيع أن ينضم للكنيسة ويفهم طبيعة أسرارها الروحانية المعلنة بسر الإيمان في القلب وانفتاح الذهن باستنارة الروح القدس .... أقبلي مني كل احترام وتقدير ؛ النعمة معك كل حين

[نبتة من غرس يمينة]

استاذ ايمن
كلام حضرتك افدني جدا واداني معلومات جميلة مكنتش بعرفها

مرسي خالص علي مشاركه حضرتك اللي كلها بركة
بس عاوزة اقول لحضرتك حاجة












انا مبقتش افرح الا لما الاقي مشاركه حضرتك

يعني ارجوك لو عملت انا موضوع من فضلك ضروري تشرفني فية

[aymonded]

بس كده انت تأمريني يا أجمل أخت حلوة عنيا ليكي بالطبع واعذري تقصيري
وصلي من أجلي يا محبوبة الله الحلوة ، نعمة ربنا يسوع تفيض داخلك سلام ومسرة آمين

[نبتة من غرس يمينة]

بس كده انت تأمريني يا أجمل أخت حلوة عنيا ليكي بالطبع واعذري تقصيري
وصلي من أجلي يا محبوبة الله الحلوة ، نعمة ربنا يسوع تفيض داخلك سلام ومسرة آمين


ربنا يخليك لنا استاذي العزيز
ويبارك خدمتك الجميلة ويقبلها منك كما قبل ذبيحة هابيل البار

[نبتة من غرس يمينة]

+++++++++++++++++++++++++++++

[مايكل ماهر]

تحية خاصة للاستاذ ايمن على الرد الكنسي والمنطقي وهذا النصح الحكيم والرائع
في هذا الموضوع , والمأخوذ من الاية (اما المناقشات الغبية فاجتنبها ) ,,,,,,,,,
ربنا يباركك

[نبتة من غرس يمينة]

تحية خاصة للاستاذ ايمن على الرد الكنسي والمنطقي وهذا النصح الحكيم والرائع
في هذا الموضوع , والمأخوذ من الاية (اما المناقشات الغبية فاجتنبها ) ,,,,,,,,,
ربنا يباركك

حضرتك عندك حق يا استاذ مايكل
المشاركه بتاعه الاستاذ ايمن افيد واجمل بكتير من الموضوع نفسه

نورت الموضوع بمشاركتك فيه

الرب معك

[emmmy]

موضوع رائع جدا يا نبتة
والرد كان بردوا رائع
بلاش تدخلى فى محادثات غبية مش هتخلصى منها
لان صعب جدا تعلمى طفل عقائد وطقس وصاحبتك دى طفلة فى تفكيرها
تجاة التعاليم المسيحية ولما بيكون حد منهم عاوز يفهم بيبقى ليها اسباب ودوافع وبردوا مش بندخل فى الطقس مرة واحدة كدة
فانتى متزعليش منها ومتخصمهاش لانك ابنة يسوع يعنى لازم المحبة تكون من صفاتك الجوهرية والعملية بس من غير دخول فى المناقشات اللى من النوع دة
وروقى وهدى نفسك يا قمر ولا تزعلى نفسك هههههههههههه انتى ردك كان جميل وعملتى اللى عليكى خلاص

ربنا معاكى

[ماري جمال جرجس]

اكيد كلام استاذ ايمن حلو ومقنع جدا بس متزعليش هما برضو فكرهم غير فكرنا خالص

[aymonded]

تحية خاصة للاستاذ ايمن على الرد الكنسي والمنطقي وهذا النصح الحكيم والرائع
في هذا الموضوع , والمأخوذ من الاية (اما المناقشات الغبية فاجتنبها ) ,,,,,,,,,
ربنا يباركك

ربنا يخليك يا محبوب الله الحلو والرائع في جمال جوهره الخاص حسب ملامح الله الحلوة التي فيك
ولنُصلي بعضنا من أجل بعض حتى نتقوى في الرب ونحيا وفق مشيئته المقدسة
كن معافاً باسم الثالوث القدوس آمين

[بنت الانبا بولا]

ميرسى ليكى يا نبتة على الموضوع
اسمعى نصيحتى لو حد منهم سألك على حاجة فى الدين مهما كان السؤال ايه قوليله انا مش هقولك حاجة اللى عايز تعرفه اسأل عليه ابونا فى الكنيسة صدقينى ساعتها هتلاقيه سكت خالص لان انتى لو قعدتى تحكى مع اى حد منهم من دلوقتى للصبح مش هيفهمك ومش هيقتنع بكلامك
ربنا يباركك يا قمر

[ريم الخوري]

المساير الحكماء يصير حكيما .........
راي بلا مناقشات لان في كتار اشخاص ينظرون على الامور بسطيحية ومشبعين بدا فبلا بيكون افضل
الرب يكون معك

[جاسيكا]

هههههههه
علفكرة انتى بتفكرينى بيا
كنت بصراحة بحب اجادل زيك كدة
وفالاخر اكتشفت انهم مبيفهموش غير الى هما عاوزين يفهموةة بس
مهما حاولتى تفهميهم مش هيفهمو
لان هما اساساا لما بيحبو يتكلمو فموضوع الدين بيبقا بهدف واحد بس
انهم يقنعوكى ان دينك غلط وهما احسن دا الغرض الوحيد الى بيتكلمو فالدين علشانة بصراحة مش كلهم فى ناس كانت بتسال بغرض المعرفة
لكن الاغلب كان بيسال للغرض الاولانى
فعلشان كدة متحاوليش انك تدخلى معاهم فاى جدال او نقاش
خاصة فموضوع الدين
ورد استاذ ايمن بجد جميل
وميرسى ليكى كتيررررررر
عالموضوع والمشاركة الجميلة دى
اكيد كلنا استفادنا منها
ميرسى ياقمر