عتاب من يسوع اليك

[MICKEY]

بقلم : مايكل سامي




http://store2.up-00.com/Mar11/DqB13606.jpg






عتاب من الله وليس الي الله
رايح تطلب معونه من بره ؟؟
خلاص يابني مبقاش عندك ثقه فيا ؟؟
رايح تصرخ وتقول الحقونا وتعالوا احمونا ؟؟
هل مار جرجس حبيبي زمان جري واستخبي من الموت ومن الشهاده ؟؟
هل مارمينا ومار مرقس طلبوا حماية من حد غيري ؟؟
ده انا قولتلكم كلمة واضحة اوي وصريحه
قولتلكم متخفوش
انتوا منقوشين علي كفي
واللي يمسكم يمس حدقة عيني
سامع ناس فيكم بتقول يارب ازاي منخفش وكل يوم يموت مننا واحد
انت لو تيجي وتشوف اخوك اللي مات ده مكانه فين دلوقتي هتقول ياريت كنت مت معاه
لو تعرف اخوك اللي مات شايف مين دلوقتي وحضر قداس مع مين انهارده في السما هتقول يارتني كنت مت معاه


رايحين ياولادي تطلبوا معونه من بره ؟؟؟
هو الملك بتاع بره اللي انتوا رايحين تطلبوا حمايته ده بيموت ولا هيحميكم علي طول
طيب طالما بيموت ليه رحتوله وسبتوا الملك اللي مابيموتش


انا بجمعكم ليا بس بطريقتي
بحاول اعمل معاكم حاجه تدخلكم الملكوت في اسرع وقت
انا بجمع خرافي الأن من انياب الذئاب
مع كل موت واحد منكم ايمانكم بيزيد اضعاف اضعاف
بتقروا في الكتاب المقدس اكتر من الاول
بتيجوا الكنيسة وبتتناولوا اكترة من الأول
لأن كل واحد خايف وعارف ان ممكن الدور يجي عليه في اي وقت

انا فرحان ان ايمانكم بيزيد اكتر واكتر بسبب اللي بيحصل
بس زعلان انكم خايفين ... انا الرب الهك اقول لك لا تخف صدقني لا تخف

تعالوا كنيستي وافتحوا انجيلي وشوفوا انا هعمل ايه
ده انا نقلت جبل بكلمة كيريالايسون
كلمة اتقالت بإيمان نقلت جبال
اين ايمانكم يااولادي
اين ايمانكم

تعالوا اليا ياجميع المتعبين وثقيلي الاحمال وانا اريحكم
صلوا كل حين ولا تملوا

[emmmy]

رائع رائع رائع
بجد جميل اوى ياريت كفاية خوف وضعف ايمان
ياريت نرجع للاب الحنان نحتمى فيى ونرتوى بية
ياريت تعلمنا نحمل سماتك ايها الرب يسوع ونشهد لاسمك
بارك يارب اعدائنا واغفر ليهم يا ابتاة لانهم لايعلمون ماذا يفعلون
افتح عيونهم علشان يشوفوا نورك ويمجدوا اسمك يا الهى وافتح عيونا
علشان نشوف جيش الخلاص بيدافع عنا واحنا صامتين بلسانا لكن بنصرخ
بايمانا نحوك اعينا يا اللة نحوك اعينا يااارب ملناش غيرك نترجاة ملناش غيرك ابدا

مرسى يا مايكل ربنا يدينا كلنا ايمان حقيقى

[sarah2009]

جميل اوى واحنا واثقين فى ربنا وهو مبيتاخرش

[vivian william]

احنا ثقتنا فى الهنا مش فى أى حد تانى

[يارب قف بجانبى]

wowowow
بجد جميلة اوىىىىىىىى
ميرسى كتير على تعبك
تعالوا اليا ياجميع المتعبين وثقيلي الاحمال وانا اريحكم

[misho55555]

جامد جداااااااااااااااااااا وربنا يسوع معانا ومش هينسانا

[bosecosta_2007]

الرب يبارك عمل يديه ويستخدمك لمجد اسمة القدوس
وربنا موجود وكله للخير ومسيرها تنتهى
وثق ان الذى اختارك لك اول الطريق لايمكن يتركك فى منتهاه
امين يارب واثقين فيك وفى محبتك لينا ولا يمكن نخاف من الموت ولا من اى حد ابدا ابدا

[david201050]

جميلة اوووي اوي بجديامايكل ويارب مايحرمنا من قلمك وبجد انت دايما منور المنتدي

[twaty]

قولتلكم متخفوش
انتوا منقوشين علي كفي
واللي يمسكم يمس حدقة عيني


بجد الموضوع فى منتهى الروعة واثقين فيك يارب
ومش بنخاف وانت معانا
ميرسى ليك وربنا يعوض تعب محبتك

[viyola]

جميل جدا جدا عتاب الرب يسوع لينا بس احنا كمان هانقوله احنا يارب واثقين فيك وفي كلامك ووعودك لينا اننا مانخفش من اللذين يقتلون الجسد وليس لهم اكثر ليفعلوه لكن ثقتنا فيك انت وحدك وليس اخر سواك علشان انت قلت ملعون من اتكل علي ايدي بشر يارب احنا مؤمنين انه ليس باحد غيرك الخلاص امين يارب. ربنا يبارك تعبك ويبارك في مجهوداتك لتشجيع انفسنا اكثر فاكثر.