تعرف عليها وهي متجوزه

[agab]

تعرف عليها وهي متجوزه واشفق عليها لكونها ووحيده بدون حب لان زوجها كالعاده اخذه الشغل والسفر وسواله عليها ضئيل جدا فقال الشاب وماله لما اتعرف عليها وابقي صاحبها واملي وقت فراغها علشان متحسش بالملل من الوحده وتطور الوضع ليصبح حب من ناحيتها فقد احبته اما الشاب فلم يمنعها من هذا وهو في حقيقه الامر لم يحبها كحبيبه بل احبها كاخت او لا سباب اخري مثل حد بيسال عليه او حد بيقضي معاه الوقت ولكنه لم يصارحها بالحقيقه بل قال انه ايضا يحبها لكي تستمر العلاقه وبعد فتره احس بالذنب مع تمادي العلاقه في المشاعر و كان يفكر في انهاء العلاقه وكلما جاءت الفرصه لكي يتركها يفكر فيها ويقول كيف اسيبها انا بخاف عليها ممكن تتعرف علي غيري ويكون وحش من الناس التانيه وياخدها لسكه اخرتها مش معروفه وفي نفس الوقت يقول هيا معايا مش بنعمل حجه غلط اخرنا كلام حلو في الشات وخلاص بس معرفشي لو سبتها غيري ممكن يعمل ايه
في نفس الوقت تعب هذا الشاب من هذه العلاقه مع العلم انه مش متجوز ومش عارف يتصرف ازاي في الموضوع ده
هل يستمر معاها
ولا يقطع العلاقه من غير حتي ما يقولها اي حجه في مره واحده يقطع العلاقه
ولا يقولها وبعدين يقطع العلاقه ولا يعمل ايه

[elphilasouf]

أعتقد إن دي مشكله الزوجه والزوج
ليه متحولش الزوجه تتفاهم مع زوجها وتطالب بحقوقها بكل الطرق الممكنه
اعتقد ده ده
علي الاٌهل هو الأهتمام
تحاول تطلبه بكل الطرق
أعتقد ده الحل .......... :)
وربنا يدبر الأمور

[Malak sokar]

الواحد بتجيلة لحظات ضعف كتيرة جدا المهم ميستسلمش لها.
هي لما حست بالفراغ كان في عيب من ناحيتها انها مقلتش لجوزها او ممكن تكون اتكلمت معة وهو محسش ومتغيرش او ظروف الدنيا اخدتة.
المفروصض هي تفكر كويس وتبتدي تحس ان دة مش كويس انشغالها بحد غير جوزها مش كويس.لازم تحاول بكل الطرق الممكنة انها تجذب جوزها تغيرة تغير من نفسها الاول لانها ممكن تكون بتفكر و تتصرف غلط.
اما عن الولد فهو بردو غلطان لانة بيقرب من واحدة وهو عارف هي بتفكر فية ازاي . المحروم ممكن ميعرفش يكبح مشاعرة لكن العقل والضمير بيقول انة لازم هو نقسة يبقي الشمعة الي بتنور لها الطريق بمعني يفهمها ان الي بيحصل دة غلط وانهم لازم يتغيرو . لازم يبعدو هما الاتنين وهي لازم تتغير وتقرب من جوزها
الموضوع قد يكون سهل نظريا لكن عمليا صعب جدا. لان المشاعر مش سهل تتداوي بس دة لازم الي يحصل ربنا معكم

[Dr.PeRO]

ما بني على خطأ فهو خطأ ايضاً ... الحكاية من الأول فيها غلطات كتير .. طالما هى متجوزة ازاى كل طرف يسمح لنفسه انه يصاحب طرف تانى ويقابلوا بعض وتتطور العلاقة لتصبح حب (حتى لو من طرف واحد) .. ثم لم يصارح الشاب ويوضح الحقيقة لها (وده كذب وخداع) ... للاسف خطوات كتير اتاخدت غلط فى غلط، والحقيقة ظاهرة جداا وهى انهم هما الاتنين بُعاد جدااا عن ربنا فسحوا لنفسهم بتجاوزات مش من حقهم ...

أما الشاب لو كان فعلاً عاوز يساعدها، كان اقصى حاجة يبعتلها كتب روحية يصلى من اجلها، واى مكان اتقابلوا فيه بالصدفة سواء فى النت او فى الحقيقة يبقى الكلام كله محوره روحى عشان ويبقى بكده هو فادها ومغلطش .. بالاضافة انه يصلى من اجلها عشان ربنا يلمس قلبها ويملا الفراغ ويصلح العلاقة اللى بينها وبين زوجها ,, لأن ممكن جداا زوجها يعرف اللى حصل بينها وبين الشاب وتبقى مشكلة كبيرة!!!

الحل للشاب، انه يتوب من قلبه على اللى عمله ويصلى كتير من اجل تدخل يد الرب فى المشكلة، ويروح لأب اعترافه (أو أب اعترافها) ويحكى له كل التفاصيل بأمانة ودقة شديدة .. وأب الاعتراف يحاول يفعد مع الاتنين ويتصرف هو .. لكن هنا ماينفعش نقول حلول دقيقة عشان طبعاً التفاصيل مش موجوده .. وأكيد ربنا هيدبر الصالح لولاده والمزمور بيقول: رحمته كثيرة لكافة المستغيثين به.

[اناستاسيا]

خيانة من الطرفين كيف تسمح لنفسها ان تفكر فى غير زوجها وكيف يسمح لنفسة ان يشغل تفكير انسانة متزوجة هتقول عشان ما تمشيش غلط هذة هى الثعالب التى تفسد الكروم تعرف هذة الزوجة حتى ولو زوجها موجود معها سوف تفكر فى غيرة لان داخلها فارغ من وجود اللة وسفر زوجها مش سببب لشعورها بالملل والاحتياج لا بل هى من الداخل خربة فهذا الشاب يخاف عليها لا يا سيدى لاتعطى لنفسك عذر فهذا الشاب موصوم معها لانة يعتبر وان جاز التعبير سبب عثرة انا اخاف على هذا الشاب من تلك السيدة اقول لهذا الشاب لا تضع يدك فى النار حتى لا تحترق بها فأفيقوا يا اولاد المسيح

[emmmy]

تعرف عليها وهي متجوزه واشفق عليها لكونها ووحيده بدون حب لان زوجها كالعاده اخذه الشغل والسفر وسواله عليها ضئيل جدا فقال الشاب وماله لما اتعرف عليها وابقي صاحبها واملي وقت فراغها اية اللى

اية اللى بيحصل دة هو احنا فى مجتمع غربى هنا ؟؟؟
ازاى يعنى ؟؟؟

علشان متحسش بالملل من الوحده وتطور الوضع ليصبح حب من ناحيتها فقد احبته اما الشاب فلم يمنعها من هذا وهو في حقيقه الامر لم يحبها كحبيبه بل احبها كاخت او لا سباب اخري مثل حد بيسال عليه او حد بيقضي معاه الوقت ولكنه لم يصارحها بالحقيقه بل قال انه ايضا يحبها لكي تستمر العلاقه وبعد فتره احس بالذنب مع تمادي العلاقه في المشاعر و كان يفكر في انهاء العلاقه وكلما جاءت الفرصه لكي يتركها يفكر فيها ويقول كيف اسيبها انا بخاف عليها ممكن تتعرف علي غيري ويكون وحش من الناس التانيه وياخدها لسكه اخرتها مش معروفه وفي نفس الوقت يقول هيا معايا مش بنعمل حجه غلط اخرنا كلام حلو في الشات وخلاص بس معرفشي لو سبتها غيري ممكن يعمل ايه

يا حنين يا طيب لأ بجد كريم وعندك مبدأ وضمير
خايف عليها من غيرك ؟؟
دة على اساس انك فوق الضعف وفوق الطبيعة البشرية مخلوق من حاجة تانية غيرنا ؟
يا عزيزى الخطية طرحت كثيرين وكل قتلاها اقوياء وانت مش احسن من داود اللى طمع فى امراة اوريا الحثى
دى واحدة متجوزة اية دخلك فى الدايرة دى ولية ؟؟
دى مشكلتها هى يا شهم هى اللى تحلها مع جوزها وتشوف اية سبب تعبها وتحل المشكلة بطريقة صححح والفراغ والمشاكل مش سبب ابدا علشان تعرفك وتكلمك وتتطور العلاقة لحد الحب
او اللى بتسمية انت حب بس هو مش حب خالص
ومفيش بيت خالى من المشاكل ابدا ابدا كل البيوت فيها مشاكل ومتاعب وبلاوى ملهاش اخر -- عااااااااااااااااااادى
يعنى مش سبب ولا مبرر لموقفكم دة ابدا ابدا ابدا ذنبها فى رقبتك

في نفس الوقت تعب هذا الشاب من هذه العلاقه مع العلم انه مش متجوز ومش عارف يتصرف ازاي في الموضوع ده
هل يستمر معاها
ولا يقطع العلاقه من غير حتي ما يقولها اي حجه في مره واحده يقطع العلاقه
ولا يقولها وبعدين يقطع العلاقه ولا يعمل ايه

انت متعبتش انت زهقت يا صاحب المرؤة ولان الموضوع كلة غلط فى غلط من الاول انت موصلتش لحاجة
وسؤالك اذا كنت تستمر معاها ولا ! لأ دة يدل على انك لسة جواك الفراغ الروحى وعدم اليقظة الحقيقية والتوبة الحقيقة وخوف اللة
انت عين فى الجنة وعين فى النار لانك بتحس بمتعة وانت بتتكلم معاها ومش عاوز تسبها وفى نفس الوقت انت مش خسران كتير
والشيطان جبهالك فى صورة جميلة تحت اسم الحنية والخوف عليها من تيار ممكن يجرفها لطريق غلط
فوق قبل فوات الاوان ومش غلط اننا نغلط كلنا تحت الضعف وكلنا بنغلط لكن الغلط حقيقى هو الاستمرار فى الغلط وعدم الرجوع للصواب ولاحضان الرب يسوع

[مارسيلكو]

يختفى من حياتها فورا