+++ الأفتقاد +++

[ماروجيرافك]

+++ الأفتقاد +++
الاٍفتقاد هو لون من الرعاية والمتابعة ، قال فيه القديس بولس الرسول ( لنرجع ونفتقد أخوتنا فى كل مدينة نادينا فيها بكلمة الرب كيف هم ) ( أع 15 : 36 )

الاٍفتقاد يلزم كل ما هو فى مسئولية

الأسقف والكاهن يفتقدان الرعية والخادم يفتقد تلاميذه والأب يفتقد أولاده وحتى المؤمن العادى يحتاج أن يجلس إلى نفسه ، يفتقد حياته ، أين هو سائر ؟

اٍفتقادك لغيرك ، يعنى اٍهتمامك به ، واٍطمئنانك عليه

لذلك يوجد الاٍفتقاد شعورا عميقا من الحب المتبادل أنت تفتقد من تحبه والذى تفتقده سيحبك لاٍهتمامك به وسؤالك عنه

وعلى العكس ، فاٍن عدم الاٍفتقاد يولد شعورا بالوحدة ، وضيقا فى النفس ، وما أسهل أن يقول الإنسان :

ليس لى من يسأل عنى ! حتى الكنيسة والآباء !

وكثير من أخوتنا ضاعوا ، لأنهم لم يجدوا من يفتقدهم ، أو لأن افتقادهم جاء متاخرا بعد فوات الفرصة بعد أن تعقدت الأمور ، أو بعد أن زال من قلوبهم شعور الاٍستجابة وحب الخير وحب المفتقد


لذلك فالاٍفتقاد السريع ينقذ المشاكل قبل تفاقمها


وبخاصة اٍفتقاد الصغار ، والضعفاء ، والجدد ، وكل من هو فى ضيقة أو تجربة ، أو تحت إغراء أو ضغوط مع عجزه عن إنقاذ نفسه والعثور على حل

وهناك فرق كبير بين الاٍفتقاد ، ومجرد الزيارة


فقد تزور إنسانا ، ومع ذلك لا تكون قد اٍفتقدته !

قد تزور وتحدثه عن أمور كثيرة ، دون أن تحدثه عن الله ومدى علاقته به ! الاٍفتقاد هو أن تدخل إلى حياته ، وتتعرف على مشاكله وتعينه على حلها وتوجد صلة عملية قوية بينه وبين الله

الاٍفتقاد هو أن تزور غيرك ومعك الله وحينما تخرج تكون قد تركت الله فى بيته ، وفى قلبه
ليتك فى ختام هذا المقال ، تسأل نفسك : من الذى يحتاج إلى اٍفتقادك ؟ ومن زرته ولم تفتقده

كلمة منفعة قداسة البابا

[emmmy]

كالعادة بردوا مفيش خداااام
يا خرابى على الكسل اللى فينا
مع الموضوع فى غاية الاهمية والجمال
ويستحق المشاركة والاهتمام مننا كلنا كخدااام
بص يا ماريو انا هكلمك بصفة خاصة بالنسبة لموضوع الافتقاد دة بقى صعب للغاية بقى مشكلة مفيش افتقاد مفيش حد عاوز ينزل افتقاد بسبب الخوف من اللى بيسمعوة من المشاكل اللى بتحصل للبنات
الاسبوع اللى فات بس طلبت من الخادمات ننزل افتقاد ولا واحدة وافقت ولا واحدة رضيت كلهم قالوا ماما مش هترضى

دلوقتى علشان مش نيأس ولا انا عاوزة ادخل فى متاهات ظروف الخادمات
لا عاوزين مشاركة واراء بجد تقولنا ازاى تكون طرق الافتقاد غير الزيارة فى البيت ؟؟؟
انا بستعمل التلفون والرسايل وبيفرحوا بيها جدا بس مش كفاية
واذا الطريقة دى نفعت مع اطفال خامسة وسادسة مش هتنفع فى اعدادى وثانوى مش هتكفيهم
هل ياترى بتلاقوا مشكلة فى الافتقاد عندكم يا خدام غير الكسل حقيقى والتقصير -- فى ظروف اكبر منكم فعلا ؟؟؟


اشكرك حقيقى يا ماريو على موضوعك المهم دة واتمنى التفاعل والمشاركة يا خدااام

[اشرف وليم]

وكثير من أخوتنا ضاعوا ، لأنهم لم يجدوا من يفتقدهم ، أو لأن افتقادهم جاء متاخرا بعد فوات الفرصة بعد أن تعقدت الأمور ، أو بعد أن زال من قلوبهم شعور الاٍستجابة وحب الخير وحب المفتقد

[ماروجيرافك]

شوفي يا ايمي موضوع الافتقاد بعيد عن البيت بصراحه انا مش برجحه لازم يكون في تفاعل بين الخادم والمخدوم ومساله الافتقاد بالنسبة للخادمات اظن لو مجموعه من الخادمات مع بعض نزله هيكون اسهل واضمن
ورد صغير لكلامك الخاص بالخادمات
الخوف من اللى بيسمعوة من المشاكل اللى بتحصل للبنات
الاسبوع اللى فات بس طلبت من الخادمات ننزل افتقاد ولا واحدة وافقت ولا واحدة رضيت كلهم قالوا ماما مش هترضى

عارفه لو عندهم فرح او رايحين مشوار كوافير مثلا بجد كانوا نزلم بلاش تلاكيك
وانا قلتلك علي الحل

[emmmy]

هههههههههههههههههه
لا الفرح والكوافير مش شرط يبقوا فى مناطق معينة ومرفوضة
المخدومين كتير كتير منهم بيتوتهم ومناطقهم وحشة وفيها شباب بتضايقهم
وفكرة مجموعة دى بردوا صعبة بالنسبة انا تحديد لانهم اصلا مش كتير وميعملوش مجموعة من اساسة
لكن ممكن تناسب خدااام تانية لو عندهم الميزة دى وبيتابعوا موضوعات الخدمة وعاوزين يخدموا حقيقى

بقولك اية يا ماريو ما تيجى انت معايا ينوبك ثوااااب هههههه

[ماروجيرافك]

صدقني لو معنديش خدمه كنتي لقيتني عندك

[emmmy]

مرسى يا ماريو ربنا يخليك
قدها وقدود

ها يا خدااام عاوزين مشاركة للة مين تانى عندة اهتمام بالافتقاد
وعندة مشاكل بتقابلة وبعمل معاها اية ؟؟؟

[ماروجيرافك]

المشكلة انك بتكلمي عن افتقاد الخدام للمخدومين
وفي نفس الوقت الخدام هما الي عاوزين افتقاد عشان يدخلوا يكلموا عن الافتقاد

[ماروجيرافك]

آباؤنا الرسل لم يؤسسوا خدمات ويتركوها بلا متابعة بل على العكس ، كانوا يتابعون خدمتهم ويفتقدونها بشتى الوسائل : بالرسائل ، بتلاميذ من قبلهم ، كما كان بولس يرسل تيطس أو تيموثاوس وكثيرا ما كانوا يفتقدونهم بزيارات خاصة ، كما قال القديس بولس عبارته المملوءة محبة ( لنرجع ونفتقد أخوتنا فى كل مدينة نادينا فيها بكلمة الرب كيف هم
( أع 15 : 36)

[emmmy]

تصدق عندك حق !!! بأمانة فعلا ..
الخداام هما اللى عاوزين افتقاد صحيح .. طب دى مشكلة اكبر
كدة يبقى الجذور نفسها مش حلوة والارض مكنتش صالحة من البداية للزرعة علشان كدة الشجر عطشان وورقة جاف مفيهوش حياة ولا ثمرر

طب والحل طيب الحل اية فيا وفى باااقى الخدااام ؟؟؟؟؟؟
احنا محتاجين ماء الحياة محتاجين ينبوع نشرب منة ونرتوى احنا الاول علشان نعرف ندى غيرنا -- والظروف والاوضاع والمخاوف اللى بنتحجج بيها دى هنعلبها لما نكون مملؤين بصدق من مصدر الايمان والامان

[ماروجيرافك]

بصراحة انا شايف ان من الأصل يجب اختيار الخدام يكون صح مش كل الي عاوز يخدم نقول يلي بدل ما يسرح في الشارع في كتير بيقول كده مستغربيش والاختيار يكون نابع من مثلا اجتماع الخدام الي اهم ما يقدمة للخادم هي كيفية التعامل مع المخدومين وبذات الي بعيد عن الكنيسة وبعد كده نبقي نعلمة يدهم اية في الكنيسة المهم انه يعرف يجبهم الاول

[emmmy]

يخدم بدل ما يسرح فى الشارع هههههههههه
دة اية المنطق الغريب دة ؟؟؟؟
لا يا ماريو هى مش بتبقى كدة صدقنى مش للدرجة دى
بس تقدر تقول انة مش بيقى فى خدام كفاية الناس كلها مشغولة
وكتير بيبقى عندة وقت بس حاسس انة مينفعشى
والكنيسة لعدم وجود التعليم والخبرة الكفاية والاهتمام بجيل يبقى خدام والاهتمام بفصول اعداد الخدام بتتضر توافق على اى حد من مفيش يعنى لكن لو فى الاحسن مش هتوافق
يعنى الحصاد كتير والفعلة قليلون يا ماريو

[ماروجيرافك]

موضوع انه يخدم احسن من يسرح معلش المواقف دي شفتها كتير علي كذا سنة يا ايمي يعني مش مجرد استنتاج
وموضوع اني قول ده احسن من بلاش اسمحيلي لو الخادم غير مؤهل للخدمة ممكن يكون عثرة للمخدومين وللخدمة نفسها وبطريقة دي يبقي احنا سببنا ضرر للمخدومين وموضوع انه ان مفيشس تعليم في الكنيسة وتأهيل بصراحة ده تقصير موجود وبذات في كنيستنا الأرثوذكسية وده موضوع تاني واكبر بكتر

[emmmy]

ده تقصير موجود وبذات في كنيستنا الأرذكسية


لية كدة لية ؟ لية يا ماريو ؟
لازم يعنى الارثوذكسية ؟؟
استر علينا يستر عليك ربناههههههههه
عموما التعاليم مش بالكم وممكن كنائس تانية تكون عندها اهتمام اكبر بس معندهاش الاصول الصحيحة والمبادئ الاصيلة اللى عند الارثوذكسيين يبقى مش شرط
عموما دة موضوع تااانى خالص ياماريو او يمكن جذور المشكلة اللى احنا مش شايفنها بوضوح للاسف

[ماروجيرافك]

ده تقصير موجود وبذات في كنيستنا الأرذكسية


لية كدة لية ؟ لية يا ماريو ؟
لازم يعنى الارثوذكسية ؟؟
استر علينا يستر عليك ربناههههههههه
عموما التعاليم مش بالكم وممكن كنائس تانية تكون عندها اهتمام اكبر بس معندهاش الاصول الصحيحة والمبادئ الاصيلة اللى عند الارثوذكسيين يبقى مش شرط
عموما دة موضوع تااانى خالص ياماريو او يمكن جذور المشكلة اللى احنا مش شايفنها بوضوح للاسف

معلش يمكن قصدي موصلكيش بالمعني المطلوب
انا اقصد هنا ان الكنيسة الارثوذكسية فيها تقصير كبير من جهه تعليم الخدام كيفية الخدمة الصحيحية وبذات من جهه الافتقاد الي هو موضوعنا الاساسي

[emmmy]

لا قصدك وصل صح وانا فهمتة زى ما قلتة بالظبط