الحلقه الثانيه لبرنامج سؤال يبكي القلب

[kiro0oalex]

اليوم وبعد تحقيق البرنامج صدى كبير على مستوى المنتدى
بشهادتكم انتم احبائه الاعزاء
شجعتونااااا
نقدم :-
ثانى حلقات برنامج سؤال يبكي القلب


http://orsozox.org/uphoto/images/06924568573526240798.jpg


مساء الجمال على احلي اعضاء فى اروع واغلى منتدي علينا كلنا
انهارده هنكمل المشوار اللى ابتدناه معاكم وحلقه جديده من حلقات برنامجنا
سؤال الحلقه دي سؤال اجتماعي والكل هيقدر يجاوب عليه

وسؤال الاسبوع طويل شويه بس سهل
والسؤال بيقووول


ام فقدت زوجها ومصدر الرزق الوحيد للأسره ولم يتبقي لها سوي معاشه الصغير الذي يكفي لقضاء حاجتهم اليوميه بصعوبه

ولكن .. رحل الاب وترك للام فتاه لديها فرصه كبيره انها تسافر فى بعثه كانت بتحلم بيها وحانت لها الفرصه للسفر
وترك كمان فتي مقبل على دخول الجامعه التي طالما حلم بالالتحاق بها وتعب وسهر الليالي حتي يستطيع تحقيق حلمه للوصول لهذه الدرجه

ولكن للأسف هذه الام لا تملك المال الكافي لتحقيق حلمهم الاثنين معا
المال الذي تملكه يكفي لتحقيق حلم واحد دون الاخر

فلو كنت مكان هذه الام تقدر تقولها تعمل ايه وتتصرف ازاى ؟؟؟؟


طبعا كلنا عرفنا نظام البرنامج ولكن نفكركم بيه برضه ....
احنا فى انتظار اجاباتكم خلال الاسبوع كله والاجابات هتكون هنا ف نفس الموضوع
وطبعا زي ما قولنا ان الاجابه لازم تكون واقعيه جدا

واخر ميعاد للاجابات هيكون يوم الخميس بليل وهيتم اعلان الفائز يوم الجمعه وهيكون ليه جائزه قيمه من اسرة البرنامج
الجائزه هتكون متجدده بأستمرار ..

وكنترول البرنامج بيتابع وبيفرز بسرعه وملتزم بالمواعيد المحدده بأذن الله
يعنى مفيش قلق خاااااالص

يارب الكل يشارك عشان تشجعونا اكتر واكتر ونستمر فى تقديم البرنامج



أذكرونا فى صلواتكم


MRAMER (http://www.orsozox.com/forums/member.php?u=32114)
kiro0oalex (http://www.orsozox.com/forums/member.php?u=9426)

[emmmy]

المشكلة موجودة بالفعل فى الواقع وكتيرررر
عموما بيختلف من ام لام بحسب ظروفها يعنى لو هى متعلمة هتشتغل
وتحاول تكفل ولادها - واكيد ربنا هيوفقها علشان خاطر ولادها
ولو ربنا شايف ان الاولاد بيكافحوا حقيقى وبيسعوا للنجاح وبيذاكروا ربنا هيساعدهم فعلا وهيدبر ليهم ولمامتهم شغل كويس
وممكن كمان الاولاد يشتغلوا مع الدراسة انا اعرف شباب كتير بيشتغل ويذاكر فى نفس الوقت وبيصرف على دراستة من شغلة ممكن يساعدوا ماما لو امكانيتها تسمح بالشغل سواء كانت متعلمة او لأ
وممكن العم والخال يساعدوا لو فى علاقة حلوة بينهم والام دى كانت حلوة فى معاملتها مع اقاربها هتلاقى وقفتهم معاها فى موقف زى دة يعنى اللى بيعمل خير بيترد لة مع الايام فى المواقف دى
ولو فى اى مصدر يجى منة رأس مال زى وجود دهب متشال او حتة ارض اوبيت تانى - ممكن الام تعمل منة مشروع صغير وتشتغل وتصرف على اولادها والصغير بيكبر مع الايام محدش بيفضل صغير ابدا

يعنى الموضوع كلة موضوع كفاح وكرامة وعزة نفس - لو موجودين هيقضوا على المشكلة من جذورها والام هتفرح باولادها
واولادها هيفرحوها ويعوضوا صبرها لما تشوف نجاحهم - ربنا مش ممكن ابدا يشوف بشوف حد بيتعب ويضيع تعبة ابدا بيثمرة ويرجعة لصاحبة اضعاف اضعاف بالفرح والنجاح

[شنوده جرجس]

أخوتى الأحباء أنتم بتقولوا البنت هتسافر بعثة

يعنى معاها مؤهل عالى وهتكمل يعنى هتعمل دراسات عليا

وحتى لو مفيش معاها مؤهل عالى سفرها ده هيكون على حساب

أخوها لأنه فى هذه الحالة مش هيقدر يكمل تعليمه ويحقق حلمه .

فمن غير المعقول ان البنت تحصل على أعلى الشهادات ويضيع مستقبل

هذا الشاب أنا من رأيى ان الأم تهتم بمستقبل الشاب وبكده يبقى الإثنين

حصلوا على شهادات جامعية وطبعاً من العدل والمنطق المساواة بين

الأخ وأخته والمفروض هو ان الأخت توافق على ذلك علشان مستقبل

أخوها وتبتعد عن الأنانية وطبعاً ده لو فرضنا ان الأخت مصممه على السفر

وإذا أرادت أن تكمل تعليمها أو تعمل دراسات عليا فالواجب انها تعملها فى

داخل البلد لأن الظروف العائلية تحتم ذلك وبكده تبقى الأم عملت اللى عليها

لأنها لم تفضل أحد أولادها عن الآخر وضمنت نجاح الإثنان

ولو عملت عكس ذلك فهذا الشاب سيظل يكره أخته مدى حياته

لأنها السبب فى ضياع مستقبله هذا رأيى المتواضع

وأشكركم على مواضيعكم الجميلة

وربنا يبارككم ويعوض تعب

محبتكم

[aymonded]

الحل العملي والواقعي هو التركيز على دخول الابن الجامعة بالطبع ، لأن البعثة شيء تكميلي وليس هو الأساس ، لأن التركيز هو على الأساس ، ومن غير المنطق التركيز على بعثه وترك الولد بدون تكميل دراسة والعكس أيضاً صحيح ، لأن لا يوجد فرق بين ولد وبنت في هذه الأمور ، فلو كانت البنت هي التي ينبغي ان تكمل تعليمها والولد عنده بعثه فينبغي ان تكمل البنت تعليمها أيضاً ، لأن لابد من الاختيار وهايجي شيء على حساب آخر وهذا طبيعي جداً ، ولكن مش منطق أن يُترك الولد بدون تعليم من أجل بعثه قد تنجح او تفشل ، أو حتى كانت ستنجح 100% ، لأن هذا كفيل أن يضيع مستقبل الأخ تماماً ويفقده كل فرصة لتكميل تعليمه !!! هذا رأيي الشخصي ولو في مكانها افعل ما اقوله بالحرف الواحد ، واشكركم حقيقي على سؤالكم وتعبكم الحلو في التحضير من واقع الحياة المُعاشة ، النعمة معكم آمين

[كيرو رافت]

اولا انا اؤيد فكرة ان تقوم الام بمساعده ابنها فى ان يحصل على فرصه تكمله مشواره الجامعى لانه بيبدأ المشوار ومن الواجب مساعدته فى هذا
اما الابنه فمن الممكن ان تستكمل دراستها العليا بالقاهرة وان تحصل بالقاهرة على شهاده توازى الدرجه العلميه التى ستحصل عليها بالخارج
او ان تنتظر فرصه اخرى
فليس من الطبيعى ان يضحى الابن بمستقبله الجامعى ويدايه مشواره الجامعى من اجل ان تزهب الابنه الى بعثه ربما تنجح فيها وربما لا تحقق اهدافها المرجوة وساعتها سيكون الفشل مصير الولد والابنه


على فكرة بجد بجد فكرة البرنامج عاجبانى موووووووووووووووت
برافو يا كيرو
برافو يا مرمر

[دودي بوب]

ممكن الابن يساعد ويشتغل اي حاجة (مع الجامعة عادي اكتر الشباب بتعمل كده)والام تطلب من الكنيسة والكنيسة مش هترفض اي طلب علشان كلنا ولاد الكنيسة
وممكن كمان قرايبها لو قريبن منها اكيد هيسعدوها


ميرسي علي البرنامج الجامد
ربنا يعوض تعب محبتكم

[ملكه الاحزان]

اعتقد الولد احق بالدخول لان البنت من خلال قرأتي انها خلصت كليتها ودي بعثه تابعه للكليه يعني معاها جامعه لكن الولد دا هايبقي ب ثانوي عام ودا ظلم اكيد

[جناح المسيح]

انا بجد لو مكان الام هعمل زى ما كل الاعضاء قالوا واخلى الولد يكمل تعليمه الجامعى ده من ناحية مجتمعنا ضيق الافق على ان ما تضيع عليه الجامعه واضحى ببعثة البنت اللى حلمت بيها بس ده كلام عاطفى وغير عملى ولا له من المنطق فى شئ فتعالوا الاول نبص على هدف كل منهما
الهدف من دخول الولد الصغير الجامعه هو التعليم وحصوله على شهاده
والهدف من البعثه هى الارتقاء بالمستوى العلمى ومستوى المعيشه ومستوى الخبره حتى ان فشلت فسيكون لديها خبره
كلنا متفقين ان التعليم فى البلد مش هو التعليم اللى مفيش زيه وهيخليه عبقرى ولا هيتوظف علطول نتيجة للكثافه السكانيه

راى باختصار لنفترض ان البعثه مدتها سنه او سنتين
من السهل ان الولد الصغير يأجل دخوله للجامعه سنه او سنتين
وفى تلك الفتره يمكن ان ياخذ من العلم ما يكفيه
من كورسات لغه وكورسات فى مجال الكليه اللى هياخذها
وفى نفس الوقت يعمل عمل يدر منه دخل ولو بسيط يدخره
حتى يستطيع ان يدخل به الجامعه التى يرغب بها
وطبعا ده فى حالة فرضنا ان البنت فشلت فى البعثه والفلوس اللى والدتها اعطتها اياها صرفت هدر نتيجة فشلها
واعرف ان ممكن اى واحد واخد ثانويه يأجل دخوله الجامعه لسنه او لسنتين عادى جداااا
وبكده يبقى حققنا هدف البنت فى تحقيق فرصتها للذهاب للبعثه
وحققنا هدف الولد الصغير فى التعليم من حيث انه ياخذ كورسات ويعمل بجد واجتهاد بما فى ذلك من تربيه تحمل المسئوليه كرجل
وبعدها يدخل الجامعه
وفى حالة نجاح الاخت الكبرى يبقى كسبنا كل النواحى
واعتبار السنتين اللى الولد الصغير اجلهم كانه تخرج ولم يجد وظيفه وطبيعى هياخد كورسات يبقى هو ما ضاع منه شئ
بل كسب خبرة ومهاره وتحمل المسئوليه كرجل
وهى دى اجابتى واسف انى طولت عليكم
تون تون

[TITO_BEST]

اولا انا اؤيد فكرة ان تقوم الام بمساعده ابنها فى ان يحصل على فرصه تكمله مشواره الجامعى لانه بيبدأ المشوار ومن الواجب مساعدته فى هذا
اما الابنه فمن الممكن ان تستكمل دراستها العليا بالقاهرة وان تحصل بالقاهرة على شهاده توازى الدرجه العلميه التى ستحصل عليها بالخارج
او ان تنتظر فرصه اخرى
فليس من الطبيعى ان يضحى الابن بمستقبله الجامعى ويدايه مشواره الجامعى من اجل ان تزهب الابنه الى بعثه ربما تنجح فيها وربما لا تحقق اهدافها المرجوة وساعتها سيكون الفشل مصير الولد والابنه


على فكرة بجد بجد فكرة البرنامج عاجبانى موووووووووووووووت
برافو يا كيرو
برافو يا مرمر


انا مع راى ابو الارافيت حبيبي

ميرسي بجد يامرمورة

ميرسي بجد ياكيرو

ربنا معاكم

[بنت الأنبا هدرا]

هو ممكن الام تشتغل و ابنها يشتغل فى شغلانة بسيطة علشان دراستة ممتاسرش و البنت بردوا تشتغل فى حاجة سهلة +ان الام تطلب من ربنا المعونة ربنا ادى لناس كتيرة و هى امامها الكنيسة ممكن تطلب من الاب الكاهن مبلغ بسيط جدا جدا علشان بردوا فى ناس تانية محتاجة الفلوس اكتر منها
و الفلوس اللى معاها و تكفى حلم واحد طبعا هو حلم الجامعة دا اهم وياريت يكون داخل بمجهودة مش خاص مراعة لظروف اهله +معاش الاب كدة يكونوا قربوا ان يحققوا للفتاة بردوا حلمها بس كل ده يكون بمحبة علشان ربنا يدخل و يكمل الطريق اللى مشيوا في و طبعا الام ممكن تشتغل شغلتين دا لو عايزة تزود الفلوس و لو البنت طيبة ممكن تتخلى عن الفرصة دى
و ممكن دى تكون مشيئة ربنا علشان ربنا يكون مرتب حاجة و مش عايز تحصل فى البنت

[ريم الخوري]

مدام بعثة يبقي المصاريف كلها بتكون متغطية من الجامعة اللى بعثت فا مفيش مشكلة يعني بتكاليف بسيطة يبقي بس موضوع دراسة الولد واعتقد الام لو الدخل مو كتير ليدرس الولد تقدر
تشتغل بردة بجنب معاش جوزها تشتغل اي شغلانة وبضمان شغلها دا والراتب بتاعة تقدر تاخد قرض وتصرف على دراسة ابنها وبنتها حتي لو ميش متغطية بالمصاريف
والابن والبنت تشتغل اي المشكلة يعني كل واحد يساهم بتغطية مصاريفة خاصة لو الام ميش تقدر تحتملها وممكن البنت بردة تقدربسفرها تقدر تحصل على فرصة شغل جنب الدراسة و تشتغل برا شغل حلو اوي يدخل ليهم دخل يساهم بدراسة الولد وممكن تريح ماما كمان لو هي شغلاانة كويسة وتجيب دخل كويس يكفي لو اي واحد فيهم ميش حابب يضيع حلمة يتعب شوية ويتقسم بشيل الحمل مع اخواتة
ويتقاسموا المسؤولية مفيش حد يتخلى عن فرصتة وبردة ميحرمش التاني من تحقيق حلمة وكمان يشارك مع الام بشيل الحمل مع بعض حيتعبوا شوية بس الحمل لو تقسم يتشال

لذلك راي الكل يتقاسم مسؤولية حل المشكله والكل يشتغل ويساهم
دا راي بالمشكلة
الرب يقويكم

[المسيح الفادى]

المشكلة موجودة بالفعل فى الواقع وكتيرررر
عموما بيختلف من ام لام بحسب ظروفها يعنى لو هى متعلمة هتشتغل
وتحاول تكفل ولادها - واكيد ربنا هيوفقها علشان خاطر ولادها
ولو ربنا شايف ان الاولاد بيكافحوا حقيقى وبيسعوا للنجاح وبيذاكروا ربنا هيساعدهم فعلا وهيدبر ليهم ولمامتهم شغل كويس
وممكن كمان الاولاد يشتغلوا مع الدراسة انا اعرف شباب كتير بيشتغل ويذاكر فى نفس الوقت وبيصرف على دراستة من شغلة ممكن يساعدوا ماما لو امكانيتها تسمح بالشغل سواء كانت متعلمة او لأ
وممكن العم والخال يساعدوا لو فى علاقة حلوة بينهم والام دى كانت حلوة فى معاملتها مع اقاربها هتلاقى وقفتهم معاها فى موقف زى دة يعنى اللى بيعمل خير بيترد لة مع الايام فى المواقف دى
ولو فى اى مصدر يجى منة رأس مال زى وجود دهب متشال او حتة ارض اوبيت تانى - ممكن الام تعمل منة مشروع صغير وتشتغل وتصرف على اولادها والصغير بيكبر مع الايام محدش بيفضل صغير ابدا

يعنى الموضوع كلة موضوع كفاح وكرامة وعزة نفس - لو موجودين هيقضوا على المشكلة من جذورها والام هتفرح باولادها
واولادها هيفرحوها ويعوضوا صبرها لما تشوف نجاحهم - ربنا مش ممكن ابدا يشوف بشوف حد بيتعب ويضيع تعبة ابدا بيثمرة ويرجعة لصاحبة اضعاف اضعاف بالفرح والنجاح
انا من راييى ان البنت تسافر وتحقق حلمها وممكن تشتغل هناك كمان وممكن الولد يشتغل وهو بيدرس وربنا هيبارك ف القليل

[هابى22]

انا شايف ان المفروض الابن يكمل تعليمو والبينت تاجل البعثه لحد اخوها ميكمل تعليمو حتى لو كان ده ظلم للبنت بس هنا وفى بعض الحالات بتكون الظروف اقوى من الانسان وهنا كان لازم حد يضحى من اجل الاخر وهى دى اجباتى

[MRAMER]

مرسي لكل الاجابات اللي جاتلنا
ومرسي ع تشجيعكم المستمر لينا اللي بيحفزنا ديما اننا نقدم افضل ما عندنا
ولسه الخلقه مستمره وف انتظار باقي اجابات الاعضاء اللي لسه مقدموش اجاباتهم
بس بنفكركم ان اخر ميعاد لتسليم الاجابات هو بكره بليل
علشان نعلن الفائز يوم الجمعه انشاء الله

أذكرونا ف صلواتكم
kiro0oalex (http://www.orsozox.com/forums/member.php?u=9426)
MRAMER (http://www.orsozox.com/forums/member.php?u=32114)

[kiro0oalex]

تم قفل باب استقبال الردود
والان جه دورنا فى اختيار وترشيح الفائز
شكرا لكل من ساهم بالرد على السؤال وفرحنا بوجوده معانا

اسره البرنامج
MRAMER
kiro0oalex
اذكرونا فى صلواتكم

[david201050]

انا من رايي ان الام تركز ع تعليم الولدلاني دة مهم اوي خصوصا ان الولد لازم يتعلم كويس عشان يقدر يشتغلويكون مستقبلة وانتو عارفين ان الجهل كتير اوي عندنا وفاعدين مش لقيين شغل بسبب عدم وجود موهل


كمانان من رايي ان البنت تستني شوية من البعثةعلشان خاطر تعليم اخوها كمان عشان يقدرو يكفو مصارفيهم ف البيتويعيشو زي الناس اللي عايشة

كمان انا عارف ان الثقافة اة حلوة بس احنا نمسك ف الاهم والاساس ان الولد يتعلم كماننفترض ان البنت دية مكنتش جايلهل بعثة مش كانت هتقعد ف البيت ع التعليم اللي كملتةودة اكيد

فانا من رايي ان الولد يتعلم ويخلص تعليمةاللي هو فيةوبعد كدة اكيد هايكون ف حل تانيوربنا هو مدبر كل شي ف حياتنا

وانا اسف لو طولت عليكو سلام سلام المسيح مع جميعكم امين فامين