العوده للمسيحيه الحقيقيه

[dr_poula]

http://www.orsozox.com/forums/images/icons/cross02.gifنفسي يكون في ندوات مباشره نشارك فيها كلنا
و انا بقترح نبتدي بموضوع ازي نقرب من ربنا
علشان كتير مننا بيبعد عن المسيح و بيتوه ومش بيعرف يرجع
كمان في حاجات حلوه كتير مسحيه أنقرضت نفسي ترجع تاني
زي كانت الاسره المسيحيه زمان بتصلي مع بعض كل افرادها بس دلوقتي بقي عدد بسيط اللي بيعمل كده
كمان الخدمه زمان بذل وعطاء و خدمه ساميه لانها حدمة رب المجد يسوع بس دلوقتي قليل اللي بخدم كده

http://www.orsozox.com/forums/images/icons/cross02.gifكمان في عادات موروثه مش في المسحيه عوزين ما نعملهاش

http://www.orsozox.com/forums/images/icons/cross02.gif انا مش متشأم بس انا عوز نرجع زي الاول ونكون رساله للمسيح علشان يشوفوا أعمالنا ويمجدوا الهنا الذي في السموات

http://www.orsozox.com/forums/images/icons/cross02.gifانا مشتاق أسمع تعليقاتكم علي هذا الموضوع


http://www.orsozox.com/forums/images/icons/cross03.gifسلام و نعمة رب المجد تكون مع جميعنا آمين


http://www.orsozox.com/forums/images/icons/heartcross.gifصلوا من أجل نفسي

[aymonded]

سلام لنفسك يا محبوب ربنا يسوع
شهوة اشتهيت معك أن نعود للينابيع الأولى ، ينابيع خبرة الحياة مع الله ليس حسب الفكر العقلي الجاف إنما حياة الروح واللقاء المحبب مع عريس النفس السماوي ، أريد أن نخرج خارج إطار اللاهوت المدرسي الذي أصاب الجميع بالجفاء والفلسفة حسب المنطق العقلي ، ونعود للقاء اللاهوتي الحي مع اله الحي ونخرج خارج لاهوت العقل أي اللاهوت النظري الذي لم يعتمده آباء الكنيسة على مر العصور إلا في عصور متأخرة وعلى الأخص القرن 19 وال 20 !!!

مع أن اللاهوت عند الآباء يختلف جوهرياً :
(( أن كنت لاهوتي فأن مصلي وأن كنت مصلياً فأنت لاهوتي بالحق ))

أشكرك على رأيك الحلو ، والذي بدأنا فيه على صفحات المنتدى من فترة ، من كتابات الآباء والأسئلة المطروحة وإجابتها وخبرة التوبة والإرشاد الآبائي ، طالبين من الله أن يجعل حياتنا مقدسة في الحق وأن نسير على نفس الخطوات المرسومة من الله وليس الناس ...

وإحنا تحت أمرك يا أغلى صديق حلو لنا في أي موضوع وأي اقتراح
أقبل مني كل تقدير خاص واحترام لشخصك الرائع
النعمة معك

[dr_poula]

مرسي علي الكلام الحلو اللي انا مستهلوش


يلي عاوز أعرف آراء أكتر

[فله]

الله بجد احسن حاجه انا قريتها فى المنتدى دا
انا متشكره جدا وهكون مع كل الكلام المكتوب ونبدا من الوقتى
ممكن نخصص صوم وصلاه يوم الاتنين والتلات والاربعاء صلاه وصوم من اجل الكلام الجميل دا
واكيد ربنا هيساعدنا
امين

[dr_poula]

شكرا اوي علي الاهتمام

وفكرتك جميله جدا فعلا أحنا عوزين نصلي و نصوم ونطلب من ربنا يردنا لحضنه تاني

رجاء محبه لكل أعضاء المنتدى

يلي نرفع قلبنا و صوتنا للرب

بشفاعة أم النور العذراء مريم و القديس الانبا بولا وكل القديسين

بركات الرب لتكن مع جميعنا

[bright]

مبدئيا الفكره رائعه بنشجع حضرتك علي التنفيذ بس ياريت الصوره توضح اكتر من كدا يعني مثلا نتفق علي مواعيد معينه نصلي فيها او نصوم .........الخ

[اس اسامة عوض]

عرفنى يارب الطريق التى اسلك فيها .لانى اليك رفعت نفسى انقذنى من اعدائى يارب فانى لجات اليك علمنى ان اصنع مشيئتك لانك انت هو الهى روحك القدوس فليهدنى الى الاستقامة من اجل اسمك يارب تحيينى بحقك تخرج من الشدة نفسى وبرحمتك تستاصل اعدائى وتهلك جميع مضايقى نفسى لانى انا هو عبدك انا ..يارب اسمع صلاتى انصت الى طلبتى بحقك استجب لى بعدلك ولازم نتذكر القول لكى يروا اعمالكم الصالحة فيمجدوا اباكم الى فى السموات .

[Team Work®]

الله الله الله على الافادة عارفين احنا لو بدائنا فعلا هانقدم خدمة حلوة قوى قوى قوى

بس انا عندى كلمة الاول بس لو الصلاة هاتكون فى مواعيد ودى هاتكون حلوة قوى قوى ونساعد بعض ونشط بعض

لكن الصوم دة احنا هانكتفى بالاربعاء والجمعة دلوقتى اللى يقدر يصوم يصوم لحد ما يكون الصوم من الكنيسة بمعنى انى هابلغ ابونا ونشوف هايقول اية ويا رب يوافق يتابع معانا فى هذا النشاط الحلو

[فله]

انا من رايى اننا نصوم ونصلى من اجل نفسنا بمعنى اننا اظن يعنى مش محتاجين لموافقه ابونا
لانها حاجه شخصيه بنااحنا

العنده مقدره للصوم معانا يصوم والمعندهوش احنا هنصلى له وطبعا الصلاه دى حاجه كلنا مجتمعين عليها
الصوم
يوم
الاتنين_الثلاثاء_الاربعاء_� �لجمعه
وربنا يقبلنا

[فله]

صلاه يوم الاثنين
ربى والهى حبيبى يسوع يارب انا جى النهارده وانا عارف انى ما استحقش انى اصلا اكلمك ولا استحق انى اصوم لانى انسان خاطى انسانه حقيره ما استحقش انك توعدنى بملكوتك لكن يارب انا واثقه انك هتقبل صومى اليك يا الهى الحى ياب انت دعوتنى ابنك مش عبدك علشان كده يا رب انا واثق فيك وواثق انك هتقبلنى
انا بصلى يارب من اجل كل اخواتى المحتاجين اليك يا الهى
اقبلنا يارب وحللنا وقوى ضعفنا واقبل اول يوم صلاه من اجل انك تقبلنا وتقبل شعبك يا الهى الحى
امين
كل يوم هنكتب صلاه نصليها
امين يا شعب المسيح

[فله]

كل يوم يا جماعه استاذنا ايمن هيكتب صلاه

[dr_poula]

يا رب اشكرك يا الهي علي كل شئ بتعمله علشانا

يا رب أفتح قلبنا و عنينا علشان نشوف حبك وصبرك علينا

يا الهي المحبوب أقبلنا معك يا رب نعيش ونتمتع بك يا رب

يا رب أظهر لنا يا رب شخصك في حياتنا يا رب أسلم لك حياتي لانها يارب مشأتك ليس مشأتي

يا رب ما أحلي طرقك عرفنا يا رب طرقك وأجعلنا نسلك فيها

يا رب أعمل في كل شخص من أولادك و متسبناش للشطيان نحن في شديد الحاجه اليك

يا رب أغفر لنا كل ذنوبنا و لنبدء بدء حسن

يا رب أقبل صلاتي بشفاعة العذراء و كل القديسين
آمين

دلوقتي ممكن يكون لينا في المنتدى أجتماع صلاه في معاد نتفق عليه من كل أسبوع نصلي فيه بروح واحد لرب المجد
ونطرح كل أسبوع مشكله أو رجاء نصلي بخصوصه

ممكن أسمع رأيكم

[aymonded]

حقيقي انا موافق جدا وبشدة على الصلاة والصوم في يوةم محدد للي يحب يشترك معانا هنا ، لأن الصلاة مع الصوم بمحبة لله بصدق القلب هي اللي تحرك القلوب ...

وننتظر الاتفاق والتحديد مع الكل
أقبلوا مني كل تقدير بمحبة النعمة معكم

[dr_poula]

أنا أحب أشترك

أنا معتمد عليك يا أستاذ أيمن أن انت تجمع ألاسماء اللي حبه تشترك معنا في الموضوع ده


سلام الرب ليكن مع جميعنا

[aymonded]

حبيب قلبي الغالي
النعمة والسلام لشخصك الحلو والرائع في ربنا يسوع مجدد النفس ومنير الذهن بنور معرفته الحلوة
هانبقى نفتح موضوع اسمه الصلوات الأسبوعية واللي يحب يشترك معنا يدخل في الموضوع ويكتب صلاة مع الاشتراك في الصيام من أجل التوبة وعمل الله في قلوبنا جميعاً

عموماً مبدئياً ممكن نعمل الموضوع ونخلية كل يوم أربع نجتمع معاً وكل واحد فينا يكتب صلاة ونشترك مع بعض بالمحبة في نور الله وحضوره الحلو حسب وعده الأمين ، لأنه حينما نجتمع في شركة النور ونتفق على التوبة طالبين من الله أن يعطينا أن نتغير كل يوم حسب صورة مجده لنتذوق خبرة تجديد القلب واستنارة النفس ، ونحيا في خبرة الصلب والموت مع المسيح فنتذوق قوة قيامته وحياته فينا بالنعمة ...
( مع المسيح صلبت فأحيا لا أنا بل المسيح يحيا فيَّ )
( إذن أن كان أحد في المسيح يسوع فهو خليقة جديدة الأشياء العتيقة قد مضت هوذا الكل قد صار جديداً )

النعمة معك يا أخي المحبوب ومنتظر آراء أحباء يسوع إلى يوم الأربع القادم الموافق 13/ 2/ 2008
أقبل مني كل تقدير مع الجميع يا محبوب ربنا يسوع
النعمة معك

[aymonded]

أجتماع الصلاة الخاص بالأعضاء كل يوم أربع
أدخلوا هنا
http://www.orsozox.com/forums/orsozox-t7708.html#post99421