تقدروا تميزوا الخادم المزيف

[emmmy]

اعزائى الخدااام عاوزة اخد رايكم فى حاجة !!
واعرف من النماذج اللى بتقابلكم فى حياتكم رايكم ووجهة نظركم
تفتكروا ممكن يقدر الخادم يكون مصنع يعنى يمثل انة خادم
يمثل انة حلو يمثل الروحانية ويكون لية تأثير على المخدومين برغم انة فى الحقيقة مزيف وعكس ما نراة تماما
يعنى مثلا هو بيكون جوة الكنيسة حاجة وبراها حاجة تانى خالص
فى علاقتة بأهلة وجيرانة وزملائة فى الشغل حاجة ولية طريقة عكس الطريقة داخل الكنيسة والخدمة تماما - تفتكروا يقدر حد يكون بالتناقض دة وينجح ويقدر يخدع المخدوم والخدااام زملائة لو مش يعوفوة معرفة كاملة

[aymonded]

ممكن طبعاً وياما شوفنا هذه العينات وخدعوا كثيرين واضلوا كثيرين بسبب الرياء وعدم التقوى، وهذه العينات لها تأثير على النفوس وبخاصة ان كان لها بطبعها الكاريزما اللازمة لذلك، لأن كثيرين بيغشوا كلمة الله منطلقين من فكرهم المنطفأ من نور النعمة وإشراق وجه الرب عليهم، والكتاب المقدس وضح ذلك وفيه عينات كثيرة جداً على نفس ذات الشاكلة وربنا يحمي الكل ويعطي إفراز لشعبه لكي ما لا يضلوا وراء من يخدعون الناس عن البساطة التي في المسيح من جهة الخبرة والحياة والامتلاء من نور الله وفعل عمل النعمة...

[emmmy]

يعنى اية الكاريزما الاول يا استاذ ايمن

[aymonded]

كاريزما كلمة (بالإنجليزية: Charisma) في أصلها اليوناني تعني الهدية أو التفضيل الإلهي، فهي تشير إلى الجاذبية الكبيرة والحضور الطاغي الذي يتمتع به بعض الأشخاص، هي القدرة على التأثير على الآخرين إيجابيا بالارتباط بهم جسديا وعاطفيا وثقافيا، سلطة فوق العادة، سحر شخصي شخصية تثير الولاء والحماس.(من كتاب كاريزما السلم الوظيفي، م.عمر ابوعاذرة)
وعموما هذه الكلمة توصف الأشخاص الذين لهم تأثير قوي على الآخرين بسبب شخصيتهم التي تجذب الاخر وتجعله متأثراً به حتى انه لا يستطيع التمييز بما هو صائب أو خاطئ بسبب التأثير النفسي القوي التي تؤثر فيه هذه الشخصية الكارزمية، لذلك من الصعوبة التامة التخلص من هذا التأثير على الآخرين إلا لو عندهم شخصية قوية ولديهم إفراز وتمييز يستطيعوا أن يميزوا بين ما هو صحيح وما هو خاطئ صرف النظر عن الشخصية التي أمامهم وما لها من تأثير ...

[emmmy]

شكرا يا استاذ ايمن على الشرح الجميل انا كدة فهمت
طيب النوعية دى من الناس في منها كتير يا ترى ؟؟؟

[aymonded]

مش كتير طبعاً بس فيه أكيد وبتبقى أخطر ناس ممكن تؤذي الآخرين وتضلهم عن التعليم الصحيح

[emmmy]

شكرا استاذ ايمن

ربنا يعطينا روح الافراز والحكمة علشان نميز صوتة صححح

ها حد عندة رايئ تانى فين باقى المشاركات والاراء يا خدااام

[ريم الخوري]

ايمي شوفي الخادم ليخدم يلزمة اوي تلت امور ومهمين وغيابهم بيشكل فراغ كبير بحياتة وبتصرفاتة مهما بانت حلوه كلها بتبقي عايمة على السطح وغرسها ميش عميق وانت تعرفي لو الغرس بقي فوق السطح يموت ويتشلع باول هبتة رياح اليه
اول وحده المحبة والتانية الصبر والتالته التواضع دول هما اللى يخلو الخادم اللى بجد خادم فعلا والروح القدس تعمل فية ومن خلاله ويثمر ويدي ثمر حلو ويبان نتيجة الثمر فية اولا وبتصرفاتة وفي حياة ولادة المخدومين حتي ولو بعد زمن طويل لان ربنا هو اللى بيبارك ويكبر وينمي غرس الروح فية وفي المخدومين وبعدين راي ودا انا بكررة للكل وخاصة لنفسي ما نشغل بالنا ب مين خادم مزيف ومين هو اللى بجد خادم فعلا لسبب واحد ان صاحب الكرم هو فاحص القلوب وعارف ضعفات كل واحد فينا وبيحاسب كل واحد بحسيب وزنتة بالقد لا اكتر ولا اقل وهو برده اللى بينقي بيدره ايمي
كل خادم يبتدي بنفسة يصلح من عيوبة وسطيحيتة ويحاول يكون بجد خادم يمتلك التلت فضايل دوول واعظمها المحبة لانها ترفق تتاني وووو........ومفيش حد كامل او تقدري تقولي انة خادم بامتياز لان الكل اخطاء واعوزهم مجد الله لاننا كلنا بشر وتحت الضعف باي وقت وباي زمان
غير ان ربنا بس هو اللى بيقدر ييقوينا بنعمة الروح لنكون افضل ونكون فعلة بجد ناتي اليه ثمار حلوه ميش بقوتنا ولا بمعرفتنا بل بقوتة هو فينا
ربنا يكون مع الكل ويهب الكل نعمة وبركة من لدنه ويقوية لنكون بحق خدام للروح وليس للجسد ونكون فعلة يستحقون اجرة الملكوت السماوي في مجد الاب

[emmmy]

بصي ياقمري كلامك محتاج رد كبير لانه حلو ومهم فأنا بعتذر وبستأذك تنتظريني لما النت يجي وهرد عليكي لان داخله من التلفون

[ريم الخوري]

بصي ياقمري كلامك محتاج رد كبير لانه حلو ومهم فأنا بعتذر وبستأذك تنتظريني لما النت يجي وهرد عليكي لان داخله من التلفون

اوكي خدي راحتك ميش مستعجلة ههههههه

مستنيكي يا قمر العدراء معك

[emmmy]

ايمي شوفي الخادم ليخدم يلزمة اوي تلت امور ومهمين وغيابهم بيشكل فراغ كبير بحياتة وبتصرفاتة مهما بانت حلوه كلها بتبقي عايمة على السطح وغرسها ميش عميق وانت تعرفي لو الغرس بقي فوق السطح يموت ويتشلع باول هبتة رياح اليه
اول وحده المحبة والتانية الصبر والتالته التواضع دول هما اللى يخلو الخادم اللى بجد خادم فعلا والروح القدس تعمل فية ومن خلاله ويثمر ويدي ثمر حلو ويبان نتيجة الثمر فية اولا وبتصرفاتة وفي حياة ولادة المخدومين حتي ولو بعد زمن طويل لان ربنا هو اللى بيبارك ويكبر وينمي غرس الروح فية وفي المخدومين

حبيبتى ربم الثلاث صفات اللى ذكرتيهم دول اينعم مهمين جدا جدا جدا
بس فى صفات تانية بردوا لازم تكون موجودة فى الخادم ومهمة بردوا زى الحكمة والخبرات الروحية والعملية صفات كتير ياريم لازم تكون موجودة علشان الخادم يبقى متكامل ومشبة بسيدة رب المجد يسوع المسيح كونوا كاملين كما ان اباكم السماوى هو كامل
يعنى انتى اتكلمتى من وجهة نظرك الخاصة واحساسك الخاص ودة حلو مش وحش بس الصورة كانت ناقصة شوية


وبعدين راي ودا انا بكررة للكل وخاصة لنفسي ما نشغل بالنا ب مين خادم مزيف ومين هو اللى بجد خادم فعلا لسبب واحد ان صاحب الكرم هو فاحص القلوب وعارف ضعفات كل واحد فينا وبيحاسب كل واحد بحسيب وزنتة بالقد لا اكتر ولا اقل وهو برده اللى بينقي بيدره ايمي
كل خادم يبتدي بنفسة يصلح من عيوبة وسطيحيتة ويحاول يكون بجد خادم يمتلك التلت فضايل دوول واعظمها المحبة لانها ترفق تتاني وووو........ومفيش حد كامل او تقدري تقولي انة خادم بامتياز لان الكل اخطاء واعوزهم مجد الله لاننا كلنا بشر وتحت الضعف باي وقت وباي زمان
غير ان ربنا بس هو اللى بيقدر ييقوينا بنعمة الروح لنكون افضل ونكون فعلة بجد ناتي اليه ثمار حلوه ميش بقوتنا ولا بمعرفتنا بل بقوتة هو فينا

ومين بيعمل كدة ؟؟
دا انا احيانا بحس ان المخدوم والشعب بيتلكك للاباء والخدام علشان يشغلوا نفسهم عن نفسهم لما يشوفوا خطايا غيرهم واخطائهم وتبقى فرصة يلاقوا حاجة تعميهم عم اللى المفروض يشوفوة فلا --
ومع ذلك !!!
ياريم يا حبيبتى مينفعشى الخادم لازم يكون قدوة الى حد الما لازم المخدوم يشوف فية المسيح بصدق مع الفهم اننا كلنا تحت الضعف ومفيش حد معصوم ابدا
احنا مش بقول نمسك للخادم على كل غلطة ولازم يكون ملاك معصوم بس على الاقل فى تصرفات مش ممكن تليق بخادم على الاطلاق
طيب اية رايك فى خادم يشرب سجاير قدام المخدوم وفى حوش الكنيسة ؟؟
ولا اقولك اية رايك فى امين خدمة يعمل عقلة بعقل الخادم اللى من سن ابنة وميعرفشى يسايس الامور بالمحبة اللى بتتكلمى عنها
لا ياريم مينفعشى اسمع لخادم انا عارفة انة صنج بيرن على الفاضى واخد منة حاجة مش هيقدر يهزنى او يكون سبب بركة ليا
ربنا يكون مع الكل ويهب الكل نعمة وبركة من لدنه ويقوية لنكون بحق خدام للروح وليس للجسد ونكون فعلة يستحقون اجرة الملكوت السماوي في مجد الاب



امين يارب ياااربت - مرسى يا ريم على مداخلتك الحلوة ومشاركتك الجميلة
ومستنية رايك فى كلامى صلحى يا دكتورة لو فى حاجة غلط انا سمعاكى
وعاوزة اتعلم منك - ربنا معاكى

[ريم الخوري]

امين يارب ياااربت - مرسى يا ريم على مداخلتك الحلوة ومشاركتك الجميلة
ومستنية رايك فى كلامى صلحى يا دكتورة لو فى حاجة غلط انا سمعاكى
وعاوزة اتعلم منك - ربنا معاكى

على سلامة قدرك يا حببتة قلبي اصلح اي يا بروف ........كلامك حلو هههههههههههه
بس راي برده كل الامور وكل اللى بتتكلمي علييها المفروض تكون بس ما بتجي من الا شيء ايمي يعني محتاجة شوية سعي روحي ومثابرة من الخادم لينمو بالروح ويتقدم بعدين ينعكس و يكون هو فاعل في كرم الله ثانيا يعني مثلاً خادم وما يكون له صلاة الخاصة وما يكون لدية وقت للمطالعة الروحية وووو كل هادي الامور اللى بتعطية كل الميزات اللى قولتي عليها ودي بتكون بقوة الروح العالمة بالمحبة ومتقدة وفاعلة بالصبر والتواضع دي هي اساس حياتة الروحية اللى حتخلية يعرف كيف يمتلك الميزات اللى زكرتها

هاد من جهة ومن جهة تانية
كيف بدي كون حكيم وامتلك ميزات الخادم الحقيقي اللى قولتهيا وانا روح الله اللى المفروض اعمل بقوتها حاطط بيني وبينها فاصل اسمة الذات تقدري تقولي كيف وعن اي صفات بتتكلمي عنها لو انا معنديش اساس لبنائي بيت الروحي

ايمي الخدمة روح وعلى قد ما تتتقد الروح فينا على قد ما بتنعكس بحياة الخادم وبيكون قادر يكون صورة ونموذج حلو للرب ميش محتاج صفات غير انة يكون حقيقي بيعيش بالرب وللرب ...............اطلبوا اولا ملكوت الله وبرة .و كل هذه تزاد لكم

ملاحظة برف دي يعني مختصر بروفسوره هههههههههها
الرب يقويك ويكون معك

[emmmy]

هههههههه انا بروفسورة ماشى يا دكتورة
عموما صححح كلامك جميل وصححح ياريم
وانا على فكرة لما طرحت الموضوع دة كان قصدى منة ان كل واحد يتكلم بصفة خاصة عن نفسة بصدق ويقولى اااة اة اميز الخادم المزيف والفارغ من الداخل بكذا وكذا من الخادم الحقيقى المملؤء من عمل الروح داخلة بكذا وكذا
او حد تانى يقولى مش بتفرق معايا مش بأخد بالى بسمع منة كلمة ربنا ومليش دعوة بصفاتة هو كشخص
دة كان هدف الموضوع يارعصفورة المنتدى هههههههههه