الاكتأب

[مرموره]

ازاى اشي الاكتأب بمساعدة ربنا .... مع العلم بتجربة كل شئ قراية الانجيل و التناول و الصلاه ؟
ارجو الرد سريعا

[aymonded]

السلام لنفسك يا محبوبة ربنا يسوع
الأكتآب يأتي عن طريق كذا حاجة يا اما يكون نفسي وسببه مشكلة ما ، أو من وقت فراغ أو ملل عام ، وهذه الحالة تعالج عن طريق المشاركة في نشاط أو الاهتمام بالأعمال مع الهذيذ في كلمة الله الحلوة وصلاة يسوع ...

وممكن يأتي بسبب أهمال او استمرار الشعور بأني خاطي مثلاً ومش قادر ادخل في حالة الحرية التي حررنا بها المسيح إلهنا وعلاجها في الكتاب المقدس والإصرار على التمسك بالله للنفس الأخير بإيمان وثقة لا تتزعزع ...

أرجو أن أكون وضحت الكلام في عجالة
أقبلي مني كل تقدير بمحبة
النعمة معك

[مرموره]

المشكله يا استاذ ايمن
ان مفيش ملل بالعكس الوقت كله مشغول فى الدرراسه
ومفيش اهمال
بس فى اكتأب جامد جدا و مفيش قدره حتى على الكلام او لاى حاجه ....
ارجو ان حضرتك تكون فهمتنى

[aymonded]

طب ليه السبب يا اغلى مرموره
في حاجة معينه حصلت والا كده لوحده من غير حاجة
والا مش عندك نشاط تاني غير المذاكرة فقط
ولو الموضوع صعب كتايته ارسلي رسالة خاصة

النعمة معك

[مرموره]

المشكله يا استاذ ايمن
ان انا بقات عارفه ان كل العالم ده عمره ما هينفعنى
و نفسى اوى اقابل ربنا
و الاكتأب جه من كتر ما كرهة الدنيا
انا مكرهتش الناس بالعكس انا اهلى و ناس كتير بحبهم جدا
بس ربنا وحشنى اوى و نفسى اعمله اى حاجه و مش قادره

ارجو انى اكون عرفة اوصل
لانى مش عارفه اتكلم اساسا
ارجو المساعده ارجوك

[aymonded]

السلام لنفسك يا محبوبة ربنا يسوع
حياتنا مع الله حياة حب صادق من عمق القلب
ومكتوب : الذي عنده وصاياي ويحفظها هو الذي يحبني
ولا يطلب الله اي حاجة غير الحب
( حب الرب من كل قلبك ونفسك وفكرك وقدرتك )

فالنفوس المحبة للمسيح لا تعمل أي شيء إلا بالمحبة ، والروح القدس يوجه القلب دائماً لطاعة الوصية ليكون الحب صادق من كل القلب ...

فلا تبحثي عن أي شيء غير محبه الله ، لأنها أولى الوصايا وأعظمها
أن أعطى الإنسان كل ثروة بيته عوض المحبة تحتقر احتقاراً

وبالنسبة للعمل أو الخدمة من أجل الله ، أتركي الله في الوقت المناسب أن يظهرها بنعمته بغنى عمل الروح القدس في القلب ، فالمستعجل برجلية يخطئ ، والحماسة والاندفاع وراء الأعمال معطل أساسي للحياة مع الله ، اتركي النعمة تعمل في القلب وكملي زمان التوبة بالصلاة وقراءة الكلمة والإفخارستيا ، والله يعمل في قلبك بروحه لينقي النفس ويشفيها ويغيرك إليه ويهبك قوة خبرة الموت معه ليحيا هو فيكِ ويعمل بمواهب الروح القدس حسبما يرى هو ...

حبي الرب وأعملي في العالم ومجدي اسمه العظيم وسط الأسرة والمجتمع فتمتلئي فرحاً ومجد إلهي لا يزول ، غنى النعمة ووافر السلام لشخصك الحلو

[مرموره]

اشكرك جدا يا استاذ ايمن و اسفه انى تعبت حضرتك معايا
صليلى

[aymonded]

السلام لك يا محبوبة يسوع
أولاً : مش في تعب بين الإخوات اللي بيحبوا الرب يسوع
ثانياً : أنا عنيا ليكي أكيد يا محبوبة مخلصنا يسوع

وكل سنة وانت طيبة بل في كل وقت وكل ساعة مليانة من نعمة الله وسلامة الحلو
النعمة معك

[ابنه برباره]

سلامتك يامرموره من الاكتأب الف سلامه 0بجد انا عنيت منه كثيررررررررررررر لدرجه لاتتخيليها هتسالينى طلعت منه اذاى رغم اكتأبى كان يبعدنى حتى الوسائط الروحيه حاجه واحده نفعتنى صلاه المذبح بمعنى كل مدخل الكنيسه اكتب ورقه لربنا واحطها على المذبح والامر التانىوضعت فى حجرتى صوره لبابا يسوع انا بحبها قوى وكل ما احب أبكى او اتكلم امسك الصوره واعبر عن مشاعرى واكلمه كما لو كان صديق اعاتبه شويه اكلمه بدلاله شويه ابكى شويه وكان لى تعبير اقوله ( انا بطرس الغرقان مينفعش حد يطلعه من الميه غيرك هتسبنى اغرق ) اقوله وانا عينى تنظر لعينه فى الصوره صدقينى يا مرموره هترتاحى لان دموعنا بتوجعه قوى قولى له انا بنتك محسوبه عليك ينفع تسبنى جربى فتره تعملى دا من قلبك من غير متحكى مع حد خليه هو الصديق والاب والحبيب والاخ هترتاحى 0 انا كنت بكتب جوبات كتير بدموع عينى ومبعتهاش هو كان بيجى يقرها 0ربنا يعطيكى الفرح السلام وهم ثمار الروح القدس0 اسفه على الاطاله انا حسه جدااااااااااااااا بيكى شكراhttp://img101.imageshack.us/img101/2410/showox2.jpg