هل من حق الكنيسة أن تسوقنا كالقطيع (الأحزاب والأنتخابات)

[ماروجيرافك]

سلام ونعمة الرب ليكم يا أجمل أعضاء في ارقي جسد أرثوذكس الغالي

النهاردة كنت عاوز أتناقش واسمع أرائكم في موضوع استوقفني
في احد الكنائس

http://2.bp.blogspot.com/-SyKIwNoC0Rs/TjMHaJLcqlI/AAAAAAAAB94/e2exo4ECMS4/s320/church.jpg
وهو
في يوم بعد الأقداس اخذ خادم الميك بعد الأب الكاهن ما صرف الشعب طبعا
وطلب من الحاضرين أن يحضروا الرقم القومي الخاص بيهم ألي الكنيسة
ولما سألت احد الأشخاص الموجودين عن سبب هذا التصرف
قال لي لا اعرف
فتوجهت االي الخادم الذي القي البيان علي الشعب استوضح منه الأمر
وهنا شعرت بصدمة عندما قال لي أنهم بيجمعوا الرقم القومي الخاص بالمسيحيين لكي يضموهم االي حزب المصرين الأحرار المؤسس من قبل رجل الاعمال نجيب ساويرس
والسؤال هنا
هل من حق الكنيسة أن تسوقنا كالقطيع وتضمنا لحزب لمجرد أن مؤسسه مسيحي
االي متي تتصرف الكنيسة مثل هذه التصرفات هل سنعود االي العهد القديم وننساق وراء أراء بعض الأشخاص ذو النفوس في الكنيسة وننتخب من يردون هما لمصلحتهم الشخصية وما أكثر هذه الأمثال علي هذا
أقول هذا لان طبعا مدام بدأت في الأحزاب يبقي هتكون في الانتخابات برده
إذا كانت الكنيسة تريد أن ننضم االي احد الأحزاب فمن الواجب عليها أن تعرفنا بنشاط وجدول هذا الحزب مش لمجرد انه مسيحي يبقي ننضم إليه
أو أن نرشح احد الأشخاص لمجلس الشعب فيجب أولا أن تعلمنا الكنيسة من يكون هذا العضو ماذا سيعطينا ليس كأنننا مسحيين فقط بل كامصرين أولا
أنا لست ضد أن تتدخل الكنيسة في السياسة ولكن اذا اردت ان تدخل في السياسة الأول تعمل حملة للتوعية السياسية لان الكثير منا لا يعرف في السياسة

وبعدها نحن من نقرر االي من ننضم او نرشح
يا جماعة أحنا داخلين علي مرحلة جديدة يجب أن نكون واعين لما يحدث
أرجو أن اسمع ارئكم لكي نوصل في النهاية ااالي الهدف الواحد وهو نجاح هذه البلد

[aymonded]

الكنيسة المفترض أن لا تتدخل في أي رأي سياسي مهما كان شأنه كما هو حادث على مر أجيال الكنيسة كلها ، لأن أي خلط ما بين الكنيسة والدولة كفيل أن يثقل كاهل الكنيسة ويوقعها في ورطات لا قيام منها ، لأن كما رأينا تأييدها للنظام بإصرار على مر 30 عاماً أوقعها في مشكلة كبيرة أمام الذين نجحوا في إسقاط النظام ، وجعل الكنيسة تنشغل وتنخرط بالسياسة وتستخرج تصريحات صنعت ملامة من الكثيرين مع فقد المصداقية السياسية لدى الكنيسة ، مع أن لو كانت تجنبت - منذ البداية - أي رأي سياسي لكانت حُفظت بعيداً عن أي ملامة ، لأن السياسة غير ثابتة وتتغير وفق السنين والأيام وهذا عكس الإيمان ، لأن الإيمان ثابت ثبوت إلهي لا يتغير أو يتبدل بل يزداد إشراقاً واستعلاناً على مر الأجيال والأزمان ، لأن كل ما هو في الأرض يطوله دوران وتغيير ، ونظرية تسقط نظرية ودستور يتغير بدستور ورأي يتغير برأي آخر وحزب ينتهي ويسقط وحزب يُقام وآخر يسقط ، ودراسة تختلف عن دراسة وتنتقد ما هو سابقها ... وهكذا ... ، بل ولا يستطيع نظام أرضي أن يثبت للمنتهى كما نرى عبر التاريخ كله في تاريخ الإمبراطوريات العظيمة والتي كان يستحيل أن يتخيل أحد أن تسقط وتنتهي تماماً وتختفي ويبقى منها آثار فقط ، لأنها ظلت أعوام وقرون مستمرة وطويلة وذات قوة وسيادة عالمية ، لأن كل هذا بشري يتبع قانون الأرض الغير ثابت قط ويتبع المجتمعات المتغيرة ، ودخول الكنيسة في المتغيرات يجعلها لا تسير برؤية صحيحة أو سليمة ، لأن ما هو ثابت اليوم غداً يتبدل ويتزعزع وقد يسقط وغيره يُقام وهكذا ... الخ ...


المسيحية عموماً اختصاصها ينحصر في التالي :


+ في موضوعها : هو الإنسان الخاطئ
+ في هدفها : هو ملكوت الله
+ في وسيلتها : المناداة بالتوبة والإيمان بالإنجيل

وأي محاولة لضم مواضيع آخرى إلى اختصاص المسيحية الذي هو " خلاص الخطاة ببشارة ملكوت الله ونمو المؤمنين الروحي بالتعليم " ، هي مثل برية التيه التي تاه فيها شعب الله بقيادة موسى في سفره إلى أرض كنعان [ أي في السفر نحو ميراث الأرض الأبدي أي ملكوت الله ]

وبالطبع لا يقدر بل مستحيل لأحد أن يخدم سيدين يا إما الله يا إما قيصر ويستحيل جمع المتضادين في داخل كنيسة الله الثابتة في إيمان حي بالثالوث القدوس الذي به نحيا وله نعيش !!!


ثم منذ متى وقيصر بينصف أولاد الله المؤمنين باسمه، ومنذ متى ورئيس هذا العالم بيترك للكنيسة سلام على الأرض، حتى القديس بولس حينما رفع شكواه لقيصر لكي يطالب بمحاكمة عادلة بسبب الحكم الجائر عليه بسبب مكائد اليهود والناس الأشرار لم ينصفه بل في النهاية أخذ حكم الموت، ووضع له أعظم إكليل وهو إكليل البرّ لأنه أكمال السعي وحفظ الإيمان الحي وسلم التعليم بروح المسيح الرب ....


فيا إخوتي لا تتكلوا على الرؤساء ولا قيصر الذي لا خلاص عنده ويستحيل ان ينصف أولاد الله !!! تحت اي حجة او بيان لأنه في النهاية العالم وضع في الشرير ... وطبعاً لكل واحد كمواطن يختار ما ينتمي إليه بصفته مصري وليس كمسيحي، ولكن بصفته مسيحي يكون أمين ويشهد لله بإخلاصه ومحبته وهذه هي الشهادة الحقيقية ...


عموماً كل ما يخص السياسة والوطن التي نعيش فيه ، كل واحد (كمواطن) يطلب حقه أو انتسابه لحزب ما حسب حريته واختياره وحده وهذا حسب رؤيته ومعيشته وحياته التي تخصه وتخص عائلته وأولاده وجيرانه وإخوته كيف ما يرى هو وليس حسب ما تراه الكنيسة ، لأن دخول حزب ما أو الخروج منه ، أو تأييد نظام أو رفضه ، أو إبداء رأي في تغيير قانون أو دستور هذا منوط فقط بالأشخاص الذين يعيشون في داخل الوطن بصرف النظر عن ما هو دينهم أو لونهم أو عقيدتهم ، لأن هذا يدخل في إطار الحياة الشخصية وليست العامة ، لأننا لو انتسبنا لحزب ما أو أعطينا رأي سياسي بناء على شكل كنسي أو ديني فأننا بذلك نطلب على أساس مسيحي ديني وهذا خطير ، لأن كل الثورة قامت على عدم التمييز العرقي ولا الديني وأن لا يتدخل رمز ديني من أي طرف ليتحكم في حياة مواطن بالنسبة أن يفرض عليه ما هو حرام وما هو حلال - حسب الرؤيا الشخصية وتلبيسها القناع الديني - في كل خطوة أو مشروع يقيمه أو حزب يدخله وينتمي إليه ، أو إصدار أي فتوى في حياة أي أحد وترك الحرية لكل واحد ان يختار مصيره بيده وحريته بدون تقييد سياسي يلبس قناع الدين ، لأن اي طائفة دينية غير مسئولة عن المواطنين وتصرفاتهم قط ، لأن كما رأينا على مر التاريخ الإنساني كله أن كل تدخل من أي قادة دينية في السياسة باء بالفشل وتقييد الإنسان بأكبال تبعده حتى عن أي مجال إلهي ، لأن الخلط مابين ما هو لقيصر وما هو لله خطير وغير نافع ولم يصنعه المسيح الرب ولا الرسل ولا آباء الكنيسة على مر العصور !!! وكل من يستخدم آيات الكتاب المقدس ويلبسها نزعة سياسية فقد تملص من كلمة الله وتخلى عن دورة أن كان خادم او كاهن أو حتى أسقف، لأن الكلمة نفسها ستدينه أمام الله التي عيناه كلهيب نار تفحصان أستار الظلام ، وكل شيء عريان ومكشوف قدامه مهما ما أخفيناها عن الناس ....


أشكرك على هذا الموضوع الهام للغاية واتمنى ان الناس تفوق وتستيقظ، وتوقع يا صديقي الحلو أن كثيرين لن يعجبهم كلامنا وسيحبون أن يمكثوا تحت الفكر الفلسفي الذي للبشر ولا يريدون ان يسمعوا صوت الحق الذي يسدين المسكونة كلها ، كن معافي مع الجميع في روح الوداعة آمين

[رويس]

الاستاذ ****** ده اللي الناس فرحانه بيه اكثر من 75% من الناس اللي شغالين معاه مسلمين ومش بيشغل مسيحيين كتير.
الاستاذ ***** بيطلع في التيليفزيون وبيقول مفيش واحد قبطي مسلم اكثر مني.
كفايه بقي اللي كان بيحصل زي مثلاً الجواب اللي كان بيبعته البابا شنودة لحسني مبارك كل فترة ويقوله احنا مبسوطين انك رشحت نفسك والديموقراطية والملوخية والحاجات دي ويبعتله ويقوله انا مبسوطين من الحرية الرأي والبتنجان وده اللي كان بيحصل بالتكرار منذ 1993 حتي 2010.
وتطلع بعض الاساقفه تقول هو حسني ومفيش غيروا، وربنا يخليهولنا والهجس دا كله.
الكنيسة ياريت تخليها في تعاليم الدين وتسيبلنا احنا تعاليم السياسة، ولو في اي شخص زو رتبة كهنوتية عاوز يدخل في السياسة يبقي يدخل ولكن يكون كلامه يخصه هو فقط ولا يعبر عن راي سواء كنيسة او طائفة.

[aymonded]

من أروع التعليقات التي سمعت تعليقك يا أجمل رويس
وعندك حق في كل كلمة قلتها ويا ريت لا يوجد أي خلط بعد اليوم ما بين السياسة والدين إطلاقاً
يكفي ما تعلمناه من الماضي ولا نُريد تكراره مرة تانية على الإطلاق
وليس كل مسيحي أو قبطي ارثوذكسي ملاك أنزل من السماء
وليس كل واحد غير مسيحي شيطان ظهر على الأرض

[emmmy]

هي الكنيسه وسيدنا والاباء بكل رتبهم
اجبروكم علي حاجه يا شباب
بصراحه انا اندهشت من عنوان الموضوع ومن الردود
انا عاوزه افهم بالراحه بس انتوا بتتهموا الكنيسه إنها مقيده حريتكم علي أي اساس؟؟؟
انا مشفتهمش في مره بعتوا لكم جيش مسلح وبيهددوكم او يجبروكم ولا حاجه
وسيدنا البابا وغيره من الاساقفه والاباء بيعبروا عن رأيهم كأشخاص ومصرين بيختاروا حسب رغبتهم وحريتهم وده حقهم بس مطلبوش من حد أبدآ ينفذ نفس الرأي ولو طلبو زي الحدث اللي قاله ماريو
من حقك تقول لأ مش مواقق وبراحتك محدش هيقطع رقبكم ولا حاجه يارويس
الشعب هو اللي بيفرض ويجبر الكنيسه ع التدخل في السياسه يا إستاذ أيمن

[aymonded]

ماشي يا أختنا الحلوة إيمي خليكي معايا للآخر، ولكن بشرط أن تخرجي موضوع الاتهام لرجال الكنيسة وكأنه لن ولم يوجد بينهم من يُخطأ في تفكيره او رأيه الشخصي لأننا لا نتكلم عن عقيدة بل نتكلم عن السياسة التي تخص الأرض والعلمانيين وليس رهبان وأساقفة ونظام كهنوتي المفروض انهم باعوا العالم وليس لهم أي علاقة بسياسة أو اي شيء يخص حياة العلمانيين من جهة حياتهم الشخصية في العالم وآرائهم السياسية مهما ما كانت صح والا خطأ، فاخرجي الموضوع خارج موضوع الاتهامات للكنيسة كجسد المسيح المنوط بها بشارة ملكوت الله وأن تعلم تعليم المسيح وتفتقد الشعب بالمحبة وكل رجالها الذين يلبسون زي خاص يعبر عن هويتهم الشخصية والمكان المنتسبين إليه، وأخرجي موضوع الكهنوت من جهة السر خارج الموضوع لأننا لا نتكلم عن الترتيب الكهنوتي في الكنيسة ولا عن سر الكهنوت بأي حال من الأحوال بل نتكلم فقط أقولها وأؤكد عليها بشدة: السياسة والآراء السياسية، وعموماً خليكي معايا واحدة واحدة وبتركيز :

طيب أحكمي انت، لما الناس تشوف واحد واقف بزي كهنوتي يتكلم عن السياسة يبقى بيعبر عن مين !!! نفهم ايه ، والناس هاتقول مين اللي بيقول فلان والا الكنيسة بتقول !!!
ولو إنسان بسيط بيبص للكهنوت على أنه إلهي 100% وأي كلمه تخرج من فمه هي كلمة من الله، وينبغي أن يُطاع الله أكثر من الناس، ويسمع أي تصريح سياسي او يشوف كاهن خارج بمظاهرة وزيه الكهنوتي مثلاً بيأيد نظام او يرفضه أليس سيخرج معه بحجة أن هذا هو رأي الكنيسة وتعليم المسيح !!! وإذا شاف السياسيين والا الحكام والا الأحذاب والا أي إنسان مش مسيحي كاهن أو اسقف بيتكلم ويعطي رأي سياسي (صح أو غلط، مناسب والا غير مناسب أو أياً كان نوعه) هايفكر في مين اللي بتكلم ، هايفكر أنه إنسان عادي وله حريته الشخصية !!! والا هايقول رجال الدين المسيحي بيقولوا !!! ده ان ما كنش كان قال الكنيسة بتقول أو واخد تصريح من الكنيسة أنه يتكلم !!! والكنيسة موافقه على كل كلامه !!! وألا تذكري التصريحات اللي أتت في جريدة ما (مش عايز اكتب التفاصيل المعرفوة للجميع ولكن ساذكر حدث واحد فقط على سبيل المثال وليس على سبيل الحصر ولا أُريد ان اقلب الأحداث وأكتب المواقف التي وضعت الكنيسة في موقف محرج للغاية) واذكر مثال واحد فقط عن تأييد ابن حسني مبارك والقول نعم لوراثة الحكم وغيرها من التصريحات التي أُمسكت وقيل أن الكنيسة بتقول !!!
وعلى سيل المثال : كنت قريباً جداً بتناقش مع كاهن ما في مشكلة خروج الكاهن في المظاهرات باسم الكنيسة وتشجيع شعبه على ذلك وتأييد حزب من عدمه، فقال لي أنا متأكد أن رأيي قبطي كنسي أرثوذكسي سليم، ولا أعلم معنى أن رأيه السياسي قبطي كنسي أرثوذكسي سليم، وحاول يقنعني أن الرب يسوع كان له رأي سياسي لما ذكر آية [ أعطوا ما لقيصر لقيصر وما لله لله ] وأن هذا هو رأي المسيح السياسي !!! ، طبعاً مش كاهن واحد قال لي هذا وتناقش وأكد على هذا ، مع أن في كهنة تانية بترفض هذا الكلام على خط مستقيم وبيقولوا لا علاقة للكنيسة بالسياسة وبالتالي الكاهن لأنه باع نفسه للمسيح !!! تفتكري الناس لما تسمع كلمة ابونا بيقول أن ده رأي قبطي كنسي ارثوذكسي سليم !!! يعملوا ايه وبخاصة لو كانوا بسطاء ليس لهم معرفة كنسية سليمة وصحيحة !!!

وعموماً الشعب لا يجبر الكنيسة على رأي سياسي ولا يفرض عليها التدخل السياسي، ثم منذ متى الشعب بيفرض رأيه على الكنيسة أمتى ده حصل يا ترى !!! وازي كان !!! وهل الكنيسة يتخضع للشعب والا للمسيح وصوت الحق !!! وأن كان اللي أجبرها أصحاب النفوذ فازاي تبقى كنيسة المسيح التي تحمل سيف الروح وتحيا بحق المسيح الرب !!! والكنيسة المفترض أنها تكون واعية ولا تتورط في السياسة تحت اسم أن الشعب بيجبرها على السياسة، وإلا كيف يكون الأسقف مفصلاً كلمة الحق باستقامه ولا يستطيع أن يتحكم في انفعالاته الشخصية ويأثر عليه الشعب ويجبروه ان يدخل في دور وعمل ليس عمله على الإطلاق !!!
وأحنا لا نتهم الكنيسة بشيء ولكننا نصرخ بأعلى صوتنا أن لا تتدخل الكنيسة في السياسة ولا تعطي اي تصريح طالما كان فيها أحد يلبس الزي الكنسي لأن تصريحاته لن تفهم أنها شخصية بل عامة وتخص الكنيسة لأنه لن يقال فلان قال رأيه الشخصي بل سيقال الكنيسة تقول !!!! وبالتالي الأقباط يقولون، وهذه هي المشكلة ، لأن حتى لو كان هناك قبطي معترض لن يعطى له أعتباراً لأنهم يعممون الكلام لأنه صدر من رجال شكلهم بيعبر عن عملهم وعن الأقباط ، ولا يعلمون أنهم يعبرون عن الأقباط كنسياً فقط وليس حسب الحياة العامة ....

والمشكلة الكبرى في اللي مش فاهم وليس عنده وعي سيسمع أن واحد نبه جوه الكنيسة على حزب سياسي (يعني الكنيسة سمحت له وأعطته تصريح يتكلم) يعني رأي الكنيسة بيقول أشتركوا في هذا الحزب، وهذه أكبرمشكلة لأنه هايشترك صرف النظر عن قناعته الشخصيه إيه !!! ونعمل زي نفس النظام القديم نوجه الناس حيثما نريد وليس حسب إرادته الواعية وهو عايز ايه في بلده ووطنه على مستواه الشخصي وليس الكنسي !!!
فالكنيسة عليها أن تلتفت لدورها فقط ، ومن لبس الزي الكهنوتي باع نفسه للمسيح وأصبح بزيه يعبر عن الكنيسة وعمله يكرز ببشارة ملكوت الله ولا يتدخل في السياسة حتى لو كان له مجرد رأي شخصي لأن لن يأخذ أحد كلامة على المستوى الشخصي، فينبغي أن تسير الأمور في مجراها الصحيح بدون ان ننحاز لأحد او نكون لا مع ولا ضد أحد (أنا باتكلم عن السياسة فقط وليس عن عقيدة لئلا أحد يفهمني خطأ كالعادة) ، لأن ما هو خطأ فهو خطأ وما هو صح هو صحيح، ولا دخل لرجال الدين في سياسة ولا دخل للسياسة في أمور الدين، لأن لو سمحنا لأنفسنا ككنيسة أن نتدخل في السياسة فلماذا أيضاً لا تتدخل في حياتنا السياسة وتتحكم في النهاية وتفرض رأيها على الكنيسة كسياسة !!!

ثم لماذا في وقت نتدخل ككنيسة في السياسة ونحاول نبدي الرأي ونوجه الناس فيها ونجد أن هذا مقبول وضروري، وحينما نجدها ستتدخل فينا بسبب تدخلنا نمنع ونشجب ونقول لا سياسة في الدين !!! وهذه هي المشكلة الذي فيها نرى العجب والكلام المتضاد مع بعضه البعض !!! ...

فيا محبوبة الله الحلوة أننا لا نتهم أحد ولكننا نريد أن الكل يعي اننا نريد الكنيسة صافية نقية لا يمسها سوء بسبب تدخلها فيما لقيصر لكي لا يطولها ويمس كرامتها في شيء ويلومها أحد مهما كان، ولا أحد يظن خطأ من كلامنا لأننا لا نتدخل في شئون الكنيسة من جهة حكمنا عليها في شيء لأن الكنيسة لها من هو منوط بذلك وهو المجمع المقدس، ولكننا نتكلم عن السياسة ومن حقنا كمصريين أننا نُعبر عن رأينا بأننا لا نريد أن الكنيسة تعبر عن رأينا كمواطنين بل تلتزم بحدود الإنجيل وتعبر عن العقيدة وتعلمنا الحق في المسيح ، فنحن نقبل الكنيسة ونحبها جداً ونخضع لسلطان المسيح الرب فيها لأننا معها واحد وفيها لنا الخلاص وشفاء النفس حتى لو صدر منها أي تأديب روحي لنا لكي ينصلح حالنا ولا يعوج قلبنا ونتوه في وسط هذا العالم الحاضر الشرير ونتغر بمال أو مركز أو سُلطة زمنية أو بأي شيء يعطلنا عن مسيرتنا مع الله أو يلوث حياتنا بشر يفقدنا هويتنا فنتوه عن طريق الرب، ونرفض أن تعبر عنا سياسياً لأننا نعبر عن أنفسنا وكل واحد له رأيه في وطنه سياسياً وفكرياًُ واجتماعياً وقد يتفق مع حزب ويرفض آخر وقد يتفق مع واحد ويختلف مع آخر، ولأن السياسة كلها اختلافات وآراء متغيرة عديدة ونحن لا نريد أن نبقى ضد أو مع رجل يحمل الزي الكهنوتي يقف أمامنا ليعبر عن رأيه الشخصي ونقع في حيرة مع من نتفق وإلى من ننحاز، النعمة معك ومع الجميع آمين ...

[رويس]

تكملة لكلام استاذ ايمن اللي اوفي في كل شئ، انا عاوز اسئل هو الكاهن بامارة ايه يقف ويدعو الناس انهم يروحوا ينضموا لحزب معين ؟ بانهو صفة ولا بأنهو منطق ؟ هو مااااااااااااالوا
واذا كنا احنا المثقفين اللي نساوي اقل نت 10% من الشعب ولنا اتجاهات فكرية مختلفة واحيانا يتم تضليلنا فما بالنا بالمواطن العادي ؟
ما بالك بشعب 60% تحت خط الفقر، 40% أمية، 40% عشاوائيات
حتي المثقفين اصبح عندنا حوالي 15% اميه المثقفين.
وفي الاخر الاقي الكاهن طالع ويقولي نجيب سويرس ؟ يكونشي نجيب ده اللي خلفنا وماحنا مش واخدين بالنا ؟
والكاهن ميقدرش يقول اي كلمة في الكنيسة الا بموافقة الاسقف بتاعه او البابا، بل وزي ما حصل كتيييييييييير في العهد القديم تطلع القيادات الكنيسة وتسبح بأسم الحزب الوطني، وانا هاوريكي نص رسالة واحدة البابا بعتها للرئيس وخدي بالك من الصيغة اللي بيتكلم بيها على انها صيغة جمع

http://img843.imageshack.us/img843/3627/2005bp.jpg

يعني ايه كلنا نؤيدك بكل قلوبنا؟ يعني ايه سعدنا بترشحك؟
وتقوليلي ان محدش هايقطع رقبتك لو مروحتش او قولت لأ، انا مش بتكلم عن نفسي انا بتكلم عن الهواء الملوث اللي حصل بسبب ان الكنيسة ابدعتنا عن السياسة وبقينا ماشيين وراها في السياسة.
الكاهن لا يستغل انه كاهن كنيسة وان الناس بتثق فيه وفي سلطانه ويروح يدعو الناس اللي اكاد اقول ان 90% منهم ميعرفش حاجة لا في السياسة ولا حتى في الدين! دا في ناس لغاية دلوقتي مش عارفه يعني ايه ثالوث ويقولك عليه ان دي اقانيم اللي هي صفات - قال صفات قال - ولسه في واحد بيسئل انا بعبد الناسوت ولا اللاهوت ولا الاثنان معاً.

مش كده يعني، لو فرضنا ان انا اتولدت اول ما حسني مسك الحكم يبقي انا عندي دلوقتي 30 سنة وفضلت عايش 30 سنة لا عمري روحت انتخبت ولا سمعت برنامج سياسي صادق في التيليفزيون ولا حتي فتحت كتاب علشان افهم يعني ايه شيوعية او ماركسية (اللي الناس فاكره لن الماركسية و الشيوعية هي الالحاد والليبرالي يعني ان يعري الستات ويحلل الخمرا وان الديموقراطية تأسست علي عشر قواعد من الكُفر) وفي الاخر استغل جهلة الثقافي والسياسي واستغل اني شخص موثوق فيه او الناس تنظر ليه علي انه ربنا علي الارض واروح اعملة عملية توجية سياسية ! علي الاقل احترم ادميته وفهمه سياسة الاول وبعد كده قوله انتخب .
انا اوافق مثلاً انه يتعمل شبه اجتماع اسبوعي في الكنيسة ويجيبوا فيه متكلمين سياسيين وحقوقيين ويعلموا الشعب سياسة وحقوق انسان ولكن الكاهن يتفضل معزز مكرم ماسك شوريته ورافع ايده بالصلاة لينا كلنا.
ولو حب انه يدخل في السياسية ( وده من حقة لانه مواطن يتفاعل في المجتمع) يبقي يتكلم ليس بصيغة ابونا فلان ولكن بصيغة المواطن فلان.
بس كده يا فندم

[ماروجيرافك]

الكنيسة المفترض أن لا تتدخل في أي رأي سياسي مهما كان شأنه كما هو حادث على مر أجيال الكنيسة كلها ، لأن أي خلط ما بين الكنيسة والدولة كفيل أن يثقل كاهل الكنيسة ويوقعها في ورطات لا قيام منها ، لأن كما رأينا تأييدها للنظام بإصرار على مر 30 عاماً أوقعها في مشكلة كبيرة أمام الذين نجحوا في إسقاط النظام ، وجعل الكنيسة تنشغل وتنخرط بالسياسة وتستخرج تصريحات صنعت ملامة من الكثيرين مع فقد المصداقية السياسية لدى الكنيسة ، مع أن لو كانت تجنبت - منذ البداية - أي رأي سياسي لكانت حُفظت بعيداً عن أي ملامة



للاسف يا استاذ ايمن الكنيسة خلاص انخرطت في العمل السياسي وللاسف مش عارفه اصلا تلعب لعبة السياسة لان السياسة ليها طرق اعتقد انها لا تتفق مع تعاليمنا الامر حدث وخلاص ولكن بعد الثورة جت الفرصه الكبيرة للكنيسة انها لائما تتدخل او لا من بداية الثورة والكنيسة مذبذبة ما بين ان تتدخل او لا وللاسف تتدخلت في الامور الصالحة لنظام قديم وتخلت عن السياسة في وقت كان الشعب محتاج منها ان تتدخل عجبي









وتوقع يا صديقي الحلو أن كثيرين لن يعجبهم كلامنا وسيحبون أن يمكثوا تحت الفكر الفلسفي الذي للبشر ولا يريدون ان يسمعوا صوت الحق






انا بالفعل كنت متوقع اصلا ان لايدخل الموضوع احد لاني كتبت موضوع يشبه الموضوع ده لحد ما ومحدش دخله

كفايه بقي اللي كان بيحصل زي مثلاً الجواب اللي كان بيبعته البابا شنودة لحسني مبارك كل فترة ويقوله احنا مبسوطين انك رشحت نفسك والديموقراطية والملوخية والحاجات دي ويبعتله ويقوله انا مبسوطين من الحرية الرأي والبتنجان وده اللي كان بيحصل بالتكرار منذ 1993 حتي 2010.
وتطلع بعض الاساقفه تقول هو حسني ومفيش غيروا، وربنا يخليهولنا والهجس دا كله.
ياريت يا اخي الغالي تيجي علي الجواب ده كانت في كوارث بتحصل في الانتخابات والمرشحين االي منهم يسيب مبلغ في درج الكنيسة تحت شعار الخدمة والوحدة الوطنية واالي كان بيبعت مراته تحضر اجتماع السيدات في الكنيسة وتاني اسبوع يلمه بطايق الانتخابات وانتخبوا فلان جوز فلانه

وحتي بعد انهيار حسني الكنيسة بعتت الاباء الكهنة لميدان مصطفي محمود عشان تقيد النظام االي زلنا كلنا





هي الكنيسه وسيدنا والاباء بكل رتبهماجبروكم علي حاجه يا شباببصراحه انا اندهشت من عنوان الموضوع ومن الردودبصراحه انا اندهشت من عنوان الموضوع ومن الردودانا عاوزه افهم بالراحه بس انتوا بتتهموا الكنيسه إنها مقيده حريتكم علي أي اساس؟؟؟انا مشفتهمش في مره بعتوا لكم جيش مسلح وبيهددوكم او يجبروكم ولا حاجه
لا معلش يا ايمي بيجبرونا بس مش بالمعني الدقيق للكلمة كانوا بيجبروا الشعب باسم ان الكنيسة هتعرف مصلحتكم اكتر منكم
وبعدين انتي بتقولي ان لو موقف حصل زي ده نرفض المشكلة لي الموقف يحصل ولو حصل المثقفين وطبعا مش كلهم هيرفضوا او طب الشعب العادي االي مش فاهم يعمل اية
ولو خدي بالك من كلامي في الاول اني ذكرت اني سالت احد الاشخاص وقالي انه ميعرفش لي هما عاوزين الرقم القومي ده معنا انه هيبعت الرقم القومي من غير ما يعرف لي وهيقول هي الكنيسة هضرنا يعني
وده تأيد لكلام استاذ ايمن لما ذكر
لما الناس تشوف واحد واقف بزي كهنوتي يتكلم عن السياسة يبقى بيعبر عن مين !!! نفهم ايه ، والناس هاتقول مين اللي بيقول فلان والا الكنيسة بتقول !!!
ولو إنسان بسيط بيبص للكهنوت على أنه إلهي 100% وأي كلمه تخرج من فمه هي كلمة من الله، وينبغي أن يُطاع الله أكثر من الناس، ويسمع أي تصريح سياسي او يشوف كاهن خارج بمظاهرة وزيه الكهنوتي مثلاً بيأيد نظام او يرفضه أليس سيخرج معه بحجة أن هذا هو رأي الكنيسة وتعليم المسيح
انا اوافق مثلاً انه يتعمل شبه اجتماع اسبوعي في الكنيسة ويجيبوا فيه متكلمين سياسيين وحقوقيين ويعلموا الشعب سياسة وحقوق انسان ولكن الكاهن يتفضل معزز مكرم ماسك شوريته ورافع ايده بالصلاة لينا كلنا.
ولو حب انه يدخل في السياسية ( وده من حقة لانه مواطن يتفاعل في المجتمع) يبقي يتكلم ليس بصيغة ابونا فلان ولكن بصيغة المواطن فلان.
بس كده يا فندم

احيك جدا لان هو ده يعتبر غرضي من طرح الموضوع هو التوعية السياسة وترك حرية الاختيار

[emmmy]

بصوا يا جماعة انا قريت كل الردود
وهشاركم الحوار بس الاول عاوزة اقولكم حاجة صغيرة مهمة وتصدقونى فيها
انا عن نفسى وبكل امانة نفسى نفسى نفسى بتمنى الكنيسة تبقى ملهاش دعوة بالسياسة نهائى وتركز فى هدفها الحقيقى ومهمتها الحقيقية وهى خلاص النفوس - وخصوصا ان الناس محتاجة دة دلوقتى جدا جدا -- تمام !! ؟
ومع ذلك صعب دة يحصل الكنيسة خلاص انجرفت فى الطريق وصعب حقيقى انها تنسحب لاسباب كتير جدا
واحدة واحدة كدة طيب وبالراحة دلوقتى استاذ ايمن بيقولى

الشعب لا يجبر الكنيسة على رأي سياسي ولا يفرض عليها التدخل السياسي، ثم منذ متى الشعب بيفرض رأيه على الكنيسة أمتى ده حصل يا ترى !!! وازي كان !!! وهل الكنيسة يتخضع للشعب والا للمسيح وصوت الحق !!!

عزيزى واستاذى انا مقصدتش الاجبار بالمعنى الحرفى
الشعب فعلا بيجبر الكنيسة !! طيب ازاى ؟؟ مع كل محنة وكل مصيبة وكل اضطهاد بيعملوا اية ؟؟ مش بيروحوا للكنيسة الام ويصرخوا الحوقنا
انا فاكرة بعد احداث نجع حمادى او الاسنكدرية مش فاكرة تحديدا الشعب راح الكاتدائية وهو فى عز غضبة والمة ورفض حتى يسمع الوعظة من سيدنا وقالوا عاوزين حقنا عاوزين سيدنا يتصرف ويتصل بالدول الخارجية
هو كل دة مش اجبار يا ماريو كل دة مش ضغط على الكنيسة
سيدنا لما قال لحسنى مبارك كلنا بنؤيدك يارويس الشعب وقتها كان فعلا بيحب مبارك وسيدنا كان بيتكلم وهو عارف وحاسس بدة وشايف معظم الاراء الرسالة اللى انت جايبها من 6 سنين واكثر يا اخى حراام عليك
وصدقنى يارويس حتى لو الكنيسة عملت دة وتجنبت السياسة نهائى بردوا دة مش هيريح الشعب عارف هيقولوا اية ؟
الكنيسة مش حاسة بينا ولا بمشاكلنا ولا بهومنا ولا باحتياجتنا الكنيسة فى وادى تانى وساعتها هتنكسر العلاقة بين الكنيسة والشعب
مش ذنب الكنيسة ان الشعب معظمة ناس بسطاء يارويس والاباء لما بيختاروا حزب او بيرشحوا حد معين بيكون هدفهم الصالح العام فعلا للشعب القبطى مش بيعملوا دة لمصالحهم الشخصية زبردوا مأجبروش حد
كتير من الشعب بيروحوا يسألوا الاباء نختار مين ؟
ثم فى تناقض فى كلامكم - منين عاوزين الكنيسة تبقى روحية تماما وخالية من شؤائب العالم والسياسة ومنين عاوزين الكنيسة تعلم الشعب امور السياسة وازاى يختاروا اللى هما عاوزينة وشايفينة هيفدهم بكامل ارداتهم ؟؟
طيب بلاش كل دة هو من امتى اصلا كان فى سياسة نظيفة وحكم عادل وامور مستقرة وشعب مرتاح سواء مسحيين ولا اقباط
يا جماعة صدقونى الموضوع اكبر من كدة بكتيرر اوى وانتم عارفين دة كويس جدا - انتوا بتحلموا بمستقبل حلو واستقرا لبلدنا ودة حقكم بس الكنيسة كمان مأذنبتش فى حقكم

[ماروجيرافك]

انا هرد عليكي يا ايمي اولا مين قالك ان الشعب كان بيحب حسني ده كان وهم
ويمكن عشان انتي ما اتحطتيش في مواقف تعرفك ما مدي ظلم هذا النظام ومدي كرهه وتربيه ثقافة الفتن االي حاليا بنعاني منها وهي سبب ما يجري لنا ده موضوع كبير ويطول شرحة
اما موضوع ان كلامنا مناقض لا يا ايمي انا قلت مدام الكنيسة انخرطت في مجال السياسة وخلاص االي حصل حصل يبقي تتدخل صح توعي الشعب وله ان يختار
ومعلش انا اسف واعترض معاكي في مسالة ان لما الكنيسة كانت بتختار احد المرشحين كان هدفها المصلحة للاسف مش هقولك كان هدفها انها تتضيعنا لا بس كانت بتعتمد علي احد الاشخاص ذو النفوس مثلا وهو ااالي بيقولهم ده ينفع وده لا وده كان لمصلحة بعض الاشخاص وكانت الكنيسة لا تعلم او تعلم وتقول احسن من غيره
وااالي قادمنا احنا ان هي دي المصلحة
اذكر في هذا الامر احد المرشحين اتعين والكنيسة ساندته وتاني دورة لم ينجح كان اول من ينتقم منهم هما المسحيين والتعدي علي فراش الكنيسة والقاء الالفاض البذيئه له وللكنيسة
عارفة المشكلة اية يا ايمي و اننا نري ما امامنا ونصدقه واذا قيل غير ذالك اذهانننا لا تصدق

اه علي فكرة ابقي راجعي رد استاذ ايمن لانه عدل في بعض النقط المهمة جدا




<b>وعلى سيل المثال : كنت قريباً جداً بتناقش مع كاهن ما في مشكلة خروج الكاهن في المظاهرات باسم الكنيسة وتشجيع شعبه على ذلك وتأييد حزب من عدمه، فقال لي أنا متأكد أن رأيي قبطي كنسي أرثوذكسي سليم، ولا أعلم معنى أن رأيه السياسي قبطي كنسي أرثوذكسي سليم، وحاول يقنعني أن الرب يسوع كان له رأي سياسي لما ذكر آية [ أعطوا ما لقيصر لقيصر وما لله لله ] وأن هذا هو رأي المسيح السياسي !!! ، طبعاً مش كاهن واحد قال لي هذا وتناقش وأكد على هذا ، مع أن في كهنة تانية بترفض هذا الكلام على خط مستقيم وبيقولوا لا علاقة للكنيسة بالسياسة وبالتالي الكاهن لأنه باع نفسه للمسيح !!! تفتكري الناس لما تسمع كلمة ابونا بيقول أن ده رأي قبطي كنسي ارثوذكسي سليم !!! يعملوا ايه وبخاصة لو كانوا بسطاء ليس لهم معرفة كنسية سليمة وصحيحة !!!

</b>

[aymonded]

سلام لشخصك المحبوب في الرب
بالنسبة للشعب مسكين وغلبان ومش فاهم ولجؤه للكنيسة بسبب أن الكنيسة لم تعلمه التعليم الصحيح وعزلته عن المجتمع بطريقة غير مقصوده منذ البداية ، ولو الكنيسة وعت الشعب وفهمته أنها مش مسئولة سياسياً مش كان راح الكاتدرائية وعمل هذا الكلام الغير سليم ، ولو طلع حد من الكنيسة وقال للناس أن هذا خطأ لأن الكنيسة لا علاقة لها بالسياسة وشرحوا للناس ما نقوله ما كان هذا يحصل أبداً، الشعب حسب ما بيتوجه بيعمل ، والسؤال ليه مش ده حصل قبل كده في تاريخ الكنيسة !!! أن الشعب لجأ للكنيسة سياسياً واتكل عليها عوض ان ييطالب بحقه في المجتمع !!! العيب فين يا ترى !!!

طبعاً العيب في البلد نفسها ونظامها البائد ، وايضاً هناك عاتق كبير وضخم على الكنيسة أنها توعي الشعب التوعية الروحية التعليمية السليمة، ولو الكنيسة بتقبل ضغط الناس تبقى ازاي بتحقق كلمة الله وتنشر كلمة الحق، ده اثناسيوس الرسولي انضغط عليه من الإمبراطور بقوة الجيش نفسه غير الناس اللي انضموا لأريوس وكان منهم كهنة واساقفة ومع ذلك قال وانا ضد العالم لأنه أراد ان يعلن الحق، فحينما تضعف الكنيسة يأثر فيها أي تيار ، والشعب مش ضغط على الكنيسة بل الكنيسة هي اللي وضعت الشعب في هذا الموقف ، فين التعليم وفين تصحيح الأوضاع من جهة المعرفة والفكر، لأن ما حدث خلت الناس تكتب وتقول أن الكنيسة دولة داخل الدولة، وهل سمعتي في كاهن ولا حتى اسقف طلع في مرة يفهم الشعب أن عملهم كان خطأ ، وفهمهم بعد لما هدأت ثورتهم وابتدأ يشرح دور الكنيسة ايه في وسط المجتمع، ولا يصح توريطها في السياسة !!! هل سمعتي أن حد علم وفهم قول الرب [ أعطوا ما لقيصر لقيصر وما لله لله ]، هل سمعتي حد بيوعي الشعب أنه حينما يحتاج لحق يتوجه للدوله لأنها المسئولة عن حقه الأرضي مش الكنيسة !!!
فيا محبوبة الله لا يوجد تناقض في كلامنا إطلاقاً ، والمشكلة كبيرة فعلاً والمسئولية تقع على المعلمين والقادة لأن هذا هو دورهم الحقيقي التعليم !!! لأن أن لم يكن هم الذين يعلمون من سيعلم هذا الشعب كله !!! يبقى دور مين لما المعلم لا يُعلم ولا يُصحح الفكر ويوجه اللتوجيه الصحيح !!!

أقبلي مني كل التقدير يا أجمل أخت حلوة؛ النعمة معك آمين

[emmmy]

عندك خدام واباء كافيين بقوموا بالمهمة دى يا استاذ ايمن
( التعليم )
تعتقد عندنا كام فى المية من نوعية استاذ ايمن وماريو ورويس ؟؟؟
طيب مش لما نلاقى خدام واباء يعلموا الشعب التعاليم الروحية الاول طيب
نبقى نشوف موضوع السياسة دة وتوعية الشعب ومحاولة فهمهم الامور والاختبار

[ماروجيرافك]

عندك خدام واباء كافيين بقوموا بالمهمة دى يا استاذ ايمن
( التعليم )
تعتقد عندنا كام فى المية من نوعية استاذ ايمن وماريو ورويس ؟؟؟
طيب مش لما نلاقى خدام واباء يعلموا الشعب التعاليم الروحية الاول طيب
نبقى نشوف موضوع السياسة دة وتوعية الشعب ومحاولة فهمهم الامور والاختبار

صدقني يا ايمي احنا عندنا جبابرة بمعني جبابرة معظمهم كمان في منظمات حقوق الانسان
وفي اباء كهنة علي دارية كاملة من السياسة
وده مش معنا ان احنا بتقول يلي بينا ندخل السياسة
انتي بتقولي ندور الاول علي ااالي يعلمنا روحية وبعدين ندور علي السياسة
محدش يقدر يعترض علي كلامك ده
لكن هما دلوقتي دخلوا السياسة خلاص يبقي يدخلوها صح
واالي هنضيع كمان سياسيا مع روحيا

[aymonded]

عندك خدام واباء كافيين بقوموا بالمهمة دى يا استاذ ايمن
( التعليم )
تعتقد عندنا كام فى المية من نوعية استاذ ايمن وماريو ورويس ؟؟؟
طيب مش لما نلاقى خدام واباء يعلموا الشعب التعاليم الروحية الاول طيب
نبقى نشوف موضوع السياسة دة وتوعية الشعب ومحاولة فهمهم الامور والاختبار

ولو اني مش قلت حاجة على موضوع أن حد يعلمنا السياسة خالص، انا كنت باتكلم أن كل من له رتبه في الكنيسة يبتعد عن السياسة ويركز في التعاليم المسيحية الأصيلة، والأخ رويس هو اللي قال أن الكنيسة ممكن تعمل اجتماعات تخص السياسة واللي يعلم ويوعي فيها سياسيين مش الكهنة ولا الكنيسة خالص، فنحن إذن متفقين في هذا والأخ المحبوب رويس مش قصد خالص أن الكنيسة كمان تشرح سياسة وتعلم بيها ...
وأنا عن نفسي في كل كلامي منذ أول تعليق تركيزي كان على التعليم الروحي ، مع توعيه الشعب بانه يعطي ما لقيصر لقيصر وما لله لله، بدون ان تتورط الكنيسة في السياسة على الإطلاق ولا حتى بتعليمها والتوعيه بيها، بل يأتوا بمن هو متخصص يعلم عنها ده لو أحبوا هذا ، ولكني أفضل أن يكون هذا الموضوع في قاعة بعيد عن الكنيسة خالص ، ولكنها تترك لكل واحد الحرية بالنسبة لاختياره للأحزاب أو لأي شيء آخر يخص السياسة والدولة المدنية .... ومش قصدي أن الكنيسة تعلم الناس بل توعيهم بأن ليها دور مهم وهو التعليم الروحي وحسب أمر مخلصنا الصالح ووظيفة كل من فيها، وتبدأ في التعليم وتفهم الناس علشان تستقيم حياتهم .... النعمة معك آمين

[aymonded]

أحب اقول حاجة خارج الموضوع
صعبان عليا قوي بهدلة المسيحيين اللي خرجوا رافعين راية الصليب وغيرهم اللي خرجوا في مظاهرة سلمية
واعتقدوا أن الأمور هاتعدي بسلام والعالم هايحميهم ، وشوفت رمي الطوب عليهم وضرب النار
ومش معقول فاكرين لما يتجمعوا مش هاتبقى فرصة يدوروا فيهم الضرب وتروح منهم أعداد غفيرة
وفي الآخر يقول البعض اننا بنستشهد مش بندي فرصة للآخر ان يصطادنا
ونفسي أسال مصر هويتها إيه
إسلامية والا قبطية والا وثنية والا فرعونية والا كفرة
كل يوم يطلع علينا واحد يقول مصر إسلامية
وآخر يقول لأ قبطية
وآخر يقول لأ فرعونية
ويا ترى مصر مين وبقت فين ورايحة فين
ولمتى سنقول بالروح والدم تفديك يا صليب والا أي شعار تاني
ربنا يرحمنا ويهدي الكل يا رب وينقذ هذه البلد لأنها اتقلبت وبقت على كف شيطان

[رويس]

انا فاكرة بعد احداث نجع حمادى او الاسنكدرية مش فاكرة تحديدا الشعب راح الكاتدائية وهو فى عز غضبة والمة ورفض حتى يسمع الوعظة من سيدنا وقالوا عاوزين حقنا عاوزين سيدنا يتصرف ويتصل بالدول الخارجية
هو كل دة مش اجبار يا ماريو كل دة مش ضغط على الكنيسة
ده اضطهاد ديني وليس سياسة، دي حاجة ودي حاجة


سيدنا لما قال لحسنى مبارك كلنا بنؤيدك يارويس الشعب وقتها كان فعلا بيحب مبارك وسيدنا كان بيتكلم وهو عارف وحاسس بدة وشايف معظم الاراء الرسالة اللى انت جايبها من 6 سنين واكثر يا اخى حراام عليك
ايوة يافندم مهو ده لان النظام الانتخابي طول السنين اللي فاتت بيحصل انه انتخابات الرئاسة كل 5 خمس سنين، يعني الجواب اللي البابا باعته ده موافقة علي انتخاب الرئيس حسني مبارك من سنة 2005 حتي 2010، وجه حسني مبارك في 2010 لما حس ان الدنيا قلقة راح اجتمع مع البابا لاول مرة منذ 30 سنة لمدة 30 دقيقة، ولذلك راحت الكنيسة حذرت من المظاهرة بتاعة 25 يناير بحجة انها مظاهرة اخوان، وبعد كده بقيت تحشدهم انهم يروحوا مصطفي محمود

تم حذف جزء من المشاركة لئلا يُعثر البسطاء منا

وحرصاً علي الناس اللي مش بتفهم اننا مش بنتكلم علي الدين المسيحي او شرعية الكهنوت، فانا بقول اننا بنتكلم عن دخول الكاهن في السياسة، الاقي واحد احول طلعلي ويقولي ازاي وانت مش عارف ايه وحرام والكلام الحمضان ده هيلاقي مني كلام زي الفل


وصدقنى يارويس حتى لو الكنيسة عملت دة وتجنبت السياسة نهائى بردوا دة مش هيريح الشعب عارف هيقولوا اية ؟
الكنيسة مش حاسة بينا ولا بمشاكلنا ولا بهومنا ولا باحتياجتنا الكنيسة فى وادى تانى وساعتها هتنكسر العلاقة بين الكنيسة والشعب
مش ذنب الكنيسة ان الشعب معظمة ناس بسطاء يارويس والاباء لما بيختاروا حزب او بيرشحوا حد معين بيكون هدفهم الصالح العام فعلا للشعب القبطى مش بيعملوا دة لمصالحهم الشخصية زبردوا مأجبروش حد
كتير من الشعب بيروحوا يسألوا الاباء نختار مين ؟
ثم فى تناقض فى كلامكم - منين عاوزين الكنيسة تبقى روحية تماما وخالية من شؤائب العالم والسياسة ومنين عاوزين الكنيسة تعلم الشعب امور السياسة وازاى يختاروا اللى هما عاوزينة وشايفينة هيفدهم بكامل ارداتهم ؟؟
انا مش بقول الكنيسة هاتعلم سياسة، خلينا دقيقين في الالفاظ علشان محدش يفهمنا غلط، وكلامك ده اكبر دليل ان الناس بتبص للكاهن علي انه هو الكنيسة، فأحنا بنتكلم في الاب الكاهن اللي بيحاول يتكلم او يعلم الناس سياسة، انا بقول ان الكاهن هو اللي ميعلمش سياسة ولكن يبقي في اجتماع يجيبوا متكلمين سياسين وحقوقين وليس الاب الكاهن



طيب بلاش كل دة هو من امتى اصلا كان فى سياسة نظيفة وحكم عادل وامور مستقرة وشعب مرتاح سواء مسحيين ولا اقباط
يا جماعة صدقونى الموضوع اكبر من كدة بكتيرر اوى وانتم عارفين دة كويس جدا - انتوا بتحلموا بمستقبل حلو واستقرا لبلدنا ودة حقكم بس الكنيسة كمان مأذنبتش فى حقكم
اهو ده عيبه بقي اننا بنيجي ونيأس ونقول احنا منقدرش واحنا كام واحد يعني واحنا بنحلم ووو
انا بقول اه من حقنا نحلم، واه اللي هايتعلم صح ويصبح مثقف صح وبتاع ربنا صح، مش بقي هاقول يمشي جنب الحيطة .. ده هو هايكسر ام الحيطة، والحكمة الشهيرة اللي بتقول "ان اردت ان تغير العالمن فأبدأ بنفسك أولاً"، كل واحد من هنا ورايح مش يدخل الانترنت ويبقي كل وقته انه قاعد بيكلم ناس في اي رغي وخلاص سواء علي الشات او الفيس او في المنتديات اللي الواحد مكسوف انه يقول ان لو قارنا بين عدد المواضيع والمشاهدات والمشاركات بين القسم الترفيهي والقسم اللاهوتي او دراسة الكتاب المقدس فالنتيجة شيء مُخجل بكل المقاييس، بل انا في فترة اقترحت علي اصدقائي انه يعمل في المنتدي بتاعة في اقسام الترفيهي تحدديد لعدد المشاركات للعضو كل يوم ويسيبها مفتوحة في الاقسام الروحية والدراسية واللاهوتية.
حاجة اخيرة، بقي احنا كنا بنحب مبارك؟ ده بأمارة خطف البنات المسيحين واغتصابهم وضرب ورق اسلمه ليهم ؟
ده بأمارة امن الدولة اللي كان بياخد شبابنا وبيمشوه علي الازاز المكسر ويكهربه ؟
ده بامارة انك اول ما تدخل القسم او اي مصلحة حكومة واول ما يشوفوا الصليب ولا يشوفوكي بشعرك تلاقي غضب ربنا ظهر عليهم ويفضل لاطعك بالساعات ؟
دا بأمارة السويس والكشح والزاوية الحمرا والعديسات وابو فانا وكنيسة القديسين ووفاء وكامليا وصول وامبابة وادفو .. وغيرهم بالالاف اللي ولا مرة واحد مسلم اتسجن بخلاف حادثة نجع حمادي وده لان كان من ضمن القتلي العسكري المسلم
بأمارة ان لما يموت المسيحين في عمل ارهابي يتكتب في الجرايد القتلى المسيحين ويتكتب علي المسلمين الشهداء ؟
دا بامارة ان الحاجة الوحيدة اللي كانت بترخص في مصر واصبح ليس له قيمة هو المواطن المسيحي ؟ .. ماله حلال ونساءة حلال ؟ وقتله ايضاً ليس فقط حلال ولكنه عمل لوجه الله ؟
بامارة ايه ولا ايه ؟
اللي يجي بعد كل ده ويقولك مبارك حبيبنا وكنا بنموت فيه المفروض ده يعملوا ليه عمليه استئصال للجزء الفاسد اللي في راسه اللي هو فاكر انه مخ ويحطوله بدالها جزمة باتا او adidas هايبقي ليها فايدة اكبر من مخه.
في النهاية يا ايمي لازم وحتما ولابد وبالتأكيد اننا لا نعمم او اننا نقصد الدين المسيحي او سطان الكهنوت وما الي ذلك، احنا بنقول بلاش الكاهن يدخل في السياسة وخلي الدين للكاهن ويسيبولنا احنا السياسة دي

[رويس]

طيب مش لما نلاقى خدام واباء يعلموا الشعب التعاليم الروحية الاول طيب
نبقى نشوف موضوع السياسة دة وتوعية الشعب ومحاولة فهمهم الامور والاختبار
اهو ده الكلام، نروح ندور على الخدام والاباء اللي يعلموا الشعب التعاليم الروحية ونسيب السياسة للناس بتاعتها .. مش كده ولا ايه ؟

[aymonded]

+++ أحب ابروز كلام الأخ الحلو رويس باللون الأحمر علشان مش حد يرجع ويقول اننا بنتكلم عن الكهنوت وكرامته أو عن الكنيسة جسد المسيح +++

لازم وحتما ولابد وبالتأكيد اننا لا نعمم او اننا نقصد الدين المسيحي او سطان الكهنوت وما الي ذلك، احنا بنقول بلاش الكاهن يدخل في السياسة وخلي الدين للكاهن ويسيبولنا احنا السياسة دي




انا مش بقول الكنيسة هاتعلم سياسة، خلينا دقيقين في الألفاظ علشان محدش يفهمنا غلط، وكلامك ده اكبر دليل ان الناس بتبص للكاهن علي انه هو الكنيسة، فأحنا بنتكلم في الاب الكاهن اللي بيحاول يتكلم او يعلم الناس سياسة، انا بقول ان الكاهن هو اللي ميعلمش سياسة ولكن يبقي في اجتماع يجيبوا متكلمين سياسين وحقوقين وليس الاب الكاهن

[رويس]

ياريت يا اخي الغالي تيجي علي الجواب ده كانت في كوارث بتحصل في الانتخابات والمرشحين االي منهم يسيب مبلغ في درج الكنيسة تحت شعار الخدمة والوحدة الوطنية واالي كان بيبعت مراته تحضر اجتماع السيدات في الكنيسة وتاني اسبوع يلمه بطايق الانتخابات وانتخبوا فلان جوز فلانه

وحتي بعد انهيار حسني الكنيسة بعتت الاباء الكهنة لميدان مصطفي محمود عشان تقيد النظام االي زلنا كلنا

الاخ نجيب اللي الناس فرحانة بيه كان طالع في الثورة في مداخلة تيليفزيونة وعيط في التيليفون وقال ايه ان مبارك ميستاهلش كده، البيه بيعيط علي الطاغي اللي ساب التاير الوهابي الارهابي يدخل ويتوغل في مصر، والبيه اللي علي مدار 30 سنة طلعش مرة واحده بعد ي مجزرة كانت بتحصل للاقباط علشان كده يقول كلمتين وخلاص من باب المواساة.
وكان البيه نجيب بيحضر الاتوبيسات بتيخي تاخد الناس من مكان التجمع يروحوا يحطوا صوتهم ويرجعوا تاني بنفس الاتوبيس

[aymonded]

معلشي أقول كلمة أخيرة
الكنيسة والكهنوت له هيبته التي تخص عمل الروح القدس في الكنيسة
والأساقفه والبابا المحبوب لهم منا كل التكريم والتقدير لأجل تعبهم وعمل الله في داخلهم
ولنا أن نطيع الكنيسة وسلطانها بكل الاحترام والتقدير لأن سعيها هو ان نصل لكرسي المسيح الرب بلا لوم
لذلك نحن نوقر كل من يخدم في الكنيسة من أول اصغر خادم وشماس إلى البابا نفسه
لأننا نحترم الكل ونكرم الجميع، وهنا فقط نتحدث عن السياسة فقط لا غير
ولا مساس لكرامة أحد وتقديره إطلاقاً
ورجاء مراجعة تعليقي واقتباسي من الأخ المحبوب رويس في تعليقي السابق
النعمة مع الجميع آمين

[رويس]

أحب اقول حاجة خارج الموضوع
صعبان عليا قوي بهدلة المسيحيين اللي خرجوا رافعين راية الصليب وغيرهم اللي خرجوا في مظاهرة سلمية
واعتقدوا أن الأمور هاتعدي بسلام والعالم هايحميهم ، وشوفت رمي الطوب عليهم وضرب النار
ومش معقول فاكرين لما يتجمعوا مش هاتبقى فرصة يدوروا فيهم الضرب وتروح منهم أعداد غفيرة
وفي الآخر يقول البعض اننا بنستشهد مش بندي فرصة للآخر ان يصطادنا
ونفسي أسال مصر هويتها إيه
إسلامية والا قبطية والا وثنية والا فرعونية والا كفرة
كل يوم يطلع علينا واحد يقول مصر إسلامية
وآخر يقول لأ قبطية
وآخر يقول لأ فرعونية
ويا ترى مصر مين وبقت فين ورايحة فين
ولمتى سنقول بالروح والدم تفديك يا صليب والا أي شعار تاني
ربنا يرحمنا ويهدي الكل يا رب وينقذ هذه البلد لأنها اتقلبت وبقت على كف شيطان


شوف يا استاذ ايمن الواحد صدقني من خلال المتابعة في للاحداث الارهابية اللي كانت بتحصلنا، لقينا انه مينفعش انا ابقي قاعد في بيتي وواحد ارهابي مسلم يدخل ويعتدي علي بيتي وبنتي وزوجتي وفي الاخر تيجي الكنيسة او الحكومة وتعلمنا جلسة عرفية وقال ايه نراضي بعض ونبوس بعض ؟
انا اللي يقرب من بيتي انا هادخل في كرشه بدون تردد، وعلي رأي مارتن لوثر كنيج قال "لا يستطيع أحدٌ ركوب ظهرك إلا إذا انحنيت"، احنا حررنا بلدنا من الاستبداديين الكبار بالدم، ولازم ناخد حقنا بالدم . احنا في القرن الـ 21 ولسه في مدارس بتمنع البنات المسيحية انها تدخ المدرسة الا اذا لبست حجاب (ده تخلف واستعباط) وبسبب أستنفاض المسيحيين بقينا بنعشق العبودية والقُبح.
الناس دي لازم تصحي وتفوق وتعرف انه لو مشاركش دلوقتي في انه يطالب بحقة،ويبقي علي اتم استعداد انه يدفع ثمن حقوقة بالدم ميجيش بعد كده ويقول انا عاوز حقي او يصرخ ويقول خطفوا بنتي ولا كسروا كنيستي .. طالما هو قاعد في بيتهم وبيبص للناس اللي بيعملوا تظاهر وبيطالبوا بحقهم ان دول عالم فاهمة الدين غلط وان دي شباب عندها وقت فراغ فبتقضية في المضاهرات وان هو اللي فاهم الدين صح (قال مال الله لله ومال قيصر لقيصر ده سياسه - هو مش الرومان كانوا محتلين فلسطين وكان الفلسطينيين هايدفعهوا يعني هايدفعهوا؟ ولا كانوا بيبقششوا على قيصر بالفلوس؟ مش فاهم انا، اهو ده اللي بتكلم عليه من الاول، مش لما يفهم دينيه الاول يروح يتكلم في السياسة).

[emmmy]

تعرف يا رويس انا نفسى تحققوا هدفكم لسبب واحد
عارف اية هو ؟
علشان نتحمل نتيجة اختيارنا ومسؤلية عملنا ونرتاح
واى مشكلة تحصل تبقى بعيييد عن الكنيسة والاباء خااالص
وبالمرة الاباء يرتاحوا من كل دة ويتفرغوا للعبادة والصلاة وخلاص النفوس
لكن التدخل بشكل معين زى ما ماريو بيقول ويتدخلوا صححح لأ مينفعش صعب جدا جدا - يا يبعدوا نهائى خالص تماما يا يشتركوا فى كل حاجة وتفضل المشكلة مستمرة حتى لو اتصرفوا صحح زى ما قال ماريو برضوا مش هينفع ومش هيريح ناس كتير
الافضل ابتعادهم نهائى
بس يفضل السؤال يا ترى هينفع دة فى امل كام فى المية ان دة يتحقق ؟؟؟

[ماروجيرافك]

حقيقي انا حزين علي ااالي بيحصل منا وعلينا
مش هي طرقتنا ولا هو ده دستورنا وانجلنا
بس صدقوني والكثير سيقول لي انك بتحمل الكنيسة فوق طاقتها
هقول كلمة واحدة لو كان من اول حدث حصل في اطفيح وكانت الكنيسة اخدت موقف حازم واتجهت بنفسها االي المجلس العسكري وانفصل في القضية الاولي مكناش وصلنا للي احنا في ده
طبعا انا بلوم كل اخواتي ااالي بيصرفوا تصرفات تسئ االي مسيحنا
ومش قادر اديهم العزر انهم ملقوش ااالي يقف جانبهم من الاول
الرب قادر ان يمد ايده القوية

[new.marina]

بصوا بقى انتوا كلمكم كتير اوووى
انا قريت شويه والباقى لسه
بس انا هرد من وجهه نظرى على الموضوع وعلى اللى حصل معايا
اول حاجه الكنيسه بتتكلم روحوا هنا وروحوا هناك
ماشى تمام دى حاجه حلوه مش وحشه
بس ربنا خلقنا بعقل علشان نميز بين الصح والغلط
يعنى ابونا ولا الخادم مش ملايكه دول بشر ممكن يغلطوا يقولوا حاجه تطلع غلط مش صح او شايفين حاجه تانيه
او هما صح شايفين حاجه احنا مش شايفنها
يعنى اللى اقصدو كل واحد يقول اللى هو عاوزه وانا هعمل اللى انا عاوزاه

++++++++++

كمان على حزب المصريين الاحرار
انا عندى 16 سنه ونص ماشيه وفى الشنطه بتاعتى ورق الحزب ده مش علشان حاجه
بس علشان سمعت واتعلمت وعرفت
لاقيت حد يقولى ده ايه وده ايه وده مين وده ليه
بمعنى صح فهمونى معنى الاحزاب والكلام اللى فيها
ومن اللى اتعلمته احب اقول ان ده مش حزب نجيب ساويرس ولا حاجه اصحاب الحزب هما
1- راجى جمال الدين محمود سليمان (مش فاكره هو مين)
2- د/ هانى صلاح سرى الدين (دا اللى كان ماسك البورصه اعتقد)
3- احمد عبداللـه محمد على (محامى )
4- ابراهيم على ابراهيم احمد (محامى)

وكل علاقه نجيب انه صاحب الفكره مش اكتر
ومش غلطت انى اعرف كل حزب فكرته ايه مش علشان صاحبه معرفش مين ولا دينه ايه خلاص يبقى هو ده
++++++++++
اه فى حاجه نسيتها
بتقولوا الكنيسه قالت الرقم القومى وكده
عارفين ليه ؟؟؟؟؟
بصراحه انا مش عارفه السبب الحقيقى بس اعتقد يعنى
انه علشان تجيب الاستماره اول حاجه بتجيبها من على النت
ومش كل الناس عندها نت و كمبيوتر و برينتر
وغير كده علشان تملى الاستماره بعدها بتسجلها فى الشهر العقارى فى ناس مش بتعرف تقرا ولا تكتب ليه مش نحاول نعمل كده ونساعدهم يعنى نفهمهم وهما يختارو بدل ما صوتهم يضيع وكمان عليها 10 جنيه كام واحد مش لاقى ال 10 جنيه دى
طيب ما ممكن الكنيسه مش عاوزه تخلى الشعب يدفع حاجه
وكمان انتوا ليه زعلانين فى حاجه بتقول
لو جم وزعوا العقول كل واحد مش هيعجبه غير عقله
يعنى الشعب اللى عمل الثوره وحرر مصر
هو برضو اللى هيرفعها لفوق او ينزلها الارض
واسفه لو كنت دخلت فى موضوع تانى بس ما صدقت ارغى شويه

[رويس]

يعني الحزب فكرة نجيب ورؤسائة مسلمين ؟ طب يعني احنا محتاجين ايه تاني ؟ ... خلاص مبقاش في مسيحين مثقفين يقدروا يبقوا هما الرؤساء ؟
تم حذف جزء من المشاركة السابقة بالصور لئلا يُعثر البسطاء منا

[aymonded]

سلام في الرب
أخي المحبوب رويس ...
أولاً أتفق معك تمام الاتفاق لما قلنا نفصل بين الدين والدولة ده كلام صح 100%، ولكن بكوننا مسيحيين نطالب الدم بالدم ده مش صح خالص (مع العلم أني مش فاهعم القصد من كلمة [ ولازم ناخد حقنا بالدم ] ولكن كمدنيين بنطالب بحقنا كمواطنين وأنه لا فرق بين مواطن وآخر ده صحيح 100%، وايضاً منذ متى وما هو موضوع في الشرير ينقذ من هم في الله وأولاده !!!

طبعاً انا مع كل مدني يخرج في مظاهرتة بالمطالبة بحقوقه، طالما هو مدني بيطالب بحريته في وطنه، وليس إنسان خارج يحمل شعار ديني يطلب فيه ما هو ديني ، لأني مش مع مظاهرة تخرج تدافع عن الكنيسة لأن للكنيسة رأس وهو الرب في السماء الذي يدافع عنها ، ولكني كمواطن مصري أطالب بحقي بكل الطرق المشروعة ، والمظاهرات نفسها مشروعة وحق لكل مواطن في كل مكان في العالم كله ولا فرق ....

[ وأعطِ ما لقيصر لقيصر وما لله لله ] هذا يخص التمييز والتفريق ما بين ما هو إلهي وما هو مدني يخص قيصر والعالم ، فانا مواطن مصري ، ولكن في قلبي انا مواطن سكواي بالدرجة الأولى، لي كل الحق أن أدجافع عن اسرتي وأخوتي، ولكني بالحق أُدافع عن نفسي بدون غيظ من أحد أو حقد بل بصبر وعن قوة شخصية وليس ضعف بدافع عن أسرتي كما أعطاني القانون هذا الحق، لأن هذا قانوني ولا يتعارض مع الكتاب المقدس في شيءن لأن حينما لا اريد ان أُدافع عن نفسي أنا لأني سلمت امري لله لا عن ضعف بل عن قوة ورؤية حقيقية فهذه حريتي واختياري الحر ، ولكن ليس من حقي أن أتنازل عن الدفاع عن أخي وابي وامي وأبني وابنتي، لأن هذا حقهم علي والله أأتمني عليهم ، كما أنتي أدافع بالحق بدون التعدي على آخر أو باني أنتقم من أحد، لأن غضب الإنسان لا يصنع بر الله ، بل كمسيحي اشهد بالمحبة للآخر حتى بذل ذاتي وهي اقوى من قوة الإنسان ، والذي يأخذ بالسيف بالسيف يُأخذ ، ولكن ما يُأخذ بسيف الحق القانوني فهذا عدل وحق لا نستطيع ان ننقضه ... النعمة معكم جميعاً آمين

[aymonded]

أحب أنوه ان الشعب غلبان ومضغوط
ومن كثرة الضغط خرج عن شعوره فله كل العذر
وقادر إلهنا الحي أن يرحم شعباً تعب من الضغط والوعود الكاذبة
حتى تم توريطه في ثورة حتى يلقى وبالاً من الاتهامات الصارخة والوقيعة التي لن يصدقها أحد
فيا رب ارحم آمين

[رويس]

احنا حررنا بلدنا من الاستبداديين الكبار بالدم، ولازم ناخد حقنا بالدم.


الجملة اقصد بيها اننا دفعنا التمن بتاع تحرير ارضنا دم " شهداء الثورة"، وهناخد حقنا بالدم يعني هاندفع الثمن دم برضوا .. ثمن الحرية هو الدم علي مر العصور، ولا اقصد اننا نمسك اسلحة ونحارب ونقتل الناس.

[aymonded]

بالطبع يا جميل مش جه في ذهني المعنى ده خالص
بس مش كنت فاهم تقصد ايه خالص لأني مش فهمت الجملة كلها على بعض
وكلامك صح 100% بالطبع وعندك حق فيه
والناس بقت في حالة من الوجع الدائم
وصعبان على كثيرين أن يكون هذا هو الحال بعد ثورة قام بها الشباب بكل قوتهم
ولكن للأسف لازال الكثيرين يستهترون بها من المسئولين ولكن لكل شيء
تحت السماء وقت ولكل تجبر نهاية مهما طال تجبره
وربنا قادر ان يحفظ مصر كلها من كل ظلم وضيق
ويحفظها في ملء السلام لتمجد اسمه آمين

[aymonded]

اتمنى من قلبي فعلاً أن الكهنة (الثورجية) يبطلوا يبقوا زعماء معارضة وقائدي مزاهرات، كفاية تشويه لصورة الكنيسة والعمل في السياسة ونسيان الصلاة واجبهم الحقيقي المنوط بهم، لأن الشعب نسي المسيح تماماً وابتدا يتكل على ذراعة وطلب حماية وغيرها من المشاكل التي ستعصف بنا كلنا معاً، واصبح الكتاب المقدس والمسيحية مجرد أفكار وعظات ليس لها واقع في حياتنا اليومية وتخلينا عن مبدأ وصية المسيح الرب الذي قال أحبوا أعدائكم، وابتدأ الكل يقول هذه الأرض أرضنا ولا مكان لآخر فيها، فسمعنا نفس نبرة التعصب الأعمى ورفض الآخر عند معظم مسيحي هذا الزمان المقلوب، والحق اصبح باطل والباطل بقى هو الحق وابتدأنا نبشر بإنجيل آخر غير إنجيل المسيح وقلبنا الحق لمجرد حقائق فكرية فلسفية بلا روح ولا حياة !!!
ولتصغوا لما سمعت من إحدى المعلقين عليا ، والكلام كله مش من واحد فقط ولكن مجمل كلام الكثيرين وقد جمعت الكلام كله باختصار من ردرود كثيرة وزلت منها كل ما هو مخالف مع الاتهام بالجهل واني إنسان خايبان ... غير كلام آخر لا يصح كتابته هنا، وهو كالآتي :
[ سيبك بقى من كلام الإنجيل والروحيات دية لأننا في زمن لازم كل واحد ياخد فيه حقه بايده، إنجيل ايه اللي بتتكلم عنه ده دلوقتي ، ده مش وقته خالص، واحب اقول لك أنا خادم وشماس كمان وحافظ كلام أكتر منك ، ولكن لازم تعرف أن الأرض ارضنا ومن حقنا، ولازم ناخد حقنا بنفسنا بلاش كلام إنشا وتقول الرب يدافع عنكم وأنتم صامتون ده كلام بقى مش له معنى، لأن معنى كده أننا نسكت ، بلاش شغل مدارس الأحد ده اللي كلنا حفظناه وخبنا بسببه ، واحنا لازم نوري العالم كله أننا اقباط وصوتنا عالي ولازم نصرخ ونتكلم والناس كلها تسمع وبلاش تقولي إنجيل وصلاة وكلام من ده، كفاية بقى ضلال للشعب ووعظ مش منه فايده، وخليلك انت الصوم والصلاه خليها تنفعك، وخلي لنا أحنا الثورة لأننا رجاله مش شوية عيال ]
!!! ولا تعليــــــــــق !!!
أحكموا انتم وشوفوا وصلنا لفين

وأحب أقول لكل كاهن (عامل زعيم وقائد ثورة) أنظر ماذا فعلت وماذا ستفعل وبمن تكرز وتبشر ، وطول ما أنت بتتخلى عن عملك الحقيقي وأصبحت قائد سياسي ورئيس حزب وقائد ثورة، أنسى الإنجيل واطرح عنك كهنوتك لأنك لا تصلح لقيادة شعب المسيح، فاقرأ التعليق السابق بعناية واعرف ما الذي وصل إليه حال الشعب الذي يجهل الإنجيل الذي تخليت عن تعليمه وابتدأت تعلم تعليم آخر سياسي لست حكيم فيه لأنه ليس دورك يا من تعمل زعيم، وانتبه لخطواتك لأن الرب سيدين المسكونة بالعدل ويعطي كل واحد حسب أعماله، ولن يترك من تسبب في عثرة اولادة وتعطيل الحياة معه بسبب زرع خصومة ونزاع لن ينتهي قط، فانت لن تُضرمن جهة شخصك ولكن كل من يسمعك ويسير ورائك سيُضر ويسقط من وصية الله ...
وماذا يا ترى عن الأرامل الذي مات عائلهم بسبب هذه المهاترات !!!
هل ستعولهم وتصرف عليهم حسب الوصية، أم تقول لهم اذهبوا كلوا واشربوا ربنا معاكم، أولادكم شهداء قضية وطن، وبلاش توهمهم وتقول ليهم أنهم شهداء المسيح فتداري عملك الفاضح بعذر أقبح من ذنب لتخدع البسطاء ليندفعوا للانتحار ظانين أنهم يشهدون للمسيح الرب، لأنه لم يأمر بمظاهرات ولا بانتحار أحد قط !!!

ربنا يرحمنا كلنا معاً ويجعلنا نستيقظ وننتبه، الوقت قريب
آمين فآمين

[رويس]

وايه المشكلة يا استاذ ايمن، اذا كان اللي فاكر نفسه خادم وشماس بيقولك خليك انت في الصلاة والصوم وبلاش وعظات ملهاش فايدة وان الكلام بتاع الرد يدافع عنكم وانت تصمتون ده كلام مادرس أحد (يعني كلام يتقال للاطفال فقط) متوقع ايه من بعض الكهنة اللي علي نفس شاكلته ! هَزُلَت

[emmmy]

للأسف ده حقيقي بكل أسف وحزن ده حقيقي
بس ده مش معناه إننا نتوه ونضل
يعني بردوا ملناش عزر
نور المسيح أوضح وأعظم من نور الشمس في عز إشراقها
محدش يحمل حد مسئوليه ضياعه ربنا بيوصل صوته لكل طالبيه وبألف طريقه
إستاذ أيمن بحييك ع التعليقين الأخيرين
‏‎ ‎

[aymonded]

بالطبع مكتوب: [ أنت بلا عذر ايها الإنسان ] وايضاً [ لا بد من أن تأتي العثرات ولكن ويلٌ لمن تأتي منه العثرات ] فكل الويل لمن يعثر أولاد الله الأصاغر، وويل لكل من أهمل دوره وساهم في مهزلة التخلي عن وصية الله والتعليم عن مسيح آخر بروح إنجيل آخر غير إنجيل المسيح الرب القدوس...
أشكركم يا إخوتي لحزنكم معي على هذه الخسارة الفادحة وهي ضلال شعب على يد من ليس لهم روح المسيح ولا يحملون روح الإنجيل...

آمين يا إلهنا الحي أنظر من علو مجدك واهدي شعبك واجعلنا كلنا نعود إليك فتُحيينا لأن زماننا زمان توبة فاعلن شخصك وعزينا بروح قدسك واظهر ذاتك للجميع آمين فآمين

[folla]

الكنيسة لم تنخرط في العمل السياسي فحسب بل فتحت أبوابها للجناة الذين أراقوا دماء شهداء كنيسة القديسين بعد سبعة أيام من تاريخ حدوث المذبحة وتقبلت منهم أيضا التهنئة بالعيد . عيد إيه وقتها ده قلب المسيح كان مجروح جرح مالوش شفاء والكنيسة كانت بتعيد وفرحانه والعجيب كمان إنه يوم الجنازة(شهداء القديسين) أول كلمة قالها الأسقف وهو واقف قدام صناديق الشهداء قال كلمة شكر للرئيس مبارك

[elphilasouf]

أنا رأيي إن لو الكنيسه عاوزه تشارك
يكون ليها دور توعيه للمصريين عموما من خلال ندوات عامه فقط وليس أكثر
لكي لا نخلط السياسه بالدين
والدوله القبطيه والدوله الإسلاميه و النص نص :d

[emmmy]

الكنيسة تعمل توعية للمصريين عموما ؟؟
وهما المصريين عموما هيسمعوا للكنيسة بردوا !! ؟؟؟

[aymonded]

هو موضوع يتعمل توعية للمصريين، إيه علاقة الكنيسة بتوعيتهم يا جميل !!!
المفروض هذا دور المثقفين سياسياً والكتاب الواعيين يقوموا بحملة توعية وثقافية للجميع، فهذا ليس دور الكنيسة على الإطلاق، ومين صحيح في النهاية اللي هايسمع للكنيسة غير شعبها فقط لا غير، ثم حتى لو كان الشعب سيسمع فهذا ليس دورها ولا عملها لأن كل عملها هو في حدود الإنجيل فقط، لأن كل من فيها ليس ملك نفسه بل ملك لمن دعاه لخدمته المقدسة وكما هو مكتوب: [ ليس أحد وهو يتجند يرتبك بأعمال الحياة لكي يُرضي من جنده ] (2تي2: 4)
والكنيسة وكل من فيها قد تجند لخدمة الله الحي، فلا يصح إطلاقاً أن يتجه ليخدم شيء آخر غير المسيح الرب فقط والإنجيل، أما كل ما زيد عن ذلك فليس دور رجال الكهنوت إطلاقاً، وأن كان يقول مجرد رأي فيكون في حدود ضيقة محصورة فقط في مجرد رأي أو مجرد حديث عابر
ولكنها ليست أساس ولا يُعمل لها اجتماع خاص، أو مُلزِمة لأحد على الإطلاق... النعمة معك

[elphilasouf]

يعني انا بقول إن لو الكنيسه حبه يكون ليها دور
و دورها لا يتعدي ذلك
و علي إساس إن الكنيسه ليها دور مجتمعي باردو من خلال المستشفيات القبطيه العامه مثلا

[aymonded]

لأ يا جميل دية حاجة ونقرة ودية نقرة تانية خالص
لأن موضوع المستشفى مثلاً لعلاج المحتاجين ...الخ... ولكن لا يعمل فيها كهنة حتى لو كانوا أطباء مثلاً
ولكن موضوع السياسة دية حاجة تانية خالص من الصعوبة التامة ان تتدخل فيها الكنيسة ولو حتى من بعيد
والسياسة متغيرة ومتقلبة جداً من وقت لآخر ومن زمن لزمن ومن الأمس وإلى اليوم بل وفي الغد ايضاً َ!!!

[elphilasouf]

أنا معاك
بس ليه الكنيسه دلوقتي بتدخل في السياسه ؟ علي خلاف ما قبل ؟

[aymonded]

السؤال ده بقى يتسأل للي بيحشروا نفسيهم في السياسة وهي ليست دورهم الحقيقي المنوط بهم من الرب يسوع، لأني انا عن نفسي مش لقيت جواب شافي روحي حسب الحق المُعلن في الإنجيل، غير كلام عايم مش مفهوم أصله من فصله حسب الإنجيل وما تسلمناه من إيمان حي واعي ومُدرك، حتى مرة رد عليا شخص ما ذو رتبه، أن المسيح كان له رأي سياسي لما قال: [ أعطوا ما لقيصر لقيصر وما لله لله ] ولا أعرف ما هي السياسة اللي في كلام الرب هنا، وكأن المسيح الرب بيجاري الكذب السياسي أو بيتملق الناس وهذا كان في منتهى الخطورة بأن يكون تعليم صادر عن شخص له شكل كهنوتي كنسي !!!
لأن الرب بيتكلم على عدم الخلط بين طريقين لا علاقة ببعضهما البعض، وكان بيرد على مكر اليهود اللي عايزين المسيا السياسي اللي يخلصهم من حكم الرومان الظالم، يعني لو طبقنا نفس ذات الصورة اليوم، فالمسيح الرب رأس الكنيسة ليس مسيح سياسي، ولا الأقباط المسيحيين يسعون للاتجاه السياسي العرقي والديني، كالقول الشهير يا مصر للمسيح ومش حد فاهم معنى الكلمة الروحي وليس السياسي الذي حتى فيها خلطوا ما بين العهد القديم وسفر إشعياء بما يحدث اليوم، وخرجوا في الشوارع يرفعون الصلبان ولم يفرقوا كثيراً عن القائلين إسلامية إسلامية، وبقت مسيحية مسيحية، والكل طرح صليبه وخرج يدافع عن الكنيسة يعلنوا أن ليس لهم إيمان بأن الرب يدافع عنهم، مع الخلط ما بين كلام الإنجيل والسياسة وخلطوا ما هو من الله بما هو من العالم ورئيسه، وظهر المفهوم المشوه للإنجيل عند الناس وعلى الفضائيات التي مزقت إنجيل المسيح بالسياسة معلنة العين بالعين والسن بالسن والبادي أظلم !!! وعجبي على شعب جهل كلمة الله وطرح عنه صليبه ليصبح شعار سياسي تحزبي، ويرفض التعليم الصحيح حسب الإنجيل وآباء الكنيسة، فتركهم الله لذهنهم المرفوض إلى أن يتوبوا ويرجعوا بعد لما طرحوا أنفسهم للهلاك والموت بلا سبب وسموه استشهاد وهم واقعين تحت غفلة عدو كل خير الذي ضحك عليهم وقلب فكرهم المستقيم لاتجاه آخر غير المسيح الرب، وحقاً ابن الإنسان سيأتي في مجده على سحب المجد لعله يجد الإيمان على الأرض ....

والمفروض أن لو حد مصري خرج لمظاهرة أو مطالبة بحقه، فيطلبها كمواطن وممكن يرفع علم مصر مش الصليب، لأن بالصليب الخلاص الأبدي، وليس السياسي الزمني، فيا ليت شعب المسيح لا يرخص الصليب وينزل به لمستوى التراب... النعمة معك

[aymonded]

ملحوظة هامة للغاية لكي لا يُفهم كلامنا كلنا خطأ

هناك بعض الكهنة والأساقفة بيفصلوا بدقة ما بين وظيفتهم ومجرد كلامهم عن رأي شخصي وبيأكدوا عليه أنه غير ملزم لأحد بل مجرد رأي يقولونه بسبب السؤال المطروح عليهم، مع التزامهم بالصلاة وقيادة شعب المسيح للمسيح، فأرجو عدم الخلط في الكلام ما بين من يسيء للكنيسة والإنجيل بدون وعي وما بين أحد قال رأي شخصي في مناسبة معينه وهو واعي ومدقق في كلامه بدون ان ينزلق في خطأ خلط السياسة بالدين، وهذا يختلف عن ذاك تمام الاختلاف

[YoUsSeF_JeSuS]

ماروجرافيك ، سلام المسيح معاك
انا ملقتش وقت اقرا الردود لكن عارف انهم افادوك
اولا ده تصرف خادم واحد بس ولو الاب الكاهن اللى عمل القداس كان موجود فى الكنيسة وسمع كلام الخادم يبقى خادم وكاهن بس هما اللى مسئولين عن كده مش الكنيسة كلها
ثانيا هو ممكن يكون قصده انه يرشد من لا يعرف
وعلى فكرة رايى الشخصى ان حزب المصريين هو احسن حزب مش لان مؤسسه شخص مسيحى لكن فعلا الاعضاء اللى موجودة فيه ناس بتحب البلد بجد بخلاف باقى الاحزاب وطبعا انت ليك الحق تختار الحزب اللى تشاءه ويمكن يكون الخادم مكنش قصده انكم تنتخبوا الحزب الذى مؤسسه الشخص المسيحى يمكن هو كمان شايف ان ده هو الحزب الافضل
ثالثا وده الاهم هو هياخد البطاقات يعمل بيها ايه ؟!!!!
اولا مفيش انتخابات الايام دى - ثانيا لازم الشخص صاحب البطاقة يروح بنفسه ينتخب

فالبابا شنودة بيقول " يا تعاتب وتصفى - يا تسامح وتنسى "
يعنى يا تروح للخادم ده وتعاتبه وتفهم وجهة نظره وتفهمه وجهة نظرك يا اما تسامحه وتنسى والسيد المسيح بيقول " لا تدينوا لكى لا تدانوا "

سلام المسيح معاك ويرشدك

[ماروجيرافك]

ماروجرافيك ، سلام المسيح معاك
انا ملقتش وقت اقرا الردود لكن عارف انهم افادوك

هو يمكن يكون طرحي للموضوع لافادة الجميع وللنقاش

اولا ده تصرف خادم واحد بس ولو الاب الكاهن اللى عمل القداس كان موجود فى الكنيسة وسمع كلام الخادم يبقى خادم وكاهن بس هما اللى مسئولين عن كده مش الكنيسة كلها

هنا عندي ملحوظة وهي اني اكتشفت بعد ذالك ان هذا الامر يحدث في نفس المحافظة في كنيسة اخري واعتقد ان دي تعليمات من المطرانية لا اجزم بهذا بس مع تعدد المواقف المشابهه لكده يكون اعتقادي شبه مؤكد

ثانيا هو ممكن يكون قصده انه يرشد من لا يعرف

لو كان عاوز يرشد يبقي يعمل موضوع توعية سياسية زي ما انا رديت في الموضوع علي بعض الاعضاء

وعلى فكرة رايى الشخصى ان حزب المصريين هو احسن حزب مش لان مؤسسه شخص مسيحى لكن فعلا الاعضاء اللى موجودة فيه ناس بتحب البلد بجد بخلاف باقى الاحزاب وطبعا انت ليك الحق تختار الحزب اللى تشاءه ويمكن يكون الخادم مكنش قصده انكم تنتخبوا الحزب الذى مؤسسه الشخص المسيحى يمكن هو كمان شايف ان ده هو الحزب الافضل

علي فكرة انا كمان هنتخب حزب المصرين الاحرار وحزب الكتلة لانهم بيعبيرو عن المصرين والفكر الحر
بس مش هي دي نقطة اعتراضي اعتراضي علي الطريقة نفسها مش من حق اي حد يفرد رايه زي ما كان بيحصل قبل كده االي المفروض يحصل انهم يعملوا اجتماعات توعيه سياسية للشباب والاكبار

ثالثا وده الاهم هو هياخد البطاقات يعمل بيها ايه ؟!!!!
اولا مفيش انتخابات الايام دى - ثانيا لازم الشخص صاحب البطاقة يروح بنفسه ينتخب

يا غالي الموضوع ده معمول من فترة
واكد لك ان الخادم كان بيلم صور البطايق لكي يضم الناس االي حزب بعينة بدون ان يعرفهم وانا ذكرت في موضوع اني توجهت لاحد الاشخاص لكي اساله لي هذا الخام يقوم بهذا العمل قالي معرفش بس هومش هيضرنا وده اعتراضي
وياريت تراجع الموضوع والردود ودي الاهم

فالبابا شنودة بيقول " يا تعاتب وتصفى - يا تسامح وتنسى "
يعنى يا تروح للخادم ده وتعاتبه وتفهم وجهة نظره وتفهمه وجهة نظرك يا اما تسامحه وتنسى

حبيبي انا مش زعلان من هذا الخادم وليس لي اي عتاب علي ورفم هذا عاتبته فقل لي هما االي قالولي كده


والسيد المسيح بيقول " لا تدينوا لكى لا تدانوا "

يا غالي انا ادين احد بشخصه بل ادين افعال وتصرفات الادانه هي ان تدين شخص بعينة وبصفتة الشخصيه




سلام المسيح معاك ويرشدك



الرب يبارك يا غالي ويعطينا روح الفهم والحكمة لنعرف مقصد الرب في حياتنا

[aymonded]

ماروجرافيك ، سلام المسيح معاك
انا ملقتش وقت اقرا الردود لكن عارف انهم افادوك
اولا ده تصرف خادم واحد بس ولو الاب الكاهن اللى عمل القداس كان موجود فى الكنيسة وسمع كلام الخادم يبقى خادم وكاهن بس هما اللى مسئولين عن كده مش الكنيسة كلها
ثانيا هو ممكن يكون قصده انه يرشد من لا يعرف
وعلى فكرة رايى الشخصى ان حزب المصريين هو احسن حزب مش لان مؤسسه شخص مسيحى لكن فعلا الاعضاء اللى موجودة فيه ناس بتحب البلد بجد بخلاف باقى الاحزاب وطبعا انت ليك الحق تختار الحزب اللى تشاءه ويمكن يكون الخادم مكنش قصده انكم تنتخبوا الحزب الذى مؤسسه الشخص المسيحى يمكن هو كمان شايف ان ده هو الحزب الافضل
ثالثا وده الاهم هو هياخد البطاقات يعمل بيها ايه ؟!!!!
اولا مفيش انتخابات الايام دى - ثانيا لازم الشخص صاحب البطاقة يروح بنفسه ينتخب

فالبابا شنودة بيقول " يا تعاتب وتصفى - يا تسامح وتنسى "
يعنى يا تروح للخادم ده وتعاتبه وتفهم وجهة نظره وتفهمه وجهة نظرك يا اما تسامحه وتنسى والسيد المسيح بيقول " لا تدينوا لكى لا تدانوا "

سلام المسيح معاك ويرشدك



سلام لشخصك المحبوب في الرب
بالطبع الأخ المحبوب مارو رد على كلامك فقرة بفقرتها، والموضوع لا يحمل أي خصومة وليس لموضوع المصالحة أي علاقة بالموضوع كله، وكنت أتمنى حقيقي تقرأ جميع الردود والحوار المطروح بالتفصيل مع التدقيق في الكلام كله لأنه كان سيوضح لشخصك الحلو أشياء كثيرة جداً تغني عن قول آية [ لا تدينوا لكي لا تدانوا ] التي هي بعيدة كل البعد عن هذا الموضوع على الإطلاق، فليس كل موضوع يُطرح للنقاش يدخل في إطار هذه الآية لأن ليس كل انتقاد لوضع هو إدانة، لئلا كل توبيخ لأي أحد في الكتاب المقدس أصبح إدانة ولا يصح ان يقال، وكل محاسبة لكل مُخطأ هو إدانة لا يوافق عليها الكتاب المقدس، وأي خلاف في الراي سيعتبر إدانة... الخ، فيا صديقي الحلو لا تدخل هذه اللآية إطلاقاً في إطار الحديث كله لا من قريب ولا من بعيد، وأشكرك على مناقشتك وحوارك الحلو، أقبل مني كل التقدر والاحترام لشخصك المحبوب في الرب؛ النعمة معك

[ماروجيرافك]

اية يا جماعة هو الموضوع ده ملوش صاحب عاملين تكلموا ولا كاني هنا هههههههههه

بصراحة انا استمتعت بحواركم جدا
واحب ارد علي بعض النقاط


أنا رأيي إن لو الكنيسه عاوزه تشارك
يكون ليها دور توعيه للمصريين عموما من خلال ندوات عامه فقط وليس أكثر
وانا اؤيد كلامك يا جورج في موضوع التوعية ولكن في حدود بمعني انها توعي الشعب بما يجب ان يعرفوا ولا تنحاز لرأي معين لكي يتمكنوا من ان يشاركوا في هذه البلد كمواطنين مثلهم مثل أي شخص

لكي لا نخلط السياسه بالدين
والدوله القبطيه والدوله الإسلاميه و النص نص :

طبعا ده اكبر خطا ممكن نقع في وللاسف ده حصل ايام الاستفتاء وأخذ الموضوع موضوع ديني بحت والدفاع عن المسيحية بطريقة خاطئة جدا

موضوع يتعمل توعية للمصريين، إيه علاقة الكنيسة بتوعيتهم يا جميل !!!
المفروض هذا دور المثقفين سياسياً والكتاب الواعيين يقوموا بحملة توعية

اسمحلي اختلف معاك يا استاذ ايمن
الكنيسة لازم تكون ليها دور ولكن ليس سياسي بل توعيه سياسية
بمعني يا استاذ ايمن انها توعي الشعب في المرحلة الحرجة دي ولكن ليس بمفهوم الدين بل بمفهوم المواطنه
اوضح اكتر ان الكنيسة لاتتدخل في السياسة في الدولة بس تفهم الشعب اذاي مثلا ينتخب ايه هي الحقوق والواجبات االي عليهم
وده لايتعارض مع الروحانيات االي هي اساس الكنيسة
ولو قلنا لي الكنسية عليها الواجب ده وبذات في الفترة دي
لان احنا بقالنا كتير اوي لا نعلم أي شئ عن السياسة او الحقوق او الواجبات والبلد بتمر بمرحلة صعبة جدا لازم الكل يشارك فيها سواء الكنيسة او الجامع او المعبد اليهودي
ولكن كيف تقوم الكنيسة بالتوعية
عمل ندوات او اجتماعات تعرف الناس وتوعيهم من خلال المثقفين والقانونين ومش لازم يكون داخل الكنيسة لا طبعا ممكن بالتنسيق مع الجمعيات االي موجوده في الدولة

زي ما لينا حقوق لازم يكون علينا واجبات



المفروض أن لو حد مصري خرج لمظاهرة أو مطالبة بحقه، فيطلبها كمواطن وممكن يرفع علم مصر مش الصليب، لأن بالصليب الخلاص الأبدي، وليس السياسي الزمني، فيا ليت شعب المسيح لا يرخص الصليب وينزل به لمستوى التراب... النعمة معك
انا معاك في النقطة دي يا استاذ ايمن ودي اكتر حاجة استأت ليها في ماسبيروا

الرب يمد ايده ويرسل لها من يقودها في هذه المرحلة الحرجة

[aymonded]

هههههههههههههههههه، احنا قلنا نحشر نفسينا في الموضوع ومش عارفين نخرج، ابقى وسع الباب حبتين ههههههههههه...

هو طبعاً يا جميل مش قصدي أن الكنيسة مش ليها دور نهائي في التوعية، بس مش يوعي الناس الأساقفة ولا كهنة، بل أُناس متخصصه لها الوعي السياسي والقدرة على التوصيل والشرح والتبسيط لكل الناس، الكنيسة بس تساعد بالإعداد والدعوة للناس، ولا يقوم الأساقفة بمثابة أن على عاتقهم العلم السياسي لأن كثيراً عن دون قصد بيوصلوا معنى آخر يُفهم خطأ من الدور الذي اتخذوه في التوعية، وهذا خطير، بل عليهم أن يتركوا المجال للمتخصصين واعتقد أن هذا هو قصدنا كلنا....

أقبل مني كل حب وتقدير، يا اروع أخ حلو؛ النعمة معك كل حين

[ماروجيرافك]

هههههههههههههههههه، احنا قلنا نحشر نفسينا في الموضوع ومش عارفين نخرج، ابقى وسع الباب حبتين ههههههههههه...

هو طبعاً يا جميل مش قصدي أن الكنيسة مش ليها دور نهائي في التوعية، بس مش يوعي الناس الأساقفة ولا كهنة، بل أُناس متخصصه لها الوعي السياسي والقدرة على التوصيل والشرح والتبسيط لكل الناس، الكنيسة بس تساعد بالإعداد والدعوة للناس، ولا يقوم الأساقفة بمثابة أن على عاتقهم العلم السياسي لأن كثيراً عن دون قصد بيوصلوا معنى آخر يُفهم خطأ من الدور الذي اتخذوه في التوعية، وهذا خطير، بل عليهم أن يتركوا المجال للمتخصصين واعتقد أن هذا هو قصدنا كلنا....

أقبل مني كل حب وتقدير، يا اروع أخ حلو؛ النعمة معك كل حين




وهو ده بالفعل االي انا ذكرته بان يكون القائمين علي الندوات مثقفين وفاهمين

[aymonded]

صح كده يا جميل، أنا قصدي بس أوضح قصدي وانا فاهم قصدك يا أجمل أخ حلو
وبجد باشكرك على متابعتك للموضوع وحوارك الجميل والهادئ كعادتك الحلوة
لك مني تحية محبة لشخصك الجميل؛ النعمة تملأ قلبك سلام ومسرة آمين

[YoUsSeF_JeSuS]

سلام المسيح معكم جميعًا أيها الأخوة فى الرب يسوع المسيح
طبعًا كل اللى قاله مارو تعليقًا على ما قلته هو صحيح 100%
أما بالنسبة لآية " لا تدينوا لكى لا تدانوا " واللى اختلف معى فيها أخوتى الحلوين الأحباء
صدقونى هيجى وقت هتعرفوا أن الآيه دى ليها معنى وهدف كبير جدًا فى الموضوع ده
ومتنسوش أن كل كلمة وكل حرف لربنا يصلح فى كل وقت وكل مكان
وعلى فكرة ده مش دفاع عن علاقة الآيه بالموضوع بس دى أعتبروها ملاحظة
وحقيقى أنا سعدت جدًا بأهتمامكم بالرد والمناقشة التى للبنيان
سلام المسيح معكم جميعًا الرب يحفظكم إلى الأبد

[ماروجيرافك]

حقيقي انا االي اشكرك لوجودك معنا في الموضوع
ومش عاوز اعلق كتير علي الاية عشان ميكنش الامر شخصي
بس احب اوضح نقطة صغيرة
هي ان يوجد فرق بين الادانة وبين النقد
الادانة تكون لشخص بعينه وصفته اما النقد لما يكون لمنظمة او لقيادة معينة لا تدخل ضمن الادانة
وطبعا لاننسي انه يوجد نقد بناء ونقد هدام
الرب يباركم

[sarah2009]

هى الكنيسة طبعا مش من حقها تتدخل فى السياسة
بس فى الاخر الكنيسة مكونة من مصريين مسيحيين يعنى هيشاركوا فى الانتخابات
واذا جماعات او كده ضد المسيحية مسكت البلد هتضر الكنيسة والمسيحين
علشان كده الكنيسة قالت الكتلة المصرية علشان الاصوات متتفرقش ونبقى اقل من الحزب المضاد
بس فى الحالة دى طبعا مش اجبارى ان احنا نقول زى ما هما عاوزين لانها فى الاخر حرية شخصية
دى وجهة نظرى

[ماروجيرافك]

هى الكنيسة طبعا مش من حقها تتدخل فى السياسة
بس فى الاخر الكنيسة مكونة من مصريين مسيحيين يعنى هيشاركوا فى الانتخابات
واذا جماعات او كده ضد المسيحية مسكت البلد هتضر الكنيسة والمسيحين
علشان كده الكنيسة قالت الكتلة المصرية علشان الاصوات متتفرقش ونبقى اقل من الحزب المضاد
بس فى الحالة دى طبعا مش اجبارى ان احنا نقول زى ما هما عاوزين لانها فى الاخر حرية شخصية
دى وجهة نظرى

وجهه نظر ممتازة وتحترم
واوضح نقطة اني واحد من الناس لما انتخبت الكتلة لم انتخبها لانها منافسة للتيار الاسلامي لا لاني اعرف الكثير منهم انهم بالفعل ذو ثقافه ورأي واضح لهذه البلد
وانا هرد عليها مش بكلام لا هرد بصورة
اتوزعت امس في احدي الكنائس في الاحتماع العام للشعب
واتمني ان الكل يقول رأيه



https://fbcdn-sphotos-a.akamaihd.net/hphotos-ak-ash4/s720x720/426412_3243573418415_1918067829_n.jpg



وده لينك موضوع الصورة
صورة ومحتاجة تعليق مننا كلنا (http://www.orsozox.com/forums/showthread.php?t=73355)

ها لسا برده البعض متأكد ان الكنيسة لاتفرض علينا رأيها