حوار فاشل بس للاسف بيحصل ..

[مرموره]

بتحبني؟
* أوي
-انت عارف انت كل حاجة في حياتي انا فعلا مقدرش أعيش من غيرك
*و انتي فعلا أجمل حاجة حصلتلي في حياتي و الله حياتي عمرها ما حاتكون ليها معنى من غيرك
** ايه رأيكم في الحوار الرومانتيكي ده 00فظيع مش كدة ؟؟ طيب ايه الموضوع؟؟
الموضوع ان بعد يومين تلاته اسبوع كدة شهر نبص نلاقي حاجات غريبه بتحصل 00
طرف من الطرفين دول يا اما مش بيرد على التليفون أو يرد بس يتكلم معاك بطريقة تخنق جدا و تحس ان كان اكرملك ان هو ما يردش عليكى أصلا بدل ما يرد و يتكلم بالطريقة دي 00 و تسأليه يقولك عادي مفيش حاجة 00تسأليه انا عملتلك حاجة ؟؟00يقولك لأ بقولك عادي عاااادي00
و ممكن تتصل و يقولولك نايم أو هو يكون موجود و يقولولك خرج ده طبعا بعد ما يشوف نمرتك و يخلي حد تاني يردعليك و يكون هو
مفهمه حايرد عليكى يقولك ايه 00 تبعتيله messages تقوليله يتصل
بيكى لما ييجي و اللا لما يصحى و لااااا يعبرك 00 المهم انك مش فاهمة حاجة و مش عارفة ايه اللي بيحصل ده و تفضلى تعصرى
في دماغك يمكن اكون قولتله حاجة زعلته و انا مش واخده بالي 00طب يمكن عملت حاجة هو مش بيحبها و برده مش واخده بالي 00
و بعدين تكلميه و تقوليله في ايه طيب انا عملتلك حاجة طيب انا لو عملتلك حاجة ما تزعلش انا آسفه يقولك ماشي خلاص مفيش حاجة و برده مفيش حاجة تتصلح و برده يكلمك بطريقة رخمة جدا و تحسى ان هو مش عايز يرد عليك اصلا و ان هو بيكلمك وهو عاصر على نفسه 10 كيلو لمون
ايه اللي حصل ؟00 الله اعلم 000فتبدئي تفكري ان هو من كام يوم كدة كتييييييييييييييييييييييي ر قالك بحبك و تفضلى تكلمي نفسك أيوة ده قالي بحبك أيوة ده قالي انا مقدرش اعيش من غيرك 00لأ ده اكيد لسه بيحبني 00قبل ما تنام تفتح الرسايل اللي كان باعتهالك على الموبايل اللي كاتبلك فيها انت عمري و حياتي و قلبي و روحي و 00000 و كل ده علشان تقنعي في نفسك ان هو لسه بيحبك و بيفكر فيك و عايزك و تقولى لنفسك الحب اللي بجد مش بيتنسي بالسرعة دي و هو قالي ان هو بيحبني بجد و قالي اني انا لا يمكن اكون
لأي حد غيرك 0000 طيب هو ليه بيعمل معايا كدة 00ليه بيتهرب مني ؟؟00 هو ليه مش عايز يكلمني 00هو انا عملتله ايه؟؟
الغريب ان الرد الغالب في المواقف دي لما تسأليه في ايه مالك بيكون (عادي)و تسأليه ايه من اللي بيحصل ده عادي من امتى و هو ده العادي يرد عليكي و يقولك (عادي) و بعد ما انتي كنتي متعود ه ان هو بيكلمك كل يوم خمسين مرة ممكن يفضل اسبوع ما يكلمكيش وبرده لما تسأله يرد عليك يقولك (عادي)
تبدأ بقة تحس ان هو باعك خلاص00
شويه و ترجعى برده تقنعى في نفسك ان هو عمره ما هينساني لانك بتفتكرى كل كلمه قالهالك لما وعدك بان هو عمره ما حايسيبك في يوم من الأيام و مفيش حاجة ممكن تفرقنا عن بعض الا الموت و لما قالي0000000 و لما قالي000000و لما قالي0000000
و تقول هو لسه بيحبني انا متأكده من اللي انا بقوله ده
و ترجع تقول طيب هو ليه بيعمل معايا كدة انا محتاجه له أوي
و ساعتها بعد فترة كبيرة ممكن تكون اسبوعين تلاته أربعة من عذاب متواصل تحصل حاجة من التلاته ** أخيرا حايرد عليكى و يقولك ان الموضوع انتهى بالنسبالي و لما تيجي تسأليه
عن السبب يقولك كلام يدل على ان هو 00000000سوري يعني (عبيط) أصله حايقولك (أصل 00000آآآآآه 0000 كدة000تسؤ000انا مش مرتاح 000أصل انا اتغيرت0000أصل انت000 كدة بقة و خلاص !!!!!!!)
و يسكت 000(هاا عبط مش كدة)
يا اما ** حايكبر و يضربلك الطرشه و انت لو عندك مخ حاتفهمي
**أو يبعتلك مرسال يقولك الموضوع انتهى بالنسباله و هو طبعا مش حاييجي بنفسه يقولك علشان هو طيب و ما يقدرش يقولك كدة في وشك علشان ما يقدرش يجرح مشاعرك و لما تسأل المرسال عن السبب يقولك (ما اعرفش حاجة و الله) و بينهي اجابته بكلمه و الله علشان ما ترغيش و ما تسألش كتير ده انا حلفتلك يعني بترغي في ايه؟ قال هو يعني فارق معاه حلفان 00
ساعتها هتحسي ان كل حاجة راحت منك00أغلى حاجة انت كنت عايشلها اختفت روحك طلعت منك و تحس انك اديتي قلبك لواحد ما يستاهلش هتحسي ان قلبك مات و تحسي ان كل اللي حواليك كدابين و مفيش حب في الدنيا خلاص كل الناس كدابه و محدش يستاهل و تفضلي تقول انا مش هحب تاني و تبصي تلاقي دموعك غصب عنك عماله تنزل و مش بعيد تتعبي لدرجة انك تدخل المستشفى من نفسيتك اللي بقت تحت الصفر و كل دقيقة تعدي تلاقي نفسك تقول هو الخسران و بعدين ننتقل لمرحله تشغيل الأغاني الكئيبه ) و طول ما انتي بتسمع عماله تقولي هو الخسران و بعدين تنزلي تشتري شرايط فيديو افلام كئيبه و تتفرجي عليها و قلبك يتقطع و تفضلي تعيطي و تقولي هو الخسران
هو الخسران قلب لو لف الدنيا كلها مش حايلاقي قلب يحبه زي قلبي 00هو الخسران حنيه لا يمكن حد حايديهاله قدي 00هو الخسران هو الخسران 00000000هو الخسران 000000000هو الخسران0000
لازم تحسى ان هو ما يستاهلش منك كل اللي بتعمليه ف نفسك ده 00انتي لازم تعرفي انك بتقطعي في نفسك و هو نايم مرتاح و بيصحى و بيتفسح و بيهرج و مش بعيد يكون عايش حياته مع حد تاني غيرك 00حطى لنفسك شعار أغنيه (ريح بالك )

للاسف هو ده الحوار الى بقى بيحصل اليومان دول
للاسف مبقاش فى ولد بيتحمل المسؤليه
كلهم بيخدهوا مجرد لعب فقط لا غير
قليييييييييييييييييييل جدا لما تلقى ولد جد و مش بيلعب
بس نرجع و نقول فى الاخر لازم ربنا هو الى نوجهله اى مشكله فى حيتنا
حتى لو كنا حسين ان الدنيا خلاص تعبتنا
افتكروا حاجه واحده بس
"كل ما يعمل يعمل للخير لاجل ابناء الله الذين يحبونه "

[مرموره]

معلش الموضوع طويل

[ToMa]

كلام جميل جدا يا مرمورة وانا معاكى فى كل حرف فيه

لكن فى حاجة مهمة جدا قبل كل ده ما يحصل من الاساس

المشكلة الاساسية ان الولد بيحب بعقله وبعد كده قلبه

لكن البنت العكس بتحب بقلبها وكل مشاعرها الاول وبعد كده عقلها

وعشان كده هى اللى بتسمح للولد انه يعمل فيها كل ده

انا معاكى ان فى ولاد كتير جدا بيلعبوا بمشاعر البنات

لكن لو البنت من الاساس فكرت كويس قبل ما تدخل فى اى علاقة حب

استحالة يحصل اى حاجة من الحاجات دى كلها

يبقى اساس المشكلة فى البنت نفسها

مش قصدى احمل البنت المسئولية كلها ولا انى ادافع عن الولد

لكن فعلا لو كل بنت تفكر كويس جدا قبل ما تحب هترتاح من كل التعب ده



ده مجرد رأى شخصى

[Team Work®]

وانا معاك يا توما وكمان فى حاجة كل واحدة لازم تشوف نفسها كويس حب اية اللى انا عاوزاة دلوقتى اصبر ششوة الحاجات دى ممكن تقصر عليكي لا بلاش

الحاجات دى ممكن تبعدنا عن ربنا يبقى بلاش دلوقتى كل حاجة لازم يكون ليها ميعاد ودة التفكير الصح واللى شغال بالعقل
شكرا ليكم

[digitalman_5]

+ موضوع فى منتهى الرووووووووووووعه يا مرمورة فعلا جميل جدا بس مش كل الولاد بيلعبوا بالبنات فى ولاد بتكون قد المسئولية وولاد لأ بس أنا الصراحه القصة دى أتكررت قدامى كذا مرة مع كذا واحد و واحده بس برده مش كلهم بيبقوا كده وزى ما هيما قال كل حاجة وليها وقتها +
وعلى فكره أنا قريت الموضوع كله على الرغم إنه طويل بس شدنى فعلا
:) :)

[اللة يرعانى]

فعلا موضوع حلو اوىىىىىىىى وبيحصل مع بنات وشباب وكتير بس البنت بطبعا الحنية ولد بيحب يخون كتير بس لازم تفكر كويس اوى قبل متحب حد ربنا معاكو

[مرموره]

كلام جميل جدا يا مرمورة وانا معاكى فى كل حرف فيه

لكن فى حاجة مهمة جدا قبل كل ده ما يحصل من الاساس

المشكلة الاساسية ان الولد بيحب بعقله وبعد كده قلبه

لكن البنت العكس بتحب بقلبها وكل مشاعرها الاول وبعد كده عقلها

وعشان كده هى اللى بتسمح للولد انه يعمل فيها كل ده

انا معاكى ان فى ولاد كتير جدا بيلعبوا بمشاعر البنات

لكن لو البنت من الاساس فكرت كويس قبل ما تدخل فى اى علاقة حب

استحالة يحصل اى حاجة من الحاجات دى كلها

يبقى اساس المشكلة فى البنت نفسها

مش قصدى احمل البنت المسئولية كلها ولا انى ادافع عن الولد

لكن فعلا لو كل بنت تفكر كويس جدا قبل ما تحب هترتاح من كل التعب ده



ده مجرد رأى شخصى

اولا ميرسى جدااااااااااااااااااااااااااااااااااااااا لمرورك على الموضوع و انك أدت رأئيك
بس على كده البنات كلها غلطانه
و الولد اصلا مبيفكرش غير بعقله القلب ده مبيتفكرش بيه اصلاااااااااااا
بس بجد ميرسى لمرورك على الموضوع و ردك الرائع ده

[مرموره]

وانا معاك يا توما وكمان فى حاجة كل واحدة لازم تشوف نفسها كويس حب اية اللى انا عاوزاة دلوقتى اصبر ششوة الحاجات دى ممكن تقصر عليكي لا بلاش

الحاجات دى ممكن تبعدنا عن ربنا يبقى بلاش دلوقتى كل حاجة لازم يكون ليها ميعاد ودة التفكير الصح واللى شغال بالعقل
شكرا ليكم

كلامك صح جدا يا هيما بس ده مينفيش ان معظم الولاد برضو بيلعبوا بقلوب البنات لان معروف المرأه حبها أقوى من الرجل حتى لو كان أعجاب
ميرسى بجد لمرورك على الموضوع:)

[مرموره]

+ موضوع فى منتهى الرووووووووووووعه يا مرمورة فعلا جميل جدا بس مش كل الولاد بيلعبوا بالبنات فى ولاد بتكون قد المسئولية وولاد لأ بس أنا الصراحه القصة دى أتكررت قدامى كذا مرة مع كذا واحد و واحده بس برده مش كلهم بيبقوا كده وزى ما هيما قال كل حاجة وليها وقتها +
وعلى فكره أنا قريت الموضوع كله على الرغم إنه طويل بس شدنى فعلا

ميرسى بجد لمرورك على الموضوع و ردك و طولت بالك انك قرات الموضوع لأخره ميرسى بجد :)

[مرموره]

فعلا موضوع حلو اوىىىىىىىى وبيحصل مع بنات وشباب وكتير بس البنت بطبعا الحنية ولد بيحب يخون كتير بس لازم تفكر كويس اوى قبل متحب حد ربنا معاكو

ميرسى بجد يا مريم لمرورك على الموضوع بجد :)

[maroo]

هاي يا جماعه انا لسه جديدة معاكم بس حظي اول مدخلت دخلت علي الموضوع دة فعلا بيتكرر كتير جدا بس تخيلو كمان لما الولد يدخل البيت كمان ويعلق البنت بيه وبعد كدة يكتشف انه مش قد المسؤليه طب بتدخل ليه من الاول وهيم وتوما انتو في صف الاولاد ولا متحيزين بقي هههههههههههههى
مهي البنت ممكن برضو تفكر بعقلها وتختار انسان تحس انه عاقل وكويس وراجل وبيطلع حاجه تانيه في الاخر ويقول اي حجه تافهه رغم انه معجب بالبنت
اصل ماما مش موافقه اصلها عايزاني لقريبتي وكلام فاضي كدة يعني هو موضوع صعبالاختيار صعب جدا جدا جدا وخاصه اننا جوازنا مؤبد وربنا يستر بقي وميرسي ليكم لقبولي عضوة معاكم وارجو اني مكنش غلست

[مرموره]

هاي يا جماعه انا لسه جديدة معاكم بس حظي اول مدخلت دخلت علي الموضوع دة فعلا بيتكرر كتير جدا بس تخيلو كمان لما الولد يدخل البيت كمان ويعلق البنت بيه وبعد كدة يكتشف انه مش قد المسؤليه طب بتدخل ليه من الاول وهيم وتوما انتو في صف الاولاد ولا متحيزين بقي هههههههههههههى
مهي البنت ممكن برضو تفكر بعقلها وتختار انسان تحس انه عاقل وكويس وراجل وبيطلع حاجه تانيه في الاخر ويقول اي حجه تافهه رغم انه معجب بالبنت
اصل ماما مش موافقه اصلها عايزاني لقريبتي وكلام فاضي كدة يعني هو موضوع صعبالاختيار صعب جدا جدا جدا وخاصه اننا جوازنا مؤبد وربنا يستر بقي وميرسي ليكم لقبولي عضوة معاكم وارجو اني مكنش غلست


اولا منوووووووررررررررررره جداااااااااااااااااااااا المنتدى يا ماروو بجد و حظى الحلو انك لما تتدخلى تتدخلى على الموضوع ده و بجد نورتى :)
و ميرسى جداااااااااااااااااااااااااااااااااااااااا جدااااااااااااااااااااااا لردك الرااااااااائع ده ميرسى بجد :)

[nermos1982]

موضوع حلو اوى بجد لانه حقيقى وانا شفت الموضوع ده حصل .
يا خسارة الحب اللى راح كل واحد عايز يتسلى شوية يقول للبنت بحبك .كلمة بحبك دى بقت كلمة مالهاش معنى . عمر مافيه بنت هاتصدق الكلمة دى

[مرموره]

موضوع حلو اوى بجد لانه حقيقى وانا شفت الموضوع ده حصل .
يا خسارة الحب اللى راح كل واحد عايز يتسلى شوية يقول للبنت بحبك .كلمة بحبك دى بقت كلمة مالهاش معنى . عمر مافيه بنت هاتصدق الكلمة دى

اولا ميرسى جدااااااااااااااا لمشركتك فى الموضوع
بس هو فى ناس بتقولها بصدق بس ده احتمال 1% دلوقتى
ميرسى لمرورك :)

[Narmar]

انا بحترم رايكم كلكم والموضوع بجد جميل
بس فى حاجه
هو ليه دايما بنجيب اللوم على الولد انه اللى غلطان او بيتسلى ما اليومين دول بتحصل من الاتنين اه معاكم انها بتحصل من الولاد اكتر بس برضه يعنى مش كل البنات ملايكه ده لو فيهم ملايكه اصلا ههههههههه ما علينا بس بجد انا مش عارف الناس بتفرق ليه المفروض لما نتكلم فى اى موضوع نتكلم عموما و عاميه على الجنس البشرى ككل مش رجل وامراه لان الجميع خطاه . معلش خرجت عن الموضوع بس كنت عاوز اقول كده :)
شكرا ليكى يا مرمورة على الموضوع ...

[مرموره]

انا بحترم رايكم كلكم والموضوع بجد جميل
بس فى حاجه
هو ليه دايما بنجيب اللوم على الولد انه اللى غلطان او بيتسلى ما اليومين دول بتحصل من الاتنين اه معاكم انها بتحصل من الولاد اكتر بس برضه يعنى مش كل البنات ملايكه ده لو فيهم ملايكه اصلا ههههههههه ما علينا بس بجد انا مش عارف الناس بتفرق ليه المفروض لما نتكلم فى اى موضوع نتكلم عموما و عاميه على الجنس البشرى ككل مش رجل وامراه لان الجميع خطاه . معلش خرجت عن الموضوع بس كنت عاوز اقول كده
شكرا ليكى يا مرمورة على الموضوع ...

اه هنجيب اللوم على الود لسبب انه هو أس البلاوى
و بعدان نوع البنات الى انت بتكلم عليهم ده موجود قليل جدااااااااااااااا
واحن بنتكلم عن السبب الاكتر و ال هو الولاااااااااااد
ميرسى لمشركتك فى الموضوع

[Narmar]

اه هنجيب اللوم على الود لسبب انه هو أس البلاوى
و بعدان نوع البنات الى انت بتكلم عليهم ده موجود قليل جدااااااااااااااا
واحن بنتكلم عن السبب الاكتر و ال هو الولاااااااااااد
ميرسى لمشركتك فى الموضوع
بالراحه طيب متزعقيش :36_6_8:طيب مثال بسيط شوفى كده بنات المنتدى :36_1_28: أعوزباللله من دى بنات :36_1_4: شوفى دول على الاقل وبعد كده اتكلمى :) :@

[مرموره]

بالراحه طيب متزعقيش طيب مثال بسيط شوفى كده بنات المنتدى أعوزباللله من دى بنات شوفى دول على الاقل وبعد كده اتكلمى :@

مالهم بنات المنتدى ياعنى عاملوا ايه
بنات زى الفل
بص كده على ولادالمنتدى
أعوز بالله

[marmarina]

الحب شئ جميل واحساس اجمل
بس يبقى اجمل واجمل لو كان لربنا
مرسى على موضوعك يا مرمورة

[@ حبيب مار جرجس @]

مالهم بنات المنتدى ياعنى عاملوا ايه
بنات زى الفل
بص كده على ولادالمنتدى
أعوز بالله

سلام الرب يسوع المسيح له المجد يكون مع الكل .
ايه يا بنتي انت دخله خناقه اهدي شويه
موضوعك جميل جدا والكلام اليلي فيه بيحصل فعلا
وبيحصل عكسه برضه شكرا ليكي

[مرموره]

الحب شئ جميل واحساس اجمل
بس يبقى اجمل واجمل لو كان لربنا
مرسى على موضوعك يا مرمورة

ميرسى بجد يا مارينا على مشركتك الى نورت الموضوع اكتر واكتر :)

[مرموره]

ايه يا بنتي انت دخله خناقه اهدي شويه
موضوعك جميل جدا والكلام اليلي فيه بيحصل فعلا
وبيحصل عكسه برضه شكرا ليكي

هههههههههههههههههههههههههههههههههههههههههههههههههه ههههههههههههه
هههههههههههههههههههههههههههههههههههههههههههههههههه هههه
خناقه ايه بس ربنا ما يجيب خناق
و ميرسى لمرورك على الموضوع :)

[maggy]

موضوع فعلا حلو والمشكله انه بيحصل كتير جدا ميرسى يامرموره

[nrmo]

ميرسى يا مرموره على الموضوع الجميل ده وفعلا هو موضوع مهم لان المعظم من الاولاد دلوقتى تفكيرهم كله فى الحاجات دى والنت بقى يساعد على كده وطبعا البنات هى اللى بتديهم الفرصه ديا فياريت كل البنات تاخد بالها ومش اى حد يقولها كلمه حلوه تمشى وراها وشكرا على الموضوع

[beshoy]

يحدث ايضا من البنات ممكن تحس باعجاب الولد وتفرح جدا وتسكت ولا تصده رغم انها مش عايزة ترتبط
حدذ كثيرا ذلك انا شاهدتها فى اصدقائى وزميلاتى بعض الامثلة انهم ساكتون على اهتمام شاب بهم
رغم انهم لايفكرونوا اساسا
يقولون نجعله احيتاطى اذا لزم الامر

والشاب يتعب ويحتار ويصدم فى الاخر

ومش البنات ملايكة


ولا كل الاولاد ملايكة

[مكاريوس]

موضوع حلو خالص بس ممكن البنت تتفادى الولد بانها تفهم اللى قدامها كويس وتتعامل على اساس كدة وما تقولليش ان فى ولاد مش بتبين البنت الزكية بتفهم اللى قدامها وحتى لو مش زكية فى كل حاجة هتبقى زكية فى الموضوع دة بالزات

[nana2020]

+ موضوع فى منتهى الرووووووووووووعه يا مرمورة فعلا جميل جدا

[مرمر]

شكرا اوي الموضوع حلو
ربنا معاكي

[melanora]

موضوع جنان رائع فعلا وبيحصل كتير
وميرسي ليكي علي مواضيعك الحلوة دي يا مرمورة
وربنا يباركك

[اسامه]

على فكره يا مرموره الموضوع ده مش بيحصل مع البنات بس وبيحصل مع الاولاد برضه ان يحب فتاه ويخلص فى حبه ويعطيها كل وقته وقلبه وماله وحياته كلها يكرسها لاسعاده وفى يوم يصحى على شيىء مفزع بان الهانم اتخطبت لواحد اخر فجاءه مع انها بالامس كانت تقول انها لا تستطيع العيش بدونى وانى كل حياتها وتبدا الاعذار المتخلفه بان اهلى يرونه مناسب وانها ضحية القهر الاسرى 000000 والى اخره ثم تظهر المفاجاه بان الهانم كانت على علاقه بنا نحن الاثنين كانت معى سنوات وعندما ظهر هذا الشاب فى حياتها دخلت معه فى علاقه حتى لا تفوت الفرصه وفى الاخر عملت مقارنه ووجدت انه افضل لانه اغنى ولذلك اتخذت القرار وفجاءه اتضح لها انى شيطان وان اخلاقى كذا وتصرفاتى كذا وطبعا كل ده اعزار واهيه حتى تهرب وبكل جبروت تسال يا ترى حتحضر زفافها شكرا لموضوعك ربنا يباركك ويسامحك